baahubali

11:19 - September 21, 2017

టాలీవుడ్ దర్శకుడు 'రాజమౌళి' తన రెండు చిత్రాలతో అంతర్జాతీయస్తాయిలో పేరు సంపాదించుకున్నాడు. సంవత్సరాల తరబడి చేసిన 'బాహుబలి', 'బాహుబలి 2' సినిమాలు ఏ స్థాయిలో విజయం సాధించాయో అందరికీ తెలిసిందే. ఈ సినిమా అనంతరం 'రాజమౌళి' ఎలాంటి సినిమాను ప్రకటించలేదు. దీనితో ఆయన దర్శకత్వంలో ఏ హీరో నటిస్తారనే ఉత్కంఠ నెలకొంది. దీనిపై సోషల్ మాధ్యమాల్లో ఓ వార్త చక్కర్లు కొడుతోంది.

ఇటీవలే 'రామ్ చరణ్' నటిస్తున్న 'రంగస్థలం 1985' సినిమా షూటింగ్ లో మెగాస్టార్ 'చిరంజీవి'తో కలిసి 'రాజమౌళి' హాజరు కావడం ప్రాధాన్యత సంతరించుకుంది. 'మగధీర' తర్వాత జరిగిన కొన్ని పరిణామాల వల్ల 'రామ్‌ చరణ్‌'తో గ్యాప్‌ వచ్చిందని అప్పట్లో ఇండస్టీ కోడై కూసింది. కానీ ఇవన్నీ వట్టి పుకార్లేనని పరిణామాలను బట్టి తెలుస్తోంది. 'రాజమౌళి' ఈ మధ్య 'రామ్‌ చరణ్‌'తో సన్నిహితంగా కనిపిస్తున్నారు. 'చిరంజీవి' నటించబోయే 'సైరా' టైటిల్ లాంచింగ్ వేడుకలో 'రాజమౌళి' పాల్గొనడం తెలిసిందే. అంతేగాకుండా విజయేంద్ర ప్రసాద్ 'శ్రీవల్లి' ప్రీ రిలీజ్ వేడుకలో రామ్ చరణ్ స్పెషల్ గెస్ట్ గా వెళ్లారు. చిరు, రామ్‌ చరణ్‌ కోసం ఒక కథ రాయాలని ఉందని రచయిత విజయేంద్ర ప్రసాద్‌ ఈమధ్య ఇంటర్వ్యూలో వెల్లడించారు. ఈ నేపథ్యంలో వారివురితో రాజమౌళి సంప్రదింపులు జరుపుతున్నట్లు, మెగాధీరులకోసం తండ్రితో కథ సిద్ధం చేస్తున్నట్లే అనిపిస్తోందని పుకార్లు షికారు చేస్తున్నాయి. 

12:33 - August 19, 2017

ఇట్స్‌ షూట్‌ టైమ్‌.. నాలుగన్నరేళ్ల బాహుబలి ప్రయాణం తర్వాత సాహో అనే యాక్షన్‌ ప్రపంచంలోకి ఎంటర్ కావడం చాలా ఎగ్జైటింగ్‌గా ఉందని హీరో ప్రభాస్ ఫేస్‌బుక్‌ ద్వారా ఫ్యాన్స్‌తో షేర్ చేసుకున్నాడు. బాహుబలి2 తర్వాత రకరకాల పిక్స్‌తో అభిమానులను ఆకట్టుకున్నాడు నటుడు ప్రభాస్. ఆయన నటిస్తున్న కొత్త ప్రాజెక్ట్ ‘సాహో’ శుక్రవారం మొదలైంది. ప్రస్తుతం షూట్‌ హైదరాబాద్‌లో జరుగుతున్నట్లు సమాచారం. హాలీవుడ్‌కి చెందిన నిపుణులు ఈ చిత్రానికి పని చేస్తున్నారని, యాక్షన్‌ సన్నివేశాల్ని ఫారెన్‌లో తెరకెక్కించేలా డైరెక్టర్ షెడ్యూల్ ప్లాన్ చేసినట్లు తెలుస్తోంది. సుజీత్‌ డైరెక్ట్ చేస్తున్న ఈ ఫిల్మ్‌లో ప్రభాస్ పక్కన శ్రద్ధాకపూర్ హీరోయిన్ నటిస్తున్నారు.

11:16 - August 16, 2017

'బాహుబలి'..'బాహుబలి-2' సినిమాల అనంతరం 'ప్రభాస్' నటిస్తున్న న్యూ ఫిల్మ్ 'సాహో' చిత్రంపై భారీ అంచనాలు నెలకొంటున్నాయి. చిత్రం షూటింగ్ ప్రారంభం కాకముందే చిత్ర టీజర్ విడుదలయిన సంగతి తెలిసిందే. కానీ సినిమాకు సంబంధించిన విషయాలు మాత్రం బయటకు పొక్కడం లేదు. 'ప్రభాస్' సరసన హీరోయిన్ ఎవరు నటిస్తారనే దానిపై సోషల్ మీడియాలో రకరకాల కథనాలు వెలువడ్డాయి. 

'ప్రభాస్' సరసన నయనతార, అనుష్క, కాజల్ నటిస్తారని, బాలీవుడ్ హీరోయిన్స్ లను ఎంపిక చేస్తారని టాక్ వినిపించింది. దీనికంతటికీ ఫుల్ స్టాప్ పడింది. 'సాహో' లో హీరోయిన్ గా 'శ్రద్ధాకపూర్' నటించబోతోంది. 'ఆషికి-2'తో పాటు పలు హిందీ చిత్రాల్లో నటించిన ఈ ముద్దుగుమ్మ మంచి పేరే తెచ్చుకుంది. ఆమె తెలుగులో నటిస్తున్న తొలి చిత్రం 'సాహో' కావడం విశేషం.

సుజీత్ దర్శకత్వంలో వస్తున్న ఈ సినిమాను యూవీ క్రియేషన్స్ పతాకంపై వంశీ, ప్రమోద్ లు భారీ బడ్జెట్ తో సినిమాను తెరకెక్కిస్తున్నారు. తెలుగు, తమిళం, హిందీ భాషల్లో చిత్రం నిర్మితమౌతోంది. ఈ చిత్రం కోసం అంతర్జాతీయ నిపుణులు పనిచేస్తున్నట్లు టాక్. యాక్షన్ కి అత్యంత ప్రాధాన్యతనిస్తున్నట్లు సమాచారం. ప్రభాస్ స్టైలిష్ గా ఇదివరకటి కంటే భిన్నంగా తెరపై కనిపించేందుకు చిత్ర యూనిట్ ప్రయత్నిస్తోంది. 

09:33 - June 28, 2017

ప్రభాస్..ప్రస్తుతం టాలీవుడ్ లో ఓ వెలుగు వెలుగుతున్న నటుడు. ఆయన నటించిన 'బాహుబలి'..’బాహుబలి2’ సినిమాలు ప్రపంచ వ్యాప్తంగా మారుమోగిన సంగతి తెలిసిందే. కలెక్షన్ల పరంగా ఎవరికీ అందనంత ఎత్తుకు ఎగిరిపోయింది. ఈ సినిమాల కోసం 'ప్రభాస్' సంవత్సరాల తరబడి పనిచేశారు. ఆయన నటనా ప్రతిభకు జాతీస్థాయిలో తనకంటూ ప్రత్యేక గుర్తింపును తెచ్చుకున్నారు. ఆయన తాజాగా 'సాహో' సినిమాలో నటిస్తున్నారు. ఈ సినిమాకు సంబంధించిన విశేషాలు బయటకు రావడం లేదు కానీ ఇతర విషయాలు సోషల్ మాధ్యమాల్లో వైరల్ అవుతున్నాయి. బాలీవుడ్ లో 'ప్రభాస్' ను నటింప చేయాలని పలువురు దర్శక..నిర్మాతలు ఆలోచిస్తున్నట్లు టాక్. తాజాగా తమన్నా..భూమిక..ప్రభుదేవా ప్రధాన పాత్రల్లో నటిస్తున్న 'ఖామోషీ' చిత్రంలో 'ప్రభాస్' ను నటింప చేయాలని అనుకున్నట్లు టాక్. ఈ చిత్రానికి చక్రి తోలేటి దర్శకత్వం వహిస్తున్నారు. బి టౌన్ లో చక్కర్లు కొడుతున్న ఈ వార్త నిజమా ? కాదా ? అనేది తెలియాల్సి ఉంది.

20:56 - June 24, 2017

బాహుబలి సింగర్ మోహనతో టెన్ టివి చిట్ చాట్ నిర్వహించింది. ఈ సందర్భంగా మోహన పలు విషయాలు తెలిపారు. పలు పాటలను పాడి వినిపించారు. తాను పాడిన అన్నీ పాటలు ఇష్టమని చెప్పారు. కొంతమందితోనే చనువుగా ఉంటానని తెలలిపారు. అందరూ బెస్టు ఫ్రెండ్స్ అని పేర్కొన్నారు. డబ్బింగ్ చెప్పడంపై ఇంట్రస్ట్ ఉంద కానీ.. అది చాలా కష్టటమన్నారు. చిన్మయి వాయిస్ లో డైలాగ్ చెప్పింది. సింగర్ నోయెల్ ఫ్రాంక్ కాల్ చేశారు. అనంతరం మోహన, నోయెల్ కలిసి పాట పాడారు. మరిన్ని వివరాలను వీడియోలో చూద్దాం.. 

11:22 - June 23, 2017

‘వంద మంది ఎమ్మెల్యేలను తీసుకెళ్లి స్టార్ హోటల్ లో పెడితే..సాయంకాలానికి సీఎం అవుతా'..అంటూ 'దగ్గుబాటి రానా' పలికిన డైలాగ్స్ తో అభిమానులు ఫిదా అయిపోతున్నారు. ఆయన నటించిన 'నేనే రాజు నేనే మంత్రి' సినిమా ట్రైలర్ విడుదలైంది. ఈ సినిమాలో 'రానా' పవర్ ఫుల్ డైలాగ్స్ తో అదరగొట్టారు. ఇటీవలే ఆయన పలు విభిన్నమైన పాత్రలు పోషించుకుంటూ ముందుకెళుతున్న సంగతి తెలిసిందే. ‘బాహుబలి’ చిత్రంతో ఒక్కసారిగా ప్రపంచ వ్యాప్తంగా 'రానా’కు మంచి పేరు వచ్చింది. తేజ దర్శకత్వంలో రూపొందుతున్న ఈ సినిమాలో 'రానా' సరసన 'కాజల్' నటించింది. ట్రైలర్ ఆసక్తికరంగా ఉందని అభిమానులు పేర్కొంటున్నారు. సినిమాపై అభిమానుల అంచనాలను ట్రైలర్ అమాంతం పెంచేసిందని టాక్. 'నేనే రాజు నేనే మంత్రి' సినిమాను సొంత బేనర్ సురేష్ ప్రొడక్షన్స్ లో దగ్గుబాటి సురేష్ బాబు నిర్మిస్తున్నారు. సంగీతం అనూప్ రూబెన్స్ అందిస్తున్నారు.

12:07 - June 13, 2017

బాలీవుడ్ కండల వీరుడు 'సల్మాన్ ఖాన్'..టాలీవుడ్ రెబల్ స్టార్ 'ప్రభాస్' లు కలిసి నటిస్తే ఎలా ఉంటుంది ? అటు సల్మాన్..ఇటు ప్రభాస్ అభిమానులకు పండుగే పండుగ కదా. బాక్సాపీస్ వద్ద రికార్డులు నెలకొంటాయి కదా..ప్రస్తుతం దీనిపై సోషల్ మీడియాలో ఓ వార్త హల్ చల్ చేస్తోంది. ప్రముఖ దర్శకుడు రోహిత్ శెట్టి తెరకెక్కిస్తున్న చిత్రంలో వీరిద్దరూ కలిసి నటిస్తారని ప్రచారం జరుగుతోంది. బాలీవుడ్ దర్శక..నిర్మాత కరణ్ జోహార్ కూడా 'ప్రభాస్' తో ఓ సినిమా చేయాలని ప్లాన్ చేస్తున్నట్లు తెలుస్తోంది. 'ప్రభాస్' నటించిన 'బాహుబలి 2' సినిమా ఓ ఊపు ఊపిన సంగతి తెలిసిందే. హిందీలో కూడా ఈ సినిమా ప్రభంజనం సృష్టించింది. తాజాగా 'ప్రభాస్' సుజీత్ దర్శకత్వంలో 'సాహో' చిత్రంలో నటిస్తున్నాడు. ఈ సినిమాను హిందీలో కూడా విడుదల చేయనున్నట్లు తెలుస్తోంది. మరోవైపు 'సల్మాన్' 'ట్యూబ్ లైట్' చిత్రంలో నటిస్తున్నాడు. రంజాన్ పండుగ సందర్భంగా రిలీజ్ కానుంది. మరి సల్మాన్..ప్రభాస్ లు కలిసి నటిస్తారా ? లేదా ? అనేది త్వరలోనే తెలియనుంది.

16:05 - June 7, 2017

ప్రస్తుతం సోషల్ మాధ్యమాల్లో ఈ ఫొటో వైరల్ గా మారుతోంది. ఈ హీరో ఎవరు అంటూ ప్రశ్నలు వేస్తున్నారు. తెలిసిన వారు చెబుతున్నారు...తెలియని వారు చెప్పండంటూ పోస్టులు చేస్తున్నారు. తెలుగు సినిమా సత్తా ఏంటో ప్రపంచానికి చాటి చెప్పిన చిత్రం 'బాహుబలి'..’బాహుబలి-2’ సినిమాలు. రాజమౌళి దర్శకత్వంలో రూపొందిన ఈ సినిమాలకు సంవత్సరాల తరబడి 'ప్రభాస్' కష్టపడి నటించిన సంగతి తెలిసిందే. అనంతరం సుజీత్ దర్శకత్వంలో 'సాహో' చిత్రానికి సైన్ చేశాడు. చిత్ర షూటింగ్ ప్రారంభం కాకముందే టీజర్ ను విడుదల చేసి అంచనాలను మరింతగా రేకేత్తించారు. ఇటీవలే ప్రముఖ కేశాలంకరణ నిపుణుడితో ఫొటో బయటకు వచ్చింది. అందులో 'ప్రభాస్' కొద్దిగా స్లిమ్ గా కనిపించాడు. దీనితో 'సాహో' చిత్రంలో ఇలా కనిపిస్తారా ? అని అభిమానులు అనుకున్నారు. కానీ తాజాగా 'ప్రభాస్'కు కు చెందిన ఫొటో వైలర్ అయిపోయింది. 'బాహుబలి'లో పొడవాటి జుట్టు, మెలి తిరిగిన మీసం, గడ్డంతో కనిపించిన 'ప్రభాస్' ఈ ఫోటోలో క్లీన్ షేవ్ లో కనిపిస్తున్నాడు. క్లీన్ షేవ్ లో 'ప్రభాస్' ఇప్పటి వరకు కనిపించ లేదనే సంగతి తెలిసిందే. ఒక్కసారిగా 'ప్రభాస్' ఇలా మారిపోవడానికి కారణం ఏంటబ్బా అని అభిమానులు తెగ ఆలోచిస్తున్నారంట.

11:14 - May 29, 2017

అనంతపురం : 'బాహుబలి' సినిమా చూసేందుకు అనుమతించాలంటూ మందుబాబులు ఓ థియేటర్ సిబ్బందిపై విచక్షణారహితంగా దాడి చేశారు. ఈ ఘటన అనంతపురం జిల్లా గుత్తిలో చోటు చేసుకుంది. గుత్తిలోని కేపీఎస్ మూవీల్యాండ్ థియేటర్ లో 'బాహుబలి' సినిమా ప్రదర్శితమౌతోంది. గత అర్ధరాత్రి ఐదుగురు యువకులు పూటుగా మద్యం సేవించి థియేటర్ కు వచ్చారు. లోనికి అనుమతించాలని వారు డిమాండ్ చేశారు. సినిమా చివరిలో ఉందని..ఇప్పుడు అనుమతించడానికి వీలు లేదంటూ సిబ్బంది పేర్కొన్నారు. తీవ్ర ఆగ్రహానికి గురైన మందబాబులు సిబ్బందిపై పిడుగుద్దుల వర్షం కురిపించారు. దీనితో సిబ్బందికి తీవ్ర గాయాలయ్యాయి. దాడి చేసిన దృశ్యాలు సీసీ కెమెరాలో రికార్డయ్యాయి. థియేటర్ యాజమాన్యం చేసిన ఫిర్యాదుతో పోలీసులు కేసు నమోదు చేశారు.

14:40 - May 25, 2017

'రానా'కి ఉరిశిక్ష ఏంటీ ? కోర్టు ఏ విషయంలో తీర్పు చెప్పింది అని బెంబేలెత్తిపోకండి...పూర్తిగా చదవండి..టాలీవుడ్ కండల వీరుడు 'రానా'.. వైవిధ్యమైన కథా చిత్రాలు ఎంచుకుంటూ ముందుకెళుతున్నాడు. ఇటీవలే విడుదలైన 'బాహుబలి -2'తో ప్రపంచ వ్యాప్తంగా గుర్తింపు పొందాడు. ఈ చిత్ర విజయం అనంతరం మరో వైవిధ్యమైన కథను ఎంచుకున్నాడు. తేజ దర్శకత్వంలో రూపొందుతున్న 'నేనే రాజు నేనే మంత్రి' సినిమాలో పవర్ పుల్ పాత్రలో పోషిస్తున్నాడంట. చట్టంలో వున్న లొసుగులు..వ్యవస్థలో వున్న డొల్లతనం పేరిట కథ ఉందని, దీనిపై అడ్డంగా ఎదిగే ఓ వ్యక్తి కథని అని ప్రచారం జరుగుతోంది. ఇక ఈ సినిమా క్లైమాక్స్ 'టెంపర్' సినిమాను పోలి ఉంటుందని టాక్. కోర్టు హీరో 'రానా'కి ఉరిశిక్ష విధిస్తుందని, 'టెంపర్' సినిమాలోని కోర్టు సీన్ లా ఇది కూడా అదిరిపోతుందని టాక్. మరి ఈ సినిమా ఎలా ఉండబోతోందో వేచి చూడాలి.

Pages

Don't Miss

Subscribe to RSS - baahubali