సుప్రీంకోర్టుSupreme Court Collegium System

21:24 - January 12, 2018

ఢిల్లీ : సుప్రీంకోర్టుకు చెందిన నలుగురు న్యాయమూర్తుల మీడియా సమావేశం దేశవ్యాప్తంగా చర్చనీయాంశమైంది. రాజకీయపార్టీలు ఈ అంశంపై దృష్టిసారించాయి. జరుగుతున్న పరిణామాలపై కాంగ్రెస్ స్పందించింది.

జడ్జిలు పేర్కొన్న అంశాలను తేలిగ్గా తీసుకోవద్దని...వాటిని శ్రద్ధాగ పరిశీలించాల్సిన అవసరం ఉందని కాంగ్రెస్‌ అధ్యక్షుడు రాహుల్‌గాంధీ అన్నారు. జస్టిస్‌ లోయా మృతిపై సుప్రీంకోర్టు జడ్జితో విచారణ జరిపించాలని రాహుల్‌ డిమాండ్‌ చేశారు. అత్యున్నత న్యాయవ్యవస్థపై అందరికీ నమ్మకం ఉందన్నారు. న్యాయమూర్తుల వివాదంలో బిజెపి ఎందుకు మౌనం వహిస్తోందని కాంగ్రెస్‌ ప్రశ్నించింది.

సీపీఎం స్పందన..
అటు సిపిఎం పొలిట్‌ బ్యూరో కూడా ఈ వ్యవహారంపై స్పందించింది. సుప్రీంకోర్టు వ్యవస్థపై తీవ్ర పరిణామాలు చూపే కీలక అంశాలను.. నలుగురు న్యాయమూర్తులు లేవనెత్తారని తెలిపింది. జడ్జిలకు కేసుల కేటాయింపుల్లో నిబంధనలను పాటించడం లేదన్న అంశాలు ప్రస్తావనకు వచ్చాయని పేర్కొంది. దేశంలోని అత్యున్నత న్యాయవ్యవస్థలో పారదర్శకత, ప్రజాస్వామ్యయుత నిర్వహణను దృష్టిలో ఉంచుకుని న్యాయమూర్తుల మధ్య వివాదాలు సమిసిపోతాయని భావిస్తున్నట్లు సిపిఎం ప్రకటించింది.

Don't Miss

Subscribe to RSS - సుప్రీంకోర్టుSupreme Court Collegium System