సమన్లు

18:06 - October 10, 2017

జగిత్యాల : ప్రొఫెసర్ కంచ ఐలయ్యకు జగిత్యాల జిల్లా కోరుట్ల కోర్టు... సమన్లు జారీ చేసింది. 'సామాజిక స్మగ్లర్లు-కోమటోళ్లు' పుస్తకం... తమ మనోభావాలను దెబ్బతీసిందంటూ కొందరు కోరుట్ల కోర్టులో పిటిషన్ వేశారు. దీనిని విచారణకు స్వీకరించిన న్యాయస్థానం.. ఐలయ్యకు సమన్లు జారీ చేసింది. ఈ పుస్తకం విడుదల తర్వాత.. ఐలయ్యకు బెదిరింపులు రావడంతో... నిన్న ఆయన డీజీపీని కలిసి రక్షణ కల్పించాలని విజ్ఞప్తి చేశారు.

 

22:00 - September 12, 2017

గుజరాత్‌ : గుజరాత్ 2002లో  జ‌రిగిన అల్లర్ల కేసుకు సంబంధించి బిజెపి చీఫ్‌ అమిత్ షాకు సిట్‌ కోర్టు స‌మ‌న్లు జారీ చేసింది. సెప్టెంబర్‌ 18న కోర్టుకు వచ్చి సాక్ష్యం చెప్పాలని అమిత్‌షాను ఆదేశించింది. అమిత్‌షా సాక్షిగా కోర్టు ముందు హాజ‌రు కావాల‌ని ఈ కేసులో హ‌త్యానేరం ఆరోపణలు ఎదుర్కొంటున్న గుజరాత్‌ మాజీ మంత్రి మాయా కొద్నానీ కోర్టుకు విజ్ఞప్తి చేశారు. కొద్నాని విజ్ఞప్తిని ఏప్రిల్‌లో కోర్టు అంగీకరించింది. నరోద గ్రామంలో జరిగిన అల్లర్లలో 11 మంది ముస్లింలు ఊచకోతకు గురయ్యారు. ఈ కేసుకు సంబంధించి విచారణ 4 వారాల్లోగా పూర్తి చేయాలని సిట్‌ కోర్టును సుప్రీంకోర్టు ఆదేశించింది. 2002 అల్లర్లకు సంబంధించి మాయా కొద్నానీ దోషిగా తేలింది. ఆ హ‌త్యలు జ‌రిగిన స‌మ‌యంలో తాను అమిత్ షాతో క‌లిసి త‌న ఆసుప‌త్రిలో ఉన్నట్లు మాయా కొద్నాని  చెబుతున్నారు. ఈ కేసుకు సంబంధించి 2009లో మాయా కొద్నానిని అరెస్ట్‌ చేశారు. 

21:55 - July 10, 2017

ఢిల్లీ : ఆర్జేడీ చీఫ్‌ లాలూ ప్రసాద్‌ యాదవ్‌ కూతురు మీసా భారతికి ఈడీ సమన్లు జారీ చేసింది. మనీ లాండరింగ్‌ కేసులో మంగళవారం విచారణకు హాజరు కావాలని ఆదేశించింది. ఢిల్లీలోని మీసా ఫాంహౌస్‌ను ఈడీ అటాచ్‌ చేసే ఆలోచనలో ఉంది. రెండు రోజుల క్రితం మనీ లాండరింగ్‌ కేసులో మీసా నివాసంతో పాటు ఫామ్‌హౌస్‌లో ఈడీ సోదాలు నిర్వహించింది. మీసా భర్త శైలేష్‌ను ఈడీ ప్రశ్నించింది. అక్రమ ఆస్తుల కేసులో మీసా, ఆమె భర్త శైలేష్‌ గతనెల ఐటి అధికారుల ముందు హాజరైన విషయం తెలిసిందే. అతి తక్కువ ధరలకే భూములు కొనుగోలు చేసి పెద్ద మొత్తంలో ఆస్తులు కూడ బెట్టారని మీసా ఆమె భర్తపై ఆరోపణలున్నాయి. 

07:07 - July 7, 2017

హైదరాబాద్ : అక్రమాస్తుల కేసులో వైఎస్‌ జగన్‌కు ఈడీ కోర్టు సమన్లు జారీచేసింది. ఇండియా సిమెంట్స్‌ వ్యవహారంలో ఈడీ చార్జీషీట్‌ను పరిగణలోకి తీసుకున్న కోర్టు..ఆగస్టు 4న కోర్టుకు హాజరుకావాలని జగన్‌కు ఆదేశాలు జారీచేసింది. జగన్‌తో పాటు ఇండియా సిమెంట్స్‌ అధినేత శ్రీనివాసన్‌, విజయసాయిరెడ్డి, ఐఏఎస్‌ అధికారి ఆదిత్యనాథ్‌ దాస్‌, రిటైర్డ్‌ ఐఏఎస్‌ శామ్యూల్స్‌కూ కూడా ఈడీ కోర్టు సమన్లు జారీచేసింది.

 

21:33 - May 23, 2017

ఢిల్లీ : బొగ్గు కుంభకోణంలో ప్రముఖ పారిశ్రామికవేత్త, కాంగ్రెస్‌ మాజీ ఎంపీ నవీన్‌ జిందాల్‌కు ప్రత్యేక కోర్టు సమన్లు జారీ చేసింది. మధ్యప్రదేశ్‌లోని బొగ్గు క్షేత్రం కేటాయింపుకు సంబంధించిన కేసులో కోర్టు ఈ చర్య తీసుకుంది. నవీన్ జిందాల్‌తో పాటు జిందాల్ స్టీల్ అండ్ పవర్ లిమిటెడ్ కంపెనీకి చెందిన మాజీ డైరెక్ట్ సుశీల్ మరూ, మాజీ డిప్యూటీ ఎండీ ఆనంద్ గోయల్, సీఈఓ విక్రాంత్ గుజ్రాల్‌లకు కూడా సమన్లు జారీ అయ్యాయి. ఉర్తన్ నార్త్ కోల్ బ్లాకు కేటాయింపులో వీరు మోసానికి పాల్పడ్డారని, నేరపూరిత కుట్ర జరిపారని సీబీఐ ఆరోపించింది. సిబిఐ సమర్పించిన అభియోగపత్రాన్ని విచారణకు స్వీకరించిన ప్రత్యేక కోర్టు ఈ సమన్లను జారీ చేసింది. వీరంతా సెప్టెంబరు 4న జరిగే విచారణకు హాజరు కావాలని కోర్టు ఆదేశించింది.

11:38 - May 9, 2017

ఢిల్లీ : వివిధ బ్యాంకులకు 9వేల కోట్లు రుణాలు ఎగ్గొట్టి యూకేలో ఉన్న లిక్కర్ కింగ్విజయ్‌ మాల్యాకు సుప్రీంకోర్టు మరోషాక్‌ ఇచ్చింది. కోర్టు ధిక్కరణ కింద విజయ్‌మాల్యాకు సుప్రీంకోర్టు సమన్లు జారీ చేసింది. జూలై 10న హాజరుకావాలని ఆదేశించింది.

15:31 - April 21, 2017

ఇటీవల పలువురు హీరోలు వివాదాస్పద వ్యాఖ్యలు చేయడంతో విమర్శలు ఎదుర్కొంటున్నారు. ఇటీవలే సోనూ నిగమ్ చేసిన వ్యాఖ్యలపై దుమారం రేగుతోంది. తాజాగా ప్రముఖ నటుడు కమల్ హాసన్ కు కోర్టు సమన్లు జారీ చేయడంపై చర్చానీయాంశమైంది. మహాభారతం..ద్రౌపదిపై కమల్ పలు వ్యాఖ్యలు చేశారని, హిందూ సమాజాన్ని కించపరిచే విధంగా ఉన్నాయంటూ హిందూ మక్కల్ కట్చి పార్టీ కోర్టుకెక్కింది. దీనితో వల్లియార్ కోర్టు ఆయనకు సమన్లు జారీ చేసింది. వచ్చే నెల 5వ తేదీన కోర్టు ఎదుట హాజరు కావాలని ఆదేశాల్లో పేర్కొంది. మరి కమల్ కోర్టుకు హాజరౌతారా ? లేదా ? అనేది చూడాలి.

16:33 - March 28, 2017

విజయవాడ : ఏపీ ప్రతిపక్ష నేత, వైసీపీ అధ్యక్షుడు జగన్ మళ్లీ జైలుకెళుతారా ? అనే సందేహాలు వెలువడుతున్నాయి. సీబీఐ సమన్లు జారీ చేయడమే ఇందుకు కారణం. పలు కేసుల్లో ఆరోపణలు ఎదుర్కొంటున్న జగన్ షరతులతో కూడిన బెయిల్ పొందిన సంగతి తెలిసిందే. దీనిపై మంగళవారం సీబీఐ ప్రత్యేక కోర్టులో సీబీఐ అధికారులు పిటిషన్ దాఖలు చేశారు. ఆయనకు షరతులతో జారీ చేసిన బెయిల్ ను రద్దు చేయాలని పిటిషన్ లో పేర్కొన్నారు. కేసును ప్రభావితం చేసే విధంగా జగన్ ప్రయత్నిస్తున్నారని, సీబీఐకి వ్యతిరేకంగా జగన్ అసత్య ప్రచారం చేస్తున్నారని ఆరోపించింది. సీబీఐ సరిగ్గా దర్యాప్తు చేయడం లేదని కేసుల్లో సాక్షిగా ఉన్న రమాకాంత్ రెడ్డి ఆరోపించారని, కేసులపై ప్రభావం పడుతుందని సీబీఐ పేర్కొంది. సాక్షులను తారుమారు చేస్తారని పలుసార్లు తాము పేర్కొనడం జరిగిందని ప్రస్తుతం అది రుజువవుతోందని తెలిపింది. ఏప్రిల్ 7వ తేదీలోగా కౌంటర్ దాఖలు చేయాలని జగన్ కు సూచించింది. ఇందులో రాజకీయ అంశాలు ముడిపడ్డాయని జగన్ తరపు న్యాయవాది పేర్కొంటున్నారు.

21:30 - March 24, 2017

హైదరాబాద్: ఎయిర్‌ ఇండియా సీనియర్‌ ఉద్యోగిని చెప్పుతో కొట్టినందుకు శివ‌సేన ఎంపీ ర‌వీంద్ర గైక్వాడ్‌ను ఎఫ్‌ఐఏ నిషేధించింది. దీంతో ఆయన ఏ ప్రయివేట్‌ విమానంలోనూ ప్రయాణించడానికి వీలు లేకుండా పోయింది. ఇవాళ ఢిల్లీ నుంచి పుణెకు వెళ్లాల్సిన గైక్వాడ్‌ విమాన టికెట్‌ను ఇండిగో రద్దు చేసింది. చేసిన తప్పుకు క్షమాపణ చెప్పేందుకు నిరాకరించిన గైక్వాడ్‌-దమ్ముంటే పోలీసులు తనను అరెస్ట్ చేయాలని సవాల్‌ విసిరారు. ఈ ఘటనకు సంబంధించిన వీడియో సోషల్‌ మీడియాలో హల్‌ చల్‌ చేస్తోంది.

సమాజంలో బాధ్యతాయుతంగా మెలగాల్సిన ఈయ...

శివసేనకు చెందిన రవీంద్ర గైక్వాడ్‌ సాధారణ వ్యక్తి కాదు పార్లమెంట్‌ సభ్యుడు. సమాజంలో బాధ్యతాయుతంగా మెలగాల్సిన ఈయన- విమానంలో బిజినెస్‌ క్లాస్‌ సీటు కోసం విచక్షణ కోల్పోయాడు. ఎయిర్‌ ఇండియా సెక్యూరిటీ అధికారిని 25 సార్లు చెప్పుతో కొట్టాడు. పక్కనే ఉన్న సిబ్బంది ఎంత వేడుకున్నా వెనక్కి తగ్గలేదు. పైగా ఆ ఉద్యోగిపై ఆగ్రహం వ్యక్తం చేస్తూ కిందకు తోసేందుకు యత్నించాడు.

రోల్‌ మాడల్‌గా ఉండాల్సిన మీరే ఇలా ప్రవర్తిస్తే ఎలా...

రోల్‌ మాడల్‌గా ఉండాల్సిన మీరే ఇలా ప్రవర్తిస్తే ఎలా అంటూ మహిళా అధికారి ఎంపీని సముదాయించే ప్రయత్నం చేశారు. మీరు ప్రజా ప్రతినిధి.... ఇలా చేయడం సబబు కాదు సర్... అంటూ ఎంపీపై ఆగ్రహం వ్యక్తం చేశారు.అయినప్పటికీ గైక్వాడ్ వెనక్కి తగ్గక పోగా...తన స్థాయిని మరచి మిగతా సిబ్బందిపై చిందులేశాడు...

శివసేన ఎంపీ తీరుపై విమాన సంస్థలు సీరియస్‌గా తీసుకున్నాయి

శివసేన ఎంపీ తీరుపై విమాన సంస్థలు సీరియస్‌గా తీసుకున్నాయి. ఫెడరేషన్‌ ఆఫ్‌ ఇండియన్‌ ఎయిర్‌లైన్స్‌ రవీంద్ర గైక్వాడ్‌ పేరును బ్లాక్‌ లిస్టులో పెట్టింది. దీంతో ఆయన ఏ ప్రయివేట్‌ విమానంలోనూ ప్రయాణించడానికి వీలు లేకుండా పోయింది. ఎయిర్‌ ఇండియా బ్లాక్‌ లిస్టులో చేరిన తొలి వ్యక్తి రవీంద్ర గైక్వాడే కావడం గమనార్హం.

ఇంతజరిగినా...సదరు ఎంపీ పశ్చత్తాపం చెందలేదు...

ఇంతజరిగినా...సదరు ఎంపీ పశ్చత్తాపం చెందలేదు.... క్షమాపణ చెప్పడానికి నిరాకరించడమే కాదు... దమ్ముంటే ఢిల్లీ పోలీసులు తనను అరెస్ట్ చేయాలని రవీంద్ర గైక్వాడ్-సవాల్‌ విసిరారు. ఈ ఘటనపై విమర్శలు వెల్లువెత్తుతుండడంతో సదరు ఎంపీకి శివసేన సమన్లు జారీ చేసింది.

16:55 - February 6, 2017

హైదరాబాద్: హీరో ప్రిన్స్ మహేశ్‌బాబుకు నాంపల్లి కోర్టు సమన్లు జారీ చేసింది. తన నవల కాపీ కొట్టి శ్రీమంతుడు సినిమా తీశాడని రచయిత చంద్ర కోర్టును ఆశ్రయించాడు. కేసును విచారణకు స్వీకరించిన కోర్టు మహేశ్ బాబుతో పాటు డైరెక్టర్ కొరటాల, నిర్మాత నవీన్‌లకు సమన్లు జారీ చేసింది. మార్చి 3న కోర్టుకు హాజరుకావాలని ఆదేశాలు జారీ చేసింది.

Pages

Don't Miss

Subscribe to RSS - సమన్లు