Ap special status

19:22 - July 21, 2018

హైదరాబాద్ : అవిశ్వాస తీర్మానం బీజేపీకి అవకాశంగా మారిందని ఆ పార్టీ నాయకురాలు పురందేశ్వరి అన్నారు. నిధుల జాప్యంలో కొంత ఆలస్యమైన విషయం వాస్తవమేనన్న ఆమె.. రాష్ట్ర ప్రభుత్వం అందిపుచ్చుకోవడంలో అలసత్వం చేస్తోందంటున్న పురందేశ్వరితో టెన్ టివి ఫేస్‌ టూ ఫేస్‌ నిర్వహించింది. రాష్ట్రాన్ని అభివృద్ధి చేయాల్సింది టీడీపీ ప్రభుత్వమేనని అన్నారు. 

 

17:27 - July 21, 2018

కేంద్ర ప్రభుత్వంపై టీడీపీ ప్రవేశపెట్టిన అవిశ్వాసం తీర్మానంపై లోక్ సభలో నిన్న చర్చ జరిగింది. అవిశ్వాసం వీగిపోయింది. ఏపీలో రాజకీయాలు హీటెక్కాయి. పైచేయి మాదంటే మాదని పార్టీలు పోటీపడుతున్నాయి. కేంద్రం మళ్లీ పాత పాటే పాడిందని సీఎం చంద్రబాబు అన్నారు. నాలుగేళ్లుగా హామీల కోసం ప్రధాని మోదీని విజ్ఞప్తి చేసినా పట్టించుకోలేదన్నారు. మంగళవారం ఏపీ బంద్ కు వైసీపీ అధినేత జగన్ పిలుపు ఇచ్చారు. అవిశ్వాసంపై చర్చలో ఏ ఒక్కరూ ప్రత్యేకహోదాపై, విభజన హామీలపై మాట్లాడలేదన్నారు. ప్రత్యేకహోదా ఇచ్చే శక్తి కాంగ్రెస్ కు మాత్రమే ఉందని కాంగ్రెస్ ఏపీసీసీ చీఫ్ రఘువీరారెడ్డి అన్నారు. బీజేపీ, టీడీపీ, వైసీపీలు మోసాకారి పార్టీలని విమర్శించారు. ఇదే అంశంపై నిర్వహించిన చర్చా కార్యక్రమంలో రాజకీయ విశ్లేషకులు లక్ష్మీనారాయణ, బీజేపీ ఏపీ రాష్ట్ర కార్యదర్శి శ్రీవిష్ణు, కాంగ్రెస్ అధికార ప్రతినిధి గంగాధర్, జనసేన అధికార ప్రతినిధి అద్దెపల్లి శ్రీధర్, టీడీపీ అధికార ప్రతినిధి జూపూడి ప్రభాకర్, వైసీపీ అధికార ప్రతినిధి మధన్ మోహన్ రెడ్డి పాల్గొని, మాట్లాడారు. మరిన్ని వివరాలను వీడియలో చూద్దాం.. 

10:13 - July 19, 2018

ఢిల్లీ : అవిశ్వాస తీర్మానంపై మద్దతు కూడగట్టేందుకు టీడీపీ ఎంపీలు విపక్ష సభ్యులతో వరుసగా భేటీ అవుతున్నారు. ఈ నేపథ్యంలో ఆప్ అధ్యక్షుడు , ఢిల్లీ సీఎం కేజ్రీవాల్ తో టీడీపీ ఎంపీలు భేటీ అయ్యారు. ఈరోజు ఉదయం 9గంటలకు సీఎం అరవింద్ కేజ్రీవాల్ తో భేటీ అయ్యారు. లోక్ సభలో ఏపీ అంశాన్ని ప్రస్తావించేలా ఆప్ ఎంపీలకు సూచించాలని కేజ్రీవాల్ ను ఎంపీలు కోరారు. కేంద్ర ప్రభుత్వం ఏపీకి చేసిన అన్యాయయాన్ని..సీఎం చంద్రబాబు రాసిన లేఖ సారాంసాన్ని పుస్తక రూపంలో పొందు పరిచిన పుస్తకాన్ని కేజ్రీవాల్ కు ఎంపీలు అందజేశారు. గా ఇప్పటికే పలు భాషల్లో ఈ పుస్తకాన్ని ఆయా రాష్ట్రాల భాషల్లో టీడీపీ ప్రింట్ చేయించిన విషయం తెలిసిందే. క్రమంలోనే హిందీలో ప్రింట్ చేయించిన బుక్ ను కేజ్రీవాల్ కు అందించనున్నారు. కాగా మరోపక్క కాంగ్రెస్ పార్టీ నుండి టీడీపీలోకి వచ్చిన ఎంపీ జేసీ దివాకర్ రెడ్డి టీడీపీకి తలనొప్పిగా తయారయ్యారు. అవిశ్వాస తీర్మానం నేపథ్యంలో అందరు పార్లమెంట్ సభలకు హాజరుకావాలని టీడీపీ విప్ జారీని కూడా లెక్క చేయకుండా అనంతపురం ఎంపీ జేపీ దివాకర్ రెడ్డి పార్లమెంట్ సమావేవాలకు హాజరుకానని స్ఫష్టం చేయటంపై టీడీపి అసంతృప్తి వ్యక్తంచేస్తోంది. పైగా అవిశ్వాస తీర్మానంతో ఏమీ సాధించేది లేదని వ్యాఖ్యానిస్తుండంతో సదరు నేతలంతా విస్మయాన్ని వ్యక్తంచేస్తున్నారు. 

09:23 - July 19, 2018

ఢిల్లీ : అవిశ్వాస తీర్మానంపై మద్దతు కూడగట్టేందుకు టీడీపీ ఎంపీలు విపక్ష సభ్యులతో వరుసగా భేటీ అవుతున్నారు. ఈ నేపథ్యంలో ఆప్ అధ్యక్షుడు , ఢిల్లీ సీఎం కేజ్రీవాల్ తో టీడీపీ ఎంపీలు భేటీ కానున్నారు. ఈరోజు ఉదయం 9గంటలకు సీఎం అరవింద్ కేజ్రీవాల్ తో భేటీ కానున్నారు. లోక్ సభలో ఏపీ అంశాన్ని ప్రస్తావించేలా ఆప్ ఎంపీలకు సూచించాలని కేజ్రీవాల్ ను ఎంపీలు కోరనున్నారు. కేంద్ర ప్రభుత్వం ఏపీకి చేసిన అన్యాయయాన్ని..సీఎం చంద్రబాబు రాసిన లేఖ సారాంసాన్ని పుస్తక రూపంలో పొందు పరిచిన పుస్తకాన్ని కేజ్రీవాల్ కు ఎంపీలు అందించనున్నారు. కాగా ఇప్పటికే పలు భాషల్లో ఈ పుస్తకాన్ని ఆయా రాష్ట్రాల భాషల్లో టీడీపీ ప్రింట్ చేయించిన విషయం తెలిసందే.ఈ క్రమంలోనే హిందీలో ప్రింట్ చేయించిన బుక్ ను కేజ్రీవాల్ కు అందించనున్నారు. కాగా మరోపక్క కాంగ్రెస్ పార్టీ నుండి టీడీపీలోకి వచ్చిన ఎంపీ జేసీ దివాకర్ రెడ్డి టీడీపీకి తలనొప్పిగా తయారరయ్యారు. అవిశ్వాస తీర్మానం నేపథ్యంలో అందరు పార్లమెంట్ సభలకు హాజరుకావాలని టీడీపీ విప్ జారీని కూడా లెక్క చేయకుండా అనంతపురం ఎంపీ జేపీ దివాకర్ రెడ్డి పార్లమెంట్ సమావేవాలకు హాజరుకానని స్ఫష్టం చేయటంపై టీడీపి అసంతృప్తి వ్యక్తంచేస్తోంది. పైగా అవిశ్వాస తీర్మానంతో ఏమీ సాధించేది లేదని వ్యాఖ్యానిస్తుండంతో సదరు నేతలంతా విస్తుపోతున్నారు. 

21:36 - July 17, 2018

ఢిల్లీ : పార్లమెంటు వర్షాకాల సమావేశాలు బుధవారం నుంచి ప్రారంభం కానున్నాయి. ఈ నేపథ్యంలో విభజన హామీల అమలు  సాధన కోసం పోరాటం చేస్తున్న టీడీపీ.. కేంద్ర ప్రభుత్వంపై అవిశాస తీర్మానానికి నోటీసు ఇచ్చింది. బుధవారం నాటి అజెండాలో దీనిని చేర్చాలని టీడీపీ ఎంపీ కేశినేనినాని లోక్‌సభ సెక్రటరీ జనరల్‌కు లేఖ రాశారు. మరోవైపు పార్లమెంటు సమావేశాలు సజావుగా సాగేందుకు అన్ని పక్షాలు సహకరించాలని ప్రధాని నరేంద్ర మోదీ విజ్ఞప్తి చేశారు. ప్రధాని అధ్యక్షతన జరిగిన అఖిలపక్ష  భేటీకి వైసీపీ లోక్‌సభా పక్షం తరుపున పార్టీ ఫిరాయించిన బుట్టా రేణుకను కేంద్ర ప్రభుత్వం ఆహ్వానించడంపై తీవ్ర అభ్యంతరం వ్యక్తమైంది. 

పార్లమెంటు వర్షాకాల సమావేశాలు బుధవారం నుంచి ప్రారంభం కానున్న నేపథ్యంలో ప్రధాని నరేంద్ర మోదీ అధ్యక్షతన అఖిలపక్ష సమావేశం జరిగింది. పార్లమెంటు సజావుగా సాగేందుకు అన్ని పక్షాలు సహకరించాలని మోదీ విజ్ఞప్తి చేశారు. అఖిలపక్ష సమావేశానికి హాజరైన టీడీపీ ఎంపీలు విభజన చట్టంలోని హామీల అమలుపై పార్లమెంటులో చర్చించాలని కోరారు. ఇదే అంశంపై టీడీపీ ఎంపీ కేశినేని నాని వాయిదా తీర్మానం నోటీసు ఇచ్చారు. బుధవారం నాటి అజెండాలో ఈ అంశాన్ని చేర్చాలని కోరుతూ లోక్‌సభ సెక్రటరీ జనరల్‌కు లేఖ రాశారు. ఇదే అంశంపై ఇతర  పార్టీల ఎంపీల మద్దతు కూడగట్టే ప్రయత్నం చేస్తున్నారు. 

మరోవైపు టీడీపీ ఇచ్చిన అవిశ్వాసాన్ని ఎదుర్కొనేందుకు  సిద్దంగా ఉన్నామని బీజేపీ ఎంపీ జీవీఎల్‌ నరసింహారావు చెప్పారు. ప్రధాని మోదీ అధ్యక్షతన జరిగిన అఖిలపక్ష భేటీకి వైసీపీ లోక్‌సభా పక్షం తరుపున ఫార్టీ ఫిరాయించిన  బుట్టా రేణుకను ఆహ్వానించడంపై తీవ్ర అభ్యంతరం వ్యక్తమైంది.  ఐదుగురు వైసీపీ ఎంపీల రాజీనామాలతో లోక్‌సభలో ఆ పార్టీకి ప్రాతినిధ్యం లేకుండా పోయింది. ఈ నేపథ్యంలో గత ఎన్నికల్లో కర్నూలు లోక్‌సభా స్థానం నుంచి  వైసీపీ టికెట్‌పై గెలించి, ఆ తర్వాత టీడీపీలో చేరిన బుట్టా రేణుకును వైసీపీ లోక్‌సభా పక్షం తరుపున అఖిలపక్ష సమావేశానికి ఆహ్వానించడం వివాదాస్పదంగా మారింది. వైసీపీ రాజ్యసభా పక్షం తరుపున అఖిలపక్ష భేటీకి హాజరైన విజయసాయిరెడ్డి దీనిపై తీవ్ర అభ్యంతరం వ్యక్తం చేశారు. 

బుట్టా రేణుకపై అనర్హత పిటిషన్‌ అపరిష్కృతంగా ఉండగా వైసీపీ తరుపున అఖిలపక్ష భేటీకి ఎలా పిలుస్తారని విజయసాయిరెడ్డి...  కేంద్ర పార్లమెంటరీ వ్యవహారాల శాఖ మంత్రి అనంతకుమార్‌ను నిలదీశారు. దీనికి విపక్షాలు మద్దతు ఇచ్చాయి. అఖిలపక్ష భేటీకి హాజరైన టీడీపీ రాజ్యసభ సభ్యుడు సీఎం రమేశ్‌ విభజన హామీల అమలుపై గతంలో విజయసాయిరెడ్డి చేసిన ఓ ప్రకటనను ప్రస్తావించారు. 

దీనిపై విజయసాయిరెడ్డి తీవ్రంగా స్పందించారు. ఇంగ్లీషు అర్థంచేసుకోలేనివారు అఖిలపక్షానికి హాజరైనా, పార్లమెంటుకు వచ్చినా పరిస్థితి ఎలా ఉంటుందో సీఎం రమేశ్‌ లేవనెత్తిన ప్రస్తావనే నిదర్శనమని విజయసాయిరెడ్డి మండిప్డడారు. 

అఖిలపక్ష సమావేశానికి హాజరైన లోక్‌సభలో టీఆర్‌ఎస్‌ పక్ష నేత జితేందర్‌రెడ్డి... ఈసారైనా సమావేశాలు సజావుగా జరిగే విధంగా చూడాలని కోరారు. తెలంగాణకు సంబంధించినంత వరకు బయ్యారం ఉక్కు కర్మాగారం, ఐటీఐఆర్‌, ఐఐఎం వంటి అంశాలు ఉన్నాయని అఖిలపక్షం దృష్టికి తెచ్చారు. రాష్ట్ర విభజన హామీల అమలుపై తాము ఇచ్చే వాయిదా తీర్మానానికి మద్దతు ఇవ్వాలని టీడీపీ ఎంపీలు టీఆర్‌ఎస్‌ను కోరారు. వాయిదా తీర్మానం చర్చకు వస్తే విభజన చట్టంలో తెలంగాణకు సంబంధించిన అంశాలు లేవనెత్తుతామని జితేందర్‌రెడ్డి చెప్పారు. మొత్తంమీద చూస్తే విభజన హామీల అమలుపై అటు టీడీపీ, ఇటు వైసీపీ పట్టుదలతో ఉన్నాయి. ఈ నేపథ్యంలో పార్లమెంటు వర్షాకాల సమావేశాలు ఎలా జరుగుతాయో చూడాలి. 
 

20:09 - July 17, 2018

రేపటి నుంచి పార్లమెంట్ వర్షాకాల సమావేశాలు ప్రారంభం కానున్నాయి. సమావేశాలు ప్రారంభం కాకముందే రాజకీయాలు హీటెక్కాయి. మహిళా బిల్లుతోపాటు ప్రజా సమస్యలపై చర్చించాలని వామపక్షాలు డిమాండ్ చేస్తున్నాయి. కేంద్రప్రభుత్వంపై టీడీపీ అవిశ్వాస తీర్మానం నోటిసు ఇచ్చింది. ఇదే అంశంపై నిర్వహించిన చర్చా కార్యక్రమంలో నవ తెలంగాణ ఎడిటర్ ఎస్.వీరయ్య, కాంగ్రెస్ నేత అద్దంకి దయాకర్, బీజేపీ నేత ప్రకాశ్ రెడ్డి, టీడీపీ నేత మన్యం సుబ్బారావు పాల్గొని, మాట్లాడారు. పార్లమెంట్ వర్షాకాల సమావేశాల్లో ప్రజా సమస్యలపై చర్చ జరగాలని వక్తలు అన్నారు. మరిన్ని వివరాలను వీడియోలో చూద్దాం..

 

18:00 - July 17, 2018

ఢిల్లీ : ఆంధ్రప్రదేశ్‌ రాష్ట్ర విభజన హామీల సాధన కోసం టీడీపీ పోరాటం ఉధృతం చేస్తోంది. రేపటి నుంచి పార్లమెంట్‌ వర్షాకాల సమావేశాలు ప్రారంభం కానున్న నేపథ్యంలో..  తెదేపా మళ్లీ కేంద్రంపై అవిశ్వాస తీర్మానం ప్రవేశపెట్టింది. టీడీపీ ఎంపీ కేశినేని నాని లోక్‌సభ సెక్రటరీ జనరల్‌ లేఖ ఇచ్చారు. రేపు జరిగే సభా కార్యకలాపాల జాబితాలో అవిశ్వాస తీర్మానాన్ని చేర్చాలని కోరారు. ఇదిలావుంటే.. ఇప్పటికే టీడీపీ ఎంపీలు పలు రాష్ట్రాల్లో పర్యటించి..  పలు పార్టీల నేతలతో భేటీ అయి తమకు మద్దతుగా నిలవాలని కోరుతూ చంద్రబాబు రాసిన లేఖను అందజేశారు. గత పార్లమెంట్‌ సమావేశాల్లో టీడీపీ, వైసీపీలు పోటాపోటీగా అవిశ్వాస తీర్మానాలు ఇచ్చినప్పటికీ... అన్నాడీఎంకే సభ్యులు ఆందోళనల నేపథ్యంలో అవిశ్వాస తీర్మానం చర్చకు రాలేదు. దీంతో ఈసారైనా టీడీపీ ఇచ్చిన అవిశ్వాస తీర్మానంపై చర్చ జరుగుతుందా ? లేదా ? అనేది ఉత్కంఠగా మారింది. ఈ సందర్భంగా సుజనా చౌదరి మాట్లాడుతూ కేంద్రానికి చిత్తశుద్ధి లేదన్నారు. 

 

17:43 - July 17, 2018

ఢిల్లీ : కేంద్రంపై టీడీపీ మరోసారి అవిశ్వాస  తీర్మానం ప్రవేశపెట్టింది. ఎంపీ కేశినేని నాని అవిశ్వాస తీర్మాన నోటీసులు ఇచ్చారు. వీటిని టీడీపీ నేతల నాటకాలని వైసీపీ అభిర్ణించారు. టీడీపీ డ్రామాకు ఇది నిదర్శనమని వైసీపీ రాజ్యసభ సభ్యుడు విజయసాయిరెడ్డి అంటున్నారు. 

 

14:14 - July 12, 2018

విజయవాడ : త్వరలో ఎన్నికలు రానున్నాయి. ఒకవైపు ముందస్తు ఎన్నికలు వస్తాయనే సంకేతాలు..అసెంబ్లీ..పార్లమెంట్ లకు ఒకేసారి ఎన్నికలు జరుపాలని కేంద్రం యోచిస్తుండడ..తదితర పరిణామాలతో ఏపీ సీఎం చంద్రబాబు అప్రమత్తమయ్యారు. ఏపీలో మరోసారి అధికారంలోకి రావాలని...కేంద్రంలో చక్రం తిప్పాలని వ్యూహ రచన చేస్తున్నారు. అందులో భాగంగా కార్యకర్తలు..నేతలు..ఆయా నియోజకవర్గాల నేతలతో భేటీలు జరుపుతున్నారు.

గురువారం సీఎం నివాసం పక్కనున్న గ్రీవెన్స్ సెల్ లో టిడిపి రాష్ట్ర స్థాయి సమావేశం నిర్వహించనున్నారు. ఈ సమావేశానికి రాజ్యసభ సభ్యులు, ఎంపీలు, మంత్రులు, ఎమ్మెల్యేలు, ఎమ్మెల్సీలు, నియోజకవర్గాల ఇన్ ఛార్జీలు హాజరు కానున్నారు. ఈనెల 16 నుండి ప్రారంభించతలపెట్టిన 'గ్రామ దర్శిని' కార్యక్రమం జనవరి 10వరకు కొనసాగించాలని..ఇందుకు సంబంధించిన విధి విధానాలు సమావేశంలో ఖరారు చేయనున్నారు.

గ్రామాలు..పట్టణాల్లో ప్రభుత్వ సంక్షేమ పథకాలను ప్రచారం చేయాలని బాబు నేతలకు దిశా..నిర్ధేశం చేయనున్నారు. ఇదిలా ఉంటే ఈనెల 18న పార్లమెంట్ సమావేశాలు జరుగుతున్న నేపథ్యంలో కేంద్రంపై మరోసారి అవిశ్వాసం పెట్టడానికి బాబు యోచిస్తున్నట్లు సమాచారం. 

07:51 - July 11, 2018

ఢిల్లీ : జమిలి ఎన్నికలకు వైసీపీ జై కొట్టింది. లోక్‌సభతోపాటే శాసనసభలకు కూడా ఒకేసారి ఎన్నికలు నిర్వహిస్తే ఖర్చు, అవినీతి తగ్గుతుందన్న అభిప్రాయాన్ని వ్యక్తం చేసింది. పార్టీ ఫిరాయింపులకు చెక్‌ పడుతుందని జమిలి ఎన్నికలపై రాజకీయ పార్టీల నుంచి అభిప్రాయం సేకరిస్తున్న లా కమిషన్‌ దృష్టికి తెచ్చింది.
కేంద్ర ప్రభుత్వ ప్రతిపాదనకు వైసీపీ మద్దతు 
లోక్‌సభ, శాసనసభలకు ఒకేసారి ఎన్నికలు నిర్వహించాలన్న కేంద్ర ప్రభుత్వం ప్రతిపాదనకు వైసీపీ మద్దతు తెలిపింది. ఈ అంశంపై రాజకీయ పార్టీల నుంచి అభిప్రాయం సేకరిస్తున్న లా కమిషన్‌కు  వైపీసీ నాయకులు తమ అభిప్రాయాన్ని చెప్పారు. వైపీసీ ఎంపీ విజయసాయిరెడ్డి, ఆ పార్టీ ఎమ్మెల్సీ ఉమ్మారెడ్డి వెంకటేశ్వర్లు లా కమిషన్‌ను కలిశారు. జమిలి ఎన్నికల ప్రతిపాదనను సమర్థిస్తూ వైసీపీ అధినేత జగన్‌ రాసిన లేఖను లా కమిషన్‌కు అందజేశారు. లోక్‌సభ, శాసనసభలకు ఒకేసారి ఎన్నికలు నిర్వహణలో ఉన్న లాభనష్టాలను  లా కమిషన్‌ దృష్టికి తెచ్చారు. 1951 నుంచి 1967 వరకు, 1999 నుంచి 2014 వరకు లోక్‌సభతోపాటే ఏపీ అసెంబ్లీకి ఎన్నికలు జరిగిన విషయాన్ని ప్రస్తావించారు. దీని వలన ఖర్చు, అవినీతి తగ్గుతుందని సూచించింది. వేర్వేరు ఎన్నికలతో అభివృద్ధి కుంటుపుడుతుందన్న అభిప్రాయాన్ని వ్యక్తం చేసింది.
జమిలి ఎన్నికల్లో లాభనష్టాలను లా కమిషన్‌ దృష్టికి తెచ్చిన వైసీపీ 
ఐదేళ్లకు ఎన్నికైన ప్రభుత్వాలు అర్ధాంతరంగా మధ్యలో కూలిపోతే అప్పుడు పరిస్థితి ఏంటన్న అంశంపై వైసీపీ నాయకులు లా కమిషన్‌ వివరణ కోరారు. రాజ్యసభ ఎన్నికల తరహాలోనే మిగిలివున్న కాలానికే ఎన్నికలు నిర్వహించేలా ఏర్పాటు ఉంటుందని లా కమిషన్‌ స్పష్టం చేసింది. జమిలి ఎన్నికల్లో ఉన్న లాభనష్టాలను కూడా వైసీపీ నాయకులు లా కమిషన్‌ దృష్టికి తెచ్చారు. ఈ విధానంలో జాతీయ  పార్టీల ప్రాధాన్యత పెరిగి... ప్రాంతీయ పార్టీల ప్రాధాన్యత తగ్గుందన్న అంశంపై ఆందోళన వ్యక్తం చేశారు. వైసీపీ టికెట్‌పై ఎన్నికల్లో నెగ్గి, టీడీపీలో చేరిన 23 మంది  ఎమ్మెల్యేలు, ముగ్గురు ఎంపీల విషయాన్ని విజయసాయిరెడ్డి, ఉమ్మారెడ్డి వెంకటేశ్వర్లు లా కమిషన్‌ దృష్టికి తెచ్చారు. భవిష్యత్‌లో ఇలాంటి ఫిరాయింపులకు ఆస్కారంలేకుండా రాజ్యాంగాన్ని సవరించాల్సిన అవసరం ఉందని సూచించారు. మరోవైపు రెండు రోజుల  క్రితం లా కమిషన్‌ను కలిసిన టీడీపీ నాయకులు జమిలి ఎన్నికలను వ్యతిరేకించారు. తెలంగాణలో అధికారంలో ఉన్న  టీఆర్‌ఎస్‌ జమిలిని సమర్ధించింది. జాతీయ పార్టీల్లో కాంగ్రెస్‌, సీపీఐ, ప్రాంతీయ పార్టీల్లో టీఎంసీ, డీఎంకే జమిలిని వ్యతిరేకించాయి.

 

Pages

Don't Miss

Subscribe to RSS - Ap special status