సంగారెడ్డి : జిల్లాలో మెడికల్ కాలేజీ ఏర్పాటు చేయాలని జిల్లా మాజీ ఎమ్మెల్యే జగ్గారెడ్డి డిమాండ్ చేశారు. ఈ మేరకు ఆయన నిరహార దీక్షకు కూర్చొన్నారు. దీక్ష ప్రాంగణానికి భారీగా కార్యకర్తలు..తరలి వచ్చారు. మూడు రోజుల పాటు రిలే నిరహార దీక్ష చేయనున్నారు. గతంలో తాను మెడికల్ కాలేజీ ఏర్పాటు చేయాలని కోరడం జరిగిందని, ప్రస్తుతం ఉన్న ప్రభుత్వం వెంటనే ఈ విషయంలో స్పందించాలని పేర్కొన్నారు. మూడు రోజుల పాటు దీక్ష అనంతరం నాలుగో రోజు సంగారెడ్డి జిల్లా బంద్ కు పిలుపునిస్తామన్నారు. తమ ప్రభుత్వం వచ్చిన తరువాత మెడికల్ కాలేజీ ఏర్పాటు చేస్తామని, భవిష్యత్ లో మంత్రులను నిలదీస్తామని హెచ్చరించారు. మరింత సమాచారం కోసం వీడియో క్లిక్ చేయండి. 

ఖమ్మం : ట్రావెల్ ఏజెంట్ మోసానికి ఖమ్మం జిల్లా ఓ కుటుంబం ఇబ్బందులు పడుతోంది. ఖాట్మండులో పడుతున్న ఇబ్బందులను ఓ వ్యక్తి వీడియో ద్వారా బాహ్యా ప్రపంచానికి తెలియచేశాడు. ఒక్కోక్కరి నుండి లక్షా పది వేల రూపాయలను వసూలు చేశారని పేర్కొన్నాడు. గోరఖ్ పూర్ కు చెందిన స్టార్ ట్రావెల్ ఏజెన్సీ మోసం చేయడంతో మానససరోవర్ లో ఎదురు చూపులు చూస్తున్నారు. వీరు పడుతున్న బాధలపై ప్రభుత్వం స్పందిస్తుందా ? లేదా ? అనేది చూడాలి. 

విజయవాడ : కెఎల్‌ డీమ్డ్‌ యూనివర్సిటీ క్యాంపస్‌లో ఇంజనీరింగ్‌ కోర్సులలో ప్రవేశానికై నిర్వహించిన ఇంజనీరింగ్‌ ప్రవేశ పరీక్ష ఫలితాలను విడుదల చేశారు. ఈ పరీక్షలో ర్యాంకులు సాధించిన విద్యార్థులకు వర్సిటీ ఉపాధ్యక్షుడు రాజా హరీన్‌ అభినందనలు తెలిపారు. ప్రవేశ పరీక్షలో జాతీయ స్థాయిలో 1 నుండి 20 వరకు ర్యాంకులు సాధించిన విద్యార్థులకు 100 శాతం స్కాలర్‌షిప్‌లతో పాటు నగదు బహుమతి అందిస్తామన్నారు. ఇంజనీరింగ్‌ కోర్సుల్లో ప్రవేశానికై  మే 10వ తేదీ నుండి 14వ తేదీ వరకు కౌన్సిలింగ్‌ నిర్వహిస్తామని తెలిపారు. 

హైదరాబాద్ : సికింద్రాబాద్ కార్ఖానాలో ఒక్కసారిగా అలజడి చెలరేగింది. స్థానికంగా ఉన్న వారు భయబ్రాంతులకు గురయ్యారు. ఓ ఆయిల్ కంపెనీలో అగ్నిప్రమాదం చోటు చేసుకుంది. కార్ఖానాలో ఆయిల్ గోదాంలో బుధవారం మధ్యాహ్నం మంటలు అంటుకున్నాయి. గ్రౌండ్ ఫ్లోర్ లో నుండి మంటలు పైకి ఎగబాకాయి. సమాచారం అందుకున్న అగ్నిమాపక సిబ్బంది మంటలను ఆర్పేందుకు శ్రమించారు. ఈ ఘటనతో స్థానికులు, ఇతరులు భయబ్రాంతులకు గురయ్యారు. పూర్తి సమాచారం కోసం వీడియో క్లిక్ చేయండి. 

చిత్తూరు : జిల్లాలో తలలేని బాలిక మృతదేహం కలకలం రేపింది. పెనుమూరులో కలవగుంట జలాశయంలో తలలేని బాలిక మృతదేహం లభ్యం అయింది. క్షుద్రపూజలు చేసి బాలికను బలిచ్చారని అనుమానాలు వ్యక్తం చేస్తున్నారు. బాలికకు 12 నుంచి 14 సం.రాలు ఉంటాయని అంటున్నారు. తల లేకపోవడంతో బాలిక వివరాలు తెలియరాలేదు. పోలీసులు కేసు నమోదు చేసి, దర్యాప్తు చేశారు. తల కోసం చుట్టుప్రక్కల గాలిస్తున్నారు. మరిన్ని వివరాలను వీడియోలో చూద్దాం.. 

కామారెడ్డి : కాంగ్రెస్‌ ఎమ్మెల్సీ షబ్బీర్‌ అలీ 61వ జన్మదినోత్సవాన్ని కామారెడ్డిలో ఘనంగా నిర్వహించారు. పట్టణ కాంగ్రెస్‌ కమిటీ ఆధ్వర్యంలో జరిగిన ఈ కార్యక్రమంలో పార్టీ నాయకులు, కార్యకర్తలు రక్తదానం చేశారు. అనంతరం కాంగ్రెస్‌ కార్యాలయం నుంచి ఇందిరాగాంధీ చౌరాస్తా వరకు ర్యాలీ నిర్వహించారు. బతుకమ్మకుంట కాలనీలో పేదలకు ఉచిత వైద్య శిబిరం నిర్వహించారు. వైద్య పరీక్షలు చేయించుకున్నవారికి మందులు, కళ్లద్దాలు పంపిణీ చేశారు. 

హైదరాబాద్ : విభజన సమయంలో ఎలాంటి హామీలిచ్చారు..ఏపీ రాష్ట్రానికి కేంద్రం ఏమి ఇచ్చింది ? ప్రభుత్వం ఏమి ఖర్చు చేసింది..నిజ నిజాలు తెలుసుకొనేందుకు జనసేన అధినేత 'పవన్' స్పీడు పెంచారు. ఇప్పటికే ఉండవల్లి...జయ ప్రకాష్ నారాయణ్ తో జేఎఫ్ సీ ఏర్పాటు చేసిన సంగతి తెలిసిందే. ఇందులో ఇతర మేధావులు..కీలక నేతలు ఉంటారని పవన్ పేర్కొన్నారు. అందులో భాగంగా పలువురు నేతలు..మేధావులతో పవన్ మాట్లాడారు.

గురువారం ఉదయం ఏపీ సీపీఎం, ఏపీ సీపీఐ రాష్ట్ర కార్యదర్శులతో పవన్ మాట్లాడారు. శుక్రవారం నిర్వహించే సమావేశానికి రావాల్సిందిగా ఆహ్వానించారు. అదే విధంగా ఏపీ పీసీసీ అధ్యక్షుడు రఘువీరారెడ్డికి కూడా పవన్ ఫోన్ చేశారు. కాంగ్రెస్ పార్టీ ప్రతినిధులుగా మాజీ ఎమ్మెల్సీ గిడుగు రుద్రరాజు, ఏపీసీసీ ప్రధాన కార్యదర్శి జంగా గౌతమ్ హాజరవుతారని రఘవీరా తెలిపారు. ఈ సమావేశం అనంతరం పవన్ ఎలాంటి నిర్ణయాన్ని వెలువరిస్తారో వేచి చూడాలి.