ban

07:25 - December 11, 2018

దేశవ్యాప్తంగా ఐదు రాష్ట్రాల అసెంబ్లీ ఎన్నికల ఫలితాలు ఉత్కంఠ రేపుతున్నాయి. మధ్యప్రదేశ్, మిజోరం, రాజస్థాన్, ఛత్తీస్‌గఢ్, తెలంగాణ అసెంబ్లీ ఎన్నికల ఫలితాలను అంతా ఆసక్తిగా గమనిస్తున్నారు. త్వరలో జరగబోయే సార్వత్రిక ఎన్నికలకు సెమీఫైనల్స్‌గా భావిస్తున్నారు. దీంతో రిజల్ట్స్‌పై తీవ్ర ఉత్కంఠ నెలకొంది. సాధారణంగా ఎన్నికల ఫలితాలు అంటే విజయోత్సవ ర్యాలీలు, సంబరాలు కామన్. గెలిచిన వారు స్వీట్లు పంచుకుని, రంగులు చల్లుకుని, బాణ సంచా కాల్చి, విజయోత్సవ ర్యాలీలు నిర్వహిస్తారు. అయితే ఈసారి మాత్రం నిరాశ తప్పదు. విజయోత్సవ ర్యాలీలకు ఈసీ బ్రేక్ వేసింది. ఎన్నికల ఫలితాలు వెలువడనున్న వేళ ఎన్నికల సంఘం పలు ఆంక్షలు విధించింది. విజయోత్సవ ర్యాలీలపై ఈసీ నిషేధం విధించింది. ఎటువంటి విజయోత్సవ ర్యాలీలు నిర్వహించకూడదని ఆదేశాలు ఇచ్చింది. బాణసంచా కాల్చకూడదని చెప్పింది. అయతే డిసెంబర్ 12 నుంచి విజయోత్సవ ర్యాలీలకు అనుమతి ఇచ్చింది.

14:47 - December 5, 2018

తిరువనంతపురం (కేరళ): వయసుతో నిమిత్తం లేకుండా మహిళలందరికీ శబరిమల ఆలయంలోకి ప్రవేశం కల్పిస్తూ  సుప్రీంకోర్టు తీర్పు  ఇచ్చిన విషయం తెలిసిందే. దీంతో అయ్యప్ప దర్శనానికి మహిళలు క్యూకట్టారు. వారిని అడ్డుకునేందకు ఆందోళనకారులు చేసిన ప్రయత్నాలతో శబరిమలలో ఉద్రిక్తతలు నెలకొన్నాయి. పరిస్థితిని కూల్ చేయటానికి పోలీసులు భారీగా మోహరించారు. 144 సెక్షన్ విధించారు. ఈ ఆంక్షలను పొడిగిస్తూ కేరళ పోలీస్ శాఖ నిర్ణయం తీసుకుంది. నిషేదాజ్ఞలు డిసెంబర్ 8వ తేదీ అర్థరాత్రి వరకు పొడిగిస్తున్నట్టు  జిల్లా కలెక్టర్ పీబీ నూహ్ వెల్లడించారు. పోలీస్ కమిషనర్ సహా ఇతర అధికారుల నుంచి అందిన నివేదికల మేరకు ఈ నిర్ణయం తీసుకున్నట్టు పేర్కొన్నారు. శబరిమలలో పరిస్థితిని పర్యవేక్షించేందుకు కేరళ హైకోర్టు నియమించిన త్రిసభ్య కమిటీ కూడా ఆలయ పరిసరాలను పరిశీలించింది.

09:54 - November 23, 2018

కేరళ : ఇటీవలి కాలంలో  శబరిమల అయ్యప్ప ఆలయం వివాదం విషయంలో ఆలయ పరిసర ప్రాంతాలలో ఉద్రిక్తతలు నెలకొన్న విషయం తెలిసిందే. ఆలయంలోకి మహిళల ప్రవేశంపై దేశ అత్యున్నత న్యాయస్థానం అయిన సుప్రీంకోర్టు తీర్పు ఇచ్చిన నాటి నుండి ఈ వివాదం కొనసాగుతోంది. కాగా ఆలయంలోకి  10-50 ఏళ్ల మధ్య వయసు బాలికలు, మహిళల ప్రవేశంపై నిషేధం రెండువందల ఏళ్ల క్రితం కూడా అమలులో ఉన్నట్లు బ్రిటిష్‌ కాలం నాటి సర్వే నివేదికలు స్పష్టం చేస్తున్నాయి. 
బెంజమిన్‌ స్వైన్‌, పీటర్‌ ఇరే కానర్‌ అనే ఇద్దరు బ్రిటిష్‌ సైనికాధికారులు ఈ అంశంపై ఐదేళ్లపాటు విస్తృతంగా చేసిన  అధ్యయనంలో ఇది స్పష్టమైనట్లుగా తెలుస్తోంది. 1820లోనే ఆ అధ్యయనానికి సంబంధించిన వివరాలను సంకలనం చేశారు. వృద్ధులైన మహిళలు, చిన్నవయసు బాలికలు ఆలయానికి వెళ్లవచ్చని, రుతుక్రమం కొనసాగుతున్న వయసు మహిళలకు ప్రవేశం నిషిద్ధమని ఆ సైనికాధికారులు నివేదికలో పేర్కొన్నారు. 
ఎం.జి.శశిభూషణ్‌ అనే చరిత్ర కారుడు రెండు సంకలనాలుగా ప్రచురితమైన ఈ నివేదికను కచ్చితమైన చారిత్రక పత్రంగా  పేర్కొన్నారు. 1991లో కేరళ హైకోర్టు ఇచ్చిన తీర్పుతో సదరు నిషేధానికి చట్టబద్ధత లభించినట్లు తెలిపారు. 1994లో ఈ నివేదికలను కేరళ గెజిట్‌ విభాగం తిరిగి ప్రచురించింది. కాగా సైనికాధికారులు తమ పరిశోధన నివేదికలో శబరిమల ఆలయాన్ని చౌరీముల్లా షస్ట అంటే అయ్యప్పగా పేర్కొన్నట్లు 

16:59 - November 16, 2018

తూర్పుగోదావరి : ఏపీలో సీబీఐ వరుస దాడుల నేపథ్యంలో ప్రభుత్వం తీసుకున్న నిర్ణయం హాట్ టాపిగ్గా మారటమే కాకుండా ఈ అంశంపై రాజకీయ, న్యాయ విశ్లేషకులు కూడా చర్చిస్తున్నారు. ఈ నేపథ్యంలో ఏపీ సీబీఐ విషయంలో విధించిన జీవోతో కేంద్రానికి షాక్ ఇచ్చిందని కొందరు అంటుంటే..అది ఏమాత్రం చెల్లదనీ..ఏపీ ప్రభుత్వం ఇచ్చిన జీవో ఓ చిత్తు కాగితంతో సమానమని మాజీ ఎంపీ, రాజకీయ విశ్లేషణలో దిట్ట అయిన ఉండవల్లి అరుణ్ కుమార్ తెలిపారు. ఇందుకోసం రాష్ట్ర ప్రభుత్వాల అనుమతి తీసుకోవాల్సిన అవసరం లేదనీ.. ఏపీలో ముందస్తు అనుమతి లేకుండా దాడులు నిర్వహించడం కుదరదని రాష్ట్ర ప్రభుత్వం జారీచేసిన జీవో చెల్లదని వ్యాఖ్యానించారు. చంద్రబాబు తన 15 సంవత్సరాల పాలనలో ఒక్కసారి కూడా సీబీఐ విచారణ కోరలేదని ఉండవల్లి తెలిపారు. న్యాయస్థానాలు ఆదేశించినా లేదా సంబంధిత రాష్ట్రం కోరినా సీబీఐ రంగంలోకి దిగి విచారణ చేపట్టవచ్చన్నారు. సీబీఐకి ఇచ్చిన సమ్మతి ఉత్తర్వులను తాజాగా రద్దు చేయడం వల్ల ఎలాంటి ప్రయోజనం ఉండదని స్పష్టం చేశారు.చంద్రబాబు ప్రభుత్వం జారీచేసిన జీవో చిత్తు కాగితంతో సమానమని వ్యాఖ్యానించారు. గతంలో యూపీ సీఎం కల్యాణ్ సింగ్, బిహార్ నేత పప్పూ యాదవ్ విషయంలో ఇలాంటి నిషేధాలు ఉన్నా విచారణ కొనసాగిందనీ, అధికారులు చర్యలు తీసుకున్నారని ఉండవల్లి గుర్తుచేశారు. ఐటీ దాడులతో తమను బలహీనపర్చే ప్రయత్నం చేస్తున్నారని చంద్రబాబు ఆరోపించడం సరికాదని ఆయన సూచించారు.

10:27 - November 16, 2018

అమరావతి:  సెంట్రల్ బ్యూరో ఆఫ్ ఇన్విస్టిగేషన్ (సీబీఐ) కేంద్ర ప్రభుత్వం ఆధీనంలోని దర్యాప్తు సంస్థపై ఆంధ్ర ప్రదేశ్ ప్రభుత్వం కన్నెర్ర చేసింది. తాజా ఉత్తర్వుల ప్రకారం రాష్ట్రంలో సీబీఐ ఎటువంటి సోదాలు కానీ, దర్యాప్తు కానీ చేసే అధికారాన్ని కోల్పోయినట్టే. సీబీఐకు అనుమతించిన కన్సెంట్‌ను విరమించుకుంటూ రాష్ట్ర ప్రభుత్వం సంచలన నిర్ణయం తీసుకొంది. 
కేంద్ర దర్యాప్తు సంస్థ సీబీఐ ఏదేని రాష్ట్రంలో విచారణ చేయలన్నా, కేసులు చేపట్టాలన్నా ఆ రాష్ట్ర అనుమతి తప్పనిసరి. ఈ విషయంలో దేశ  రాజధాని ఢిల్లీకి మినహాయింపు ఉంది. ఈ ఆదేశాల ఫలితంగా రాష్ట్రంలో సీబీఐ కేంద్ర ప్రభుత్వ శాఖల్లో కానీ ఇతర కేంద్ర పబ్లిక్ సెక్టార్ సంస్థలలోకాని ఎటువంటి విచారణ చేయటానికి అర్హత లేదు. ఇటీవల రాష్ట్రంలో పలుచోట్ల సీబీఐ దాడులు నిర్వహించి వ్యాపారస్థుల, రాజకీయనాయకుల వెన్నుల్లో వణుకు పుట్టించిన సంగతి తెలిసిందే. దీనికితోడు రాష్ట్ర సర్కారు కేంద్రంతో అమీతుమీకి దిగిన నేపథ్యంలో రాష్ట్ర ప్రభుత్వం తీసుకున్న ఈ నిర్ణయం కేంద్రానికి చురకలాంటిదని భావించవచ్చు.   

 

 

17:15 - November 13, 2018

హైదరాబాద్ : ఏ ఒక్క నిరసన జరగాలన్నా అక్కడే. ఏ డిమాండ్ చేయాలన్న కేరాఫ్ అడ్రస్ అదే. తమ కోరికల చిట్టా విప్పాలన్నా అక్కడే. అదే ఇందిరాపార్ వద్ద వున్న ధర్నా చౌక్. ప్రభుత్వాన్ని నిలదీయాలంటే ధర్నా చౌక్ దద్దరిల్లిపోవాల్సిందే. ఈ ధర్నా చౌక్ ని నగర చివార్లలలో పెట్టుకోవాలని ధర్నాచౌక్ ను ఎత్తివేసింది టీఆర్ఎస్ పార్టీ అధికారంలోకి వచ్చాక. దీనిపై ప్రతిపక్షాలు, ప్రజాసంఘాలు తీవ్రంగా నిరసించాయి. కానీ స్థానికులు మాత్రం సంతోషం వ్యక్తంచేశారు. ఈ క్రమంలో ధర్నా చౌక్ ను పునరుద్ధరించాలంటు హైకోర్టు ఉత్తర్వులు జారీ చేస్తు..ప్రభుత్వానికి ఝలక్ ఇచ్చింది. 
నగరంలో ఇందిరాపార్క్ వద్ద ఉన్న ధర్నా చౌక్ ఎత్తివేత నిర్ణయాన్ని రద్దు చేస్తూ మధ్యంతర ఉత్తర్వులు జారీచేసింది. ఆరు వారాల పాటు ఈ తీర్పు అమల్లో ఉంటుందని న్యాయస్థానం స్పష్టం చేసింది. ఈ ప్రాంతంలో ఆందోళనలపై పోలీసులు నిషేధాన్ని విధించారు. నగరానికి దూరంగా ఉన్నచోట ఆందోళనలు నిర్వహించుకోవాలని సూచించారు. దీంతో పలు ప్రజాసంఘాలు, పార్టీలు హైకోర్టును ఆశ్రయించాయి.

ఈ సందర్భంగా ప్రభుత్వం తరఫున అప్పటి అదనపు అడ్వొకేట్ జనరల్ రామచంద్రరావు వాదనలు వినిపిస్తూ.. ప్రజల భద్రత కోసమే ధర్నా చౌక్ ను ఎత్తివేశామని తెలిపారు. ధర్నా చౌక్ కారణంగా స్థానికులకు తీవ్ర ఇబ్బంది కలుగుతోందనీ, ట్రాఫిక్ భారీగా స్తంభిస్తోందని వాదించారు. అయితే ఈ వాదనలను పిటిషనర్లు ఖండించారు. ఇరుపక్షాల వాదనలు విన్న కోర్టు విచారణను వాయిదా వేసింది. తాజాగా నేడు మరోసారి పిటిషన్ ను విచారించిన న్యాయస్థానం ధర్నాచౌక్ ను పునరుద్ధరిస్తూ మధ్యంతర ఉత్తర్వులు జారీచేసింది. ఈ ఆదేశాలు ఆరువారాల పాటు చెల్లుబాటు అవుతాయని పేర్కొంది. ఈ విషయంలో తమ అభిప్రాయాన్ని తెలియజేయాలని తెలంగాణ ప్రభుత్వంతో పాటు పోలీసులకు నోటీసులు జారీచేసింది.

12:08 - November 12, 2018

ఉత్తర్ ప్రదేశ్ : అయోధ్యలో మద్యం..మాంసం విక్రయించవద్దనే డిమాండ్స్ వినిపిస్తున్నాయి. ఇప్పటికే యూపీలోని ఫజియాబాద్ జిల్లా పేరు ఇక నుంచి అయోధ్యగా పిలుస్తారని రాష్ట్ర ముఖ్యమంత్రి యోగి ఆధిత్యానాథ్ ప్రకటించిన సంగతి తెలిసిందే. అయోధ్య అనేది ప్రముఖ పుణ్యక్షేత్రమని...ఇక్కడ మందు..మాంసం విక్రయించకుండా చర్యలు తీసుకోవాలని అచార్య సత్యేంద్ర దాస్ జాతీయ ఛానెల్‌కు తెలిపారు. దీనిపై నిషేధం విధించడం వల్ల ప్రజల్లో ఆరోగ్యం మెరుగుపడుతుందని తెలిపారు. 
నిషేధం విధిస్తే అక్కడ వ్యాపారులపై ప్రభావం పడుతుందని పలువురు పేర్కొంటున్నారు. తాము మాంసం విక్రయిస్తూ జీవనం సాగిస్తుంటామని, నిషేధం విధిస్తే తమ కుటుంబాలు రోడ్డున పడుతాయని మాంస విక్రయేతలు పేర్కొంటున్నారు. మరి మద్యం..మాంసం విక్రయాలపై నిషేధం విధిస్తే ఎలాంటి పరిణామాలు చోటు చేసుకుంటాయో వేచి చూడాలి. 

09:31 - November 3, 2018

హైదరాబాద్ : దాదాపు దశాబ్దకాలం నాటి సత్యం కుంభకోణంలో సెబీ తాజాగా సంచలన ఆదేశాలు ఇచ్చింది. సత్యం కంప్యూటర్స్‌ వ్యవస్థాపకుడైన బి.రామలింగరాజును 14 ఏళ్లపాటు సెక్యూరిటీస్‌ మార్కెట్లో కార్యకలాపాలు నిర్వహించటానికి వీల్లేకుండా నిషేధించింది. దీంతోపాటు చట్టవ్యతిరేకంగా సంపాదించిన 813.40 కోట్ల మొత్తాన్ని, వడ్డీతో తిరిగి చెల్లించాలని ఆదేశించింది. రామలింగరాజుతో పాటు ఆయన సోదరులు రామరాజు, సూర్యనారాయణరాజు, ఎస్‌ఆర్‌ఎస్‌ఆర్‌ హోల్డింగ్స్‌ ప్రైవేట్‌ లిమిటెడ్‌లకు కూడా ఈ ఉత్తర్వులు వర్తిస్తాయి స్పష్టం చేసింది.  సెక్యూరిటీస్‌ మార్కెట్‌ నుంచి నిషేధ కాలం రామలింగరాజు, రామరాజులకు 2014 జులై 15 నుంచి మొదలైంది. అందువల్ల అప్పటి నుంచి 14 ఏళ్ల కాలాన్ని పరిగణలోకి తీసుకుంటారు.  సెక్యూరిటీస్‌ అప్పిలేట్‌ ట్రైబ్యునల్‌ ఆదేశాల మేరకు సెబీ తాజాగా ఈ ఉత్తర్వులు ఇచ్చింది.

 

14:45 - October 11, 2018

శాంట్రోనీ : జంతు ప్రేమికుల పోరాటం చివరకు ఊబకాయులకు పెద్ద కష్టాన్నే మిగిల్చింది. గత కొన్నేళ్లుగా గాడిదలను టూరిస్టులు వినియోగించడం వల్ల వాటి వెన్నుముక దెబ్బతిని అనారోగ్యం పాలైతున్నాయని జంతు ప్రేమికులు గ్రీకు దేశంలోని శాంట్రోనీ దీవిలో ఆందోళన చేపట్టారు. ఇది కాస్తా అంతర్జాతీయ మీడియా దృష్టికి రావండంతో ఆ దీవిలో ప్రస్తుతం ఆంక్షలు విధించారు. దీవికి వచ్చే పర్యాటకులు 220 పౌండ్లు అంటే 99 కిలోల బరువు కంటే ఎక్కువ ఉంటే స్థానిక గాడిదల మీద ఎక్కించరాదని అక్కడి ప్రభుత్వం హూకూం జారీచేసింది. 

“The holiday season on islands is now a lot longer than it used to be, meaning that the donkeys are pretty much working the whole year round."నిత్యం వందల సంఖ్యలో ఊబకాయ పర్యాటకులు ప్రఖ్యాత క్రూయిజ్ ఓడను ఎక్కేందుకు ఎత్తైన కొండలు ఎక్కి వెళ్లడానికి నడవడం ఇష్టం లేక గాడిదలను ఆశ్రయిస్తున్నారు.

Over 1,000 tourists a day flood Santorini during the peak vacation season between May and October.ఈ నేపథ్యంలో జంతు ప్రేమికులు ఈ ఏడాది జులైలో గాడిదలను అధిరోహించే పర్యాటకులకు వారి బరువుపై ఆంక్షలు విధించాలని ఆందోళన చేపట్టారు. అధికబరువు ఉన్న ఊబకాయులను మోయడం ద్వారా గాడిదల వెన్నుముక విరిగి గాయాలపాలవుతున్నాయని ఆందోళన చేశారు. 
హాలిడే సీజన్ కారణంగా అధిక సంఖ్యలో పర్యాటకులు దీవికి చేరుకోవడం దీనికితోడు ఏ కాలంలోనైనా పర్యాటకులను వారి గమ్యస్థానాలు చేర్చటంలో గాడిదలు ప్రముఖంగా ఉపయోగపడటంతో వీటి సంఖ్య గణనీయంగా పెరిగింది.  కాబట్టి ఇకపై గ్రీకు దీవులకు వెళ్లే పర్యాటకులు తమ బరువు ఒకసారి చెక్ చేసుకొని ప్రయాణానికి సిధ్దం కావల్సిఉంటుందన్నమాట..!

21:30 - January 11, 2017

విజయవాడ : పెద్ద నోట్ల రద్దు నిర్ణయంలో ప్రధాని మోదీ ఘోరంగా విఫలమయ్యారని సీపీఎం పొలిట్‌బ్యూరో సభ్యులు రాఘవులు అన్నారు. అసలు దొంగలను వదలి.. పేదలను ఇబ్బందులకు గురిచేస్తున్నారని ఆందోళన వ్యక్తం చేశారు. నకిలీ కరెన్సీని అరికట్టడంలో.. ఉగ్రవాదాన్ని అణిచివేయడంలో మోదీ విఫలమయ్యారని అన్నారు. నల్లడబ్బు స్విస్‌ బ్యాంకుల్లోనే కాకుండా.. బంగారం, రియల్‌ ఎస్టేట్‌ రూపంలో ఉందన్నారు.

Pages

Don't Miss

Subscribe to RSS - ban