amaravati

13:17 - October 22, 2017

కృష్ణా : అమరావతి రాజధాని నిర్మాణం అనుకున్న సమయంలోనే పూర్తి చేసేందుకు సీఎం చంద్రబాబు కృషి చేస్తున్నారని తాడికొండ ఎమ్మెల్యే శ్రావణ్‌ కుమార్‌ చెబుతున్నారు. రాజధాని డిజైన్ల పరిశీలన తుదిదశకు చేరుకుందని.. త్వరలోనే డిజైన్లు ఖరారవుతాయని తెలిపారు. రాజధాని ప్రాంతంలో నిరుద్యోగులకు ఉపాధి అవకాశాలు కల్పిస్తున్నట్లు చెప్పారు. మరింత సమాచారం కోసం వీడియో చూడండి.

06:59 - October 19, 2017

అమరావతి: ఏపీ రాజధాని అమరావతిలో నిర్మించే ప్రభుత్వ భవనాల ఆకృతుల కసరత్తు వేగవంతమైంది. డిజైన్ల రూపకల్పన, ఖరారులో ఆలస్యం కావడంతో రాజధాని నిర్మాణంలో జాప్యం జరుగుతోందని భావిస్తున్న ప్రభుత్వం... వీలైనంత త్వరగా అమరావతి ఆకృతులను ఖరారు చేయాలని నిర్ణయించింది.

11న లండన్‌ వెళ్లిన టాలీవుడ్‌ దర్శకుడు రాజమౌళి....

ప్రభుత్వ సలహా మేరకు ఈనెల 11న లండన్‌ వెళ్లిన టాలీవుడ్‌ దర్శకుడు రాజమౌళి.... నార్మన్‌ పోస్టర్‌ బృందంతో భేటీ అయ్యారు. ఇద్దరూ కలిసి పలురకాల నమూనా ఆకృతులను రూపొందించారు. గతంలో కంటే భిన్నంగా ఉండే విధంగా ఏడు రకాల ఆకృతులను తయారు చేశారు. ప్రజల నుంచి సూచనలు, సలహాలు స్వీకరించేందుకు వీటిని సీఆర్‌డీఏ వెబ్‌సైట్‌లో ఉంచారు. ఎక్కువ మంది ప్రజలు బాగుందని సూచించిన డిజైన్‌కు ప్రభుత్వం కూడా ప్రాధాన్యత ఇచ్చే అవకాశం ఉందని భావిస్తున్నారు.

అమెరికా పర్యటనలో ఉన్న ముఖ్యమంత్రి చంద్రబాబు.

అమెరికా పర్యటనలో ఉన్న ముఖ్యమంత్రి చంద్రబాబు... అక్కడ నుంచి యూఏఈ వెళ్లి, అటునుంచి ఈ నెల 24న లండన్‌ చేరుకుంటారు. 25న రాజధాని ఆకృతులు రూపొందిస్తున్న నార్మన్‌ పోస్టర్‌ బృందంతో భేటీ అవుతారు. అసెంబ్లీ కోసం రూపొందించిన ఏడు డిజైన్లపై చర్చించి, ఒకదానిని ఖరారు చేస్తారు. ఈ విషయంలో ప్రజల అభిప్రాయాన్ని కూడా ముఖ్యమంత్రి పరిగణలోకి తీసుకుంటారు. లండన్‌ నుంచి చంద్రబాబు తుది డిజైన్‌తో తిరిగివచ్చే అవకాశం ఉందని భావిస్తున్నారు. అసెంబ్లీ భవనంపై పొడవైన టవర్‌ వచ్చే విధంగా రూపొందించిన డిజైన్‌ను ఎంపిక చేసేందుకు ప్రభుత్వం మొగ్గు చూపుతున్నట్టు సమాచారం.

07:20 - October 17, 2017

గుంటూరు : బీసీలు ఎప్పుడూ తెలుగుదేశం వైపే ఉన్నారని ముఖ్యమంత్రి చంద్రబాబు చెప్పారు. వైసీపీ అధినేత జగన్‌ బీసీ నేతలతో నిర్వహించిన సమావేశంపై బాబు స్పందించారు. మొదటి నుంచి బీసీల సంక్షేమానికి పాటుపడింది టీడీపీ ప్రభుత్వమేనన్నారు. జగన్‌ చెప్పే మాటలను బీసీలు విశ్వసించరని చంద్రబాబు చెబుతున్నారు. 

 

07:09 - October 17, 2017

గుంటూరు : పోలవరం ప్రాజెక్టు పనుల్లో జాప్యాన్ని సహించేదిలేదని ముఖ్యమంత్రి చంద్రబాబు హెచ్చరించారు. ప్రాజెక్టు సకాలంలో పూర్తి చేసేందుకు అన్ని చర్యలు తీసుకోవాలని ముఖ్యమంత్రి చంద్రబాబు అధికారులను ఆదేశించారు. పనుల్లో జాప్యం జరిగితే ఒక సీజన్‌ను కోల్పోవాల్సి వస్తుందని, అవసరమైతే పనిచేయని కాంట్రాక్టర్లను తొలగించాలని అధికారులకు సూచించారు. మరోవైపు పోలవరం కాంట్రాక్టర్లను మార్చే ప్రసక్తేలేదని కేంద్ర జలవనరుల శాఖ మంత్రి నితిన్‌ గడ్కరీ స్పష్టం చేశారు.
ఉన్నత స్థాయి సమీక్షా సమావేశం    
పోలవరం ప్రాజెక్టు పనులపై ముఖ్యమంత్రి చంద్రబాబు ఉన్నత స్థాయి సమీక్షా సమావేశం నిర్వహించారు. నిర్మాణ స్థలంలో పనులను పర్యవేక్షిస్తున్న చీఫ్‌ ఇంజినీర్‌తో వర్చువల్‌ లైవ్‌లో మాట్లాడి ప్రాజెక్టు పురోగతి తెలుసుకున్నారు. 
పోలవరం పురోగతని చంద్రబాబుకు వివరించిన అధికారులు 
పోలవరం పురోగతని అధికారులు చంద్రబాబుకు వివరించారు. ఇప్పటి వరకు 3.43 లక్షల క్యూబిక్‌ మీటర్ల కాంక్రీటు పనులు పూర్తైన విషయాన్ని అధికారులు చంద్రబాబు దృష్టికి తెచ్చారు. అలాగే 759 లక్షల క్యూబిక్‌ మీటర్లు మట్టిపనిని చేసినట్టు వివరించారువర్షాలతో పోలవరం ప్రాజెక్టు పనులకు అంతరాయం కలుగుతోందని చీఫ్‌ ఇంజినీర్‌.. ముఖ్యమంత్రి చంద్రబాబు దృష్టికి తెచ్చారు. దీనిపై తీవ్రంగా స్పందించిన చంద్రబాబు.. పోలవరం పనుల్లో అలసత్వాన్ని సహించేందిలేదని హెచ్చరించారు. పనుల్లో వేగం పెంచాలని ఆదేశించారు. పనుల్లో జాప్యం జరిగితే ఒక సీజన్‌ కోల్పోవాల్సి వస్తుందని ఆందోళన వ్యక్తం చేశారు. అవసరమైతే జాప్యం చేసే కాంట్రాక్టర్లను తొలగించి, కొత్త వారికి పనులు అప్పగించాలని కోరారు. 
కాంట్రాక్టర్లను మార్చితే 35 శాతం అదనపు వ్యయం 
పనులు చేయని పోలవరం కాంట్రాక్టర్లను తొలగించాలన్న ముఖ్యమంత్రి చంద్రబాబు ఆదేశాలపై కేంద్ర జలనవరుల శాఖ మంత్రి నితిన్‌ గడ్కరీ తీవ్రంగా స్పందించారు. కాంట్రాక్టర్లను మార్చితే పోలవరం వ్యయం 35 శాతం పెరిగే అవకాశం ఉందన్న విషయాన్ని గుర్తు చేశారు. ఈ ఖర్చును భరించే స్థితిలో కేంద్రం లేదని స్పష్టం చేశారు. 2019 నాటికి పోలవరం ప్రాజెక్టును పూర్తి చేసేందుకు సాయం చేస్తామని ఢిల్లీలో హమీ ఇచ్చారు. బిల్లులు సమర్పించే మూడు రోజుల్లో 75 శాతం నిధులు విడుదల చేస్తామన్నారు. ప్రాజెక్టు పనుల్లో వేగం పెంచేందుకు నాబార్డు నుంచి నిధులు సేకరిస్తున్న అంశాన్ని ప్రస్తావించారు. మరోవైపు ఇవాళ ఢిల్లీ వెళ్లనున్న ముఖ్యమంత్రి చంద్రబాబు... పోలవరంపై నితిన్‌ గడ్కరీతో  భేటీ అయ్యే అవకాశాలు ఉన్నాయి. 

 

21:49 - October 16, 2017

హైదరాబాద్ : తెలుగు రాష్ట్రాల్లో విద్యార్థుల ఆత్మహత్యలు కొనసాగుతునే ఉన్నాయి. ఈరోజూ ఏపీలో ఓ ఇంటర్‌ విద్యార్థిని ఆత్మహత్య చేసుకుంది. ప్రైవేటు కాలేజీల్లో విద్యార్థుల మరణాలకు యాజమాన్యాలు అనుసరిస్తున్న విధానాలే కారణమని విద్యార్థి సంఘాలు ఆరోపిస్తున్నాయి. వీరిని నియంత్రించకుండా చేష్టలుడిగిన ప్రభుత్వ తీరుకు నిరసనగా.. రాష్ట్రాల్లో ఈరోజు ప్రైవేటు విద్యాసంస్థలను బంద్‌ చేయించాయి. ఒత్తిడి పెరుగుతుండడంతో.. తెలుగు రాష్ట్రాల ప్రభుత్వాలు దిద్దుబాటు చర్యలకు శ్రీకారం చుట్టాయి. 
వరుస ఆత్మహత్యలు తీవ్ర ఆందోళన
తెలుగు రాష్ట్రాల్లో విద్యార్థుల వరుస ఆత్మహత్యలు తీవ్ర ఆందోళనను కలిగిస్తున్నాయి. కన్నవారికి తీరని కడుపుకోతను మిగులుస్తున్నాయి. ప్రైవేట్‌ కాలేజీల్లో.. ఎక్కడో ఓ చోట ప్రతిరోజూ విద్యార్థుల సూసైడ్స్‌ జరుగుతూనే ఉన్నాయి. ర్యాంకుల వేటలో బలవంతపు చదువులు రుద్దడమే దీనికి కారణమన్న భావన వ్యక్తమవుతోంది. ప్రైవేటు యాజమాన్యాల తీరుకు.. వారిని నియంత్రించలేని ప్రభుత్వాల వైఖరిని నిరసిస్తూ.. విద్యార్థి సంఘాలు.. సోమవారం, తెలుగు రాష్ట్రాల్లో ప్రైవేటు విద్యాసంస్థలను బంద్‌ చేయించాయి. స్వేచ్ఛావాతవరణంలో చదువులు సాగేలా.. కార్పొరేట్‌ కాలేజీలను ఆదేశించాలని విద్యార్థి సంఘాల నేతలు డిమాండ్‌ చేశారు. 
విద్యాసంస్థల బంద్ ప్రశాంతం 
విద్యార్థుల ఆత్మహత్యలను నిరసిస్తూ విద్యార్థి సంఘాల నేతలు తలపెట్టిన విద్యాసంస్థల బంద్ విజయవాడలో ప్రశాంతంగా కొనసాగింది. కృష్ణాజిల్లాలో 10 రోజుల్లో 7 మందికి పైగా విద్యార్థులు ఆత్మహత్యలు చేసుకోవడంపై విద్యార్ధి సంఘాలు ఆగ్రహం వ్యక్తం చేశాయి. మంత్రులు  నారాయణ, గంటా శ్రీనివాసరావులను తక్షణమే బర్తరఫ్‌ చేయాలని, ఆత్మహత్యలపై సిట్టింగ్ జడ్జితో విచారణ జరిపించాలని విద్యార్థి సంఘాల నేతలు డిమాండ్ చేశారు. ప్రభుత్వం చర్యలు తీసుకోకపోతే ఉద్యమాన్ని ఉద్ధృతం చేస్తామని హెచ్చరించారు. తెలంగాణలోనూ విద్యార్థి సంఘాలు ప్రైవేటు, కార్పొరేట్‌ కాలేజీల బంద్‌ పాటించాయి. అటు విశాఖలోనూ విద్యార్థి సంఘాలు కదం తొక్కాయి. జనసేన విద్యార్థి విభాగం ఆధ్వర్యంలో ధర్నాకు దిగాయి. విద్యార్థులు పెద్ద సంఖ్యలో చనిపోతున్నా... సర్కార్‌ స్పందించడం లేదని విద్యార్థి సంఘాల నేతలు ఆగ్రహం వ్యక్తం చేశారు. విద్యాశాఖ మంత్రి గంటా తన వియ్యంకుడి కాలేజీలపై చర్యలు తీసుకునేందుకు ఎందుకు భయపడుతున్నారని ప్రశ్నించారు. 
ఇరు రాష్ట్రాల ప్రభుత్వాల్లో కదలిక
విద్యార్థి సంఘాల ఆందోళనతో ఇరు రాష్ట్రాల ప్రభుత్వాల్లో కదలికవచ్చింది. అమరావతిలో విద్యాశాఖ అధికారులతో సీఎం చంద్రబాబు సమావేశమయ్యారు. ప్రైవేటు కాలేజీలు వ్యవహరిస్తున్న తీరుపై తీవ్ర అసహనం వ్యక్తం చేశారు. కాలేజీల్లో విద్యార్థుల ఆత్మహత్యల నివారణకు తీసుకోవాల్సిన చర్యలపై చర్చించారు. ఇందులో భాగంగా, 10వ తరగతి, సీబీఎస్‌ఈలో ఉన్న గ్రేడింగ్‌ విధానాన్ని ఇంటర్‌లోనూ ఈ ఏడాది నుంచే ప్రవేశపెట్టాలని  నిర్ణయించారు. వీటితో పాటు..విద్యార్థుల ఆత్మహత్యల నివారణకు అధికారులు, ప్రైవేటు కాలేజీ అసోసియేషన్‌ సభ్యులు విద్యార్థి సంఘాల నాయకులతో కమిటీని ఏర్పాటు చేయాలని నిర్ణయించారు. 2012 నుంచి ఇప్పటివరకు 35 మంది విద్యార్థులు చనిపోయినట్లు ప్రభుత్వం అధికారికంగా వెల్లడించింది. ఈ ఆత్మహత్యలు కూడా అత్యధికంగా నారాయణ, చైతన్య కాలేజీల్లోనే జరిగాయన్న వాస్తవాన్నీ ప్రభుత్వం అంగీకరించింది. 

 

21:11 - October 16, 2017

వరుసగా ఒకరి తర్వాత మరొకరు.. కన్నవారికి కన్నీళ్లు మిగులుస్తున్నారు.. బంగారు భవిష్యత్తును కాదనుకుని వెళ్లిపోతున్నారు.. ఏ ఒత్తిడి ఆ చిన్నారులను చిదిమేస్తోంది? ఏ భారం వారిని ఆత్మహత్య దిశగా నెడుతోంది? మార్కుల వేటలో,  ర్యాంకుల గోలలో కార్పొరేట్ విద్యా సంస్కృతి చిన్నారుల చావులకు కారణమౌతోందా? ప్రభుత్వాన్నా, తల్లిదండ్రుల్నా, కార్పొరేట్ విద్యావ్యవస్థనా ఎవర్ని బాధ్యుల్ని చేయాలి? ఇదే ఈ రోజు వైడాంగిల్ స్టోరీ...
చిన్నారుల ఉసురు తీస్తున్న చదువుల నిలయాలు  
చదువంటే ఉత్సాహం.. చదువంటే ఉత్తేజం..చదువంటే భవిష్యత్తు కోసం ఈ రోజు చేసే తపస్సు...కానీ, ఈ చదువుల నిలయాలు చిన్నారుల ఉసురు తీస్తున్నాయి. అనేక కారణాలతో విద్యార్థులు నలిగిపోతున్నారు..  ప్రాణాలు తీసుకుంటున్నారు..  ఇల్లు వదిలిపోతున్నారు.. మరిన్ని వివరాలను వీడియోలో చూద్దాం...

 

21:03 - October 16, 2017

కార్పొరేట్ కాలేజీల యాజమాన్యాలు పెట్టే ఒత్తిడి, వేధింపుల వల్లే విద్యార్థులు ఆత్మహత్యలకు పాల్పడుతున్నారని వక్తలు అభిప్రాయపడ్డారు. విద్యార్థుల ఆత్మహత్యలు అనే అంశంపై నిర్వహించిన చర్చా కార్యక్రమంలో శారద ఎడ్యుకేషనల్ సొసైటీ జనరల్ మేనేజర్ జీవీఆర్, యూటీఎఫ్ రాష్ట్ర అధ్యక్షులు బాబురెడ్డి, మానసిక నిపుణులు పీఎస్ రావు పాల్గొని, మాట్లాడారు. మరిన్ని వివరాలను వీడియోలో చూద్దాం...

 

19:28 - October 16, 2017

గుంటూరు : విద్యార్థులను రోబోలుగా మార్చే కార్పోరేట్‌ విద్యా విధానాన్ని ఎట్టి పరిస్థితుల్లోనూ సహించేది లేదని ఆంధ్రప్రదేశ్‌ ముఖ్యమంత్రి చంద్రబాబు నాయుడు హెచ్చరించారు. ప్రైవేటు కళాశాలకు స్వీయ నియంత్రణ ఉండాలని, విద్యార్థులను వేధించే పద్ధతులను తక్షణం వదిలిపెట్టాలని ఆదేశించారు. నిబంధనలు ఉల్లంఘించిన కళాశాలలపై కఠినచర్యలు తీసుకుంటామని హెచ్చరించారు. ఇటీవల ప్రైవేటు కళాశాలల్లో విద్యార్థులు ఆత్మహత్యలకు పాల్పడుతున్న నేపథ్యంలో కళాశాల యాజమాన్యాలతో సీఎం సమీక్ష నిర్వహించారు. విద్యార్థులను రోజులో 18 గంటలు చదువుకే పరిమితం చేయడాన్ని మార్చాలని సూచించారు. ఇంటర్‌లో ర్యాంకులు ఎత్తివేసి గ్రేడింగ్‌ విధానం తీసుకురావాలని ఆదేశించారు. విద్యార్థులను ర్యాంకుల కోసం వేధించొద్దని సూచించారు. నెలకోసారి కమిటీతో, మూడు నెలలకోసారి కళాశాలల ప్రతినిధులతో సమీక్షా సమావేశం ఏర్పాటు చేయనున్నట్లు తెలిపారు. పిల్లల్లో ఒత్తిడిని తగ్గించే దిశగా కళాశాలకు ఆదేశాలిచ్చినట్లు మంత్రి గంటా శ్రీనివాసరావు తెలిపారు. విద్యార్థుల ఆత్మహత్యల నివారణకు అధికారులు, ప్రైవేటు కాలేజీ అసోసియేషన్‌ సభ్యులు విద్యార్థి సంఘాల నాయకులతో కమిటీని ఏర్పాటు చేశామని తెలిపారు.

19:05 - October 16, 2017

గుంటూరు : అమరావతిలో విద్యాశాఖ అధికారులతో ముఖ్యమంత్రి చంద్రబాబు సమావేశం ముగిసింది. ప్రైవేటు కాలేజీలు వ్యవహరిస్తున్న తీరుపై చంద్రబాబు తీవ్ర అసహనం వ్యక్తం చేశారు. కాలేజీల్లో విద్యార్థుల ఆత్మహత్యల నివారణకు కొన్ని నిర్ణయాలు తీసుకున్నామని మంత్రి గంటా తెలిపారు. 10వ తరగతి, సీబీఎస్‌ఈలో ఉన్న గ్రేడింగ్‌ విధాన్ని ఇంటర్‌లో ఈ ఏడాది నుంచే అమలు చేయాలని నిర్ణయించామని తెలిపారు. వీటితో పాటు..  విద్యార్థుల ఆత్మహత్యల నివారణకు అధికారులు, ప్రైవేటు కాలేజీ అసోసియేషన్‌ సభ్యులు విద్యార్థి సంఘాల నాయకులతో కమిటీని ఏర్పాటు చేశామని తెలిపారు.

 

17:29 - October 16, 2017

గుంటూరు : అమరావతిలో విద్యాశాఖ అధికారులతో ముఖ్యమంత్రి చంద్రబాబు సమావేశం ముగిసింది. ప్రైవేటు కాలేజీలు వ్యవహరిస్తున్న తీరుపై చంద్రబాబు తీవ్ర అసహనం వ్యక్తం చేశారు. కాలేజీల్లో విద్యార్థుల ఆత్మహత్యల నివారణకు కొన్ని నిర్ణయాలు తీసుకున్నామని మంత్రి గంటా తెలిపారు. 10వ తరగతి, సీబీఎస్‌ఈలో ఉన్న గ్రేడింగ్‌ విధాన్ని ఇంటర్‌లో ఈ ఏడాది నుంచే అమలు చేయాలని నిర్ణయించామని తెలిపారు. వీటితో పాటు..  విద్యార్థుల ఆత్మహత్యల నివారణకు అధికారులు, ప్రైవేటు కాలేజీ అసోసియేషన్‌ సభ్యులు విద్యార్థి సంఘాల నాయకులతో కమిటీని ఏర్పాటు చేశామని తెలిపారు. 2012..17 వరకు 35 మంది విద్యార్థులు చనిపోయారని తెలిపారు. ఎక్కువగా నారాయణ, చైతన్య కాలేజీల్లోనే ఆత్మహత్యలు జరిగాయని పేర్కొన్నారు. ఇంటర్‌లో గ్రేడింగ్‌ అమలు వల్ల ఇబ్బందులు రాకుండా చర్యలు తీసుకుంటామన్నారు. 

Pages

Don't Miss

Subscribe to RSS - amaravati