Ap special status

19:20 - November 20, 2017

విభజన చట్టంలో ఉన్న హామీలు అమలు చేయాల్సింది కేంద్రమని, చంద్రబాబు అనేక పర్యాయాలు కేంద్రాన్ని కలిశారని, చంద్రబాబు తన వంతు ప్రయత్నాలు చేశారని అమలాపురం ఎమ్మెల్యే ఆనందరావు అన్నారు. ప్రభుత్వం ప్రతి ఒక్కదాన్ని అణచివేసే విధంగా వ్యవహరిస్తుందని, ప్రత్యేకహోదా డిమాండ్ జగన్ చేసింది కాదని బీజేపీ నేత వెంకయ్యనాయుడు రాజ్యసభలో డిమాండ్ చేశారని వైసీపీ అధికార ప్రతినిధి శ్రీనివాస్ అన్నారు. ప్రత్యేహోదా ముగిసిన ఆధ్యాయం అనేది టీడీపీకి, బీజేపీకి మాత్రమే కానీ ఆంధ్ర రాష్ట్ర ప్రజలకు మాత్రం కాదని సీపీఎం నేత ఉమమాహేశ్వరావు అన్నారు. పూర్తి వివరాలకు వీడియో చూడండి.

16:09 - November 20, 2017

కృష్ణా : ధర్నా చౌక్‌ దగ్గర ఉద్రిక్త నిరసకు దిగిన వామపక్షాలు, వైసీపీ నేతలను పోలీసులు బలవంతంగా అరెస్టు చేశారు. ఈ సందర్భంగా లెఫ్ట్‌ కార్యకర్తలు, పోలీసుల మధ్య తీవ్ర స్థాయిలో తోపులాట జరిగింది. ఛలోఅసెంబ్లీ కార్యక్రమంలో భాగంగా ధర్నాకు దిగిన వారిని ఖాకీలు ఈడ్చిపారేశారు. పలువురు కార్యకర్తకలు గాయాలయ్యాయి. ధర్నాలో పాల్గొన్న సీపీఎం రాష్ట్ర కార్యదర్శి మధు, పార్టీ కార్యవర్గ సభ్యులు బాబురావును పోలీసులు అరెస్టు చేశారు. సీపీఐ రాష్ట్ర కార్యదర్శి రామకృష్ణతోపాటు మరికొందరు వామపక్షనేతలనూ అదుపులోకి తీసుకున్నారు. అరెస్టులతో ఉద్యమాన్ని ఆపలేరని, నిర్బంధాలు ఎన్ని ఉన్నా చలోఅసెంబ్లీ నిర్వహించి తీరుతామ అన్నారు వామపక్షాల నేతలు తేల్చిచెప్పారు. చలో అసెంబ్లీకి మద్దతుగా ధర్నాకు దిగిన పలువురు వైసీపీ నాయకులను కూడా పోలీసులు అరెస్టు చేశారు. 

11:14 - November 20, 2017

గుంటూరు : ఏపీకి ప్రత్యేక హోదా కోరుతూ వామపక్షాలతో పాటు ప్రజా సంఘాలు చలో అసెంబ్లీకి పిలుపునిచ్చాయి. దీంతో గుంటూరు జిల్లాలో రాత్రి నుండి పోలీసులు నేతలను అరెస్ట్‌ చేస్తున్నారు. అయితే ఎన్ని అడ్డంకులు సృష్టించినా చలో అసెంబ్లీని విజయవంతం చేస్తామంటున్న వామపక్షనేతలతో టెన్ టివి ఫేస్ టు ఫేస్ నిర్వహించింది. పూర్తి వివరాలను వీడియోలో చూద్దాం....

 

10:54 - November 20, 2017

గుంటూరు : వామపక్షాలు, ప్రజాసంఘాల చలోఅసెంబ్లీ నేపథ్యంలో అమరావతిలో భారీగా పోలీసులు మోహరించారు. ఎక్కడికక్కడ చెక్‌పోస్టులు ఏర్పాటు చేశారు. వచ్చిపోయే వాహనాల తనిఖీలతో ఖాకీలు హల్‌చల్‌ చేస్తున్నారు. ఇప్పటికే పలు జిల్లాల్లో వామపక్షనేతలను  ముందస్తు అరెస్ట్‌లు చేశారు. కృష్ణాజిల్లాలో 150 మంది లెఫ్ట్‌నేతలు, ప్రజాసంఘాల నాయకులను అరెస్టు చేశారు. బస్‌, రైల్వేస్టేషన్లతోపాటు వామపక్షనేతల ఇళ్లముందుకూడా  పోలీసులు పహరా ఏర్పాటు చేశారు. గోదావరిజిల్లాల్లో సీపీఎం నేతలను పెద్ద సంఖ్యలో అరెస్టు  చేశారు. పశ్చిమగోదావరి జిల్లాలో చలో అసెంబ్లీకి వెళ్తున్న వామపక్ష నేతలను  పోలీసులు అదుపులోకి తీసుకున్నారు.  గణపవరం, పోలవరం  సీపీఎం డివిజన్‌ కార్యదర్శులతో పాటు పలువురు సీపీఐ నేతలను గృహనిర్బంధం చేశారు.  గుండుగొలను, ఏలూరు ఆశ్రంవద్ద  జాతీయ రహదారిపై చెక్‌పోస్టులు ఏర్పాటు చేసి విస్తృతంగా తనిఖీలు చేస్తున్నారు. అరెస్టులతో ఉద్యమాన్ని ఆపలేరని, నిర్బంధాలు ఎన్ని ఉన్నా చలోఅసెంబ్లీ నిర్వహించి తీరుతామ అన్నారు సీపీఎం ఏపీ రాష్ట్ర కార్యదర్శి పి.మధు. విభజన చట్టంలో రాష్ట్రానికి ఇచ్చిన హామీలన్నీ నెరవేర్చే వరకు పోరాటం ఆపేదిలేదని వామపక్షాల నేతలు స్పష్టం చేస్తున్నారు. 

 

10:46 - November 20, 2017

విజయవాడ : వామపక్షాలు, ప్రజాసంఘాల చలోఅసెంబ్లీ నేపథ్యంలో అమరావతిలో భారీగా పోలీసులు మోహరించారు.  ఎక్కడికక్కడ చెక్‌పోస్టులు ఏర్పాటు చేశారు. వచ్చిపోయే వాహనాల తనిఖీలతో ఖాకీలు హల్‌చల్‌ చేస్తున్నారు. 
రాష్ట్రంలో టీడీపీ నిరంకుశ పాలన : పి.మధు
రాష్ట్రంలో టీడీపీ నిరంకుశ పాలన. టీడీపీ ప్రభుత్వం రాష్ట్ర ప్రయోజనాలను పూర్తిగా ఫణంగా పెట్టారు. రాష్ట్ర విజభజన చట్టంలోని ఏ ఒక్క హామీ అమలు కాలేదు. కేంద్రప్రభుత్వం ఎన్నో హామీలు అమలు చేయకుండా కాలయాపన చేస్తోంది. 
రాష్ట్రానికి కనీస వసతులు లేవు. తూ.గో, ప.గో ఆఫీస్ లను పోలీసులు నిర్బంధించారు. అనంతపురం నుంచి శ్రీకాకుళం వరకు అరెస్టులు జరిగాయి. ఏపీకి ప్రత్యేకహోదా కోసం జరుగుతున్న పోరాటంపై ప్రభుత్వం పోలీసులను వినియోగించి అణిచివేస్తోంద. టీడీపీ ప్రభుత్వ విధానాలు అమలు చేసేందుకు పోలీసులు ప్రయత్నిస్తున్నారు. టీడీపీ ప్రభుత్వ విధానాలు అత్యంత నిరంకుశంగా ఉన్నాయి. రాష్ట్రంలో పోలీసులు భయోత్పాత వాతావరణం సృష్టిస్తున్నారు. చలో అసెంబ్లీ నిర్వహించి తీరుతామని' చెప్పారు. 
బీజేపీ నమ్మకం ద్రోహం : సిహెచ్. బాబురావు
బాబు, మోడీ జోడి.. ప్రజలకు చేసిన మేలు ఏమీ లేదు. కేంద్రంలో బీజేపీ, రాష్ట్రంలో టీడీపీ పచ్చి అబద్ధాలు చెప్పి మూడు సం.రాలుగా పాలన కొనసాగిస్తున్నారు. పచ్చి నిరంకుశత్వంగా వ్యవహరిస్తున్నారు. బీజేపీ నమ్మకం ద్రోహం చేసింది. రాష్ట్రాల హక్కులను హరిస్తున్నారు. చలో అసెంబ్లీ సందర్భంగా నేతలను అరెస్టు చేయడం ఖండిస్తున్నామని' చెప్పారు. 
మరిన్ని వివరాలను వీడియోలో చూద్దాం...

09:45 - November 20, 2017

గుంటూరు : వామపక్షాలు, ప్రజాసంఘాల చలోఅసెంబ్లీ నేపథ్యంలో అమరావతిలో భారీగా పోలీసులు మోహరించారు.  ఎక్కడికక్కడ చెక్‌పోస్టులు ఏర్పాటు చేశారు. వచ్చిపోయే వాహనాల తనిఖీలతో ఖాకీలు హల్‌చల్‌ చేస్తున్నారు. ఇప్పటికే పలు జిల్లాల్లో వామపక్షనేతలను ముందస్తు అరెస్ట్‌లు చేశారు. కృష్ణాజిల్లాలో 150 మంది లెఫ్ట్‌నేతలు, ప్రజాసంఘాల నాయకులను అరెస్టు చేశారు. బస్‌, రైల్వేస్టేషన్లతోపాటు వామపక్షనేతల ఇళ్ల ముందు కూడా పోలీసులు పహరా ఏర్పాటు చేశారు. గోదావరిజిల్లాల్లో సీపీఎం నేతలను పెద్ద సంఖ్యలో అరెస్టు  చేశారు. పశ్చిమగోదావరి జిల్లాలో చలో అసెంబ్లీకి వెళ్తున్న వామపక్ష నేతలను పోలీసులు అదుపులోకి తీసుకున్నారు.  గణపవరం, పోలవరం  సీపీఎం డివిజన్‌ కార్యదర్శులతో పాటు పలువురు సీపీఐ నేతలను గృహనిర్బంధం చేశారు. గుండుగొలను, ఏలూరు ఆశ్రంవద్ద  జాతీయ రహదారిపై చెక్‌పోస్టులు ఏర్పాటు చేసి విస్తృతంగా తనిఖీలు చేస్తున్నారు. మరిన్ని వివరాలను వీడియోలో చూద్దాం... 

08:48 - November 20, 2017

గుంటూరు : ప్రత్యేక హోదా కోసం వామపక్షాలు, ప్రజా సంఘాలు ఇవాళ చలో అసెంబ్లీకి పిలుపునిచ్చాయి. అయితే చలో అసెంబ్లీకి పోలీసులు అనుమతి ఇవ్వలేదు. విజయవాడ ధర్నా చౌక్ వద్ద నిరసన తెలిపేందుకు మాత్రమే పోలీసులు అనుమతి ఇచ్చారు. దీంతో ముందస్తు జాగ్రత్త కింద పోలీసులు పలువురు నేతలను అరెస్ట్‌ చేశారు. జిల్లాల సరిహద్దుల్లో చెక్‌పోస్టులు ఏర్పాటు చేస్తున్నారు. మరిన్ని వివరాలను వీడియోలో చూద్దాం...

08:45 - November 20, 2017

ఏపీకి ప్రత్యేకహోదాపై వక్తలు హాట్ హాట్ గా చర్చించారు. ఇదే అంశంపై నిర్వహించిన న్యూస్ మార్నింగ్ చర్చా కార్యక్రమంలో టీడీపీ నేత దుర్గాప్రసాద్, బీజేపీ నేత నరేష్ , సీపీఎం నేత ఉమామహేశ్వరరావు, టీఆర్ఎస్ నేత వేణుగోపాలచారి పాల్గొని, మాట్లాడారు. మరిన్ని వివరాలను వీడియోలో చూద్దాం...

 

19:15 - October 10, 2017

అనంతపురం : ప్రత్యేక హోదా కోసం ఎంతవరకైనా వెళ్తానని జగన్‌ మరోసారి స్పష్టం చేశారు. కేంద్రంపై ఒత్తిడి తెచ్చేందుకు ఎంపీలతో రాజీనామా చేయిస్తానన్న మాటకు కట్టుబడి ఉన్నానన్నారు. ప్రజల సమస్యలను తెలుసుకునేందుకు నవంబర్‌ 2 నుంచి పాదయాత్ర చేపడతానని...చంద్రబాబు సర్కార్‌ చేస్తున్న అక్రమాలను ఎండగడతానన్నారు వైఎస్‌ జగన్‌. 

అనంతపురం ఎమ్ వైఆర్ కన్వెన్షన్‌ సెంటర్‌లో నిర్వహించిన పదో యువభేరి సదస్సుకు వైసీపీ అధినేత జగన్మోహన్‌రెడ్డి హాజరయ్యారు. ప్రత్యేక హోదా వల్ల రాష్ట్రానికి, యువతకు ఎలాంటి ప్రయోజనాలు చేకూరుతాయో జగన్‌ వివరించారు. 

పార్లమెంట్‌ సాక్షిగా ఆంధ్రప్రదేశ్‌కు ప్రత్యేక హోదా ఇస్తానని ప్రకటించి కేంద్రం మాటతప్పినా.. చంద్రబాబు పట్టించుకోవడం లేదని జగన్‌ ఆగ్రహం వ్యక్తం చేశారు. రాష్ట్రానికి ప్రత్యేక హోదా ఇచ్చి వుంటే పెద్ద ఎత్తున పరిశ్రమలు వచ్చేవని.. యువతకు ఉద్యోగ అవకాశాలు లభించేవన్నారు. విభజన హామీల్లో ఒక్కటి కూడా నెరవేర్చకపోవడం వల్లే ఈ దుస్థితి ఏర్పడిందన్నారు. ఒకప్పుడు రాష్ట్రానికి 15 ఏళ్లు ప్రత్యేక హోదా కావాలన్న చంద్రబాబు... ఇప్పుడు మాట మార్చి... ప్రత్యేక హోదా ఇచ్చిన రాష్ట్రాలు ఏం అభివృద్ధి చెందాయని ప్రశ్నించడం దారుణమన్నారు. 

ప్రత్యేక హోదా కోసం తాను ఎంతవరకైనా వెళ్తానని జగన్‌ స్పష్టం చేశారు. కేంద్రంపై ఒత్తిడి తీసుకువచ్చేందుకు ఎంపీలతో రాజీనామా చేయిస్తానన్న మాటకు కట్టుబడి ఉన్నానన్నారు. 

ఇక రాష్ట్ర ప్రజల సమస్యలపై నవంబర్‌ 2 నుంచి మూడు వేల కిలోమీటర్ల పాదయాత్ర చేయనున్నట్లు జగన్‌ తెలిపారు. ఇడుపులపాయ నుంచి పాదయాత్ర మొదలై... ఆరు మాసాల పాటు కొనసాగి ఇచ్చాపురంలో ముగుస్తుందన్నారు. పాదయాత్రలో ప్రతి ఒక్కరిని స్వయంగా కలిసి సమస్యలను తెలుసుకుంటానని... చంద్రబాబు సర్కార్‌ చేసిన అక్రమాలను ఎండగడతానని జగన్‌ స్పష్టం చేశారు. పాదయాత్ర నేపథ్యంలో ఇకపై ప్రత్యేక హోదా ఉద్యమాన్ని నియోజకవర్గ సమన్వయకర్తలకు అప్పగిస్తున్నట్లు జగన్‌ తెలిపారు. 

15:19 - October 10, 2017

అనంతపురం : రాష్ట్రానికి ప్రత్యేక హోదాపై  సీఎం చంద్రబాబు కప్పదాటు వైఖరిని అవలంబిస్తున్నారని వైసీపీ అధ్యక్షుడు జగన్‌ అన్నారు. అనంతపురంలో పదవ యువభేరి కార్యక్రమంలో ఆయన మాట్లాడారు. తాను ప్రత్యేక హోదా కోసం నిరాహార దీక్షకు దిగితే అర్ధరాత్రి పోలీసులను పంపి దీక్షను భగ్నం చేయించారని బాబు పై మండిపడ్డారు. ప్రధాని మోదీతో సన్నీహితంగా ఉండే చంద్రబాబు కనీసం మాటమాత్రంగానైనా రాష్ట్రానికి ప్రత్యేక హోదా అంశాన్ని ప్రస్తావించలేదని జగన్‌ విమర్శించారు. 

 

Pages

Don't Miss

Subscribe to RSS - Ap special status