వైఎస్ జగన్

15:06 - October 19, 2018

తిరుమల: దివంగత ఎన్టీఆర్ సతీమణి లక్ష్మీపార్వతి ఈ ఉదయం తిరుమల శ్రీవారిని దర్శించుకున్నారు. సినీ దర్శకుడు రాంగోపాల్ వర్మతో కలిసి ఆమె తిరుమలకు వెళ్లారు. శ్రీవారి దర్శనం అనంతరం మీడియాతో మాట్లాడిన లక్ష్మీపార్వతి 2019 ఎన్నికల్లో పోటీ విషయమై స్పష్టత ఇచ్చారు. రానున్న అసెంబ్లీ ఎన్నికల్లో పోటీ చేయాలన్న ఆలోచన తనకు లేదని ఆమె తేల్చి చెప్పారు. కాగా, కృష్ణా జిల్లాలోని ఏదో ఒక నియోజకవర్గం నుంచి లక్ష్మీపార్వతి పోటీ చేస్తారని కొన్నాళ్లుగా ప్రచారం జరుగుతోంది. ఆ ఊహాగానాలకు లక్ష్మీపార్వతి ఇవాళ తెరదించారు.

ఏపీలో వైఎస్ఆర్ కాంగ్రెస్‌ పార్టీ విజయం కోరుకుంటూ రాష్ట్రవ్యాప్తంగా ప్రచారం మాత్రం చేస్తానని లక్ష్మీపార్వతి ఈ సందర్భంగా తెలిపారు. జగన్ గెలుపు కోసం తాను కృషి చేస్తానని ఆమె అన్నారు.

లక్ష్మీస్ ఎన్టీఆర్ పేరుతో రాంగోపాల్ వర్మ బయోపిక్‌ను తెరకెక్కిస్తున్న సంగతి తెలిసిందే. తిరుపతిలో లక్ష్మీస్ ఎన్టీఆర్ సినిమా పోస్టర్ విడుదల చేయనున్నారు. ఇందులో భాగంగా రాంగోపాల్ వర్మ, లక్ష్మీపార్వతిలు తిరుమల శ్రీవారిని దర్శించుకున్నారు.

 

19:16 - October 17, 2018

విజయనగరం: ఏపీ సీఎం చంద్రబాబు నాయుడుపై వైసీపీ అధినేత జగన్ ఫైర్ అయ్యారు. చంద్రబాబుపై జగన్ తీవ్ర వ్యాఖ్యలు చేశారు. రాక్షసుడు మహిషాసురుడికి మన ముఖ్యమంత్రి చంద్రబాబునాయుడుకి పోలికలు ఉన్నాయంటూ జగన్ అన్నారు. రాక్షసుడు మహిషాసురుడు అయితే మన ముఖ్యమంత్రి చంద్రబాబు నాయుడు ‘నారా సురుడు’ అని ఘాటు వ్యాఖ్యలు చేశారు. విజయనగరం జిల్లా బొబ్బిలిలో బహిరంగసభలో జగన్ ఈ వ్యాఖ్యలు చేశారు. రాష్ట్రంలో చంద్రబాబు పాలన మహిషాసురుడి పాలనలా ఉందన్న జగన్.. చంద్రబాబు ఎక్కడ అడుగుపెడితే అక్కడ కరవుకాటకాలేనని విమర్శించారు. పొదుపు సంఘాలకు ఒక్క రూపాయి కూడా రుణ మాఫీ చేయలేదని, రుణమాఫీ పేరిట మహిళలను దగా చేశారని జగన్ ఆరోపించారు. ఈవిధంగా మోసం చేస్తున్న చంద్రబాబును ‘నారా సురుడు’ అనాలా? 420 అనాలా? అంటూ విరుచుకుపడ్డారు.

15:07 - October 11, 2018

విజయవాడ: ఆంధ్రప్రదేశ్‌లో అధికార, ప్రతిపక్షాల మధ్య మాటల యుద్ధం జరుగుతోంది. ఒకరిపై ఒకరు తీవ్ర విమర్శలు చేసుకుంటున్నారు. ఏపీకి తీరని అన్యాయం చేసినా.. ప్రధాని మోదీని వైఎస్ జగన్ ఒక్క మాట కూడా అనడం లేదని, బీజేపీతో లోపాయికారి ఒప్పందం చేసుకున్న కారణంగానే జగన్ నోరు మెదపడం లేదని సీఎం చంద్రబాబు ఆరోపిస్తుంటే.. వైసీపీ నాయకులు అంతే ధీటుగా బదులిస్తున్నారు. బీజేపీతో కలిస్తే మాపై కొత్తగా ఈడీ కేసులు ఎందుకు పెడతారని? వైసీపీ నేత వైవీ సుబ్బారెడ్డి ప్రశ్నించారు. అసలు జాతీయ పార్టీలతో కలవాల్సిన అవసరం తమకు లేదన్నారాయన. ఎన్నికల్లో వైసీపీ ఒంటరిగానే పోటీ చేస్తుందని స్పష్టం చేశారు. రాష్ట్రానికి ద్రోహం చేసిన వ్యక్తి చంద్రబాబు అని మండిపడిన వైవీ సుబ్బారెడ్డి.. తమ రాజీనామాలపై మాట్లాడే అర్హత టీడీపీ నేతలకు లేదన్నారు. 

వంగవీటి రాధా ఎపిసోడ్‌పైనా వైవీ సుబ్బారెడ్డి స్పందించారు. వంగవీటి రాధా వైసీపీలోనే ఉన్నారని చెప్పారు. పార్టీ గెలుపు కోసం కొన్ని మార్పులు జరుగుతుంటాయన్నారు. ఇక 2019 ఎన్నికల్లో నేను ఒంగోలు నుంచే పోటీ చేయాలని ప్రజలు కోరుతున్నారని చెప్పిన వైవీ సుబ్బారెడ్డి.. తన పోటీపై అధినేత జగన్ నిర్ణయమే ఫైనల్ అవుతుందన్నారు.

15:23 - December 21, 2017
21:55 - December 14, 2017

అనంతపురం : లంచల కోసమే ఎఫ్ సీఐ గోదాములు మూశారని వైసీపీ అధ్యక్షుడు వైఎస్ జగన్ ఆరోపించారు. ఆయన ప్రజాసంకల్ప యాత్రకు స్వల్ప విరామన్ని ఇచ్చారు. రేపు కోర్టుకు హాజరుకవాల్సి ఉండడంతో ఈ నిర్ణయం తీసుకున్నారు. 

06:27 - November 10, 2017

విజయవాడ : అసెంబ్లీకి హాజ‌ర‌య్యే విషయంలో వైసీసీ శాసనసభ్యులు పునరాలోచనలో పడ్డారా? ఫిరాయింపు ఎమ్మెల్యేలతో రాజీనామా చేయించేవరకు.. అసెంబ్లీని బాయ్ కాట్ చేస్తున్నామ‌ని ఆ పార్టీ అధినేత చెబుతుంటే...ఎమ్మెల్యేలు మాత్రం ప్రజ‌ల‌కు ఏం స‌మాధానం చెప్పాలనే మీమాంసలో పడ్డారు. ఇటు పార్టీ గీత దాట‌లేక‌, అటు అసెంబ్లీ మెట్లు ఎక్కలేక నానాతంటాలు ప‌డుతున్నారు.

వైసీపీ ఎమ్మెల్యేలు అసెంబ్లీ సమావేశాలకు హాజ‌ర‌య్యే అంశం ఆ పార్టీలో హాట్‌టాఫిక్‌గా మారింది. ఫిరాయింపు ఎమ్మెల్యేలతో రాజీనామా చేయించేవరకు అసెంబ్లీ సమావేశాలను బహిష్కరిస్తున్నట్లు ఓ వైపు జగన్‌ చెబుతుంటే...ప్రజలకు ఏం స‌మాధానం చెప్పాలో అర్థంకాక ఎమ్మెల్యేలు స‌త‌మ‌త‌మ‌వుతున్నారు. 45 మంది ఎమ్మెల్యేల్లో కొంద‌రైనా స‌భ‌కు హాజ‌ర‌యితే పార్టీ తరఫునా మాట్లాడే అవ‌కాశం వ‌స్తుందని చ‌ర్చించుకుంటున్నారు. జ‌గ‌న్ ఏ జిల్లాలో పాద‌యాత్ర చేస్తే...ఆ జిల్లా శాసనసభ్యులు మిన‌హా మిగతా వారు హాజ‌రయితే బాగుటుందని అనుకుంటున్నారట. ప్రజ‌ల్లో పార్టీపై వ్యతిరేక‌త రాకుండా నిర్ణయం తీసుకోవాలని భావిస్తున్నారు.

మరోవైపు జ‌గ‌న్ ప్రజాసంకల్పయాత్ర చేపట్టడం వల్లే...ఆ పార్టీ నేతలు అసెంబ్లీని బహిష్కరించారనే ప్రచారం జోరుగా సాగుతోంది. అసెంబ్లీ సమావేశాలుంటే వైసీపీ ఎమ్మెల్యేలు పారిపోతున్నారని..అధికారపార్టీ విమర్శించడం దారుణమని ఆ పార్టీ నేతలు మండిపడుతున్నారు. స్పీకర్‌ ఇప్పటికైనా ఫిరాయింపు ఎమ్మెల్యేలపై వేటు వేస్తే సభకు హాజరయ్యేందుకు తాము సిద్ధమంటున్నారు. ఏదీ ఏమైనా..వైసీపీ ఎమ్మెల్యేలు అసెంబ్లీ సమావేశాలకు హాజరవుతారా లేక... అధినేత మాటకు కట్టుబడుతారా అన్నది ఏపీ పొలిటికల్‌ సర్కిల్‌లో చర్చనీయాంశంగా మారింది. 

11:07 - October 20, 2017

హైదరాబాద్ : కాసేపట్లో నాంపల్లి సీబీఐ కోర్టులో హాజరుకానున్నారు. నేడు జగన్ పాదయాత్ర పిటిషన్ పై కోర్టులో విచారణ జరగనుంది. పాదయాత్ర నేపథ్యంలో 6 నెలలపాటు ప్రత్యేక్ష విచారణ నుంచి మినహాయింపు కోరుతూ జగన్ పిటిషన్ వేశారు. తీర్పు ఎలా వస్తుందనే దానిపై ఉత్కంఠ కొనసాగుతోంది. మరింత సమాచారం కోసం వీడియో చూడండి.

09:41 - September 2, 2017

కడప: దివంగత ముఖ్యమంత్రి వైఎస్ రాజశేఖరరెడ్డి 8వ వర్ధంతిని ఆయన కుటుంబ సభ్యులు ఘనంగా నిర్వహించారు. ఇడుపులపాయలోని వైఎస్‌ఆర్ ఘాట్ వద్ద వైసీపీ అధినేత వైఎస్ జగన్‌, ఆయన తల్లి విజయమ్మ, సతీమణి భారతి, సోదరి షర్మిల, బ్రదర్‌ అనీల్‌ కుమార్‌, వైఎస్‌ వివేకానందరెడ్డితో పాటు పలువురు పుష్పగుచ్ఛాలు ఉంచి నివాళులర్పించారు. వైఎస్‌ఆర్ ఆత్మకు శాంతి చేకూరాలని కుటుంబ సభ్యులు రెండు నిమిషాలు మౌనం పాటించారు. వైఎస్‌ఆర్‌ భౌతికంగా లేకపోయినా ప్రజల గుండెల్లో చిరస్థాయిగా నిలిచిపోయారని ఈ సందర్భంగా జగన్‌ ట్విట్‌ చేశారు.

12:38 - August 5, 2017

కర్నూలు : చిన్న వయసులో మంత్రి పదవి రావడంతో అఖిలప్రియకు కొమ్ములు వచ్చాయని వైసీపీ నేత రోజాల అన్నారు. అఖిల ప్రియకు ఏం చేస్తుందో ఆమెకే అర్థం కావడం లేదని ఎద్దేవా చేశారు. మహిళల గురించి మాట్లాడే అర్హత అఖిల ప్రియకు లేదన్నారు. తల్లి ఆశయాలకు తూట్లు పొడిచే విధంగా అఖిల ప్రియ వ్యవహరిస్తున్నారని విమర్శించారు. తల్లిదండ్రుల కంటే పదవే ముఖ్యమనుకున్నావన్నారు. నంద్యాలలో లక్ష మందితో మీటింగ్ పెట్టి.. మూడేళ్లలో ఇచ్చిన 6 వందల హామీల్లో ఎన్ని నెరవేర్చారో చెబితే ప్రజలు ఓట్లు వేయాలో వద్దో ఆలోచిస్తారన్నారు.  తల్లిదండ్రుల కంటే నీతిమాలిన రాజకీయం చేస్తోందా నీవా? జగనా అని ప్రశ్నించింది. నీవు జగన్ మోహన్ రెడ్డితో పోల్చుకోవడం ఏంటి అన్నారు. ఈ రోజు కూడా అసెంబ్లీలో వైఎస్సార్ కాంగ్రెస్ పార్టీలో వున్నారు. ప్రజల్లోకి వెళ్లేందుకుమొహం చెల్లక ప్రెస్ మీట్లు పెట్టి జగన్ మీద ఆరోపణలు చేస్తున్నారని మండి పడ్డారు.  ఇప్పటి వరకు లోకేష్ ఒక్కడే పప్పునుకున్నా... అఖిల ప్రియ లేడీ పప్పు అని ఎద్దేవా చేశారు. చంద్రబాబు చుట్టూ మొత్తం పప్పు బ్యాచ్ చేరిందన్నారు. జగన్ నిప్పులాంటి వాడని కాబట్టే చక్రపాణి రెడ్డితో రాజీనామా చేయించి పార్టీలో చేర్చుకున్నారని తెలిపారు. చంద్రబాబు కు ధైర్యం వుంటే పార్టీమారిన 20 మందితో రాజీనామా చేయించి ఎన్నికలకు వస్తే ఎవరు పప్పో, ఎవరు నిప్పో ప్రజలే చెప్తారని తెలిపారు.

10:09 - July 13, 2017

తెలుగు రాష్ట్రాల్లో ఎన్నికల హడావుడి మొదలైపోయినట్టేనా ? ఇంకా సమయం ఉన్నా విపక్షాలు అధికారంలోకి రావడానికి అప్పుడే వ్యూహాలు రచిస్తున్నాయా ? అధికార పార్టీలను మట్టిలో కలిపేయాలని ప్రణాళికలు రచిస్తున్నాయా ? పార్టీ అధికారంలోకి రావడానికి తీసుకోవాల్సిన జాగ్రత్తలు..ముందస్తుగా వెళుతున్నారంటే పార్టీలు భయపడుతున్నాయా ? ఈ ప్రశ్నలకు అవుననే సమాధానం వస్తోంది. ఏమాత్రం ప్రజా సమస్యలను పట్టించుకోకుండా ఎన్నికల మాటలు మాట్లాడేస్తున్నారు.

2019లో ఎన్నికలు..
ఆంధ్రప్రదేశ్..తెలంగాణ రాష్ట్రాల్లో 2019 ఎన్నికలు జరుగున్నాయి. కానీ ఇరు రాష్ట్రాల్లో ఉన్న ప్రధాన పార్టీలు అప్పుడే ఎన్నికలకు సిద్ధమౌతున్నాయి. ప్రధానంగా ఏపీలో ప్రతిపక్షంగా ఉన్న వైసీపీ తాము అధికారంలోకి వస్తే ఏం చేస్తామో ముందే హామీలు గుప్పించడంతో ఒక్కసారిగా రాజకీయ వాతావరణం వేడెక్కింది. గత ఎన్నికల్లో అధికార పార్టీకి వైసీపీకి ఓట్ల తేడా 1.8 శాతం మాత్రమే ఉందనే సంగతి తెలిసిందే. తొలిసారి ఎన్నికల్లో పోటీ చేసిన వైసీపీ భారీగానే ఓట్లు సంపాదించడం..ఈసారి ఎన్నికల్లో ముందే కృషి చేస్తే అధికారంలోకి రావడం ఖాయమని వైసీపీ భావిస్తున్నట్లు తెలుస్తోంది.

తమదే అధికారం అంటున్న టిడిపి..
కానీ అధికారంలో ఉన్న టిడిపి మాత్రం మరోసారి అధికారంలోకి రావడం ఖాయమని ధీమాగా చెబుతోంది. 2050 వరకు ఏపీని అగ్రస్థానంలో నిలబెడుతామని సీఎం చంద్రబాబు నాయుడు పేర్కొంటున్నారు. ప్రతిపక్షం చేస్తున్న విమర్శలను ఎప్పటికప్పుడు తిప్పికొడుతున్నారు. వైసీపీ ప్లీనరీ అనంతరం టిడిపి కూడా వ్యూహాలు రచిస్తున్నట్లు తెలుస్తోంది. ఇంటింటికి టిడిపి పేరిట నేతలు జనాల్లోకి వెళ్లాలని అధినాయకుడు ఆదేశాలు జారీ చేసినట్లు సమాచారం.

తెలంగాణ రాష్ట్రంలో..
తెలంగాణ రాష్ట్రంలో అధికారంలోకి వచ్చిన గులాబీ పార్టీ మరోసారి అధికారం తమదేనని ఖాయమంటోంది. ప్రధాన పార్టీలు టిడిపి..కాంగ్రెస్ లు అప్పుడే వ్యూహాలు రచిస్తున్నాయి. కాంగ్రెస్ ఉపాధ్యక్షుడు రాహుల్ గాంధీతో బహిరంగసభ ఏర్పాటుతో ఎన్నికల సమరానికి ముందే శంఖం పూరించింది. ఆ పార్టీకి చెందిన పలువురు నేతలు ప్రభుత్వంపై విమర్శల దాడి పెంచుతున్నాయి. టి.టిడిపి కూడా ప్రణాళికలు రచిస్తున్నట్లు తెలుస్తోంది. ఆ పార్టీకి చెందిన కీలక నేతలు ఆయా సమస్యలపై నిలదీసే ప్రయత్నం చేస్తున్నారు. రాష్ట్రంలో జరుగుతున్న ప్రధాన సమస్యలపై ప్రధాన పార్టీ కాంగ్రెస్ పలు హామీలు గుప్పిస్తోంది. తాము అధికారంలోకి వస్తే ఏం చేస్తామో అప్పుడే ప్రకటించడం గమనార్హం.

ప్రజా సమస్యల మాటేమిటి ?
తెలుగు రాష్ట్రాల్లో ఎన్నికల మాటలు మాత్రమే మాట్లాడుతున్నారు కానీ ప్రజా సమస్యలపై చర్చించడం లేదనే విమర్శలున్నాయి. ప్రధాన పార్టీలు కూడా ఎన్నికల మాటలు..మాట్లాడడం..అప్పుడప్పుడు ప్రజా సమస్యలు లేవనెత్తున్నాయనే అభిప్రాయాలు వినిపిస్తున్నాయి. ప్రజా సమస్యలపై ముందు నుండి పోరాటం చేస్తున్న వామపక్షాలు మాత్రం ఇందుకు భిన్నంగా వ్యవహరిస్తున్నాయి. పోరాట పంథాను కొనసాగిస్తున్నాయి. ప్రజాసమస్యలపై ఎక్కడికక్కడ ఆందోళనలు..నిరసనలు కొనసాగిస్తూ ప్రభుత్వ వైఖరిని ఎండగడుతున్నాయి. రైతులు..అంగన్ వాడీలు..కాంట్రాక్టు కార్మికులు..టీచర్లు..ప్రతి రంగంలో ఎదుర్కొంటున్న సమస్యలపై వామపక్ష నేతలు పోరాటం చేస్తూనే ఉన్నారు. అధికారంలోకి రావడమే లక్ష్యమని..ప్రజా సమస్యలు వారికి పట్టవని నేతలు విమర్శలు గుప్పిస్తున్నారు.
కానీ అంతిమంగా ప్రజలే నిర్ణేతలు..అధికారంలోకి రావాలని కలలు కంటున్న నేతల ఆశలు నెరవేరుతాయా ? లేదా ? అనేది రానున్న రోజుల్లో తేలుతుంది..అప్పటి వరకు ఇలాంటి మాటలు వింటూ ఉండాల్సిందే...

Pages

Don't Miss

Subscribe to RSS - వైఎస్ జగన్