amaravati

20:05 - June 23, 2017

గుంటూరు : అక్కడ ఇంటి కిరాయి ఎంతో చెబితే ఎవ్వరికైనా గుండె గుభేల్‌ మంటుంది.. నిత్యావసరాల ధరలు చూస్తే నిద్రే పట్టదు.. ప్రతి సరుకు రేటు సామాన్యులకు సమస్యలు సృష్టిస్తోంది.. మెట్రో నగరాల్లోకంటే ఎక్కువగాఉన్న ధరలు చుక్కలు చూపిస్తున్నాయి.. అమరావతిలో పెరిగిన కాస్ట్‌ ఆఫ్ లివింగ్‌ ఖర్చులతో అక్కడికి రావాలంటేనే ఉద్యోగులు, వ్యాపారులూ వణికిపోతున్నారు.. 
సామాన్యుల జీవనం మరింత కష్టం
ఏపీ రాజధాని అమరావతి పరిసర ప్రాంతాల్లో సామాన్యుల జీవనం మరింత కష్టమైపోయింది.. కాస్ట్‌ ఆఫ్ లివింగ్ పెరిగిపోయి అక్కడ ఉండాలంటేనే భయపడే పరిస్థితి ఏర్పడింది.. ప్రభుత్వ, ప్రైవేటు ఉద్యోగులేకాదు.. బడా వ్యాపారులుసైతం ఇక్కడి ధరలు చూసి వణికిపోతున్నారు.. 
నిత్యావసరాలకు రెట్టింపు ధరలు
సాధారణంగా మెట్రోపాలిటన్‌ నగరాల్లో ఇంటి అద్దెలు ఎక్కువగా ఉంటాయి.. అమరావతిలోమాత్రం అంతకంటే ఎక్కువ ధరలు జనాల్ని బెంబేలెత్తిస్తున్నాయి.. ఉండవల్లి, తాడేపల్లిలో మామూలు డబుల్‌ బెడ్‌ రూం ఇళ్ల రెంట్‌ పదివేలరూపాయలకు పైమాటే ఉంది.. మందడం, తూళ్లూరు గ్రామాల్లో 12నుంచి 15వేల రూపాయలు పలుకుతోంది.
రాజధాని ప్రకటన తర్వాత అన్ని ధరలూ పెంపు 
అమరావతి రాజధాని కాకముందు ఇక్కడ అద్దెలు మామూలుగానే ఉండేవి.. రాజధాని ప్రకటన తర్వాత అన్ని ధరలూ పెరిగిపోయాయి.. నిత్యావసరాల విషయంలోనూ అదే పరిస్థితి ఉంది.... విజయవాడ రైతు బజార్‌నుంచి తక్కువ ధరకు కూరగాయలు తెచ్చి అమరావతి పరిసర ప్రాంతాల్లో రెట్టింపు ధరలకు అమ్ముతున్నారు వ్యాపారులు.. హొటల్స్, కూల్‌డ్రింక్స్, పాలు ఇలా ఏది ముట్టుకున్నా రేట్లు మండిపోతున్నాయి.. నిత్యావసరాల్ని ఇక్కడ కొనలేక.. సిటీకి వెళ్లి తెచ్చుకోలేక జనాలు అవస్థలు అనుభవిస్తున్నారు.. ధరలుచూసి ఇక్కడికి రావాలంటేనే వణికిపోతున్నారు.. 
పెరిగిన అద్దెలు, ఖర్చులతో స్థానికుల ఇబ్బంది   
పెరిగిన అద్దెలు, ఖర్చులు స్థానికులనూ ఇబ్బంది పెడుతున్నాయి.. ముఖ్యంగా పేద, మధ్య తరగతి ప్రజలకు ఈ రేట్లు తలకుమించినభారంగా మారాయి.. హైదరాబాద్‌నుంచి వచ్చిన ఉద్యోగులూ ఈ రేట్లుచూసి టెన్షన్ పడుతున్నారు.. ఈ సమస్యను గతంలో ఉద్యోగులు సీఎం దృష్టికితెచ్చారు.. దీనిపై స్పందించిన చంద్రబాబు ఇష్టానుసారంగా అద్దెలుపెంచితే రెంటల్‌ యాక్ట్‌ తీసుకొస్తామని అన్నారు.. అయితే అది ఇప్పటివరకూ అమల్లోకి రాలేదు. ఏ ప్రాంతమైనా అభివృద్ధి చెందాలంటే అక్కడ అన్ని సౌకర్యాలు మామూలు ధరలకు లభించాలి.. సగటు మనిషి జీవించే స్థాయిలో వసతులు లేకపోతే ఏం చేసినా ప్రయోజనం ఉండదు.. ప్రభుత్వం ఇప్పటికైనా అమరావతిలో కాస్ట్‌ ఆఫ్‌ లింవింగ్‌పై దృష్టిపెట్టాల్సిన అవసరమెంతైనా ఉంది.

 

15:22 - June 23, 2017

గుంటూరు : జీఎస్టీ అమలు వల్ల రాష్ట్రానికి రూ.2900 కోట్ల రెవెన్యూ నష్టం వాటిల్లుతుందని ఏపీ ఆర్థికమంత్రి యనమల రామకృష్ణుడు అన్నారు. రెవెన్యూ నష్టపరిహారం కేంద్రం ఇస్తుందని భావిస్తున్నట్లు చెప్పారు. ఈమేరకు ఆయన అమరాతిలో మీడియాతో మాట్లాడారు. ఈనెల 30 అర్ధరాత్రి నుంచి వాణిజ్య పన్నుల శాఖకు చెందిన అన్ని చెక్‌పోస్టులను తొలగిస్తామన్నారు. పోలవరం ప్రాజెక్టు, టీటీడీని జీఎస్టీ నుంచి మినహాయించాలని వచ్చే కౌన్సిల్‌లో కోరుతామని యనమల అన్నారు. ఎరువులు, ట్రాక్టర్లు, హ్యాండ్లూమ్స్‌, ప్రాంతీయ సినిమాలు, పొగాకు, ప్లాస్టిక్,కాటన్, పంచదారపై పన్ను తగ్గించాలని ప్రతిపాదిస్తామన్నారు. 

 

09:12 - June 21, 2017

విజయవాడ : అంతర్జాతీయ యోగా దినోత్సవం సందర్భంగా విజయవాడలో యోగా వేడుకలు జరిగాయి. ఏపీ సీఎం చంద్రబాబు నాయుడు యోగా శుభాకాంక్షలు తెలియచేశారు. ఏ 1 కన్వెన్షన్ సెంటర్ లో యోగా డేలో సహచర మంత్రులతో బాబు యోగాసనాలు చేశారు. ఈ సందర్భంగా బాబు మాట్లాడుతూ..యోగా భారతదేశానికి పరమితమని తెలిపారు. కానీ ప్రధాన మంత్రి నరేంద్ర మోడీ 2014 ఐక్య రాజ్యసమితిలో యోగా విషయాన్ని ప్రతిపాదించడం జరిగిందన్నారు. ప్రపంచ మానవాళికి ఉపయోగ పడుతుందని చెప్పడంతో 177 దేశాల్లో యోగాసనాల కార్యక్రమాలు జరుగుతున్నాయన్నారు. యోగా వల్ల మనస్సు, శరీరం రెండూ సమన్వయం చేసుకుంటాయని, దివ్యమైన జీవితం గడపడానికి యోగా దోహద పడుతుందన్నారు.

08:44 - June 21, 2017

హైదరాబాద్ : నేడు అంతర్జాతీ యోగా దినోత్సవం. ఈ సందర్భంగా ప్రపంచ వ్యాప్తంగా ఘనంగా యోగా వేడుకలు జరుగుతున్నాయి. దేశ రాజధానితో పాటు తెలుగు రాష్ట్రాల్లో వేడుకల్లో ప్రముఖులు పాల్గొన్నారు. గచ్చిబౌలి స్టేడియంలో తెలంగాణ ప్రభుత్వం ఆయూష్ ఆధ్వర్యంలో అంతర్జాతీయ యోగా డే వేడుకలు జరిగాయి. యోగా వేడుకలను డిప్యూటి సీఎం ఆలీ ప్రారంభించారు. మంత్రులు లక్ష్మారెడ్డి, మహేందర్ రెడ్డిలు పాల్గొన్నారు. ఢిల్లీలోని సెంట్రల్‌పార్క్‌లో యోగా కార్యక్రమాలు జరుగుతున్నాయి. లక్నోలో ఘనంగా అంతర్జాతీయ యోగా దినోత్సవ వేడుకలు ప్రారంభయ్యాయి. యోగా వేడుకల్లో ప్రధాని మోడీ, సీఎం యోగి ఆదిత్య నాథ్ పాల్గొన్నారు. లక్నోలో ఒకేసారి 55 వేల మందితో యోగాసనాలు చేశారు. ఉదయం 6.30 గంటలకు మొదలయ్యే ఈ కార్యక్రమం 80 నిమిషాలపాటు కొనసాగింది. ఏ కన్వెన్షన్ సెంటర్ జరిగిన యోగా వేడుకల్లో సీఎం చంద్రబాబు నాయుడు పాల్గొని యోగాసనాలు చేశారు. ప్రపంచవ్యాప్తంగా పలు దేశాల్లో యోగాడేను సెలబ్రేట్‌ చేసుకోడానికి అభిమానులు సిద్ధం అయ్యారు. అమెరికా, ఇంగ్లండ్‌ తోపాటు ప్రపంచ ప్రసిద్ద చైనాగోడపై కూడా యోగాడే ను ఘనంగా జరుపుకోనున్నారు. మరి నేతలు..ఇతరులు యోగాసనాలు ఎలా చేశారో చూడాలంటే వీడియో క్లిక్ చేయండి.

06:57 - June 21, 2017

విజయవాడ : ఎన్నికల మేనిఫెస్టోలో చెప్పిన విధంగా మంచినీటిని అందిస్తున్నామని.. దీన్ని ప్రజలంతా వినియోగించుకోవాలని ఏపీ సీఎం చంద్రబాబునాయుడు అన్నారు. రాజధాని ప్రాంతంలో 29 గ్రామాలకు మంచినీరు అందించే మదర్ ఫ్లాంట్‌ను ముఖ్యమంత్రి చంద్రబాబు నాయుడు ప్రారంభించారు. అమరావతి ప్రాంత ప్రజలకు రక్షిత మంచినీరు అందించేందుకు వెంకటపాలెంలో.. ఏర్పాటు చేసిన ఎన్‌టీఆర్‌ సుజల పథకాన్ని సీఎం చంద్రబాబునాయుడు ప్రారంభించారు. ఎన్టీఆర్ ట్రస్ట్ సహకారంతో మూడు కోట్ల రూపాయలు ఖర్చు చేసి ఈ ప్లాట్‌ను నిర్మించారు. ఈ సందర్భంగా ప్లాంట్‌ ఏర్పాటుకు సహకరించిన వారిని చంద్రబాబు సన్మానించారు. సీఎస్‌ఆర్‌ నిధులను ఈ ప్లాంట్‌ కోసం ఖర్చు పెట్టిన మెగా కృష్ణారెడ్డి, హెటిరో పార్థసారధి రెడ్డిని ఆయన అభినందించారు.

ఐవోటో టెక్నాలజీ..
ఎన్‌టీఆర్‌ సుజల పథకం ద్వారా అందరికి 2 రూపాయలకే 20 లీటర్ల తాగునీరు అందుతుందని సీఎం సీఎం చంద్రబాబు అన్నారు. ఐవోటీ టెక్నాలజీని ఉపయోగించి వెంకటపాలెంలో ప్లాంట్‌ను ఏర్పాటు చేశారన్నారు. ఎన్‌టీఆర్‌ సుజల పథకం కింద ప్లాంట్‌ల ఏర్పాటుకు మరికొన్ని సంస్థలు ముందుకొచ్చాయని...త్వరలో తొమ్మిది ప్లాంట్లను పెట్టబోతున్నామని చంద్రబాబు చెప్పారు. కిడ్ని బాధితులు ఎక్కువగా ఉన్న ఉద్దానం, కనిగిరిల్లో ఏర్పాటు చేస్తామన్నారు. అలాగే రాజధాని నిర్మాణం త్వరితగతిన జరుగుతోందని.. త్వరలోనే శాశ్వత సెక్రటేరియట్‌ నిర్మాన పనులను ప్రారంభించనున్నట్టు వెల్లడించారు. ఈ కార్యక్రమంలో మంత్రులు లోకేష్, ప్రత్తిపాటి పుల్లారావు, నారాయణ, ఆనందబాబు, ఎంపీలు రాయపాటి, గల్లాజయదేవ్ తదితరులు పాల్గొన్నారు.

15:52 - June 20, 2017

అమరావతి: రెండు రూపాయలకే 20 లీటర్ల మంచినీరు అందించే ఎన్టీఆర్‌ సుజల పథకాన్ని ఏపీ సీఎం చంద్రబాబు అమరావతిలోని వెంకటపాలెంలో ప్రారంభించారు. ఈ పథకంతో తొలిదశలో 29 గ్రామాలకు లబ్ది చేకూరుతుందన్నారు. ఎన్నికల మేనిఫెస్టోలో చెప్పిన విధంగా మంచినీటిని అందిస్తున్నామని.. దీన్ని ప్రజలంతా వినియోగించుకోవాలని చంద్రబాబు అన్నారు. ఈ మంచినీటి పథకానికి మెగా గ్రూప్‌కు చెందిన కృష్ణారెడ్డి, హెటిరో కంపెనీకి చెందిన పార్థసారథిరెడ్డి దాతలుగా ముందుకు వచ్చినందుకు వారిని సీఎం అభినందించారు.  

13:50 - June 20, 2017
11:49 - June 20, 2017

గుంటూరు : ఏపీలో ఐపీఎస్‌ల బదిలీల లిస్ట్‌ రెడీ అయింది. బదిలీల నేపథ్యంలో ఐపీఎస్‌లతో సీఎం చంద్రబాబు ప్రత్యేక సమావేశం నిర్వహిస్తున్నారు. ఎస్పీలు, రేంజ్‌ డిజీలు, జోనల్‌ ఐజీలతో ముఖాముఖిగా మాట్లాడనున్నారు. అధికారుల సమర్ధత, పని తీరుపైన నివేదిక తెప్పించుకున్నారు. భేటీ అనంతరం బదిలీల జాబితాను విడుదల చేసే అవకాశం ఉంది. 

08:44 - June 20, 2017

గుంటూరు : రాష్ట్ర ప్రజల సమస్యలను తెలుసుకునేందుకు ప్రతి సోమ, గురువారం ఏపీ ప్రభుత్వం గ్రీవెన్స్‌ డే నిర్వహిస్తోంది. సమస్యలను ప్రజల నుంచి అధికారులు నేరుగా తెలుసుకోవడం, వాటిని పరిష్కరించాలన్న సదుద్దేశంతో ఏపీ ప్రభుత్వం గ్రీవెన్స్‌ డే నిర్వహిస్తోంది. ప్రతివారం దీన్ని నిర్వహించాలని సీఎం చంద్రబాబు ఆదేశించారు. దీంతో వారంలోని ఈ రెండు రోజుల్లో తమ కష్టాలను చెప్పుకునేందుకు వెలగపూడిలోని సచివాలయానికి ప్రజలు ఎక్కడెక్కడి నుంచో వస్తున్నారు. తమ కష్టాలు తీరుతాయన్న భరోసాతో వ్యవప్రయాసల కోర్చి వస్తున్నారు. రాష్ట్రం నలుమూలల నుంచి సచివాలయానికి వస్తున్న ప్రజల ఆశలు అడియాసలే అవుతున్నాయి. ప్రజల సమస్యలు తెలుసుకోవడానికి అధికారులుకానీ... మంత్రులుగానీ ఉండడం లేదు. ప్రజలకు వారు సమయమే కేటాయించడం లేదు. ఇవాళ మంత్రి కొల్లు రవీంద్ర తప్ప మరో మంత్రి సచివాలయానికి రాలేదు. దీంతో వివిధ ప్రాంతాల నుంచి సమస్యలు చెప్పుకుందామని ఆశపడ్డ ప్రజలకు నిరాశే మిగిలింది.

నిరాశకు గురౌతున్న ప్రజలు
ప్రభుత్వం ప్రతి సోమ, గురువారాలను గ్రీవెన్స్‌డేగా ప్రకటించడంతో ప్రజలు సచివాలయానికి వస్తున్నారు. సుదూరు ప్రాంతాల నుండి వచ్చేవారు ముందురోజు రాత్రే సచివాలయానికి చేరుకుంటున్నారు. శ్రీకాకుళం నుండి వెలగపూడికి వచ్చి సమస్యను చెప్పుకోవడానికి ఒకపేదవాడికి కనీసం ఎంత తక్కువ వేసుకున్న 1000 రూపాయలు ఖర్చవుతుంది. మంత్రులు అందుబాటులో లేకపోవడంతో, మళ్లీ అతను సచివాలయానికి తిరిగి రావాలంటే సాధ్యం అయ్యే పని కాదు . ఇలా అనేక మంది పూట గడవకపోయినా, సమస్య పరిష్కారం అవుతుందనే ఆశతో సచివాలయానికి వస్తారు. కాని మంత్రులు మాత్రం సామాన్య ప్రజల పట్ల నిర్లక్ష్యంగా వ్యవహరిస్తున్నారు. మంత్రులను కలవడానికి ఎంతో ఖర్చు పెట్టి వచ్చామని....కాని అధికారులు లోపలికి రానివ్వకుండా తోసేస్తున్నారని గుంటూరు నుండి వచ్చిన బాధితులు చెబుతున్నారు. ఇప్పటికి అనేక సార్లు సచివాలయానికి వచ్చామని , కాని ఎప్పుడు వచ్చిన పోలీస్ లు అనుమతి ఇవ్వడం లేదని ఓ వృద్ధురాలు ఆవేదన చెందుతోంది.

సొంత జిల్లా కూడా అంతే
సీఎం సొంత జిల్లా చిత్తూరు నుండి వచ్చిన బాధితులది మరో గోడు. జిల్లాకు సీఎం వస్తే సమస్యలు చెప్పుకుందామని ఎదురుచూశామని... అయితే చంద్రబాబు జిల్లాకు రాకపోవడంతో సచివాలయానికి వచ్చామన్నారు. ఎంతో ఖర్చు పెట్టి చిత్తూరు నుండి వస్తే , పోలీసులు చులకనగా చూస్తున్నారని... బాధ్యతాహిత్యంగా వ్యవహరిస్తూ తమను కనీసం సచివాలయంలోకి కూడా పోనివ్వడంలేదని ఆవేదన వ్యక్తం చేస్తున్నారు. ఒంగోలు నుండి తాము ఇప్పటికీ 7 సార్లు వచ్చినా ఒక్కసారి కూడా పోలీసులు లోపలికి పంపడం మరికొంతమంది చెబుతున్నారు. ఓట్ల కోసం ఇంటింటికి వచ్చిన నాయకులు ఇప్పుడు కనీసం తమను పట్టించుకోవడం లేదంటూ ఆగ్రహం వ్యక్తం చేశారు.అధికారుల ఆంక్షలు, మంత్రుల గైర్హాజరుతో... ఏపీ ప్రభుత్వం ఏర్పాటు చేసిన గ్రీడెన్స్‌ డే లక్ష్యం నీరుగారుతోంది. ఇప్పటికైనా సీఎం చంద్రబాబు.. దీనిపై దృష్టిపెట్టి... గ్రీవెన్స్‌ డేలో ప్రజల సమస్యలు తీరేలాచర్యలు తీసుకోవాలని ప్రజలు కోరుతున్నారు.

08:55 - June 14, 2017

గుంటూరు : ముఖ్యమంత్రి చంద్రబాబునాయుడు అధ్యక్షతన వెలగపూడిలోని సచివాలయంలో రాష్ట్ర పెట్టుబడుల ప్రోత్సాహక మండలి సమావేశం జరిగింది. వివిధ శాఖల మంత్రులు, ప్రభుత్వ ఉన్నతాధికారులు హాజరైన ఈ భేటీలో రెండేళ్లలో వివిధ పారిశ్రామిక సంస్థలతో ప్రభుత్వం కుదుర్చుకున్న ఎంవోయులు, వచ్చిన పెట్టుబడులను సమీక్షించారు. ప్రపంచ వ్యాప్తంగా టెక్నాలజీ రంగంలో వస్తున్నఅనూహ్య పరిణామాలతో ఇంథన రంగంలో వస్తున్న మార్పులను చంద్రబాబు ప్రస్తావించారు. సౌర విద్యుత్‌ ఉత్పత్తి గణనీయంగా పెరుగుతోండటంతో కరెంటు చార్జీలు తగ్గుతున్న విషయాన్ని గుర్తు చేశారు. ఇందుకు అనుగుణంగా పరిశ్రమలకు సరఫరా చేసే విద్యుత్‌కు రాయితీలు ఉండాలని ముఖ్యమంత్రి ఆదేశించారు. పారిశ్రామీకరణతోనే ఉపాధి అవకాశాలు మెరుగుపడతాయని, అనుమతులకు ఏకగవాక్ష విధానాన్ని అమలు చేయాలని కోరారు. మొత్తం 3,808 కోట్ల రూపాయల పెట్టుబడి ప్రతిపాదనలతో ఆరు మెగా పారిశ్రామిక ప్రాజెక్టులకు ఎస్‌ఐపీబీ ఆమోదం తెలిపిన అంశాన్ని అధికారులు చంద్రబాబు దృష్టికి తెచ్చారు. వీటి ద్వారా 5,325 మంది ఉద్యోగాలు లభిస్తాయని లెక్కకట్టారు. కేసీపీ, చెట్టినాడ్‌ సిమెంట్‌, రెయిన్‌ గ్రూపు, మోహన్ స్పిన్‌టెక్‌ ఇండియా, ఇండో కౌంట్‌ ఇండస్ట్రీస్‌, విశ్వ అప్పెరల్స్‌ సంస్థలు వీటిలో ఉన్నాయి. కేసీపీ సంస్థ కృష్ణా జిల్లా జగ్గయ్యపేట మండలం ముక్త్యాల దగ్గర వంద ఎకరాల్లో సిమెంటు ఉత్పత్తి ప్లాంటు ఏర్పాటు చేస్తోంది. 531.61 కోట్ల పెట్టుబడితో నెలకొల్పే ఈ కంపెనీ ద్వారా వంద మందికి ప్రత్యక్షంగా, 1900 మందికి పరోక్షంగా ఉపాధి లభిస్తుంది. ఎస్‌ఐపీబీ ఆమోదం తెలిపిన కంపెనీలు సాధ్యమైనంత త్వరగా పనులు చేపట్టే విధంగా చర్యలు తీసుకోవాలని చంద్రబాబు అధికారులను ఆదేశించారు

వంద ఎకరాల్లో యూనిట్‌
కృష్ణా, గుంటూరు జిల్లాల్లో ఒకచోట వంద ఎకరాల్లో యూనిట్‌ ఏర్పాటుకు ఇండో-కౌంట్‌ ఇండస్ట్రీస్‌ ముందుకొచ్చింది. 250 కోట్ల పెట్టుబడితో ఏర్పాటుచేసే ఈ వస్త్ర మిల్లు ద్వారా 2,600 మంది ఉపాధి లభిస్తుందని అంచనా వేస్తున్నారు. 2018 నాటికి ఉత్పత్తి ప్రారంభించేలా చర్యలు తీసుకోవాలని చంద్రబాబు అధికారులను ఆదేశించారు. మోహన్‌ స్పిన్‌టెక్స్‌ కృష్ణా జిల్లా బాపులపాడు మండలం మల్లవల్లిలో 611 కోట్ల రూపాయల పెట్టుబడితో దుస్తుల తయారీ యూనిట్‌ను ఏర్పాటు చేయడానికి ముందుకు వచ్చింది. దీని వలన రెండు వేల మందికి ఉపాధి లభిస్తుంది. ఐటీ రంగంలో హెచ్‌సీఎల్‌ టెక్నాలజీస్‌ 700 కోట్ల రూపాయల పెట్టుబడి పెట్టడానికి ముందుకు చ్చింది. దీని ద్వారా 7,500 మందికి ఉపాధి లభిస్తుందని లెక్క వేశారు. విశాఖలో జరిగిన రెండు భాగస్వామ్య సదస్సుల్లో కుదుర్చుకున్న అవగాహన ఒప్పందాల్లో ఎన్ని కార్యరూపందాల్చాయన్న అంశంపై కూడా చంద్రబాబు సమీక్షించారు. రాష్ట్రంలో నెలకొల్పే పరిశ్రమల్లో స్థానిక యువతకు ఉద్యోగాలు లభించే విధంగా నైపుణ్య శిక్షణ ఇవ్వాలని చంద్రబాబు అధికారులను ఆదేశించారు. 

Pages

Don't Miss

Subscribe to RSS - amaravati