AP Cabinet Ministers

14:19 - January 2, 2018
07:27 - December 29, 2017

విశాఖ : ఉక్కు నగరంలో విశాఖ ఉత్సవ్‌ అట్టహాసంగా ప్రారంభమైంది. ఒకప‌క్క సాగ‌ర ఘోష, మ‌రో ప‌క్క ఉత్సవ శోభ.. నగరవాసులను ఎంతగానో ఆకట్టుకుంటోంది. పుష్ప పరిమాళాలు.. సాంస్కృతిక కార్యక్రమాలు అందరిని మైమరిపిస్తున్నాయి. మరో రెండు రోజులు కూడా అద్భుతమైన కార్యక్రమాలు అందరినీ అలరించనున్నాయి. 
ఉత్సవ్ కార్యక్రమాన్ని ప్రారంభించిన స్పీకర్‌ కోడెల  
మూడు రోజుల పాటు జ‌ర‌గ‌నున్న విశాఖ ఉత్సవ్ కార్యక్రమాన్ని స్పీకర్‌ కోడెల శివప్రసాద్‌రావు ప్రారంభించారు. సాగ‌ర తీరంలో ఏర్పాటు చేసిన వివిధ ర‌కాల సాంస్కృతిక కార్యక్రమాలు, కార్నివాల్, 
శకటాల ప్రదర్శన, జాతర, క్రీడలు అందర్ని ఆకట్టుకున్నాయి. 
ఆకట్టుకున్న ఫ్లవర్‌ షో 
దాదాపు 5వేల రకాల పుష్పాలతో ఎంజీఎం మైదానంలో ఏర్పాటు చేసిన ఫ్లవర్‌ షో చూపరులను ఆకట్టుకున్నాయి. విశాఖలోని ప్రముఖ ఆలయాల నమూనాలను సందర్శన కోసం ఏర్పాటుచేశారు. మొద‌టి రోజు ఉత్సవాలు నృత్యాలు, గిరిజన జాతరలతో హోరెత్తాయి. ఆటపాటలు అందరినీ అలరించాయి. ఈ ఫెస్ట్‌లో ఉత్సవాలే కాకుండా... అనేక క్రీడలు నిర్వహించారు. పారా మోటార్‌, బీచ్‌ ఫుట్‌బాల్‌లాంటి గేమ్స్‌ ఏర్పాటు చేశారు. ఈ గేమ్స్‌లలో ఎంతోమంది ఔత్సాహికులు పాల్గొన్నారు. ఈ పోటీలలో పాల్గొన్న వారికి బహుమతులు అందజేసి.. ఉత్తేజపరిచారు. 
ప్రజల ముందుకు టీయూ 142 ఫైటర్‌ విమానం
ఇక ఈ ఫెస్ట్‌లో పర్యాటకులంతా ఎప్పడెప్పుడా అని ఎదురుచూసే టీయూ -142 ఫైటర్‌ విమానాన్ని ప్రజలకు ముందుకు తీసుకువచ్చారు. చేసిన విన్యాసాలు అందరినీ ఆకట్టుకున్నాయి. మూడు రోజులపాటు జరగనున్న ఈ ఫెస్టివల్‌లో తొలిరోజు నగరవాసులు, పర్యాటకులను ఎంతగానో ఆకట్టుకున్నాయి. ఇక ఈ ఫెస్ట్‌కు సినీహీరోలు కూడా రానున్నారు. అఖిల్‌, అల్లూ శిరీష్‌, సంగీత దర్శకుడు ప్రియతమ్‌లు ఈ ఫెస్ట్‌లో పాలుపంచుకోనున్నారు. 

 

06:59 - December 17, 2017

గుంటూరు : అమరావతిలో జరిగిన ఏపీ కేబినెట్ సమావేశంలో పలు కీలక నిర్ణయాలు తీసుకున్నారు. అసెంబ్లీ టవర్ ఆకృతికి కేబినెట్ ఆమోదం తెలిపింది. కొత్తగా రాష్ట్రంలో తొమ్మిది మండలాల ఏర్పాటుతో పాటు... 2017 ఏపీ పోలీస్ ముసాయిదా బిల్లుకు గ్రీన్ సిగ్నల్ ఇచ్చారు. పోలవరంపై తాజాగా పిలిచిన 14వందల 80 కోట్ల టెండర్లను తాత్కాలికంగా నిలిపివేయాలని సమావేశంలో నిర్ణయించారు. 
అసెంబ్లీ టవర్‌ ఆకృతికి మంత్రివర్గం ఆమోదం 
ఎపీ మంత్రి మండలి పలుకీలక నిర్ణయాలు తీసుకుంది. డిజిపి నియామకం, అసెంబ్లీ డిజైన్స్ , చంద్రన్న పెళ్లి కానుకు, పోలవరంలాంటి కీలక అంశాల పై   నాలుగు గంటల పాటు చర్చించారు. అమరావతిలో శాశ్వత అసెంబ్లీ డిజైన్ కోసం నార్మన్ పోస్టర్స్ సూచించిన 'టవర్'  ఆకృతిని పైనల్‌గా ఖరారు చేశారు. శాశ్వత అసెంబ్లీ భవనాన్ని మొత్తం 7.8 లక్షల చదరపు అడుగుల విస్తీర్ణంలో నిర్మాణం చేయనున్నారు.  అసెంబ్లీ భవనం చుట్టూ 125 ఎకరాల్లో నీటిని ఏర్పాటు చేసి, భవనం ఆక్రుతి నీటిలో ప్రతిబింభించేలా నిర్మాణం చేయనున్నారు. దాంతోపాటు రాష్ట్రంలో కొత్తగా 9 మండలాలు ఏర్పాటు చేయాలని నిర్ణయం తీసుకున్నట్టు మంత్రులు తెలిపారు. విశాఖ,విజయవాడ అర్బన్‌ ఏరియాల్లో 3 మండలాలు కొత్తగా రానున్నాయి. అటు గుంటూరు, నెల్లూరు, కర్నూలో ఒక్కో అర్బన్‌ మండలం ఏర్పాటు కానున్నాయి. 
పోలవరం పూర్తివివరాలు అందించాలని నిర్ణయం
ఇక కీలకమైన  పోలవరం ప్రాజెక్టుకు సంబంధించిన  ఈ నెల 23   కేంద్ర మంత్రి నితిన్ గడ్కరీ రాబోతుండడంతో,   పోలవరం పూర్తి వివరాలు కేంద్ర మంత్రికి వివరించాలని క్యాబినెట్ నిర్ణయింది.  ముఖ్యంగా కేంద్ర చెప్పినట్లుగానే , 1450 కోట్ల పనుల టెండర్లను మరో నెల రోజులు పాటు వేచి చూడాలన్న నిర్ణయాన్ని తీపుకున్నారు.  వివిధ పనులకోసం ప్రభుత్వం నిర్మాణ సంస్థకు ఇచ్చిన మొబిలైజేషన్ అడ్వాన్స్ మొత్తాన్ని  రికవరీ చేసే ప్రక్రియను మరో ఏడాది పొడిగించాలని డెసిషన్‌ తీసుకున్నారు.  మరోవైపు డిసెంబర్  27న రాష్ట్రపతి రామ్‌నాథ్ కోవింద్ చేతులు మీదుగా రాష్ట్ర ఫైబర్ గ్రిడ్  ప్రారంభోత్సవం జరిపించాలని ఏపీ మంత్రిమండలి  నిర్ణయించింది
పోలీస్ యాక్ట్ 2014 కు సవరణలు  
డిజిపి ఎంపికకు సంబధించి గత కొంతకాలంగా సాగుతున్న సస్పెన్స్ కు క్యాబినెట్  తెర దించింది. ప్రస్తుతం రాష్ట్ర ప్రభుత్వం తీసుకొచ్చిన పోలీస్ యాక్ట్ 2014 అముల్లో ఉంది. ఈ చట్టాన్ని సవరించి ప్రస్తుతం డీజీపీ నియామకం విషయంలో ఎదురవుతున్న ఇబ్బందులను తొలగించాలని మంత్రివర్గంలో నిర్ణయం తీసుకున్నారు. డీజీపీ నియామకాన్ని ఇప్పుడు కొత్తగా రాష్ట్ర పరిధిలోకి తెచ్చేందుకు  యాక్ట్ 9 ఆఫ్ 2014ను సవరిస్తూ ఆర్డినెన్సు తీసుకురావడానికి మంత్రిమండలి నిర్ణయించింది.
ఫిబ్రవరి నుంచి చంద్రన్న పెళ్లికానుక 
ఇక చంద్రన్న పెళ్లి కానుక పథకాన్ని వచ్చే ఏడాది ఫిబ్రవరి నుండి ప్రారంభించాలని క్యాబినెట్ నిర్ణయించింది.  బీసీ,  ఎస్‌సీ,  ఎస్‌టీ,  మైనారిటీలకు ఈ కానుక అందిస్తారు. బీసీలకు రూ.30వేలు,  ఎస్‌సీ,  ఎస్‌టీలకు రూ.50  వేలు పెళ్లికానుక ఇవ్వాలని ప్రాథమికంగా నిర్ణయించారు. అలాగే సమాజంలో చిన్నచూపునకు గురవుతున్న హిజ్రాల కోసం ట్రాన్స్‌జెండర్ పాలసీ తీసుకురావాలని మంత్రిమండలి నిర్ణయించింది. 

 

21:18 - November 14, 2017

కర్నూలు : జగన్‌ ప్రజా సంకల్పయాత్ర ఎనిమిదోరోజు కర్నూలు జిల్లాలోకి ప్రవేశించింది. జిల్లాలోని ఆళ్లగడ్డ నియోజకవర్గం, చాగల మర్రి గ్రామం నుండి పాదయాత్ర ప్రారంభించారు. ప్రజా సమస్యలను తెలుసుకుంటూ జగన్‌ పాదయాత్ర సాగింది. జగన్ యాత్ర ఇవాళ వంద కిలోమీటర్లు దాటింది. గ్రామాల్లో ప్రభుత్వ పథకాలు పొందాలంటే జన్మభూమి కమిటీలకు లంచం ఇవ్వాల్సిన పరిస్థితి నెలకొందన్నారు. తాను అధికారంలోకి వస్తే ప్రతి గ్రామంలో సెక్రటేరియట్‌ ఏర్పాటు చేసి గ్రామస్థులకే ఉద్యోగం కల్పిస్తామన్నారు జగన్. 

18:48 - November 14, 2017

విజయవాడ : జగన్ కు ఇంగిత జ్ఞానం ఉందా ? అని ఎంపీ జేసీ దివాకర్ రెడ్డి ఎద్దేవా చేశారు. జగన్‌ తీరుపై అనంతపురం ఎంపీ జేసీ దివాకర్‌రెడ్డి తీవ్ర స్థాయిలో మండిపడ్డారు. చంద్రబాబు రాయలసీమకు నీరిచ్చి ఆదుకుంటుంటే.. జగన్‌ పల్నాడుకు నీరు తరలించాలని చూస్తున్నారని ఆగ్రహం వ్యక్తం చేశారు. ప్రతి క్షణం సీఎం కుర్చీ గురించే ఆలోచించే జగన్‌ ముఖ్యమంత్రి కాలేడని జేసీ అన్నారు. జగన్‌ రాజకీయాలు వదిలేసి పారిశ్రామిక వేత్తగా స్థిరపడాలని జేసీ దివాకర్‌రెడ్డి సూచించారు. 

22:03 - November 12, 2017


కడప : చంద్రబాబుగారి పాలన ఎల్లకాలం సాగదని, రేపటి మీద భరోసా ఇచ్చేందుకు పాదయాత్ర కార్యక్రమం చేపట్టామన్నారు వైఎస్‌ జగన్మోహన్‌ రెడ్డి. ఆరో రోజు ప్రజాసంకల్ప యాత్రలో భాగంగా చెన్నమరాజుపల్లె, చాపాడు కెనాల్‌, కామనూర్‌, రాధానగర్‌ మీదుగా 15 కిలోమీటర్ల మేర పాదయాత్ర చేశారు. చేనేత కార్మికులు, ఇతర కుల సంఘాలతో ముఖాముఖి నిర్వహించి వారి సమస్యలను అడిగి తెలుసుకున్నారు. సమస్యలను పరిష్కరించే దిశగా కృషి చేస్తానని హామీ ఇచ్చారు. చెడిపోయిన రాజకీయ వ్యవస్తలో విశ్వసనీయత అనే పదానికి అర్థం తీసుకురావాలన్నారు జగన్‌. ఎన్నికల హామీలు నెరవేర్చకపోతే పదవికి రాజీనామా చేసే పరిస్థితి రావాలన్నారు. అలాంటి పరిస్థితి తీసుకురావడానికే పాదయాత్ర చేస్తున్నానన్నారు. తాను అధికారంలోకి వస్తే ప్రజలు దిద్దిన మానిఫెస్టో తీసుకువస్తానన్నారు. ప్రజల భయంతోనే చంద్రబాబు మానిఫెస్టో నెట్‌లో పెట్టలేదని విమర్శించారు.

 

21:46 - November 10, 2017

గుంటూరు : పాదయాత్రతో అధికారంలోకి వస్తారనుకోవడం భ్రమేనన్నారు ఏపీ ముఖ్యమంత్రి చంద్రబాబు నాయుడు. గతంలో షర్మిల కూడా పాదయాత్ర చేసిందని... అయినా ఏం ప్రయోజనం కలగలేదన్నారు. అసెంబ్లీ సమావేశాల తొలిరోజు తరువాత చంద్రబాబు మీడియాతో చిట్ చాట్ నిర్వహించారు. దూషించుకుంటేనే వార్త అనే పరిస్థితి పోవాలన్న సీఎం... అర్ధవంతమైన చర్చలను ప్రజల్లోకి తీసుకెళ్లే బాధ్యత మీడియాపైనే ఉందన్నారు. సభలో ప్రతిపక్షం లేకపోవడం కొత్తేమీ కాదన్నారు. 1982కు ముందు ప్రతిపక్ష పార్టీలు లేవని... గ్రూపులు మాత్రమే ఉండేవన్నారు. అసెంబ్లీలో జగన్‌ ఉంటే సభను అడ్డుకోవడం తప్ప వేరే పనేం ఉంటుందని విమర్శించారు. కాంగ్రెస్‌, జగన్‌ అవినీతి గురించి ఇప్పటికీ విదేశాల్లో అడుగుతున్నారని... గతంలో జరిగిన అవినీతి వల్ల రాష్ట్ర ప్రతిష్ఠ దారుణంగా దెబ్బతిన్నదని వాపోయారు. ఏసీబీకి పట్టుబడ్డ వారి ఆస్తులను త్వరలో స్వాధీనం చేసుకుంటామని చంద్రబాబు నాయుడు స్పష్టం చేశారు. అక్రమార్జనను ప్రభుత్వం స్వాధీనం చేసుకుంటుందనే భావన ప్రజల్లో వస్తే అవినీతిని అరికట్టవచ్చని అభిప్రాయపడ్డారు.

 

20:30 - November 10, 2017

గుంటూరు : ఏపీ సచివాలయంలో ఎలక్ట్రిక్ మొబిలిటీ స్టేక్ హోల్డర్స్ మీట్ జరిగింది. ఈ కార్యక్రమంలో మంత్రి నారా లోకేశ్, పలు ఎలక్ట్రిక్ వాహన తయారీల కంపెనీలు, బ్యాటరీ తయారీ కంపెనీల ప్రతినిధులు హాజరయ్యారు. ఏపీలో ఎలక్ట్రిక్ వాహనాల వినియోగం పెంచడం కోసం తీసుకోవాల్సిన చర్యలు, నూతన పరిశోధనలపై సమావేశంలో చర్చ జరిగింది. తక్కువ సమయంలో ఎలక్ట్రిక్ వాహనాలను ఛార్జ్ చేసే  స్టేషన్స్ ఏర్పాటుకు  కంపెనీలు ముందుకు వస్తే  ప్రభుత్వం పూర్తి సహకారాలు అందిస్తుందని మంత్రి లోకేశ్ తెలిపారు. 

 

20:25 - November 10, 2017

గుంటూరు : నదుల అనుసంధానం ద్వారా రాష్ట్రలో తాగు, సాగు, పారిశ్రామిక రంగాలకు నీటి భద్రత కల్పిస్తామని ఏపీ ముఖ్యమంత్రి చంద్రబాబు అసెంబ్లీలో ప్రకటించారు. ఈ బృహత్‌ కార్యక్రమం పూర్తైన తర్వాత సమగ్ర నీటి విధానం తీసుకొస్తామని సభ దృష్టికి తెచ్చారు. ఏపీ ప్రజల జీవనాడి పోలవరం ప్రాజెక్టు, నదుల అనుసంధానాన్ని పూర్తి చేయడం ద్వారా 15 శాతం వార్షిక వృద్ధి రేటు సాధించాలని లక్ష్యంగా పెట్టుకున్న విషయాన్ని చంద్రబాబు ప్రస్తావించారు. విపక్షం లేకుండా జరుగుతున్న ఏపీ అసెంబ్లీ సమావేశాలు ఈనెల 25 వరకు జరగనున్నాయి. 
సమావేశాలను బహిష్కరించిన వైసీపీ  
ఏపీ అసెంబ్లీ సమావేశాలు ప్రారంభమయ్యాయి. ప్రతిపక్ష వైసీపీ సభ్యులు శాసనసభ సమావేశాలను బహిష్కరించడంతో అన్ని అంశాలపై చర్చ ఏకపక్షంగా సాగింది. సభ ప్రారంభమైన వెంటనే బీజేపీ సభ్యుడు విష్ణుకుమార్‌రాజు.. ప్రత్యేక ప్రస్తావన ద్వారా  పట్టిసీమ ప్రాజెక్టును పూర్తిచేసి  కృష్ణా డెల్టాకు సాగునీరు ఇచ్చిన ముఖ్యమంత్రి చందబ్రాబును అభినందనలు తెలిపే విషయాన్ని ప్రస్తావించారు. అయితే దీనిపై చాలా మంది సభ్యులు తమ అభిప్రాయాలు చెప్పాలని ఆసక్తి కనపరచడంతో ప్రశ్నోత్తరాల తర్వాత సల్వవ్యవధి చర్చ చేపట్టారు. 
పట్టిసీమ ప్రాజెక్టుపై చర్చ
పట్టిసీమ ప్రాజెక్టుపై అసెంబ్లీలో జరిగిన చర్చకు ముఖ్యమంత్రి చంద్రబాబు సమాధానం ఇచ్చారు. పట్టిసీమ నీటితో కృష్ణా డెల్టా రైతుల ఆదాయం పెరిగిన విషయాన్ని సభ దృష్టికి తీసుకొచ్చారు. రాష్ట్రంలోని అన్ని నదులను అనుసంధానంచేసి, నీటి భద్రత కల్పిస్తామని హామీ ఇచ్చారు. 
అమరావతిలో అంబ్కేడ్కర్‌ స్మృతివనంపై చర్చ 
ప్రశ్నోత్తరాల సమయంలో అమరావతిలో అంబ్కేడ్కర్‌ స్మృతివనం నిర్మాణంపై చర్చ జగింది. టీడీపీ సభ్యురాలు ఉప్పులేటి కల్పన లేవనెత్తిన ఈ అంశంపై జరిగిన చర్చలో పలువురు సభ్యులు పాల్గొన్నారు. ఈ ఏడాది డిసెంబర్‌లో  అంబేడ్కర్‌ స్మృతివనం ప్రాజెక్టు నిర్మాణాన్ని ప్రారంభించి, 18 నెలల్లో పూర్తి చేస్తామని  చర్చకు సమాధానంగా చంద్రబాబు చెప్పారు.  ప్రశ్నోత్తరాలు, పట్టిసీమపై చర్చ తర్వాత స్పీకర్‌ కోడెల శివప్రసాదరావు అసెంబ్లీని సోమవారానికి వాయిదా వేశారు.  

 

19:25 - November 10, 2017

గుంటూరు : ఏపీ అసెంబ్లీలో నదుల అనుసంధానం, పట్టీసీమపై చర్చ జరిగింది. ఈ సందర్భంగా మాట్లాడిన చంద్రబాబు.... పోలవరం జీవనాడి అయితే రాయలసీమకు ముచ్చుమర్రి జీవనాడి అన్నారు. పోలవరం ప్రాజెక్టు తన జీవిత ఆశయంగా పెట్టుకున్నానని.. ఎన్నికష్టాలొచ్చినా పూర్తి చేసి తీరుతామన్నారు. రాయలసీమను రతనాల సీమగా మారుస్తామన్నారు. వంశధార, నాగావళి నదుల అనుసంధానం త్వరలోనే పూర్తవుతుందన్నారు. రాజధాని మొదలు అన్ని పనులకు ప్రజలు తన వెంట ఉన్నందుకు ధన్యవాదాలు తెలిపారు.

 

Pages

Don't Miss

Subscribe to RSS - AP Cabinet Ministers