వ్యాధి

09:20 - July 27, 2018

హైదరాబాద్ : జీడిమెట్ల పీఎస్ పరిధిలోని హెచ్ఎంటీ కంపెనీ వద్దనున్న ఆంధ్రాబ్యాంకు ఏటీఎం వద్ద డ్రమ్ములో శవం లభ్యం కావడం కలకలం సృష్టించింది. ఏటీఎం వద్ద పని చేస్తున్న వ్యక్తి పోలీసులకు సమాచారం అందించాడు. గుర్తు తెలియని వ్యక్తి శవం పడి ఉందని తెలిపాడు. వెంటనే ఘటనాస్థలికి చేరుకున్న పోలీసులు దర్యాప్తు చేపట్టారు. హత్య వెనుక ఎవరున్నారు ? అనే దానిపై ఆరా తీస్తున్నారు. బాలానగర్ ఏసీపీ తదితర పోలీసు అధికారులు చేరుకున్నారు. చనిపోయిన వ్యక్తి హెచ్ ఐవీ వ్యాధితో బాధ పడుతున్నట్లు పోలీసులు భావిస్తున్నారు. 

18:51 - July 16, 2018

విజయనగరం : అదో మారుమూల గ్రామం. ఒకప్పుడు పెంకుటిళ్లకు పెటింది పేరు. కానీ నేడు బోధకాలు వ్యాధికి చిరునామాగా మారింది. ఈ వ్యాధి గ్రామంలోని సగటు కుటుంబాల జీవితాన్ని చిన్నాభిన్నం చేస్తోంది. ఇంటికో ఫైలేరియా రోగితో ఆ గ్రామంలో దుర్భర పరిస్థితి నెలకొంది. సమస్య తీవ్రమై ఊరి జనాలు గగ్గోలు పెడుతున్నా.. పట్టించుకునే నాధుడు లేడు. ఇంతకీ... ఆ గ్రామానికి ఫైలేరియా మహమ్మారి ఎలా పట్టింది? అందుకు దారితీసిన కారణాలపై ప్రత్యేక కథనం..

గ్రామం పేరు పెదపెంకి. విజయనగరం జిల్లా బలిజపేటలోని ఈ గ్రామం ఒకప్పుడు పెంకుటిళ్లకు ప్రసిద్ది. కానీ నేడు ఫైలేరియా వ్యాధి పట్టి పీడిస్తోంది. గ్రామంలో ఇంటికో రోగి చొప్పున దాదాపు వెయ్యి మంది ఈ రోగాన బారిన పడ్డారు. జ్వరం, చలి, వాంతులు, వికారం వంటి లక్షణాలతో ఈ వ్యాధి ప్రారంభమై... నరాల వాపు వంటి సమస్యలతో బాధితులను కుంగదీస్తుంది. ఈ తరువాత దశలో శరరీంపై చీము పట్టిన పుండ్లతో బాధితులు మంచానపడతారు.

ఏళ్ల తరబడి ఈ వ్యాధితో బాధపడుతున్నామని బాధితులంటున్నారు. వైద్యం కోసం ఆస్పత్రుల చుట్టూ తిరుగుతున్నామని ఆవేదన వ్యక్తం చేస్తున్నారు. మందుల కోసం నెలకు రెండు నుంచి ఐదు వేలు ఖర్చవుతుందని... వైద్యం కోసం అప్పుల పాలయ్యామంటున్నారు. అయినా... పాలకులు, అధికారులు తమను పట్టించుకోవడం లేదంటున్నారు. మరోవైపు గ్రామంలో ఈ వ్యాధి ప్రబలడానికి అధికారులే కారణమని గ్రామస్తులు ఆరోపిస్తున్నారు. నిధులకు కొరత లేకపోయినా... పారిశుద్ధ్యాన్ని సరిగ్గా పాటించకపోవడం వల్లే ఇలాంటి దుస్థితి ఏర్పడిందంటున్నారు.

ఇదిలావుంటే ఈ గ్రామంలో ఇప్పటివరకు రెండు కుటుంబాలే వారే సర్పంచులుగా ఉన్నారు. ఫైలేరియా వ్యాధి విజృంభిస్తుందని ఎన్నిసార్లు మొర పెట్టుకున్నా సరిగా పట్టించుకోలేదని బాధితులు ఆగ్రహం వ్యక్తం చేస్తున్నారు. సకాలంలో సరైన చర్యలు తీసుకుని వుంటే ఇప్పుడు ఈ పరిస్థితి ఉండేది కాదంటున్నారు. 40 ఏళ్లుగా గ్రామంలో ఈ వ్యాధి విజృంభిస్తున్నా ఏడాదికోసారి రక్తనమూనాలు సేకరించి మందుబిళ్లలు ఇవ్వడం తప్ప... శాశ్వత పరిష్కారం చూపించడం లేదని వాపోతున్నారు.

బాధితులకు అండగా సీపీఎం రాష్ట్ర కార్యదర్శి పి. మధు, రాష్ట్ర కార్యదర్శివర్గ సభ్యులు కృష్ణమూర్తి నిలిచారు. ఇటీవల గ్రామాన్ని సందర్శించి రోగులను పరామర్శించారు. పది రోజుల్లో ప్రజారోగ్య వేదిక ఆధ్వర్యంలో గ్రామంలో ఉచితవైద్య శిబిరాన్ని నిర్వహిస్తామని హామీ ఇచ్చారు. ప్రభుత్వం కూడా యుద్ధ పాతిపదికన స్పందించాలని డిమాండ్‌ చేశారు. బాధితులకు న్యాయం చేయాలని సీఎం చద్రబాబుకు మధు లేఖ కూడా రాశారు. ప్రభుత్వం ఇప్పటికైనా స్పందించి పారిశుద్ధ్యంపై శ్రద్ధ వహించాలని గ్రామస్తులు కోరుతున్నారు. లేకపోతే భవిష్యత్‌ తరాలు కూడా ఈ వ్యాధి బారిన పడే ప్రమాదం ఉందని హెచ్చరిస్తున్నారు. అలాగే గ్రామంలో శాశ్వత వైద్య శిబిరం ఏర్పాటు చేయాలని డిమాండ్‌ చేస్తున్నారు. 

16:33 - May 25, 2018

హైదరాబాద్ :    కేరళ రాష్ట్రాన్ని వణికిస్తున్న నిపా వైరస్.. ఇపుడు గోవా, మహారాష్ట్ర, కర్ణాటక రాష్ట్రాలకు కూడా విస్తరించినట్టు వార్తలు వస్తున్నాయి. ఇప్పటికే కర్ణాటకలో ఇద్దరిలో నిపా వైరస్ లక్షణాలను గుర్తించారు. అలాగే, మహారాష్ట్ర, గోవాలలో ఈ వైరస్ వ్యాపించింది. దీంతో ప్రజలు భయాందోళనలకు గురవుతున్నారు. ప్రభుత్వాలు అప్రమత్తమవుతున్నాయి. ఈక్రమంలో కేరళ నుండి నిపా వైరస్ హైదరాబాద్ కు చేరుకున్నట్లుగా సమాచారం.

మలేషియాలో 'నిపా'వైరస్ మూలాలు..
ప్రాణాంతకమైన వైరస్ వ్యాధి. గబ్బిలాలు, పందులు, మనుషులలో ఎవరి నుంచి ఎవరికైనా ఈ వైరస్‌ సోకుతుంది. 1998లో మలేషియాలో మొదటిసారిగా వైరస్‌ కనుగొనబడింది, అటుతర్వాత 2004లో బంగ్లాదేశ్ లోకి వచ్చింది, ప్రస్తుతం ఈ వైరస్‌ కేరళలోకి ప్రవేశించింది.

సుంగాయ్ నిపా గ్రామంలో పుట్టి అదేపేరుతో ప్రాచుర్యం..
మలేసియాలోని సుంగాయ్ నిపా అనే గ్రామంలోని రోగుల నుంచి తొలిసారిగా ఈ వైరస్ ను కనుగొన్నారు కాబట్టి, దీనిని నిపా వైరస్‌ గా నామకరణం చేశారు. ఈ వ్యాధితో మలేషియా 105 మంది మృతి చెందగా, సింగపూర్‌లో పందులను పెంచే పశుపోషకులు మృతి చెందారు.

కేరళలో నిపా ముప్పేట దాడి..
నిపా వైర్‌స కేరళపై ముప్పేట దాడి చేస్తోంది. అంతుచిక్కని ఈ వైరస్‌ బారిన పడి కేరళలో ఇప్పటికే 10 మంది ప్రాణాలు కోల్పోయారు. మరో 12 మంది పరిస్థితి విషమంగా ఉంది. మృతుల్లో ఒకే కుటుంబానికి చెందిన ముగ్గురు ఉన్నారు. ఇదే కుటుంబంలోని మరో నలుగురి పరిస్థితి విషమంగా ఉన్నట్లు వైద్యులు తెలిపారు. బాధితులందరికీ ఐసీయూల్లో చికిత్సలు అందిస్తున్నారు. నిపా వైరస్‌ దక్షిణ భారత దేశంలో కనిపించడం ఇదే తొలిసారి. దీంతో ఈ ప్రాణాంతక వైరస్‌ పట్ల కేరళతోపాటు కేంద్ర ప్రభుత్వం కూడా అప్రమత్తమైంది. కేరళలోని కోజికోడ్‌ తదితర ప్రాంతాల్లో 23 మంది నిపా వైరస్‌ బాధితులు వివిధ వైద్యశాలల్లో చికిత్స పొందుతున్నారు. కొద్దిరోజుల కిందట వీరంతా జ్వరం, తలనొప్పి, శ్వాస సంబంధమైన సమస్యలతో ఆస్పత్రులకు వచ్చారు. కొందరిలో మెదడువాపు లక్షణాలు కనిపించాయి. వ్యాధి లక్షణాలు వైద్యులకు అంతుపట్టకపోవంతో రోగుల నుంచి రక్తనమూనాలు సేకరించి వ్యాధినిర్ధారణ కోసం పుణెలోని నేషనల్‌ ఇనిస్టిట్యూట్‌ ఆఫ్‌ వైరాలజీకి పంపారు. అక్కడ జరిపిన పరీక్షల్లో నిపా వైరస్‌ ఉన్నట్లు నిర్ధారించారు.

నిపా వైరస్‌ లక్షణాలు..
నిపా వైరస్‌ తో అప్రమత్తంగా ఉండాలని నిపుణులు హెచ్చరిస్తున్నారు. ఈ వైరస్‌ జంతువుల నుంచి మనుషులకు సంక్రమిస్తుందని, ప్రధానంగా గబ్బిలాల్లో, వాటిలో ప్రధానంగా పండ్లుతినే గబ్బిలాల్లో అంటే ఫ్రూట్‌బ్యాట్స్‌లో వైరస్‌ ఎక్కువగా ఉంటుందని, అందుకే వీటిని ఎగిరే నక్కలని అని అంటారన్నారు. ఈ వైరస్‌ బారిన పడితే వణుకుతో కూడిన జ్వరం, వాంతులు, వికారం, తలనొప్పి, ఫిట్స్‌ వంటి లక్షణాలు కనిపిస్తాయన్నారు. ముఖ్యంగా గబ్బిలాలు కొరికిన పండ్లు తినడం వలన వైరస్‌ వస్తుందని, రెండోది ఈ పండ్లుతిన్న పందుల ద్వారా కూడా వస్తుందన్నారు. ప్రజలు ఈ లక్షణాలు కనిపిస్తే తక్షణమే సమీప ప్రాథమిక ఆరోగ్య కేంద్రాలకు వెళ్లి వైద్యం పొందాలన్నారు.

కేరళ టూ హైదరాబాద్ కు నిపా?!..
ఇటీవల కేరళకు వెళ్లి వచ్చిన ఓ హైదరాబాదీకి, మరో వ్యక్తికి ప్రాణాంతక నిపా వైరస్ సోకినట్టు డాక్టర్లు అనుమానిస్తున్నారు. వీరి రక్త నమూనాలను నిపా వైరస్ నిర్ధారణ కోసం పుణెలో ఉన్న నేషనల్ ఇనిస్టిట్యూట్ ఆఫ్ వైరాలజీకి పంపించినట్టు తెలంగాణ మెడికల్‌ ఎడ్యుకేషన్‌ డైరెక్టర్‌ కే రమేష్‌ రెడ్డి కొద్దిసేపటి క్రితం వెల్లడించారు.

నిపా రోగులకు చికిత్సందిస్తున్న ఎన్సీడీసీ..
తాము ఇప్పటికే కేరళలో నిపా వైరస్ రోగులకు చికిత్స అందిస్తున్న ఎన్సీడీసీ నేషనల్‌ సెంటర్‌ ఫర్‌ డిసీజ్‌ కంట్రోల్‌ అధికారులతో చర్చించామని తెలిపారు. నిపా వైరస్ సోకినట్టు అనుమానిస్తున్న వ్యక్తి కేరళకు వెళ్లి వచ్చాడని, అయితే, వైరస్ ఉన్న ప్రాంతానికి ఆయన చాలా దూరంలోనే ఉన్నారని, వ్యాధి నిర్ధారణకే రక్త నమూనాలు తీసుకున్నామని, పాజిటివ్ గా తేలే అవకాశం తక్కువేనని, ప్రజలు ఆందోళన చెందాల్సిన అవసరం లేదని ఆయన తెలిపారు. హాస్పిటల్స్ లో డాక్టర్ల కోసం ప్రొటెక్టివ్ సూట్లను సిద్ధం చేస్తున్నామని అన్నారు. ఎమర్జెన్సీ పరిస్థితి ఏర్పడితే, ఎదుర్కొనేందుకు అన్ని విధాలుగా సిద్ధంగా ఉన్నామన్నారు. గ్రామాల్లో ప్రజలకు ఈ వైరస్ పై అవగాహన పెంచేందుకు ఎన్జీవో సంస్థలు ప్రచారం చేయాలని సూచించారు. చెట్ల నుంచి రాలిపడిన, పక్షులు కొరికిన పండ్లను తినకుండా ఉండాలని కోరారు. కాగా, నిపా బారినపడి ఇప్పటివరకూ 12 మంది మరణించిన సంగతి తెలిసిందే. నిపా వైరస్ హైదరాబాద్ కు వచ్చిందని సోషల్ మీడియాల్లో ప్రచారం ప్రారంభం కావడంతో ప్రజలు తీవ్ర ఆందోళన చెందుతున్నారు.


 

14:52 - November 3, 2017

అన్ వాంటెడ్ హేర్..ఈ సమస్యతో మహిళలు బాధ పడుతుంటారు. ఈ సమస్యతో బాధపడుతున్న వారు బయటకు వెళ్లాలంటేనే వెనుకంజ వేస్తుంటారు. దీనిని తొలగించుకోవడానికి పలు దారులు వెతుకుతుంటారు. ఈ సమస్య నుండి బయటపడాలంటే ఎలాంటి పరిష్కారాలున్నాయనే దానిపై చర్మవ్యాధి నిపుణులు శంకుతల తెలిపారు. పూర్తి వివరాలకు వీడియో క్లిక్ చేయండి. 

09:19 - October 11, 2017

 

ప్రకాశం : జిల్లా గౌనివారిపాలెం, ఉలిచి గ్రామాల్లో గొర్రెలకు వింత వ్యాధి సోకి మరణిస్తున్నాయి. నవరత్నాల ఆకులుతిని గొర్రెలు మృత్యువాత పడుతున్నాయిని కాపరులు చెబుతున్నారు. రెండు గ్రామాల్లో ఇప్పటి వరకు 200 గొర్రెలు మృతి చెందాయి. మరో 500 గొర్రెలకు తీవ్ర ఆస్వస్థత గురైయ్యాయి. పూర్తి వివరాలకు వీడియో క్లిక్ చేయండి. 

08:30 - August 14, 2017
17:19 - June 3, 2017

నిర్మల్ : జిల్లాలోని దస్తూరాబాద్ మండలం మున్యాల్ లో వింతవ్యాధి సొకుతుంది. గ్రామంలోని 200 మంది చర్మంపై దద్దుర్లు, మంట, ఎలర్జీతో బాధపడుతున్నారు. గ్రామస్తులు పురుగులు కుట్టడమో...లేక నీటి కాలుష్యమో తెలియక ఇబ్బందిపడుతున్నారు. చర్మంపై దద్దుర్లు రావడంతో రాత్రి నిద్రపోవడం లేదని బాదితులు ఆవేదన వ్యక్తం చేస్తున్నారు. ప్రభుత్వం వైద్య క్యాంపు ఏర్పాటు చేయాలంటూ గ్రామస్తులు కోరుతున్నారు. పూర్తి వివరాలకు వీడియో చూడండి.

14:32 - January 17, 2017

హైదరాబాద్‌ : నగరాన్ని స్వైన్‌ఫ్లూ వ్యాధి మళ్లీ వణికిస్తుంది. ఈ ఏడాదిలో ఇప్పటికే సికింద్రాబాద్‌ గాంధీ ఆస్పత్రిలో రెండు స్వైన్‌ఫ్లూ మరణాలు నమోదయ్యాయి. పాతనగరం జాహనుమాకు చెందిన మహిళ స్వైన్‌ ఫ్లూ లక్షణాలతో రెండు రోజుల క్రితం మృతి చెందింది. అలాగే మృతురాలి కొడుకు కూడా ఇదే వ్యాధి లక్షణాలతో చికిత్స పొందుతున్నాడు. ప్రస్తుతం మొత్తం స్వైన్‌ఫ్లూ లక్షణాలతో ముగ్గురు చికిత్స పొందుతున్నారని ఆస్పత్రి సూపరింటెండెంట్‌ వెంకటేశ్వరరెడ్డి తెలిపారు. గత సంవత్సరం 17 మంది స్వైన్‌ ఫ్లూకు చికిత్స పొందగా వారిలో ఇద్దరు మరణించినట్టు ఆయన చెప్పారు.

16:52 - September 17, 2016

ముంబై : ప్రముఖ బాలీవుడ్‌ నటి విద్యాబాలన్‌కు డెంగ్యూ వ్యాధి సోకింది. రెస్ట్‌ తీసుకోవాలని ఆమెకు వైద్యులు సలహా ఇచ్చారు. విద్యాబాలన్‌కు డెంగ్యూ సోకినట్లు నిర్ధారణ కావడంతో ఆమె నివసించే అపార్ట్‌మెంట్‌లో బిఎంసి అధికారులు సోదా జరిపారు. అదే అపార్ట్‌మెంట్‌లో ఉంటున్న బాలీవుడ్‌ నటుడు షాహిద్‌ కపూర్‌ నివాసంలోని స్విమ్మింగ్‌ పూల్‌లో డెంగీని వ్యాప్తి చేసే దోమలు పెరుగుతున్నట్లు అధికారులు గుర్తించారు. డెంగ్యూను అరికట్టడం విఫలమయ్యారన్న కారణంతో విద్యాబాలన్‌, షాహిద్‌కపూర్‌లతో పాటు మరో అపార్ట్‌మెంట్‌ నివాసికి మున్సిపల్‌ అధికారులు నోటీసులు జారీ చేశారు. విద్యాబాలన్‌, షాహిద్‌ కపూర్‌ ముంబైలోని జుహూ ప్రాంతంలో ఉంటున్నారు.

 

19:38 - September 13, 2016

ఢిల్లీ : రాజధాని ఢిల్లీలో చికెన్ గునియా విజృంభిస్తోంది. ఇప్పటివరకు చికెన్ గునియా వ్యాధితో నలుగురు మృతి చెందారు. సర్‌ గంగారాం ఆసుపత్రిలో ఈ వ్యాధితో చికిత్స పొందుతూ ముగ్గురు మృతి చెందారు. సెప్టెంబర్‌ 1 న ఒకరు చనిపోయారు. ముఖ్యమంత్రి కేజ్రీవాల్‌, ఆరోగ్యమంత్రి సత్యేంద్ర జైన్‌ ఢిల్లీలో లేకపోవడంపై విపక్షాలు విమర్శించాయి. ఢిల్లీ సిఎం, మంత్రుల వద్ద ఎలాంటి అధికారాలు లేవని, ఒక పెన్ను కూడా తాము కొనలేని స్థితిలో ఉన్నామని కేజ్రీవాల్‌ అన్నారు. అధికారాలన్ని ప్రధాని మోది, ఎల్జీ హస్తగతం చేసుకున్నారని ట్వీట్‌ చేశారు. దోమలను అరికట్టడానికి ఢిల్లీ నగరపాలక సంస్థ ఎలాంటి చర్యలు చేపట్టలేదని విమర్శలు వెల్లువెత్తుతున్నాయి. ఢిల్లీలో 1158 డెంగ్యూ, 1057 చికన్‌గునియా, 21 మలేరియా వ్యాధులు నమోదయ్యాయి.

Pages

Don't Miss

Subscribe to RSS - వ్యాధి