ap development

11:04 - May 9, 2018

విజయవాడ : ఎప్పుడూ జరగని అభివృద్ధి ఈ నాలుగేళ్లలో జరిగిందని, సమిష్టి కృషి..అందరి కృషి భాగస్వామ్యంతోనే ఇది జరిగిందని ఏపీ సీఎం చంద్రబాబు నాయుడు పేర్కొన్నారు. అమరావతిలో రెండో రోజు కలెక్టర్ల సదస్సు కొనసాగింది. ఈ సందర్భంగా కలెక్టర్లనుద్దేశించి ఆయన మాట్లాడారు. సంక్షోభంంలోనూ సవాళ్లను అధిగమిస్తూ అభివృద్ధి సాధించడం జరిగిందని, ఇదే స్పూర్తిని కొనసాగించాలని బాబు సూచించారు. 

08:41 - March 22, 2018

గుంటూరు : నేడు ఏపీ అసెంబ్లీలో ప్రశ్నోత్తరాల సమయంలో పలు అంశాలపై చర్చ జరుగనుంది. అల్పాదాయ వర్గాలకు గృహనిర్మాణం, శిల్పారామాల ఏర్పాటుపై చర్చించనున్నారు. ఆడశిశువులకు ఆర్థికసాయం, మారుమూల ప్రాంతాల్లో ప్రాథమిక ఆరోగ్య కేంద్రాల ఏర్పాటుపై చర్చ చేపట్టనున్నారు. కడప జిల్లాలో ఉక్కు కర్మాగారం స్థాపన, రాష్ట్రంలో కొత్త జూనియర్ కళాశాల ఏర్పాటుపై చర్చ చేయనున్నారు. రైతులకు పట్టాల పంపిణీపై అత్యవసర ప్రజాప్రయోజనాల నోటీసు, చర్చ ఉంటుంది. రాష్ట్రంలో అభివృద్ధి కార్యక్రమాలు, కొత్త అంగన్ వాడీలపై చర్చ జరుగనుంది. 

09:19 - March 21, 2018

గుంటూరు : ఇవాళ ఏపీ అసెంబ్లీలో పలు సంక్షేమ, అభివృద్ది పథకాలపై చర్చ జరగనుంది. స్మార్ట్ పల్స్ సర్వే,  ప్రభుత్వం ఆధ్వర్యంలోకి ఏపీఎస్ ఆర్టీసీ, గిరిజన తండాలను గ్రామపంచాయితీల స్థాయికి పెంచే అంశంపై శాసన సభలో చర్చలు జరగనున్నాయి. దాంతోపాటు కరువు జిల్లా అనంతపురంలో  చెరువులను నింపే నోటీసు పై చర్చకూడా చర్చ జరగనుంది. ఎకనామికల్ డెవలప్‌మెంట్‌ బోర్డు-2018 బిల్లు ను సీఎం చంద్రబాబు సభలో ప్రవేశపెట్టనున్నారు. అటు 
వ్యవసాయ అనుబంధ రంగాలు, పంటల బీమా,  కరువు నివారణ, రైతు బజార్లపై లఘు చర్చ జరిగే అవకాశం ఉంది. 
శాసన మండలిలో కూడా పలు అంశాలపై చర్చ 
ఇక శాసన మండలిలో కూడా పలు అంశాలపై చర్చ జరగనుంది. రాష్ట్రంలో ప్రభుత్వ పాఠశాలల భవనాల నాణ్యత, కెరీర్ అడ్వాన్‌మెంట్స్  స్క్రీమ్‌పై చర్చ  జరగనుంది. ఫుడ్ ఇన్‌స్పెక్టర్ల నియామకం, సిటిజన్స్‌ చార్టులు, ఆన్ లైన్ ద్వారా రిజిస్ట్రేషన్ సర్టిఫికేట్లు, గంజాయి ఎగుమతి, ఎన్టీఆర్ ఆరోగ్య పథకం తదితర అంశాలపై ప్రశ్నోత్తరాల సమయంలో చర్చకు అవకాశం ఉంది. దాంతోపాటు సంక్షేమం, గృహ నిర్మాణం, గ్రామీణ నీటి సరఫరా, జలవనరుల ప్రాజెక్టులపై   కూడా మండలిలో  లఘు చర్చ జరిగే అవకాశం ఉంది. 

21:38 - March 19, 2018

అమరావతి : ప్రత్యేకహోదా ఉద్యమం ఉధృత రూపం దాలుస్తోంది. ఇటు రాష్ట్రంలోనూ... అటు ఢిల్లీలోనూ ఉద్యమం రోజురోజుకు తీవ్రతరమవుతోంది. కేంద్రంపై ఒత్తిడి పెంచడం, హోదా ఉద్యమాన్ని మరింత ముందుకు తీసుకెళ్లడమే లక్ష్యంగా.. ప్రత్యేక హోదా సాదన సమితి భవిష్యత్‌ కార్యాచరణ ప్రకటించింది. విజయవాడలో జరిగిన రౌండ్‌టేబుల్‌ సమావేశంలో అఖిలపక్ష నాయకులతో చర్చించి ఉద్యమ కార్యాచరణను సిద్ధం చేశారు. ఈనెల 22న జాతీయ రహదారుల నిర్బంధానికి పిలుపునిచ్చారు.

ఏపీలో ప్రత్యేకహోదా ఉద్యమం తీవ్రతరం
ఏపీలో ప్రత్యేకహోదా ఉద్యమం తీవ్రతరం అవుతోంది. ప్రత్యేకహోదా ఉద్యమాన్ని మరింత ఉధృతం చేయడానికి విజయవాడలో ప్రత్యేకహోదా సాధన సమితి ఆధ్వర్యంలో రౌండ్‌టేబుల్‌ సమావేశం జరిగింది. ఈ సమావేశంలో సీపీఎం, సీపీఐ, వైసీపీ, కాంగ్రెస్‌, జనసేనతోపాటు వివిధ ప్రజాసంఘాల నేతలు పాల్గొన్నారు.

ఏపీకి కేంద్ర, రాష్ట్ర ప్రభుత్వాలు కలిసి తీరని అన్యాయం చేశాయి: మధు
ఏపీకి కేంద్ర, రాష్ట్ర ప్రభుత్వాలు కలిసి తీరని అన్యాయం చేశాయని సీపీఎం రాష్ట్ర కార్యదర్శి పి. మధు అన్నారు. రాష్ట్రానికి అన్యాయం చేసిన వారికి బుద్దిచెప్పాల్సిన అవసరం ఉందన్నారు. ప్రత్యేకహోదా కోసం కేవలం రాజకీయ పార్టీల నేతలు మాత్రమే పోరాటం చేస్తే సరిపోదని... ప్రజలను కూడా ఇందులో భాగస్వాములను చెయ్యాలన్నారు. గ్రామస్థాయి నుంచి హోదా ఉద్యమాలు జరగాలని మధు అన్నారు.

తెలుగుజాతి పోరాటం శుభ పరిణామం: శివాజీ
జాతీయ స్థాయిలో తెలుగుజాతి పోరాటం వినిపిస్తుండడం శుభపరిణామమని సినీ నటుడు శివాజీ అన్నారు. ఆంధ్రులకు కోపం వస్తే బీజేపీ పునాదులు కదలిపోతాయన్నది ఆ పార్టీ నేతలు తెలుసుకోవాలన్నారు. ఆంధ్రుల హక్కులను కాలరాసేందుకు చూస్తే ఉద్యమాలతోనే సమాధానం చెప్తామన్నారు. అవసరమతే ప్రాణ త్యాగానికైనా సిద్ధమన్నారు.

హోదా ఉద్యమాన్ని తీవ్రతరం చేస్తాం : చలసాని
హోదా ఉద్యమాన్ని తీవ్రతరం చేస్తామని ప్రత్యేకహోదా సాధన సమితి నాయకుడు చలసాని శ్రీనివాస్‌ తెలిపారు. ఈనెల 22న జాతీయ రహదారులను దిగ్బంధించనున్నట్టు ప్రకటించారు. రౌండ్‌ టేబుల్‌ సమావేశంలో కీలక తీర్మానాలు చేశారు. భవిష్యత్‌ కార్యాచరణ సిద్ధం చేశారు. హోదా కోసం ఇక నుంచి అంతా కలిసే ఉద్యమించాలని తీర్మానించారు. హోదా పోరాటంలో ప్రజలను భాగస్వాములను చేసేలా మండల స్థాయిలో జేఏసీలు ఏర్పాటు చేయాలని నిర్ణయించారు.

11:25 - March 19, 2018

విజయవాడ : ఏపీకి రాష్ట్రానికి ప్రత్యేక హోదా కల్పించాలని..విభజన హామీలు అమలు చేయాలని ఉద్యమాలను ఉధృతం చేస్తామని ఏపీ సీపీఎం రాష్ట్ర కార్యదర్శి మధు పేర్కొన్నారు. విజయవాడలో విభజన హోదా సాధన సమితి ఆధ్వర్యంలో రౌండ్ టేబుల్ సమావేశం జరిగింది. ఈ సమావేశంలో ఆయన పాల్గొని ప్రసంగించారు. పార్లమెంట్ లో అవిశ్వాస తీర్మానంపై కేంద్రం అనుసరించే వైఖరిని బట్టి ప్రతిఘటన ఇక్కడి నుండే స్టార్ట్ అవుతుందని హెచ్చరించారు. ఏప్రిల్ 5వ తేదీ వరకు పార్లమెంట్ సమావేశాలు కొనసాగాలని..కానీ ముందే నిరవధిక వాయిదా వేసే అవకాశం ఉందని తెలిపారు. ప్రత్యేక హోదా సాధన సమితి..విభజన హామీల సాధన సమితి ఆధ్వర్యంలో ఉద్యమాలు ఉధృతం చేయాలని సూచించారు. ఈ ఆందోళనలు..ఉద్యమాల్లో విద్యార్థులను భాగస్వాములను చేసేందుకు మండల కేంద్రాల్లో సమావేశాలు ఏర్పాటు చేయాలని పేర్కొన్నారు. కేంద్ర ప్రభుత్వంపై వత్తిడి పెంచేందుకు ఏప్రిల్ నెలలో మహాసభలు ఏర్పాటు చేయాలని, బస్సు యాత్రలు కూడా నిర్వహించాలన్నారు. పార్లమెంట్ లో తీర్మానంపై అనుసరించే వైఖరిని బట్టి యాక్షన్ ప్లాన్ చేయాలన్నారు. 

21:00 - March 11, 2018

ఎంపీ కేశినేని నానితో టెన్ టివి వన్ టు వన్ నిర్వహించింది. ఈ సందర్భంగా నాని బీజేపీపై ఆగ్రహం వ్యక్తం చేశారు. బీజేపీ అనుసరిస్తున్న విధానాలను తీవ్రంగా వ్యతిరేకించారు. కాంగ్రెస్ చేసిన తప్పిదమే బీజేపీ చేస్తుందన్నారు. బీజేపీ ఏపీలో తగిన మూల్యం చెల్లించుకుంటుందని చెప్పారు. ఏపీని కేంద్రంలో బీజేపీ మోసం చేసిందని పేర్కొన్నారు. ప్రత్యేకహోదా ఇస్తామని, ప్రత్యేక ప్యాకేజీ ఇస్తామని ఆశచూపిందన్నారు. రాష్ట్ర ప్రయోజనాల కోసమే బీజేపీతో పొత్తు పెట్టకున్నామని తెలిపారు. బీజేపీ చేసిన మోసాన్ని రాష్ట్ర ప్రజలకు వివరించబోతున్నామని చెప్పారు. రాష్ట్ర ప్రయోజనాల కోసమే నాలుగేళ్లుగా ఓపికపట్టామన్నారు. ఆయన తెలిపిన మరిన్ని వివరాలను వీడియోలో చూద్దాం.. 

19:50 - March 11, 2018

విజయవాడ : కేంద్ర ప్రభుత్వం రాష్ట్రానికి ఎన్నో చేసినప్పటికీ ఏమీ చేయలేదంటూ టీడీపీ దుష్ప్రచారం చేస్తుందన్నారు బీజేపీ ఏపీ అధ్యక్షుడు కంభంపాటి హరిబాబు. విభజన హామీల్లో కేవలం మూడే పెండింగ్‌లో ఉన్నాయన్నారు. రాష్ట్రంలో రాజకీయ పరిస్థితిని సమీక్షించేందుకు బీజేపీ కోర్‌ కమిటీ ఇవాళ విజయవాడలో సమావేశమైంది. ఇతర రాష్ట్రాలతో చర్చించిన అనంతరం విశాఖ రైల్వేజోన్ వస్తుందని, కడపలో స్టీల్‌ ఫ్యాక్టరీ ఏర్పాటు ప్రక్రియ వేగవంతమైందని కంభంపాటి తెలిపారు. బీజేపీ వల్లే రాష్ట్రం గణనీయమైన అభివృద్ధి చెందిందని తాను ఆత్మవిశ్వాసంతో చెప్పగలనని ధీమాగా చెప్పారు. 

 

17:24 - March 8, 2018

అమరావతి : ఆంధ్రప్రదేశ్‌ రాష్ట్ర అభివృద్ధికి బీజేపీ శత్రువు కాదు మిత్రువు అన్నారు మంత్రి మాణిక్యాలరావు. ఏపీ అభివృద్ధి చెందుతుందంటే రాష్ట్ర ముఖ్యమంత్రి సమర్ధత, కేంద్రం సహకారం వల్లే సాధ్యమైందన్నారు. కేంద్రాన్ని రాష్ట్ర ప్రజలు త్వరలోనే అర్థం చేసుకుంటారన్నారు. కేంద్రం నుండి నిధులు తెచ్చే విషయంలోనే కాదు ఏపీని అభివృద్ధి చేసేందుకు కృషి చేస్తున్న సీఎం చంద్రబాబుకు ధన్యవాదాలు తెలియజేశారు మాణిక్యాలరావు. 

07:40 - March 7, 2018

కేంద్ర ప్రభుత్వం ఏపీకి ప్రత్యేకహోదా ఇవ్వనని తెగేసి చెప్పడంతో ముఖ్యమంత్రి చంద్రబాబు టీడీఎల్పీ సమావేశంలో సమీక్ష నిర్వహించారు. కేంద్ర ప్రభుత్వ తీరుపై తీవ్ర అసహనం వ్యక్తం చేశారు. బీజేపీతో పొత్తుపై ఆయన పార్టీ ప్రజాప్రతినిధులందరి అభిప్రాయాలు తెలుసుకున్నట్టు తెలుస్తోంది. కొంతకాలం వేచిచూద్దామా.... తెగదెంపులు చేసుకుందామా.. లేక పోరాటం కొనసాగిస్తూ కేంద్రంపై మరింత ఒత్తిడి పెంచుదామా అని ప్రశ్నించారు. ఈ అంశంపై టెన్ టివి విజయవాడ స్టూడియోలో జరిగిన చర్చలో పట్టాభిరామ్ (టిడిపి), బాజి (బీజేపీ), మండల హనుమంతరావు (వైసీపీ) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

20:59 - January 10, 2018

తూర్పుగోదావరి : చంద్రన్న పెళ్లి కానుక, నిరుద్యోగ భృతి పథకాల అమలుకు త్వరలోనే శ్రీకారం చుట్టాలని ఏపీ ప్రభుత్వం నిర్ణయించింది. పెళ్లి కానుక పథకాన్ని రెండు, మూడు రోజుల్లో ప్రారంభించేందుకు సన్నాహాలు చేస్తున్నారు. ఈ విషయాన్ని.. ముఖ్యమంత్రి చంద్రబాబునాయుడు.. తూర్పుగోదావరి జిల్లా ముమ్మిడివరం జన్మభూమి గ్రామ సభలో వెల్లడించారు. ముఖ్యమంత్రి చంద్రబాబు తూర్పుగోదావరి జిల్లాలో పర్యటించారు. జిల్లా కేంద్రం కాకినాడలో ఆధునిక హంగులతో కొత్తగా నిర్మించిన టీడీపీ కార్యాలయాన్ని ప్రారంభించిన చంద్రబాబు... ముమ్మడివరం మండలం సీహెచ్‌ గున్నేపల్లిలో జన్మభూమి - మా ఊరు గ్రామ సభలో పాల్గొన్నారు.

సీహెచ్‌ గున్నేపల్లి జన్మభూమి గ్రామ సభలో.. ఊళ్లో అమలవుతున్న అభివృద్ధి, సంక్షేమ పథకాలు గురించి ప్రజలను అడిగి తెలుసుకున్నారు. సామాజిక పించన్లు సకాలంలో అందుతున్నాయా ? లేదా ? అని ప్రశ్నించి సమాధానాలు రాబట్టారు. రాష్ట్ర ప్రభుత్వం అమలు చేస్తున్న సంక్షేమ పథకాలను చంద్రబాబు ప్రధానంగా ప్రస్తావించారు. చంద్రన్న పెళ్లి కానుక పథకాన్ని రెండు మూడు రోజుల్లో ప్రారంభిస్తామని చెప్పారు.

నిరుద్యోగులకు తర్వలో భృతి చెల్లింపు ప్రారంభిస్తామని చెప్పిన చంద్రబాబు... అన్నా క్యాంటీన్ల విస్తరణకు చర్యలు తీసుకుంటున్నామని గ్రామ సభలో చెప్పారు. గ్రామ సభకు హాజరైన ప్రజలతో చంద్రబాబు జన్మభూమి ప్రతిజ్ఞ చేయించారు. గ్రామ సభ తర్వాత బాలింతలకు ఎన్టీఆర్‌ బేబీ కిట్లు, రైతులకు వ్యవసాయ ఉపకరణాలు, యంత్రపరికరాలు, విద్యార్థినిలకు సైకిళ్లు పంపిణీ చేశారు.

Pages

Don't Miss

Subscribe to RSS - ap development