హనుమంతరావు

08:28 - September 20, 2017

శ్రీకాకుళం : జిల్లాలో భారీ అవినీతి చేప ఏసీబీ చేతికి చిక్కింది. ఓ కాంట్రాక్టర్ వద్ద నుండి డబ్బులు తీసుకుంటున్న అధికారిని ఏసీబీ అధికారులు పట్టుకున్నారు. భూగర్భ జనుల శాఖ అసిస్టెంట్ జియాలజిస్ట్ గా హనుమంతరావు విధులు నిర్వహిస్తున్నారు. ఇసుక రీచ్ కాంట్రాక్టర్ వద్ద నుండి రూ. 5 లక్షలు లంచం తీసుకుంటుండగా ఏసీబీ సీఐయూ డీఎస్పీ ప్రసాదరావు పట్టుకున్నారు. ఓ స్టార్ హోటల్ లో ఈ డీల్ చేస్తుండగా దాడి చేసి అదుపులోకి తీసుకున్నారు. పూర్తి వివరాలకు వీడియో క్లిక్ చేయండి..

21:16 - July 16, 2017

వీహెచ్..వి.హనుమంతరావు..కాంగ్రెస్ లో సీనియర్ నేత. తెలంగాణ కాంగ్రెస్ తరపున రాజ్యసభకు ప్రాతినిథ్యం వహిస్తున్న నేత. రాజకీయాల్లో ఎన్నో సంవత్సరాల నుండి కొనసాగుతున్నారు. నేతలపై ఆయన తనదైన స్టైల్ లో విమర్శలు గుప్పిస్తుంటారు. వీహెచ్ తో టెన్ టివి ముచ్చటించింది. ఈ సందర్భంగా ఆయన పలు సంచలనాత్మక విషయాలు వెల్లడించారు. ఆయన వెల్లడించిన విషయాలు తెలియాలంటే వీడియో క్లిక్ చేయండి.

14:36 - December 13, 2016

హైదరాబాద్ : ప్రముఖ పాత్రికేయులు, సీనియర్ జర్నలిస్టు వి. హనుమంతరావు సేవలు మరువలేనివని నవ తెలంగాణ ఎడిటర్‌ వీరయ్య, సీపీఎం నాయకుడు డీజే నరసింగరావు కొనియాడారు.. కలంపట్టినరోజునుంచి తుదిశ్వాసవిడిచేవరకూ సమాజంలో మార్పుకోసం కృషి చేశారని నివాళులు అర్పించారు.. దుష్టత్వంమీద కలం ఎక్కుపెట్టిన యోధులని గుర్తుచేసుకున్నారు.. హైదరాబాద్‌లోని హనుమంతరావు స్వగృహంలో ఆయన మృతదేహానికి పలువురు ప్రముఖులు నివాళులు అర్పించారు..

06:29 - June 26, 2016

హైదరాబాద్ : గోదావరి పై ఎత్తిపోతల పథకాలకు రిజర్వాయర్లు అవసరం లేదని.. కాలువల ద్వారానే పంటపొలాలకు నీరందించవచ్చని నీటి పారుదల రంగ నిపుణులు హనుమంతరావు పేర్కొన్నారు. జస్టిస్ చంద్రకుమార్ అధ్యక్షతన.. రైతు సంఘాల ఆధ్వర్యంలో అఖిల పక్ష సమావేశంలో.. ఆయన పవర్ పాయింట్ ప్రజంటేషన్ ఇచ్చారు. గోదావరి నదిపై ఎత్తిపోతల పథకాలకు రిజర్వాయర్లే అవసరం లేదని ప్రముఖ నీటిపారుదల రంగ నిపుణుడు హనుమంతరావు వ్యాఖ్యానించారు. రాష్ట్రవ్యాప్తంగా చర్చనీయాంశమైన మల్లన్న సాగర్ రిజర్వాయర్ నిర్వాసితుల పోరాటం నేపథ్యంలో ఈయన చేసిన ప్రకటన సరికొత్త చర్చను తెరపైకి తెచ్చింది. తెలంగాణలో ఉన్న ఇరవైకి పైగా జీవనదులలో నీటిని నిల్వచేయడం ద్వారా అనేక లాభాలున్నాయని.. హైదరాబాద్‌లో జరిగిన రౌండ్‌ టేబుల్‌ సమావేశంలో.. హనుమంతరావు వెల్లడించారు. ప్రాణహిత పథకంలో గ్రామాల తాగునీటికి, హైదరాబాద్ తాగునీటికి, పారిశ్రామిక అవసరాలకు కలిపి 56 టీఎంసీల నీరు మాత్రమే ఏడాది పొడవునా అవసరముంటుందన్నారు. మిగిలిన నీరు 120 రోజులకు మాత్రమే అవసరమన్నారు. అందుకోసం భారీ రిజర్వాయర్లు అవసరం లేదన్నారు.

అదనపు ఖర్చు..
120 రోజుల్లో 160 టీఎంసీల సామర్థ్యం ఉన్న రిజర్వాయర్లను ఎలా నింపుతారని ప్రశ్నించారాయన. 120 రోజుల పాటు నీటి లభ్యత ఉన్నప్పుడు.. నీటి నిల్వ అవసరం లేదన్నారు టి. హనుమంతరావు. పంటకాలం 120 రోజులు కాబట్టి నీటినిల్వకు రిజర్వాయర్లు నిర్మించడం వల్ల అదనపు ఖర్చవుతుందన్నారు. కాలువల ద్వారా పంటలకు నేరుగా నీరందించవచ్చన్నారాయన. సోవియట్ రష్యా నిర్మించిన ఇరిటీష్ కరగండ ఎత్తిపోతల పథకంలో.. దాదాపు ఐదు వందల కిలోమీటర్లు కాలువల ద్వారానే పంటలు సాగవుతాయన్నారు. నాగార్జున సాగర్ లో 45 లిఫ్ట్ ఇరిగేషన్ ల ద్వారా తాగు సాగు నీటికి ఉపయోగిస్తున్నారన్నారు హనుమంతరావు. లిఫ్ట్ ఇరిగేషన్ స్కీం ద్వారానే నీటిని అన్ని రకాలుగా వాడుకోవచ్చని...లిఫ్ట్ చేసే క్రమంలో.. తప్పని సరిగా .. మోటార్ లను స్టాండ్ బై ఉంచుకోవాలన్నారు హనుమంతరావు .

 

Don't Miss

Subscribe to RSS - హనుమంతరావు