10tv

07:33 - June 25, 2017

రంగారెడ్డి : చిన్నారి మీనా మృతి చెందడం బాధాకరమని మంత్రి మహేందర్ రెడ్డి వెల్లడించారు. చేవెళ్ల మండలం చన్ వెళ్లి గ్రామంలో బోరు బావిలో మీనా పడిపోయిన సంగతి తెలిసిందే. ఆమె చనిపోయిందని మంత్రి ప్రకటించారు. దీనితో ఆ గ్రామంలో విషాదం చోటు చేసుకుంది. ఈ సందర్భంగా మంత్రి మహేందర్ రెడ్డి మీడియాతో మాట్లాడుతూ..కుళ్లిపోయిన స్థితిలో చిన్నారి శరీర భాగాలు బయటకొచ్చాయని, చిన్నారి రక్షించేందుకు అన్ని విధాల ప్రయత్నించినట్లు తెలిపారు. సంఘటన జరిగిన అనంతరం తాను, ఎంపీ, కలెక్టర్, ఉన్నతాధికారులు ఇక్కడకు చేరుకోవడం జరిగిందన్నారు. అప్పటి నుండి ఇప్పటి వరకు సహాయక చర్యలు కొనసాగాయన్నారు. 40-50 ఫీట్ల మధ్య మోటార్ తీయాలని అనుకోవడం జరిగిందని, మోటార్ తో పాటు పాప వస్తుందని అనుకున్నట్లు కానీ అలా జరగలేదన్నారు. 180 ఫీట్ల వరకు కెమెరాలను పంపించినట్లు, కానీ ఆ ఫలితం నెరవేరలేదన్నారు. 420 ఫీట్ల వరకు చిన్నారి వెళ్లినట్లు గుర్తించినట్లు తెలిపారు. ఫ్లషింగ్ సహాయంతో తీయాలని ప్రయత్నించగా మీనా డ్రస్..శరీర భాగాలు బయటకు రావడం జరిగిందన్నారు. ఇలా జరగడం బాధాకరమని, చిన్నారి కుటుంబాన్ని తప్పకుండా ఆదుకుంటామన్నారు.

07:16 - June 25, 2017

క్షణక్షణం ఉత్కంఠ..చిన్నారి మీనా క్షేమంగా బయటకు రావాలి..అంటూ ప్రతొక్కరిలో ఆశ...మీనా..నేను అమ్మను..నేను వస్తున్నా..అంటూ ఆ తల్లి ఆవేదనతో చెబుతున్న మాటలు..బోరు బావి చుట్టూ తవ్వకాలు..ఆత్యాధునిక కెమెరాలతో పరిశీలన..కానీ ఇవన్నీ ఏవీ నెరవేరలేదు..ఆ చిన్నారి మీనా అనంతలోకాలకు వెళ్లిపోయింది..60గంటలుగా కొనసాగిన రెస్క్యూ చివరికి విషాదంతో ముగిసింది.
 

60గంటలు..
రంగారెడ్డి : చేవెళ్ల మండలం చన్ వెళ్లి గ్రామంలో గురువారం సాయంత్రం చిన్నారి మీనా బోరు బావిలో పడిపోయిన సంగతి తెలిసిందే. ఆ చిన్నారి మృతి చెందిందని మంత్రి మహేందర్ రెడ్డి ఆదివారం ఉదయం ప్రకటించడంతో తల్లిదండ్రులు కన్నీరుమున్నీరయ్యాయరు. 60గంటలుగా కొనసాగిన రెస్క్యూ విఫలైమంది. దీనితో ఆ గ్రామంలో విషాదం చోటు చేసుకుంది. ఫ్లష్ ఔట్ పద్ధతితో చిన్నారి శరీర భాగాలు బయటకొచ్చాయి. మృతదేహాన్ని పోస్టుమార్టం అనంతరం వారి స్వగ్రామానికి తరలిస్తామని అధికారులు వెల్లడించారు.

ఆదుకుంటాం - మహేందర్ రెడ్డి..
చిన్నారి మీనా మృతి చెందడం బాధాకరమని మంత్రి మహేందర్ రెడ్డి వెల్లడించారు. మీనా కుటుంబాన్ని ఆదుకుంటామని, 420 ఫీట్ల వరకు చిన్నారి వెళ్లినట్లు గుర్తించినట్లు తెలిపారు. కుళ్లిపోయిన స్థితిలో చిన్నారి శరీర భాగాలు బయటకొచ్చాయని, చిన్నారి రక్షించేందుకు అన్ని విధాల ప్రయత్నించినట్లు తెలిపారు. 40-50 ఫీట్ల మధ్య మోటార్ తీసినప్పుడు మోటార్ తో పాటు పాప వస్తుందని అనుకున్నట్లు కానీ అలా జరగలేదన్నారు.

06:28 - June 25, 2017

రంగారెడ్డి : జిల్లాలోని చేవెళ్ల మండలం చన్ వెళ్లి గ్రామంలో గురువారం బోరు బావిలో పడిపోయిన చిన్నారిని బయటకు తీసేందుకు అధికారులు చివరి ప్రయత్నం చేస్తున్నారు. కేఎల్‌ఆర్‌ బోర్‌వెల్స్‌ ఆధ్వర్యంలో రెస్క్యూఆపరేషన్‌ జరుగుతోంది. ఎయిర్‌ లిఫ్టింగ్‌ టెక్నాలజీతో పాపను బయటకు తీసేందుకు రెస్క్యూటీమ్‌ ప్రయత్నిస్తోంది. అయితే... పాప 70 నుంచి 100 అడుగుల లోతుకు జారుకుని ఉండవచ్చని అనుమానిస్తున్నారు. అత్యాధునిక కెమెరాలు ఉపయోగించినా.. పాప ఆచూకీ మాత్రం కనిపించలేదు. ఇదిలావుంటే బోరుబావికి సమాంతరంగా 40 అడుగుల మేర జేసీబీలు తవ్వకాలు జరిపాయి. కాసేపట్లో పాపను బయటకు తీస్తామని అధికారులంటున్నారు.

గురువారం సాయంత్రం..
గురువారం సాయంత్రం బోరుబావిలో పడ్డ మీనాను రక్షించేందుకు 60 గంటలుగా ప్రయత్నాలు కొనసాగుతూనే ఉన్నాయి. చిన్నారిని వెలికి తీసేందుకు అధికార యంత్రాంగం తీవ్రంగా శ్రమిస్తూనే ఉంది. అయితే.. గంటలు గడుస్తున్న కొద్దీ ఆశలు అడుగంటుతున్నాయి. చేపట్టిన ప్రయత్నాలన్నీ విఫలం కావడంతో ప్రతి ఒక్కరిలోనూ ఆందోళన పెరుగుతోంది. బోరుబావిలో పడినప్పుడు 40 అడుగుల లోతులో చిక్కుకున్న చిన్నారి.. మోటార్‌ బయటకు తీయడంతో మరింత లోతుకు జారిపోయింది. శనివారం రంగంలో దిగిన ఓఎన్జీసీ బృందాలు.. 70 అడుగుల లోతుకు కెమెరాలు పంపించినా పాప జాడ దొరకలేదు. మరొక టీమ్‌ వాటర్‌ ప్రూఫ్‌ మ్యాట్రిక్స్‌ కెమెరాలను 210 అడుగుల మేర వదిలినా.. బోరుబావిలో నీరుండటంతో కెమెరాలో దృశ్యాలు సరిగ్గా కనిపించలేదు. ఆ తర్వాత ముంబై నుంచి తెప్పించిన ప్రత్యేక కెమెరాతో బోరుబావిలో పరిశీలించారు. 360 డిగ్రీల యాంగిల్‌లోనూ పాప కనిపించకపోవడంతో సర్వత్రా ఆందోళన మొదలైంది.

మోటార్ తీయడంతోనే...
అయితే... మోటార్‌ తీసే సమయంలో పాప మట్టిలో కూరుకుపోవచ్చని అధికారులు భావిస్తున్నారు. పాప 40 అడుగుల లోపే ఉంటుందనుకుంటున్నారు. ఎలాగైనా పాపను బయటకు తీయాలనే లక్ష్యంతో ప్రతి ఒక్కరూ ప్రయత్నిస్తున్నారు. బోరు బావులలో ఎంతో అనుభవం ఉన్న మాజీ ఎమ్మెల్యే కిచ్చన్నగారి లక్ష్మారెడ్డి సలహాలు, సూచనలతో చివరి ప్రయత్నం చేస్తున్నారు. బోరుబావికి సమాంతరంగా మరో బోరుబావి వేయాలనుకున్నారు. కానీ.. ఎయిర్‌ ప్రెషర్‌తో బోరుబావిలో ఉన్న చిన్నారిని బయటకు తీసుకువస్తామంటున్నారు. అయితే.. గతంలో బోరుబావికి కేసింగ్‌ లేకపోవడంతో... 60 అడుగుల వరకు కేసింగ్‌ వేశారు. ఇదిలావుంటే... పాప బతికి ఉండే అవకాశాలు తక్కువగా ఉన్నాయనే అభిప్రాయం పలువురు వ్యక్తం చేస్తున్నారు. ఎయిర్‌ ప్రెషర్‌ టెక్నాలజీతో బోరుబావిలోని మట్టి, నీళ్లు బయటకు తీస్తామని... దీంతో పాప ఎక్కడ ఉందో తెలుస్తుందంటున్నారు.

కొనసాగుతున్న తవ్వకాలు..
మరోవైపు బోరుబావికి సమాంతరంగా జేసీబీలతో తవ్వకాలు జరుగుతున్నాయి. మంత్రి మహేందర్‌రెడ్డి, శాసనమండలి చైర్మన్‌ స్వామిగౌడ్‌, ఎంపీ కొండా విశ్వేశ్వర్‌రెడ్డి, ఎమ్మెల్యే కాలె యాదయ్యతో పాటు కలెక్టర్‌ జిల్లా యంత్రాంగమంతా ఘటనాస్థలంలోనే ఉండి పరిస్థితిని సమీక్షిస్తున్నారు. ఇదిలావుంటే.. పాప కోసం తల్లిదండ్రుల రోదనలు మిన్నంటుతున్నాయి. ఏది ఏమైనా కాసేపట్లో బోరుబావిలో నుంచి పాపను బయటకు తీసే అవకాశం కనిపిస్తోంది. పూర్తి వివరాలు తెలుసుకోవడానికి వీడియో క్లిక్ చేయండి.

21:43 - June 24, 2017

రంగారెడ్డి : బోరుబావిలో మృత్యువుతో పోరాడుతోన్న చిన్నారి మీనాను రక్షించేందుకు సహాయక చర్యలు ముమ్మరంగా సాగుతున్నాయి. ఎన్డీఆర్‌ఎఫ్‌ బృందానికి ఓఎన్జీసీ అధికారులు తోడయ్యారు. బాలికను బయటకు తీసేందుకు శక్తివంచనలేకుండా ప్రయత్నాలు చేస్తున్నారు. అయితే అధికారులు చేస్తున్న ప్రయత్నాలేవీ ఫలించడం లేదు. చిన్నారి బోరుబావి నుంచి బయటపడటం లేదు. దీంతో గంటగంటకూ తల్లిదండ్రుల్లో ఆందోళన పెరుగుతోంది.
చిన్నారిని చెరవీడని బోరుబావి
నిమిషాలు గంటలయ్యాయి...గంటలు రోజులుగా మారాయి...చిన్నారిని చెరవీడని బోరుబావి. రెండు రోజులుగా ఫలించని అధికారుల ప్రయత్నాలు. ఏడ్చిఏడ్చి కన్నవారి కన్నీరు ఇంకిపోయింది. రాష్ట్ర ప్రజల గుండెలు బాధతో బరువెక్కాయి. అందరిదీ ఒకే ఆశ. బోరుబావిలో పడిన చిన్నారి క్షేమంగా బయటకురావాలన్న ఆకాంక్ష. 
చిన్నారి బోరుబావిలోపడి రెండు రోజులు 
రంగారెడ్డి జిల్లా చేవెళ్ల మండలం ఇక్కారెడ్డిగూడెంలో చిన్నారి మీనా బోరుబావిలోపడి రెండు రోజులు గడిచిపోయాయి. అయినా ఇంతవరకు పాప మాత్రం బోరుబావిలోనే ఉండిపోయింది. మరోవైపు గంటలు గడుస్తున్న కొద్దీ తల్లిదండ్రులతోపాటు ప్రజల్లోనూ అంతకంతకు ఆందోళన పెరుగుతోంది. బాలిక ప్రాణాలతో బయటకు క్షేమంగా వస్తుందన్న ఆశలు అడుగంటుతున్నాయి. చిన్నారికోసం తల్లిదండ్రులు తల్లడిల్లుతున్నారు. 
చిన్నారిని రక్షించేందుకు అధికారులు విశ్వప్రయత్నాలు 
బోరుబావిలో పడిన చిన్నారిని రక్షించేందుకు అధికారులు విశ్వప్రయత్నాలు చేస్తున్నారు. గురువారం సాయంత్రం నుంచి సహాయ చర్యలు నిరాటంకంగా సాగుతున్నాయి. అయితే చిన్నారిని బయటకు తీసేందుకు అధికారులు చేస్తున్న ప్రయత్నాలన్నీ విఫలమవుతుండడంతో అందరూ ఆందోళన చెందుతున్నారు. ఎన్ని విధాలుగా ప్రయత్నించినప్పటికీ పాప ఆచూకీ లభించకపోవడంతో అధికార యంత్రాంగం మల్లగుల్లాలుపడుతోంది.
తీవ్రంగా శ్రమిస్తున్న ఎన్డీఆర్‌ఎఫ్‌ బృందాలు  
రెండు రోజులుగా ఎన్డీఆర్‌ఎఫ్‌ బృందాలు తీవ్రంగా శ్రమిస్తున్నాయి. శనివారం వారికి ఓఎన్జీసీ అధికారులు తోడయ్యారు. ఘటనా స్థలానికి చేరుకుని తమదైన శైలిలో చిన్నారిని బయటకు తీసేందుకు ప్రయత్నాలు చేశారు.  బోరుబావిలోకి 200 అడుగుల మేర వాటర్‌ ప్రూఫ్‌ కెమెరాను పంపారు. అంత లోతులోనూ చిన్నారి జాడ కనిపించలేదు. దీంతో ముందు నీటిని తోడేయాలని  డిసైడ్‌ అయ్యారు. దీంతో బోరుబావిలో సూపర్‌ జెట్‌ మోటార్‌ దించి నీటిని తోడేస్తున్నారు. మరోవైపు  డెమో లిఫ్ట్‌ద్వారా చిన్నారిని పైకి లాగేందుకు అధికారులు చేసిన  ప్రయత్నాలు కూడా సఫలీకృతం కాలేదు. చిన్నారి జాడ కనిపించకపోవడం, ఎన్ని ప్రయత్నాలు చేస్తున్నా విఫలం అవుతుండడంతో పాప మట్టిలో కూరుకుపోయిందా అన్న సందేహాలు వ్యక్తం అవుతున్నాయి. రెస్క్యూటీమ్‌ కూడా ఆ దిశగా ప్రత్యామ్నాయ చర్యలను ముమ్మరం చేసింది. పాపను బయటకు తీసేవరకు సహాయ చర్యలు కొనసాగుతాయని మంత్రి మహేందర్‌రెడ్డి తెలిపారు. రెండు రోజులుగా బోరుబావిలో చిక్కుకుపోయి చావుబతుకుల మధ్య పోరాడుతోన్న చిన్నారి క్షేమంగా రావాలని అందరూ ఆశగా ఎదురుచూస్తున్నారు. 

 

21:40 - June 24, 2017

రంగారెడ్డి : బోరుబావిలో ఉన్న చిన్నారిని బయటకు తీసేందుకు అధికారులు చివరి ప్రయత్నం మొదలు పెడుతున్నారు. కేఎల్‌ఆర్‌ బోర్‌వెల్స్‌ ఆధ్వర్యంలో రెస్క్యూఆపరేషన్‌ జరుగుతోంది. నీళ్లలోపలే చిన్నారి ఉన్నట్టు అధికారులు గుర్తించారు. దీంతో బోరు బావిలోకి ఆక్సీజన్‌ సరఫరా చేస్తున్న పైప్‌ను తొలగించారు. ఎయిర్‌ లిఫ్టింగ్‌ టెక్నాలజీతో పాపను బయటకు తీసేందుకు రెస్క్యూటీమ్‌ ప్రయత్నిస్తోంది. 

 

21:25 - June 24, 2017
18:13 - June 24, 2017

రంగారెడ్డి : నిమిషాలు గంటలయ్యాయి. ఆ గంటలు రోజులుగా మారాయి. రెండు రోజులు కావొస్తున్నా అధికారుల ప్రయత్నాలేవీ  ఫలించలేదు. దీంతో చిన్నారిని బోరుబావి చెరవీడలేదు. ఇంకా బాలిక బోరుబావిలోనే ఉండిపోయింది. చిన్నారి క్షేమంగా తిరిగిరావాలని తల్లిదండ్రులతోపాటు రాష్ట్ర ప్రజానీకమంతా ఆశగా ఎదురు చూస్తున్నారు. అయితే  గంటలు గడిచేకొద్దీ ఈ ఆశలు అడుగంటుతున్నాయి. మరోవైపు చిన్నారిని రక్షించేందుకు సహాయక చర్యలు ముమ్మరంగా కొనసాగుతున్నాయి. అధికారులు చిన్నారిని బయటకు తీసేందుకు విశ్వప్రయత్నాలు చేస్తున్నారు.  180 అడుగుల లోతులో నీరు కనిపించినా చిన్నారి ఆచూకీ మాత్రం దొరకలేదు. దీంతో అత్యాధునిక కెమెరాలతో అధికారులు  గాలిస్తున్నారు.   మ్యాట్రిక్స్‌ కెమెరా సాయంతో మీనా ఎంత లోతులో ఉందోనని ఓఎన్జీసీ నిపుణులు పరిశీలిస్తున్నారు.  చిన్నారిని బయటకు తీసేందుకు మరో ప్రయత్నం కూడా చేస్తున్నారు. అత్యాధునిక కెమెరాలను ఉపయోగించి హుక్‌ను పాప డ్రెస్‌కు తగిలించే ప్రయత్నం చేస్తున్నారు. అసలు చిన్నారి ఎంత లోతులో ఉందో కూడా గుర్తించలేకపోవడంతో బయటకు తీసేందుకు మరికొన్ని గంటల సమయం పడుతుందని అధికారులు చెప్తున్నారు. 

 

17:42 - June 24, 2017

రంగారెడ్డి : నిమిషాలు గంటలయ్యాయి. ఆ గంటలు రోజులుగా మారాయి. రెండు రోజులైనా అధికారుల ప్రయత్నాలు ఫలించలేదు. దీంతో చిన్నారిని బోరుబావి చెరవీడలేదు. ఇంకా బాలిక బోరుబావిలోనే ఉండిపోయింది. చిన్నారి క్షేమంగా తిరిగిరావాలని తల్లిదండ్రులతోపాటు రాష్ట్ర ప్రజానీకమంతా ఆశగా ఎదురు చూస్తున్నారు. అయితే  గంటలు గడిచేకొద్దీ ఈ ఆశలు అడుగంటుతున్నాయి. మరోవైపు చిన్నారిని రక్షించేందుకు సహాయక చర్యలు ముమ్మరంగా కొనసాగుతున్నాయి. అధికారులు చిన్నారిని బయటకు తీసేందుకు విశ్వప్రయత్నాలు చేస్తున్నారు.  180 అడుగుల లోతులో నీరు కనిపించినా చిన్నారి ఆచూకీ మాత్రం దొరకలేదు. దీంతో అత్యాధునిక కెమెరాలతో అధికారులు  గాలిస్తున్నారు.  మాట్రిక్స్‌ కెమెరా సాయంతో మీనా ఎంత లోతులో ఉందోనని ఓఎన్జీసీ నిపుణులు పరిశీలిస్తున్నారు.  చిన్నారిని బయటకు తీసేందుకు మరో ప్రయత్నం కూడా చేస్తున్నారు. అత్యాధునిక కెమెరాలను ఉపయోగించి హుక్‌ను పాప డ్రెస్‌కు తగిలించే ప్రయత్నం చేస్తున్నారు. అసలు చిన్నారి ఎంత లోతులో ఉందో కూడా గుర్తించలేకపోవడంతో బయటకు తీసేందుకు మరికొన్ని గంటల సమయం పడుతుందని అధికారులు చెప్తున్నారు. 

 

17:32 - June 24, 2017
17:26 - June 24, 2017

రంగారెడ్డి : బోరుబావి దగ్గర సహాయక చర్యల్ని మంత్రి మహేందర్‌ రెడ్డి, కలెక్టర్‌ స్వయంగా పర్యవేక్షిస్తున్నారు. 180 ఫీట్ల దగ్గర ఒక బాడీ కనిపించినట్లుగా అనిపిస్తోందని... మంత్రి మహేందర్‌ రెడ్డి తెలిపారు. బోరుబావిలోనుంచి నీటిని బయటకుతీసేందుకు ప్రయత్నిస్తున్నామని చెప్పారు. పాపను కాపాడేందుకు ఎవ్వరు సలహా ఇచ్చినా స్వీకరిస్తామని కలెక్టర్‌ స్పష్టం చేశారు. చిన్నారిని బయటకుతీసేందుకు కొన్ని పరికరాల్ని ఇక్కడే తయారుచేస్తున్నామని చెప్పారు.

 

Pages

Don't Miss

Subscribe to RSS - 10tv