సరూర్ నగర్

17:32 - May 17, 2018

హైదరాబాద్ : ఓ యువకుడికి అప్పుడే జీవితంపై విరక్తి చెందిందంట..దీనితో బలవన్మరణానికి పాల్పడ్డాడు. ఈ ఘటన సరూర్ నగర్ లో చోటు చేసుకుంది. ఘట్ కేసర్ మండలం అన్నోజీగూడానికి చెందిన సాయి కుమార్ గౌడ్ రిలయెన్స్ మార్కెట్ ఎగ్జిక్యూటివ్ గా పనిచేస్తున్నాడు. బుధవారం రాత్రి ఇతను ఫ్యాన్ కు ఉరేసుకుని సూసైడ్ చేసుకున్నాడు. జీవితంపై విరక్తి చెందిన కారణంగానే సూసైడ్ చేసుకున్నట్లు తెలుస్తోంది. కారణాలు తెలియాల్సి ఉంది. 

07:11 - April 30, 2018

హైదరాబాద్ : తెలంగాణ జన సమితి అధికారంలోకి రాగానే.. అవినీతి అధికారులపై విచారణ జరిపిస్తామని ఆపార్టీ అధినేత ప్రొఫెసర్‌ కోదండరామ్ అన్నారు. సరూర్‌నగర్‌ టీజేఎస్‌ ఆవిర్భావ సభలో ప్రసంగించిన కోదండరామ్... ప్రస్తుత పాలకుల తీరుపై ఆగ్రహం వ్యక్తం చేశారు. చట్ట ప్రకారం కాకుండా.. నేతల మాటలు వినే అవినీతి అధికారులు భవిష్యత్తులో తగిన మూల్యం చెల్లించుకోక తప్పదన్నారు. రాజకీయ నాయకులు రియల్‌ ఎస్టేట్‌ వ్యాపారులతో కుమ్మక్కై వ్యాపారం చేస్తున్నారని విమర్శించారు. హైదరాబాద్‌ పరిసరాల్లోని వేలాది ఎకరాల భూములను జప్తు చేస్తే.. నగరంలోని పేద, మధ్యతరగతి ప్రజలతోపాటు.. పాత్రికేయులు, న్యాయవాదులకు ఇళ్లు కట్టించడం అసాధ్యం కాదన్నారు. గల్లీల్లోని గరీబులు సైతం గౌరవంగా బతికే రోజులు రావాలని కోదండరామ్‌ ఆకాంక్షించారు. 

21:54 - April 28, 2018

హైదరాబాద్ : ప్రొఫెసర్‌ కోదండరామ్‌ నేతృత్వంలోని తెలంగాణ జన సమితి పార్టీ ఆవిర్భావ సభకు ముమ్మర ఏర్పాట్లు జరుగుతున్నాయి. సభను వినూత్నంగా నిర్వహించాలని టీజేఎస్‌ భావిస్తోంది. ప్రభుత్వం విస్మరించిన అమరవీరుల స్మృతి చిహ్నం ఏర్పాటుకు ఈ సభను వేదికగా మలచుకునే ప్రయత్నం చేస్తోంది. పార్టీ అధినేత కోదండరామ్‌ వీటికి సంబంధించిన ఏర్పాట్లను దగ్గరుండి పర్యవేక్షిస్తున్నారు.

ఆదివారం టీజేఎస్‌ ఆవిర్భావ సభ
తెలంగాణ జేఏసీ చైర్మన్‌గా ఇన్నాళ్లూ కొనసాగిన ప్రొఫెసర్‌ కోదండరామ్‌.. సరికొత్త రాజకీయ పార్టీని ఆవిష్కరించనున్నారు. ఇప్పటికే పార్టీ పేరు, గుర్తును వెల్లడించిన కోదండరామ్‌.. ఆదివారం నాటి ఆవిర్భావ సభలో.. పార్టీ విధివిధానాలు, ఆవిర్భావ ఆవశ్యకతను వివరించనున్నారు. ఆవిర్భావ సభను జయప్రదం చేసి తీరాలని పట్టుదలగా ఉన్న కోదండరామ్‌.. దగ్గరుండి మరీ ఏర్పాట్లను పర్యవేక్షిస్తున్నారు.

ప్రతి ఒక్కరూ వ్యవసాయ పనిముట్లు తీసుకురావాలన్న కోదండరామ్‌
తెలంగాణ జనసమితి పార్టీ ఆవిర్భావ సభను.. రొటీన్‌కు భిన్నంగా.. ఆలోచింప చేసేలా నిర్వహించాలని కోదండరామ్‌ భావిస్తున్నారు. ఈ క్రమంలో సభాస్థలిలో అమరవీరుల స్పూర్తివన్‌ను నిర్మిస్తున్నారు. దీనికిగాను.. సభకు హాజరయ్యే ప్రజలు.. ఇంటి వద్ద నుంచే వ్యవసాయ పనిముట్ల ముక్కలను తీసుకురావాలని కోదండరామ్‌ పిలుపునిచ్చారు. తెలంగాణ జనసమితి ఆవిర్భావ సభ నిర్వహణను విభిన్నంగా చేపట్టనున్నారు. ఆదివారం మధ్యాహ్నం మూడు గంటల నుంచి సభ ప్రారంభం కానుంది. ఐదు గంటలకు అమరవీరుల స్తూపం వద్ద టీజేఎస్‌ అధ్యక్షుడు కోదండరామ్‌ నివాళి అర్పించి.. ఐదు గంటల పదిహేను నిమిషాలకు పార్టీ ఆవిర్భావ ప్రకటన చేస్తారు. పార్టీ పతాకంతో పాటు... పార్టీ గీతాన్నీ ఆవిష్కరిస్తారు. సాయంత్రం ఆరు వరకు వివిధ కళారూపాలను ప్రదర్శిస్తారు. టీఆర్‌ఎస్‌ నాలుగేళ్ల పాలనలో ప్రజలు పడ్డ వెతలతో కూడిన వీడియోను ఈ సందర్భంగా ప్రదర్శిస్తారు. నేరెళ్ల దళితుల వెతలు, ఆత్మహత్యకు పాల్పడ్డ రైతుల కుటుంబాల బాధలు, ప్రభుత్వ వైఫల్యాలు, నిర్బంధాలు, ప్రజా ఉద్యమాలన్నీ ఇందులో ఉంటాయి.

సభా వేదికపై అన్ని రంగాలకూ చెందినవారు
టీజేఎస్‌ ఆవిర్భావ సభా వేదికపై అన్ని రంగాలకూ చెందిన సుమారు రెండు వేల మంది కూర్చునేలా ఏర్పాట్లు చేస్తున్నారు. ఖమ్మంలో ప్రభుత్వం బేడీలు వేయించిన రైతులతో ముఖాముఖి, 2014 ర్వాత ఆత్మహత్య చేసుకున్న నిరుద్యోగ యువత కుటుంబ సభ్యులతో పరిచయాలు, భూ నిర్వాసితులతో ప్రసంగాలు వినిపించి ఈ వేదిక ద్వారా అన్ని వర్గాల ప్రజల వెతలను తెలంగాణ సమాజానికి చాటాలని భావిస్తున్నారు.

పార్టీ విధి విధానాలు, ఆవిర్భావ ఆవశ్యకతను వివరించనున్న కోదండరామ్‌
టీజేఎస్‌ ఏర్పాటుకు దారితీసిన పరిణామాలు, పార్టీ విధివిధానాలను దాదాపు ఏడు గంటల ప్రాంతంలో ప్రొఫెసర్‌ కోదండరామ్‌ వివరించనున్నారు. సభకు భారీ సంఖ్యలో ప్రజలు వస్తారని అంచనా వేస్తున్న టీజేఎస్‌.. ఆహూతులు వేసవి తాపం నుంచి ఉపశమనం పొందేందుకూ తగిన ఏర్పాట్లూ చేశారు.  

17:39 - April 28, 2018

హైదరాబాద్ : టీఆర్‌ఎస్‌ ప్లీనరీలో కొత్తగా చెప్పిందేమీ లేదని జన సమితి అధ్యక్షులు కోదండరాం ఎద్దేవా చేశారు.తెలంగాణ జన సమితి ఆవిర్భావ సభకు ఏర్పాట్లు చురుగ్గా సాగుతున్నాయి. ఈ ఏర్పాట్లను కోదండరామ్ పరిశీలించారు ఈ సందర్బంగా ఆయన మాట్లాడుతు..టీఆర్‌ఎస్‌ ప్లీనరీలో కొత్తగా చెప్పిందేమీ లేదని ఎద్దేవా చేశారు. ఢిల్లీలో బలగం పెంచుకునేందుకు కేసీఆర్‌ జాతీయ రాజకీయాలఉ చేస్తున్నారే తప్ప మౌలిక మార్పు కోసం ఎలాంటి ప్రయత్నం చేయడం లేదని విమర్శించారు. కాగా వచ్చే ఎన్నికల్లో ఒంటరిగానే పోటీ చేస్తామని జనసమితి అధ్యక్షలు ప్రొ. కోదండరామ్‌ తెలిపారు. అమరవీరుల త్యాగాలకు చిహ్నంగా స్మృతిచిహ్నం నిర్మిస్తామని జనసమితి అధ్యక్షులు ప్రొ.-కోదండరామ్‌ తెలిపారు. ప్రజల సహకారంతో స్మృతిచిహ్నాన్ని ఏర్పాటు చేస్తామన్నారు. ఆదివారం నాడు సరూర్‌నగర్‌ స్టేడియంలో జరిగే సభకు భారీ ఎత్తున ప్రజలు తరలివస్తారని నేతలు ఆశిస్తున్నారు. సభ ఏర్పాట్లను జనసమితి నేతలతో కలిసి ప్రొఫెసర్‌ కోదండరామ్‌ పరిశీలించారు. 

06:47 - April 26, 2018

హైదరాబాద్ : తెలంగాణ జన సమితి పార్టీ... ఆవిర్భావ సభను విజయంతం చేసేందుకు జన సమీకరణపై దృష్టి సారించింది. తెలంగాణ వ్యాప్తంగా ప్రజలను సభకు తరలించేందుకు ఇప్పటికే ప్రచారం నిర్వహిస్తోంది. తెలంగాణ జన సమితి ఆవిర్భావ సభ జోష్‌పై 10టీవీ కథనం... ప్రత్యేక తెలంగాణ రాష్ట్ర ఏర్పడి నాలుగేళ్లు అవుతోంది. కానీ అభివృద్ధి ఫలాలు మాత్రం అన్ని వర్గాలకు అందడంలో తీవ్ర జాప్యం జరుగుతోంది. నిరుద్యోగ యువతకు ఉద్యోగ అవకాశాలు కల్పించడంలో ప్రభుత్వం విఫలమైందన్న విమర్శలు వినిపిస్తున్నాయి. తెలంగాణ ప్రజల ఆకాంక్షలను ప్రస్తుతం ప్రభుత్వం నెరవేర్చడం లేదని టీజేఏసీ చైర్మన్‌ కోదండరాం ఎప్పటికప్పుడు విమర్శలు చేస్తూనే ఉన్నారు. టీఆర్ఎస్‌ సర్కార్‌ వైఫల్యాలను ఎండగట్టడంతోపాటు... ప్రజల ఆకాంక్షలను నెరవేర్చేందుకు తెలంగాణ జన సమితి పార్టీని ఏర్పాటు చేశారు. ఈనెల 29న ఆవిర్భావ నిర్వహించుకుంటోంది. ఆవిర్భావ సభకు టీజేఎస్‌ అన్ని ఏర్పాట్లు చేసుకుంటోంది.

అనేక అవాంతరాల తర్వాత తెలంగాణ జన సమితి ఆవిర్భావ సభకు హైకోర్టు అనుమతి ఇచ్చింది. దీంతో సరూర్‌నగర్‌ స్టేడియంలో సభ నిర్వహణకు ఏర్పాటు జరుగుతున్నాయి. అయితే టీజేఎస్‌ ఆవిర్భావ సభకు జన సమీకరణపై ఫోకస్‌ పెట్టింది. సభను విజయంతం చేసుకునేందుకు సర్వశక్తులు ఒడ్డుతోంది. ఇప్పటికే గ్రామగ్రామాన ప్రచారం విస్తృతంగా నిర్వహిస్తోంది. సభను విజయంతం చేసేందుకు , జనాలను తరలించేందుకు ప్రత్యేక కమిటీలను నియమించింది. హైదరాబాద్‌, వరంగల్‌, కరీంనగర్‌లాంటి పెద్ద నగరాల్లో జన సమీకరణకు కృషి జరుగుతోంది. విశ్వ విద్యాలయాలు, కాలేజీలు, హాస్టల్స్‌, విద్యాసంస్థల ఎక్కువగా ఉండే ప్రాంతాల్లో ప్రచారం ముమ్మరంగా నిర్వహిస్తున్నారు. అటు సోషల్‌ మీడియాలోనూ ప్రచారం విస్తృతంగా చేస్తోంది టీజేఎస్‌. బహిరంగ సభకు అమరవీరుల కుటుంబ సభ్యులనూ సమీకరించాలని టీజేఎస్‌ నిర్ణయించింది.

ఆవిర్భావ సభ తర్వాత టీజేఎస్‌ శాశ్వత కమిటీలను ఏర్పాటు చేసుకోబోతున్నట్టు తెలుస్తోంది. ప్రస్తుతానికి మాత్రం అందరూ తాత్కాలిక కమిటీ కింద మాత్రమే పనిచేయాలని నిర్ణయించారు. ఆవిర్భావ సభ నుంచి పార్టీ ఏర్పాటుకు దారితీసిన పరిణామాలను కోదండరాం వివరించనున్నారు. పార్టీ భవిష్యత్‌ కార్యాచరణ, పార్టీ నిర్మాణం ఎలా ఉండబోతుందన్న అంశాలను ప్రకటించనున్నారు. -

21:01 - April 22, 2018

హైదరాబాద్ : గత పార్లమెంట్ బడ్జెట్ సమావేశాలలో ఏపీ ప్రత్యేక హోదా, విభజన హామీల అంశంపై అవిశ్వాస తీర్మానంపై బీజేపీ ప్రభత్వం చర్చ జరగనువ్వకుండి చేసిందనీ.. తెలంగాణలో ఎర్రచొక్కా వాలంటీర్ల ప్రదర్శన, జనసమీకరణే మోదీ సర్కారుకు అభిశంసన తీర్మానమని సీపీఎం జాతీయ మహాసభల బహిరంగ సభలో పొలిట్ బ్యూరో సభ్యులు మహ్మద్ సలీం ఎద్దేవా చేశారు. అమిత్ షా, మోదీ కంపెనీ లూఠీ, అబద్ధాలు, ప్రజలను విభజించడంపై దృష్టిసారించారని పొలిట్ బ్యూరో సభ్యులు మహ్మద్ సలీం విమర్శించారు. దళితులు, రైతుల సమస్యలపై చర్చను పార్లమెంట్ లో రానివ్వటం లేదు రోడ్లమీదనే చర్చించుకోమని బీజేపీ ప్రభుత్వం ప్రజలను రోడ్లపై కూర్చోబెడుతోందని మమ్మద్ సలీం విమర్శించారు. 

20:47 - April 22, 2018

హైదరాబాద్ : తెలంగాణలో ప్రజారాజ్యం సాధించి తీరతాం సీపీఎం జాతీయ మహాసభల బహిరంగ సభలో తెలంగాణ సీపీఎం రాష్ట్ర కార్యదర్శి తమ్మినేని వీరభద్రం ధీమా వ్యక్తం చేశారు. తెలంగాణ రాష్ట్రం వచ్చిందని వచ్చి ఏమిచ్చిందని ప్రశ్నించారు. తెలంగాణ వస్తే నీరు, నియామకాలు, నిధులు వస్తాయని ప్రజలు ఆశించారనీ కానీ ప్రభుత్వం వచ్చింది. కానీ నీరిచ్చిందా? నిధులిచ్చిందా? నియామకాలిచ్చిందా? అని అధికార పక్షాన్ని తమ్మినేని ప్రశ్నించారు. ప్రతీ గిరిజనుడికి మూడెకరాల భూమినిస్తామన్నారనీ..కానీ ఓట్లు వేసిన గిరిజను భూములను కూడా పాలకులు లాక్కుంటున్నారని..అమాయక గిరిజనులకు ఎర్రజెండా అండగా పోరాడిందని తెలిపారు. ప్రాజెక్టులకు సీపీఎం వ్యతిరేకంగా కాదనీ..భూ నిర్వాశితుల చట్టం ప్రకరాం పరిహారం కోరితే ప్రభుత్వం ఏమ్రాతం పట్టించుకోవటం లేదనీ తమ్మినేని విమర్శించారు. విద్య, వైద్యం సామాన్య ప్రజలకు అందినప్పుడే అభివృద్ధి తప్ప విమర్శించారు. భవిష్యత్తులో టీఆర్ఎస్, సీపీఎం కలిసి పోటీ చేస్తాయని వదంతులు వచ్చాయని అది ఎప్పటికీ జరగదని తమ్మినేని స్పష్టం చేశారు. ప్రజల కోసం సీపీఎం పోరాడుతుంటే వారు దబ్బనాలు, సూదుల పార్టీఅని ఎద్దేవా చేశారని మండిపడ్డారు. ప్రత్యామ్నాయ రాజకీయ విధానంతో సీపీఎం ముందుకొస్తోందని తెలిపారు. తెలంగాణలో 93 శాతం మంది ప్రజలు అట్టడుగున వున్నారన్నారు. రైతులకు గిట్టుబాటు ధర ఇస్తే వ్యవసాయం బాగుడుతుందనీ..అటువంటి విధానాలు రైతులనుకాపాడేవన్నారు. ఖమ్మం మిర్చియార్డులో రైతులకు సంకెళ్లు వేయించిన ప్రభుత్వమిది అని విమర్శించారు.

బీఎల్ఎఫ్ అధికారంలోకి వస్తే రైతులకు గిట్టుబాటు ధర: తమ్మినేని
బీఎల్ఎఫ్ అధికారంలోకి వస్తే రైతులకు గిట్టుబాటు ధర కచ్చితంగా ఇచ్చి తీరుతుందని హామీ ఇచ్చారు. బహుజనులకు అధికారంలోకి తేవటమే బీఎల్ఎఫ్ లక్ష్యమన్నారు. బీసీలకు 60 స్థానాలను కేటాయిస్తున్నామని తెలిపారు. కేసీఆర్ దృష్టిలో గొర్రెలను, పందులను పంచటమే సామాజిక న్యాయమని భావిస్తోందని తమ్మినేని ఎద్దేవా చేశారు. కేంద్రం ధాన్యం బస్తాకు రూ.1550 లు నిర్ణయిస్తే దానికి కేరళ ప్రభుత్వం రూ.800లు కలిపి గిట్టుబాటు ధర కల్పించిందని తెలిపారు.

పార్టీలోకి యువరక్తం: తమ్మినేని
ఈరోజు రెడ్ షర్ట్ వలంటీరే రేపటి ఎర్రజెండా వారసులనీ..వారు పార్టీ యువ కిశోరాలని పేర్కొన్నారు. పార్టీలో యువరక్తం కొనసాగుతోందన్నారు. వారే తెలంగాణ రథసారధులని ఉత్సాహపరిచారు. 

20:10 - April 22, 2018

హైదరాబాద్ : మోదీ హఠావ్..దేశ బచావ్ అనే నినాదంతో దేశమంతటా వినిపిస్తోందనీ..మోదీని గద్దె దింపేందుకు మహాసభ గట్టి నిర్ణయం తీసుకుందని సీపీఎం జాతీయ మహాసభ బహిరంగ సభలో పొలిట్ బ్యూరో బృందాకరత్ పిలుపునిచ్చారు. ఎర్రజెండాను అంతం చేయటం ఎవ్వరికి సాధ్యంకాదని..ఎర్రజెండా ఎప్పటికీ శాశ్వతంగా వుంటుందనీ..ఈ విషయంలో మోదీ కలలు కనటం మానుకోవాలని బృందాకరత్ హెచ్చరించారు.

త్రిపురలో ధనబలంతోనే అధికారంలోకి : బృందా
త్రిపురలో ధనం, బలప్రయోగంతో బీజేపీ అధికారంలోకి వచ్చిందని బృందా తెలిపారు. ఆర్ఎస్ఎస్, బీజేపీ ఓటమికోసం ఎర్రజెండాలను చేబూని నినదిస్తున్నామన్నారు. దేశంలో మహిళలపై, చిన్నారులపై లైంగిక దాడులు కొనసాగుతున్నాయనీ..చిన్నారి అసిఫా పై జరిగిన అన్యాయానికి మతం రంగు పులిమి పాలిస్తున్న వీరు నేరస్థుల రక్షకులని బృందా మోదీ ప్రభుత్వంపై మండిపడ్డారు. మతతత్వ శక్తులను రక్షించేందుకు మోదీ ప్రభుత్వం వ్యవహరిస్తోందని ఆరోపించారు. మక్కా మసీదు ఘటనకు పాల్పడినవారిని నిర్ధోషులుగా విడుదల చేసేసారని విమర్శించారు. బహిరంగ సభవేదికపై వున్న లెనిన్ ఫోటో చూడండి కామ్రేడ్స్..ఈరోజు లెనిన్ పుట్టినరోజు ఇది మనకు చాలా చాలా శుభదినమని ఉత్సాహపరిచారు. సామ్యాద కలను నిజం చేసిన మహనీయుడు లెనిన్ మహనీయుడని కొనియాడారు బృందాకరత్.  

19:48 - April 22, 2018

హైదరాబాద్ : దేశంలో పరిస్థితులు దిగజారుతున్నాయని త్రిపుర మాజీ సీఎం మాణిక్ సర్కార్ పేర్కొన్నారు. దేశంలో నిరుద్యోగ సమస్యలు రోజురోజుకీ పెరుగుతున్నాయని తెలిపారు. నిత్యావసర వస్తువులు సామాన్యులకు చుక్కలు చూపెడుతున్నాయని.. రైతుల ఆత్మహత్యలు ఆల్ టైమ్ రికార్డు స్థాయికి చేరుకున్నాయనీ..కార్మికులు ఉపాధిని కోల్పోతున్నారని..దుర్భర పరిస్థితుల్లోకి సామాన్యులు, పేదలు నెట్టివేయబడుతున్నారని మాణిక్ సర్కార్ ఆవేదన వ్యక్తం చేశారు. ఇటువంటి పరిస్థితులు నెలకొనే ప్రమాదం వస్తుందని సీపీఎం పదే పదే హెచ్చరిస్తునే వున్నామని తెలిపారు. రోజురోజుకీ అవినతి తీవ్రస్థాయికి చేరుకుంటోందన్నారు. రూపాయి విలువ గడచిన 72 ఏళ్లలో ఎన్నడూ లేనంతగా పడిపోతోందని తెలిపారు. కేంద్రంలో వున్నది బీజేపీ ప్రభుత్వమే అయినా దాన్ని లీడ్ చేసేది మాత్రం ఆర్ఎస్ఎస్ సే నని మాణిక్ సర్కార్ ఎద్దేవా చేశారు. బీజేపీ, కాంగ్రెస్ ఒకేనాణానికి రెండు ముఖాలని ఇది ప్రజలు గుర్తించాల్సిన అవుసరముందన్నారు. బీజేపీకి వ్యతిరేకంగా పోరాడాలని మహాసభ చర్చించిందన్నారు. అవినీతి పెరుగతోందని దీనిపై ప్రజలు అవగాహన పెంచుకుని ప్రజతంత్ర శక్తులను బలపరచాలని కేరళ సీఎం మాణిక్ సర్కార్ సీపీఎం 22వ జాతీయ మహాసభ బహిరంగ సభలో పిలుపునిచ్చారు. 

19:28 - April 22, 2018

హైదరాబాద్ : సామాజిక భద్రతను కల్పించే విధంగా చర్యలను కేరళ ప్రభుత్వం పనిచేస్తోందనీ..ప్రత్యేక ఆర్థిక విధానాలను కేరళ ప్రభుత్వం యత్నిస్తోందని సీపీఎం జాతీయ మహాసభ బహిరంగ సభలలో కేరళ సీఎం పినరాయి విజయన్ తెలిపారు. తెలిపారు. మా విధానాల వల్ల కేరళ విద్యార్ధులు ప్రపంచ స్థాయిలో పోటీపడగలుగుతున్నారని పేర్కొన్నారు. ప్రభుత్వ రంగ సంస్థలను సమర్థవంతంగా నడిపించేందుకు కృషి చేస్తోందన్నారు కేరళ సీఎం పినరాయి విజయన్ తెలిపారు. మా ప్రభుత్వం మానిఫెస్టోలో ఇచ్చిన వాగ్దానాలన్నీ అమలు చేస్తున్నామని ధీమాగా తెలిపారు. వ్యవసాయ అనుబంధ సంస్థలను పునరుద్ధరిస్తున్నామన్నారు. వాటిపై ఆధారపడి జీవిస్తున్నవారికి ఉపాధిని కేరళ ప్రభుత్వం కల్పిస్తోందన్నారు.

బీజేపీవి మతతత్వ రాజకీయాలు : పినరాయి
బీజేపీ మతతత్వ ప్రజావ్యతిరేక విధానాలు అనుసరిస్తోందన్నారు. వాటిని ఎదుర్కొనేందుకు సీపీఎం పార్టీ ఎప్పుడు ముందుంటుందన్నారు. వాటిపై సీపీఎం పార్టీ మహాసభ చర్చించిందని తెలిపారు. అందుకే సీపీఎం పార్టీ అంటే భూస్వామ్య పార్టీలకు కంటగింపుగా వుంటుందని ఎద్దేవా చేశారు. ఈ నేపథ్యంలో సీపీఎం పార్టీ బలపడితే ప్రజాస్వామాన్యాన్ని అపహాస్ం చేస్తారని కానీ ఎటువంటి పరిస్థితుల్లోను పార్టీలో అటువంటి పరిస్థితి రాదనీ..రానివ్వమని ధీమా వ్యక్తం చేశారు. మోదీ అధికారంలోకి వచ్చాక సరళీకరణ విధానాలు పెరిగాయనీ..వీటి వల్ల ప్రజలకు నష్టం వాటిల్లితుందనీ, ప్రజల్లో అసమానతలు పెరుగుతాయని సీపీఎం పార్టీ ముందుచూపుతో ఎప్పుడు చెప్పిందని పినరాయి విజయన్ గుర్తు చేశారు. సంపదను పేదల అభివృద్ధికోసం వెచ్చించకుండా జాతీయ సంపదలో 55 శాతం సంపదనను సంపన్నులే అనుభవిస్తున్నారని వారికోసం మోదీ ప్రభుత్వం కట్టబెడుతోందని విమర్శించారు. దీంతో సామాన్యులు నిస్సహాయులుగా మిగిలిపోతున్నారని ఆవేదన వ్యక్తం చేశారు పినరాయి. బీమా రంగంలో విదేశీ ప్రత్యక్ష పెట్టుబడులకు మోదీ ప్రభుత్వం యదేచ్ఛంగా అనుమతులను ఇచ్చేసిందని తెలిపారు. కార్మికుల ఆదాయం తగ్గిందని ప్రశ్నించే కార్మికుల గొంతులను పాలకులు నొక్కివేస్తున్నారని విమర్శించారు. అలాగే వ్యవసాయం రంగం సంక్షోభంలో పడిపోవటంతో దేశంలో ప్రతీ అరగంటలు ఓ రైతు ఆత్మహత్యలకు పాల్పడుతున్నారనీ..రోజు రోజుకీ పెరిగిపోతున్న వ్యవసాయ సంక్షోభంతో రైతులు ఆత్మహత్యలు చేసుకుంటున్నారని ఆవేదన వ్యక్తం చేశారు. అటువంటి రైతన్నలకు సీపీఎం పార్టీ అండగా నిలబడుతోందని తెలిపారు. దళితులపై రోజురోజుకు దాడులు పెరుగుతున్నాయన్నారు. బేటీ పడావో బేటీ బచావో పథకం ఏమాత్రం పనిచేయటం లేదనీ..దానికి కథువా, ఉన్నావ్ ఘటనలే ఉదాయరణలన్నారు.

కామ్రేడ్లకు పినరాయి నివాళులు :

కేరళ ముఖ్యమంత్రి, సీపీఎం పొలిట్ బ్యూరో సభ్యులు భారీ సభకు హాజరయిన అందరికీ తన ధన్యవాదాలను తెలిపారు. పోరాటాల పురిటిగడ్డ తెలంగాణ ఉద్యమాలు దేశానికి స్ఫూర్తినిస్తాయని పినరాయి విజయన్ తెలిపారు. కామ్రేడ్ పుచ్చలపల్లి సుందరయ్య, బసవపున్నయ్య వంటి పలువురు కామ్రేడ్స్ లకు పినరాయి విజయన్ నివాళులర్పించారు.  

Pages

Don't Miss

Subscribe to RSS - సరూర్ నగర్