AP YCP Leaders

07:51 - July 11, 2018

ఢిల్లీ : జమిలి ఎన్నికలకు వైసీపీ జై కొట్టింది. లోక్‌సభతోపాటే శాసనసభలకు కూడా ఒకేసారి ఎన్నికలు నిర్వహిస్తే ఖర్చు, అవినీతి తగ్గుతుందన్న అభిప్రాయాన్ని వ్యక్తం చేసింది. పార్టీ ఫిరాయింపులకు చెక్‌ పడుతుందని జమిలి ఎన్నికలపై రాజకీయ పార్టీల నుంచి అభిప్రాయం సేకరిస్తున్న లా కమిషన్‌ దృష్టికి తెచ్చింది.
కేంద్ర ప్రభుత్వ ప్రతిపాదనకు వైసీపీ మద్దతు 
లోక్‌సభ, శాసనసభలకు ఒకేసారి ఎన్నికలు నిర్వహించాలన్న కేంద్ర ప్రభుత్వం ప్రతిపాదనకు వైసీపీ మద్దతు తెలిపింది. ఈ అంశంపై రాజకీయ పార్టీల నుంచి అభిప్రాయం సేకరిస్తున్న లా కమిషన్‌కు  వైపీసీ నాయకులు తమ అభిప్రాయాన్ని చెప్పారు. వైపీసీ ఎంపీ విజయసాయిరెడ్డి, ఆ పార్టీ ఎమ్మెల్సీ ఉమ్మారెడ్డి వెంకటేశ్వర్లు లా కమిషన్‌ను కలిశారు. జమిలి ఎన్నికల ప్రతిపాదనను సమర్థిస్తూ వైసీపీ అధినేత జగన్‌ రాసిన లేఖను లా కమిషన్‌కు అందజేశారు. లోక్‌సభ, శాసనసభలకు ఒకేసారి ఎన్నికలు నిర్వహణలో ఉన్న లాభనష్టాలను  లా కమిషన్‌ దృష్టికి తెచ్చారు. 1951 నుంచి 1967 వరకు, 1999 నుంచి 2014 వరకు లోక్‌సభతోపాటే ఏపీ అసెంబ్లీకి ఎన్నికలు జరిగిన విషయాన్ని ప్రస్తావించారు. దీని వలన ఖర్చు, అవినీతి తగ్గుతుందని సూచించింది. వేర్వేరు ఎన్నికలతో అభివృద్ధి కుంటుపుడుతుందన్న అభిప్రాయాన్ని వ్యక్తం చేసింది.
జమిలి ఎన్నికల్లో లాభనష్టాలను లా కమిషన్‌ దృష్టికి తెచ్చిన వైసీపీ 
ఐదేళ్లకు ఎన్నికైన ప్రభుత్వాలు అర్ధాంతరంగా మధ్యలో కూలిపోతే అప్పుడు పరిస్థితి ఏంటన్న అంశంపై వైసీపీ నాయకులు లా కమిషన్‌ వివరణ కోరారు. రాజ్యసభ ఎన్నికల తరహాలోనే మిగిలివున్న కాలానికే ఎన్నికలు నిర్వహించేలా ఏర్పాటు ఉంటుందని లా కమిషన్‌ స్పష్టం చేసింది. జమిలి ఎన్నికల్లో ఉన్న లాభనష్టాలను కూడా వైసీపీ నాయకులు లా కమిషన్‌ దృష్టికి తెచ్చారు. ఈ విధానంలో జాతీయ  పార్టీల ప్రాధాన్యత పెరిగి... ప్రాంతీయ పార్టీల ప్రాధాన్యత తగ్గుందన్న అంశంపై ఆందోళన వ్యక్తం చేశారు. వైసీపీ టికెట్‌పై ఎన్నికల్లో నెగ్గి, టీడీపీలో చేరిన 23 మంది  ఎమ్మెల్యేలు, ముగ్గురు ఎంపీల విషయాన్ని విజయసాయిరెడ్డి, ఉమ్మారెడ్డి వెంకటేశ్వర్లు లా కమిషన్‌ దృష్టికి తెచ్చారు. భవిష్యత్‌లో ఇలాంటి ఫిరాయింపులకు ఆస్కారంలేకుండా రాజ్యాంగాన్ని సవరించాల్సిన అవసరం ఉందని సూచించారు. మరోవైపు రెండు రోజుల  క్రితం లా కమిషన్‌ను కలిసిన టీడీపీ నాయకులు జమిలి ఎన్నికలను వ్యతిరేకించారు. తెలంగాణలో అధికారంలో ఉన్న  టీఆర్‌ఎస్‌ జమిలిని సమర్ధించింది. జాతీయ పార్టీల్లో కాంగ్రెస్‌, సీపీఐ, ప్రాంతీయ పార్టీల్లో టీఎంసీ, డీఎంకే జమిలిని వ్యతిరేకించాయి.

 

16:32 - July 10, 2018

ఢిల్లీ : జమిలి ఎన్నికలకు వైసీపీ జై కొట్టింది. లా కమిషన్ కు తమ అభిప్రాయాన్ని తెలిపిన ఎంపీ విజయసాయిరెడ్డి మీడియాతో మాట్లాడుతు.. జమిలి ఎన్నికలో ఖర్చుతో అవినీతి, ఖర్చు తగ్గుతుందన్నారు. జమిలి ఎన్నికలపై తమ అభిప్రాయాన్ని తెలిపేందుకు ఢిల్లీ లా కమిషన్ వద్దకు వెళ్లిన వైసీపీ పార్టీ జమిలి ఎన్నికలు జరిపేందుకు తమకేమీ అభ్యంతరం లేదని తెలిపింది. లోక్ సభతో పాటే అసెంబ్లీ ఎన్నికలు జరపాలని లా కమిషన్ కు తెలిపామని ఎంపీ విజయసాయిరెడ్డి తెలిపారు. 23 మంది ఎమ్మెల్యేలు వైసీపీ పార్టీలో నెగ్గి టీడీపీలోకి చేరారని ఒక్కొక్క ఎమ్మెల్యేలకు కోట్లాది రూపాయలు ఇచ్చి వారిని టీడీపీ పార్టీ కొనుగోలు చేసిందని వైసీపీ ఎంపీ విజయసాయిరెడ్డి ఆరోపించారు. కాగా దేశవ్యాప్తంగా ఒకేసారి ఎన్నికలు జరిపేందుకు దేశవ్యాప్తంగా వివిధ పార్టీల అభిప్రాయాన్ని లా కమిషన్ అభిప్రాయాలను సేకరిస్తున్న నేపథ్యంలో జమిలి ఎన్నికల జరిపేందుకు తమ పార్టీ సిద్ధమేనని తెలిపారు. 

15:20 - July 10, 2018

ఢిల్లీ : జమిలి ఎన్నికలకు వైసీపీ జై కొట్టింది. లా కమిషన్ కు తమ అభిప్రాయాన్ని తెలిపిన ఎంపీ విజయసాయిరెడ్డి మీడియాతో మాట్లాడుతు.. జమిలి ఎన్నికలపై తమ అభిప్రాయాన్ని తెలిపేందుకు ఢిల్లీ లా కమిషన్ వద్దకు వెళ్లిన వైసీపీ పార్టీ జమిలి ఎన్నికలు జరిపేందుకు తమకేమీ అభ్యంతరం లేదని తెలిపింది. లోక్ సభతో పాటే అసెంబ్లీ ఎన్నికలు జరపాలని లా కమిషన్ కు తెలిపామని ఎంపీ విజయసాయిరెడ్డి తెలిపారు. జమిలి ఎన్నికలో ఖర్చుతో అవినీతి, ఖర్చు తగ్గుతుందని ఆయన అభిప్రాయపడ్డారు. 23 మంది ఎమ్మెల్యేలు వైసీపీ పార్టీలో నెగ్గి టీడీపీలోకి చేరారని ఒక్కొక్క ఎమ్మెల్యేలకు కోట్లాది రూపాయలు ఇచ్చి వారిని టీడీపీ పార్టీ కొనుగోలు చేసిందని వైసీపీ ఎంపీ విజయసాయిరెడ్డి ఆరోపించారు. కాగా దేశవ్యాప్తంగా ఒకేసారి ఎన్నికలు జరిపేందుకు దేశవ్యాప్తంగా వివిధ పార్టీల అభిప్రాయాన్ని లా కమిషన్ అభిప్రాయాలను సేకరిస్తున్న నేపథ్యంలో జమిలి ఎన్నికల జరిపేందుకు తమ పార్టీ 

13:44 - July 2, 2018

అనంతపురం : ముఖ్యమంత్రి చంద్రబాబు దగాకోరు రాజకీయాలతోనే రాష్ట్రానికి ప్రత్యేక హోదా రాలేదని వైసీపీ నేతలు విమర్శించారు. చంద్రబాబు వంచనపై గర్జన దీక్ష పేరుతో వైపీసీ ఆధ్వర్యంలో అనంతపురంలో జరిగిన సభలో నాయకులు, కార్యకర్తలు భారీగా పాల్గొన్నారు. నల్లచొక్కాలు, కండువాలతో ధర్నాచేసి, నిరసన వ్యక్తం చేశారు. నాలుగేళ్లు బీజేపీతో అంటకాగిన చంద్రబాబు...ప్రత్యేక హోదాపై ఇప్పుడు నీతులు చెబుతున్నారని వైసీపీ నాయకులు మండిపడ్డారు.

21:26 - June 12, 2018

తూర్పుగోదావరి : ముఖ్యమంత్రి చంద్రబాబు నేతృత్వంలో రాష్ట్రంలో అవినీతి, అధర్మపాలన సాగుతోందని వైసీపీ అధినేత జగన్‌ ఆరోపించారు. చంద్రబాబు పాలనకు చరమగీతం పాడకపోతే రాష్ట్రం అన్ని రంగాల్లో మరింత వెనుకుబడిపోయే ప్రమాదం ఉందని జగన్‌ ఆందోళన వ్యక్తం చేశారు. వచ్చే ఎన్నికల్లో వైసీపీ అధికారంలోకి వస్తే నీతి, నిజాయితీ పాలన అందిస్తుందని హామీ ఇచ్చారు. రాష్ట్రంలో ఇసుక మాఫియా రాజ్యమేలుతోందని, పెదబాబు, చినబాబు సహా ఎమ్మెల్యేలు, ఎంపీలు, చివరకు అధికారులు కూడా దోచుకుతింటున్నారని తూర్పుగోదావరి ప్రజాసంకల్ప యాత్రలో జగన్‌ ఆరోపించారు.

తూర్పుగోదావరికి జగన్ యాత్ర..
వైసీపీ అధినేత జగన్‌ ప్రజాసంకల్ప యాత్ర తూర్పుగోదావరి జిల్లాలో ప్రవేశించింది. పశ్చిమగోదావరి జిల్లా కొవ్వూరులో యాత్ర పూర్తి చేసుకుని రైల్‌ కమ్‌ రోడ్‌ బ్రిడ్జి మీదుగా చారిత్రక రాజమహేంద్రవరంలోకి ప్రవేశించారు. తూర్పుగోదావరి జిల్లాలో ప్రవేశిస్తున్న జగన్‌కు వైసీపీ శ్రేణులు భారీ స్వాగతం పలికాయి. గోదావరి నదిలో కూడా పడవలతో జగన్‌కు స్వాగతం ప్రజలు పలికారు. 2003లో వైఎస్‌ఆర్‌ పాదయాత్రను తలపించే రీతిలో వంతెన పొడవునా ప్రజలు, పార్టీ శ్రేణులు బారులు తీరారు. రైల్‌ కమ్‌ రోడ్‌ బ్రిడ్జి పొడవునా వైసీపీ జెండాలు రెపరెపలాడాయి. గుమ్మడికాయ హారతులతో మహిళలు, వేదపండితులు జగన్‌కు స్వాగతం పలికారు.

మాఫియా రాజ్యమేలుతోంది : జగన్
రాజమండ్రి కోటిపల్లి బస్టాండ్‌ వద్ద జరిగిన బహిరంగ సభలో ప్రసంగించిన జగన్‌... ముఖ్యమంత్రి చంద్రబాబు పాలనపై దుమ్మెత్తిపోశారు. రాష్ట్రంలో ఇసుక మాఫియా రాజ్యమేలుతోందని ఆరోపించారు. దీనిలో పెదబాబు, చినబాబుకు వాటాలున్నాయన్నారు. రాజమండ్రి రూరల్‌ ఎమ్మెల్యే బుచ్చయ్యచౌదరి, ఎంపీ ముళీమోహన్‌...ఇసుకు మాఫియాగామారి పెదబాబు, చినబాబుకు ముడుపులు చెల్లిస్తున్నారని జగన్‌ ఆరోపించారు. చంద్రబాబు రాక్షస, దుర్మార్గ పాలన సాగిస్తున్నారని ఆరోపించిన జగన్‌.. వచ్చే ఎన్నికల్లో టీడీపీకి బుద్ధి చెప్పాలని ఓటర్లకు పిలుపు ఇచ్చారు. 2019 ఎన్నికల్లో వైసీపీ అధికారంలోకి వస్తే మూడు లక్షల రూపాయల వరకు గృహ రుణాలు మాఫీ చేస్తుందని జగన్‌ హామీ ఇచ్చారు. 

17:36 - June 12, 2018

తూర్పుగోదావరి : పశ్చిమగోదావరి, తూర్పుగోదావరి జిల్లాలను కలిపే గోదావరి రోడ్ కమ్ రైల్వే బ్రిడ్జి మీదుగా జగన్ పాదయాత్ర తూర్పుగోదావరి జిల్లాలోకి ప్రవేశించింది. ఈ క్రమంలో కోటిపల్లి బస్టాండ్ వద్ద భారీ బహిరంగసభలో జగన్ మాట్లాడుతు..సీఎం చంద్రబాబు నాయుడు పాలనపై తీవ్రస్థాయిలో విరుచుకుపడ్డారు. చంద్రబాబు నాయుడు ప్రభుత్వం పూర్తిగా అవినీతిలో కూరుకుపోయందని ఆరోపించారు. దివంగనేత రాజశేఖర్ రెడ్డి పాలన వున్న సమయంలో పోలవరం ప్రాజెక్టు 70 శాతం పూర్తయిందనీ..కానీ సీఎం చంద్రబాబు పోలవరం ప్రాజెక్టుకు సంబంధించి అంచనాలను పెంచుకుంటు పోతున్నారని జగన్ విమర్శించారు. ఇప్పటి వరకూ రూ.13,500 కోట్లు దివంగత నేత రాజశేఖర్ రెడ్డి హయాంలో ఖర్చు పెట్టారన్నారు. పోలవరం పనులు నత్తనడకన నడుస్తున్నాయని..పునాదులు కూడా దాటని పరిస్థితిలో పోలవరం ప్రాజెక్టు వుందని జగన్ ఆరోపించారు. గోదావరి పుష్కరాల పేరుతో చంద్రబాబు రూ.2వేల కోట్ల రూపాయలను దుర్వినియోగం చేశారని ఆరోపించారు. వడ్డి వీరభద్రరావు గుండు గీయించుకుని నిరసన తెలిపారని జగన్ గుర్తు చేశారు. ప్రభుత్వం కట్టి ఇచ్చే ఇళ్లను తీసుకోమని ప్రజలకు సూచించారు. వచ్చే ఎన్నికల్లో వైసీపీ అధికారంలోకి వచ్చిన తరువాత ఆ రుణాన్ని పూర్తిగా మాఫీ చేస్తానని జగన్ హామీ ఇచ్చారు. 

12:57 - May 4, 2018

అనంతపురం : జిల్లా వైయస్‌ఆర్‌ కాంగ్రెస్‌ పార్టీలో సమీకరణాలు వేగంగా మారుతున్నాయి. సాధారణ ఎన్నికలు దగ్గర పడుతుడటంతో పార్టీ సంస్థాగత నిర్మాణంతో పాటు బలమైన అభ్యర్థులను రంగంలోకి దింపేందుకు వైసీపీ పావులు కదుపుతోంది. అందుకోసం పార్టీ కార్యక్రమాలను వేగవంతం చేయడంతో పాటు.. నియోజక వర్గ సమన్వయ కర్తలలో మార్పులు చేస్తోంది. దీంతో ఇంతకాలం నియోజక వర్గాలకు సమన్వయ కర్తలుగా పనిచేసిన వారిలో ఆందోళన మొదలైంది.

అనంతపురం జిల్లాలోని వైసీపీలో రాజకీయ సమీకరణాలు వేగంగా మారుతున్నాయి. పార్టీ అధినేత జగన్‌.. పార్లమెంట్, అసెంబ్లీ సమన్వయ కర్తలను మారుస్తుడటంతో పార్టీలో కోలాహలం నెలకొంది. ఇంత కాలం అనంతపురం పార్లమెంట్‌ నియోజకవర్గ సమన్వయ కర్తగా ఉన్న మాజీ ఎంపీ అనంత వెంకటరామిరెడ్డిని అసెంబ్లీ సమన్వయ కర్తగా నియమించారు. ఇన్నాళ్లు అనంతపురం అసెంబ్లీ నియోజకవర్గ సమన్వయ కర్తగా ఉన్న నదీం అహమ్మద్‌ను హిందూపురం పార్లమెంట్‌ నియోజకవర్గ సమన్వయ కర్తగా నియమించారు. ఇక  హిందూపురం పార్లమెంట్‌ నియోజకవర్గ సమన్వయ కర్తగా వ్వవహరిస్తున్న రంగయ్యను అనంతపురం పార్లమెంట్ సమన్వయ కర్తగా నియమించారు.

అనంత వెంకటరామిరెడ్డిని అనంతపురం అసెంబ్లీ నియోజకవర్గ వైసీపీ సమన్వయ కర్తగా పార్టీ అధినేత జగన్‌ నిర్ణయం తీసుకోవడంతో అనంతపురం వైసీపీ కార్యకర్తలలో ఉత్సాహం నెలకొంది. వెంకటరామిరెడ్డి స్వగృహంలో వైసీపీ నేతలు హడావుడి చేస్తూ.. ఆయనను పూల మాలలతో సత్కరించారు. దీంతో అనంతపురం రాజకీయాల్లో అసలైన ఆట మొదలయిందని రాజకీయ విశ్లేషకులు అంటున్నారు. మరోవైపు అనంతపురం నియోజకవర్గంలో విస్తృతంగా పర్యటించి పార్టీని బలోపేతం చేయడమే కాక రానున్న ఎన్నికల్లో వైసీపీ జెండా ఎగురవేస్తామని నేతలు ధీమా వ్యక్తం చేస్తున్నారు. ఇంతకాలం వెంకటరామిరెడ్డి ఎంపీగా పోటీ చేస్తారని ప్రచారానికి తెరదించుతూ అసెంబ్లీ నియోజకవర్గానికి పోటీ చేయడం ఖాయంగా కనిపిస్తోంది.

అనంతపురం పార్లమెంట్‌ నియోజక వర్గానికి వైసీపీ తరుపున రంగయ్యను బరిలోకి దింపుతారనే ప్రచారం సాగుతోంది. హిందూపురం పార్లమెంట్‌ నియోజకవర్గానికి వైసీపీ సమన్వయ కర్త నదీం అహమ్మద్‌ను నియమించినప్పటికీ టికెట్ల కేటాయింపు సమయానికి బీసీ అభ్యర్థిని బరిలోకి దింపనున్నట్లు తెలుస్తోంది. ఇక కదిరి నియోజకవర్గం నుంచి మైనార్టీ అభ్యర్థిని రంగంలోకి దింపాలని వైసీపీ భావిస్తోంది. రానున్న ఎన్నికల్లో అధికారమే లక్ష్యంగా గెలుపు గుర్రాలనే ఎన్నికల రణక్షేత్రంలోకి పంపాలని వైసీపీ చూస్తోంది.
 
వచ్చే ఎన్నికల్లో తాజాగా నియమించిన సమన్వయకర్తలే పోటే చేస్తారనే ప్రచారం వైసీపీలో ఊపందుకుంది. దీంతో నాలుగేళ్లుగా నియోజకవర్గ సమన్వయ కర్తలుగా పనిచేస్తున్న నాయకుల్లో కలవరం మొదలయింది. ఇంత కాలం పార్టీ కార్యక్రమాలను నిర్వహించిన తమను కాదని కొత్త నేతలను సమన్వయ కర్తలుగా నియమిస్తే తమ పరిస్థితి ఏంటని నేతలు మదనపడుతున్నారు.

08:34 - February 6, 2018

హైదరాబాద్ : వైసీపీ అధినేత జగన్‌ పాదయాత్రను సద్వినియోగం చేసుకోవడంలో నేతలు విఫలమవుతున్నారా...? పాదయాత్ర చేసిన ప్రాంతాల్లో మంచి స్పందన వచ్చినట్లు కనిపిస్తున్నా... పార్టీ అధిష్టానం ఎందుకు భయపడుతోంది... వైసీపీ వ్యూహకర్త ప్రశాంత్‌ కిషోర్‌ టీమ్‌ సర్వేలో తేలిందేంటి...?
అధికారమే లక్ష్యంగా సాగుతున్న పాదయాత్ర
సుమారు వెయ్యి కిలోమీటర్లు... ఎనభై రోజులు.. ఆరు జిల్లాలు, 36కు పైగా నియోజకవర్గాలు.. అడుగడుగునా జనంతో కలయిక.. ప్రజా సమస్యలపై ఆరా.. ఇలా కొనసాగుతోంది వైసీపీ అధినేత జగన్ పాదయాత్ర. వచ్చే ఎన్నికల్లో అధికారమే లక్ష్యంగా సాగుతోందీ పాదయాత్ర..  ప్రజా సమస్యలను అధ్యాయనం చేస్తూ ముందుకు వెలుతున్నారు జగన్. కానీ.... దానివల్ల వస్తున్న స్పందనను నేతలు  సద్వినియోగం చేసుకోలేకపోతున్నారన్న ప్రచారం సాగుతోంది. 
వైసీపీ వ్యూహకర్త ప్రశాంత్‌ కిషోర్‌ టీమ్‌ సర్వే 
కడప, కర్నూలు, అనంతపురం, చిత్తూరు జిల్లాలో జగన్ పాదయాత్ర పూర్తి చేసుకుని...  నెల్లూరు రూరల్‌లో కొనసాగిస్తున్నారు. ఇంతవరకూ పాదయాత్ర ముగిసిన ప్రాంతాల్లో వైసీపీ వ్యూహకర్త ప్రశాంత్‌ కిషోర్‌ టీమ్‌ సర్వే చేసింది. పాదయాత్ర సమయంలో ఉన్న జోష్‌ తర్వాత కనిపించడంలేదని ఆ సర్వేలో తేలినట్లు తెలుస్తోంది. ఇదే విషయంపై స్థానిక కార్యకర్తలు హైకమాండ్‌కు ఫిర్యాదు కూడా చేసినట్లు తెలుస్తోంది.
ఎవరికి వారే అన్నచందంగా నేతల తీరు
జగన్ పాదయాత్ర సమయంలో కలిసికట్టుగా కనిపించే నేతలు ఆ తర్వాత ఎవరికి వారే అన్నచందంగా వ్యవహరిస్తున్నారు.  క్షేత్ర స్థాయిలో జోష్‌ వచ్చిందని సంబరాలు చేసుకున్న నేతలు... దాన్ని కొనసాగించడంలో విఫలమవుతున్నారన్న వాదన వినిపిస్తోంది.  ఆయా ప్రాంతాల్లో సమన్వయకర్తలే  అభ్యర్థులమని భావిస్తున్నారు. ఈవిషయం  కిషోర్‌ టీమ్‌ సర్వేలో తేలినట్లు తెలుస్తోంది.  దీంతో ఆయా నేతల వ్యవహార శైలిపై అధిష్టానం దృష్టి పెట్టినట్లు సమాచారం. ఇకపై స్థానిక నేతలపై దృష్టి పెట్టకపోతే.. పార్టీకి తీవ్ర నష్టం తప్పదని వైసీపీ అధిష్టానం భావించినట్లు తెలుస్తోంది. అందుకే ఇకపై అలాంటి నేతలపై దృష్టిపెట్టనున్నట్లు తెలుస్తోంది.

 

18:12 - January 16, 2018

హైదరాబాద్ : ఏపీ ముఖ్యమంత్రి చంద్రబాబు నాయుడుపై పీఏసీ ఛైర్మన్ బుగ్గన రాజేంద్రనాథ్‌ రెడ్డి తీవ్రస్థాయిలో విరుచుకుపడ్డారు. టీడీపీ ప్రభుత్వం ఏర్పడిన నాలుగేళ్లలో సాధించింది ఏమీ లేదని, సంకీర్ణ ప్రభుత్వంలో కేంద్ర మంత్రుల అపాయింట్‌మెంట్లు కూడా చంద్రబాబుకు దొరకడం లేదని విమర్శించారు. ప్రధానమంత్రి మోదీని కలిసేందుకు చంద్రబాబుకు ఏడాది సమయం పట్టిందన్నారు. చంద్రబాబు ఎప్పుడు మాట్లాడినా తాను రాష్ట్రం కోసం 30సార్లు ఢిల్లీ వెళ్లానని చెబుతుంటారని.. అయితే వాటివల్ల గడిచిన నాలుగేళ్లలో రాష్ట్రానికి ఏ మేలు జరిగిందని బుగ్గన నిలదీశారు.

న్యాయస్థానాల మాటకు విలువ ఎక్కడ - అంబటి...
ఏపీలో న్యాయస్థానాలు చెప్పిన మాటకు విలువ లేకుండా పోయిందన్నారు వైసీపీ అధికార ప్రతినిధి అంబటి రాంబాబు. ఏపీలో మంత్రులు, టీడీపీ ఎమ్మెల్యేలు, ఎమ్మెల్సీలు దగ్గరుండి.. కోళ్లకు కత్తులు కట్టి.. పందేలు నిర్వహిస్తున్నారని ఆయన ఆరోపించారు. తమ కళ్లముందే ఇంత జరుగుతున్నా.. నిమ్మకు నీరెత్తినట్లు వ్యవహరిస్తున్నారని పోలీసుల తీరును తప్పుపట్టారు. ఈ 3 రోజులు పోలీసులకు సెలవులు ఇస్తే బాగుండేదని అంబటి సలహా ఇచ్చారు. 

21:23 - November 15, 2017

కర్నూలు : జగన్‌ 9వరోజు ప్రజా సంకల్ప యాత్ర కర్నూల్‌ జిల్లాలో కొనసాగింది. పాదయాత్రలో చంద్రబాబు తీరుపై జగన్‌ మండిపడ్డారు. చంద్రబాబు తన మానిఫెస్టోని మాయం చేశారని అది ఉంటే ప్రజలు సీఎంను నిలదీస్తారన్నారు. ప్రజల సలహాలను తీసుకుని పాదయాత్ర ముగిసిన అనంతరం 2019మానిఫెస్టోని తయారు చేస్తానని జగన్‌ అన్నారు. చంద్రబాబు మానిఫెస్టోలాగా పేజీల కొద్ది తనది ఉండదని ప్రజలను మోసం చేసే విధంగా ఉండదని అన్నారు. అన్ని సామాజిక వర్గాలను సమానంగా చూస్తానన్నారు. 2019 మానిఫెస్టోలో పెట్టిన పనులు చేసిన తర్వాతే 2024లో ప్రజల ముందుకు వస్తానని జగన్‌ అన్నారు. 

Pages

Don't Miss

Subscribe to RSS - AP YCP Leaders