సూర్యాపేట

09:26 - July 2, 2018

సూర్యాపేట : మావోయిస్టుల పేరుతో వ్యాపారులను బెదిరించి డబ్బులు వసూలు చేసేందుకు యత్నించిన ఓ వ్యక్తి దందా బైటపడింది. మావోల సానుభూతిపరులకు ఆలవాలంగా వున్న చింతలపల్లిలో నరసింహారావు అనే వ్యక్తి ఓ పత్తిమిల్లు యజమనానికి ఫోన్ చేసి డబ్బులివ్వాలని బెదిరింపులకు పాల్పడ్డాడు. పత్తిమిల్లు జయమాని రాంరెడ్డికి తరచు ఫోన్ చేసి డబ్బుల కోసం బెదిరిస్తున్నాడు. ఈ క్రమంలోనే మరోసారి రాంరెడ్డికి ఫోన్ చేసి రూ.3లక్షలు ఇవ్వాలని..గతంలో కూడా ఓ సర్పంచ్ కు ఫోన్ చేస్తే..తనకు డబ్బులు ఇచ్చాడని పత్తిమిల్లు యజమాన రాంరెడ్డిని బెదిరించాడు. కాగా గతంలో కూడా అదే నంబర్ నుండి ఫోన్ రావటంతో అనుమానించిన రాంరెడ్డి పోలీసులకు ఫిర్యాదు చేశాడు. కేసు నమోదుచేసుకున్న పోలీసులు సదరు సర్పంచ్ ను విచారించారు. తాను ఎవరికి ఎప్పుడు డబ్బులు ఇవ్వలేదని స్ఫష్టం చేశాడు. దీంతో నరసింహకు మావోయిస్టులకు ఎటువంటి సంబంధాలు లేవని పోలీసులు గుర్తించారు. అనంతరం నరసింహారావును పోలీసులు అరెస్ట్ చేసారు. 

16:20 - May 30, 2018

సూర్యాపేట : మేళ్లచెర్వు తహశీల్దారు కార్యాలయానికి మహిళ రైతులు తాళం వేసి నిరసన తెలిపారు. రైతుబంధు పథకంలో రెవెన్యూ అధికారులు నిర్లక్ష్యంగా వ్యవహరిస్తున్నారని.... పట్టాదారు పాసు పుస్తకాలు, చెక్కులపంపిణీలో జాప్యం చేస్తున్నారని మహిళ రైతులు అవేదన వ్యక్తం చేస్తున్నారు. 

21:57 - April 28, 2018

సూర్యాపేట : సూర్యాపేట మార్కెట్‌యార్డ్‌లో రైతుల ఆందోళన రెండోరోజుకు చేరింది. మద్దతు ధర కోసం అన్నదాతలు చేస్తున్న ఆందోళనకు విపక్ష నేతలు మద్దతు తెలిపారు. రైతుల సమస్య పరిష్కరించే వరకూ ఉద్యమాన్ని ఆపబోమని హెచ్చరించారు.

రెండురోజులుగా ఆందోళన చేస్తున్న రైతులు..
రెండు రోజులుగా మద్దతు ధర కోసం సూర్యాపేట మార్కట్ యార్డ్‌లో రైతులు ఆందోళన కొనసాగిస్తున్నారు. రైతులకు విపక్షాలు సంఘీభావం ప్రకటిస్తున్నాయి. మాజీ మంత్రి దామోదర్‌ రెడ్డిచ కాంగ్రెస్‌ కిసాన్‌ సెల్‌ రాష్ట్ర అధ్యక్షుడు కోదండ రెడ్డి మార్కెట్‌ యార్డ్‌ను సందర్శించారు. రైతులతో సంభాషించాక జిల్లా కలెక్టర్‌ను కలిసి కర్షకుల కష్టాలను ఆయనకి వివరించారు.

విపక్ష కాంగ్రెస్‌ నేతల విమర్శలు
మార్కెట్‌ యార్డ్‌లో ట్రేడర్లు సిండికేట్‌గా మారి.. రైతులకు గిట్టుబాటు ధర రాకుండా చేస్తున్నారని విపక్ష కాంగ్రెస్‌ నేతలు విమర్శించారు. రైతులు దోపిడికి గురవుతుంటే పాలక పక్షం నాయకులు ఎవరూ పరామర్శించక పోవడం దారుణమన్నారు. సూర్యాపేట్‌ మార్కెట్‌కు వచ్చిన ధాన్యాన్ని మద్దతు ధర ఇచ్చి ప్రభుత్వమే కొనుగోలు చేయాలని కాంగ్రెస్‌ నేతలు డిమాండ్ చేశారు.

రైతుల కోసం భోజనం తీసుకు వస్తున్న వాహనాన్ని ఆపివేసిన అధికారులు
అటు భువనగిరి మార్కెట్‌ యార్డులో కాంగ్రెస్‌ నేతలు ఏర్పాటు చేసిన అన్నదాన కేంద్రానికి మార్కెట్‌ యార్డ్‌ చైర్మన్‌ అనుమతి నిరాకరించారు. రైతుల కోసం భోజనం తీసుకు వస్తున్న వాహనాన్ని గేటు బయటే ఆపి.. తాళాలు వేయించారు. దీంతో రైతులు గేటు బయటే కూర్చుని భోజనాలు చేశారు. అనంతరం గేటు తాళాలు తీశాక, కాంగ్రెస్‌ శ్రేణులు మార్కెట్ యార్డ్‌ చైర్మన్‌ గదిలోకి చొరబడి ఆందోళన చేపట్టారు. ఈ సందర్భంగా మార్కెట్‌ యార్డ్‌ ఛైర్మన్‌కు కాంగ్రెస్‌ కార్యక్తలకు మధ్య తీవ్ర వాగ్వాదం జరిగింది.

 

09:10 - April 28, 2018

నల్గొండ : తెలంగాణ రాష్ట్రంలో రోడ్డు ప్రమాదాలు చోటు చేసుకుంటూనే ఉన్నాయి. అతివేగం..నిర్లక్ష్యంగా వాహనాలను నడుపుతుండడంతో ప్రాణాలు గాలిలో కలసిపోతున్నాయి. తాజాగా నల్గొండ జిల్లాలో ఓ ప్రైవేటు బస్సు బైక్ ను ఢీకొని సుమారు ఐదు కిలోమీటర్ల వరకు లాక్కెంది. ఈఘటనలో ఒకరు మృతి చెందారు. జిల్లాలోని మిర్యాలగూడ మండలం కిష్టాపురంలో ఆరెంజ్ ట్రావెల్స్ కు చెందిన ప్రైవేటు బస్సు బైక్ ను ముందట నుండి ఢీకొంది. దీనితో బైక్ పై వెళుతున్న బనవత్ రూపల్ల బస్సు కింద ఇరుక్కపోయాడు. ఇది గమనించని బస్సు డ్రైవర్ అలాగే పోనిచ్చాడు. సుమారు బైక్ ను 5 కి.మీటర్ల దూరం వరకు డ్రైవర్ ఈడ్చుకెళ్లాడు. బనవత్ రూపల్ల అక్కడికక్కడనే మృతి చెందాడు. స్థానికులు ఇచ్చిన సమాచారం మేరకు బస్సును పోలీసులు స్వాధీనం చేసుకున్నారు. బస్సు డ్రైవర్ పరారయ్యాడు. 

22:01 - April 27, 2018

సూర్యాపేట : మర్కెట్‌లో ఉద్రిక్తత నెలకొంది. మద్దతుధర దొరకడం లేదంటూ మార్కెట్‌యార్డ్‌ కార్యాలయంపై దాడి చేసి, ఫర్నిచర్‌ ధ్వంసం చేశారు. విజయవాడ జాతీయ రాహదారిపై రాస్తారోకో చేపట్టారు. మద్దతు ధర ఇస్తామన్న జాయింట్‌ కలెక్టర్‌ మాట అమలు కాలేదని రైతులు ఆరోపించారు.

సూర్యాపేట మార్కెట్‌ యార్డ్‌ ఉద్రిక్తం..
అన్నదాతల ఆవేశంతో సూర్యాపేట మార్కెట్‌ యార్డ్‌ ఉద్రిక్తంగా మారింది. తమ పంటలకు సరైన ధర చెల్లించాలంటూ రైతులు రెండు రోజులుగా ఆందోళన చేస్తున్నారు. శుక్రవారం నాడు, జాతీయ రహదారి 65 రహదారిపై బస్తాలను వేసి రాస్తారోకో చేపట్టారు. దీంతో రాహదారిపై ట్రాఫిక్‌ భారీగా స్తంభించింది.

కలెక్టర్‌ సంజీవ రెడ్డి, మాట తప్పాడన్న రైతన్నలు
తమ పంటకు మద్దతు ధర కల్పిస్తామని చెప్పిన జిల్లా జాయింట్‌ కలెక్టర్‌ సంజీవ రెడ్డి, మాట తప్పాడని వారు ఆగ్రహం వ్యక్తం చేశారు. క్వింటాల్‌కు 1400 రూపాయలు చెల్లించాలని రైతులు డిమాండ్ చేశారు. మార్కెట్‌ అధికారుల నిర్లక్ష్యం, పర్యవేక్షణ లోపంతోనే సూర్యాపేట మార్కెట్‌లో తాము తీవ్ర ఇబ్బందులు పడుతున్నామని రైతులు ఆరోపించారు.

నిరసనగా అన్నదాతలు రాస్తారోకో
గురువారం మార్కెట్‌కు రికార్డు స్థాయిలో లక్ష బస్తాల ధాన్యం వచ్చింది. దీంతో ట్రేడర్‌లు ఉద్దేశపూర్వకంగానే ధాన్యం ధరను తగ్గించి కొనుగోలు చేస్తున్నారని రైతులు ఆరోపిస్తున్నారు. నిరసనగా అన్నదాతలు రాస్తారోకో చేపట్టారు.. అయినా ట్రేడర్‌ల నుంచి ఎటువంటి సహకారం రాకపోవడంతో మార్కెట్‌ కార్యాలయంపై దాడి చేసి ఫర్నిచర్‌ ధ్వంసం చేశారు. మంత్రి జగదీష్ రెడ్డి స్పందించి తమకు న్యాయం చేయాలని రైతులు డిమాండ్ చేశారు.

రైతు సమస్యలను పరిష్కారించాలని డిమాండ్
మరో పక్క వరంగల్ జిల్లా సంగెం మండలం తిగరాజులపల్లి గ్రామ రైతులు వరి, మొక్కజొన్నలను వెంటనే కొనుగోలు చేయాలని కోరుతూ రహదారిపై బైఠాయించారు. ప్రభుత్వానికి వ్యతిరేక నినాదాలు చేస్తూ ధర్నా నిర్వహించారు. అధికారులు ఎంతో ఆర్భాటంగా ధాన్యం కొనుగోలు కేంద్రాలను ప్రారంభించి పోతున్నారు తప్ప ధాన్యాన్ని కొనుగోలు చేయడంలో శ్రద్ధ చూపడం లేదని విమర్శించారు. రైతు పక్షపాతి అని చెప్పుతున్న ప్రభుత్వం ఇకనైన రైతు సమస్యలను పరిష్కారించాలని స్థానికి నేతలు డిమాండ్ చేశారు. 

11:26 - April 27, 2018

నల్గొండ : రైతులకు గిట్టుబాటు ధర కల్పిస్తాం...పంట పెట్టుబడి కింద నగదు అందిస్తామని ప్రభుత్వం పేర్కొంటోంది. కానీ తెలంగాణ రాష్ట్రంలో రైతులు సమస్యలు మాత్రం తీరడం లేదు. రైతుల ఆత్మహత్యలకు ఫుల్ స్టాప్ పడడం లేదు. ఎక్కడో ఒక చోట రైతులు ఆందోళన చేస్తూనే ఉన్నారు. తమకు మద్దతు ధర కల్పించాలని..ధాన్యం కొనుగోలు చేయాలని ఆయా ప్రాంతాల్లో రైతన్నలు నిరసనలు..ఆందోళనలు చేపడుతున్నారు. శుక్రవారం సూర్యాపేట వ్యవసాయ మార్కెట్ కార్యాలయం వద్ద రైతులు ఆందోళన చేపట్టారు. మార్కెట్ కు వరుస సెలవులు ప్రకటించడం పట్ల నిరసన వ్యక్తం చేశారు. ధాన్యం కొనుగోళ్లు నిలిపివేయడంపై ఆగ్రహం వ్యక్తం చేస్తూ కార్యాలయంపైకి దాడికి దిగారు. కార్యాలయంలోని ఫర్నీచర్ ను ధ్వంసం చేశారు. మద్దతు ధర కంటే తక్కువగా ప్రకటిస్తుండడంతో రైతులు తీవ్ర ఆందోళన వ్యక్తం చేస్తున్నారు. మద్దతు ధర చెల్లించే విధంగా చేస్తామని..ధాన్యం కొనుగోలు చేస్తామని గురువారం అధికారులు హామీనిచ్చారు. కానీ శుక్రవారం అదే పరిస్థితి కొనసాగడంతో రైతులు తీవ్ర ఆగ్రహానికి గురయ్యారు. మరి ఉన్నతాధికారులు జోక్యం చేసుకుని రైతుల సమస్యలు పరిష్కరిస్తారా ? లేదా ? అనేది చూడాలి. 

18:33 - April 15, 2018

స్యూర్యాపేట : స్యూర్యాపేట జిల్లాలో నూతన కలెక్టరేట్ భవన నిర్మాణ స్థలం వివాదస్పదంగా మారింది. మంత్రి జగదీష్‌రెడ్డి తన అనుయాయులకు, రియల్‌ఎస్టేట్‌ వ్యాపారుల కోసమే  కలెక్టరేట్‌ భవన సముదాయం నిర్మిస్తున్నారని కాంగ్రెస్‌ నేతలు కోమటిరెడ్డి వెంకట్‌రెడ్డి, దామోదర్‌రెడ్డి ఆరోపిస్తున్నారు. జనసమ్మర్దం లేని ప్రాంతంలో నిర్మిస్తున్నారని మండిపడ్డారు. ప్రజలకు అందుబాటులో ఉండే ప్రాంతంలో నిర్మించాలని వారు డిమాండ్‌ చేస్తున్నారు. 

సూర్యాపేట కలెక్టరేట్‌ భవన నిర్మాణం వివాదాస్పదంగా మారింది. అధికార టీఆర్‌ఎస్‌, ప్రతిపక్ష కాంగ్రెస్‌ మధ్య కలెక్టరేట్‌ నిర్మాణంలో మాటల తూటాలు పేలుతున్నాయి. మంత్రి జగదీష్‌రెడ్డి ప్రజలకు సౌకర్యవంతంగా ఉండే ప్రదేశంలోకాకుండా..  తన వర్గపు వారికి మేలు చేసేలా కలెక్టరేట్‌ నిర్మాణం చేపడుతున్నారని కాంగ్రెస్‌ నేతలు ఆరోపిస్తున్నారు.  సూర్యాపేటకు 5 కిలోమీటర్ల దూరంలోని కుడకుడ సమీపంలో కలెక్టరేట్‌ కోసం ప్రభుత్వం.. ప్రైవేట్‌ వ్యక్తుల నుంచి సేకరించింది. అయితే ఆ ప్రాంతంలో కలెక్టరేట్‌ ప్రతిపాదనలేవీ చేయకముందే మంత్రి జగదీష్‌ రెడ్డి తన బినామీ వ్యాపారులతో రైతుల దగ్గర తక్కువ ధరకే 25 ఎకరాల స్థలం  కొనుగోలు చేశారని కాంగ్రెస్‌ నేతలు కోమటిరెడ్డి వెంకట్‌రెడ్డి, రాంరెడ్డి దామోదర్‌రెడ్డి ఆరోపిస్తున్నారు.  రైతుల నుంచి భూములు కొనుగోలు చేసిన తర్వాత కలెక్టరేట్‌కు అక్కడ ప్రతిపాదనలు చేయించారని మండిపడుతున్నారు. దీంతో ఆఘమేఘాల మీద ఆ ప్రాంతంలోనే కలెక్టరేట్‌కు ముఖ్యమంత్రితో శంకుస్థాపన చేయించారని కోమటిరెడ్డి ఆరోపిస్తున్నారు.

ప్రభుత్వం ప్రతిపాదించిన స్థలంలో కలెక్టరేట్‌ నిర్మాణం చేపడితే ప్రజలకు ఇబ్బందులు వస్తాయని కాంగ్రెస్‌ నేతలు చెబుతున్నారు. మంత్రి జగదీష్‌రెడ్డి భూముల ధరలు పెంచుకుని వందల కోట్లు లబ్ది పొందేందుకే అక్కడ కలెక్టర్‌ కార్యాలయం నిర్మిస్తున్నారని మండిపడుతున్నారు. కలెక్టరేట్‌ భవన సముదాయ ప్రతిపాదనల వెనుక పెద్ద కుంభకోణమే ఉందని ఆరోపిస్తున్నారు. ప్రభుత్వం తన నిర్ణయాన్ని మార్చుకోకపోతే హైకోర్టును ఆశ్రయిస్తామని హెచ్చరిస్తున్నారు. 

08:24 - March 11, 2018

సూర్యాపేట : పెళ్లి ఇంట్ల చావు డప్పులు మోగుతున్నాయి. వివిధ కారణాల వల్ల నూతన దంపతులు మృతి చెందుతున్న ఘటనలు వెలుగు చూస్తున్నాయి. దీనితో ఆయా కుటుంబాలు తీవ్ర విషాదంలో మునిగిపోతున్నాయి. మొన్న వరంగల్ జిల్లా నుండి వెళుతున్న పెళ్లి కుటుంబం ప్రయాణిస్తున్న ఇన్నోవా వాహనం ఢీకొనడంతో వరుడు మృతి చెందిన సంగతి తెలిసిందే. తాజాగా సూర్యాపేటలో మరో ఘటన చోటు చేసుకుంది. పెళ్లయిన కొద్ది గంటల్లోనే వధువు మృతి చెందింది.

సూర్యాపేటకు చెందిన కటకం గాయతి (22) వివాహం మహబూబాబాద్ జిల్లా నెల్లికుదురుకు చెందిన గుండా వేణుతో నిశ్చయమైంది. శనివారం వీరి వివాహం ఓ ఫంక్షన్ హాల్ లో జరిగింది. పెళ్లి అనంతరం బంధువులులు..మిత్రుల సంబరాల మధ్య వధువు ఇంటికి ఊరేగింపుగా బయలుదేరారు. మార్గమధ్యలో ఉన్న దేవాయంలోకి వెళ్లి వస్తుండగా వధువు గాయత్రి ఒక్కసారిగా కుప్పకూలి పోయింది. స్థానికంగా ఉన్న ప్రైవేటు ఆసుపత్రికి తీసుకెళ్లగా అక్కడ వైద్యుడు అందుబాటులో లేకపోవడంతో స్థానిక ప్రాంతీయ వైద్య శాలకు తీసుకొచ్చారు. కానీ అప్పటికే జరగరాని ఘోరం జరిగిపోయింది. గాయత్రి చనిపోయిందని చెప్పడంతో తల్లిదండ్రులు షాక్ కు గురయ్యారు. కన్నీరుమున్నీరుగా విలపిస్తున్నారు. 

10:54 - March 7, 2018

నల్గొండ : సూర్యాపేటలోని చింతపాలెం మండల టీఆర్ఎస్ అధ్యక్షుడు లకావత్ రామారావు ఆయన సతీమణి ఎంపీటీసీ సుభద్రపై నిందితుడు కత్తితో దాడికి పాల్పడ్డాడు. ఆమెకు స్వల్పగాయాలయ్యాయి. స్థానికులు నిందితుడిని పట్టుకుని పోలీసులకు అప్పగించారు. దాడి వెనుక డబ్బుల వ్యవహారమే కారణమని తెలుస్తోంది. డబుల్ బెడ్ రూం ఇప్పిస్తానని డబ్బులు తీసుకున్నట్లు, ఇవ్వకపోవడంతో నిందితుడు దాడికి పాల్పడినట్లు సమాచారం. రూ. 1.60 వేలు తీసుకున్నారని, కొంత డబ్బు వాపస్ ఇచ్చారని నిందితుడు పేర్కొంటున్నట్లు తెలుస్తోంది. ఇతర పథకాల పేరిట పేదల దగ్గరి నుండి డబ్బులు వసూలు చేస్తున్నట్లు ప్రచారం జరుగుతోంది. కాగా... దాడికి పాల్పడ్డ వ్యక్తిని పోలీసులు అదుపులోకి తీసుకుని విచారిస్తున్నారు.

07:40 - January 7, 2018

సూర్యాపేట : జిల్లాలో ఆర్టీసీ బస్సు బోల్తాపడింది. ఈ ప్రమాదంలో 20మంది గాయపడ్డారు. విజయవాడ డిపోకు చెందిన ఆర్టీసీ బస్సు చివ్వెంల మండలం దురాజపల్లి సమీపంలోని తెల్లబండ కాలనీ దగ్గర పల్టీ కొట్టింది. ప్రమాద సమయంలో బస్సులో 32మంది ప్రయాణీకులు ఉన్నారు. విజయవాడ నుంచి హైదరాబాద్‌ వెళ్తుండగా ఈ ప్రమాదం జరిగింది. గాయపడిన వారిని సూర్యాపేట ఆస్పత్రికి తరలించి చికిత్స అందిస్తున్నారు.

Pages

Don't Miss

Subscribe to RSS - సూర్యాపేట