AP Bandhu

20:17 - April 16, 2018

గుంటూరు : ఏపీకి ప్రత్యేక హోదా, విభజనచట్టంలోని హామీల అమలు డిమాండ్‌తో.. విపక్షాలు చేపట్టిన బంద్‌ ప్రభావం.. ఏపీ సచివాలయంపైనా కనిపించింది. ఉద్యోగులు, సందర్శకులు బంద్‌ కారణంగా ఇబ్బందులు పడ్డారు. ఏపీ బంద్‌ ప్రభావం.. రాష్ట్ర సచివాలయంపైనా పడింది. బంద్‌ కారణంగా ఆర్టీసీ బస్సులు తిరగలేదు. దీంతో సచివాలయం సిబ్బంది విధులకు హాజరయ్యేందుకు బాగా ఇబ్బందులు పడ్డారు. ఆటోలపై కార్యాలయాలకు తరలివచ్చారు. ఇదే అదనుగా ఆటోల డ్రైవర్లు.. 50 రూపాయలున్న చార్జీలను.. ఏకంగా 150 రూపాయలకు పెంచేశారు. పైగా ఆటోల్లో ఎక్కువమందిని కూరి తీసుకువచ్చారు. రాష్ట్రానికి ప్రత్యేక హోదా ఇవ్వాల్సిందేనని.. హోదా కోసం తాము ఇలాంటి చిన్న చిన్న కష్టాలు ఎన్నైనా ఎదుర్కొంటామని సిబ్బంది వ్యాఖ్యానిస్తున్నారు. 
సచివాలయానికి తగ్గిన సందర్శకుల తాకిడి 
మరోవైపు బంద్‌ ప్రభావంతో.. సచివాలయానికి సందర్శకుల తాకిడి రోజుకన్నా కూడా కొంత తగ్గింది. అయితే.. రాష్ట్ర మంత్రివర్గ సమావేశం కారణంగా.. మంత్రులు అధికారులు తరలిరావడంతో.. వారిని కలిసేందుకు వచ్చిన వారు.. కొంతమేర ఇబ్బందులు పడ్డారు. 

 

20:15 - April 16, 2018

విజయవాడ : బంద్‌ సంపూర్ణంగా జరిగిందని సీపీఎం రాష్ట్ర కార్యదర్శి మధు అంటున్నారు. ప్రత్యేక, విభజన హామీలపై ప్రతి ఒక్కరూ తమ వంతుగా బంద్‌లో పాల్గొని సంపూర్ణం చేశారంటున్నారు. అయితే టీడీపీ, బీజేపీలు రాజకీయ లబ్ధి కోసమే ఆరాట పడుతున్నారంటున్నారు. ఈ రెండు పార్టీలు ప్రజలకు మోసం చేశాయని విమర్శించారు. భవిష్యత్‌లో ఉద్యమం ఉధృతం చేస్తామంటున్న మధుతో టెన్ టివి ఫేస్‌ టూ ఫేస్‌ నిర్వహించింది. మరిన్ని వివరాలను వీడియోలో చూద్దాం... 

18:58 - April 16, 2018

విజయవాడ : బీజేపీ అబద్ధాల ప్యాక్టరీగా తయారైందని సీపీఎం ఏపీ రాష్ట్ర నాయకులు వై.వెంకటేశ్వర్ రావు విమర్శించారు. 24 పేజీల పుస్తకం కాదు..64 పేజీల పుస్తకం వేసిన బీజేపీ నేతల మాటలు నమ్మరని అన్నారు. ఏపీ ప్రజలు బీజేపీకి సమాధి కడతారని పేర్కొన్నారు. విపక్షాలు చేస్తున్న పోరాటాలపై ప్రభుత్వం దుష్ప్రచారం చేస్తోందన్నారు. బంద్ లో ప్రజలు రాజకీయాలకతీతంగా స్పందించారని తెలిపారు. ప్రత్యేకహోదా కోసం పోరాటం చేయడంలో చంద్రబాబుకు చిత్తశుద్ధి ఉందా అని ప్రశ్నించారు. నిర్బంధాలకు, కేసులకు భయపడబోమని చెప్పారు. నిర్బంధం ప్రయోగిస్తే, అడ్డుకుంటే ప్రజలు ఊరుకోరని.. తగిన బుద్ధి చెబుతారని హెచ్చరించారు. బిజిలీ బంద్ ను విజయవంతం చేయాలని పిలుపునిచ్చారు. 
జనపేన నేత  
'కాంప్రమైజ్ పాలిటిక్స్ చేయొద్దు. 2014 నుంచి బీజేపీ, టీడీపీ కలిసి ప్రభుత్వంలో ఉన్నాయి. హోదా ఇవ్వలేదు... ప్యాకేజీ ఇవ్వలేదు. ఐదుకోట్ల ఆంధ్రుల హక్కలను చంద్రబాబు కాపాడలేకపోయారు. ఢిల్లీలో ప్రజలు హక్కు కోల్పోయారు'.

 

18:39 - April 16, 2018

విజయవాడ : ప్రధాని మోడీ నియంతలా వ్యవహరిస్తున్నారని సీపీఐ ఏపీ రాష్ట్ర కార్యదర్శి రామకృష్ణ విమర్శించారు. ప్రత్యేక హోదా విషయంలో మోడీ ప్రభుత్వం దిగిరావాలన్నారు. ప్రజాస్వామ్యాన్ని గౌరవించాలని...పార్లమెంట్ లో చేసిన చట్టాలను అమలు చేయాలని చెప్పారు. 2014 ఏప్రిల్ 20న ఏ హామీలు ఇచ్చారో వాటిని అమలు చేయాలని కోరుతున్నామని చెప్పారు. బీజేపీ నేతలు అర్ధసత్యాలు, అవాకులు, చెవాకులు పేలుతున్నారని పేర్కొన్నారు. ఏపీ బీజేపీ ఎన్నికల మ్యానిఫెస్టో ఆ పార్టీ నేతలు చదువుకోవాలని.. మ్యానిఫెస్టోను అమలు చేయాలన్నారు. లేకపోతే పదవులకు రాజీనామా చేయాలని డిమాండ్ చేశారు. 13 జిల్లాల్లో ప్రజలు స్వచ్ఛందంగా బంద్ లో పాల్గొని, విజయవంతం చేసినందకు అభినందలు తెలిపారు. సీఎం చంద్రబాబు అధికారంలో ఉంటే ఒకమాట..లేకుంటే మరోమాట మాట్లాడుతున్నారని అన్నారు. చంద్రబాబు ఆధ్వాన్నంగా మాటమార్చుతున్నారని చెప్పారు. మాటమార్చుకోవడం మానుకోవాలని హితవుపలికారు. ప్రజలను తప్పుదోవ పట్టించడం సరికాదన్నారు. తమను ప్రశ్నిస్తున్న చంద్రబాబు ఏపీలో దీక్ష ఎందుకు చేస్తున్నారని ప్రశ్నించారు. దమ్ముంటే చంద్రబాబు ఢిల్లీలో దీక్ష చేయాలన్నారు. మోడీ, చంద్రబాబు పాపాలు చేశారని చెప్పారు. ఈ  పాపంలో వెంకయ్యనాయుడి పాత్ర కూడా ఉందన్నారు. చంద్రబాబు, వెంకయ్యనాయుడు ప్రజలను తప్పుదోవపట్టించారని... మభ్య పెట్టారని మండిపడ్డారు. ఇద్దరి పాపాల వల్ల రాష్ట్రానికి అన్యాయం జరిగిందన్నారు. మోడీకి దిమ్మతిరిగే విధంగా బ్లాక్ డే పాటిస్తామని చెప్పారు. స్వచ్ఛందంగా ప్రజలు బిజిలీ బంద్ పాటించాలన్నారు.

 

17:46 - April 16, 2018

విజయవాడ : బంద్ ను నిర్వీర్యం చేసేందుకు ప్రభుత్వం యత్నించిందని ఏపీ ప్రత్యేకహోదా సాధన సమితి నేత చలసాని శ్రీనివాస్ అన్నారు. ప్రత్యేక హోదా బంద్ విజయవంతమైందన్నారు. ఈమేరకు ఆయన మీడియాతో మాట్లాడారు. ఈనెల 24న చీకటిరోజుగా పాటించాలన్నారు. భవిష్యత్ లో ప్రత్యేకహోదా కోసం చేసే ఆందోళనకు ప్రజలు మద్దతు ఇవ్వాలని కోరారు. రాష్ట్రానికి రావాల్సిన నిధులను పక్కదారి పట్టించారని ఆరోపించారు. 'మీరు తెలుగు వారేనని గుర్తుంచుకోవాలి' అని ఏపీ బీజేపీ నేతలను ఉద్ధేశించి ఆయన మాట్లాడారు. గుజరాత్ గీతాలను గుజరాత్ వెళ్లి పాడుకోండని సలహా ఇచ్చారు. బీజేపీ నేతల భాష బాగానే ఉంది... భావం ఘెరంగా ఉందని ఎద్దేవా చేశారు. చర్చా వేదికకు రండి అన్నారు. అక్రమ అరెస్టులను తీవ్రంగా ఖండిస్తున్నట్లు ప్రకటించారు. 

16:57 - February 27, 2018

తూర్పుగోదావరి : అధికారులతో పాటు ప్రజాప్రతినిధులను కూడా అవినీతి నిరోధకశాఖ పరిధిలోకి తీసుకురావాలని ఏపీ హోంమంత్రి నిమ్మకాయల చినరాజప్ప అన్నారు. అప్పుడే రాజకీయ అవినీతి బయటపడుతుందని చెప్పారు. రాజమహేంద్రవరంలో నూతనంగా నిర్మించిన ఏసీబీ కార్యాలయాన్ని ఆయన ప్రారంభించారు. ఈ సందర్భంగా మాట్లాడిన ఆయన...  ప్రతి జిల్లాలోనూ ఏసీబీ కార్యాలయాన్ని ఏర్పాటు చేస్తున్నామన్నారు. అధికారులు ధనార్జన కోసం కాకుండా.. సేవే లక్ష్యంగా పనిచేయాలన్నారు. 

 

15:59 - February 26, 2018

పశ్చిమగోదావరి : జిల్లాలో ఏపీ హోం మంత్రి చిన రాజప్ప పర్యటించారు. కామవరపుకోటలో 42 అడుగుల శ్రీ వరసిద్ధి వినాయక విగ్రహ ప్రతిష్టాపన కార్యక్రమంలో ఆయన పాల్గొని మీడియాతో మాట్లాడారు. ప్రత్యేక హోదాకు అనుగుణంగా ప్రత్యేక నిధులు ఇస్తేనే బీజేపీతో ఉంటామని తేల్చిచెప్పారు. 2019 ఎన్నికల్లో జనసేన పార్టీలో చేరుతారనే ప్రచారం జరుగుతోందని ఓ మీడియా ప్రతినిధి అడగగా చిన రాజప్ప ఒకింత ఆగ్రహం వ్యక్తం చేశారు. తాను ఆ పార్టీలో చేరడం లేదని, చిరంజీవి పార్టీ పెడితే వెళ్లలేదన్నారు. ఇక ఈ కార్యక్రమంలో ఏలూరు ఎంపీ మాగంటి బాబు తదితరులు పాల్గొన్నారు. 

20:44 - February 25, 2018

అవిశ్వాసం అనవసర ప్రక్రియని, విభజన హామీ అంశాల్లో 62 శాతం పూర్తైయ్యాయని ఉండవల్లి అరుణ్ కుమార్ అన్నారని, విభజన హామీలు అమలు చేయడానికి 2022 వరకు ఉందని బీజేపీ ఎమ్మెల్సీ సోము వీర్రాజు అన్నారు. విభజన హామీలు గురించి మరిన్ని విషయాలకు వీడియో క్లిక్ చేయండి.

Don't Miss

Subscribe to RSS - AP Bandhu