anantapur

13:44 - July 19, 2018

అనంతపురం : ఎంపీ జేసి దివాకర్‌ రెడ్డి మరోసారి సంచలన వ్యాఖ్యలు చేశారు. ఓవైపు కేంద్రంపై అవిశ్వాసానికి ఎంపీలంతా రెడీ అవుతుంటే.. తాను పార్లమెంటుకు హాజరు కాబోనని ప్రకటించారు. అవిశ్వాసం తీర్మానం వల్ల కేంద్ర ప్రభుత్వానికి వచ్చిన ముప్పేమి లేదన్నారు. కోట్లాది మంది ప్రజలు రోడ్డు మీదకు వచ్చి నిరనసన తెలుపిన సందర్భాల్లోనే స్పందించని కేంద్రం.. ప్రయోజనం లేని అవిశ్వాసం వల్ల ఎలా స్పందిస్తుందని వ్యాఖ్యానించారు. కేవలం 25 మంది ఎంపీలు అవిశ్వాసంతో ఏం సాధిస్తారని జేసి దివారకర్‌ రెడ్డి ఎద్దేవా చేశారు. 

14:55 - July 15, 2018

అనంతపురం : వేలాది కుటుంబాలు కేబుల్ పరిశ్రమపై ఆధార పడి జీవిస్తున్నాయని ఎంఎస్ వో సంఘం రాష్ట్ర అధ్యక్షుడు మోహన్ పేర్కొన్నారు. జిల్లాలో కేబుల్ ఆపరేటర్ల సమావేశం జరిగింది. ఈ సమావేశంలో పాల్గొన్న ఆయన మాట్లాడుతూ...జీఎస్టీ భారంతో అల్లాడుతుంటే తాజాగా ఫోల్ ట్యాక్స్ విధించడం వల్ల పరిశ్రమకు మరింత భారమౌతుందని తెలిపారు. కేబుల్ ఆపరేటర్లు దినదినగండంగా బతుకుతున్నారని ప్రభుత్వం కేబుల్ పరిశ్రమకు రాయితీలు కల్పించాలని డిమాండ్ చేశారు. జీఎస్టీ, ఫోల్ ట్యాక్స్ విధింపుతో ఆపరేటర్ల పరిస్థితి దయనీయంగా మారిందన్నారు. ప్రజల వినోదం కోసం కేబుల్ పరిశ్రమను నిర్మిస్తున్నాయని, ఇలాంటి పరిశ్రమకు రాయితీలు కల్పించాలని కోరారు. 

12:50 - July 13, 2018

అనంతపురం : తాడిపత్రిలోని గెరడౌ పరిశ్రమ వద్ద ఆందోళన చేపట్టిన సీపీఎం, వైసీపీ నేతలను పోలీసులు అదుపులోకి తీసుకున్నారు. గరుడాయి ఉక్కు పరిశ్రమలో విషవాయువులు లీక్ అయి ఆరుగురు కార్మికులు అక్కడిక్కడే మృతి చెందారు. మరో ఐదుగురి పరిస్థితి విషమంగా వుండటంతో వారిని వెంటనే చికిత్స నిమిత్తం ఆసుపత్రికి తరలించారు. కాగా వారి పరిస్థితి మరింతగా విషమించినట్లుగా తెలుస్తోంది. ఈ నేపథ్యంలో సీఎం చంద్రబాబు ఈ ఘటనపై దిగ్ర్భాంతిని వ్యక్తం చేశారు. దీంతో బాధిత కుటుంబాలను ఆదుకోవాలని డిమాండ్ చేస్తు సీపీఎం, వైసీపీ పార్టీ నేతలు గెరడౌ పరిశ్రమ ముట్టడికి యత్నించటంతో వారిని పోలీసులు అరెస్ట్ చేసి పీఎస్ కు తరలించారు.

11:45 - July 13, 2018

అనంతపురం : తాడిపత్రిలోని గెరడౌ పరిశ్రమ వద్ద తీవ్ర ఉద్రిక్తత నెలకొంది.గెరడౌ ఉక్కు పరిశ్రమలో విషవాయువులు లీక్ అయి ఆరుగురు కార్మికులు అక్కడిక్కడే మృతి చెందారు. మరో ఐదుగురి పరిస్థితి విషమంగా వుండటంతో వారిని వెంటనే చికిత్స నిమిత్తం ఆసుపత్రికి తరలించారు. కాగా వారి పరిస్థితి మరింతగా విషమించినట్లుగా తెలుస్తోంది. ఈ నేపథ్యంలో సీఎం చంద్రబాబు ఈ ఘటనపై దిగ్ర్భాంతిని వ్యక్తం చేశారు. దీంతో బాధిత కుటుంబాలను ఆదుకోవాలని డిమాండ్ చేస్తు సీపీఎం, వైసీపీ పార్టీ నేతలు గెరడౌ పరిశ్రమ ముట్టడికి యత్నించారు. దీంతో పోలీసులు భారీగా మోహరించి వారిని అడ్డుకున్నారు. దీంతో వారికి పోలీసులకు మధ్య వాగ్వాదం చోటుచేసుకోవటంతో ఉద్రిక్తత నెలకొంది. 

08:14 - July 12, 2018

అనంతపురం : జిల్లాలో జరిగిన రోడ్డు ప్రమాదంలో ఆర్టీసీ డ్రైవర్ మృతి చెందారు. మల్యంకు చెందిన శ్రీనివాసులు ఆర్టీసీ డ్రైవర్ గా విధులు నిర్వహిస్తున్నాడు. రాయదుర్గంలో శ్రీనివాసులు బైక్ పై వెళ్తుండగా అతివేగంగా వస్తున్న ట్రాక్టర్ బైక్ ను ఢీకొట్టింది. దీంతో తీవ్ర గాయాలైన శ్రీనివాసులు మృతి చెందాడు. ట్రాక్టర్ డ్రైవర్ పరారీలో ఉన్నాడు. ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. మృతుని కుటుంబ సభ్యులకు సమాచారం అందించారు. శ్రీనివాసులుకు భార్య, ఇద్దరు పిల్లలు ఉన్నారు. మరిన్ని వివరాలను వీడియోలో చూద్దాం.. 

 

13:44 - July 2, 2018

అనంతపురం : ముఖ్యమంత్రి చంద్రబాబు దగాకోరు రాజకీయాలతోనే రాష్ట్రానికి ప్రత్యేక హోదా రాలేదని వైసీపీ నేతలు విమర్శించారు. చంద్రబాబు వంచనపై గర్జన దీక్ష పేరుతో వైపీసీ ఆధ్వర్యంలో అనంతపురంలో జరిగిన సభలో నాయకులు, కార్యకర్తలు భారీగా పాల్గొన్నారు. నల్లచొక్కాలు, కండువాలతో ధర్నాచేసి, నిరసన వ్యక్తం చేశారు. నాలుగేళ్లు బీజేపీతో అంటకాగిన చంద్రబాబు...ప్రత్యేక హోదాపై ఇప్పుడు నీతులు చెబుతున్నారని వైసీపీ నాయకులు మండిపడ్డారు.

13:38 - July 2, 2018

అనంతపురం : సీపీఎం జాతీయ ప్రధాన కార్యదర్శి సీతారాం ఏచూరి అనంతపురం వచ్చారు. ప్రముఖ స్వాతంత్ర్య సమరయోధుడు, కమ్యూనిస్టు నాయకులు నీలం రాజశేఖర్‌రెడ్డి శతజయంతి ఉత్సవాల్లో పాల్గొనేందుకు అనంతపురం చేరుకున్న ఏచూరికి సీపీఎం నాయకులు, కార్యకర్తలు ఘనస్వాగతం పలికారు. పార్టీ జిల్లా కార్యదర్శి రాంభూపాల్‌ ఏచూరికి పుష్ఫగుచ్చం ఇచ్చి ఆహ్వానించారు. జిల్లాలో పార్టీ పరిస్థితి గురించి సీపీఎం నాయకులను అడిగి ఏచూరి తెలుసుకున్నారు. 

10:59 - July 2, 2018

అనంతపురం : దశాబ్దాల తరబడి నెలకొన్న చుక్కల భూముల వివాదానికి  ఏపి ప్రభుత్వం తెరదింపనుంది.గత మూడురోజులుగా రాష్ట్ర వ్యాప్తంగా గ్రామసభలు నిర్వహిస్తూ భూముల వివాదాలకు చెక్ పెడుతున్నారు. అనంతపురం జిల్లాలో కూడా పెద్ద ఎత్తున చుక్కల భూములున్న నేపథ్యంలో... జాయింట్ కలెక్టర్ స్వయంగా హాజరవుతూ ఎప్పటికప్పుడు సమీక్ష చేస్తూ ఈ వివాదాలకు చెక్ పెట్టేందుకు ప్రయత్నిస్తున్నారు.

కొలిక్కిరాని చుక్కల భూమి సమస్య
అనంతపురం జిల్లా వ్యాప్తంగా వేల ఎకరాలు చుక్కల భూములున్నాయి.వాటి సమస్యల పరిష్కారినికి అనేక ఏళ్లుగా అందరూ ప్రయత్నిస్తున్నప్పటికీ సమస్య కొలిక్కి రాలేదు. గతంలో 22 ఏ లిస్టు పేరుతో సబ్ రిజిష్ట్రార్లకు లిస్టుపంపినా .. అవి నిషేధిత జాబితాలో వుండడంతో రిజిష్ట్రేషన్లు చేయకుండా ఆపేశారు. దీంతో చాలామంది తీవ్రమైన ఇబ్బందులు ఎదుర్కొన్నారు. వీటిపై ప్రభుత్వంపై తీవ్రమైన ఒత్తిడిరావటంతో ఈ సమస్యకు చెక్ పెట్టెందుకు గ్రామస్థాయిలో సభలునిర్వహిస్తున్నారు. ఆయాగ్రామాల్లో వున్న చుక్కల భూముల వివరాలతోపాటు మిగిలిన బంజరు భూముల వివరాలను కూడా ఆయా గ్రామపంచాయతీల్లో ప్రదర్శిస్తున్నారు. రైతులు అర్జీలు ఇస్తే వాటిని అక్కడే మీసేవ ద్వారా ఎంటర్ చేసి నలబైఐదురోజుల్లోపు సమస్యను పరిష్కరిస్తామని అధికారులు చెబుతున్నారు. ఇవే కాకుండా ఇంకా గ్రామంలో ఏవైన సమస్యలున్నా కూడా ఫీల్డ్ విజిట్ చేసి వాటి పరిష్కారినికి కూడా కృషిచేస్తామని తెలిపారు అనంతపురం జాయింట్ కలెక్టర్ డీల్లీరావు.

భూ వివాదాల పరిష్కారం, రిజిస్ట్రేషన్లకు రైతులకు గ్రామాల్లోనే అవకాశం
ఇప్పటికే జిల్లా ప్రజలు పెధ్ద ఎత్తునఈ గ్రామసభలను వినియోగించుకొంటున్నారని అధికారులు అంటున్నారు. ఇప్పటివరకు అనంతపురం జిల్లా వ్యాప్తంగా రెండువేలకు పైగా ఆర్జీలు వచ్చాయని,ఇంకా దాదాపు గా పదిహేనువేలకు పైగా చుక్కల భూములకు సంబంధించి రైతులనుంచి వినతులు వచ్చే అవకాశాలున్నట్లు తెలుస్తోందన్నారు జాయింట్ కలెక్టర్. గ్రామస్థాయి సభలతో పూర్తిస్థాయిలోకాకపోయినా ఎనబైశాతం వరకు భూములకు సంబంధించిన వివాదలు తొలిగిపోయే అవకాశాలు ఉన్నాయని జిల్లా అధికారులు అంటున్నారు. ఇవే కాకుండా అన్ రిజిష్టర్డ్ డాక్యుమెంట్లతో చుక్కల భూములను కొన్నట్లు ఆధారాలు చూపిస్తే వాటిపై కూడా హక్కులు కల్పిస్తున్నట్టు చెబుతున్నారు.

భూ వివాదాల పరిష్కారనికి గ్రామసభలు నిర్వహిస్తున్న అధికారులు
ఈ గ్రామసభల ద్వారా పరిష్కారమైన భూములపై సన్న,చిన్నకారు రైతులకు రిజిష్ట్రర్ చార్జీల నుంచి కూడా పూర్తిమినహాయింపు ఇస్తున్నట్టు జిల్లా అధికారులు చెబుతున్నారు. ఈ అవకాశాన్ని రైతులు పూర్తి స్థాయిలో వినియోగించుకొవాలని అధికారులు సూచిస్తున్నారు. అయితే ఈ అవకాశం డిఫారం పట్టాలకు లేకపోవడంతో చాలామంది రైతులు అసంతృప్తిని వ్యక్తం చేస్తున్నారు. పన్నెండేళ్లకుకు పైగా సాగులో వున్న డిఫాం పట్టాల రైతులకు కూడా ఇదే అవకాశాన్ని ఇవ్వాలంటూ డిమాండ్ చేస్తున్నారు. ఇప్పటికైనా అధికారులు డిఫాం పట్టాల రైతులకు కూడా రిజిస్ట్రేషన్‌ అవకాశం కల్పించాలని రైతులు కోరుతున్నారు. 

15:23 - June 28, 2018

అనంతపురం : సమాజానికి వెలుగునిచ్చే సూర్యుడిలా ఉండాల్సిన ఓ ఉపాధ్యాయుడు విద్యార్థునుల పట్ల అసభ్యకరంగా ప్రవర్తించాడు. ఈ ఘటన పుట్లూరు మండలం కడవకల్లులో చోటు చేసుకుంది. ప్రభుత్వ పాఠశాలలో విద్యార్థినిలను ఉపాధ్యాయుడు వేములబాబు లైంగికంగా వేధించాడు. ఈ నెల రోజులుగా ఈ దారుణానికి పాల్పడుతున్నట్లు తెలుస్తోంది. విషయం తెలుసుకున్న తల్లిదండ్రులు, గ్రామస్తులు వేములబాబుకు దేహశుద్ధి చేశారు. సమాచారం తెలుసుకున్న పోలీసులు అతడిని అదుపులోకి తీసుకుని వెళుతుండగా వ్యాన్ ను తల్లిదండ్రులు, గ్రామస్తులు అడ్డుకున్నారు. పోలీసుల సమక్షంలోనే చెప్పులతో దాడి చేశారు. దీనితో కడవకల్లులో ఉద్రిక్తత చోటు చేసుకుంది. 

06:47 - June 23, 2018

విజయవాడ : ప్రతిపక్ష పార్టీలన్నీ టీడీపీపై విష‌ప్రచారం చేస్తున్నాయ‌ని టీడీపీ అధినేత చంద్రబాబు అన్నారు. అనంతపురం జిల్లాలో టీడీపీ పరిస్థితిపై సమీక్షించిన చంద్రబాబు పార్టీ శ్రేణులకు దిశానిర్దేశం చేశారు. కేసుల మాఫీ కోసం జగన్‌ బీజేపీతో అంటకాగుతున్నారని విమర్శించారు. వైసీపీ ఉపఎన్నికలు రాకుండా అన్నిజాగ్రత్తలు తీసుకుని.. రాజీనామాలతో డ్రామా ఆడుతోందన్నారు. బీజేపీ, వైసీపీ, జనసేన పార్టీలు టీడీపీని ఎలాగైనా దెబ్బకొట్టాలని చూస్తున్నాయని.. ఈ విషయాన్ని ప్రజల్లోకి తీసుకెళ్ళాల్సిన అవసరం అందరిపైనా ఉందన్నారు చంద్రబాబు.

Pages

Don't Miss

Subscribe to RSS - anantapur