andhra pradesh government

06:54 - May 10, 2018

అందరికీ ఉచిత విద్య ఇది సాధారణంగా వినిపించే ప్రభుత్వ నినాదం. కానీ ఆచరణలో మాత్రం పాలకులు దీన్ని పట్టించుకునే పాపాన పోరు. ఉచిత విద్య నందించే ప్రభుత్వ విద్యాలయాలు ప్రస్తుతం సమస్యల వలయాలుగా ఉన్నాయి. విద్యా సంవత్సరం ప్రారంభానికి రోజులు దగ్గర పడుతున్న ఖాళీగా ఉన్న టీచర్‌ పోస్టులు మాత్రం భర్తీ కావడం లేదు. ఈ విషయంలో ప్రభుత్వ అలసత్వానికి కారణమేమిటి ప్రభుత్వం తన బాధ్యతనుంచి తప్పుకోవడంలో ఆతర్యం ఏమిటి అనే అంశం పై టెన్ టివి జనపథంలో యూటీఎఫ్‌ ఏపీ ప్రధాన కార్యదర్శి బాబురెడ్డి విశ్లేషించారు. పూర్తి వివరాలకు వీడియో క్లిక్ చేయండి. 

06:49 - February 24, 2018

హైదరాబాద్ : ఏపీ, తెలంగాణా రాష్ర్టాల్లో సంచలనం సృష్టించిన ఓటుకు నోటు కేసు కీలక మలుపు తిరిగింది. ఈ కేసులో ఏ4 నిందితుడు, టీడీపీకి సన్నిహితుడు అయిన జెరూసలెం మత్తయ్య అప్రూవర్‌గా మారేందుకు అవకాశం ఇవ్వాలని విజ్ఞప్తి చేశారు. ఈ మేరకు సుప్రీంకోర్టు ప్రధాన న్యాయమూర్తికి ఓ లేఖ రాశారు.

తెలంగాణలో జరిగిన ఎమ్మెల్సీ ఎన్నికలప్పుడు
గతంలో తెలంగాణలో జరిగిన ఎమ్మెల్సీ ఎన్నికలప్పుడు టీఆర్‌ఎస్ ఎమ్మెల్యేలను టీడీపీ యత్నించింది. అందులో భాగంగా నామినేటెడ్ ఎమ్మెల్సీ స్టీఫెన్‌సన్‌కు టీడీపీ ఐదు కోట్ల రూపాయలు ఆఫర్ చేసింది. రేవంత్ రెడ్డి 50 లక్షలు ఇస్తూ రెడ్‌ హ్యాండెడ్‌గా పట్టుబడ్డారు. ఆ వీడియోలు బయటికి రావడంతో పెనుదుమారం రేగింది... దీనికి తోడు ఏపీ ముఖ్యమంత్రి చంద్రబాబు ఫోన్‌ సంభాషణలు చేసినట్టు చెబుతున్న వీడియోలు బయటపడ్డాయి. దీంతో ఓటుకు నోటు కేసు రెండు రాష్ర్టాల్లో రాజకీయ ప్రకంపనలు సృష్టించింది. ప్రస్తుతం ఓటుకు నోటు కేసు సుప్రీం కోర్టులో పెండింగ్‌లో ఉంది. ఈ కేసులో ఏ4 నిందితుడిగా ఉన్న జెరూసలెం మత్తయ్య.. తనకు కేసుతో సంబంధమే లేదని చెప్తున్నారు. తాను కేవలం క్రిస్టియన్ సమస్యల మీద చర్చించడానికే నామినేటెడ్ ఎమ్మెల్యే స్టీఫెన్‌సన్‌ని కలిశానని తెలిపారు. టీడీపీ, టీఆర్‌ఎస్‌లు తనను ఇబ్బందులకు గురిచేస్తున్నాయని.... హత్య చేస్తామంటూ బెదిరింపు కాల్స్ కూడా వస్తున్నాయి ఆయన ఆరోపణలు చేశారు. ఏపీ, తెలంగాణ ప్రభుత్వాలు తప్పులను కప్పిపుచ్చుకునేందుకు... తనను హత్య చేయడానికి యత్నిస్తున్నాయని సంచలన ఆరోపణలు చేశారు.

హైకోర్టులో ఉన్నప్పుడు ఏపీ ప్రభుత్వం తనకు
ఈ కేసు హైకోర్టులో ఉన్నప్పుడు ఏపీ ప్రభుత్వం తనకు సహకరించిందని.. కేసు సుప్రీంకోర్టులో విచారణకు రావడంతో ఎవరూ సాయం చేయడంలేదని మత్తయ్య ఆవేదన వ్యక్తం చేశారు. అందుకే తాను పార్టీ ఇన్ పర్సన్ గా అప్పియర్ అవుతానని పిటిషన్ వేసినట్లు పేర్కొన్నారు. తనకు తెలిసిన విషయం మొత్తం కోర్టుకు వివరిస్తానని చెప్పారు. ఓటుకు నోటు కేసుతో పాటు ఇందుకు సంబంధించిన ఫోన్ ట్యాపింగ్ కేసును సీబీఐకి అప్పగించాలని ఆయన డిమాండ్‌ చేస్తున్నారు. రెండు కేసుల్లోని రహస్యాలను సీబీఐ వెలికితీయాలని' మత్తయ్య సుప్రీంకోర్టు సీజేకు విన్నవించారు.మత్తయ్య అప్రూవర్‌గా మారతానంటూ సీజేకు లేఖ రాయడంతో ఇంతకీ ఈ కేసులో ఏంజరగబోందన్న ఉత్కంఠ నెలకొంది. మత్తయ్య అప్రూవర్‌ ఐతే పరిస్థితేంటి.. ఇంతకీ మత్తయ్యను చంపేందుకు ఎవరు యత్నిస్తున్నారు. ఆయన ఆరోపణల్లో నిజమెంత.. అన్న ఉత్కంఠ సర్వత్రా నెలకొంది.

18:50 - February 10, 2018

విజయవాడ : రాష్ర్టాభివృద్ధికి అన్ని రాజకీయ పక్షాలు తమ జెండాలు ఎజెండాలు పక్కనబెట్టి సమిష్టిగా ఉద్యమించాలని.. మాజీ మంత్రి కొణతాల రామకృష్ణ కోరారు. ఈనెల 8న బంద్‌ను విజయవంతం చేయడంలో రాజకీయ పార్టీలన్ని కీలకంగా వ్యవహరించాయన్నారు. తమ ఉద్యమాన్ని మరింత ఉధృతం చేయడానికి ఈనెల 12న ఉత్తరాంధ్ర జన ఘోష పేరుతో ప్రతి పాఠశాల, కాలేజీకి వెళ్ళి విద్యార్థులకు ఏపీకి జరుగుతున్న అన్యాయంపై వివరిస్తామని కొణతాల తెలిపారు. 

12:00 - December 30, 2017

హైదరాబాద్ : తిరుపతిరావు కమిటీ నివేదికను వ్యతిరేకిస్తున్నట్లు పేరెంట్స్ అసోసియేషన్ కమిటీ పేర్కొంది. ప్రైవేట్ ఫీజుల విసూళ్లపై కమిటీ ప్రభుత్వానికి ఇవ్వబోయే నివేదికను ఖండిస్తున్నామని తెలిపారు. కమిటీ నిర్ణయాన్ని స్వాగతించే ప్రసక్తే లేదని తేల్చి చెప్పారు. నివేదిక ఇచ్చేముందు తమను సంప్రదించాలని డిమాండ్ చేశారు. రిపోర్టు సబ్ మిట్ చేయొద్దని, నివేదికను ఆపేయాలని కోరారు. ఇది తిరుపతిరావు కమిటీ రిపోర్టుగా లేదని...స్కూల్ మేనేజ్ మెంట్ ఇచ్చిన నివేదిక లాగా ఉందని విమర్శించారు. తెలంగాణ ప్రభుత్వం నియమించిన తిరుపతిరావు కమిటీ తన నివేదికను ప్రభుత్వానికి సమర్పించనుంది. తిరుపతిరావు తమ నివేదికలో కీలక ప్రతిపాదనలు చేసినట్టు తెలుస్తోంది. ప్రతిఏటా 10శాతం వరకు స్కూల్స్‌ ఫీజు పెంచుకోవచ్చన్న ప్రతిపాదన వివాదాస్పదంగా మారింది. తిరుపతిరావు కమిటీపై పేరెంట్స్ అసోసియేషన్ ఆగ్రహం వ్యక్తం చేసింది. ఫీజులు పెంచాలన్న ప్రతిపాదనపై తల్లిదండ్రుల కమిటీ ఆగ్రహం వ్యక్తం చేసింది. మరిన్ని వివరాలను వీడియోలో చూద్దాం...

21:21 - December 29, 2017

తిరుపతి రావు కమిటీ రిపోర్ట్ తము వ్యతిరేకిస్తున్నామని, అందులో ప్రైవేట్ స్కూల్లకు అనుకూలంగా ఉందని, మే నెలలో ప్రొ. తిరుపతి ఓ నివేదిక ఇచ్చారు. అప్పుడిచ్చిన నివేదికకు ఇప్పుడిచ్చిన నివేదికు చాలా తేడా ఉందని, ఎవరి పర్మిషన్ లేకుండా 10 శాతం ఫీజ్ లు పెంచుకోవచ్చని, ఇతి సామాన్య ప్రజలకు నష్టం కల్గిస్తోందని రెగ్యూలెటరీ కమిటీ సభ్యుడు అశిష్ అన్నారు. ప్రైవేట్ స్కూల్ అన్ని ఒకే గొడుగు కిందకు తీసుకురావడం మంచికాదని, కొన్ని విద్యాసంస్థలు మాత్రమే అధిక ఫీజ్ ను వసూల్ చేస్తోందని, దానికి తము కూడా వ్యతిరేకమని, ప్రభుత్వ పాఠశాలలో ప్రభుత్వం ఒక్కో విద్యార్థికి 42వేలు ఖర్చు పెడుతుందని ప్రైవేట్ స్కూల్స్ అసోసియేషన్ అధ్యక్షుడు మధుసుదన్ అన్నారు. మరింత సమాచారం కోసం వీడియో క్లిక్ చేయండి.

06:43 - November 17, 2017

విశాఖపట్నం : అగ్రిటెక్‌ సదస్సు నేడు ముగియనుంది. మిలిందా గేట్స్‌ ఫౌండేషన్‌ సహకారంతో నిర్వహిస్తున్న ఈ సదస్పు ముగింపు కార్యక్రమంలో మైక్రోసాఫ్ట్‌ అధిపతి బిల్‌గేట్స్‌ కీలకోపన్యాసం చేయనున్నారు. బిల్‌గేట్స్‌కు స్వాతగం పలికేందుకు ప్రభుత్వం అన్ని ఏర్పాట్లు చేసింది. ముఖ్యమంత్రి చంద్రబాబు దగ్గరుండి ఏర్పాట్లకు పర్యవేక్షిస్తున్నారు. అగ్రిటెక్‌ సదస్సు ముగింపు కార్యక్రమంలో చంద్రబాబుతోపాటు పలువురు కేంద్ర మంత్రులు, ఎంపీలు, ఎమ్మెల్యేలు, ఎమ్మెల్సీలు పాల్గోనున్నారు. నిన్న రెండో జరిగిన జరిగిన సదస్సులో చంద్రబాబు నదుల అనుసంధానం పై ప్రజెంటేషన్‌ ఇచ్చారు. కేంద్ర వ్యవసాయ శాఖ సహాయ మంత్రి గజేంద్రసింగ్‌ షెకావత్‌ రైతుల ఆదాయం పెంచేందుకు కేంద్ర ప్రభుత్వం అమలు చేస్తున్న పథకాలు గురించి వివరించారు.

16:16 - November 8, 2017

శ్రీకాకుళం : జిల్లాలో మద్యం వ్యాపారుల నుండి వచ్చే మామూళ్లు ఎక్సైజ్ సిబ్బందిలో విబేధాలకు కారణమయ్యాయి. కేవలం ఉన్నత స్థాయి అధికారులకే సిండికేటుల నుండి ముడుపులు వెళ్తుండటం కింది స్థాయి సిబ్బంది నిరాశకు కారణమయ్యింది. దీంతో రాష్ట్రస్థాయి కమీషనర్ నుండి ఏసీబీ అధికారుల వరకూ ఫిర్యాదులు వెళ్తున్నాయి. 
అధికారులపై తీవ్ర స్థాయిలో ఆరోపణలు 
సిక్కోలు జిల్లా మద్యం మామూళ్ల మత్తులో కూరుకుపోయింది. అధికారులు మామూళ్ల పిచ్చిలో పడిపోయారనే ఆరోపణలు తీవ్ర స్థాయిలో వెల్లువెత్తుతున్నాయి. గతంలో డాక్టర్‌ లక్ష్మీనరసింహం శ్రీకాకుళం జిల్లా కలెక్టర్‌గా పని చేసి ప్రస్తుతం అబ్కారీ శాఖ ప్రత్యేక కమిషనర్‌గా విధులు  నిర్వర్తిస్తున్నారు. ఈయనకు జిల్లాలోని ఎక్సైజ్ శాఖ సిబ్బంది జాతకాలు, సిండికేట్ ముడుపుల ముసుగు వ్యవహారాలు అన్నీ తెలుసు. ఈ మధ్యే ఇంచార్జ్‌ డిప్యూటీ కమిషనర్ ఎం. శివప్రసాద్‌ వద్ద 4 లక్షల యాభై వేల లెక్క చూపని నగదు ఏసీబీ అధికారులు పట్టుకోగలిగారు. 
జోరుగా డబ్బుల పంపకం 
అయితే ఇదంతా నాణానికి ఒకవైపు మాత్రమే. నిజానికి సిక్కోలు జిల్లాలో 235 మద్యం దుకాణాలున్నాయి. శ్రీకాకుళం, పలాస, ఇచ్ఛాపురం, రాజం, పాలకొండ పరిధిలో 17 బార్ల నుండి 25 వేలు నెలవారీ మామూళ్లు అందుతున్నాయన్న బహిరంగ ఆరోపణలున్నాయి. దీంతో పాటు జిల్లాలో ఏ ఒక్క చోట వైన్‌ షాపులో ఎమ్మార్పీ ధరలు అమలు కావడం లేదు. వీటితో పాటు కొంతమంది ఎక్సైజ్‌ శాఖ పై స్థాయి సిబ్బంది రెచ్చిపోయి సిండికేట్లతో ములాఖత్ అయ్యారన్నది బహిరంగ విమర్శ. అధికారుల మామూళ్ల దందా అధికమవ్వడం వల్లే ఎమ్మార్పీ ధరలు జిల్లాలో అమలు కావడం లేదన్నది స్పష్టమవుతోంది. దిగువస్థాయి అధికారుల నుండి ప్రజా ప్రతినిధుల వరకు ఈ డబ్బుల పంపకం జోరుగా సాగుతోందని జిల్లావాసులు ఆరోపణలు వ్యక్తం చేస్తున్నారు. 
రెడ్‌ హ్యాండెడ్‌గా ఏసీబీకి చిక్కిన ఎన్‌ఫోర్స్‌మెంట్ సిబ్బంది 
ఎంపోర్స్‌మెంట్ విభాగం గతేడాది 60 వేల నగదుతో పెద్దపాడు వద్ద ఏసీబీకి రెడ్ హ్యాండెడ్‌గా దొరికారు. కోర్టులో ఈ కేసు రివర్స్‌ అవుతుందన్న భయంతో కొంతమంది సిండికేట్ పెద్దలు, ఎక్సైజ్ ఉన్నతాధికారులు కలిసి 5 లక్షల నగదు కోర్టు ఖర్చుల కోసం ఉంచారంటే ఆ శాఖ ముందుచూపు ఏ స్థాయిలో ఉందో అర్థమవుతుంది. 
లంచం తీసుకుంటూ దొరికిన ఎం. శివప్రసాద్‌ 
గత డీసీ సురేందర్‌ వేరే కేసులో ఇరుక్కోవడం.. ప్రస్తుత ఇంచార్జ్‌ డీసీ అసిస్టెంట్‌ కమీషనర్ ఎం. శివప్రసాద్‌ నాలుగున్నర లక్షల లంచం డబ్బులతో ఏసీబీకి రెడ్ హ్యాండెడ్‌గా దొరకడం చర్చనీయాంశంగా మారింది. ఇప్పటికైనా మంచి అధికారిని నియమిస్తారా లేదా అనేది చూడాలి. 

 

15:40 - September 24, 2017

విశాఖ : 2015-16 విద్యా సంత్సరంలో SSC పరీక్షల్లో ఉత్తమ ప్రతిభ కనపరిచిన విద్యార్థులకు ఏపీ ప్రభుత్వం ట్యాబ్‌లను పంపిణీ చేసింది. విశాఖలో జరిగిన ఈ కార్యక్రమంలో విద్యాశాఖ మంత్రి గంటా శ్రీనివాసరావు, మార్కెటింగ్‌ శాఖ మంత్రి ఆదినారాయణరెడ్డి, కాపు కార్పొరేషన్‌ చైర్మన్‌ రామానుజయల చేతులు మీదుగా విద్యార్థులు ట్యాబ్‌లు అందుకున్నారు. ప్రైవేటు స్కూళ్లకు దీటుగా ప్రభుత్వ పాఠశాలను తీర్చిదిద్దుతామని ఈ సందర్భంగా ఏపీ విద్యాశాఖ మంత్రి గంటా శ్రీనివాసరావు చెప్పారు. విద్యాశాఖకు బడ్జెట్‌లో 23వేల 209 కోట్ల రూపాయలు కేటాయించామన్నారు. వీటితో అన్ని స్కూళ్లలో మౌలికవసతులు కల్పిస్తున్నామని గంటా తెలిపారు. 

11:32 - July 31, 2017

జాబు రావాలంటే బాబు రావాలి...వచ్చారు..మని జాబులు వచ్చాయా ? జాబు రాకపోతే నిరుద్యోగ భృతి చెల్లిస్తాం..అన్నారు..వచ్చిందా ? భృతి ఏమైంది అంటూ నిరుద్యోగులు ప్రశ్నిస్తున్నారు..భృతి మాట అటుంచితే జాబులు ఏమయ్యాయి ? అంటూ ఆగ్రహం వ్యక్తం చేస్తున్నారు..

'జాబు రావాలంటే బాబు రావాలంటూ' అధికారంలోకి రాకముందు టిడిపి పెద్ద ఎత్తున్న ప్రచారం నిర్వహించింది. ఎన్నికల సమయంలో హామీ ఇచ్చిన ఐదు వాగ్ధానాలను నిలబెట్టుకుంటున్నట్లు సంతకాలు కూడా చేశారు. అందులో ఒకటి 'నిరుద్యోగ భృతి'. నిరుద్యోగ భృతి కల్పిస్తారని లక్షలాది మంది నిరుద్యోగులు నమ్మారు. కానీ ముఖ్యమంత్రి చంద్రబాబు నాయుడు అధికార పీఠమెక్కి మూడున్నరేళ్లు అవుతున్నా జాబు రాలేదు కాదు కదా..ఉన్న ఉద్యోగాలే ఊడి వేలాది మంది వీధిన పడుతున్నారు. మళ్లీ నిరుద్యోగ భృతి కల్పిస్తామంటూ పాలకులు మరోసారి హామీలు గుప్పిస్తున్నారు. 2019 ఎన్నికల్లో లబ్ది పొందేందుకు మళ్లీ మాటల జిమ్మిక్కులు చేస్తున్నారని విమర్శలు వినిపిస్తున్నాయి.

నెలకు రెండు వేల రూపాయలు..
ఎన్నికల ప్రచారం సందర్భంగా నిరుద్యోగులందరికీ ఒక్కొక్కరికి నెలకు రెండు వేల‌ రూపాయల నిరుద్యోగ భృతి ఇస్తామని అప్పటి ప్రచారంలో ఊదరగొట్టిన సంగతి తెలిసిందే. ఆంధ్రప్రదేశ్‌లో పరిపాలన అంటూ హడావుడి చేసిన చంద్రబాబు సర్కారు నవ్విపోదురుగాక నాకేంటి సిగ్గు అన్నట్టు వ్యవహరిస్తుందని నిరుద్యోగులు తీవ్ర అసంతృప్తి వ్యక్తం చేస్తున్నారు. తాజాగా సీఎం చంద్రబాబు నాయుడు నిరుద్యోగ భృతిని పలు సందర్భాల్లో ప్రస్తావిస్తున్నారు. త్వరలోనే నిరుద్యోగ భృతి అందచేస్తామని మరోసారి హామీలు గుప్పిస్తున్నారు. కేవలం ముందస్తు చర్యల్లో భాగంగా ఇలాంటి హామీలు చేస్తున్నారనే విమర్శలున్నాయి.

కండీషన్ అప్లై..
ఇదిలా ఉంటే రాష్ట్రంలో దాదాపు 30 లక్షల మంది నిరుద్యోగులుంటే కేవలం తొమ్మిది లక్షల మంది మాత్రమే నిరుద్యోగులున్నారని ఏపీ సర్కార్ ప్రకటించడం పట్ల నిరుద్యోగులు గుర్రుగా ఉన్నారు. 18 నురచి 35 సంవత్సరాల వయసు లోపు వారికే కావడం గమనార్హం. ఏదో భృతి ఇచ్చామని చెప్పుకోవడానికి..నిరుద్యోగుల్లో నెలకొన్న అసంతృప్తిని కొద్దిగా తగ్గించుకొనేందుకు ప్రభుత్వం కొత్త వ్యూహానికి తెరలేపుతోందని తెలుస్తోంది. ఇంటర్మీడియేట్‌ కన్నా తక్కువ చదివిన వారికి నెలకు రూ.900, గ్రాడ్యుయేట్లకు నెలకు రూ.1500, పోస్టు గ్రాడ్యుయేషన్‌ తదితర విద్యాభ్యాసం చేసిన వారికి నెలకు రూ.3వేల చొప్పున భృతిగా చెల్లించాలని ఏపీ సర్కార్ యోచిస్తుందనో టాక్. ఇదొక్కటే కాకుండా ఇంకా మరికొన్ని కండీషన్స్ పెడుతోందని తెలుస్తోంది. ప్రతి ఏటా డిఎస్సీ విడుదల చేస్తామన్న పాలకులు ఉమ్మడి రాష్ట్రంలో ఇచ్చిన నోటిఫికేషన్‌నే కొనసాగించారే కానీ ఈ మూడేళ్లలో కొత్తగా ఒక్కటంటే ఒక్క డిఎస్సీ నోటిఫికేషన్‌ ఇచ్చారా అనే ప్రశ్నలు వినిపిస్తున్నాయి.
ఇప్పటికీ మూడేళ్లు దాటిపోతోంది..నిరుద్యోగ భృతి ఇస్తామని కల్లబొల్లి మాటలు చెబుతూ కాలం వెళ్లదీస్తే ప్రభుత్వానికి ఇబ్బందులు తప్పవని విశ్లేషకులు పేర్కొంటున్నారు. 

09:19 - June 28, 2017

 

గుంటూరు : పశ్చిమ గోదావరి జిల్లాలోని భీమవరం, నరసాపురం, మొగల్తూరు, వీరవాసరం మండలాల ప్రజలు వెలగపూడిలోని సచివాలయంలో ముఖ్యమంత్రి చంద్రబాబును కలిశారు. తమ ప్రాంతంలో నిర్మించ తలపెట్టిన గోదావరి మెగా ఆక్వాఫుడ్‌ పార్క్‌ను మరో చోటికి తరలించాలని విజ్ఞప్తి చేశారు. తమ ప్రాంతంలో ఎట్టిపరిస్థితుల్లోనూ ఆక్వాఫుడ్‌ పార్క్‌ను నిర్మించవద్దని వేడుకున్నారు. ఆక్వాఫుడ్‌ పార్క్‌ను నిర్మిస్తే తమ ప్రాంత డ్రెయిన్లు కలుషితమవుతాయని... వేలాదిమంది మత్స్యకారులు జీవనోపాధి కోల్పోతారని ఆవేదన వ్యక్తం చేశారు. ఎట్టి పరిస్థితుల్లోనూ ప్రభుత్వ ప్రతిపాదనను తాము అంగీకరించబోమని సీఎంకు తేల్చి చెప్పారు.

ఓపిగ్గా విన్నా చంద్రబాబు
పశ్చిమ గోదావరి ప్రజల కష్టాన్ని చంద్రబాబు ఓపిగ్గా విన్నారు. పూర్తి అధ్యయనం చేసిన తర్వాత తుది నిర్ణయం తీసుకుంటానని వారికి నచ్చజెప్పారు. ఒక వ్యక్తి ప్రయోజనాల కోసమో.. లేక కొందరి ప్రయోజనాల కోసమో ప్రభుత్వం పనిచేయడంలేదన్నారు. ప్రజలకోసమే తమ ప్రభుత్వం ఏ నిర్ణయమైనా తీసుకుంటుందన్నారు. పరిశ్రమలను వ్యతిరేకిస్తున్నామనే భావన వస్తే పారిశ్రామికవేత్తలు ముందుకు రారని..అలాంటి సంకేతాలు ఇవ్వకుండా చూడాలన్నారు. పరిశ్రమలు వద్దంటే నష్టపోయేది రాష్ట్రప్రజలేనని...ఎవరికీ ఇబ్బంది రాకుండా చూస్తామని హామీనిచ్చారు.ప్రజల అభిప్రాయాలను చంద్రబాబు దృష్టికి తీసుకెళ్లానని మంత్రి పితాని సత్యనారాయణ అన్నారు. ఆక్వాఫుడ్‌ పార్క్‌పై త్వరలోనే చంద్రబాబు తగిన నిర్ణయం తీసుకుంటారన్నారు. మొత్తానికి మెగా ఆక్వాఫుడ్‌ పార్క్‌ ఏర్పాటుపై ప్రజల్లో రోజురోజుకు వ్యతిరేకత వ్యక్తమవుతోంది. దాన్ని అడ్డుకునేందుకు సిద్దమవుతున్నారు. ప్రజాభిప్రాయానికి వ్యతిరేకంగా ఆక్వాఫుడ్‌ పార్క్‌ ఏర్పాటుకు ప్రభుత్వం పూనుకుంటే ఉద్యమిస్తామని హెచ్చరించారు. 

Pages

Don't Miss

Subscribe to RSS - andhra pradesh government