వైసీపీ

17:13 - December 12, 2018

హైదరాబాద్ : వివాదాస్పద, సంచనల వ్యాఖ్యలకు ఎంఐఎం అధినేత, ఎంపీ అసదుద్దీన్ ఒవైసీ కేరాఫ్ అడ్రస్ గా వుంటారు. తెలంగాణ ఎన్నికల్లో ఏపీ సీఎం చంద్రబాబు నాయుడు ప్రచారంతో అటు గులాబీ బాస్ కేసీఆర్, ఇటు ఎంఐఎం నేత అసదుద్దీన్ తీవ్ర ఆగ్రహంతో వున్నారు. దీంతో ఒవైసీ సంచలన వ్యాఖ్యలు చేశారు. చంద్రబాబుకు తన సొంత రాష్ట్రంలోనే వ్యతిరేకత ఉందనీ..వచ్చే ఎన్నికల్లో ఎంపీ స్థానాలు రెండు కూడా గెలవలేరని జోస్యం చెప్పారు. ఏపీలో తాను ప్రచారం చేస్తే ఎలా వుంటుందో? ఆ  ప్రభావం ఎలా ఉంటుందో చంద్రబాబుకు రుచి చూపిస్తాననీ..ఏపీకి వెళ్లి జగన్ కు మద్దతిస్తానని ఎంఐఎం అధినేత అసదుద్దీన్ ఒవైసీ సంచలన వ్యాఖ్యలు చేశారు. కోట్ల రూపాయలు ఖర్చు పెట్టి ప్రచారం చేసినా తెలంగాణలో చంద్రబాబు ఫలితాలు సాధించలేకపోయారని అసదుద్దీన్ ఎద్దేవా చేశారు. మరి దీనిపై చంద్రబాబు ఎలా స్పందిస్తారో? తనకు మద్దతిస్తానని అసదుద్దీన్ ప్రటకటించంపై జగన్ ఎలా స్పందిస్తారో చూడాలి. ఈ క్రమంలో ఏపీలో 2019లో రానున్న అసెంబ్లీ ఎన్నికలు తెలంగాణ ఎన్నికల కంటే వాడీ వేడీగా జరగనున్నట్లుగా తెలుస్తోంది. కాగా ఏపీ ఎన్నికలల్లో తాము కూడా వేలు పెడతామనీ కేసీఆర్, కేటీఆర్ కూడా ప్రకటించటంతో ఏపీ ఎన్నికలు ఊహించినదానికంటే వేడిగా జరుగుతాయనే సంకేతాలు వినిపిస్తున్నాయి.
 

09:43 - December 8, 2018

శ్రీకాకుళం : హిందూపురం ఎమ్మెల్యే బాలక‌ృష్ణ నియోజకవర్గంలో టీడీపీకి షాక్ తగిలింది. ఆ పార్టీ కీలక నాయకుడు, మాజీ ఎమ్యెల్యే అబ్దుల్ ఘని పార్టీని వీడారు. టీడీపీకి రాజీనామా చేస్తున్నట్లు ప్రకటించిన ఘనీ వైసీపీ కండువా కప్పుకున్నారు. డిసెంబర్ 8వ తేదీ శనివారం సిక్కోలు జిల్లాల్లొని కేసవరావుపేట వద్ద వైసీపీ అధ్యక్షుడు జగన్ సమక్షంలో వైసీపీ తీర్థం పుచ్చుకున్నారు.
సీటు త్యాగం...
2004-2009లో జరిగిన ఎన్నికల్లో ఏకంగా వైఎస్ రాజశేఖరరెడ్డిని ధీటుగా ఎదుర్కొన్న ఘనీ విజయదుంధుభి మ్రోగించారు. గత ఎన్నికల్లో మాత్రం బాలయ్య కోసం అబ్దుల్ ఘనీ సీటును త్యాగం చేయాల్సి వచ్చింది. కానీ ఆ సమయంలో పార్టీ అధిష్టానం ఇచ్చిన హామీలను విస్మరిస్తోందని..పార్టీ పట్టించుకోవడం లేదని ఘనీ తీవ్ర అసంతృప్తికి లోనయినట్లు సమాచారం. దీనితో కొంతకాలంగా పార్టీ కార్యక్రమాలకు దూరంగా ఉంటూ వస్తున్నాడు. తాజాగా వైసీపీ పార్టీలో్ చేరడంతో టీడీపీకి ఎలాంటి నష్టం వాటిల్లనుందో చూడాలి. 

18:20 - November 26, 2018

విజయవాడ: జగన్ ఎందుకు అసెంబ్లీకి వెళ్లడం లేదని జనసేన అధినేత పవన్ కళ్యాణ్ చేసిన విమర్శలకు వైఎస్ఆర్ కాంగ్రెస్ పార్టీ నాయకులు బదులిచ్చారు. చంద్రబాబుని రక్షించేందుకు జనసేన పార్టీ పెట్టిన పవన్ కళ్యాణ్‌కు జగన్‌ను విమర్శించే స్థాయి లేదని వైఎస్ఆర్ కాంగ్రెస్ పార్టీ అధికార ప్రతినిధి అంబటి రాంబాబు అన్నారు. ముఖ్యమంత్రి చంద్రబాబుని రక్షించేందుకు పుట్టిన పార్టీలే జనసేన, లోక్‌సత్తా అని అంబటి విమర్శించారు. చంద్రబాబును అధికారంలోకి తెచ్చేందుకు పవన్, జేపీ, లక్ష్మీనారాయణ యత్నిస్తున్నారని అంబటి ఆరోపించారు. బండికి కొత్త డ్రైవర్‌ వచ్చినట్లుగా.. లోక్‌సత్తా పార్టీకి కొత్త అధ్యక్షుడిగా సీబీఐ మాజీ జేడీ లక్ష్మీనారాయణ వచ్చారని అంబటి రాంబాబు ఎద్దేవా చేశారు.
నీతి, నియమాల గురించి మాట్లాడే లోక్‌సత్తా నాయకులు.. ఈ నాలున్నరేళ్ల చంద్రబాబు అవినీతి, కాల్‌మనీ, సెక్స్‌రాకెట్‌పై ఎందుకు స్పందించలేదని ప్రశ్నించారు. చంద్రబాబు కోసం పుట్టిన కవలల్లో ఒకటి లోక్‌సత్తా పార్టీ కాగా, మరొకటి జనసేత పార్టీ అని ఆయన ఎద్దేవా చేశారు. ప్రభుత్వ వ్యతిరేక ఓట్లను చీల్చేందుకే చంద్రబాబు ఇలాంటి ప్రయత్నాలు చేస్తున్నారని మండిపడ్డారు. ఎన్నికల సమయం దగ్గరపడుతుండటంతో గోదావరి-పెన్నా నదుల అనుసంధానం పేరుతో చంద్రబాబు ఎన్నికల ప్రచారం చేస్తున్నారని విమర్శించారు. పట్టిసీమ నుంచి రాయలసీమ వరకు చంద్రబాబు అంతా దోచేశారని అంబటి అన్నారు.

16:15 - November 25, 2018

హైదరాబాద్ : టీడీపీ నేత సుజనాచౌదరిపై వైసీపీ నేత సి.రామచంద్రయ్య తీవ్రస్థాయిలో విమర్శలు చేశారు. సుజనాచౌదరి ఆర్థిక ఉగ్రవాది అని ఘాటు వ్యాఖ్యలు చేశారు. సుజనాచౌదరి ఆర్థిక అక్రమాలకు పాల్పడ్డారని ఆరోపించారు. ఈమేరకు హైదరాబాద్ లో రామచంద్రయ్య మీడియాతో మాట్లాడారు. అధికారాన్ని అడ్డంపెట్టుకుని అడ్డగోలుగా సంపాదించారని పేర్కొన్నారు. సుజనాచౌదరి అక్రమ సంపాదనతో చంద్రబాబు ఎమ్మెల్యేలను కొన్నారని తీవ్ర విమర్శలు చేశారు. సుజానాచౌదరి వేల కోట్ల రూపాయలు ఎలా సంపాదించారో చంద్రబాబు సమాధానం చెప్పాలని ప్రశ్నించారు. ప్రజాస్వామ్యాన్ని కూనీ చేశారని మండిపడ్డారు.  

 

09:24 - November 24, 2018

హైదరాబాద్ : జేడీ...ఈ పేరు చెబితేనే అక్రమార్కుల గుండెల్లో రైళ్లు పరుగుతుండెవి. సీబీఐ మాజీ జాయింట్ డైరక్టర్‌గా ఉన్న జేడీ లక్ష్మీనారాయణ పేరు తెలియని వారుండరంటే నమ్మశక్యం కాదు. ఉమ్మడి ఏపీ రాష్ట్రంలో పలు కీలకమైన కేసుల్లో ఆయన దర్యాప్తు చేశారు. జగన్ అక్రమాస్తుల కేసు..సత్యం కంప్యూటర్స్‌..గాలి జనార్దన్‌రెడ్డి అక్రమాలపై కేసులను దర్యాప్తు చేసి సంచలన సృష్టించారు. తాజాగా ఆయన రాజకీయ రంగ ప్రవేశం చేయనున్నారు. రాజకీయాలపై స్పష్టమైన ప్రకటన త్వరలోనే రాబోతుందని ప్రచారం జరుగుతో్ంది. 
ఏపీ రాష్ట్రంలో ప్రజా సమస్యలపై దృష్టి సారించిన ఈయన పలు ప్రాంతాల్లో పర్యటించి ప్రజల జీవనస్థితిగతులు..పాలన ఎలా జరుగుతుందనే దానిపై ఆరా తీశారు. దీనితో ఆయన ఏ పార్టీలో చేరుతారనే చర్చ జరిగింది. టీడీపీ..వైసీపీ...జనసేన..బీజేపీ..ఇలా ఏ పార్టీ కండువా కప్పుకుంటారనే దానిపై సోషల్ మాధ్యమాల్లో కుప్పలు తెప్పలుగా వార్తలు వెలువడ్డాయి. ఆయన ఏ పార్టీలో చేరరని..ఆయనే సొంతంగా పార్టీని ప్రకటించనున్నట్లు టాక్. 
జేడీగా గుర్తింపు పొందిన ఆయన తన పార్టీ పేరు కూడా..అలాలే వచ్చేలా నామకరణం చేయనున్నట్లు తెలుస్తోంది. ‘జన ధ్వని’ (జేడీ) అని పెట్టవచ్చని ప్రచారం జరుగుతోంది. తొలుత 'వందేమాతరం' పేరు పెట్టనున్నట్లు టాక్. నవంబరు 26న పార్టీ పేరు..అజెండా..సిద్ధాంతాలను..జేడీ లక్ష్మీనారాయణ అధికారికంగా ప్రకటిస్తారని తెలుస్తోంది. హైదరాబాద్‌లోని పబ్లిక్ గార్డెన్స్ వేదిక కానున్నట్లు సమాచారం. మరి జేడీ లక్ష్మీనారాయణ రాజకీయాల్లోకి వచ్చి పార్టీని స్థాపిస్తే ఏపీకి మాత్రమే పరిమితమౌతారా ? లేక తెలంగాణలో కూడా పార్టీని విస్తరిస్తారా ? అనేది చూడాలి. 

17:32 - November 22, 2018

అమరావతి : మంత్రి నారా లోకేశ్ కు ప్రతిపక్ష నేత వైఎస్ జగన్ కు ఉప్పు నిప్పులా వుంటారు. అటుంటిది మంత్రి లోకేశ్ జగన్ కు ఓ అవార్డు ఇవ్వవచ్చు అంటు ట్వీట్ చేశారు. అదిప్పుడు హాట్ టాపిక్ గా మారిపోయింది. ఇంతకీ ఈ అవార్డ్ ఎందుకంటే జగన్ నటన లోకేశ్ కు తెగ నచ్చేసిందట. అందుకే ఓ అవార్టును ఆయనకు ఇవ్వొచ్చు అంటున్నారు మంత్రి నారా లోకేశ్, 
అట్టర్ ఫ్లాప్ డ్రామాలు, చెత్త నటనకు అవార్డులుంటే.. వైసీపీ అధినేత జగన్‌కే మొత్తం అవార్డులు వస్తాయంటున్నారు ఏపీ మంత్రి నారా లోకేష్. వరుసగా మూడు డ్రామాలు ఫెయిలైనా.. నటన మాత్రం ఏమాత్రం తగ్గడం లేదంటూ పంచ్‌లు పేల్చారు. ప్రజా సంకల్ప యాత్రలో భాగంగా.. విజయనగరం జిల్లా కురుపాంలో జరిగిన బహిరంగ సభలో జగన్ చేసిన విమర్శలకు.. ట్విట్టర్ వేదికగా లోకేశ్ కౌంటరిచ్చారు.

‘‘జగన్ మోహన్ రెడ్డి గారు ముందు 108 డ్రామా.. ఆ వెంటనే మళ్లీ కోడికత్తి డ్రామా, ఇప్పుడు కొత్తగా ఆవు డ్రామాలాడుతున్న మీ  చెత్త నటనకు.. అట్టర్ ఫ్లాప్ డ్రామాలకు అవార్డులంటూ ఉంటే.. జగన్‌ అన్ని దక్కించుకుంటారు. కాని ఈసారికి మాత్రం చెత్త నటనకు భాస్కర్ అవార్డుతో గౌరవించుకుందాం అంటూ సెటైర్లు పేల్చారు. అలాగే ఓ వీడియోను కూడా ట్వీట్ చేశారు మంత్రి. 
 ఈ ట్విట్టర్ సెటర్స్ కు కారణమైన జగన్ విమర్శలు : 
రెండు రోజుల క్రితం ప్రజా సంకల్ప యాత్రలో భాగంగా.. విజయనగరం జిల్లా కురుపాంలో జగన్ ప్రసంగం సమయంలో  ఓ ఆవు జనాల్లోకి దూసుకొచ్చింది. దీనిపై జగన్ ఆవును కూడా అధికార పార్టీ విమర్శలకు వాడేసుకున్నారు. మీటింగ్ జరుగుతుంటే ఆవుల్ని పంపిస్తున్న తెలుగు దేశం వాళ్లు మనుషులేనా?అంటూ మండిపడ్డారు. ఈ వ్యాఖ్యలపైనే ట్విట్లర్ లో నారా లోకేశ్ చెత్త నటన, భాస్కర్ అవార్టులు అంటు సెటైర్స్ వేశారు.

విజ‌య‌న‌గ‌రం జిల్లాలో జరిగి బ‌హిరంగ స‌భ స‌మ‌యంలో ఓ మ‌హిళ ప్ర‌స‌వం కోసం ఆటోలో వెళ్తూ స‌భా వ‌ద్ద‌కు వ‌చ్చి దారి ఇవ్వ‌మ‌ని బంధువులు కోరారు. దీన్ని కూడా జగన్ ప్రభుత్వ విమర్శలకు విరివిగా వాడేసుకున్నారు. ‘‘ప్ర‌భుత్వం 108 వ్య‌వ‌స్థ‌ను నిర్వీర్యం చేసింద‌ని..అనంతరం మరో సభ జరగుతున్న సందర్భంలో 108 అటువైపుగా రావడంతో.. టీడీపీ నేతలు కుట్రలు చేస్తూ.. ఉద్దేశపూర్వకంగా వాహనాన్ని సభవైపుగా పంపారని ఆరోపించారు. దీనికి మంత్రులు కూడా గట్టిగానే కౌంటర్ ఇచ్చారు. ఆ వాహనంలో ఆస్పత్రికి వెళ్లిన పేషెంట్ ఆధారాలతో సహా మీడియా ముందు ఉంచారు.
ఈ నేపథ్యంలో  జగన్ చేసిన విమర్శలకు మంత్రి నారా లోకేశ్ ట్విట్టర్ వేదికగా చెత్త అవార్డులు, భాస్కర్ అవార్డులు అంటు జగన్ కు గట్టి కౌంటర్స్ పేల్చారు.
 

09:35 - November 21, 2018

నెల్లూరు: టీడీపీ ధర్మ పోరాట దీక్షలో ముఖ్యమంత్రి చంద్రబాబు నాయుడు ప్రతిపక్షాలపై ఫైర్ అయ్యారు. వైసీపీ, జనసేనలపై విరుచుకుపడ్డారు. తెలంగాణలో జరగనున్న అసెంబ్లీ ఎన్నికల్లో ఆ రెండు పార్టీలు పోటీ చేయకపోవడం వెనక చాలా కథ ఉందని చంద్రబాబు అన్నారు. టీఆర్ఎస్‌తో ఒప్పందం కారణంగానే వారు బరిలోకి దిగలేదని, లాలూచీ రాజకీయాలకు ఇంతకంటే వేరే నిదర్శనం అవసరం లేదని చంద్రబాబు వ్యాఖ్యానించారు.
ప్రధాని మోడీపైనా చంద్రబాబు నిప్పులు చెరిగారు. బీజేపీ అవినీతిని పెంచి పోషిస్తోందన్నారు. సీబీఐని గుజరాత్‌కు చెందిన ఆస్తానా భ్రష్టుపట్టించారని, దోవల్ కూడా ఈ వ్యవహారంలో ఉన్నారంటే నమ్మబుద్ధి కావడం లేదన్నారు. పెద్ద నోట్ల రద్దుతో దేశంలో పరిస్థితి దారుణంగా తయారైందని, రూపాయి విలువ పడిపోయిందని వాపోయారు. మోడీ వల్ల దేశానికి ఎటువంటి ఉపయోగం లేకుండా పోయిందని చంద్రబాబు విమర్శించారు.
దేశం కోసమే తాను 40 ఏళ్ల రాజకీయ విభేదాలను సైతం పక్కనపెట్టి కాంగ్రెస్‌కు దగ్గరైనట్టు చంద్రబాబు చెప్పుకొచ్చారు. 40ఏళ్లుగా తనను ఆదరిస్తున్న తెలుగు ప్రజల కోసం, రాష్ట్రాభివృద్ధి కోసం నిరంతరం శ్రమిస్తున్నట్టు చంద్రబాబు పేర్కొన్నారు. ప్రజలకు అన్యాయం జరగకుండా చూడాలని ఎంత ప్రయత్నం చేసినా ప్రధాని మోడీ నమ్మించి నట్టేట ముంచారని… అందుకే కేంద్రం నుంచి బయటకొచ్చేశామని చంద్రబాబు వివరించారు. కేంద్రంపై యుద్ధం ప్రకటించామని, ఆ దిశగానే నేరుగా పోరాటం చేస్తున్నానని వెల్లడించారు.
అయితే రాష్ట్రంలోని ప్రతిపక్ష పార్టీలైన వైసీపీ, జనసేనలు లాలూచీ రాజకీయాలు చేస్తూ తెలుగుదేశం పార్టీని ఇబ్బంది పెట్టాలని చూస్తున్నాయని చంద్రబాబు ఆరోపించారు. అందుకు ఢిల్లి వేదికగా మోడీ దత్త పుత్రులు జగన్‌, పవన్‌లు రాష్ట్రంలో రాజకీయ డ్రామాలు ఆడుతున్నారని ధ్వజమెత్తారు. అసలు నిజంగా రాష్ట్ర ప్రయోజనాలు ఆశిస్తుంటే మోడీ చేసిన అన్యాయంపై జగన్, పవన్ ఎందుకు మాట్లాడడం లేదని చంద్రబాబు ప్రశ్నించారు. తెలంగాణలో కూడా తెలుగు ప్రజలే ఉన్నారని, వారి శ్రేయస్సు కోసం, ఆ ప్రాంత అభివృద్ధి కోసం తెలంగాణ పార్టీ వ్యతిరేక కూటమిని ఏర్పాటుచేసి కేసీఆర్‌ను గద్దె దించేందుకు తాను అడుగులు వేస్తున్నానని చంద్రబాబు పేర్కొన్నారు. అయితే జగన్‌, పవన్‌లు అసలు తెలంగాణలో పోటీ చేయకపోవడం లాలూచీ రాజకీయాలకు నిదర్శనం అన్నారు.

15:32 - November 16, 2018

అమరావతి : రాజకీయాలలో అపర చాణుక్యుడిగా పేరొందిని ఏపీ సీఎం చంద్రబాబు సీబీఐని ఏపీలో నిషేధిస్తున్న తీసుకున్న నిర్ణయం హాట్ టాపిక్ గా నిలిచింది. రాజకీయ విశ్లేషకుల నుండి న్యాయ విశ్లేషకుల వరకూ ఈ అంశంపైనే చర్చిస్తున్నారు. అంతేకాదు చంద్రబాబు వ్యూహం ఏమిటా? అని విశ్లేషకులు సైతం ఆలోచిస్తున్నారు. ఈ అంశంపై తెలుగు రాష్ట్రాలలోనే కాదు దేశ వ్యాప్తంగా చర్చనీయాంశంగా మారింది. మరి చంద్రబాబు వ్యూహం ఏమిటీ? 

Image result for CHANDRABABU ON CBI NO ENTRYఉప్పు, నిప్పుగా వున్న కేంద్ర ప్రభుత్వం ఏపీపై విమర్శనాస్త్రాలను సంధిస్తోంది. వేల కోట్ల అవినీతి ఏపీలో జరుగుతోందని బీజేపీ నేత జీవిఎల్ లాంటి వారు తీవ్ర విమర్శలు గుప్పిస్తున్నారు. దీనిపై సీపీబీఐ విచారణకు డిమాండ్ చేశారు. దీంతో ఇటీవల విశాఖ పట్నం ఎయిర్ పోర్టులో జగన్ పై హత్యాయత్నం కేసును సీబీఐకి అప్పగించాలని పలువురు హైకోర్టుకెక్కారు. ఈ నేపథ్యంలోనే సీబీఐ దాడులు జరగవచ్చన్న అనుమానం చంద్రబాబుకు చాలా కాలంగానే ఉందన్న ప్రచారం జరుగుతోంది. అందుకే ఇప్పుడు సీబీఐ రాష్ట్రంలో దాడులకు రాకుండా చేయాలనే ఉద్దేశంతోనే చంద్రబాబు సీబీఐని ఏపీలోకి రాకుండా నిషేధించినట్టు ప్రచారం జరుగుతోంది..

Image result for CHANDRABABU and mamata banerjeeజగన్ పై హత్యాయత్నం జరిగాక చంద్రబాబు ఏర్పాటు చేసిన సిట్ ఇంతవరకూ ఏమీ తేల్చలేదు. నిందితుడు శ్రీనివాస్ వెనుక ఎవరున్నారన్నది కనిపెట్టలేదు. అయినా సిట్ బాబు కనుసన్నల్లోనే నడిచి కేసు నీరుగారుస్తోందన్న విమర్శలు వ్యక్తమవుతున్నాయి. ఈ నేపథ్యంలోనే జగన్ పై హత్యాయత్నం కేసు హైకోర్టు కెక్కడం.. సీబీఐ విచారణ జరిపించాలని వైసీపీ నేతలు కోరుతున్న నేపథ్యంలోనే చంద్రబాబు సర్కారు సీబీఐని నిషేధిస్తూ నిర్ణయం తీసుకోవడం ఆసక్తి రేపుతోంది. కాగా సీఎం చంద్రబాబు తీసుకున్న నిర్ణయాన్ని హర్షించిన పశ్చిమ బెంగాల్ సీఎం మమతా బెనర్జీ కూడా తమ రాష్ట్రంలో సీబీఐకి ఇచ్చిన అనుమతిని ఉపసంహరించే దిశగా నిర్ణయాలు తీసుకునేందుకు యత్నిస్తున్నామని తెలపటం విశేషంగా చెప్పుకోవచ్చు. 

దీంతో జగన్ పై దాడి కేసు నుండి దృష్టి మళ్లించేందుకే చంద్రబాబు అలెర్ట్ అయ్యి సీబీఐ ఏపీలోకి రాకూడదంటూ తాజాగా ఉత్తర్వులు జారీ చేసినట్లుగా వార్తలు వస్తున్నాయి. మరోపక్క కానీ న్యాయనిపుణులు మాత్రం చంద్రబాబు వేసిన ఎత్తులు కోర్టుల ముందు నిలబడే అవకాశం లేదంటున్నారు. ఈ నేపథ్యంలో చంద్రబాబు వ్యూహం ఫలించేనా? ఏపీలో సీబీఐ దాడులు ఆగేనా? కోడి కత్తి వ్యవహారం తేలేనా? అనే విషయాలు తేలాలంటే కొంతకాలం వేచి చూడాల్సిందే.
 

13:31 - November 16, 2018

విజయవాడ : ఏపీలో సీబీఐకి ఎంట్రీ లేదంటూ ఏపీ ప్రభుత్వం తీసుకున్న సంచలన నిర్ణయంపై ప్రతిపక్షాలు తీవ్రంగా తప్పుబడుతున్నాయి. సీబీఐ విచారణకు ప్రభుత్వం భయపడే సాధారణ సమ్మతి నోటిఫికేషన్ వెనక్కి తీసుకుందని వైసీపీ ఆరోపిస్తోంది. ప్రభుత్వ నిర్ణయాన్ని వైసీపీ తీవ్రంగా తప్పుబడుతోంది. నాలుగేళ్ల కాలంలో పలు అక్రమాలు జరిగాయని..ఎంతో అవినీతి జరిగిందని వైసీపీ ఆరోపిస్తూ సీబీఐ విచారణకు డిమాండ్ చేస్తోంది. ఈ తరుణంలో సీబీఐకు అనుమతించిన కన్సెంట్‌ను విరమించుకుంటూ రాష్ట్ర ప్రభుత్వం నవంబర్ 15వ తేదీ గురువారం సంచలన నిర్ణయం తీసుకొంది. 
ప్రభుత్వం తీసుకున్ని నిర్ణయంపై నవంబర్ 16వ తేదీ శుక్రవారం వైసీపీ స్పందించింది. రాజధాని భూ సేకరణ...పోలవరం...పట్టిసీమ, మిగిలిన ఇరిగేషన్ ప్రాజెక్టుల్లో భారీ అవినీతి జరిగిందని గత కొంతకాలంగా వైసీపీ ఆరోపిస్తోంది. అంతేగాకుండా విశాఖ భూ కుంభకోణంపై సిట్ విచారణ సరిపోదని, సీబీఐ విచారణ చేయించాలంటూ నేతలు డిమాండ్ చేస్తున్నారు. అదే విధంగా అగ్రిగోల్డ్..ఉపాధి హామీ పథకంలో భారీగా జరిగిన స్కాం..రాష్ట్ర ప్రభుత్వం చేపట్టిన నీరు - మీరు పథకంలో కూడా అవకతవకలు జరిగాయని పేర్కొంటోంది. జగన్ పై జరిగిన దాడి కేసులో సీబీఐ విచారణ చేపట్టాలని వైసీపీ డిమాండ్ చేసిన సంగతి తెలిసిందే. 
వీటన్నింటిపై తాము సీబీఐ విచారణ డిమాండ్ చేయడం జరిగిందని, విచారణలో అవినీతి ఎక్కడ బయటపడుతోందనని భయపడి ఏపీ ప్రభుత్వం ఈ నిర్ణయం తీసుకుందని వైసీపీ పేర్కొంటోంది. సీబీఐ దర్యాప్తు లేకపోతే అవినీతి తారాస్థాయికి చేరుకుంటుందని వైసీపీ పేర్కొంటుంటే దీనిని ప్రభుత్వం తప్పంటోంది. సీబీఐ డైరెక్టర్ అధికారి అవినీతిలో ఇరుక్కపోయారని..దీనితో సీబీఐపై నమ్మకం లేదని..నిజాయితీగా పనిచేయడం లేదని ప్రభుత్వం పేర్కొంటోంది. రాష్ట్రానికి ఎలాంటి ఇబ్బందులు కలుగవని ఏపీ సర్కార్ వెల్లడిస్తోంది. 

21:26 - November 13, 2018

తూర్పుగోదావరి : జిల్లాలోని రామచంద్రాపురంలో పర్యటిస్తున్న నేపథ్యంలో  వైసీపీ అధ్యక్షుడు జగన్ పై జనసేన అధినేత పవన్ కల్యాణ్ తీవ్ర స్థాయిలో ఘాటు  విమర్శలు చేశారు. జగన్ పై తాను  వ్యక్తిగతంగా విమర్శించడం లేదని పవన్ క్లారిటీ ఇచ్చి మరీ విమర్శలు సంధించారు. ప్రతిపక్ష నేతగా అసెంబ్లీకి వెళ్లి ప్రజాసమస్యలపై చర్చించకుండా..ప్రశ్నించకుండా తనపై విమర్శలు చేయటం సరికాదన్నారు. అసెంబ్లీకి వెళ్లి సీఎంను నిలదీయాల్సిన బాధ్యత ప్రజలు వైసీపీకి ఇచ్చారని... కానీ ప్రతిపక్ష నాయకుడు బుగ్గలు నిమరడం తప్ప ప్రశ్నించడంలేదన్నారు. బడుగు బలహీన వర్గాలు అండగా ఉంటామన్న వైసీపీ.. రెల్లికులస్థుల భూములను ఆ పార్టీ నేత దోచుకున్నా పట్టించుకున్న నాథుడు లేడన్నారు. ఒక ఎమ్మెల్యే, ఎంపీలేని తానే ఇన్ని ప్రజా సమస్యలకు పరిష్కారం కనుక్కుంటున్నానని.. వైసీపీ నేతలు ఏం చేస్తున్నారని ప్రశ్నించారు పవన్.
 

 

Pages

Don't Miss

Subscribe to RSS - వైసీపీ