సీపీఐ

10:55 - October 11, 2018

హైదరాబాద్: తెలంగాణ అసెంబ్లీ ఎన్నికలకు తేదీ ఖరారైంది. ఇప్పటికే అధికార టీఆర్ఎస్ పార్టీ 105 స్థానాల్లో అభ్యర్థులను ప్రకటించడమే కాకుండా ఎన్నికల ప్రచారాన్ని ముమ్మరం చేసింది. మరోవైపు విపక్షాల పరిస్థితి మాత్రం అయోమయంగానే ఉంది. మహాకూటమి పేరుతో ఒక్కటైన విపక్షాలు ఇంకా అనేక సమస్యలు ఎదుర్కొంటున్నాయి. కాంగ్రెస్, టీడీపీ, తెలంగాణ జన సమితి, సీపీఐ పార్టీల మధ్య సమన్వయం కుదరలేదు. సీట్ల సర్దుబాటు చర్చలు కొలిక్కి రాలేదు. 

ఈ క్రమంలో మహాకూటమి నేతలు నేడు మరోసారి భేటీ కానున్నారు. సీట్ల సర్దుబాటు, ఎన్నికల ఉమ్మడి ప్రణాళికలపై తుది కసరత్తు చేయనున్నారు. ఎన్నికల ప్రచారం ఊపందుకోవడంతో పార్టీల మధ్య సీట్ల సర్దుబాబు త్వరితగతిన పూర్తి చేయాలని కూటమిలోని పార్టీలు బావిస్తున్నాయి. ఈ భేటీలో ప్రధానంగా సీట్ల సర్దుబాటు, ఉమ్మడి ఎన్నికల ప్రచారంపైనే చర్చించనున్నారు. టీడీపీ, సీపీఐ, జనసమితి కోరుతున్న సీట్ల సంఖ్యపై ఒక క్లారిటీ వచ్చే అవకాశం ఉంది. ఏ పార్టీకి ఎన్ని సీట్లు అనే దానిపై స్పష్టత వచ్చే అవకాశం ఉందని తెలుస్తోంది. కాగా సీట్ల సర్దుబాటుపై స్పష్టత వచ్చినప్పటికీ ఈ రోజు దానిపై ఎలాంటి వివరాలు ప్రకటించరని సమాచారం. అలాగే మహాకూటమి పేరు మార్పుపైనా చర్చలు జరగొచ్చని తెలుస్తోంది. మహాకూటమి పేరుని తెలంగాణ పరరక్షణ వేదికగా మార్చాలని, దీనికి ఛైర్మన్‌గా కోదండరామ్ ఉండాలనే అంశాలపై ఓ నిర్ణయం తీసుకోనున్నారు. 

మరోవైపు 48 గంటల్లో సీట్ల సర్దుబాటు అంశం కొలిక్కి రాకపోతే అన్ని చోట్లా పోటీ చేస్తామని జనసమితి వ్యాఖ్యానిస్తోంది. అటు సీపీఐ కూడా ఇదే అభిప్రాయంతో ఉంది. వీలైనంత త్వరగా సీట్ల సర్దుబాటు చేసుకోకపోతే ఎన్నికల ప్రచారం చేయడానికి తగినంత సమయం ఉండదనే అభిప్రాయం వ్యక్తమవుతోంది. 

17:36 - October 6, 2018

హైదరాబాద్ : వ్యంగ్యాస్త్రాలు సంధించటంలో కేసీఆర్ ది ఒకరకమైన స్టైల్ అయితే..కేటీఆర్ ది మరో రకమైన స్టైల్. కేసీఆర్ ది మాస్..కేటీఆర్ ది మాస్, క్లాస్ మిక్స్ గా విమర్శలు, వ్యంగ్యాస్త్రాలు వుంటాయి. తెలంగాణలో ముందస్తు ఎన్నికలకు సమయం దగ్గరపడుతోంది. ఈనేపథ్యంలో నేతలంతా తమ వాగ్ధాటికి పదును పెడుతున్నారు. ఈ క్రమంలో మహాకూటమిపై మంత్రి కేటీఆర్ వ్యంగ్యాస్త్రాలు సంధించారు. తెలంగాణ భవన్ లో తెలంగాణ రాష్ట్ర సమితి విద్యార్థి విభాగం సమావేశం ఈరోజు జరిగింది. ఈ సమావేశంలో పాల్గొన్న కేటీఆర్ మాట్లాడుతూ, మహాకూటమిలోని పార్టీలు విడిపోకుండా చూడాలని, ఆ కూటమి అధికారంలోకి వస్తే సీఎంగా ఎవరుంటారు? అంటే, ఆ కూటమిలో ఉన్న వాళ్లంతా ఈ పదవి కావాలనేవారేనని, ఈ కూటమి అధికారంలోకొస్తే మూడు నెలలకోసారి సీఎం మారడం ఖాయమని విమర్శించారు. కాంగ్రెస్, టీడీపీ పొత్తు బలంగా ఉండాలని కోరుకుంటున్నానని, ఈ కూటమిలో తెలంగాణ జనసమితి, సీపీఐ కూడా భాగస్వాములుగా చేరాయని, ఒక్క దెబ్బకు నాలుగు పిట్టలను కొట్టే అవకాశం వచ్చిందని అన్నారు.

22:28 - September 26, 2018

హైదరాబాద్ : టీఆర్ఎస్‌ను ఓడిస్తామంటూ ఏర్పాటైన మహాకూటమిలో అప్పుడే విభేదాలు మొదలయ్యాయి. టీడీపీ, కాంగ్రెస్, సీపీఐ, టీజేఎస్ పార్టీలు కలసి మహాకూటమిగా ఏర్పాటైన సంగతి తెలిసిందే. సీట్ల కేటాయింపు విషయంలో నేతల మధ్య బేధాభిప్రాయాలు వచ్చాయి. ఇదే విషయంపై మహాకూటమిలో సందిగ్థత కొనసాగుతోంది. 

కాంగ్రెస్ తీరుపై టీజేఎస్ నేతలు అంసతృప్తిలో ఉన్నారు. టికెట్ల కేటాయింపు విషయంలో కాంగ్రెస్ వ్యవహరిస్తున్న తీరుపై టీజేఎస్ నేత కోదండరామ్‌ గుర్రుగా ఉన్నారు. కాంగ్రెస్‌తో పొత్తు విషయాన్ని, సీట్ల లెక్క తేల్చుకునేందుకు టీజేఎస్ నేతలు ఢిల్లీలో మకాం వేశారు. కాంగ్రెస్ అధ్యక్షలు రాహుల్ గాంధీ అపాయింట్‌మెంట్ కోసం నేతలు ఎదురు చూపులు చూస్తున్నారు. అడిగినన్ని సీట్లు ఇవ్వకపోతే బీజేపీతో టీజేఎస్ జట్టు కట్టే అవకాశం ఉంది. మరో కూటమి ఏర్పాటు చేద్దామంటూ ప్రతిపాదించే యోచనలో ఉన్నారు. 

టికెట్ల కేటాయింపు విషయంలో కాంగ్రెస్ వ్యవహరిస్తున్న తీరుపై గుర్రుగా టీజేఎస్ నేత కోదండరామ్‌ను  కలుపుకొని వెళ్లేందుకు బీజేపీ ప్రయత్నిస్తోంది. ఇప్పటికే ఈ విషయంపై బీజేపీ నేతలు కోదండరామ్‌తో ఫోన్‌లో మంతనాలు జరిపినట్లు తెలుస్తోంది. అయితే ఇంకా సమయం ఉందంటూ కోదండరామ్ చెప్పినట్లు సమాచారం. కాగా టీజేఎస్‌తో బీజేపీ నేతలు చర్చలు మొదలు పెట్టారు. 

 

09:34 - September 22, 2018

హైదరాబాద్ : తెలంగాణలో ముందస్తు ఎన్నికల రాజకీయాలు హీట్ పెంచుతున్నాయి. అధికారమే లక్ష్యంగా జట్టు కట్టిన మహా కూటమి పార్టీల మధ్య తొలిదశ చర్చలు పూర్తయ్యాయి. పొత్తులు, పోటీ చేసే అసెంబ్లీ స్థానాలపై పార్టీలు...కాంగ్రెస్ కు ప్రతిపాదనలు అందజేశాయి. సర్వేల ఆధారంగా పార్టీల బలాబలాలపై అంచనా వేసి...సీట్ల సర్దుబాటుపై మరోసారి చర్చలు జరపాలని మహాకూటమి నేతలు నిర్ణయించారు. 

తెలంగాణలో మహాకూటమిలోని పార్టీల మధ్య...తొలి దశ చర్చలు విజయవంతంగా ముగిశాయి. కాంగ్రెస్, టీడీపీ, సీపీఐ, తెలంగాణ జ‌న‌ స‌మితిలు క‌లిసి మహాకూటమి ఏర్పాడాలని నిర్ణయించాయి. కూటమి ఏర్పాటు, ఎజెండా, సీట్ల సర్దుబాటు విషయంలో ముందుకెళ్ళాల్సిన వ్యూహాలపై తొలిదశ చర్చలు పూర్తయ్యాయి. కాంగ్రెస్‌కు కూటమిలో పెద్దన్న పాత్ర పోషించే బాధ్యతను అప్పగించిన మిగతా పార్టీలు... కూటమి ఏర్పాటు కోసం పట్టువిడుపులతో ముందుకు వెళ్లాలనే ఏకాభిప్రాయానికి వచ్చాయి. అందుకోసం కూటమి పక్షాలు సహా కాంగ్రెస్ పరిస్థితి, అభ్యర్థుల బలంపైనా సర్వే నిర్వహించాలని నిర్ణయించారు. అంతేకాదు బాధ్యతను పెద్దన్నకే అప్పగించాయి కూటమిలోని పార్టీలు.

సర్వే కోసం తాము పోటీ చేయాలనుకున్న సీట్లపై టీడీపీ, సీపీఐ, టీజేఎస్‌లు కసరత్తు పూర్తి చేసి ప్రతిపాదిత జాబితాను కాంగ్రెస్‌కు అందజేసినట్లు తెలుస్తోంది. పొత్తుల్లో 30 స్థానాలను కోరుతున్న తెలుగుదేశం పార్టీ....20 మందికి సంబంధించిన జాబితాను కాంగ్రెస్ పార్టీకిచ్చింది. జాబితాలో మాజీ మంత్రులు, మాజీ ఎమ్మెల్యేలు, పార్టీ సీనియర్ నేతలకు చోటు కల్పించారు.  

టీటీడీపీ అధ్యక్షుడు ఎల్ రమణ...కరీంనగర్ జిల్లా కోరుట్ల నుంచి పోటీ చేయనున్నారు. టీటీడీ బోర్డ్ మెంబరు పెద్దిరెడ్డి హుజురాబాద్ నుంచి బరిలోకి దిగనున్నారు. ఉప్పల్ లేదా కుత్బుల్లాపూర్-వీరేందర్ గౌడ్, ఖైరతాబాద్- బీఎన్ రెడ్డి, శేరిలింగంపల్లి- మండవ వెంకటేశ్వరరావు, రాజేంద్రనగర్- భూపాల్ రెడ్డి, కంటోన్మెంట్- ఎంఎన్ శ్రీనివాస్, ఆర్మూరు- ఆలేటి అన్నపూర్ణమ్మ, మిర్యాలగూడ- శ్రీనివాస్, ఖమ్మం- నామా నాగేశ్వరరావు, దేవరకద్ర -రావుల చంద్రశేఖర్ రెడ్డి, సికింద్రాబాద్- కూన వెంకటేశ్ గౌడ్, మక్తల్ -కొత్తకోట దయాకర్ రెడ్డి, పరకాల-రేవూరి ప్రకాశ్ రెడ్డి, కోదాడ-బొల్లా మల్లయ్య యాదవ్, సత్తుపల్లి-సండ్ర వెంకటవీరయ్య, జడ్చర్ల-ఎర్రశేఖర్, మహబూబ్ నగర్-చంద్రశేఖర్, కూకట్ పల్లి-శ్రీనివాసరావు, ఆలేరు బండ్రు శోబారాణిలకు జాబితాలో చోటు కల్పించారు. కాంగ్రెస్ కు ఇచ్చిన జాబితాలో...కనీసం 15 సీట్లు పట్టుబట్టాలని టీటీడీపీ నిర్ణయించింది. గత ఎన్నికల్లో 15 సీట్లలో గెలుపొందిన టీడీపీ...ఈ ఎన్నికల్లోనూ గెలిచే స్థానాలను వదిలిపెట్టకూడదని నిర్ణయించింది. 

13:51 - September 9, 2018

ఢిల్లీ : ప్రధాని నరేంద్రమోడీ పై సీపీఐ జాతీయ కార్యదర్శి నారాయణ ఫైర్ అయ్యారు. మోడీ పాలనలో బ్లాక్ మనీ వైట్ గా మారిందన్నారు. మోడీని ఎన్నిసార్లు కాల్చినా పాపం లేదని వ్యాఖ్యానించారు. పెట్రోల్ ధరలపై విపక్షాలు మండిపడుతున్నాయి. 

 

19:49 - September 7, 2018

ఢిల్లీ : సంచలన, వివాదాస్పద వ్యాఖ్యలు చేసే సీపీఐ నేత నారాయణ మరోసారి తన సహజశైలితో తెలంగాణ ఆపద్దర్మ ముఖ్యమంత్రిపై తనదైన శైలిలో విమర్శలు చేసారు. శోభనం పెళ్లికొడుకుతో కేసీఆర్ ను పోల్చిన నారాయణ సంచలన వ్యాఖ్యలు చేశారు. అసెంబ్లీని రద్దు చేసి హడావిడి చేస్తున్న కేసీఆర్ వ్యవహారశైలిపై ఆయన విచిత్రమైన వ్యాఖ్యలు చేశారు. తెలంగాణ అసెంబ్లీ రద్దయిన నేపథ్యంలో సీఎం కేసీఆర్ పై సీపీఐ జాతీయ కార్యదర్శి నారాయణ తీవ్ర వ్యాఖ్యలు చేశారు. కేసీఆర్ లక్ష్మణ రేఖ దాటారని..ముందస్తు ఎన్నికల కోసం కేసీఆర్ చేస్తున్న హడావిడి ఎలా వుందంటే..అంటు దీర్ఘం తీసిన నారాయణ ''శోభనం గది నుంచి మధ్య రాత్రి పారిపోయిన పెళ్లికొడుకు, ఇప్పుడు మళ్లీ పెళ్లి చేయండి సత్తా చాటుతా'' అన్నట్టుగా ఉందని తీవ్ర వ్యాఖ్యలు చేశారు.

19:24 - August 30, 2018

శ్రీకాకుళం : జిల్లాలోని సీపీఐ పార్టీ కార్యాలయంలో వామపక్షనేతలు సమావేశం అయ్యారు. ఈ సమావేశంలో వామపక్షనేతలు భవిష్యత్ కార్యాచరణ ప్రకటించారు. ఒకరిపై ఒకరు ఆరోపణలు చేసుకోవడం తప్ప ప్రజా సమస్యలపై అధికార, ప్రతిపక్ష పార్టీలు స్పందించడం లేదని వామపక్ష నేతలు ఆరోపించారు. ప్రభుత్వ, ప్రతిపక్ష నిర్లక్ష్యానికి వ్యతిరేకంగా రాష్ట్రాభివృద్ధి ప్రత్యామ్నాయ విధానాలపై కలిసి వచ్చే పార్టీలతో విధివిధానాలు రూపొందిస్తామన్నారు. సెప్టెంబర్ 1వ తేదీన రాష్ట్ర వ్యాప్తంగా వామపక్షాలు,ప్రజాసంఘాల ఆధ్వర్యంలో బస్సు యాత్ర, పాదయాత్ర చేపడుతామన్నారు. సెప్టెంబర్ 15వ తేదీన ఛలో విజయవాడ కార్యక్రమాన్ని నిర్వహించి ఆదేరోజు మహాగర్జన పేరుతో భారీ బహిరంగ సభ నిర్వహిస్తామన్నారు. ఈ యాత్రకు, బహిరంగ సభకు అన్ని వర్గాల ప్రజలు తమ మద్ధతు ప్రకటించాలని,యాత్రని విజయవంతం చేయాలని వామపక్ష నేతలు కోరారు.

06:58 - August 14, 2018

అమరావతి : ఏపీలో వామపక్ష, జనసేన పార్టీల కూటమి వ్యూహాత్మకంగా అడుగులు వేస్తోంది. భవిష్యత్తు రాజకీయ కార్యాచరణపై మూడు పార్టీల అగ్రనేతలు సమాలోచనలు చేస్తున్నారు. విజయవాడ వేదికగా ఈ పార్టీల నేతలు భేటీ అయ్యి చర్చించారు. టీడీపీ ప్రభుత్వ విధానాలకు వ్యతిరేకంగా పోరాటాలు కొనసాగించాలని నిర్ణయించారు.

ఏపీలో దూకుడు పెంచిన లెఫ్ట్‌, జనసేన కూటమి..
ఆంధ్రప్రదేశ్‌లో జనసేన, వామపక్షాల కూటమి దూకుడు పెంచింది. రాజకీయంగా వేగంగా అడుగులు వేస్తోంది. రాష్ట్రంలోని సమస్యలపై ఉద్యమించేందుకు మూడు పార్టీలు రెడీ అవుతున్నాయి. ప్రజా సమస్యలే ఎజెండాగా మూడు పార్టీలు ఉమ్మడి ఉద్యమాలకు శ్రీకారం చుట్టనున్నాయి.

యాత్రల పేరుతో జనానికి దగ్గరవుతున్న జనసేనాని..
ఇప్పటికే జనసేన అధినేత పవన్‌ కల్యాణ్‌ యాత్రల పేరుతో ప్రజలకు దగ్గరవుతున్నారు. నిత్యం ప్రజల్లో ఉంటూ ప్రభుత్వంపై విమర్శలు చేస్తున్నారు. మరోవైపు వామపక్షాలు సైతం ప్రజా సమస్యలపై పోరాటాలు నిర్వహిస్తున్నాయి. ఆయా రంగాల్లోని ప్రజలను ఐక్యం చేసే ప్రయత్నం చేస్తున్నాయి. జనసేన, సీపీఐ, సీపీఎం పార్టీలకు చెందిన నేతలు ఐక్యంగా ముందుకు సాగేందుకు విజయవాడలో సమావేశం అయ్యారు. భవిష్యత్‌ ఉద్యమానికి రూపకల్పన చేశారు. ప్రజాసమస్యలపై ప్రభుత్వాన్ని ఎండగట్టేలా ఉద్యమ కార్యాచరణపై చర్చించారు. ప్రత్యేకహోదా, పోలవరం నిర్వాసితులు, నిరుద్యోగం, సీపీఎస్‌ రద్దుతోపాటు మహిళలపై జరుగుతున్న అకృత్యాలపై రాష్ట్ర వ్యాప్తంగా ఉద్యమాలు చేపట్టేందుకు అవసరమైన కార్యాచరణపై చర్చించారు. రానున్న రోజుల్లో ప్రజాసమస్యలపై ఉమ్మడి పోరాటాలను మూడు పార్టీలు కలిసి చేపడుతాయని సమావేశానంతరం నేతలు స్పష్టం చేశారు. మొత్తానికి మూడు పార్టీల నేతల భేటీ నేపథ్యంలో త్వరలో ఏపీలో రాజకీయ వాతావరణం హీటెక్కబోతోందన్న సంకేతాలు వెలువడుతున్నాయి. అధికార టీడీపీతోపాటు ప్రధాన ప్రతిపక్షంగా ఉన్న వైసీపీని టార్గెట్‌ చేస్తూ , వారి వైఫల్యాలను ఎత్తిచూపేలా మూడూ పార్టీలో జనంలోకి వెళ్తనున్నాయి.

17:17 - August 6, 2018

ఢిల్లీ : రైతులు, వ్యవసాయ కార్మికులు జరుపుతున్న పోరాటానికి సీపీఐ మద్దతిస్తోందనా ఆ పార్టీ నేత సురవరం ప్రకటించారు. యూనివర్సిటీ గ్రాంట్ రద్దు చేయడం రాబోయే కాలంలో స్వయంప్రత్తికి నష్టం కలుగుతుందని అభిప్రాయ పడుతున్నట్లు తెలిపారు. ఆగస్టు 9న దళిత సంఘాలు చేపట్టే పోరాటానికి భారత్ బంద్ కు సీపీఐ మద్దతు తెలియచేస్తుందన్నారు. పాక్ టెర్రరిజాన్ని ఆపాలని సీపీఐ కోరుతోందని, చర్చల కోసం ఇమ్రాన్ ఖాన్ పెట్టిన ప్రతిపాదనలను ఎన్డీయే సమ్మతించాలని డిమాండ్ చేస్తున్నట్లు వెల్లడించారు. 

06:48 - August 3, 2018

హైదరాబాద్ : సీపీఎం ఏపీ రాష్ట్ర కార్యదర్శి మధు, సీపీఐ ఏపీ రాష్ట్ర కార్యదర్శి రామకృష్ణ జనసేన అధినేత పవన్‌ కల్యాణ్‌ను హైదరాబాద్‌లోని జనసేన కార్యాలయంలో కలిశారు. విభజన హామీలపై మరోసారి పోరు చేయటానికి సిద్ధమయ్యామని మధు తెలిపారు. రాష్ట్ర ప్రజల్లో టీడీపీ బలం తగ్గుతుందని.. ప్రజల్లో టీడీపీపై అసంతృప్తి పెరుగుతుందని మధు అన్నారు. సీపీఎం, సీపీఐ, జనసేనలు కలిసి పోరాడుతుంటే టీడీపీ తట్టుకోలేకపోతుందని.. అందుకే పవన్‌ కల్యాణ్‌పై చంద్రబాబు విమర్శలకు దిగుతున్నారని రామకృష్ణ అన్నారు. 

Pages

Don't Miss

Subscribe to RSS - సీపీఐ