హిందూపురం

20:10 - May 19, 2018

అయిపోయింది అందరు అనుకున్నదే అయ్యింది.. కర్ణాటక ముఖ్యమంత్రి కుర్చి మీదికెళ్లి యడ్యూరప్ప దిగిపోయిండు..తెలంగాణ ప్రజలారా మీరు కేసీఆర్ ఏం జేస్తలేడు ఏం జేస్తలేడు ఎప్పుడు సూశ్నా ప్రగతి భవన్ల తిని ఫామౌజుల వంటడు.. వారెవ్వ ఇంటిరా చంద్రాలు ముచ్చట.. కర్ణాటకల పరిస్థితి జూస్తుంటే సారువారి గుండె చెర్వైతున్నదట.. అక్కినేని నాగార్జున అనే కబ్జాకోరుడు చెర్వు శిఖం భూములు కబ్జావెడ్తె వానిమీద చర్యలుండయ్..మొన్న నీళ్ల మంత్రి హరీషాలు మాట్లాడుకుంట ఒక సభల ఏమన్నడు..దంతాలు లేని పులి.. గోర్లు లేని సింహం.. మూగ బెబ్బులి శ్రీ నందమూరి బాలికాకయ్య ఇయ్యాళ హిందూపురం బొయ్యినట్టుండు.. ఎంత మోసం ఎంత మోసం జూడుండ్రి.. ఉపాధి పనుల కోసం ఊరోళ్లు ధర్నా జేస్తుంటే.. ఆడంగ వోతున్న శ్రీరెడ్డి కారాపి పొయ్యి ఆ ధర్నాల గూసున్నది..గీ గరం గరం ముచ్చట్ల కోసం వీడియో క్లిక్ చేయండి. 

18:41 - May 17, 2018
18:38 - May 17, 2018

అనంతపురం : రూ 3వేలు ఇవ్వండి..లక్ష రూపాయలు లోన్ ఇప్పిస్తానంటూ ఓ మహిళ మోసం చేసిన ఘటన వెలుగు చూసింది. ఈ ఘటన అనంతపురం జిల్లా హిందూపురంలో చోటు చేసుకుంది. నాగమణి అనే మహిళ పలువురు అమాయికులను మోసం చేసింది. మూడు వేలిస్తే లక్ష రూపాయల లోన్ ఇప్పిస్తానంటే నమ్మి డబ్బులివ్వడం జరిగిందని, ప్రైవేటు బ్యాంకు పేరు చెప్పి లోన్ మంజూరవుతున్నట్లుగా నాటకం ఆడిందని బాధితులు లబోదిబోమంటున్నారు. మొత్తం 30 మంది నుండి డబ్బులు వసూలు చేసిందని పేర్కొంటూ బాధితులు పీఎస్ లో ఫిర్యాదు చేశారు. కర్ణాటక రాష్ట్రానికి చెందిన మహిళగా గుర్తించిన పోలీసులు అదుపులోకి తీసుకుని విచారిస్తున్నారు. 

19:31 - April 21, 2018

హైదరాబాద్ : సినీ నటుడు, హిందూపురం ఎమ్మెల్యే బాలకృష్ణ వ్యాఖ్యలపై కాషాయ నేతలు మండిపడుతున్నారు. ప్రత్యేక హోదా..రాష్ట్ర విభజన హామీలు అమలు చేయాలంటూ సీఎం చంద్రబాబు నాయుడు శుక్రవారం ధర్మపోరాట దీక్ష చేసిన సంగతి తెలిసిందే. ఈ సభలో పాల్గొన్న ఎమ్మెల్యే బాలయ్య ప్రధాని మోడీని ఉద్ధేశిస్తూ పలు వ్యాఖ్యలు చేశారు. ఈ వ్యాఖ్యలు సరియైంది కాదని బీజేపీ నేతలు పేర్కొన్నారు. పక్కనే ఉన్న సీఎం చంద్రబాబు నాయుడు వ్యాఖ్యలను ఖండించకపోవడం దారుణమని, వెంటనే బాలకృష్ణ క్షమాపణలు చెప్పాలని డిమాండ్ చేస్తున్నారు. దీనిపై బీజేపీ నేతలు ఉభయ రాష్ట్రాల గవర్నర్ నరసింహన్ కు ఫిర్యాదు చేశారు. ఇదిలా ఉంటే శనివారం సాయంత్రం ఎమ్మెల్యే బాలకృష్ణ ఇంటిని ముట్టడించేందుకు బిజెపి నేతలు, కార్యకర్తలు ప్రయత్నించారు. అక్కడనే ఉన్న పోలీసులు నిలువరించే ప్రయత్నం చేశారు. ఇరువర్గాల మధ్య తోపులాట..వాగ్వాదం చోటు చేసుకుంది. చివరకు నేతలను, కార్యకర్తలను అదుపులోకి తీసుకుని స్టేషన్ కు తరలించారు. బాలకృష్ణ వెంటనే క్షమాపణలు చెప్పాలని డిమాండ్ చేస్తున్నారు. ముందస్తు చర్యలో భాగంగా బాలకృష్ణ ఇంటి వద్ద రెండంచెల భధ్రతను పోలీసులు ఏర్పాటు చేశారు. 

13:40 - April 2, 2018

అనంతపురం : హిందూపురం ఎమ్మెల్యే, సినీ నటుడు బాలకృష్ణ నివాసం ఎదుట లమహిళ సంఘాలు ఆందోళన చేస్తున్నాయి. ఉదయం 8గంటల నుండి ఇంటి ఎదుట ఆందోళన చేస్తున్నా ఎమ్మెల్యే స్పందించడం లేదనే విమర్శలు వినిపిస్తున్నాయి. రాజకీయ వివాదాలతోనే రామాంజనేయులను పదవి నుండి తొలగించారని ఆరోపిపస్తున్నాయి. వెంటనే రామాంజనేయులను విధుల్లోకి తీసుకెళ్లాలని డిమాండ్ చేశారు. ప్రజా సమస్యలను పట్టించుకోని వారు ప్రజలకు ఏం న్యాయం చెస్తారని ప్రశ్నించారు. 

18:40 - March 9, 2018

అనంతపురం : హిందూపురంలోని ముక్కడిపేటలో విషాదం నెలకొంది. ఆహారం, కూల్‌డ్రింక్‌ సేవించిన ముగ్గురు యువకుల్లో ఇద్దరు చనిపోయాడు. మరో యువకుడి పరిస్థితి విషమంగా ఉంది. ముక్కడిపేటకు చెందిన ప్రదీప్‌, శివ, బాలాజీ స్నేహితులు. ఈ మధ్యాహ్నం ముగ్గురు కలిసి భోజనం చేసిన తర్వాత కూల్‌డ్రింగ్‌ తాగారు. వెంటనే స్పృహతప్పి పడిపోయారు. దీంతో వారిని ఆస్పత్రికి తరలించారు. అప్పటికే ఇద్దరు యువకులు చనిపోయారు. మరో యువకుడి పరిస్థితి కూడా విషమంగా ఉన్నట్టు వైద్యులు తెలిపారు. పోలీసులు కేసు నమోదు చేసి దర్యాప్తు చేస్తున్నారు. 

18:07 - January 29, 2018

అనంతపురం : జిల్లా 'పవన్' పర్యటనలో తీవ్ర అపశృతి చోటు చేసుకుంది. 'పవన్' అభిమాని ఒకరు మృతి చెందారు. జిల్లాలో గత మూడు రోజులుగా పవన్ పర్యటిస్తున్న సంగతి తెలిసిందే. వివిధ రంగాలకు చెందిన వారి సమస్యలు తెలుసుకుంటున్నారు. మూడో రోజు హిందూపురంకు వచ్చిన పవన్ అభిమానులనుద్ధేశించి ప్రసంగించారు. అనంతరం పర్యటన ముగించుకుని బెంగళూరుకు వెళ్లారు. పవన్ చూసేందుకు హిందూపురం..అంబేద్కర్ నగర్ కు చెందిన రామకృష్ణ వచ్చాడు. ఇతను ప్రయాణిస్తున్న వాహనాన్ని బొలెరో వాహనం ఢీకొంది. వెంటనే స్థానికులు ఆసుపత్రికి తరలించారు. చికిత్స పొందుతూ అతను మృతి చెందాడు. దీనితో తీవ్ర విషాద ఛాయలు అలుముకున్నాయి. 

16:07 - January 29, 2018

అనంతపురం : సినీ నటుడు, జనసేన అధినేత పవన్ కళ్యాణ్ అనంతపురం జిల్లా పర్యటన ముగిసింది. పలు రంగాల వారితో ఆయన నేరుగా మాట్లాడారు. వారి వారి సమస్యలను ఆలకించి ఆయా సమస్యలపై ఆయన స్పందించారు. జిల్లాలను దత్తత తీసుకుని అభివృద్ధి చేస్తానని, పలు సమస్యలను కేంద్ర, రాష్ట్ర ప్రభుత్వాల దృష్టికి తీసుకెళుతానని పేర్కొన్నారు. రాయలసీమలో హైకోర్టు నిర్మాణం అయ్యే విధంగా చూస్తానని పవన్ పేర్కొన్నారు. అసలు పవన్ పర్యటనపై జనసేన కార్యకర్తలు, అభిమానులు ఏమనుకుంటున్నారు ? తదితర వివరాలు తెలుసుకొనేందుకు టెన్ టివి ప్రయత్నించింది. పూర్తి వివరాలకు వీడియో క్లిక్ చేయండి. 

14:40 - January 29, 2018

అనంతపురం : సినీ నటుడు, జనసేన అధినేత 'పవన్ కళ్యాణ్' జిల్లా పర్యటన కొనసాగుతూనే ఉంది. సోమవారం హిందూపురంలో ఆయన పర్యటించారు. ఈ సందర్భంగా ఏర్పాటు చేసిన సభలో మాట్లాడారు. పవన్ సీఎం అంటూ నినాదాలు చేయడం..కేరింతలు..విజిల్స్ తో సభలో గందరగోళం ఏర్పడింది. పవన్ చూసేందుకు ఆయనతో కరచాలనం చేసేందుకు అభిమానులు తీసుకొచ్చారు. పవన్ చాలామార్లు వారించినా పరిస్థితిలో మార్పు రాలేదు. కొద్దిసేపు బయటకు వెళ్లి వచ్చిన తరువాత 'పవన్' తన స్పీచ్ ను మొదలు పెట్టారు.

రాయలసీమకు అండగా ఉంటానని, కరవు ప్రారదోలేందుకు కృషి చేస్తానన్నారు. ప్రజా సమస్యలు పరిష్కరించడానికి ముందుకొచ్చే వారితో కలుస్తామని తేల్చిచెప్పారు. జనసేనలో ఉండే వారు జనసైనికులై దేశం కోసం పనిచేయాలని పిలుపునిచ్చారు. 

18:43 - January 20, 2018

కర్నూలు : బాలకృష్ణ హీరోగా నటించిన జైసింహా చిత్రం యూనిట్‌ హిందూపురంలో సందడి చేసింది. దీంతో బాలయ్య అభిమానులు ఆనందంలో మునిగిపోయారు. ఈ సందర్భంగా 102 మంది బ్రాహ్మణులకు సినిమాను ఉచితంగా ప్రదర్శించారు. ఈ చిత్రంలో హీరో బ్రాహ్మణుల గురించి వివరించిన విధానం అర్చకులకు ఎంతో నచ్చిందని బాలకృష్ణ అభిమానులు అన్నారు. సినిమా విజయవంతం అయినందుకు చాలా సంతోషంగా ఉందన్నారు నటి హరిప్రియ. తాను ఇప్పుడు ఎక్కడికి వెళ్ళినా సినిమాలోని పాత్ర మంగ పేరుతోనే పిలవడం మరింత ఆనందంగా ఉందన్నారు. 

 

Pages

Don't Miss

Subscribe to RSS - హిందూపురం