సీఎం

20:40 - October 3, 2016

జయలలితకు ఏమయింది? ఉత్కంఠ ఎందుకు వీడటం లేదు?పార్టీ వర్గాల్లో, సగటు కార్యకర్తల్లో ఉత్కంఠ ఎందుకు వీడటం లేదు..?జయ తీవ్ర ఆరోగ్య సమస్యలతో బాధపడుతున్నారా? శశికళ అత్యవసర సమావేశం దేన్ని సూచిస్తోంది? తమిళనాట రాజకీయాలు ఏ మలుపుతిరగనున్నాయి? ఇదే అంశంపై ఈ రోజు వైడాంగిల్ స్టోరీ చూద్దాం..ఒంటిచేత్తో రాష్ట్ర రాజకీయాలను చక్రంతిప్పే మహిళ ఆస్పత్రి పాలవటంతో తమిళనాడు అంతటా అయోమయం..గందరగోళం.. అందరిలో అనేక ప్రశ్నలు. అత్యున్నత స్థాయిలో నిజాలు తెలిసినప్పటికీ బయటకి వివరాలు రాకపోవటంతో ప్రజల్లో, కార్యకర్తల్లో ఆందోళన నెలకొంది.

జయలలిత ఆరోగ్యంపై నెట్లింట్లో రకరకాల పుకార్లు కొనసాగుతున్నాయి. సోషల్ మీడియాలో జయ ఆరోగ్యంపై పెద్ద ఎత్తున చర్చ జరుగుతోంది. ఈ క్రమంలోనే అమ్మకు సంబంధించిన ఒక ఫొటో వైరల్‌గా మారింది. జయలలిత ఆసుపత్రి బెడ్‌పైన ఆక్సిజన్‌ మాస్క్‌ పెట్టుకుని చికిత్స తీసుకుంటున్నట్లు ఉన్న ఫొటో ఒకటి నెట్లో చక్కర్లు కొడుతోంది. దీనిని చూసిన అభిమానులు, కార్యకర్తలు తీవ్ర ఆందోళన చెందుతున్నారు. తమిళ నాట ఆమె ఓ వ్యక్తి కాదు.. ఓ శక్తి. ఆమె రూటే సెపరేటు..

ఆమె సింగిల్ హ్యాండ్ తో పాలిటిక్స్ ని నడిపించగల సత్తా ఉన్న ఉక్కు మహిళ..కంటిచూపుతో పార్టీని శాసించగల నేర్పు..అవరోధాలను, ప్రతికూలతలను ఎదుర్కొనే సత్తా...ఒక్కమాటలో చెప్పాలంటే జయ అంటే తమిళనాట ఓ వ్యక్తి కాదు.. ఓ శక్తి.. అలాంటి జయలలిత ఆస్పత్రి పాలైతే సగటు అభిమాని జీర్ణించుకోవటం అంత తేలిక కాదు..

నమ్మిన బంటు పన్నీరు సెల్వంకు సీఎం పగ్గాలు అప్పగించి, తన కనుసన్నల్లో ప్రభుత్వాన్ని నడిపించిన ఘనత ఆమెది. తన ఆజ్ఞల్ని ధిక్కరించిన ఉద్యోగుల్ని రాత్రికి రాత్రే తొలగించినా, డీఎంకే అధినేత కరుణానిధిని అరెస్టు చేయించినా, కక్ష సాధింపు ధోరణి అనుసరించే రీతిలో డీఎంకే మాజీ మంత్రుల్ని కట కటాల్లోకి నెట్టినా జయలలిత రూటే సెపరేటు.

ఇప్పుడు తమిళనాడు మాత్రమే కాదు.. దేశమంతటా ఉత్కంఠగా చూస్తోంది. జయ ఆరోగ్యం కోసం ఆమె అభిమానులు, అన్నాడీఎంకె కార్యకర్తలు ఆందోళన చెందుతూ ఎదురు చూస్తున్నారు. అమ్మ ఎప్పుడు బయటికి వస్తుందా అని పడిగాపులు కాస్తున్నారు. తమిళనాట రాజకీయాలను శాసిస్తున్న జయలాంటి మహిళ ఆస్పత్రి పాలైతే ఇలాంటి పరిస్థితి ఏర్పడటంలో ఆశ్చర్యం లేదు. మరో పక్క పార్టీలో తానే తిరుగులేని శక్తిగా ఉండి.. నంబర్ టూ అంటూ ఎవరూ లేని తరుణంలో భవిష్యత్తుపై ఆసక్తి, ఆందోళన ఉండటం కూడా సహజమే.

13:49 - December 13, 2018

హైదరాబాద్ : తెలంగాణలో కొత్త ప్రభుత్వం కొలువుదీరింది. టీఆర్ఎస్ రెండోసారి ప్రభుత్వాన్ని ఏర్పాటు చేసింది. గులాబీ పార్టీ మళ్లీ అధికారాన్ని కైవసం చేసుకుంది. రాష్ట్ర ముఖ్యమంత్రిగా కేసీఆర్ మళ్లీ పగ్గాలు చేపట్టారు. తెలంగాణ సీఎంగా కేసీఆర్ ప్రమాణ స్వీకారం చేశారు. రాష్ట్ర ముఖ్యమంత్రిగా కేసీఆర్ రెండోసారి ప్రమాణ స్వీకారం చేశారు. గవర్నర్ నరసింహన్.. కేసీఆర్ చేత ప్రమాణ స్వీకారం చేయించారు. రాజ్ భవన్ లో ప్రమాణ స్వీకారోత్సవం జరిగింది. ఈ కార్యక్రమానికి టీఆర్ఎస్ ఎమ్మెల్యేలు, నేతలు, అధికారులు హాజరయ్యారు.
టీఆర్ఎస్ఎల్పీ నేతగా కేసీఆర్‌..  
డిసెంబర్ 12వ తెలంగాణ భవన్‌లో టీఆర్ఎస్ఎల్పీ సమావేశం జరిగింది. టీఆర్ఎస్ఎల్పీ నేతగా కేసీఆర్‌ని ఏకగ్రీవంగా ఎన్నుకున్నారు. ఆలేరు ఎమ్మెల్యే గొంగిడి సునీత కేసీఆర్ పేరును ప్రతిపాదించగా ధర్మపురి ఎమ్మెల్యే కొప్పుల ఈశ్వర్ ఎమ్మెల్యేలంతా ఈ తీర్మానాన్ని ఆమోదించారు. అనంతరం అపద్ధర్మ ముఖ్యమంత్రిగా కేసీఆర్ రాజీనామా చేశారు. ఈ లేఖను టీఆర్ఎస్ ఎమ్మెల్యేలు గవర్నర్ కు అందించగా ఆయన రాజీనామాను ఆమోదించారు. అనంతరం టీఆర్ఎస్ఎల్పీ నేతగా కేసీఆర్ ను ఎన్నుకున్నట్లు లేఖను గవర్నర్ కు అందించారు. టీఆర్ఎస్ఎల్పీ నేతగా ఎన్నికైన కేసీఆర్ ను ప్రభుత్వాన్ని ఏర్పాటు చేయాల్సిందిగా గవర్నర్ ఆహ్వానించారు. రాష్ట్ర ముఖ్యమంత్రిగా కేసీఆర్ ప్రమాణ స్వీకారం చేశారు. కొద్ది రోజుల్లో కేబినెట్ ను విస్తరించనున్నారు. 
88 స్థానాలు టీఆర్ఎస్ కైవసం..
సెప్టెంబర్ 6న కేసీఆర్ అసెంబ్లీని రద్దు చేసి, ముందుస్తు ఎన్నికలకు వెళ్లారు. డిసెంబర్ 7న మొత్తం 119 అసెంబ్లీ స్థానాలకు ఎన్నికలు జరిగాయి. డిసెంబర్ 11న ఎన్నికల ఫలితాలు వెలువడ్డాయి. రాష్ట్రంలోని 119 అసెంబ్లీ స్థానాలకు గానూ 88 స్థానాలను టీఆర్ఎస్ కైవసం కేసుకుని విజయదుందుభి మోగించింది. కేసీఆర్ మరోసారి సత్తా చాటారు. సొంతంగానే ప్రభుత్వాన్ని ఏర్పాటు చేసే మెజారిటీ స్థానాలను టీఆర్ఎస్ సాధించింది. ప్రభుత్వ ఏర్పాటుకు మ్యాజిక్ ఫిగర్ 60 కాగా అదనంగా 28 స్థానాలను సాధించింది. దీంతో స్వంతంగా ప్రభుత్వాన్ని ఏర్పాటు చేసేందుకు టీఆర్ఎస్ మార్గంసుగమం అయింది. టీఆర్ఎస్ బంఫర్ మెజారిటీ సాధించి, రాష్ట్రంలో సింగిల్ లార్జెస్ట్ పార్టీగా అవతరించింది. 

 

12:04 - December 13, 2018

విశాఖపట్నం : ఏపీకి రాజధాని అమరావతి అయితే ఆర్థిక రాజధానిగా విశాఖ నగరాన్ని  భావిస్తుంది ఏపీ ప్రభుత్వం. ప్రకృతి అందాలే కాక పారిశ్రామికాభిదద్ధిపరంగాను విశాఖ అభివృద్ధి చెందింది. అటువంటి విశాఖ నగరంలో తొలి వైద్య ఉపకరణాల ఉత్పాదక కేంద్రం మెడ్‌ టెక్‌ పార్క్‌ను ముఖ్యమంత్రి చంద్రబాబునాయుడు డిసెంబర్ 13న  ప్రారంభించనున్నారు. 
నగరంలోని పారిశ్రామిక ప్రాంతం గాజువాక దరి పెదగంట్యాడ మండలం పెదమదీనా పరిధిలోని దాదాపు 70 ఎకరాల విస్తీర్ణంలో ఈ మెడ్ టెక్ పార్క్‌ ఏర్పాటు సందర్భంగా మూడు రోజుల పాటు పలు అంశాలపై సదస్సులు జరగనున్నాయి. డిసెంబర్ 13 ఉదయం 10.45 గంటలకు సీఎం పెదమదీనా చేరుకుని  పార్క్‌ను ప్రారంభించారు. అనంతరం మధ్యాహ్నం 1.45 గంటల వరకు పార్క్‌ ఆవరణలో నూతనంగా నిర్మించిన అబ్దుల్‌కలాం కన్వెన్షన్‌ సెంటర్‌లో జరిగే ప్రత్యేక సదస్సులో పాల్గొంటారు. 
సీఎం విశాఖ షెడ్యూల్..
2.40 గంటలకు కాపులుప్పాడలోని గ్రేహౌండ్స్‌ హెడ్‌క్వార్టర్స్‌కు చేరుకుంటారు. మధ్యాహ్నం మూడు గంటలకు భీమిలి చేరుకుని అక్కడ జరిగే పలు కార్యక్రమాల్లో పాల్గొననున్నారు. చిట్టివలస జూట్‌ మిల్లు మైదానంలో ఐ హబ్‌కు ముఖ్యమంత్రి శంకుస్థాపన చేయనున్నారు. అలాగే జీవీఎంసీకి చెందిన పలు అభివృద్ధి పనులను కూడా ప్రారంభిస్తారు. అనంతరం అక్కడ జరిగే బహిరంగ సభలో ప్రసంగించిన అనతరం సాయంత్రం ఐదున్నర గంటలకు విమానంలో విజయవాడకు బయలుదేరతారు సీఎం చంద్రబాబు నాయుడు. 
 

09:38 - December 13, 2018

అమరావతి : తెలుగు ప్రజల ఆరాధ్య దైవం, విశ్వవిఖ్యాత నట సార్యభౌముడు, దివంగత ముఖ్యమంత్రి నందమూరి తారక రామారావు భారీ విగ్రహ ఏర్పాటుకు ఆంధ్రప్రదేశ్ ప్రభుత్వం సన్నద్ధమవుతోంది. నటనలోను..రాజకీయాలలోను ఆయనకు సాటి వచ్చేవారు లేరు. తెలుగు ప్రజల ఆత్మగౌరవం కోసం అచ్చ తెలుగు పార్టీని స్థాపించి ఇటు సినీమా రంగంలోను..అటు రాజకీయరంగంలోను మేరు నగర ధీరుడుగా ఖ్యాతిగాంచిన తెలుగు ముద్దు బిడ్డ స్వర్గీయ నందమూరి తారక రామారావు  భారీ విగ్రహ స్మారకాన్ని అత్యంత అద్భుతంగా నిర్మించాలని ముఖ్యమంత్రి చంద్రబాబు నాయుడు భావిస్తున్నారు. దీంతో అమరావతిలోని నీరుకొండపై ఏర్పాటు చేయనున్న ఎన్టీఆర్‌ మెమోరియల్‌ ప్రాజెక్టుకు సంబంధించిన ఎల్‌అండ్‌టీకి చెందిన డిజైన్స్‌ అసోసియేట్స్‌ రూపొందించిన డిజైన్లను చంద్రబాబు డిసెంబర్ 12న పరిశీలించారు. 
32 మీటర్ల ఎత్తు విగ్రహం..రూ.406 కోట్ల ఖర్చు..
32 మీటర్ల ఎత్తయిన ఎన్టీఆర్ భారీ విగ్రహాన్ని ఏర్పాటుకు ఎల్‌అండ్‌టీ ప్రతినిధులతో జరిగిన సమావేశంలో ప్రతిపాదించారు. ఈ ప్రాజెక్టుకు రూ.406 కోట్లు ఖర్చవుతుందని అంచనా వేశారు. విగ్రహ నిర్మాణానికే రూ.155 కోట్లు అవసరమని తేల్చారు. 10వేల చదరపు అడుగుల విస్తీర్ణంలో ఎన్టీఆర్ స్మారకాన్ని ఏర్పాటుచేయనున్నారు. దీని కోసం మరో రూ.112.50 కోట్లు అవసరం పడుతుందని అధికారులు తెలిపారు. ఈ మొత్తంలో ఎక్కువ శాతం విరాళాల రూపంలో సేకరించాలని ఏపీ ప్రభుత్వం భావిస్తోంది. విరాళాల సేకరణ కోసం ఒక ట్రస్ట్‌ ఏర్పాటు చేయాలని ప్రభుత్వం నిర్ణయించింది. 
విగ్రహంలోని ప్రత్యేకతలివే..
నీరుకొండపై నిర్మించనున్న ఎన్టీఆర్ విగ్రహానికి చాలా ప్రత్యేకతలే ఉన్నాయి. గుజరాత్ లోని సర్ధార్ పటేలవ్ విగ్రహంలో వలెనే విగ్రహం లోపల లిఫ్ట్‌లు అమర్చనున్నారు. ఈ లిఫ్టుల ద్వారా సందర్శకులు విగ్రహం పైవరకూ వెళ్లే అవకాశంతో పాటు రాజధాని అమరావతిని వీక్షించొచ్చు. విగ్రహం లోపలే ఎన్టీఆర్‌ మ్యూజియాన్ని కూడా ఏర్పాటు చేస్తామని అధికారులు తెలిపారు. చుట్టూ వాటర్‌ఫ్రంట్‌, ఆడిటోరియం, ఫెర్రీ, సెల్ఫీ పాయింట్‌, కేఫ్‌, యాంఫీ థియేటర్‌, మినీ ట్రైన్లతోపాటు స్టార్‌ హోటల్‌, షాపింగ్‌ సెంటర్లు, రెస్టారెంట్లు, రిసార్టులను కూడా నెలకొల్పుతామని..46 నెలల్లోనే ఈ ప్రాజెక్టును పూర్తి చేస్తామని సీఎంకు అధికారులు తెలిపారు. నీరుకొండను ఒక ద్వీపం మాదిరి అభివృద్ధి పరచాలని చంద్రబాబు సూచించారు. మొత్తం 200 ఎకరాల్లో ఈ ప్రాజెక్టును అద్భుత పర్యాటక ప్రాంతంగా మలచాలని సూచించారు.
 

 

07:46 - December 13, 2018

హైదరాబాద్ : తెలంగాణలో కొత్త ప్రభుత్వం కొలువు దీరనుంది. నేడు సీఎంగా కేసీఆర్ ప్రమాణ స్వీకారం చేయనున్నారు. మధ్యాహ్నం 1.25 గంటలకు రాజ్ భవన్ లో ఆయన రెండోసారి సీఎంగా ప్రమాణం స్వీకారం చేయనున్నారు. గవర్నర్ నరసింహన్ కేసీఆర్ తో ప్రమాణ స్వీకారం చేయించనున్నారు. ఇవాళ మంచి ముహూర్తం ఉండటం, కేబినెట్ కూర్పునకు సమయం లేకపోవడంతో కేసీఆర్ ఒక్కరే ప్రమాణ స్వీకారం చేయనున్నారు. ప్రమాణ స్వీకారోత్సవానికి రాజ్ భవన్ ముస్తాబైంది. అధికారులు అన్ని ఏర్పాట్లు చేశారు. 
సెప్టెంబర్ 6న అసెంబ్లీ రద్దు.. 
సెప్టెంబర్ 6న కేసీఆర్ అసెంబ్లీని రద్దు చేసి, ముందుస్తు ఎన్నికలకు వెళ్లారు. డిసెంబర్ 7న రాష్ట్రంలోని మొత్తం 119 అసెంబ్లీ స్థానాలకు ఎన్నికలు జరిగాయి. డిసెంబర్ 11న ఎన్నికల ఫలితాలు వెలువడ్డాయి. 119 అసెంబ్లీ స్థానాలకు గానూ 88 స్థానాలను టీఆర్ఎస్ కైవసం కేసుకుని విజయదుందుభి మోగించింది. కేసీఆర్ మరోసారి సత్తా చాటారు. సొంతంగానే ప్రభుత్వాన్ని ఏర్పాటు చేసే మెజారిటీని టీఆర్ఎస్ సాధించింది. ప్రభుత్వ ఏర్పాటుకు మ్యాజిక్ ఫిగర్ 60 కాగా అదనంగా 28 స్థానాలను సాధించింది. దీంతో సొంతంగానే ప్రభుత్వాన్ని ఏర్పాటు చేసేందుకు టీఆర్ఎస్ మార్గంసుగమం అయింది. టీఆర్ఎస్ బంఫర్ మెజారిటీ సాధించి, రాష్ట్రంలో సింగిల్ లార్జెస్ట్ పార్టీగా అవతరించింది. 
టీఆర్ఎస్ఎల్పీ నేతగా కేసీఆర్‌..  
డిసెంబర్ 12న తెలంగాణ భవన్‌లో టీఆర్ఎస్ఎల్పీ సమావేశం జరిగింది. టీఆర్ఎస్ఎల్పీ నేతగా కేసీఆర్‌ని ఎమ్మెల్యేలు ఏకగ్రీవంగా ఎన్నుకున్నారు. ఆలేరు ఎమ్మెల్యే గొంగిడి సునీత.. కేసీఆర్ పేరును ప్రతిపాదించగా, ధర్మపురి ఎమ్మెల్యే కొప్పుల ఈశ్వర్ బలపరిచారు. ఎమ్మెల్యేలంతా ఈ తీర్మానాన్ని ఆమోదించారు. అనంతరం అపద్ధర్మ ముఖ్యమంత్రిగా కేసీఆర్ రాజీనామా చేశారు. ఈ లేఖను టీఆర్ఎస్ ఎమ్మెల్యేలు గవర్నర్ కు అందించగా ఆయన రాజీనామాను ఆమోదించారు. అనంతరం టీఆర్ఎస్ఎల్పీ నేతగా కేసీఆర్ ను ఎన్నుకున్నట్లు లేఖను గవర్నర్ కు అందించారు. టీఆర్ఎస్ఎల్పీ నేతగా ఎన్నికైన కేసీఆర్ ను ప్రభుత్వాన్ని ఏర్పాటు చేయాల్సిందిగా గవర్నర్ ఆహ్వానించారు. ఇవాళ రాష్ట్ర ముఖ్యమంత్రిగా కేసీఆర్ ప్రమాణ స్వీకారం చేయనున్నారు. కొద్ది రోజుల్లో కేబినెట్ ను విస్తరించనున్నారు. 

 

14:14 - December 12, 2018

హైదరాబాద్ : రాష్ట్ర విభజన తరువాత ఏపీకి చెందిన కాంగ్రెస్ అగ్ర నేతలకు కనుమరుగైపోయారు. 2019 ఎన్నికల సమయంలో మరోసారి వారి రాజకీయ రీ ఎంట్రీకి రెడీ అవుతున్నారు.  కాంగ్రెస్ మాజీ ఎంపీ సబ్బం హరి రాజకీయ నేతగానే కాకుండా విశ్లేషకుడు అనే పేరుంది. అలాగే ఏవిషయాన్నైనా సూటిగా మాట్లాడటం ఆయనకు అలవాటు. ఈ క్రమంలో తెలంగాణ ఎన్నికల ఫలితాలపై మాజీ ఎంపీ సబ్బంహరి తనదైన శైలిలో స్పందించారు. తెలంగాణ ఎన్నికల్లో మహాకూటమిలో భాగంగా వున్న టీడీపీ తరపున ఏపీ సీఎం ప్రచారం నేపథ్యంలో కేసీఆర్ చంద్రబాబుపై తీవ్ర విమర్శలను గుప్పించారు. దీనిలో భాగంగా ఎన్నికల్లో విజయం సాధించిన తరువాత కేసీఆర్ ప్రెస్ మీట్ లో మాట్లాడుతు..తెలంగాణకు చంద్రబాబు మంచి గిఫ్ట్ ఇచ్చారనీ..ఈ నేప‌ధ్యంలో నా మిత్రుడు చంద్ర‌బాబుకు క‌చ్ఛితంగా రిట‌న్ గిఫ్ట్ ఇస్తాన‌ని కేసీఆర్ అన్నారు. చంద్రబాబు ఇక్కడకు వచ్చి ప‌ని చేసినప్పడు.. తాము ఏపీకి వెళ్ళి ప‌నిచేయ‌క‌పోతే ఎలా.. మా మిత్రుడు చంద్ర‌బాబు ఫీల్ అవుతాడు.. ఎవ‌రైనా బ‌ర్త్‌డే గిఫ్ట్ ఇచ్చిన‌ప్పుడు రిట‌న్ గిఫ్ట్ ఇవ్వ‌మా.. నేను కూడా చంద్ర‌బాబుకు రిట‌న్ గిఫ్ట్ ఇవ్వ‌క‌పోతే, మా తెలంగాణ ప్ర‌జ‌లు ఒప్పుకోరు. ఇప్ప‌టికే ఏపీ నుండి ల‌క్ష‌కు పైగానే ఫోన్ కాల్స్ వ‌స్తున్నాయ‌ని, తాము ఏపీ రాజ‌కీయాల్లో ఎంట‌ర్ అవ్వాల‌ని చాలా మంది కోరుతున్నార‌ని, ఈ క్ర‌మంలో తెలుగు ప్ర‌జ‌ల ఉన్న‌తి కోసం త్వ‌ర‌లోనే ఏపీ రాజ‌కీయాల్లోకి ఎంట‌ర్ అవుతామ‌ని కేసీఆర్ ఇన్‌డైరెక్ట్‌గా సంకేతాలు ఇచ్చారు.
ఈ అంశంపై మాజీ ఎంపీ సబ్బం హరి స్పందిస్తు..చంద్రబాబు గిఫ్ట్ ఇస్తే కేసీఆర్ సీఎం అయ్యారు.. అలాగే కేసీఆర్ గిఫ్ట్ ఇస్తే బాబు ఏపీలో ముఖ్యమంత్రి అవుతారని సబ్బం వ్యాఖ్యానించారు. కాగా ప్రస్తుతం ఎన్నికలు వస్తే చంద్రబాబే మరోసారి సీఎం అవుతారని సబ్బం అభిప్రాయపడ్డారు. ఐదేళ్ల తర్వాత తాను ప్రత్యక్ష రాజకీయాల్లోకి తిరిగి రాబోతున్నట్లు సబ్బం తెలిపారు. తాను ఏ పార్టీలో చేరేది అతి త్వరలో ప్రకటిస్తానని సబ్బం హరి వెల్లడించారు. 
 

12:40 - December 12, 2018

హైదరాబాద్ : కేసీఆర్ కు జాతకాలపై నమ్మకం లక్కీ నంబర్ 6. కాన్వాయ్‌లోనూ ఆరు వాహనాలు ఉంటాయి. కేసీఆర్ జీవితంలో 6కు అంతటి ప్రాధాన్యం ఉంది. రాజకీయంగా కేసీఆర్ వేసిన, వేసే ప్రతి అడుగూ 6తోనే ముడిపడి ఉంటుంది. తెలంగాణ ఉద్యమం కోసం కీలక సభలు నిర్వహించినా, ఢిల్లీలో కీలక భేటీలు నిర్వహించినా, దీక్షలకు దిగినా, పదవులకు రాజీనామాలు చేసినా.. అన్నీ 6కు సరితూగేలా ఉంటాయి. ఆఖరికి అసెంబ్లీ రద్దు కూడా సెప్టెంబర్ 6వ తేదీనే రద్దు చేశారు. 
రాష్ట్ర ఆవిర్భావం తర్వాత కేసీఆర్ తెలంగాణ ముఖ్యమంత్రిగానూ ఆరో నెలలోనే ప్రమాణ స్వీకారం చేశారు. ఆయనతో కలిపి ఆరుగురు మంత్రులు ప్రమాణం చేశారు. ఇలా చెప్పుకుంటూ పోతే.. 6తో ముడిపడి ఉన్న అంశాలు అనేకం కనిపిస్తాయి. ఈ ఆరు సెంటిమెంట్ కేసీఆర్ కుటుంబసభ్యులతో పాటు కొంత మంది అధికారులు, పార్టీ నేతలకు కూడా అంటుకుంది. 
ముఖ్యమంత్రిగా కేసీఆర్ రెండోసారి ప్రమాణ స్వీకారం చేస్తున్నారు. ముహూర్తం ఖరారైంది. ఇక్కడ కూడా కేసీఆర్ ఆరు నెంబర్ చూసుకున్నారు. తెలుగు  తిథులలో 6వ తిథి అయిన షష్ఠి రోజునే రెండోసారి ప్రమాణస్వీకారం చేస్తున్నారు.. రేపు అంటే డిసెంబర్ 13వ తేదీన సుబ్రహ్మణ్య షష్ఠ కావటంతో మధ్యాహ్నం 1.30 గంటలకు కేసీఆర్ ఈ వేడుక జరగనుంది.
కొందరు మంత్రులు కేసీఆర్ తో ప్రమాణ స్వీకారం చేయనున్నారు. ఐదుగురు ఉండనున్నట్లు సమాచారం. లేదా 15 మంది మంత్రులు కూడా లిస్ట్ లో ఉండొచ్చు. భద్రతా ఏర్పాట్లపై పోలీస్ అధికారులు గవర్నర్ తో భేటీ అయ్యారు. గవర్నర్ కలిసిన వారిలో కమిషనర్లు అంజన్ కుమార్, మహేశ్ భగవత్, రంగనాథ్ ఉన్నారు. 
 

 

15:25 - December 10, 2018

హైకోర్ట్ : పంచాయితీ ఎన్నికల్లో రిజర్వేషన్లు 50 శాతానికి మించరాదని రెండు రోజుల కిందట సుప్రీంకోర్టు స్పష్టం చేయడంతో మరోసారి తెలంగాణ ప్రభుత్వం హైకోర్టులో పిటీషన్ వేసింది. పంచాయితీ ఎన్నికలు నిర్వహించేందుకు తాము సిద్ధంగా ఉన్నామని తెలుపుతు తెలంగాణ ప్రభుత్వం వేసిన పిటీషన్ పై విచారణ  హైకోర్టు డిసెంబర్ 10న విచారణ చేపట్టింది. ప్రభుత్వం సహకరిస్తేనే తాము ఎన్నికలు నిర్వహించగలమని రాష్ట్ర ఎన్నికల సంఘం కూడా తెలిపింది. ఈ వాదనలు విన్న రాష్ట్రధర్మాసనం తదుపరి విచారణను మూడు వారాలకు వాయిదా వేసింది. జనవరి 10లోగా ఎన్నికలు నిర్వహించాలని ఇది వరకే హైకోర్టు స్పష్టంచేసిన సంగతి తెలిసిందే. వాస్తవానికి పంచాయతీ పాలక వర్గాల గడువు ఈ ఏడాది ఆగస్టుతోనే ముగియడంతో ప్రస్తుతం ప్రత్యేక అధికారుల పాలన సాగుతోంది. 
పంచాయితీ ఎన్నికల్లో ఎస్సీ, ఎస్టీ, ఓబీసీల రిజర్వేషన్ల కేటాయింపు గరిష్ఠంగా 50 శాతానికి మించడానికి వీల్లేదని ఉమ్మడి హైకోర్టు ఇచ్చిన మధ్యంతర ఉత్తర్వులను సవాల్‌ చేస్తూ తెలంగాణ ప్రభుత్వం సుప్రీం కోర్టులో పిటిషన్‌ దాఖలు చేసింది. అయితే, రిజర్వేషన్లు 50 శాతానికి మించరాదనిగతంలో రిజర్వేషన్లు ఉండకూడదని ఇటీవలే సుప్రీం కోర్టు స్పష్టంచేసింది. ఈ నేపథ్యంలో ప్రభుత్వం మళ్లీ హైకోర్టును ఆశ్రయించింది. అయితే ఇప్పటికే గ్రామపంచాయతీలు, వార్డుల వారీగా ఓటర్ల జాబితాలు సిద్ధమయ్యాయి. 
సెప్టెంబర్‌లో పంచాయతీ ఎన్నికలు నిర్వహణకు ప్రయత్నించినా, ఓటర్ల జాబితా, బీసీ రిజర్వేషన్ల అంశాలను సవాల్ చేస్తూ కొందరు హైకోర్టులో పిటిషన్ దాఖలు చేయడంతో నిలిచిపోయాయి. వీటిపై విచారణ చేపట్టిన హైకోర్టు మధ్యంతర ఉత్తర్వులిచ్చింది. మూడునెలల్లో పంచాయతీ ఎన్నికలు నిర్వహించాలని స్పష్టంచేస్తూ ప్రభుత్వాన్ని ఆదేశించింది. జనవరి 10లోగా పంచాయతీ ఎన్నికలను పూర్తిచేసి, పాలకవర్గాలకు బాధ్యతలను అప్పగించాలని స్పష్టంచేసింది. ఈ నేపథ్యంలో డిసెంబరు 13 నుంచి 14 వరకు గ్రామాల్లో బీసీ ఓటర్ల జాబితాను ప్రచురించాలని పంచాయతీరాజ్‌శాఖ నిర్ణయించింది.

 

12:22 - December 10, 2018

మహారాష్ట్ర : రైతన్నలకు కోపం వస్తే పీఎం అయినా ఒకటే సీఎం అయినా ఒక్కటే. ఎవరినీ ఖాతరు చేయరు. తమ కష్టాన్ని దోచేసుకుంటున్న  దళారులు అనే విషయం తెలిసినా ఏమీ చేయలేని నిస్సహాయత..దీనిపై చర్యలు తీసుకోవాల్సిన ప్రభుత్వాలు మిన్నకుండి పోతే శాంతస్వాభావి అయిన రైతన్నకు కోపం వస్తే ఏం చేస్తారో..వారి నిరసనను ఎలా వ్యక్తం చేస్తారో చేసి చూపించారు ఉల్లి రైతులు. 
ఉల్లిపాయలు మనం కొనుక్కుంటే రూ.10 నుండి రూ.30లు. ఉల్లి పండించిన రైతు అమ్ముకుంటే కేవలం ఒకే ఒక్క రూపాయి. ఏమిటీ దారుణం. అటు కష్టించి పండించిన రైతు నష్టాల్లో కూరుకుపోతుంటే మరోపక్క కొనుగోలు చేసిన వారు కూడా అదే తరహాలో నష్టపోతున్నారు. మోస పోతున్నారు. రైతులకు..వినియోగదారులకు మధ్యంలో దళారులు మాత్రం కష్టాన్ని క్యాష్ చేసుకుంటున్నారు. రైతుల రక్తాన్ని పిండేస్తున్నారు. దీంతో ఒళ్లు మండిన రైతన్నలు తమ నిరసనను వినూత్నంగా వ్యక్తంచేశారు. 
నష్టపోయిన అభ్యుదయ రైతు నిరసన..
ఓ ఉల్లి రైతు తన రెక్కల కష్టానికి ప్రతిఫలం నాలుగు నెలలకు 1,064 రూపాయలు. తాను పండించిన 750 కేజీల ఉల్లిపాయలను మార్కెట్‌లో అమ్ముకుంటే వచ్చిన మొత్తం అక్షరాలా 1,064 రూపాయలు. తన శ్రమకు దక్కిన ఈ అల్పాదాయంతో ఆ రైతు కడుపు రగిలిపోయింది. వెంటనే ఆ మొత్తాన్ని ప్రధానమంత్రికి మనియార్డర్‌ చేశారు. మహారాష్ట్రకు చెందిన సంజయ్‌ సాఠేకు ఎదురైన ఈ బాధాకర అనుభవం దేశంలో తీవ్ర నిర్లక్ష్యానికి గురవుతున్న అన్నదాతల కష్టాలకు నిలువెత్తు నిదర్శనం. దేశంలోని ఉల్లి ఉత్పత్తిలో ఉత్తర మహారాష్ట్రలోని నాసిక్‌ జిల్లాదే దాదాపు 50 శాతం. అదే జిల్లా నిఫాడ్‌కు చెందిన సంజయ్‌ ఓ అభ్యుదయ రైతు. 
2010లో నాటి అమెరికా అధ్యక్షుడు ఒబామా భారత పర్యటన సందర్భంగా ఆయనతో ముచ్చటించేందుకు వ్యవసాయ శాఖ ఎంపిక చేసిన రైతుల్లో ఆయన ఒకరు. ప్రస్తుత సీజన్‌లో 4 నెలలు శ్రమించి తాను పండించిన ఉల్లిని కొద్ది రోజుల క్రితం నిఫాడ్‌ టోకు మార్కెట్‌కు తీసుకెళ్లగా వర్తకులు కేజీ రూపాయికి అడిగారు. చివరకు బేరమాడటంతో రూ. 1.40కి ఒప్పందం కుదిరింది. ఆ రైతు చేతికి వచ్చింది రూ.1,064 మాత్రమే. దీంతో ఆయనకు కడుపు మండింది. నిరసన తెలుపుతూ ఆ మొత్తాన్ని ప్రధానమంత్రి కార్యాలయానికి చెందిన విపత్తు సహాయ నిధికి పంపించారు. దీనికి మనియార్డర్‌ చేయడానికి అదనంగా 54 రూపాయలు భరించారు.
మహారాష్ట్రలో మరో రైతన్న నిరసన..
మహారాష్ట్ర అహ్మద్ నగర్ జిల్లాలోని అభిలాలే అనే రైతు ముఖ్యమంత్రి దేవేంద్ర ఫడ్నావిస్కు 6 రూపాయల నగదు ఎంవో చేశాడు. జిల్లాలో టోకు మార్కెట్లో కిలో 1 రూపాయల మేరకు 2,657 కిలోల ఉల్లిపాయలు విక్రయించిన తర్వాత మార్కెట్ ఖర్చులు సర్దుబాటు చేసిన తరువాత ఆయన కేవలం రూ 6 మాత్రమే మిగిల్చారు. ఆ ఆరు రూపాయల్ని సీఎం ఫడ్నవీస్ కు ఎంవో పంపించి తమ నిరసనను వ్యక్తంచేశాడు. తమ పరిస్థితి సీఎంకు తెలియాలనే రూ.6 లను పంపించానని సదరు బాధిత రైతు తెలిపాడు.  కాగా ఉల్లిపాయల ఉత్పత్తిలో మహారాష్ట్ర పేరొందిన విషయం తెలిసిందే.
 

11:30 - December 10, 2018

హైదరాబాద్ : తెలంగాణ పోలింగ్ ప్రశాతంగా పూర్తయింది. దీంతో ఫలితాల కోసం నేతలు వేయి కళ్లతో ఎదురు చూస్తున్నారు. గెలుపుపై ఎవరికి వారే ధీమాగా వున్న క్రమంలో సీఎం పదవి ప్రమాణస్వీకారం కోసం ముహూర్తాలను కూడా ఖరారు చేసేసుకుంటున్నారు. పంచమి తిథి, బుధవారం మంచి రోజు కావటంతో ప్రమాణస్వీకారం కోసం బుధవారం డిసెంబర్ 12న ముహూర్తం పెట్టేసుకుంటున్నారు. 
ఫలితాల అనంతరం ఏం చేయాలన్న దానిపై ఇప్పటి నుంచే ప్రణాళికలు వేసేసుకుంటున్నారు.టీఆర్ఎస్ గెలిస్తే కేసీఆర్ మరోమారు సీఎం పీఠాన్ని అధిష్ఠిస్తారు. ప్రజాఫ్రంట్ గెలిస్తే కనుక కూటమిలోని ప్రధాన పార్టీ అయిన కాంగ్రెస్‌నే ముఖ్యమంత్రి పదవి వరిస్తుంది. మరి ముఖ్యమంత్రి అభ్యర్థిపై ఇప్పటివరకూ క్లారిటీ లేకపోయినా వారు కూడా బుధవారం రోజునే ప్రమాణస్వీకారం ముహూర్తం పెట్టకున్నట్లుగా రాజకీయ వర్గాల సమాచారం. 
బుధవారం పంచమి కావడమే ఇందుకు కారణం. ఆ తర్వాత మంచి రోజులు లేకపోవడంతో బుధవారమే ప్రమాణ స్వీకారం కానిచ్చేందుకు ఇరు పార్టీలు సన్నద్ధమవుతున్నాయి. కూటమి కనుక విజయం సాధిస్తే మంగళవారమే కాంగ్రెస్ శాసనసభాపక్ష సమావేశాన్ని ఏర్పాటు చేసి సీఎల్పీ నేతను ఎన్నుకుంటారు. 12న ఆ నేత ప్రమాణ స్వీకారం చేస్తారు. ఈ మేరకు కాంగ్రెస్ అధిష్ఠానం నుంచి సంకేతాలు అందినట్టు చెబుతున్నారు.  కూటమిలోని పార్టీలు గెలిచిన సీట్లను బట్టి మంత్రి పదవుల పంపకం ఉంటుందని సమాచారం.  
 

Pages

Don't Miss

Subscribe to RSS - సీఎం