10tv live news update

13:23 - October 26, 2017

టెన్ టివి : ప్రతి మొబైల్ ఆ నెట్ వర్క్ కంపెనీ నుంచి మీ ఫోన్ నంబర్ కు ఆధార్ లింక్ చేయండి అని మెసేజ్ వస్తోంది. అయితే ఆధార్ లింక్ చేయలంటే నెట్ వర్క్ స్టోర్ లోకి వెళ్లి లింక్ చేయాలి కానీ చలా మందికి ఈ పద్దతి ఇబ్బందిగా మారింది. దీని పై ఆలోచించిన కేంద్రప్రభుత్వం ఆధార్ లింక్ ను సులభతరం చేసింది. టెలికామ్ కంపెనీలు వినియోగదారుల ఇంటి దగ్గరకు వెళ్లి ఆధార్ ధృవికరణ తీసుకోవడం, వన్ టైం పాస్ వర్డ్ (ఓటిపీ) ఆధారిత వెరిఫికేషన్ వంటి ప్రత్యామ్నాయ విధానాలను అమలు చేయాలని నిర్ణయించింది. టెలికాం కంపెనీల సిమ్ కార్డులు ఉపయోగిస్తున్న వినియోగదారుల్లో వృద్ధులు, వికలాంగులు, అనారోగ్యంతో ఉన్నవారు ఉండే అవకాశం ఉండడంతో వినియోగదారుల ఇంటి దగ్గరకే వెళ్లి అనుసంధాన ప్రకియ పూర్తి చేయాలని టెలికాం కంపెనీలకు కేంద్రం సూచించింది. దీనితో పాటు ప్రజల విజ్ఞప్తి మేరకు ఆన్ లైన్ విధాలనాలను కూడా రూపొందించాలని ఆపరేటర్లకు స్ఫష్టం చేసింది. అయితే కంపెనీ వారు ప్రత్యేక్షంగా వస్తే వివరాలు ఇవ్వాలని, ఫోన్ లో వివరాలు అడిగితే చెప్పకండి అని స్పష్టం చేశారు. దీని వల్ల భద్రత సమస్యలు తలేత్తే అవకాశం ఉందని తెలుస్తోంది.

17:45 - June 4, 2017
16:49 - June 4, 2017

హైదరాబాద్ : కార్టూన్‌ షోలు పిల్లల పాలిట కిల్లర్‌ షోలుగా మారుతున్నాయి. కార్టూన్‌ ఛానళ్లలో వచ్చే షోలను చూసిన చిన్నారులు..వాటినే అనుకరిస్తూ తమ ప్రాణాలమీదకు తెచ్చుకుంటున్నారు. గతంలో శక్తిమాన్‌ సీరియస్‌ చూసి..కొంతమంది చిన్నారులు ప్రాణాలను పోగొట్టుకోగా..తాజాగా అలాంటి విషాద ఘటనే హైదరాబాద్‌లో జియాగూడలో చోటుచేసుకుంది. 
అనుకరణతో ప్రాణాలు కోల్పోతున్న చిన్నారులు 
కిల్లర్‌ షోలుగా మారుతున్న కార్టూన్‌ షోలు..అనుకరణతో ప్రాణాలు  కోల్పోతున్న చిన్నారులు.. అవును..! కార్టూన్‌ షోలలో వచ్చేవన్నీ నిజమని నమ్మే చిన్నారులు.. వాటినే అనుకరిస్తూ తమ ప్రాణాలను పోగొట్టుకుంటున్నారు. గతంలో శక్తిమాన్‌ సీరియల్‌ చూసిన చిన్నారులు..శక్తిమాన్‌ చేసే సాహసాలను చూసి అచ్చం అలాంటి సాహసాలే చేయడానికి ప్రయత్నించే క్రమంలో ఓ ఇద్దరు చిన్నారులు తమ ప్రాణాలను పోగొట్టుకున్నారు. అలాంటి విషాద ఘటనే తాజాగా హైదరాబాద్‌లో చోటుచేసుకుంది. 
కార్టూన్ చానల్‌ చూసి నిప్పంటించుకున్న బాలుడు 
బాలాపూర్‌ పీఎస్‌ పరిధిలోని వెంకటాపురంలో కార్టూన్ ఛానల్ చూసిన ఓ చిన్నారి..తనకు తాను నిప్పు పెట్టుకుని ప్రాణాలు కోల్పోయాడు. గురువారం జరిగిన ఈ ఘటన ఆలస్యంగా వెలుగులోకి వచ్చింది. జియాగూడకు చెందిన 12ఏళ్ల జయదీప్..వెంకటాపురంలోని తన తాతయ్య దగ్గర ఉంటున్నాడు. శుక్రవారం టీవీలో కార్టూన్ ఛానల్ చూస్తూ..అందులోని బొమ్మలు ఒంటిపై పెట్రోల్‌ పోసుకోవడం గమనించాడు. అయినా అవి హ్యాపీగా నవ్వడం చూసి.. వెంటనే తనూ కూడా అలాగే చేయాలనుకున్నాడు. ఇంట్లోని కిరోసిన్ డబ్బా తీసుకుని డాబాపైకి వెళ్లాడు. ఒంటిపై పెట్రోల్ పోసుకుని నిప్పంటించుకున్నాడు. మంటలంటుకుంటూ ఉంటే..అమ్మమ్మా..తాతయ్యా..అంటూ గట్టిగా అరిచాడు. దీంతో బాలుడి కేకలు విన్న అమ్మమ్మ, తాతా డాబాపైకి వెళ్లి చూసేసరికి జయదీప్‌ ఒంటికి మంటలంటుకొని కాలిపోతున్నాడు. వెంటనే బంధువుల సాయంతో మంటలు ఆర్పి..బాలుడిని ఉస్మానియా ఆస్పత్రికి తరలించారు. అప్పటికే 90 శాతం శరీరం కాలిపోవటంతో చికిత్స పొందుతూ జయదీప్‌ మృతిచెందాడు. 
పెద్దల నిర్లక్ష్య ధోరణినీ 
జయదీప్‌ మృతి.. చిన్నారుల మానసిక స్థితితో పాటు.. పెద్దల నిర్లక్ష్య ధోరణినీ ఎత్తి చూపుతోంది. పిల్లలు ఏం చేస్తున్నారో ఇంట్లోని పెద్దలు ఓ కంట కనిపెడితే ఇలాంటి ఘటనలు జరిగే అవకాశం ఉండదని నిపుణులు సూచిస్తున్నారు. ఇలాంటి కార్టూన్ షోలు చూడకుండా పిల్లలను నియంత్రించడమే ఉత్తమమని పిల్లల సైకాలజిస్టులు చెప్తున్నారు. 

 

17:53 - April 30, 2017
15:32 - April 24, 2017

భూపాలపల్లి : జయశంకర్‌ భూపాలపల్లి జిల్లా గోవిందరావుపేట మండలం దేవునిగుట్టలో గిరిజనులపై పోలీసులు, అటవీశాఖ అధికారులు చేసిన దాడిని సీపీఎం ఖండించింది. పదిహేడేళ్లుగా అడవిలో ఉంటూ, భూములను సాగుచేసుకుంటున్న గిరిజనులను తరిమికొట్టడాన్ని తప్పుపట్టింది. 2006 అటవీ చట్టం ప్రకారం అటవీ భూములు సాగుచేసుకుంటున్న గిరిజనులకు పట్టాలు ఇవ్వాల్సింది పోయి, భూముల నుంచి తరిమికొడుతారా ? అని సీపీఎం తెలంగాణ కార్యదర్శి తమ్మినేని వీరభద్రం ప్రశ్నించారు. బాధిత కుటుంబాలకు పరిహారం చెల్లించాలని డిమాండ్‌ చేశారు. ఇళ్లను తగులబెట్టి, పసు సంపదను పోలీసులు, అటవీశాఖ అధికారులు తీసుకెళ్లారని గిరిజనులు ఆవేదన వ్యక్తం చేస్తున్నారు.

11:32 - April 22, 2017

టాలీవుడ్ లో త్వరలో ఒక్కటయ్యే ఓ యువజంటపై రకరకాల కథనాలు వస్తున్నాయి. వీరికి సంబంధించిన ఫొటోలు సామాజిక మాధ్యమాల్లో వైరల్ అవుతున్నాయి. టాలీవుడ్ మన్మథుడు 'అక్కినేని నాగార్జున' తనయుడు 'నాగ చైతన్య', నటి 'సమంత'లు త్వరలో ఒక్కటి కాబోతున్న సంగతి తెలిసిందే. వీరిద్దరికీ ఇటీవలే ఎంగేజ్ మెంట్ కూడా జరిగిపోయింది. నిశ్చితార్థం జరగకముందే వీరిద్దరూ ఎంజాయ్ చేస్తున్న ఫొటోలు హల్ చల్ చేశాయి. తాజాగా నిశ్చితార్థం అనంతరం చైతూ..సమంతలు ప్రేమ జీవితంలోని మధురానుభూతుల్ని ఆస్వాదిస్తున్నారు. ఇదివరకు పలు సందర్భాల్లో కూడా 'చైతూ' గరిటె తిప్పుతున్న ఫొటోలు సామాజిక మాధ్యమాల్లో విడుదల చేశారు. తాజాగా 'సమంత' ఫొటోలను సామాజిక మాధ్యమాల్లో విడుదల చేసింది. 'నాగచైతన్య' వంట చేస్తుండగా 'సమంత' రుచి చేస్తున్నట్లుగా ఆ ఫొటోలో కనబడుతున్నారు. తాను వంటకి సాయం చేస్తుండగా..నాగ చైతన్య గరిటె తప్పుతున్న ఈ ఫొటోలు సందడి చేస్తున్నాయి.

09:48 - April 21, 2017

ముంబై : అవినీతి భరతం పట్టాలంటే పెద్ద నోట్లు (రూ. 500, రూ. 1000) నోట్లు రద్దు ఒక్కటే మార్గమని భావించిన కేంద్రం ఆ విధంగా నిర్ణయం తీసుకుంది. అనంతరం ప్రజలకు తీవ్ర కష్టాలు ఎదురయ్యాయి. అనంతరం రూ. 2000 వేలు, రూ. 500 నోట్లను ముద్రించి చలామణిలోకి తీసుకొచ్చారు. దీనివల్ల కూడా సామాన్యుడు ఇప్పటికీ సమస్యలను ఎదుర్కొంటున్నాడు. తాజాగా అంధులు కూడా పలు సమస్యలు ఎదుర్కొంటున్నట్లు వార్తలు వెలువడుతున్నాయి. స్పర్శతో వాటి విలువను గుర్తించలేకపోతున్నారు. కొత్త నోట్లను ప్రింట్‌ చేసేటప్పుడు విలువను సూచించే అంకెలను కాస్త ఉబ్బెత్తుగా (ఎంబోసింగ్‌) ప్రింట్‌ చెయడం లేదు. దీంతో వాళ్లు రూ. 500, రూ. 2000 నోటు మధ్య తేడాను గుర్తించలేకపోతున్నట్టు జాతీయ అంధుల సమాఖ్య(ఎన్‌ఏబీ) గురువారం వెల్లడించింది. పాత నోట్లు రద్దు చేసినప్పుడే ఈ సమస్యను ఆర్‌బీఐ దృష్టికి తీసుకెళ్లామని, అయినప్పటికీ ఇంతవరకూ ఎలాంటి మార్పులను కొత్త నోట్లలో గమనించలేదని ఎన్‌ఏబీ కార్యదర్శి జొవాకిమ్‌ రాపోజ్‌ పేర్కొన్నారు. దేశవ్యాప్తంగా సుమారు 80 లక్షల మంది అంధులు పలు విధాలుగా ఇబ్బందులు పడుతున్నారు. కొత్త పద్ధతుల్లో కొత్త నోట్లను గుర్తించే విధానాన్ని నేర్పుతున్నట్లు ముంబైలోని ఓ అంధుల పాఠశాల ఉపాధ్యాయురాలు పేర్కొన్నారు.

09:41 - April 21, 2017

ఢిల్లీ : దేశ రాజధానిలో ప్రఖ్యాత ఐదు నక్షత్రాల హోటల్ లో అది ఒకటి. ఆ హోటల్ ను ఇప్పుడు వేలం వేయబోతున్నారు. అదే..’తాజ్ హోటల్'....వేలం వేసేందుకు న్యూఢిల్లీ మున్సిపల్‌ కార్పొరేషన్‌(ఎన్‌డీఎంసీ)కి సుప్రీంకోర్టు అనుమతి ఇచ్చింది. వేలం ఎందుకు నిర్వాహించాల్సి వస్తుందో కారణాలు విశ్లేషిస్తే..ఈ హోటల్ ను ప్రభుత్వ స్థలంలో నిర్మించారు. 33 ఏండ్ల లీజు ఒప్పందంతో ఈ హోటల్ ను టాటా గ్రూప్ నిర్వహించింది. ఈ ఒప్పందం 2011లో ముగిసిపోయింది. కానీ అప్పటి నుండి 9సార్లు లీజు గడువును టాటా గ్రూప్ కు ఎన్ డీఎంసీ పొడిగిస్తూ వచ్చింది. అద్దె విషయంలో గిట్టుబాటు కావడం లేదంటూ ఎన్ డీఎంసీ భవనాన్ని వేలం వేసేందుకు నిర్ణయించింది. వేలాన్ని టాటా గ్రూప్‌ వ్యతిరేకించడంతో ఎన్‌డీఎంసీ సుప్రీంకోర్టును ఆశ్రయించింది. దాంతో వేలానికి అనుమతిచ్చిన సుప్రీంకోర్టు..వేలంలో టాటా గ్రూప్‌ దాన్ని దక్కించుకోకపోతే ఖాళీ చేసేందుకు ఆరు నెలల గడువు ఇవ్వాలని ఎన్‌డీఎంసీకి సూచించింది.

21:06 - April 13, 2017

అంబేద్కర్ పేరుతోటి చంద్రుల ఆటలు... జగ్గంపూడికాడ శిలాఫలకానికి బీటలు, అట్టడబ్బాలుమోస్తున్న జగదీశ్వర్ రెడ్డి...గంట పనికి మూడు లక్ష రూపాయల కూలీ... భవానీ ద్వీపానికి ఆంధ్రా సర్కార్ తద్దినం.. ప్రైవేట్ పరం చేసే ఆలోచన్ల నారావారు, యాదాద్రి జిల్లాల దూపకుచస్తున్న జనం... అయినా ఇసొంటివి ఎన్నిజూడలేమనం, కనిగిరి మోర్లదేలిన చంద్రన్నకానుకలు..దళారుల పాలైతున్న ప్రభుత్వ పథకాలు, మిర్యాలగూడ చెరువును మింగేస్తున్నరు...ఆకరిసూపుకోసం జనం ఎగవడ్తున్నరు... ఈ అంశాలపై మల్లన్నముచ్చట్లను వీడియోలో చూద్దాం...

20:50 - April 13, 2017

జైపూర్ : రాజస్థాన్‌లో ఐటి అధికారులు చాయ్‌వాలా ఇంటి తలుపు తట్టారు. కోట్‌పుత్లీకి చెందిన లీలారామ్‌ గుజ్జర్‌ కోటి రూపాయలను పబ్లిగా బహిర్గతం చేసిన వీడియో వైరల్‌ కావడమే ఇందుకు కారణం. టీ బండి పెట్టుకుని జీవనం సాగిస్తున్న లీలారామ్‌ ఏప్రిల్‌4న ఆరుగురు కుమార్తెలకు పెళ్లిళ్లు చేశాడు. వారికి కట్నంగా కోటి 51 లక్షల నగదును బయటకు తీసి గ్రామస్తుల ముందు గట్టిగా అరుస్తూ వాటిని లెక్క పెట్టారు. దీనికి సంబంధించిన వీడియో కాస్తా వైరల్‌ కావడంతో డబ్బు వివరాలు లెక్క చెప్పాల్సిందిగా గుజ్జర్‌కు ఐటి శాఖ సమన్లు జారీ చేసింది. ఈ డబ్బులు ఎక్కడి నుంచి వచ్చాయో దానికి సంబంధించిన ఆధారాలు చూపాలని చాయ్‌వాలాను ఆదేశించారు. మరోవైపు వరకట్నం ఇవ్వడం నేరం కావడంతో పోలీసులు కేసు నమోదు చేశారు. లీలారామ్‌ ఆరుగురు కూతుళ్లలో ఇద్దరు మాత్రమే మేజర్‌ అని తెలుస్తోంది. 

 

Pages

Don't Miss

Subscribe to RSS - 10tv live news update