హరీష్ రావు

21:16 - August 28, 2018

సిద్ధిపేట : హరిత తెలంగాణ సాధనే టీఆర్‌ఎస్‌ ప్రభుత్వ లక్ష్యమని జలవనరుల శాఖ మంత్రి హరీశ్‌రావు చెప్పారు. ప్రతి ఒక్కరూ ఒక్కోమొక్క నాటాలని ఆయన కోరారు. జిల్లా కేంద్రం సిద్దిపేటలో ఒకే రోజు 50 వేల మొక్కలు నాటే కార్యక్రమాన్ని మంత్రి హరీశ్‌ ప్రారంభించారు. పట్టణ ప్రజలు, పాఠశాలల బాలబాలికలు పెద్ద ఎత్తున ఈ కార్యక్రమంలో పాల్గొని మొక్కలు నాటారు. ఈ సందర్భంగా హరీశ్‌ ప్రసంగిస్తూ.. హరిత తెలంగాణ సాధనకు ప్రతి ఒక్కరూ తమవంతు సహకారం అందించాలని కోరారు. మరోవైపు ఈ ఏడాది ఇంతవరకు 23 కోట్ల మొక్కలు నాటామని అటవీశాఖ మంత్రి జోగురామన్న చెప్పారు. 

20:11 - August 11, 2018

ఆంధ్రప్రదేశ్ ప్రజలు తెల్గుదేశం ప్రభుత్వం మీద ఎంతో నమ్మకం బెట్టుకోని ఉన్నరట.. నిన్న ఫ్యాను పార్టీ జగనాలు సారు జనాలకు బహిరంగ ఉత్తరం రాశిండు..మంత్రి కేటీఆర్కు సుక్కలు జూపెడ్తున్నరుగదా జనం.. క్క సీసీ కెమేరా ఉంటే.. ఐదుగురు కానిస్టేబుళ్లతోని సమానం అంట మన నీళ్ల మంత్రి హరీషు రావుగారు అంటున్నడు..పాపం గుడులు గోపురాల పొంటి అయ్యగార్లు భక్తులకు శఠగోపం బెడ్తుంటే.. అయ్యగార్లకే శఠగోపం బెట్టిండు ముఖ్యమంత్రి కేసీఆర్..ఈ తెలంగాణ ప్రభుత్వాన్ని నడిపిస్తున్నదే మా తాగువోతులు.. ఆస్తి అనేది జీవితంల భాగంగని.. జీవితమే ఆస్తిగాదు గదా..? మన్సులకే అన్ని పట్టింపులు లోకంల బత్కే జంతులకు ఏ పట్టింపు ఉండది.. గీ గరం గరం ముచ్చట్ల కోసం వీడియో క్లిక్ చేయండి. 

09:24 - August 5, 2018

హైదరాబాద్ : నిజామాబాద్ శ్రీరాం సాగర్ జల జగడం ప్రారంభమైంది. తమ పంటలకు నీళ్లు విడుదల చేయాలంటూ రైతులు గత కొన్ని రోజులుగా ఆందోళన చేస్తున్న సంగతి తెలిసిందే. ఆర్డీవో, ఇతర ఉన్నతాధికారులు రైతులతో చర్చించారు. నాలుగో తేదీన నీళ్లు విడుదల చేస్తామని అధికారులు ప్రకటించారు. వర్షాలు కురిస్తే ఎగువ ప్రాంతాల నుండి నీళ్లు వస్తాయని, ఆ సమయంలో నీటిని విడదల చేస్తామన్నారు. రైతుల ఆందోళనతో 20 గ్రామాల్లో భారీగా పోలీసులు మోహరించారు. 2వేల మంది పోలీసులతో బందోబస్తు నిర్వహిస్తున్నారు. ఎస్సార్ఎస్పీ పరిసర ప్రాంతాలను పోలీసులు ఆధీనలోకి తీసుకున్నారు. ఆయుకట్టు ప్రాంతాల్లో భారీగా పోలీసులు మోహరించారు. ఆర్మూర్ లో 144 వ సెక్షన్ అమలు చేశారు. 

12:31 - August 1, 2018

మెదక్ : తెలంగాణ రాష్ట్ర ప్రభుత్వం ప్రతిష్టాత్మకంగా చేపట్టిన హరిత హారం కార్యక్రమం కాసేపటి క్రితం ఘనంగా ప్రారంభమైంది. సీఎం కేసీఆర్ సొంత నియోజకవర్గమైన గజ్వేల్ లో ఆయన మొక్కలు నాటారు. ములుగు, గజ్వేల్, సిద్ధిపేటల్లో ఆయన మొక్కలు నాటేందుకు అధికారులు అన్ని చర్యలు తీసుకున్నారు. మసీదు లో సైరన్ మోగడంతో ఒకేసారి లక్ష మొక్కలను నాటేందుకు శ్రీకారం చుట్టారు.

గజ్వేల్‌ మున్సిపాలిటి పరిధిలో ఉన్న ప్రతి ఇంట్లోనూ, అన్నిరకాల రోడ్లపైనా, ఔటర్‌ రింగ్‌రోడ్డుపైనా మొక్కలు నాటుతారు. అంతేకాదు... ప్రభుత్వ ప్రైవేట్ విద్యాసంస్థల్లో, ప్రార్థనా మందిరాల్లో, ప్రభుత్వ కార్యాలయాల్లోని ఖాళీ స్థలాల్లో మొక్కలు నాటేలా అధికారులు ప్రణాళికలు సిద్ధం చేశారు. ప్రజలంతా ఒకేసారి మొక్కలు నాటేలా ఏర్పాటు పూర్తి చేశారు.  

11:15 - August 1, 2018

సిద్ధిపేట : తెలంగాణ రాష్ట్ర ముఖ్యమంత్రి కేసీఆర్ హరితహారం కార్యక్రమాన్ని ప్రారంభించనున్నారు. ములుగు, ప్రజ్ఞాపూర్, గజ్వేల్ లో ఆయన మొక్కలను నాటనున్నారు. మసీదుల్లో సైరన్ మోగిన అనంతరం ఒకేసారి లక్ష మొక్కలను ప్రజలు నాటనున్నారు. ఈ సందర్భంగా టెన్ టివి పలువురితో ముచ్చటించింది. ములుగు, ప్రజ్ఞాపూర్, గజ్వేల్ లో కొంతమంది నివాసాల్లో కేసీఆర్ మొక్కలు నాటనున్నారు. తమ నివాసాలు..గ్రామాల్లో కేసీఆర్ మొక్కలు నాటుతుండడంతో ఎంతో సంతోషంగా ఉందన్నారు. మొక్కలు నాటేందుకు అన్నీ ఏర్పాట్లు చేసినట్లు తెలిపారు. మరింత సమాచారం కోసం వీడియో క్లిక్ చేయండి. 

16:51 - July 31, 2018

హైదరాబాద్ : కాళేశ్వరాన్ని ఆపలేమని తెలిసి టీఆర్‌ఎస్‌ ప్రభుత్వంపై అవినీతి ఆరోపణలు చేస్తున్నారన్నారు మంత్రి హరీశ్‌రావు. ప్రాజెక్టు ప్రతిష్ట దెబ్బతీసేందుకే కాంగ్రెస్‌ ప్రయత్నిస్తోందని...రాష్ట్ర ప్రయోజనా కంటే అధికారమే కాంగ్రెస్‌కు ముఖ్యమని ఆరోపించారు. మన నీళ్లు మనకు రావాలన్నదే టీఆర్‌ఎస్‌ లక్ష్యమని, కోటి ఎకరాల మాగానికి సాగునీరు అందించేలా ప్రభుత్వం పనిచేస్తుందని మంత్రి తెలిపారు. 

13:44 - July 28, 2018

హైదరాబాద్ : ఏపీ హోదా సెగలు ఇప్పుడు తెలంగాణ పాలిటిక్స్‌లో సెగలు రేపుతున్నాయి. హోదాను అస్త్రంగా చేసుకుని గులాబీ నేతలు కాంగ్రెస్‌ను టార్గెట్‌ చేస్తున్నారు. టీఆర్‌ఎస్‌తో హస్తం నేతలు సైతం ఢీ అంటే ఢీ అంటున్నారు. ఈ రెండు పార్టీల హోదా ఫైట్‌ వెనుక మతలబేంటీ? ఇది ఎవరికి లాభం? ఎవరికి నష్టం? ఆంధ్రప్రదేశ్‌కు ప్రత్యేక హోదా అంశం తెలంగాణ రాజకీయాల్లో హీట్‌ పుట్టిస్తోంది. కాంగ్రెస్‌, టీఆర్‌ఎస్‌ మధ్య హోదా ఫైట్‌ నడుస్తోంది. హోదాకు తాము కట్టుబడి ఉన్నామంటూ కాంగ్రెస్‌ హైకమాండ్‌ పదేపదే ప్రకటిస్తుండడంతో.. దీన్ని టీఆర్‌ఎస్‌ టార్గెట్‌ చేసింది. కాంగ్రెస్‌ జాతీయ నేతల హామీలను తమకు అనుకూలంగా మల్చుకునేందుకు టీఆర్‌ఎస్‌ వ్యూహం రచిస్తోంది. సీడబ్ల్యూసీ సమావేశంలో ఏపీకి ప్రత్యేకహోదా ఇవ్వాలని తీర్మానం చేయడం... తెలంగాణ రాజకీయాల్లో హాట్‌టాఫిక్‌గా మారింది.

ఏపీకి ప్రత్యేకహోదా అంశాన్ని టీఆర్‌ఎస్‌ రాజకీయంగా వాడుకోవాలని డిసైడ్‌ అయ్యింది. ఏపీకి హోదా ఇస్తే తెలంగాణలోని పరిశ్రమలన్నీ తరలిపోతాయన్న సెంటిమెంట్‌కు తెరలేపింది. తెలంగాణకు నష్టం జరుగుతుంటే.. కాంగ్రెస్‌ నేతలు ఎందుకు మౌనంగా ఉంటున్నారని టీఆర్‌ఎస్‌ టార్గెట్‌ చేసింది. రాష్ట్రానికి అన్యాయం జరిగినా కాంగ్రెస్‌ నాయకులు చూస్తూ ఊరుకుంటారా అంటూ రాజకీయంగా కాంగ్రెస్‌ను ఇరుకునపెట్టే ప్రయత్నం చేస్తోంది.

అధికార పార్టీ రాజకీయంగా టార్గెట్‌ చేయడంతో కాంగ్రెస్‌ పార్టీ కూడా అలర్ట్‌ అయ్యింది. టీఆర్‌ఎస్‌పై ఎదురుదాడికి దిగింది. రాష్ట్ర విభజన హామీలపై మాట్లాడని టీఆర్‌ఎస్‌... హోదాతో సెంటిమెంట్‌ రగిల్చే ప్రయత్నం చేస్తోందని భావిస్తోంది. టీఆర్‌ఎస్‌ దాడిని ధీటుగా ఎదుర్కోవాలని డిసైడ్‌ అయ్యింది. గతంలో ప్రత్యేక హోదాపై కేసీఆర్‌, కేటీఆర్‌, కవిత, హరీశ్‌ మాట్లాడిన అంశాలనే ఆయుధంగా చేసుకుంటోంది. పార్లమెంట్‌లో కవిత జై ఆంధ్రఅంటూ చేసిన ప్రసంగాలను ప్రస్తావిస్తూ ఎదురుదాడి ప్రారంభించింది. కవిత, కేసీఆర్‌సహా టీఆర్‌ఎస్‌ నేతలు ఏపీకి ప్రత్యేకహోదాను సమర్థిస్తూ మాట్లాడిన వీడియోలను సోషల్‌ మీడియా ద్వారా కాంగ్రెస్‌ విస్తృతంగా ప్రచారం చేస్తోంది.

తెలంగాణలో జరుగుతున్న హోదా పొలిటికల్‌ ఫైట్‌లో ఆంధ్ర కాంగ్రెస్‌ నేతలు టీ కాంగ్రెస్‌ నేతలకు మద్దతుగా నిలుస్తున్నారు. టీఆర్‌ఎస్‌ రాజకీయ ప్రయోజనాల కోసమే ఏపీ హోదా అంశంలో కాంగ్రెస్‌ను ఇరుకునపెట్టే ప్రయత్నం చేస్తోందని ఆరోపిస్తున్నారు. టీఆర్‌ఎస్‌ నాయకులు గతంలో ఏపీకి అండగా ఉంటామని మాట్లాడిన మాటలను వారు ప్రస్తావిస్తున్నారు. మొత్తానికి ఏపీ హోదాపై టీఆర్‌ఎస్‌ సెంటిమెంట్‌ గేమ్‌ మొదలు పెట్టడంతో కాంగ్రెస్‌ నేతలు అప్రమత్తమయ్యారు. టీఆర్‌ఎస్‌ దాడిని ధీటుగా ఎదుర్కొనేలా వ్యూహాలు రచిస్తున్నారు. టీఆర్‌ఎస్‌ దొంగాటను ప్రజలముందు ఉంచేందుకు హస్తం నేతలు సమాయాత్తం అవుతున్నారు. 

06:42 - July 25, 2018

సంగారెడ్డి : జిల్లా కలెక్టరేట్‌ ముందు మెప్మా రిసోర్స్‌ పర్సన్స్‌ చేస్తున్న దీక్షలు ఉధృతరూపం దాల్చాయి. 59 రోజులుగా రిలే దీక్షలు చేస్తున్నా ప్రభుత్వం నుంచి ఎలాంటి స్పందన లేకపోవడంతో తమ ఆందోళన ఉధృతం చేశారు. కలెక్టరేట్‌కు జిల్లా సమీక్షకు వచ్చిన మంత్రి హరీశ్‌రావు దృష్టికి తమ సమస్యను తీసుకెళ్లే ప్రయత్నం చేశారు. కలెక్టరేట్‌లోకి చొచ్చుకెళ్లేందుకు ప్రయత్నించగా పోలీసులు వారిని అడ్డుకున్నారు. దీంతో ఇరువర్గాల మధ్య వాగ్వాదం జరిగింది. మంత్రికి తమ సమస్యలు చెప్పుకోనివ్వరా అని నిలదీశారు. మరింత సమాచారం కోసం వీడియో క్లిక్ చేయండి. 

21:17 - July 13, 2018

సిద్ధిపేట : ఎల్లంపల్లి ప్రాజెక్టులో కాంగ్రెస్‌ చుక్కనీటిని నిలపలేదన్నారు భారీ నీటిపారుదల శాఖ మంత్రి హరీష్‌రావు. కాళేశ్వరం ప్రాజెక్టు పురోగతిపై రెండు రోజులుగా క్షేత్రస్థాయిలో పనులను పర్యవేక్షిస్తున్న హరీష్‌రావు.. అనుకున్న సమయానికి పనులు పూర్తి చేయాలని అధికారులను ఆదేశించారు. కాంగ్రెస్‌ పాలనలో ప్రాజెక్టుల నిర్మాణాలను పూర్తి మరిచిపోయిందని.. ప్రాజెక్టులు నిర్మిస్తున్న తమపై లేనిపోని విమర్శలు చేస్తున్నారన్నారు హరీష్‌రావు.

 

10:48 - July 8, 2018

Pages

Don't Miss

Subscribe to RSS - హరీష్ రావు