AP Congress Incharge

21:10 - July 12, 2018

నెల్లూరు : ప్రత్యేక హోదా విషయంలో తెలుగు ప్రజలను బీజేపీ, టీడీపీ మోసం చేశాయని కాంగ్రెస్‌ ఏపీ వ్యవహారాల ఇన్ఛార్జ్‌ ఊమెన్‌ చాందీ అన్నారు. రాబోయే ఎన్నికల్లో బీజేపీ, టీడీపీలకు ప్రజలు గుణపాఠం చెప్పాలని ఆయన అన్నారు. నెల్లూరు జిల్లాలో పర్యటించిన ఉమెన్‌ చాందీ.. కాంగ్రెస్‌ బలోపేతానికి కృషిచేయాలని పార్టీ శ్రేణులకు పిలుపునిచ్చారు. కాంగ్రెస్‌ ఏపీ వ్యవహారాల ఇన్ఛార్జ్‌ ఊమెన్‌ చాందీ బీజేపీ, టీడీపీ తీరుపై మండిపడ్డారు. ఆంధ్రప్రదేశ్‌కు ప్రత్యేక హోదా విషయంలో రెండు పార్టీలు మోసం చేశాయని ఆయన ఆగ్రహం వ్యక్తం చేశారు. నెల్లూరులో పర్యటించిన ఊమెన్‌ చాందీ.. రాష్ట్రంలో కాంగ్రెస్‌ పార్టీకి పూర్వ వైభవం తేవడానికి కృషి చేయాలని పార్టీ శ్రేణులను కోరారు.

మోదీ నాలుగేళ్ల పాలనలో లక్షల కోట్లు లూటీ చేయడం తప్ప, ప్రజలకు చేసిందేమీ లేదని ఊమెన్‌ చాందీ అన్నారు. మోదీ కాంగ్రెస్‌ను విమర్శించడం మానుకొని.... ప్రజల అభివృద్ధి కోసం పనిచేయాలని హితవు పలికారు. ప్రత్యేక హోదా విషయంలో ప్రజలను మోసం చేసిన బీజేపీ, టీడీపీలకు రాబోయే ఎన్నికల్లో ప్రజలు గుణపాఠం చెప్పాలన్నారు ఊమెన్‌ చాందీ.

మరో వైపు కాంగ్రెస్ క్యాడర్‌లో జోష్‌ నింపే ప్రయత్నం చేశారు పీసీసీ రాష్ట్ర అధ్యక్షుడు రఘువీరా రెడ్డి. రాష్ట్రం అభివృద్ధి జరగాలంటే కాంగ్రెస్‌ వల్లే సాధ్యమవుతుందన్నారు. పోలవరం ప్రాజెక్టు, రాజధాని నిర్మాణం కేంద్ర ప్రభుత్వ నిధులతో పూర్తి కావాలంటే కేంద్రంలో కాంగ్రెస్‌ గెలుపొందాలన్నారు. మొత్తానికి కేంద్ర వైఫల్యాలను ఎత్తి చూపుతూ పార్టీ బలోపేతానికి కాంగ్రెస్‌ కృషి చేస్తోంది. 

16:37 - June 13, 2018

విజయవాడ : ప్రధాని నరేంద్ర మోదీ, ముఖ్యమంత్రి చంద్రబాబు కలిసి ఏపీ ప్రజలను నమ్మించి మోసం చేశారాని రాష్ట్ర కాంగ్రెస్‌ వ్యవహారాల ఇన్‌చార్జ్‌ ఉమెన్‌ చాందీ విమర్శించారు. యూపీఏ ప్రభుత్వం పార్లమెంటు సాక్షిగా ఇచ్చిన ప్రత్యేక హోదా హామీని మోదీ అమలు చేయకపోవడాన్ని చాందీ తప్పుపట్టారు. ఎన్డీయేలో భాగస్వామిగా ఉండి కూడా హోదా సాధించుకోవడంలో ముఖ్యమంత్రి చంద్రబాబు విఫలమయ్యారని మండిపడ్డారు. మరోవైపు వచ్చే ఎన్నికల్లో రాహుల్‌ గాంధీ నేతృత్వంలో కాంగ్రెస్‌ అధికారంలోకి వస్తే రాష్ట్రానికి ప్రత్యేక హోదా వస్తుందని పీసీసీ అధ్యక్షుడు రఘువీరారెడ్డి చెప్పారు. 

15:13 - June 7, 2018

ఢిల్లీ : ఏఐసీసీ ప్రధాన కార్యదర్శి ఏపీ వ్యవహారాల బాధ్యుడిగా ఉమెన్‌ చాందీ బాధ్యతలు స్వీకరించారు. ఉమెన్‌ చాందీ 21 సార్లు ఎమ్మెల్యేగా గెలిచి, మాజీ ముఖ్యమంత్రిగా కూడా పనిచేసిన అనుభవజ్ఞుడు. ఈ నెల 12న విజయవాడలో కాంగ్రెస్‌ సీనియర్‌ నేతలతో ఉమెన్‌ చాందీ సమావేశం కానున్నారు. 13న ఏఐసీసీ రాష్ట్ర కార్యవర్గ సమావేశం జరపాలని నిర్ణయించినట్లు ఉమెన్‌ చాందీ చెప్పారు. చంద్రబాబు ముఖ్యమంత్రిగా ప్రమాణస్వీకారం చేసి రేపటికి నాలుగేళ్లు అయిన సందర్భంగా నిరసన కార్యక్రమాలు చేపట్టనున్నారు. 8 నుంచి15వ తేదీ వరకు ప్రజా వంచన వారంగా నిరసన చేపట్టనున్నానామని ఏపీ పీసీసీ అధ్యక్షుడు రఘువీర రెడ్డి చెప్పారు.

 

Don't Miss

Subscribe to RSS - AP Congress Incharge