హత్య కేసు

19:58 - April 16, 2018

ఢిల్లీ : జమ్ముకశ్మీర్‌లోని కథువాలో ఎనిమిదేళ్ల బాలికపై జరిగిన అత్యాచారం హత్య కేసులో సుప్రీంకోర్టు విచారణ జరిపింది. ఆసిఫా కుటుంబానికి, ఆమె తరపు వాదిస్తున్న లాయర్‌కు రక్షణ కల్పించాలని జమ్ముకశ్మీర్‌ ప్రభుత్వాన్ని సుప్రీంకోర్టు ఆదేశించింది. ఈ కేసు విచారణను జమ్ముకశ్మీర్‌ నుంచి చండీగఢ్‌కు తరలించాలని కోరుతూ ఆసిఫా తండ్రి సుప్రీంకోర్టును ఆశ్రయించారు. అంతకుముందు జమ్ముకశ్మీర్‌ ట్రయల్‌ కోర్టులో విచారణ జరిగింది. 8 మంది నిందితులు తమని తాము నిర్దోషులుగా కోర్టుకు తెలిపారు. ఈ కేసులో తమకు నార్కో పరీక్ష నిర్వహించాలని కూడా వారు న్యాయమూర్తిని కోరారు. కేసుకు సంబంధించి ఛార్జ్‌షీట్‌ కాపీలను నిందితులకు అందజేయాల్సిందిగా న్యాయమూర్తి రాష్ట్ర క్రైం బ్రాంచిని ఆదేశించారు. దీనిపై తదుపరి విచారణ ఏప్రిల్‌ 28కి వాయిదా వేశారు. ఈ ఏడాది జనవరిలో కథువాలో 8 ఏళ్ల బాలికను అపహరించి మత్తు మందిచ్చి వారం రోజుల పాటు అత్యాచారానికి పాల్పడి ఆపై హత్య చేసిన విషయం తెలిసిందే. దేశ వ్యాప్తంగా సంచలనం సృష్టించిన ఈ ఘటనలో 8 మందిని పోలీసులు అదుపులోకి తీసుకున్నారు.  

 

20:10 - February 4, 2018

నల్గొండ : కాంగ్రెస్‌ పార్టీ కోసం, కార్యకర్తలకోసం ప్రాణాలివ్వడానికి సిద్ధమన్నారు కాంగ్రెస్‌నేత కోమటి రెడ్డి వెంకట్‌రెడ్డి. ముఖ్యమంత్రి కేసీఆర్‌యే కిరాయి రౌడీలను పెట్టించి తనను బొడ్డుపల్లి శ్రీనివాస్‌ను హత్య చేసేందుకు కుట్రపన్నారని ఆరోపించారు. శ్రీనివాస్‌ హత్యతో కేసీఆర్‌ ప్రమేయం లేకపోతే కేసును సీబీఐకి అప్పగించాలన్నారు. లేదంటే ఈ హత్యకు కారణం కేసీఆర్‌ అని ప్రజలు నమ్ముతారన్నారు. నల్లగొండ నడిబొడ్డున శ్రీనివాస్‌ విగ్రహాన్ని చేయించి ప్రజల గుండెల్లో నిలిచే విధంగా విగ్రహావిష్కరణ చేయిస్తామన్నారు. 

 

19:44 - February 3, 2018

కొమ్రం భీం అసిఫాబాద్ : జిల్లాలో మొన్న జరిగిన దళిత మహిళ సావంత్‌ భాయ్‌ హత్య కేసులో నిందితులను రిమాండ్‌కు పంపకపోవడంతో నిరసనలు వెల్లువెత్తుతున్నాయి. ప్రభుత్వతీరును నిరసిస్తూ... ఆసిఫాబాద్‌ జిల్లా కేంద్రంలో అంబేద్కర్‌ చౌక్‌ వద్ద టీమాస్‌ నేతలు నిరసన తెలిపారు. జనవరి 31న మర్తిడి గ్రామంలో నిద్రిస్తున్న సమయంలో దుండగులు ఆమెపై కిరోసిన్‌ పోసి నిప్పటించారని.. వారు అధికార పక్షంకి చెందిన వారవడంతో పోలీసులు పట్టించుకోవడం లేదని టీమాస్‌ నేతలు ఆరోపించారు. వెంటనే నిందుతులను రిమాండ్‌కి పంపి అట్రాసిటీ కేసులను నమోదు చేయాలని టీమాస్ నేతలు డిమాండ్‌ చేశారు.

 

17:12 - February 3, 2018

హైదరాబాద్ : గతనెల 29తేదీన జరిగిన బీటెక్‌ విద్యార్థిని అనూష హత్య కేసును ఛేదించిన పోలీసులు .. నిందితుడు మోతీలాల్‌ను అరెస్ట్‌ చేశారు. పోలీసుల విచారణలో బండరాయితో మోది హత్య చేసినట్టు మోతీలాల్‌ ఒప్పుకున్నాడు. వేరేవారితో సంబంధం పెట్టుకుందనే అనుమానంతోనే మోతీలాల్‌ ఈ హత్యకు పాల్పడినట్టు తెలుస్తోంది. ఇంకా ఈ కేసు దర్యాప్తు చేస్తున్నామని.. ఈ కేసులో ఎంతటి వారున్న వదిలిపెట్టే ప్రసక్తే లేదంటున్న ఎల్బీనగర్‌ డీసీపీ వెంకటేశ్వరరావుతో టెన్ టివి ఫేస్‌ టూ ఫేస్‌ నిర్వహించింది.

 

21:49 - January 30, 2018

నల్లగొండ : మున్సిపల్ చైర్మన్ భర్త బొడ్డుపల్లి శ్రీనివాస్‌ హత్య కేసులో ముమ్మాటికీ పోలీసులు, టీఆర్‌ఎస్ పెద్దల పాత్ర ఉందని కాంగ్రెస్ నేత కోమటిరెడ్డి వెంకటరెడ్డి ఆరోపించారు. హత్యపై జిల్లా ఎస్పీ చెప్పినది కట్టుకధగా తేలిపోయిందని ఆయన అన్నారు. హత్య జరిగిన సమయంలో కాల్ డేటా కావాలని అడిగితే, ఇస్తామని చెప్పి తమను పోలీసులు మోసం చేశారని కోమటిరెడ్డి చెప్పారు. సీఎం ఆదేశాల మేరకే పోలీసులు కేసును నీరు గార్చారన్న కోమటిరెడ్డి ..సీబీఐకి దర్యాప్తు  అప్పగించాలని హైకోర్టులో పిటిషన్ వేసినట్లు కోమటిరెడ్డి తెలిపారు. 

 

07:55 - January 29, 2018

నల్గొండ : జిల్లాలో కాంగ్రెస్ నేత బొడ్డుపల్లి శ్రీనివాస్‌ హత్యకేసును పోలీసులు చేధించారు. ఈ కేసులో 11 మంది నిందితులు కాగా... 8 మందిని అరెస్ట్ చేశారు. మిర్చి బండి దగ్గర పంచాయితీనే హత్యకు కారణమని జిల్లా ఎస్పీ శ్రీనివాసరావు తెలిపారు. హత్యలో రాజకీయ కోణం లేదని పోలీసులు తేల్చారు. పోలీసుల తీరుపై  శ్రీనివాస్‌ భార్య లక్ష్మీ, కాంగ్రెస్‌ నేతలు మండిపడుతున్నారు. తమ వైఫల్యాలను కప్పిపుచ్చుకునేందుకు బజ్జీలబండి నాటకమాడారని ఆరోపించారు. ఎస్పీ చెప్పిన విషయాలు వాస్తవ దూరంగా ఉన్నాయని దుయ్యబట్టారు.
హత్యలో రాజకీయ కుట్ర ఏం లేదన్న ఎస్పీ 
నల్గొండలో ఈ నెల24న జరిగిన కాంగ్రెస్ నేత బొడ్డుపల్లి శ్రీనివాస్‌ హత్యకేసును పోలీసులు చేధించారు. హత్యలో రాజకీయ కుట్ర ఏం లేదని.. కేవలం చిన్న గోడవనే ఈ హత్యకి దారితీసిందని ఎస్పీ తెలిపారు. ఈ నెల 24న మాండ్ర మహేశ్‌ తమ్ముడు రాంబాబు క్యాన్సర్‌ వ్యాదితో చనిపోయాడు. దీంతో బొడ్డుపల్లి శ్రీనివాస్‌ మహేశ్‌ ఇంటికి వచ్చి పరామర్శించి వెళ్లాడు. రాత్రి అంత్యక్రియలు ముగిసిపోయాక.. మహేశ్‌ స్నేహితులైన చింతకుంట్ల రాంబాబు, శరత్‌ మిర్చి బండి దగ్గరికి వెళ్లారు. అక్కడ సదరు మిర్చి బండి యజమానికి రాంబాబు స్నేహితులకు మధ్య ఘర్షణ జరిగింది. విషయం పోలీసులకు తెలువడంతో నిందుతులను చెదరగొట్టారని, పోలీసులు వెళ్లిపోయాక మళ్లీ గుమిగూడారని, శ్రీనివాస్ మందలించడంతో ఆగ్రహంతో దాడికి పాల్పడి హత్య చేశారని ఎస్పీ పేర్కొన్నారు. 
8మందిని అరెస్ట్‌ చేసిన పోలీసులు
ఈ హత్యకేసులో నిందితులను పట్టుకునేందుకు 6 బృందాలు ఏర్పాటు చేసి దర్యాప్తు ప్రారంభించారు.  కేసుకు సంబంధించి 11మందిని నిందితులుగా గుర్తించారు. ఇందులో ఏ-1గా చింతకుంట్ల రాంబాబు సహా 8మంది నిందితులను అరెస్ట్ చేశారు. పరారీలో మరో ముగ్గురు నిందితులున్నారని పోలీసులు తెలిపారు. కాగా బొడ్డుపల్లి శ్రీనివాస్‌పై తొమ్మిది కేసులు ఉన్నాయని, నిబంధనల కారణంగానే శ్రీనివాస్‌కు గన్‌మ్యాన్‌ కల్పించలేదని ఎస్పీ శ్రీనివాస్‌రావు వెల్లడించారు.  హత్యలో రాజకీయ నేతల ప్రమేయం లేదని ఎస్పీ తేల్చిచెప్పారు.
ఎస్పీపై శ్రీను భార్య లక్ష్మీ ఆగ్రహం 
బొడ్డుపల్లి శ్రీనివాస్‌ హత్యకేసులో రాజకీయకోణం లేదన్న ఎస్పీపై శ్రీను భార్య లక్ష్మీ ఆగ్రహం వ్యక్తం చేశారు. తమ వైఫల్యాల్ని కప్పిపుచ్చుకునేందుకే తన భర్త హత్యకేసులో బజ్జీలబండి నాటకమాడారని ఆగ్రహం వ్యక్తం చేశారు. ఎస్పీ చెప్పిన విషయాలు వాస్తవ దూరంగా ఉన్నాయన్నారు. నిజానిజాలు తేలాలంటే కేసును సీబీఐకి అప్పగించాలని.. లేకుంటే తాను ఆమరణ దీక్షకు దిగుతానని హెచ్చరించారు.
పోలీసుల తీరుపై కాంగ్రెస్‌ నేతల మండిపాటు 
పోలీసుల తీరుపై కాంగ్రెస్‌ నాయకులు మండిపడుతున్నారు. ఫోన్‌ చేసి పిలిచిన వ్యక్తి అక్కడ లేకపోవడాన్ని పోలీసులు ఎందుకు అనుమానించడం లేదని ఎమ్మెల్సీ కోమటిరెడ్డి రాజగోపాల్‌రెడ్డి సరికొత్త అనుమానాన్ని తెరపైకి తెచ్చారు. శ్రీనివాస్‌ను టీఆర్‌ఎస్‌ ఎమ్మెల్యే వేముల వీరేశం, కంచర్ల భూపాల్‌రెడ్డి బెదిరించారని ఆరోపించారు. వేముల వీరేశం గ్యాంగ్‌స్టర్‌ నయీమ్‌కంటే దారుణంగా వ్యవహరిస్తున్నారన్నారు. న్యాయం జరగకపోతే ప్రగతిభవన్‌ను ముట్టడిస్తామని హెచ్చరించారు. మొత్తానికి పోలీసులు కేసును ఛేదించిన విధానమంతా ఓ కట్టుకథని కాంగ్రెస్‌ నేతలు చెబుతున్నారు. వాస్తవాలు వెలుగులోకి రావాలంటే ఎమ్మెల్యే వేముల వీరేశం, మంత్రి జగదీష్‌రెడ్డిని విచారించాలని డిమాండ్‌ చేస్తున్నారు. మరి కాంగ్రెస్‌ ఆరోపణలపై  ఇటు పోలీసులు, అటు గులాబీ నేతలు ఎలా స్పందిస్తారో చూడాలి.

19:43 - January 8, 2018

కామారెడ్డి : జిల్లాలోని పిట్లం మండలం కారేగావ్‌లో వీఆర్‌ఏ సాయిలు హత్య ఘటనపై సిట్టింగ్‌ జడ్జితో విచారణ జరపాలని ప్రజాగాయకుడు గద్దర్‌ డిమాండ్‌ చేశారు. సాయిలును ఇసుక మాఫియా చంపలేదన్న ప్రభుత్వ పెద్దలు వాస్తవాలు తెలుసుకోవాలన్నారు. ఇంటికి పెద్దదిక్కు కోల్పోయిన సాయిలు కుటుంబానికి 25 లక్షల ఎక్స్‌గ్రేషియా ఇవ్వాలని డిమాండ్‌ చేశారు. లేదంటే పేదల ఉసురు తగిలి ప్రభుత్వం పతనమవడం ఖాయమని గద్దర్‌ అన్నారు.

 

21:04 - January 5, 2018

హైదరాబాద్‌ : కర్మాన్‌ఘాట్‌కు చెందిన కార్పెంటర్‌ నాగరాజు హత్య కేసు మిస్టరీని చౌటుప్పల్‌ పోలీసులు ఛేదించారు. దేహంపై గాయాలు గమనించిన పోలీసులు హత్యగానే అనుమానించారు. ఆ కోణంలోనే దర్యాప్తు ముమ్మరం చేశారు.   భార్యపై అనుమానంతో ఆమె కాల్‌డేటాను విశ్లేషించడంతో గుట్టురట్టయింది. 
నాగరాజు హత్య కేసును ఛేదించిన పోలీసులు 
హైదరాబాద్‌ కర్మాన్‌ఘాట్‌కు చెందిన కార్పెంటర్‌ నాగరాజు హత్య కేసులో మిస్టరీ వీడింది. భార్య జ్యోతి ఈ ఘాతుకానికి కారణమని చౌటుప్పల్‌ పోలీసులు తేల్చారు. ఈ కేసులో పోలీసులు  తీసుకున్న ఒక్కో అడుగు..నాలుగు రోజుల్లోనే కేసును ఛేదించేలా చేశాయి. గుర్తుతెలియని వ్యక్తి మృతదేహం పడి ఉందన్న సమాచారంతో చౌటుప్పల్‌ పోలీసులు స్పాట్‌కు చేరుకున్నారు. మృతుడి జేబులో లభించిన బిల్లుల ఆధారంగా హైదరాబాద్‌కు చెందిన కార్పెంటర్‌గా గుర్తించారు. అయితే దేహంపై గాయాలు కనిపించడంతో..హత్యగా అనుమానించిన పోలీసులు డెడ్‌బాడీని పోస్ట్‌మార్టంకు తరలించారు. శవపరీక్ష నివేదికలో తలపై బలమైన గాయాలున్నట్లు తేలింది. హతుడి ఫోటో, కాల్‌డేటా ఆధారంగా కర్మాన్‌ఘాట్‌లో ఆరా తీశారు. కుటుంబ సభ్యులు నాగరాజుగా చెప్పడంతో..మృతదేహాన్ని వారికి అప్పగించారు. అయితే జ్యోతి కాల్‌డేటాను పరిశీలించిన పోలీసులు..డిసెంబరు 30,31 తేదీల్లో ఒకే నంబరుకు ఎక్కువగా కాల్స్‌ ఉన్నట్టు గుర్తించారు. ఆ నంబరు కార్తీక్‌దిగా తేలడంతో.. అతడిని అదుపులోకి తీసుకున్నారు. జ్యోతి, కార్తీక్‌ను విచారించడంతో తామే హత్య చేశామని అంగీకరించారు.  
పెళ్లికి ముందే కార్తీక్‌తో జ్యోతి లవ్‌ 
మహబూబ్‌నగర్‌ జిల్లా రాచర్లకు చెందిన జ్యోతికి అదే గ్రామానికి చెందిన నాగరాజుతో ఐదేళ్ల క్రితం పెళ్లయింది. పెళ్లికి ముందే హైదరాబాద్ నాచారానికి చెందిన కార్తీక్‌తో జ్యోతి లవ్‌లో పడింది. అయితే జ్యోతి పేరెంట్స్‌ ప్రేమ పెళ్లికి నిరాకరించి..నాగరాజుతో వివాహం చేశారు. ఆ తర్వాత నాగరాజు హైదరాబాద్ కర్మన్‌ఘాట్‌లో కాపురం పెట్టాడు. కొన్నాళ్లు వీరి కాపురం సవ్యంగా సాగింది. కొడుకు, కూతురు పుట్టారు. ఈక్రమంలో 3 నెలల క్రితం కార్తీక్‌ మళ్లీ జ్యోతి జీవితంలోకి వచ్చాడు. 
నాగరాజు ముఖంపై దిండుతో అదిమిపట్టి చంపారు 
జ్యోతి, కార్తీక్‌ మధ్య కొనసాగుతున్న వివాహేతర సంబంధం.. భర్త నాగరాజుకు తెలియడంతో.. ఆమెను మందలించాడు. భర్తను చంపేస్తే తమకు అడ్డు ఉండదని జ్యోతి, కార్తీక్‌ నిర్ణయించుకున్నారు. కార్తీక్‌ తన స్నేహితులు దీపక్‌, యాసిన్‌, నరేష్‌లతో కలిసి నాగరాజు హత్యకు స్కెచ్‌ వేశారు. డిసెంబరు 30 రాత్రి ఇంటికి వచ్చిన భర్తకు జ్యోతి నిద్రమాత్రలు ఇచ్చింది... ఆ తర్వాత ఫోన్‌ చేసి ప్రియుడు కార్తీక్‌ను ఇంటికి పిలిపించింది. గాఢనిద్రలో ఉన్న నాగరాజు ముఖంపై దిండుతో అదిమిపట్టి చంపారు. ఆ తర్వాత స్నేహితులు సాయంతో కారులో మృతదేహాన్ని తీసుకెళ్లి..చౌటుప్పల్‌లో పడేసి వెళ్లిపోయారు. 4 రోజుల్లోనే కేసును చేధించిన పోలీసులు..కార్తీక్‌ ఇచ్చిన సమాచారంతో దీపక్‌, యాసిన్‌లను అదుపులోకి తీసుకున్నారు. 
నాగరాజును హత్య చేసినట్లు చెప్పిన నిందితుడు నరేష్ 
విషయం తెలుసుకున్న మరో నిందితుడు నరేష్‌...లాలాపేట ఠాణాలో లొంగిపోదామని డయల్‌ 100కు ఫోన్‌చేశాడు. ఆ తర్వాత భయపడి గొంతు కోసుకుని ఆత్మహత్యాయత్నం చేశాడు. అతన్ని గాంధీ ఆసుపత్రికి తరలించాక..లాలాపేట పోలీసులు విచారించడంతో తన స్నేహితులతో కలిసి నాగరాజును హత్య చేసినట్లు చెప్పాడు. ప్రియుడి మోజులో పడి కట్టుకున్నవాడిని కడతేర్చి పిల్లలను అనాథలను చేసి జైలుపాలైంది జ్యోతి. ఆమెకు సహకరించిన నలుగురూ ప్రస్తుతం ఊచలు లెక్కిస్తున్నారు. 

 

14:16 - December 29, 2017

నాకర్ కర్నూలు : సుధాకర్ రెడ్డి హత్య కేసులో నిందితులకు 14 రోజులు రిమాండ్ విధించారు. ప్రియుడు రాజేష్ తో కలిసి స్వాతి.. భర్త సుధాకర్ రెడ్డిని దారుణంగా హతమార్చింది. భర్త స్థానంలో ప్రియుడు రాజేష్ ను తెచ్చేందుకు స్వాతి హైడ్రామా అడింది. స్వాతి నాటకాన్ని సుధాకర్ రెడ్డి కుటుంబసభ్యులు బయటపెట్టారు. రాజేష్, స్వాతిని నాగర్ కర్నూలు పోలీసులు కోర్టులో హాజరుపర్చారు. నిందితులకు కోర్టు 14 రోజులు రిమాండ్ విధించింది. మరిన్ని వివరాలను వీడియోలో చూద్దాం... 

08:45 - December 27, 2017

రంగారెడ్డి : క్షణిక సుఖాలు..తప్పటడుగులు..ఇవి ప్రాణ స్నేహితుల మధ్య కూడా చిచ్చుపెడుతున్నాయి. అప్పటివరకు కలిసున్న వారి మధ్య దూరాలు పెంచుతున్నాయి. తాను కోరుకున్నది తనకే దక్కాలనే ఆవేశంతో దారుణాలకు తెగబడుతున్నారు. అడ్డొస్తున్నది ఆప్తుడైనా పట్టించుకోవడం లేదు. క్షణికావేశంలో తప్పుడు నిర్ణయాలు తీసుకుంటున్నారు. తప్పును కప్పిపుచ్చుకునే ప్రయత్నంలో అడ్డంగా దొరికిపోతున్నారు. 
మహేష్‌గౌడ్‌ హత్య కేసులో వీడిన మిస్టరీ.. 
రంగారెడ్డి జిల్లా శంషాబాద్‌లో మహేష్‌గౌడ్‌ హత్య కేసును పోలీసులు ఛేదించారు. హైదరాబాద్‌ జియాగూడకు చెందిన మహేష్‌ను స్నేహితులే అత్యంత దారుణంగా హతమార్చారు. వివాహేతర సంబంధమే ఈ దారుణానికి కారణమని పోలీసులు గుర్తించారు. మహేశ్‌ను హతమార్చిన రమేష్, నరేష్, కారు డ్రైవర్ శివను  అరెస్ట్ చేశారు. 
కారులోనే గొంతుకోసి హత్య 
మహేష్ గౌడ్‌ జిమ్మెరాత్ బజార్‌లోని ఓ కిరాణ షాపులో పనిచేస్తున్నాడు. మహిళ విషయంలో మహేష్‌, రమేష్‌ మధ్య గొడవలు పెరిగాయి. వివాహేతర సంబంధానికి మహేష్‌ అడ్డొస్తున్నాడని రమేష్‌ రగిలిపోయాడు. అతన్ని అంతం చేసేందుకు పక్కా ప్లాన్‌ చేశాడు. పార్టీ పేరుతో మహేష్‌ను మైసిగండి తీసుకెళ్లి ఫుల్‌గా మద్యం తాగించాడు.  నిషాలో ఉన్న మహేష్‌ను కారులోనే గొంతు కోసి పాశవికంగా హతమార్చాడు. ఆ తర్వాత డెడ్‌బాడీని శంషాబాద్‌ మండలం మదనపల్లి తీసుకెళ్లాడు. నరేష్‌, కారు డ్రైవర్‌ శివ సాయంతో పెట్రోల్ పోసి తగలబెట్టాడు. 
నలుగురి అరెస్టు
యువకుడి మృతదేహం మదనపల్లి సమీపంలో కాలిన స్థితిలో పడి ఉందని సమాచారం అందడంతో పోలీసులు డాగ్‌ స్క్వాడ్‌తో దర్యాప్తు చేపట్టారు. విచారణ అనంతరం మృతుడు జియాగూడకు చెందిన మహేశ్‌ గౌడ్‌గా తెలుసుకున్నారు. మృతదేహాన్ని ఉస్మానియా మార్చురీకి తరలించి దర్యాప్తు ముమ్మరం చేశారు. మరోవైపు రక్తపు మరకలతో ఉన్న కారును రమేష్‌ అతడి స్నేహితుడితో వెళ్లి శంషాబాద్‌లో సర్వీసింగ్‌కు ఇచ్చారు. కారును శుభ్రం చేసేందుకు సిబ్బంది తలుపు తెరవగా అందులో రక్తం మరకలు కనిపించాయి. సర్వీసింగ్‌ సెంటర్‌ యజమాని ఇచ్చిన సమాచారంతో రంగంలోకిదిన ఆర్జీఐఏ పోలీసులు..అక్కడి సీసీటీవీ పుటేజీ ఆధారంగా రమేష్, నరేష్, కారు డ్రైవర్ శివను అదుపులోకి తీసుకున్నారు. ఈ కేసులో సంబంధం ఉన్న మరో వ్యక్తి యాదయ్యను కూడా పోలీసులు అరెస్ట్ చేశారు.

 

Pages

Don't Miss

Subscribe to RSS - హత్య కేసు