వైసీపీ

12:38 - December 13, 2017

హైదరారాద్ : ఏపీ ప్రభుత్వంపై వైసీపీ ఎమ్మెల్యే రోజా తీవ్రస్థాయిలో మండిపడ్డారు. చంద్రబాబుపై సంచలన వ్యాఖ్యలు చేశారు. సీఎం చంద్రబాబు కుటుంబానికి ధన దాహం తీరలేదా అని అన్నారు. ఆస్తులు పెరిగినా చంద్రబాబుకు ధన దాహం తీరలేదన్నారు. ఈమేరకు ఆమె మీడియాతో మాట్లాడారు. చంద్రన్నమాల్స్ పేరుతో రేషన్ షాపులను నిర్వీర్యం చేస్తున్నారని పేర్కొన్నారు. చంద్రబాబు దిగజారుడు రాజకీయాలు చేస్తున్నారని ఎద్దేవా చేశారు. రాష్ట్రంలోని 28 వేల రేషన్ షాపులను నిర్వీర్యం చేయాలని చూస్తున్నారని తెలిపారు. మళ్లీ సీఎం అయితానో లేదోనన్న భయం పట్టుకుందన్నారు. అందుకే ఇప్పుడే దోచుకుని... దాచుకుంటున్నారని విమర్శించారు. గతంలో ప్రజలకు మజ్జిగ పంపిణీ పథకంలో హెరిటేజ్ పెరుగునే వాడాలని హుకుం జారీ చేశారని తెలిపారు. తన లాభం కోసం సంక్షేమ కార్యక్రమాలను మార్చుకుంటున్నారని ఆరోపించారు. కార్పొరేట్ దోపిడీకి పంచపెట్టే ప్లాన్ చేస్తున్నారని తెలిపారు. రాజధాని నిర్మాణం పేరుతో పేదల భూములను లాక్కున్నారని విమర్శించారు. ఇసుక దందాలో వందల కోట్లు దోచుకున్నారని ఆరోపించారు. పిల్లను ఇచ్చిన మామను వెన్నుపోటు పొడిచారని విమర్శించారు. ఎన్ టీఆర్ మరణానికి చంద్రబాబు కారణమని ఆరోపించారు. రాజకీయ అవహగాన లేని, ప్రజల మీద ప్రేమ లేని లోకేష్ ను మంత్రిని చేశారని చెప్పారు. నిత్యవసర ధరలను తగ్గించాలన్నారు. రేషన్ షాప్ లో పది సరుకులు ఇవ్వాలని తెలిపారు. చంద్రబాబు ప్రభుత్వాన్ని ప్రజలతో కలిసి తరిమికొడతామన్నారు.

 

19:17 - December 12, 2017

కృష్ణా : చంద్రన్న విలేజ్‌ మాల్స్‌తో సామాన్యులకు నష్టమే తప్ప లాభం లేదని వైసీపీ నేత మల్లాది విష్ణు అన్నారు. రిలయన్స్‌, ఫ్యూచర్‌ గ్రూపులకు లాభం చేకూర్చే విధంగా చంద్రబాబు ప్రభుత్వం ప్రయత్నాలు చేస్తోందని విమర్శించారు. గతంలో వైఎస్‌ హయాంలో చౌకధరల దుకాణాలు సరిగ్గా నడిచేవని.. ఇప్పుడు చంద్రబాబు నిర్వీర్యం చేశారని మల్లాది విష్ణు ఆరోపించారు.

12:29 - December 9, 2017

గుంటూరు : జిల్లా ప్రభుత్వ ఆసుపత్రి అనుబంధ సంస్థ కళాశాలలో లైంగిక వేధింపులకు పాల్పడిన వారిపై చర్యలు తీసుకోవాలని వైసీపీ డిమాండ్ చేసింది. ఈమేరకు శనివారం వైసీపీ నేతల లేళ్ల అప్పిరెడ్డితో పాటు మరికొంత మంది నేతలు జీజీహెచ్ ఆసుపత్రిని సందర్శించి కళాశాలలో జరుగుతున్న వ్యవహారంపై అధికారులను నిలదీశారు. వేధింపుల ఘటన జరిగి రెండు రోజులు గడుస్తున్నా విచారణ పేరిట కాలయాపన చేస్తున్నారని వైసీపీ నేతలు పేర్కొన్నారు. 

13:27 - December 8, 2017

విజయవాడ: ఏపీ ప్రతిపక్షం వైసీపీనుద్ధేశించి జనసేన అధినేత పవన్ కళ్యాణ్ పలు వ్యాఖ్యలు చేశారు. విజయవాడలో ఏపీ విద్యుత్ కాంట్రాక్టు ఉద్యోగులు భేటీ అయ్యారు. ఈ సందర్భంగా ఆయన ప్రతిపక్షంపై పలు విమర్శలు చేశారు. అసెంబ్లీని ఉపయోగించుకుని అద్బుతాలు చేయొచ్చని, వైసీపీలో కష్టపడే తత్వం కనిపించడం లేదన్నారు. ప్రజా సమస్యలపై అసెంబ్లీలో చర్చ జరగాలని..23వేల మంది కార్మికుల సమస్యలపై ప్రభుత్వాన్ని ఎందుకు నిలదీయడం లేదని ప్రతిపక్షాన్ని ఉద్ధేశించి ప్రశ్నించారు. 

09:31 - December 8, 2017

విజయవాడ : తాము ఒక పద్ధతి ప్రకారం వెళుతున్నామని సీఎం చంద్రబాబు నాయుడు తనయుడు, ఏపీ మంత్రి నారా లోకేష్ పేర్కొన్నారు. శుక్రవారం ఆయన నారా వారి ఆస్తులను ప్రకటించారు. గత ఆరేళ్లుగా ఆయన ఆస్తులను ప్రకటిస్తున్న సంగతి తెలిసిందే. పద్ధతి ప్రకారం చేసుకుంటూ వెళుతున్నామని, ఆదాయం వస్తుందంటే హెరిటేజ్ సంస్థ నుండి..రెంటల్స్ కారణమన్నారు. ఏ రాజకీయ కుటుంబం చేయని విధంగా ఆస్తులను ప్రకటించడం జరుగుతోందన్నారు. ఆరోపణలు చేయవచ్చు కానీ అంతకంటే ముందు ఆస్తులను ప్రకటించాలని, అలా చేయకపోతే ప్రజలు నమ్మరని తెలిపారు. 2004 కంటే ఎంతుంది ? ఇప్పటి వరకు ఆస్తులు ఎంతున్నాయో చెప్పాలని సూచించారు. గతంలో దివంగత వైఎస్ సీఎంగా ఉన్న సమయంలో హెరిటేజ్ కంపెనీపై ఎన్నో ఛార్జీషీట్ లు దాఖలు చేశారని గుర్తు చేశారు. కానీ ఏమి నిరూపించలేకపోయారని, వైసీపీ నేతలు కూడా ఆస్తులను ప్రకటించాలని సూచించారు. జగన్ అక్రమమార్గంలో ఆస్తులను సంపాదించుకున్నారని ఆరోపించారు. పోలవరం నిర్మాణంపై జగన్..పవన్ కు చాలా తేడా ఉందని, పోలవరం నిర్మాణం కావద్దని జగన్ కోరుకుంటున్నారని తెలిపారు.

సీఎం చంద్రబాబు నాయుడు ఆస్తుల్లో పెద్దగా మార్పులేవని, బాబుకు రూ. 3కోట్ల అప్పులున్నాయన్నారు. ఉన్న ఇల్లును కూల్చివేసి కొత్తగా ఇల్లు కట్టుకోవడం జరిగిందని, ఇందుక రూ. 4 కోట్లు ఖర్చు చేసినట్లు తెలిపారు. లోకేష్ ఆస్తుల విలువ రూ. 15.20 కోట్లు, బ్రాహ్మణి ఆస్తుల విలువ రూ. 15 కోట్లు. 

19:43 - December 7, 2017

పశ్చిమ గోదావరి : పవన్ కల్యాణ్ టీడీపీ ఏజెంట్‌లా పోలవరంలో పర్యటించారని వైసీపీ ఎమ్మెల్యే రోజా ఆరోపించారు. పవన్‌కి నాలుగేళ్లుగా పోలవరం ఎందుకు గుర్తుకు రాలేదని ప్రశ్నించారు. ఈమేరకు ఆమెతో టెన్ టివి నిర్వహించింది. ఈ సందర్భంగా రోజా మాట్లాడుతూ 2018 నాటికి ఎట్టి పరిస్థితుల్లో పోలవరం పూర్తవదన్నారు. కేవలం ముడుపుల కోసమే కాంట్రాక్టర్లను మారుస్తున్నారని రోజా విమర్శించారు. 

 

11:14 - December 7, 2017

విజయవాడ : పోలవరంకు నేతలు క్యూ కడుతున్నారు. గత కొన్ని రోజులుగా పోలవరం నిర్మాణంపై పలు విమర్శలు వస్తున్న సంగతి తెలిసిందే. దీనిపై వైసీపీ యాత్ర చేపట్టింది. గురువారం వైసీపీ ప్రజాప్రతినిధులు పోలవరానికి బస్సుల్లో బయలుదేరారు. ఈ సందర్భంగా ఆ పార్టీ నేత బోత్స సత్యనారాయణ మీడియాతో మాట్లాడారు. రాష్ట్ర అభివృద్ధిలో భాగంగా ప్రతిపక్ష బాధ్యతను నెరవేర్చడానికి పోలవరం సందర్శించనున్నట్లు తెలిపారు. సందర్శన అనంతరం పోలవరం ప్రాజెక్టు నిర్మాణం వెనుకనున్న అంశాలను ప్రజలకు తెలియచేస్తామని, 2019 వరకు ప్రాజెక్టు పూర్తి చేసేలా కేంద్ర..రాష్ట్ర ప్రభుత్వాలపై వత్తిడి తెస్తామని పేర్కొన్నారు. 

09:39 - December 7, 2017

విజయవాడ : పోలవరం నిర్మాణ ప్రాజెక్టు స్థలానికి నేతలు క్యూ కడుతున్నారు. ఇటీవలే పోలవరం నిర్మాణంపై కేంద్రం లేఖ రాయడం..దానిపై సీఎం చంద్రబాబు నాయుడు ఘాటుగా స్పందించడంతో హాట్ టాపిక్ అయ్యింది. దీనిపై విపక్షాలు ప్రభుత్వంపై పలు విమర్శలు గుప్పిస్తున్నాయి. ఈ నేపథ్యంలో పలువురు పోలవరం నిర్మాణ ప్రాజెక్టును సందర్శించేందుకు సిద్ధమౌతున్నారు. జనసేన అధినేత పవన్ కళ్యాణ్ గురువారం ప్రాజెక్టు నిర్మాణ పనులను పరిశీలించనున్నారు. అదే సమయంలో వైసీపీ నేతలు కూడా వస్తుండడం ప్రాధాన్యత సంతరించుకుంది.

విజయవాడ నుండి ప్రత్యేక బస్సుల్లో వైసీపీ ప్రతినిధి బృందం బయలుదేరనుంది. పోలవరం ప్రాజెక్టు నిర్మాణం వెనుక ఉన్న అంశాలను ప్రజలకు తెలియచేస్తామని, అంతేగాకుండా నిర్మాణంపై ఉన్న అనుమానాలను రాష్ట్ర ప్రభుత్వం నివృత్తి చేయాలని పార్థసారధి డిమాండ్ చేస్తున్నారు. మరింత సమాచారం కోసం వీడియో క్లిక్ చేయండి. 

07:33 - December 7, 2017

జనసేనాని పవన్‌కల్యాణ్‌... రాజకీయ నాయకుల తీరుపై.. విరుచుకుపడ్డాడు. తండ్రుల అధికారంతో.. తాము గద్దెనెక్కాలనుకునే కల్చర్‌ను ప్రస్తావిస్తూ.. జగన్‌, లోకేశ్‌లను పరోక్షంగా కడిగిపారేశాడు. అదే సమయంలో తనకు సీఎం కావాలన్న సరదా లేదని స్పష్టం చేశాడు. అసలు ముఖ్యమంత్రి పీఠం.. అధికారం కాదని.. ప్రజలకు సేవ చేసే బాధ్యత అని తేల్చి చెప్పాడు. ఈ అంశంపై టెన్ టివిలో జరిగిన చర్చా వేదికలో రామకృష్ణ (ఏపీ కాంగ్రెస్), శకుంతల (టిడిపి మాజీ మేయర్) పాల్గొని అభిప్రాయాలు వ్యక్తం చేశారు. 

09:32 - December 5, 2017

అనంతపురం : జిల్లాలో జగన్‌ ప్రజా సంకల్పయాత్ర కొనసాగుతోంది. రాష్ట్రంలో టీడీపీ పాలన ప్రజాకంఠకంగా తయారైందని వైసీపీ ఎమ్మెల్యే చెవిరెడ్డి భాస్కర్‌రెడ్డి అంటున్నారు.

Pages

Don't Miss

Subscribe to RSS - వైసీపీ