సీఎంబీరేన్‌సింగ్‌

16:55 - March 20, 2017

హైదరాబాద్: మణిపూర్‌ ముఖ్యమంత్రి బీరేన్‌సింగ్‌ విశ్వాసపరీక్షలో నెగ్గారు. 60 మంది శాసనసభ్యులున్న మణిపూర్‌ అసెంబ్లీలో ముఖ్యమంత్రికి 32 మంది ఎమ్మెల్యేలు మద్దతుగా నిలిచారు. మణిపూర్‌ ఎన్నికల్లో 28 స్థానాలు గెలిచి కాంగ్రెస్ అతిపెద్ద పార్టీగా అవతరించింది. బిజెపికి కేవలం 21 స్థానాలు మాత్రమే వచ్చాయి. ప్రభుత్వ ఏర్పాటుకు మేజిక్‌ ఫిగర్‌ 31. ఈ నెల 15న మణిపూర్‌ ముఖ్యమంత్రిగా బీరేన్‌సింగ్‌, డిప్యూటి సిఎంగా ఎన్‌పిపికి చెందిన జయకుమార్‌ సింగ్‌ ప్రమాణం చేశారు. పీపుల్స్‌ ఫ్రంట్‌కు చెందిన నలుగురు, ఎన్‌పిపికి చెందిన నలుగురు ఎమ్మెల్యేలు, లోక్‌ జనశక్తి ఎమ్మెల్యేల మద్దతుతో బిజెపి ప్రభుత్వాన్ని ఏర్పాటు చేసింది. అతిపెద్ద పార్టీగా అవతరించిన తమకు ప్రభుత్వాన్ని ఏర్పాటు చేసేందుకు అవకాశమివ్వాలని కాంగ్రెస్‌ చేసిన విజ్ఞప్తిని గవర్నర్‌ నజ్మాహెప్తుల్లా తోసిపుచ్చారు. మణిపూర్‌లో తొలిసారిగా బిజెపి అధికారంలోకి వచ్చింది.

Don't Miss

Subscribe to RSS - సీఎంబీరేన్‌సింగ్‌