సంబరాలు

13:14 - March 1, 2018
09:35 - January 17, 2018
06:40 - January 17, 2018

ప్రకాశం : జిల్లా చీరాలలో సంక్రాంతి సంబరాలు ఘనంగా జరిగాయి. నవ్య కేబుల్‌ ఆధ్వర్యంలో ఎన్‌ఆర్‌ అండ్‌ పీఎం హైస్కూల్లో జరిగిన ఉత్సవాల్లో ఎమ్మెల్యే ఆమంచి కృష్ణమోహన్‌ పాల్గొన్నారు. బజర్దస్త్‌ నటులు చిత్రం శీను, ఫణి, బుల్లితెర నటుడు అజయ్‌ ఘోష్‌ ప్రత్యేక ఆకర్షణగా నిలిచారు. ఆటపాటులు, జానపద నృత్యాలతో కార్యక్రమం అలరించింది.

తూర్పుగోదావరి : జిల్లా కాకినాడ రూరల్‌ మండలం సర్పవరంలో జరిగిన సంక్రాంతి సంబరాల్లో హాస్య నటుడు పృథ్వి సందడి చేశారు. కోడి పందేల బరిని సందర్శించారు. పందేలను ఆసక్తిగా తిలకించారు. కోడిని పట్టుకుని బరిలో దిగి సందడి చేశారు. ఆంక్షల మధ్య పండుగ సంప్రదాయాలను జరుపుకోవడం పట్ల ఆవేదన వ్యక్తం చేశారు. 

12:57 - January 16, 2018

కృష్ణా : జిల్లా జగ్గయ్యపేటలో కనుమ సంబరాలు జరుగుతున్నాయి. జగ్గయ్యపేట ఎమ్మెల్యే శ్రీరాం రాజగోపాల్‌ ఆధ్వర్యంలో సంబరాలు అంబరాన్నంటాయి. గంగిరెద్దుల విన్యాసాలు, డప్పు వాయిద్యాల మధ్య ఎడ్ల బండ్ల మీద విహరిస్తూ కనుమ సంబరాలు జరుపుకున్నారు. మహిళలు, పెద్ద సంఖ్యలో పాల్గొన్నారు. వాయినాలు చెల్లిస్తూ, పండ్లు పంచుకుంటూ శుభాకాంక్షలు తెలుపుకున్నారు. 

21:08 - January 15, 2018
20:16 - January 15, 2018
11:09 - January 15, 2018

పశ్చిమ గోదావరి : జిల్లాలో సంక్రాంతి సంబరాలు మిన్నంటుతున్నాయి. స్నేహితులు, బంధువులతో అందరి ఇళ్లలో సందడి మొదలైంది. పిండి వంటలు, కొత్త అల్లుళ్లు, పంట పొలాలు, లేగదూడల మధ్య డాన్సులు చేస్తూ ప్రతి ఒక్కరూ సంబరాలు జరుపుకుంటున్నారు. జిల్లాలో సంక్రాంతి సంబరాలపై మరిన్ని వివరాలను వీడియోలో చూద్దాం.... 
 

07:37 - January 14, 2018

చిత్తూరు : జిల్లాలోని తంబల్లపల్లి నియోజకవర్గం బి. కొత్తకోట మండలంలో ఆంధ్రా ఊటీగా పేరుగాంచిన హార్సిలీహిల్స్‌లో సంక్రాంతి సంబరాలు ఘనంగా జరిగాయి. ఏపీ పర్యాటకశాఖ ఆధ్వర్యంలో ఈ వేడుకలు నిర్వహించారు. పర్యాటకశాఖ మేనేజర్‌ మురళి, మహేష్‌తోపాటు సిబ్బంది ఈ వేడుకల్లో పాల్గొన్నారు. విద్యార్థులు, మహిళలకు వివిధ పోటీలు నిర్వహించారు. విజేతలకు బహుమతుల ప్రదానం చేశారు. ఈ వేడుకలతో హార్సిలీహిల్స్‌లో పల్లెవాతావరణం ఉట్టిపడింది.
గుంటూరులో 
గుంటూరు జిల్లాలోని దుగ్గిరాలోని కొత్త రఘురామయ్య డిగ్రీ కళాశాలలో సంక్రాంతి సంబరాలు అంబరాన్నంటాయి. దుగ్గిరాల దోస్త్‌ సేవ ట్రస్ట్‌ ఆధ్వర్యంలో జరిగిన ఈ వేడుకల్లో రాష్ట్ర ఎన్నికల కమిషనర్‌ రమేష్‌కుమార్‌ పాల్గొన్నారు. ఈ  సందర్భంగా వివిధ రకాల పోటీలను నిర్వహించారు. రంగోలి పోటీ కన్నుల పండుగగా సాగింది. భారీ సంఖ్యలో విద్యార్థినులు, మహిళలు ఈ పోటీల్లో పాల్గొన్నారు.  భోగి మంటలు, గొబ్బెమ్మల పాటలతో చిన్నారులు చేసిన నృత్యాలు ఆకట్టుకున్నాయి.

21:08 - January 13, 2018

హైదరాబాద్ : పండుగొచ్చింది... పల్లెలన్నీ కళకళలాడుతున్నాయి. సంక్రాంతిని ఎంజాయ్‌ చేసేందుకు కుటుంబాలన్నీ పల్లెబాట పడుతున్నాయి. పండుగను ఘనంగా జరుపుకునేందుకు గ్రామాలన్నీ సిద్దమయ్యాయి. నగరవాసులంతా పల్లెకు తరలిపోతుండడంతో టోల్‌గేట్ల వద్ద గంటల తరబడి ట్రాఫిక్‌ జామ్‌ జరుగుతోంది. మరోవైపు పట్టణవాసులంతా ఊర్లకు వెళ్తుండడంతో నగర వీధులన్నీ బోసిపోతున్నాయి.

తెలుగు రాష్ట్రాల్లో సంక్రాంతి శోభ కనిపిస్తోంది. పల్లెలన్నీ కళకళలాడుతున్నాయి. ఉద్యోగాల కోసం ఇతర ప్రాంతాలకు వెళ్లిన ప్రజలంతా పండుగను ఘనంగా జరుపుకునేందుకు సొంత గ్రామాలకు చేరుకుంటున్నారు. మరోవైపు దూర ప్రాంతంలోని తమ వారంతా వస్తుండడంతో ఆ కుటుంబాల్లో ఆనందం వెల్లివిరుస్తోంది. పచ్చని వాకిళ్లలో రంగవళ్లికలు కన్నుల విందు చేస్తున్నాయి. ప్రధానంగా కోస్తాంధ్రలో సంక్రాంతి సంబరాలు అంబరాన్ని అంటుతున్నాయి. పశ్ఛిమగోదావరిజిల్లా భీమవరంలో అమ్మాయిలు సంక్రాంతి వేడుకలు జరుపుకున్నారు. ముగ్గుల పోటీల్లో పాల్గొన్న అమ్మాయిలు సాంప్రదాయ దుస్తుల్లో మెరిసిపోయారు.

నగరమంతా పల్లెబాట పడుతోంది. ప్రయాణికుల రాకతో బస్‌, రైల్వేస్టేషన్లు కిటకిటలాడుతున్నాయి. ప్రయాణికుల రద్దీని దృష్టిలో పెట్టుకుని ఆర్టీసీ అధికారులు ప్రత్యేక బస్సులు ఏర్పాటు చేశారు. ప్రధాన టెర్మినల్‌ అయిన ఎమ్‌జీబీఎస్‌కు వచ్చే దారిలో ట్రాఫిక్‌ ఎక్కువగా ఉన్నందున ప్రత్యేక బస్సులను నడుపుతోంది. జూబ్లీబస్టాండ్, ఉప్పల్‌ క్రాస్‌ రోడ్‌, దిల్‌సుఖ్‌నగర్‌, ఎల్బీనగర్ నుండి తెలంగాణాలోని వివిధ ప్రాంతాలకు బస్సులు ఏర్పాట్లు చేసింది. మరోవైపు పలువురు తమ సొంత వాహనాలలో ఊర్లకు పయనమయ్యారు. దీంతో నగర శివారులో భారీ ఎత్తున ట్రాఫిక్‌ జామ్‌ అవుతోంది. అలాగే... టోల్‌గేట్‌ వద్ద గంటల తరబడి వాహనాలు ట్రాఫిక్‌లో చిక్కుకుంటున్నాయి. దీంతో వాహనదారులు అనేక ఇబ్బందులు పడుతున్నారు.

ఇక సంక్రాంతి పండుగకు ఆంధ్రాలో ఉండే సరదానే వేరు. ప్రత్యేకంగా ఈ సరదాల కోసం ఏడాదికోసారి ఎక్కడెక్కడో ఉన్నవాళ్లంతా ఒక్కచోటికి చేరి ఎంజాయ్‌ చేస్తుంటారు. పలు ప్రాంతాల్లో కోడిపందాలను నిర్వహిస్తున్నారు. ఇక కోడి పందాలు నిర్వహిస్తే కఠిన చర్యలు తప్పవని.. జిల్లా వ్యాప్తంగా జాయింట్ యాక్షన్‌ టీంలను ఏర్పాటు చేసి పందాలు నిర్వహించకుండా నిరోధిస్తామని పశ్చిమ గోదావరి జిల్లా ఎస్పీ రవిప్రకాష్‌ తెలిపారు. కత్తులు కట్టి కోడి పందాలు నిర్వహించినా, గాంబ్లింగ్‌ ఆటలాడినా కఠిన చర్యలు తప్పవని ఎస్పీ రవిప్రకాష్‌ హెచ్చరించారు. ఇక సంక్రాంతి సంబరాలను జరుపుకునేందుకు నారావారిపల్లికి నారా కుటుంబం, నందమూరి బాలకృష్ణ కుటుంబం చేరుకుంది. సంక్రాంతి సంబరాల్లో నారా భువనేశ్వరి పాల్గొన్నారు. ఇక ఇప్పటికే పల్లెపల్లెన సంక్రాంతి సంబరాలు అంబరాన్నంటాయి. మూడు రోజులపాటు ఎంజాయ్‌ చేసేందుకు ప్రతి ఒక్కరూ కార్యక్రమాలు సిద్దం చేసుకుంటున్నారు. 

07:37 - December 31, 2017

హైదరాబాద్ : 2017 కాలగర్భంలో కలిసిపోతోంది. కోటి ఆశలతో కొత్త సంవత్సరం.. 2018 ప్రవేశిస్తోంది. ప్రతి ఇంటా కొత్త క్యాలెండర్ ప్రత్యక్షం కాబోతోంది.. ప్రతి మదిలో కోటి ఆశలు ఊపిరి పోసుకుంటున్నాయి. పాత సంవత్సరాన్ని నెమరు వేసుకుంటూ కొత్త లక్ష్యాలను సిద్ధం చేసుకుంటూ అందరూ సంబరాలకు సిద్ధమవుతున్నారు. ఒకరికొకరు శుభాకాంక్షలు చెప్పుకుంటూ.. కొత్త సంవత్సరానికి స్వాగతం పలుకుతున్నారు. 
అందరిలోనూ జోష్ 
న్యూ ఇయర్ మొదలవుతోంది అనగానే.. అందరిలోనూ ఓ రకమైన జోష్ నిండిపోతుంది. కొత్త ఉత్సాహం ఉరకలేస్తుంది. పాత సంవత్సరపు చేదు జ్ఞాపకాల్ని మర్చిపోవాలని కొందరు.. సాధించలేకపోయిన లక్ష్యాల్ని కొనసాగించాలని మరికొందరు.. సరికొత్త నిర్ణయాలు తీసుకుంటారు. గడిచిన ఏడాదికి గుడ్‌బై చెప్పి కోటి ఆశలతో కొత్త సంవత్సరానికి స్వాగతం చెప్పేందుకు అందరూ సిద్ధమవుతున్నారు. 
ఒకప్పుడు గ్రీటింగ్స్ పంపి శుభాకాంక్షలు 
ఒకప్పుడు న్యూ ఇయర్‌కి ముందుగానే దూర ప్రాంతాల్లో ఉండే తమ వారికి గ్రీటింగ్స్ పంపి శుభాకాంక్షలు చెప్పేవారు. తిరిగి తాము అందుకున్న గ్రీటింగ్స్ చూసుకుని మురిసిపోయేవారు. ఇప్పుడు వాటితో పని లేకుండా ఎప్పటికప్పుడు సెల్‌ఫోన్లలో ఒకరినొకరు చూసుకుంటూ.. మాట్లాడుకుంటూ శుభాకాంక్షలు చెప్పుకుంటున్నారు. ఇక ఫేస్‌బుక్, వాట్సాప్‌ల అప్‌డేట్‌ ఉండనే ఉంది. ఇప్పటికే సోషల్ మీడియాలో ఒకరికొకరు శుభాకాంక్షలు చెప్పుకుంటూ సందడి మొదలెట్టేశారు. 
పల్లెసీమలకూ వ్యాపించిన హంగామా 
కొత్త సంవత్సరం మొదలయ్యేది జనవరి 1న అయినా.. అసలు హంగామా అంతా డిసెంబర్ 31 అర్ధరాత్రి తేదీ మారే సమయంలోనే. కొత్త సంవత్సరానికి స్వాగతం చెప్పే ముందు నగరాల్లో సందడి అంబరాన్ని అంటుతుంది. ఒకప్పుడు సిటీల్లో ఉండే హంగామా ఇప్పుడు పల్లెసీమలకూ వ్యాపించింది..అపార్ట్‌మెంట్లు, పబ్బులు, క్లబ్బులు సందడిగా మారిపోతాయి. ఇక కుర్రకారు కేరింతలకు అలుపుండదు. ఆటలు.. పాటలతో వీధులన్నీ మారుమోగిపోతాయి. చిన్నా, పెద్దా అనే తేడా లేకుండా అందరూ కొత్త సంవత్సర వేడుకల్లో ముగిపోతారు. గడియారం 12 కొట్టగానే బాణాసంచా మోత మోగిపోవాల్సిందే. ఇక న్యూ ఇయర్ వేడుకల్లో అసలు జోష్ అంతా యూత్‌దే.
కొత్త సంవత్సరం.. అందరిలోనూ ఉత్కంఠ  
కొత్త సంవత్సరం ఎలా ఉండబోతోందనే ఉత్కంఠ అందరిలోనూ ఉంటుంది..గడిచిన ఏడాదిగా అందరి జీవితాల్లో ఎదురైన చేదు జ్ఞాపకాల్ని మరిచిపోవాలి. నిరుపేదల జీవితాల్లో వెలుగులు నిండాలి. అసమానతలు మరిచిపోయి అందరూ ఐకమత్యంగా ముందుకు సాగాలి. శాంతి సౌభాగ్యాలు వెల్లివిరియాలి. కొత్త ఏడాది కోసం కన్న కలలు నిజం కావాలి. కొత్త సంవత్సరానికి ఇవే ప్రధాన లక్ష్యాలు కావాలి. 

 

Pages

Don't Miss

Subscribe to RSS - సంబరాలు