AP Assembly

21:22 - November 15, 2017

విజయవాడ : ఏపీ అసెంబ్లీ సమావేశాల్లో చంద్రన్న బీమా పథకంపై సుదీర్ఘ చర్చ జరిగింది. అధికారపార్టీకి చెందిన ఎమ్మెల్యేలు పథకం అమలులో ఎదురవుతున్న సమస్యలను ప్రభుత్వం దృష్టికి తీసుకువచ్చారు. ఏపీ అసెంబ్లీలో చంద్రన్న బీమా పథకం, మధ్యాహ్న భోజన నిర్వహణ, ఉపాధి హామీ పథకాలపై చర్చ జరిగింది. ప్రధానంగా చంద్రన్న బీమాపై సుదీర్ఘంగా చర్చించారు. ఈ స్కీమ్‌పై హర్షం వ్యక్తం చేసిన అధికారపార్టీ ఎమ్మెల్యేలు.. అమలులో జరుగుతున్న జాప్యంపై ప్రభుత్వానికి పలు సూచనలు చేశారు. చంద్రన్న బీమా వల్ల నిరుపేదలకు భరోసా వచ్చిందని ఎమ్మెల్యే బోండా ఉమ అన్నారు. ఇప్పటి వరకు ఈ స్కీమ్ ద్వారా 73 వేల, 370 సహజమరణాలకు, 71వేల 563 మంది క్లెయిమ్స్‌ చేసుకున్నారని.. 215 కోట్ల రూపాయలు వారి ఖాతాల్లో జమ చేసినట్లు బోండా ఉమ తెలిపారు. ఈ స్కీమ్ ద్వారా ప్రభుత్వ లక్ష్యాలు నెరవేరుతున్నాయని బోండా ఉమ అన్నారు.

చంద్రన్న బీమా పథకంపై బాధితులకు పూర్తి అవగాహన కల్పించాల్సిన అవసరం ఉందన్నారు ఎమ్మెల్యే శ్రావణ్‌కుమార్. పోలీసులు సైతం సత్వరం స్పందించాల్సిన అవసరం ఉందన్నారాయన. మరోవైపు ఇంటర్ విద్యార్ధుల స్కాలర్‌ షిప్‌ల విడుదలలోనూ జాప్యం జరుగుతోందని శ్రావణ్‌కుమార్ అన్నారు. రైల్వే ఉద్యోగులకు చంద్రన్న బీమా వర్తించట్లేదన్న అంశాన్ని ఎమ్మెల్యే వాసుపల్లి గణేశ్‌కుమార్ ప్రస్తావించారు. సముద్రంలో గల్లంతవుతున్న మత్స్యకారుల పట్ల ప్రభుత్వం ప్రత్యేక స్కీమ్‌లు ఏర్పాటు చేయాలని గణేశ్‌కుమార్ సూచించారు.

మత్స్యకారులు ఇబ్బందులు పడుతున్న మాట వాస్తవమేనన్నారు మంత్రి పితాని సత్యనారాయణ. వారికి క్లెయిమ్ ఇచ్చే క్రమంలో చట్టపరంగా కొన్ని ఇబ్బందులున్నాయన్నారు. అయితే వారికి ప్రత్యే క స్కీమ్‌లు ఏర్పాటు చేసే అంశాన్ని సీఎం చంద్రబాబు దృష్టికి తీసుకెళ్లామని మంత్రి పితాని స్పష్టం చేశారు. ప్రమాదం జరిగిన తరువాత పోస్టుమార్టం రిపోర్ట్ వచ్చేంతవరకూ బీమా మొత్తం..బాధిత కుటుంబాలకు అందడం లేదన్నారు ఎమ్మెల్యే అనిత. ఈ విషయంపై ప్రభుత్వం స్పందించాల్సిన అవసరం ఉందన్నారు.

NREG పథకం ద్వారా గ్రామాల్లో జరుగుతున్న అభివృద్ధి చూసి ప్రతిపక్ష వైసీపీకి కళ్లు కుట్టాయని ఎమ్మెల్యే ఆనంద్‌కుమార్ మండిపడ్డారు. ప్రతిపక్ష నేతలుకేంద్రానికి తప్పుడు నివేదిక ఇవ్వడంవల్ల నిధులు ఆగిపోయాయని ఆనంద్‌కుమార్ ఆరోపించారు. చంద్రన్న బీమా పథకంపై సుదీర్ఘ చర్చ అనంతరం ఆంధ్రప్రదేశ్ అసెంబ్లీ సమావేశాలు సోమవారానికి వాయిదా పడ్డాయి. 

13:03 - November 15, 2017
13:01 - November 15, 2017

గుంటూరు : ఏపీ శాసనమండలి చైర్మన్ గా ఎన్ ఎండీ ఫరూక్  ఏకగ్రీవంగా ఎన్నికయ్యారు. మంత్రులు, మండలి సభ్యులందరూ ఫరూక్ ను అభినందించారు. అధికార, విపక్ష ఎమ్మెల్సీ సభ్యులు చైర్మన్ కు కంగ్రాట్స్ తెలిపారు. మంత్రులు అచ్చెన్నాయుడు, నారాయణ, సిద్ధ రాఘవయ్య, కాల్వ శ్రీనివాసులు, టీడీపీ ఎమ్మెల్సీ డొక్కా మాణిక్యవరప్రసాద్ తోపాటు పలువురు అభినందనలు తెలిపారు. ఈ సందర్భంగా కాల్వ శ్రీనివాసులు మాట్లాడుతూ నంద్యాల ఉప ఎన్నికల సందర్భంగా తమ దగ్గర ఉండి పని చేసే అవకాశం కల్గిందన్నారు. రాజకీయ నేపథ్యం నుంచి వచ్చి రాజకీయాలకతీతంగా వ్యవహరించే స్థానానికి రావడం ఆనందదాయకమన్నారు. ప్రజలకు ఉపయోగపడే విధంగా సమావేశాలు జరుగుతాయని ఆశిస్తున్నానని తెలిపారు. అనంతరం టీడీపీ ఎమ్మెల్సీ షరీఫ్ మహ్మద్ మాట్లాడుతూ చైర్మన్ పదవి ఫరూక్ రావడం ముస్లీంల అందరికీ గౌరవ ప్రదమైన సంతృప్తి కల్గిందన్నారు. తమకు మంత్రి, డిప్యూటీ స్పీకర్ గా చేసిన అనుభవాలు ఉన్నాయన్నారు. ముస్లీంలకు తమరి సహాయ సహకారాలు ఉండాలని కోరారు.
 

 

12:33 - November 15, 2017

గుంటూరు : ఏపీ శాసనమండలి చైర్మన్ గా ఎన్ ఎండీ ఫరూక్  ఏకగ్రీవంగా ఎన్నికయ్యారు. ఏపీ ఆర్థికమంత్రి యనమల రామకృష్ణుడు ఫరూక్ కు అభినందించారు. పీడీఎల్ పీ, సీఎం తరపున అభినందనలు, ధన్యవాదాలు తెలుపుతున్నట్లు ప్రకటించారు. తమరి మీద ఉన్న నమ్మకంతోటి తమరి సీనియారిటీ ఉపయోగపడే విధంగా ఉంటుందన్నారు. తాను స్పీకర్ గా ఉన్నప్పుడు తమరు డిప్యూటీ స్పీకర్ గా ఉన్నారని గుర్తు చేశారు. తమరు ఐదు సం.రాలు హౌజ్ నడిపారని... తమతో కలిసి పని చేసిన అనుభవం ఉందన్నారు. చట్ట సభలు చాలా ప్రాధాన్యత కల్గివుంటాయన్నారు. సభలు ప్రజల సమస్యల పరిష్కారానికి దోహదపడతాయని పేర్కొన్నారు. సభలో విభిన్న అభిప్రాయాలు ఉంటాయన్నారు. తమరి ఆధ్వర్యంలో హౌజ్ చక్కగా, చట్ట పరంగా జరగాలని కోరారు. సిస్టమ్ డీవియేట్ కాకుండా చూడాలన్నారు.
టీడీపీ ఎమ్మెల్సీ డొక్కా మాణిక్య వరప్రసాద్ 
తమరు సుధీర్ఘ అనుభవం ఉన్న వారని టీడీపీ ఎమ్మెల్సీ డొక్కా మాణిక్య వరప్రసాద్ అన్నారు. ఈ స్టేటస్ లో మీరు ఉండడం తమకు ధైర్యాన్నిస్తుందని చెప్పారు. రాష్ట్రం అభివృద్ధి చెందాలనేదే సీఎం ఉద్దేశమన్నారు. 

 

12:24 - November 15, 2017

గుంటూరు : ఏపీ శాసనమండలి చైర్మన్ గా ఎన్ ఎండీ ఫరూక్  ఏకగ్రీవంగా ఎన్నికయ్యారు. మంత్రులు, మండలి సభ్యులందరూ ఫరూక్ ను అభినందించారు. అధికార, విపక్ష ఎమ్మెల్సీ సభ్యులు చైర్మన్ కు కంగ్రాట్స్ తెలిపారు. మంత్రులు అచ్చెన్నాయుడు, నారాయణ, సిద్ధ రాఘవయ్య, టీడీపీ ఎమ్మెల్సీ డొక్కా మాణిక్యవరప్రసాద్ తోపాటు పలువురు అభినందనలు తెలిపారు. 

 

10:42 - November 15, 2017

గుంటూరు : అసెంబ్లీ, శాసనమండలి విప్‌లను చంద్రబాబు ఖరారు చేశారు. శాసనసభలో ఇప్పటికే నలుగురు విప్‌లు ఉండగా.. మరో ఇద్దరికి అవకాశం ఇచ్చారు. సర్వేశ్వరరావు, గణబాబులను విప్‌లుగా నియమించారు. మండలిలో మరో నలుగురిని విప్‌లుగా నియమించారు.  బుద్దా వెంకన్న, షరీఫ్‌, మాణిక్యవరప్రసాద్‌, రామసుబ్బారెడ్డిలకు విప్‌లుగా అవకాశమిచ్చారు. మరిన్ని వివరాలను వీడియోలో చూద్దాం...

08:55 - November 15, 2017
18:41 - November 14, 2017

విజయవాడ : రాష్ట్రంలో పేదలందరికీ ఇళ్లు కట్టించడమే తమ ప్రభుత్వ లక్ష్యమని ఏపీ సీఎం చంద్రబాబు అన్నారు. అసెంబ్లీ చర్చలో పాల్గొన్న ఆయన రాష్ట్రంలో అమలవుతున్న అభివృద్ధి సంక్షేమ కార్యక్రమాల తీరుతెన్నులను సభ దృష్టికి తెచ్చారు. ఇళ్ల నిర్మాణంతోపాటు, యువతకు ఉపాధికల్పన, పారిశుద్ధ్యం తదితర అంశాలపై ముఖ్యమంత్రి మాట్లాడారు. సభ్యులు ఉత్సాహంగా ప్రశ్నలు అడగగాడాన్ని చంద్రబాబు ప్రశంసించారు. 

పేదవాడి సొంతింటి కలను నెరవేర్చడానికి కృషి చేస్తున్నామని ఏపీ సీఎం చంద్రబాబు అన్నారు. ఇళ్లనిర్మాణంపై జరిగిన చర్చలో మాట్లాడిన సీఎం.. రాష్ట్రంలో 19 లక్షల ఇళ్లను నిర్మించి పేదకలు అందిస్తామని, ఆతర్వాతే ఎన్నికలకు వెళ్లతామన్నారు. పేదవాడికి ఇళ్లు నిర్మించి ఇవ్వడంలోనే తనకు నిజమైన సంతృప్తి ఉందన్నారు.

కాంగ్రెస్‌ పాలనలో తలపెట్టిన 14.40 లక్షల ఇళ్ల నిర్మాణం కాగితాలకే పరిమితం అయిందన్న చంద్రబాబు.. రాబోయే రోజుల్లో రాష్ట్రంలో పేదలకు దాదాపు 19 లక్షల ఇళ్లు నిర్మిస్తున్నట్టు సభకు తెలిపారు. పట్టణాల్లో 5,39,586 ఇళ్లు, గ్రామీణ ప్రాంతాల్లో మరో 13,06,555 ఇళ్లు నిర్మిస్తామన్నారు. వచ్చే ఎన్నికల నాటికి రాష్ట్రంలో 18,45,841 ఇళ్లు పూర్తి చేయాల్సి ఉందని ముఖ్యమంత్రి తెలిపారు. ప్రతి ఇంటి నిర్మాణంలోనూ కాంగ్రెస్‌పాలకులు అవినీతికి పాల్పడ్డారని విమర్శించారు. ప్రస్తుతం నిర్మిస్తున్న పేదల ఇళ్లలో అవినీతికి తావు ఉండదన్నారు. రాజకీయ నాయకులు ఎవరైనా ఇళ్ల నిర్మాణంలో లంచాలు అడిగితే ప్రభుత్వం కఠిన చర్యలు తీసుకుంటుందని చంద్రబాబు స్పష్టం చేశారు.

రాష్ట్రంలో పారిశుద్ధ్యంపై ప్రత్యేక దృఫ్టిపెట్టామని సీఎం చంద్రబాబు అన్నారు. ఇప్పటికే పట్టణ ప్రాంతాల్లో ఓడిఎస్‌ లక్ష్యాలను పూర్తిచేశామని, వచ్చే ఏడాది మార్చి నాటికి గ్రామీణ ప్రాంతాల్లో ప్రతి ఒక్కరూ మరుగుదొడ్లు వాడేలా ప్రోత్సహిస్తామన్నారు. మరోవైపు రాష్ట్రంలో యువతకు ఉపాధి అవకాశాలు పెంచేందుకు ప్రణాళికలు రూపొందిస్తునట్టు ముఖ్యమంత్రి తెలిపారు. ఆయా నియోజకవర్గాల్లో స్థానిక శాసన సభ్యులు దీనిపై దృష్టిపెట్టాలన్నారు. ఎక్కడ ఉపాధికల్పనకు అవకాశాలు ఉన్నాయో గుర్తించి, ప్రభుత్వం దృష్టికి తీసుకురావాలన్నారు.

అసెంబ్లీలో చర్చలు జరుగుతున్న తీరుపై టీడీపీ ఎమ్మెల్యేలు సంతృప్తి వ్యక్తం చేశారు. గతంలో వైసీపీ సభ్యులు గందరగోళం సృష్టించడంవల్ల ప్రజాసమస్యలు చర్చకు రాకుండా పోయాయని ఎమ్మెల్యే అనిత అన్నారు. రాబోయే రోజుల్లోకూడా సభ ప్రశాంతంగా జరగాలని కోరుకుంటున్నామన్నారు. అసెంబ్లీ సమావేశాలను బహిష్కరించిన ప్రతిపక్షం.. పాదయాత్ర పేరుతో ప్రజా వంచనకు పాల్పడుతోందని ఎమ్మెల్యే అనిత విమర్శించారు. మొత్తానికి ప్రతిపక్షం లేకపోయినా.. ప్రజాసమస్యల పరిష్కారం కోసం కృషిచేస్తున్నామని అధికారపార్టీ ఎమ్మెల్యేలు చెబుతున్నారు. 

15:15 - November 14, 2017

విజయవాడ : రాష్ట్రంలోని పేదోడికి ఇళ్లు కట్టించాలనేది ఏపీ ప్రభుత్వ లక్ష్యమని సీఎం చంద్రబాబు నాయుడు పేర్కొన్నారు. ఏపీ శాసనభలో మంగళవారం ఇళ్ల నిర్మాణంపై చంద్రబాబు చర్చించారు. పేదలకు సొంత ఇళ్లు నిర్మించడంలో తనకు ఆనందం ఉందని..ఇళ్ల నిర్మాణానికి సిమెంట్..ఇసుక కొరత లేదన్నారు. పేదల ఇళ్ల నిర్మాణాన్ని స్థానిక ఎమ్మెల్యేలు పర్యవేక్షించాలని సూచించారు. ఒక్క పైసా అవినీతి చేస్తే తిరిగి డబ్బులు ఇప్పించే వరకు 'పరిష్కార వేదిక' కృషి చేస్తుందని, ఇంతకు ముందు జరిగిన తప్పులు పునరావృతం కావద్దని పేర్కొన్నారు. నెలకు ఒకసారి ఎమ్మెల్యేలు ఆ ఇంటికి వెళ్లాలని..ఇళ్లు కట్టే సమయంలో లబ్దిదారులను ప్రభుత్వం సొంత ఖర్చుతో తీసుకెళుతామని..అక్కడ వారికి టీ..టిఫిన్ కూడా అందచేస్తామన్నారు.

విశాఖలో 50 వేల మంది ఇళ్ల స్థలాలకు పట్టాలిచ్చామని, రాష్ట్రంలో 15 లక్షల నుండి 20 లక్షల మందికి ఇంటి స్థలం ఇచ్చి క్రమబద్దీకరించాల్సి ఉందన్నారు. కాంగ్రెస్ పాలనలో 14.40 లక్షల ఇళ్లు కాగితాలకే పరిమితమయ్యాయని విమర్శించారు. ఇళ్ల నిర్మాణంలో అక్రమాలపై దర్యాప్తు చేయించి చర్యలు తీసుకుంటామని, తిరుపతిలో 2,388 ఇళ్లు నాలుగు బ్లాక్ ల కింద పూర్తి చేసినట్లు, మరో 4,500 ఇళ్లు జనవరిలో పూర్తి చేస్తామని చెప్పుకొచ్చారు. తిరుపతిలో అదనంగా రూ. 100 కోట్లు ఖర్చు పెట్టి ఇళ్ల నిర్మాణం పూర్తి చేశామన్నారు. 

19:37 - November 13, 2017

గుంటూరు : విజయవాడ బోటు ప్రమాదానికి బాధ్యులు ఎవరినీ వదలబోమని ముఖ్యమంత్రి చంద్రబాబు నాయుడు ప్రకటించారు. ఈ ఘటనపై ఆయన శాసనసభలో ప్రకటన చేశారు. కొందరు స్వార్థపరులు పర్యాటకుల ప్రాణాలతో చెలగాటమాడుతున్నారన్నారు. మృతుల కుటుంబాలకు 10 లక్షల ఎక్స్‌గ్రేషియా ఇస్తున్నమాన్న చంద్రబాబు.. ఇలాంటి ఘటనలు పునరావృతం కాకుండా తీసుకోవాల్సిన చర్యలపై నిపుణుల కమిటీని వేస్తామన్నారు. 
పర్యాటకుల మృతి బాధాకరం : సీఎం 
కృష్ణా జిల్లా ఇబ్రహీంపట్నం పవిత్ర సంగమం వద్ద జరిగిన పడవ ప్రమాద ఘటనపై ఏపీ అసెంబ్లీలో సీఎం చంద్రబాబు ప్రకటన చేశారు. పవిత్ర సంగమానికి వచ్చిన పర్యాటకులు అక్కడే మృతిచెందడం బాధాకరమన్నారు. క్షతగాత్రుల్లో 21 మందిని ఆస్పత్రికి తరలించగా వారిలో 17 మంది డిశ్చార్జి అయ్యారని, మరో నలుగురు చికిత్స పొందుతున్నారని వివరించారు. నదిలో గల్లంతైన బోటు డ్రైవర్‌, హెల్పర్‌ ఆచూకీ కోసం గాలిస్తున్నామన్నారు. ప్రమాదం గురించి తెలిసిన వెంటనే ప్రభుత్వం సహాయక చర్యలు చేపట్టిందని, ఎన్డీఆర్‌ఎఫ్‌ బృందాలు, ప్రభుత్వ యంత్రాంగం, మంత్రులు సహాయక చర్యల్లో పాల్గొన్నారని సీఎం చెప్పుకొచ్చారు. 
బోటు డ్రైవర్‌, హెల్పర్‌ ఆచూకీ కోసం గాలింపు 
ప్రమాద సమయంలో బోటులో 41మంది ఉన్నారని ముఖ్యమంత్రి చెప్పారు. ఈ ఘటనకు సంబంధించి రివర్‌ బోటింగ్‌ సంస్థపై ఎఫ్‌ఐఆర్‌ నమోదైందన్నారు. మొత్తం ఐదుగురిపై క్రిమినల్‌ కేసులు నమోదుచేశామన్నారు. బోటు నిర్వాహకుడికి అనుమతి లేదని, ఎలాంటి ముందుజాగ్రత్త చర్యలు తీసుకోకుండా ప్రయాణికులను ఎక్కించుకున్నాడని, అతని స్వార్థం ఇంతమంది ప్రాణాలు పోవడానికి కారణమైందని చంద్రబాబు ఆవేదన వ్యక్తం చేశారు. 
రివర్‌ బోటింగ్‌ సంస్థపై కేసు నమోదు
ఆదివారం సాయంత్రం పర్యాటకులు ముందుగా టూరిజమ్‌ శాఖ బోటు ఎక్కారని..అయితే, సమయం మించిపోవడం వల్ల సిబ్బంది పర్యటకులను అనుమతించలేదని, ప్రైవేటు బోటు సిబ్బంది వారిని ఎక్కించుకుని నదిలోకి తీసుకెళ్లడంతో ఈ దుర్ఘటన జరిగిందన్నారు. ప్రమాదంలో చనిపోయిన వారి కుటుంబాలకు 10 లక్షల ఎక్స్‌గ్రేషియా ఇస్తామని సీఎం ప్రకటించారు. ఇలాంటి సంఘటనలు పునరావృతం కాకుండా చర్యలు తీసుకుంటామన్నారు. బోటు ప్రమాద మృతుల ఆత్మశాంతికి, కుటుంబ సభ్యులకు సంతాపం తెలుపుతూ సీఎం తీర్మానాన్ని ప్రవేశపెట్టారు. సీఎం ప్రకటన అనంతరం సభ రెండు నిమిషాల పాటు మౌనం పాటించింది.

Pages

Don't Miss

Subscribe to RSS - AP Assembly