AICC President

12:02 - November 23, 2018

హైదరాబాద్ : తెలంగాణకు చిన్నమ్మగా ప్రకటించుకున్న కేంద్ర మంత్రి సుష్మా స్వరాజ్ తెలంగాణ రాష్ట్రంలో జరిగే ఎన్నికల్లో బీజేపీ తరపున ప్రచారం నిర్వహిస్తారా ? లేదా ? అనే చర్చ కొనసాగుతోంది. మహాకూటమిలో పెద్దన్నగా అవతరించిన కాంగ్రెస్ సుప్రీం సోనియా గాంధీని రంగంలోకి దించుతున్నారు. నవంబర్ 23వ తేదీ శుక్రవారం మేడ్చల్ జరిగే ఎన్నికల ప్రచారంలో సోనియా పాల్గొననుండడంతో రాజకీయాలు మరింత వేడెక్కనున్నాయి. దీనితో సుష్మ స్వరాజ్‌ని ప్రచారంలోకి దింపాలని బీజేపీ నేతలు ప్రయత్నాలు చేస్తున్నారంట. 
Image result for Sushma Swaraj statement telangana stateసోనియా గాంధీ పర్యటనపై కాంగ్రెస్ శ్రేణులు ఎన్నో ఆశలు పెట్టుకున్నారు. సోనియా ప్రచారంతో కాంగ్రెస్ పార్టీ మైలేజ్ మరింత పెరుగుతుందని ఆ పార్టీ నేతల విశ్వాసం. రాహుల్‌తో పోల్చితే తెలంగాణ ఇచ్చిన నేతగా తిరుగులేని ఇమేజ్ సోనియాకు ఉందని....ఎన్ని అవరోధాలు ఎదురైనా సోనియా లెక్కచేయకుండా తెలంగాణ రాష్ట్రం ప్రకటించిందని గుర్తు చేస్తున్నారు. ఏపీలో కాంగ్రెస్ నష్టపోతుందని తెలిసినా సోనియా మనస్సు మార్చుకోలేదని నేతలు వెల్లడిస్తున్నారు. 
కాంగ్రెస్..టీఆర్ఎస్ రెండింటినీ ఎదుర్కొవాలంటే సుష్మా స్వరాజ్‌ని దింపాలని..సెంటిమెంట్‌ వర్కవుట్ అవుతుందని తెలంగాణ బీజేపీ నేతలు యోచిస్తున్నారని సమాచారం. తప్పనిసరి పరిస్థితుల్లో కాంగ్రెస్ తెలంగాణ ఇచ్చిందని..ఇందుకు బీజేపీయే కారణమని బీజేపీ నేతలు వెల్లడిస్తున్నారు. తెలంగాణ ఎన్నికల్లో ప్రచారం నిర్వహిస్తే తమకు ప్లస్ పాయింట్ అవుతుందని వారు భావిస్తున్నారు. రాష్ట్ర ఏర్పాటు విషయంలో ఆనాడు తెలుగులో సుష్మా ప్రకటన చేసిన విషయం తెలిసిందే. ఆమె అనారోగ్యంతో బాధ పడుతున్నారని తెలుస్తోంది. అంతేగాకుండా ఇటీవలే ఆమె సంచలన ప్రకటన చేశారు. వచ్చే ఎన్నికల్లో పోటీ చేయనని సంచలన ప్రకటన చేశారు. ప్రత్యక్ష రాజకీయాల నుండి సుష్మా తప్పుకోవాలని భావిస్తున్నారని తెలుస్తోంది. కానీ సుష్మా ప్రచారానికి ఒప్పుకుంటారా ? లేదా ? అనేది వెల్లడి కావడం లేదు. 

09:55 - November 23, 2018

హైదరాబాద్ : రాజకీయాల్లో శాశ్వత మిత్రులుండరు..శత్రువులుండరు...తిట్టిపోసిన పార్టీతో చేతులు కలుతుపున్నారు. ఇదంతా కేవలం అధికారం కోసమే. తెలంగాణ రాష్ట్రంలో టీఆర్ఎస్‌ని ఓడగొట్టేందుకు మహాకూటమి అవతరించింది. ఇందులో టీటీడీపీ, తెలంగాణ జనసమితి, సీపీఐ, కాంగ్రెస్‌లు కలిశాయి. చేతులు కలుపుకున్నాయి. పొత్తులో భాగంగా సీట్ల సర్దుబాటు చేసుకున్నాయి. టీఆర్ఎస్‌ని ఓడగట్టడమే ముఖ్యమని..సీట్లు సర్దుకోవాలని టీడీపీ జాతీయ అధ్యక్షుడు, ఏపీ సీఎం చంద్రబాబు నాయుడు తెలంగాణ టీడీపీ తమ్ముళ్లకు హితబోధ చేశారంట. దీనితో 13 స్థానాలకే మాత్రం టీడీపీ పరిమితమైంది.Image result for Chandrababu naidu and rahul gandhi ఇక ప్రచారంలో బాబు పాల్గొంటారా ? లేదా ? అనేదానికి ఆ పార్టీ ఫుల్ స్టాప్ పెట్టింది. ఏకంగా ఏఐసీసీ అధ్యక్షుడు రాహుల్ గాంధీతో..బాబు ప్రచారం నిర్వహిస్తారని టీటీడీపీ అధ్యక్షుడు ఎల్.రమణ ప్రకటించారు. తెలంగాణ ఎన్నికల్లో మహాకూటమి తరఫున ప్రచారం చేస్తానని చంద్రబాబు నాయుడు ఇప్పటికే వెల్లడించిన సంగతి తెలిసిందే. ఒకే వేదికపై పాల్గొనే ఉమ్మడి సభల ఏర్పాటుకు నేతలు ముమ్మర ఏర్పాట్లు చేస్తున్నారు. ఈనెల 28, 29వ తేదీల్లో ఈ సభలు జరుగనున్నాయి. 
గ్రేటర్ పరిధిలో వీరిద్దరి రోడ్ షోలకు ప్లాన్ చేస్తున్నారని తెలుస్తోంది. 22-30 మధ్య ఉమ్మడి రోడ్ షోలు ఉండే విధంగా..రెండు..మూడు రోజుల పాటు వీటిని కొనసాగించేలా కసరత్తు జరుగుతోంది. ఓట్లు చీలిపోకుండా రాహుల్..బాబు ప్రచారం ఉపయోగపడుతుందని టీడీపీ తమ్ముళ్లు నమ్ముతున్నారు. మరి బాబు..రాహుల్ ప్రచారం ఓటర్లపై ప్రభావం చూపుతుందా ? లేదా ? అనేది చూడాలి మరి...

17:24 - November 12, 2018

ఢిల్లీ : తెలంగాణ కాంగ్రెస్ అభ్యర్థుల జాబితా ఎప్పుడు ప్రకటిస్తారు ? కాంగ్రెస్‌లో లెక్కల లొల్లి పూర్తి కాలేదా ? ప్రస్తుతం దీనిపై కాంగ్రెస్ కేడర్ తీవ్రంగా చర్చించుకొంటోంది. కాంగ్రెస్ అభ్యర్థులను ఖరారు చేయడానికి టీపీసీసీ అధ్యక్షుడు ఉత్తమ్, ఇతర సీనియర్ నేతలు హస్తినకు వెళ్లిన సంగతి తెలిసిందే. ఏఐసీసీ అధ్యక్షుడు రాహుల్ గాంధీతో ఉత్తమ్, కుంతియాలు భేటీ అయ్యారు. సీట్ల సర్దుబాటు..మహాకూటమిలో ఉన్న పార్టీలకు కేటాయించే స్థానాలపై చర్చ జరిగినట్లు సమాచారం. జాబితా విడుదల ఆలస్యంపై రాహుల్ ఆగ్రహం వ్యక్తం చేసినట్లు టాక్. మహాకూటమి ఏర్పడి నెలలు గడుస్తున్నా...నామినేషన్ల ప్రక్రియ ప్రారంభమైనా సీట్ల సర్దుబాటు, పొత్తుల విషయంలో ఎందుకు ఆలస్యం చేస్తున్నారంటూ నేతలను ప్రశ్నించినట్లు తెలుస్తోంది. మధ్యాహ్నం మరోసారి రాహుల్‌తో నేతలు సమావేశమయ్యారు. ఈ సమావేశంలో కూడా రాహుల్ ఎలాంటి క్లారిటీ ఇవ్వలేదని సమాచారం. 
మరోవైపు సోనియా గాంధీ నివాసంలో సీఈసీ కమిటీ భేటీ అయ్యింది. సమావేశంలో రాజస్థాన్ ఎన్నికల అభ్యర్థుల ఖరారు విషయంలో చర్చిస్తారని సమాచారం. నవంబర్ 12వ తేదీ రాత్రి వరకు చర్చలు కొనసాగుతాయని, అనంతరం నవంబర్ 13వ తేదీన కాంగ్రెస్ జాబితా ప్రకటిస్తారని ప్రచారం జరుగుతోంది. ఇక తమకు టికెట్ కేటాయించాలంటూ కొంతమంది నేతలు గాంధీభవన్ వద్ద ఆందోళనలు..నిరసనలకు దిగుతున్నారు. జాబితా విడుదలైన అనంతరం కాంగ్రెస్‌లో ఎలాంటి పరిణామాలు ఎదురవుతాయో చూడాలి. 

16:32 - October 31, 2018

విజయవాడ : జాతీయ రాజకీయాలపై ఏపీ సీఎం చంద్రబాబు నాయుడు ప్రత్యేక నజర్ పెట్టారు. జాతీయ స్థాయిలో బీజేపీని ఒంటరిగా చేయాలని..వచ్చే ఎన్నికల్లో మరోసారి అధికారంలోకి రాకుండా ఉండేందుకు బాబు ఇప్పటి నుండే వ్యూహాలు రచిస్తున్నారు. Related imageఅందులో భాగంగా ప్రాంతీయ పార్టీలతో ఆయన సమావేశాలు జరుపుతున్నారు. ‘సేవ్ నేషన్’ పేరిట బీజేపీకి వ్యతిరేకంగా పార్టీలు ఏకం కావాలని బాబు పిలుపునిస్తున్నారు. బీజేపీయేతర పక్షాల్లో ఊపు తెచ్చే విధంగా బాబు ప్రణాళికలు రచిస్తున్నారు. ఎన్డీయే నుండి బయటకు రావడంతో ఏపీ రాష్ట్రంపై కేంద్రం వివక్ష చూపిస్తోందని, తమ పార్టీకి చెందిన నేతలపై ఈడీ, సీబీఐ దాడులు జరుపుతూ భయపట్టేందుకు ప్రయత్నిస్తోందని ఏపీ సీఎం చంద్రబాబు జాతీయ స్థాయిలో గళమెత్తిన సంగతి తెలిసిందే. ఇటీవలే ఆయన ఢిల్లీలో పర్యటించి పలువురు నేతలను కలిశారు. 
Image result for chandra babu meets national leadersమరోసారి ఆయన ఢిల్లీ బాట పట్టనున్నారు. గురువారం ఆయన ఢిల్లీకి వెళ్లి జాతీయస్థాయి నేతలతో మంతనాలు జరుపనున్నారు. సీనియర్ మంత్రులతో ఆయన సమావేశమయ్యారు. గురువారానికి సంబంధించిన ఏజెండాను ఖరారు చేస్తున్నారు. అందులో భాగంగా ఏఐసీసీ అధ్యక్షుడు రాహుల్ గాంధీతో సమావేశం కానున్నారు.Image result for chandra babu meets national leaders పొత్తులు..ఇతరత్రా రాజకీయాలపై బాబు చర్చించనున్నారు. కుమార స్వామి ప్రమాణ స్వీకారోత్సవంలో రాహుల్‌ని బాబు కలిసిన సంగతి తెలిసిందే. శరద్ పవర్ తో లంచ్ చేయనున్నట్లు తెలుస్తోంది. ఆర్జేడీ ప్రతినిధి, సీపీఎం నేతలు, ఢిల్లీ రాష్ట్ర ముఖ్యమంత్రి కేజ్రీవాల్, అఖిలేష్ యాదవ్, మాయావతిలతో బాబు భేటీ కానున్నారు. మమత బెనర్జీతో ఇప్పటికే పలుమార్లు సంప్రదించినట్లు, తరచూ ఫోన్‌లో కూడా మాట్లాడినట్లు తెలుస్తోంది. బీజేపీ అధికారంలోకి రాకుండా ఉండాలంటే అన్నీ పార్టీలు ఏకం కావాలని బాబు పిలుపునిస్తున్నారు. మరి బాబు ఇందులో సక్సెస్ అవుతారా ? లేదా ? అనేది చూడాలి. 

14:01 - October 11, 2018

ఢిల్లీ: రాఫెల్ డీల్ దేశ రాజకీయాలను కుదిపేస్తోంది. భారత్-ఫ్రాన్స్ మధ్య జరిగిన ఈ ఒప్పందంలో భారీగా అవినీతి జరిగిందనే ఆరోపణలు వెల్లువెత్తుతున్నాయి. కేంద్రంలోని బీజేపీ ప్రభుత్వం టార్గెట్‌గా కాంగ్రెస్ విమర్శలు గుప్పిస్తోంది. రాఫెల్ డీల్ పూర్తి వివరాలను సీల్డ్ కవర్‌లో తమకు అందజేయాలని సుప్రీంకోర్టు నిన్న కేంద్రాన్ని ఆదేశించిన సంగతి తెలిసిందే. తాజాగా కాంగ్రెస్ అధ్యక్షుడు రాహుల్ గాంధీ దేశ ప్రధాని నరేంద్ర మోదీపై తీవ్ర విమర్శలు చేశారు. 

రాఫెల్ యుద్ధ విమానాల కొనుగోలు ఒప్పందంపై కాంగ్రెస్ అధ్యక్షుడు రాహుల్ గాంధీ మరోసారి విరుచుకుపడ్డారు. అనిల్ అంబానీకి ప్రధాని మోదీ రూ.30,000 కోట్లు అప్పనంగా ఇచ్చేశారని ఆరోపించారు. అవినీతికి పాల్పడ్డ ప్రధాని మోదీ తన పదవికి వెంటనే రాజీనామా చేయాలని రాహుల్ డిమాండ్ చేశారు.

ఈ ఫైటర్ జెట్ల కొనుగోలు ఒప్పందంలో రహస్యంగా ఉంచాల్సిన అంశాల్లో విమానం ధర లేనేలేదని రాహుల్ వ్యాఖ్యానించారు. ఫ్రాన్స్ అధ్యక్షుడు ఇమ్మాన్యుయేల్ మాక్రాన్ ఈ విషయాన్ని స్వయంగా తనకు చెప్పారని తెలిపారు. వాస్తవాలను రాస్తున్న మీడియాపై కేంద్ర ప్రభుత్వం ఒత్తిడి తీసుకొస్తోందని, అయినా లొంగనివారిపై ఐటీ దాడులు చేయిస్తోందని రాహుల్ విమర్శించారు. 

దేశానికి కాపలాదారుగా ఉంటానన్న ప్రధాని మోదీ అవినీతిపరుడిగా తయారయ్యారని రాహుల్ ఎద్దేవా చేశారు. అవినీతిపై పోరాడతానన్న హామీతోనే మోదీ అధికారంలోకి వచ్చారన్నారు. సుప్రీంకోర్టు రాఫెల్ వివరాలు ఇవ్వాలని నిన్న కోరగానే రాత్రికిరాత్రి రక్షణ మంత్రి నిర్మలా సీతారామన్ ఫ్రాన్స్ కు వెళ్లారని, దీని వెనుక అసలు రహస్యం ఏంటని రాహుల్ ప్రశ్నించారు.

మోదీ అవినీతికి పాల్పడ్డారు అనేదానికి ప్రత్యక్ష సాక్ష్యాలు ఉన్నాయని రాహుల్ స్పష్టం చేశారు. ఫ్రాన్స్ మాజీ అధ్యక్షుడు ఫ్రాన్సిస్ హోలాండే, డస్సాల్ట్ కంపెనీలో నంబర్ 2 అధికారి ఇద్దరూ.. మోదీ అవినీతి పరుడనే చెప్పారన్నారు. డస్సాల్ట్ కంపెనీపై ఒత్తిడి తీసుకొచ్చి తన అవినీతిని మోదీ దాస్తున్నారని విమర్శించారు. రిలయన్స్ కంపెనీతో ఒప్పందం చేసుకోకుండా, వారికి తగిన మొత్తం చెల్లించకుండా కాంట్రాక్టును దక్కించుకోలేరని డస్సాల్ట్ కంపెనీకి కేంద్రం స్పష్టం చేసినట్లు ఇటీవల ఓ డాక్యుమెంట్ లభ్యమయిందని రాహుల్ ఆరోపించారు. ఇదొక్కటే కాదు, గతంలో కేంద్రం చేసుకున్న పలు ఒప్పందాలకు సంబంధించిన వాస్తవాలు త్వరలోనే బయటకు రాబోతున్నాయని రాహుల్ బాంబు పేల్చారు.

09:27 - October 6, 2018

ఢిల్లీ : మిత్రపక్షాలు కోరుకుంటేనే ప్రధాన మంత్రి బాధ్యతలు స్వీకరించడానికి తాను సిద్ధ మని కాంగ్రెస్‌ పార్టీ అధ్యక్షుడు రాహుల్‌ గాంధీ ప్రకటించారు. 'హిందూస్థాన్‌ టైమ్స్‌' సదస్సులో రాహుల్‌ తెలిపారు. కలిసొచ్చే పార్టీలతో జతకట్టి మోడీని ఓడించడమే తమ ప్రధాన లక్ష్యమని.. మిగతావన్నీ ఎన్నికల తర్వాతనేనని అన్నారు. మోడీ సర్కార్‌ సొంత ప్రజలపైనే యుద్ధం ప్రకటించిందని.. వేలాదిమంది రైతులు ఆత్మహత్యలు చేసుకుంటున్నా పట్టించుకోవడం లేదన్నారు.

ఆర్థిక వ్యవస్థ చితికిపోయి.. రూపాయి చతికిలపడిందన్నారు. పెట్రోల్‌, డీజిల్‌ ధరలు ఎన్నడూలేనంత స్థాయికి చేరుకున్నాయని.. స్టాక్‌ మార్కెట్‌ కుప్పకూలిందని పేర్కొన్నారు. తాను బహిరంగ ప్రదేశాలకు వచ్చి.. అందరూ అడిగే ప్రశ్నలకు సమాధానం చెబుతుంటే.. దేశ ప్రధాని అలా చేయలేకపోతున్నారని రాహుల్‌ మోదీని ప్రశ్నించారు. 

06:38 - August 31, 2018

ఢిల్లీ : 500, 1000 నోట్ల రద్దు నిర్ణయంపై కాంగ్రెస్‌ అధ్యక్షుడు రాహుల్‌ గాంధీ ప్రధాని నరేంద్రమోదిపై ధ్వజమెత్తారు. పెద్దనోట్ల రద్దు ఓ పెద్ద కుంభకోణమని ఆరోపించారు. దేశంలోని 15-20 మంది క్రోని కాపిటలిస్టుల నల్లధనాన్ని తెల్లధనంగా మార్చేందుకే మోది కావాలనే నోట్లరద్దు నిర్ణయం తీసుకున్నారని రాహుల్‌ ధ్వజమెత్తారు. చిన్న, మధ్యతరగతి వ్యాపారులను దెబ్బతీసి... అమెజాన్‌ లాంటి పెద్ద కార్పోరేట్‌ సంస్థలకు ఊతమిచ్చేందుకే పెద్దనోట్లను రద్దు చేశారని ఆయన మండిపడ్డారు. మోదిని టీవీల్లో మార్కెటింగ్‌ చేసేందుకు కార్పోరేట్లు విచ్చలవిడిగా డబ్బు ఖర్చు చేస్తున్నారని....ఆ డబ్బును ప్రజల నుంచి తీసుకుని వారి జేబుల్లో వేస్తున్నారని రాహుల్‌ విమర్శించారు. 

22:02 - August 25, 2018

ఢిల్లీ : 2019 లోక్‌సభ ఎన్నికల కోసం కాంగ్రెస్‌ సిద్ధమవుతోంది. కాంగ్రెస్‌ అధ్యక్షుడు రాహుల్‌ గాంధీ 9 మంది సభ్యులతో కూడిన కోర్‌ కమిటీని నియమించారు. కాంగ్రెస్‌ కోర్‌ కమిటీలో సీనియర్‌ నేతలు ఏకే ఆంటోనీ, గులాం నబీ ఆజాద్‌, పి. చిదంబరం, అశోక్‌ గెహ్లాట్‌, మల్లికార్జున్‌ ఖర్గే, అహ్మద్‌ పటేల్‌, జైరాం రమేష్‌, రణ్‌దీప్‌ సుర్జేవాలా, కేసీ వేణుగోపాల్‌ ఉన్నట్లు కాంగ్రెస్‌ పార్టీ ఓ ప్రకటన విడుదల చేసింది. కోర్‌ కమిటీతో పాటు మరో రెండు కమిటీలను రాహుల్‌ ఏర్పాటు చేశారు. పార్టీ మ్యానిఫెస్టోను ఆకర్షణీయంగా రూపొందించేందుకు 19 మంది సభ్యులతో ఓ కమిటి వేశారు. ప్రచార కార్యక్రమాల పర్యవేక్షణ కోసం 13 మంది సభ్యులతో కూడిన మరో పబ్లిసిటీ కమిటీని కూడా ఏర్పాటు చేశారు. 

 

13:28 - August 18, 2018

ఢిల్లీ : రాఫెల్ యుద్ధ విమానాల కొనుగోలులో రూ. 41వేల కోట్ల కుంభకోణం జరిగిందని ఏపీ పీసీసీ చీఫ్ ఉత్తమ్ ఆరోపించారు. రాహుల్ అధ్యక్షతన వార్ రూంలో జరిగిన సమావేశానికి ఆయన హాజరయ్యారు. ఈ సందర్భంగా ఆయన మీడియాతో మాట్లాడుతూ...రెండు సమావేశాలు జరుగుతున్నాయని, మొదటి సమావేశంలో రాఫెల్ విమానాల కొనుగోలు..కేరళ విపత్తుపై చర్చించడం జరిగిందన్నారు. గతంలో రూ. 526 కోట్లకు ఒప్పందం జరిగిందని, మోడీ పీఎం అయిన తరువాత ఫ్రాన్స్ కు వెళ్లి అదే విమానాన్ని రూ. 1600 కోట్లకు కొన్నారని, 36 విమానాలను కొనుగోలు చేసిందన్నారు. దీని వెనుక భారీ కుంభకోణం జరిగిందని ఆరోపించారు. రూ. 30వేల కోట్ల కాంట్రాక్టు అనీల్ అంబానీకి ఇవ్వడం సిగ్గు చేటన్నారు. కేరళలో జరిగిన విపత్తుపై కూడా చర్చించడం జరిగిందని, పార్టీకి చెందని ఎంపీలు, ఎమ్మెల్యేలు, ఎమ్మెల్సీల ఒక నెల జీతం రిలీఫ్ ఫండ్ కు ఇవ్వాలని నిర్ణయం జరిగిందన్నారు. తెలంగాణ పీసీసీ తరపున కేరళ రాష్ట్రానికి సాయం అందించేందుకు కృషి చేయడం జరుగుతుందన్నారు. జాతీయ విపత్తు ప్రకటించాలని సమావేశం నిర్ణయం తీసుకుందన్నారు. రెండో సమావేశంలో అన్ని రాష్ట్రాల్లో 'శక్తి' ప్రాజెక్టుపై రాహుల్ సమీక్ష జరుపుతారని తెలిపారు.

13:23 - August 18, 2018

ఢిల్లీ : రాఫెల్ యుద్ధ విమానాల ద్వారా బీజేపీ ప్రభుత్వం కోట్ల రూపాయల దోచుకొంటోందని ఏపీ పీసీసీ చీఫ్ రఘువీరా ఆరోపించారు. రాహుల్ అధ్యక్షతన వార్ రూంలో జరిగిన సమావేశానికి ఆయన హాజరయ్యారు. ఈ సందర్భంగా ఆయన మీడియాతో మాట్లాడుతూ...ఈ సమావేశంలో రాఫెల్ యుద్ధ విమానాల అవినీతిపై...కేరళలో జరిగిన విపత్తుపై చర్చిండం జరిగిందన్నారు. కాంగ్రెస్ హాయాంలో ఒక రాఫెల్ యుద్ధ విమానాన్ని రూ. 500 కోట్లకు కొనుగోలు చేసిందని గుర్తు చేశారు. కానీ బీజేపీ అధికారంలోకి వచ్చాక ఆ విమానాన్ని రూ. 1600 కోట్లకు కొనుగోలు చేసిందన్నారు. ఒక్కో యుద్ధ విమానంపై రూ. 1100 కోట్లు దోచుకొంటోందని ఆరోపించారు. కేరళను విపత్తు నుండి ఆదుకోవడంలో కేంద్రం విఫలం చెందిందన్నారు. 

Pages

Don't Miss

Subscribe to RSS - AICC President