bhimavaram

13:28 - February 10, 2018

ప.గో : దేశానికి ప్రత్యామ్నాయం అవసరమని సీపీఎం జాతీయ కార్యదర్శి సీతారాం ఏచూరి అన్నారు. వామపక్ష ప్రజాస్వామ్య శక్తుల ఆధారంగా ప్రత్యామ్నాయ విధానాలను ప్రజల్లోకి తీసుకెళ్లి, ప్రజలను ఆకర్షించాలన్నారు. పార్టీ స్వతంత్ర శక్తిని పెంచుకోవాలని, వామపక్షాల ఐక్యతను పెంపొందించాలని తెలిపారు. భీమవరంలో జరుగుతున్న సీపీఎం ఏపీ రాష్ట్ర మహాసభల్లో ప్రారంభ ఉపన్యాసం చేశారు. దేశానికి నాయకులు కాదు...విధానాలు కావాలన్నారు. వామపక్ష ప్రజాస్వామ్య శక్తులను ఏకం చేయాలన్నారు. ప్రజా ఉద్యమాల ద్వారా ప్రత్యామ్నాయ విధానాలను ప్రజల్లోకి తీసుకెళ్లాలన్నారు. పార్టీ నిర్మాణాన్ని బలపర్చుకోవడం అనివార్యమన్నారు. మనది విప్లవకర, రెవెల్యూషనరీ, మాస్ లైన్ పార్టీ అని అన్నారు. మాస్ లైన్ ద్వారా ప్రజల వద్దకు వెళ్లాలని సూచించారు. నీళ్లల్లో చేప వెళ్లినట్లు ప్రజల్లో కూడా కమ్యూనిస్టులు వెళ్లాలని తెలిపారు. ప్రజా ఉద్యమాలను బలపర్చాలన్నారు. స్వతంత్ర శక్తి, వామపక్ష ఐక్యత, ప్రత్యామ్నాయ విధానాలను రూపొందించాలన్నారు. మతతత్వ ప్రభుత్వాన్ని ఓడించాలని పిలుపునిచ్చారు. ఏపీలో వామపక్షాలు బలపడేందుకు పెద్ద ఎత్తున అవకాశాలు పెరిగాయన్నారు. బీజేపీ, కాంగ్రెస్ ఆర్థిక విధానాలు ఒకటేనని తెలిపారు. బీజేపీ కేరళను టార్గెట్ చేసి ఎల్ డీఎఫ్ ను బలహీనపర్చడం ధ్యేయంగా పెట్టుకున్నారని పేర్కొన్నారు. సీపీఎంకు సిద్ధాంతం ఉంది.. ప్రత్యామ్నాయ విధానాలలతో ముందుకు వెళ్తుంది కనుక అందుకే మన పార్టీని మెయిన్ టార్గెట్ చేస్తున్నారని తెలిపారు. భారత్ మాతాకీ జై అంటూ, దేశభక్తి గురించి చెప్పే బీజేపీ త్రిపురలో దేశ ఐక్యతకు వ్యతిరేకమైన సంస్థతో పొత్తు పెట్టుకుందన్నారు. కేరళలో హింస, హత్యలు మొదలుపెట్టింది బీజీపీయే.. కానీ సీపీఎంపై దుష్ప్రచారం చేస్తున్నారని అన్నారు. గత ఐదు సం.రాల్లో ప.బెంగాల్ లో 175 మంది సీపీఎం కార్యకర్తలను హత మార్చారని తెలిపారు. ఉత్తర కేరళలో ఆర్ ఎస్ ఎస్ ఘర్షణలకు పాల్పడుతుందన్నారు. పెద్ద ఎత్తున ముస్లింలు ఉన్నచోట్ల రాజకీయ ఘర్షణలకు దిగుతున్నారని పేర్కొన్నారు. రాజకీయ హింస లేకుండా బీజేపీ, ఆర్ ఎస్ ఎస్ లకు సామాజిక ఆధారం లేదన్నారు. బీజేపీకి ఉన్న 280 ఎంపీల్లో 112 మంది
కాంగ్రెస్, మిగత పార్టీల నుంచి వెళ్లిన వారేనని తెలిపారు. తాము ఏపీ ప్రజలకు మద్దతుగా ఉంటామని చెప్పారు. గతంలో తాము ఏపీకి ప్రత్యేహోదా 5 ఏళ్లు ఉండాలని కోరామని...కానీ ఏపీకి 10 సం.రాలు ప్రత్యేక హోదా ఇస్తామని వెంకయ్యనాయుడు చెప్పారు. నాలుగు సం.రాలు గడిచినా ఏపీకి ఏమీ ఇవ్వలేదన్నారు. కేంద్రం ఏపీ ప్రజలకు చేసిన వాగ్దానాలకు ద్రోహం చేస్తున్నారు. కేంద్ర, రాష్ట్ర ప్రభుత్వాలు ఏపీ ప్రజలను మోసం చేస్తున్నారని పేర్కొన్నారు.

 

11:09 - February 10, 2018

పశ్చిమగోదావరి : నేటి నుంచి భీమవరంలో సీపీఎం ఏపీ 25వ రాష్ట్ర మహాసభలు జరగనున్నాయి. మహాసభలకు ఏర్పాట్లన్నీ పూర్తయ్యాయి. ఈ మహాసభల్లో సీపీఎం జాతీయ కార్యదర్శి సీతారాం ఏచూరి, పొలిట్ బ్యూరో సభ్యులు ప్రకాష్ కరత్, బివి.రాఘవులు, రాష్ట్ర కార్యదర్శి మధు పాల్గొననున్నారు. ఉదయం 10 గంటలకు మహాసభలను సీతారాం ఏచూరి ప్రారంభిస్తారు. మధ్యాహ్నం భీమవరంలో 20 వేల మంది కార్యకర్తలతో భారీ ర్యాలీ నిర్వహించనున్నారు. అనంతరం లూథరస్‌ హైస్కూల్‌ గ్రౌండ్‌లో బహిరంగ సభ జరగనుంది. 

10:49 - February 10, 2018

పశ్చిమగోదావరి : నేటినుంచి భీమవరంలో సీపీఎం ఏపీ 25వ రాష్ట్ర మహాసభలు జరగనున్నాయి. మహాసభలకు ఏర్పాట్లన్నీ పూర్తయ్యాయి. ఈ మహాసభల్లో సీపీఎం జాతీయ కార్యదర్శి సీతారాం ఏచూరి, పొలిట్ బ్యూరో సభ్యులు ప్రకాష్ కరత్, బివి.రాఘవులు, రాష్ట్ర కార్యదర్శి మధు పాల్గొననున్నారు. ఉదయం 10 గంటలకు మహాసభలను సీతారాం ఏచూరి ప్రారంభిస్తారు. మధ్యాహ్నం భీమవరంలో 20 వేల మంది కార్యకర్తలతో భారీ ర్యాలీ నిర్వహించనున్నారు. అనంతరం లూథరస్‌ హైస్కూల్‌ గ్రౌండ్‌లో బహిరంగ సభ జరగనుంది. ఈ సందర్భంగా ఆ పార్టీ సీనియర్ నేత వి.శ్రీనివాస్ రావు టెన్ టివితో ప్రత్యేకంగా మాట్లాడారు. ఏపీలో ప్రత్యామ్నాయం కోసం కృషి చేస్తున్నామని తెలిపారు. ప్రజా సమస్యలపై రాబోయేకాలంలో సమరశీల చేస్తామని చెప్పారు. పోరాటాలు, ఉద్యమాలతో మాత్రమే సమస్యలు పరిష్కారం కావావని...ప్రత్యామ్నాయం రాజకీయ వేదిక ద్వారానే పరిష్కారం అవుతాయన్నారు. ఏపీలో వామపక్షాల ఆధ్వర్యంలో తలపెగ్టిన రాష్ట్ర బంద్ విజయవంతం అయిందనన్నారు. ప్రజలు అపూర్వంగా స్వాగతించారని తెలిపారు. 'ప్రత్యేకోహోదా ఆంధ్రుల హక్కు' అనే ఆత్మగౌరవ నినాదంతో ముందుకు వెళ్తామని చెప్పారు. 

 

20:34 - February 9, 2018

గడిచిన మూడు సంవత్సరాల కాలంలో రాష్ట్రంలో అనేక ఉద్యమాలు జరిగాయని, మన వ్యవసాయం తీవ్ర సంక్షోభంలో ఉందని, రైతులు అప్పుల ఊబీలో కూడుకుపోయారని, మరోవైపు పరిశ్రమాల్లో పని చేసే కార్మికులకు సరైన వేతనాలు ఇవ్వడంలేదని ఏపీ సీపీఎం కార్యదర్శి పి. మధు అన్నారు. పూర్తి వివరాలకు వీడియో క్లిక్ చేయండి.

18:52 - February 9, 2018

పశ్చిమగోదావరి : పశ్చిమ గోదావరి జిల్లా భీమవరంలో సీపీఎం రాష్ట్ర 25వ మహా సభలకు అన్ని ఏర్పాట్లు పూర్తయినట్లు సీపీఎం రాష్ట్ర కార్యదర్శి మధు తెలిపారు. రేపు ప్రారంభం కానున్న ఈ మహా సభల్లో సీపీఎం జాతీయ కార్యదర్శి సీతారాం ఏచూరి, పొలిట్ బ్యూరో సభ్యులు ప్రకాష్ కరత్, B.V.రాఘవులు సహా సీపీఎం నాయకులు పాల్గొంటున్నారన్నారు. కేంద్రం ఆంధ్రప్రదేశ్‌కు ఇచ్చిన విభజన హామీలు అమలు చేసే వరకు తమ పోరాటం ఆగదని మధు అన్నారు.

16:28 - January 15, 2018

పశ్చిమగోదావరి : కాలం చాలా వేగంగా మారిపోతోంది. దాంతో పాటు సంస్కృతీ, సంప్రదాయాలు, అభిరుచులు, అలవాట్లూ అన్నీ మారిపోతున్నాయి... ఐతే ఈ డిజిటల్‌ యుగంలోనూ పాతకాలంనాటి బుర్రకథ, హరిదాసులు, గంగిరెద్దులు వంటివి తలచుకుంటేనే... ఆ పురాతన అనుభూతితో మనసు పులకరిస్తుంది... ఈ సంక్రాంతికి భీమవరంలో ప్రత్యక్షమైన మోడరన్‌ సోదమ్మాయిని చూస్తే... మీకు కూడా అలాంటి అనుభుతేకలుగుతుంది... జరిగింది.. జరగబోయేది చెప్పే ఈ సోదమ్మాయి గురించి తెలుసుకోవాలంటే వీడియో క్లిక్ చేయండి. 

12:44 - January 14, 2018

పశ్చిమగోదావరి : తెలుగు రాష్ట్రాల్లో సంక్రాంతి సందడి నెలకొంది. ప్రధానంగా యువతులు సాంప్రదాయ దుస్తులు ధరించి ఎంజాయ్‌ చేస్తున్నారు. నిత్యం పుస్తకాలతో కుస్తీ పట్టే యువతులు... సంక్రాంతి పండుగ రోజు సాంప్రదాయంగా రెడీ అయ్యి పొలం గట్లపై సంతోషంతో గడుపుతున్నారు. భీమవరంలో తెలుగింటి అమ్మాయిల సందడిపై మరింత సమాచారం వీడియోలో చూద్దాం...

 

11:50 - January 14, 2018

పశ్చిమ గోదావరి : కోస్తాంధ్రలో కోడిపందాల సందడి మొదలైంది. పశ్చిమ గోదావరి జిల్లా భీమవరంలో కోడిపందాలు జోరందుకున్నాయి. కోడిపందాలను పారిశ్రామికవేత్త రఘురామకృష్ణంరాజు ప్రారంభించారు. కోడిపందాల కోసం నిర్వాహకులు భారీ ఎత్తున ఏర్పాటు చేశారు. అయితే... కోళ్లకు కత్తులు కట్టకుండా పందాలు నిర్వహిస్తున్నామని నిర్వాహకులు తెలిపారు. కేవలం సాంప్రదాయం కొనసాగించడం కోసమే కోడిపందాలు నిర్వహిస్తున్నామన్నారు రఘురామకృష్ణంరాజు. ఇదిలావుంటే కోడిపందాలపై పోలీసులు నిఘా ఏర్పాటు చేశారు. పందాలు నిర్వహిస్తే కఠిన చర్యలు తీసుకుంటామంటున్నారు. 

 

14:02 - January 13, 2018

పశ్చిమ గోదావరి : జిల్లాలో సంక్రాంతి సందడి మొదలైంది. కాలేజీ విద్యార్థులు ముందుగానే సంక్రాంతి పండుగను సెలబ్రేట్‌ చేసుకుంటున్నారు. అందంగా అలంకరించుకొని ఎడ్లబండిపై ప్రయాణం చేస్తూ పండుగ వాతావరణాన్ని తీసుకువస్తున్నారు. భీమవరం విష్ణు ఇంజీనీరింగ్‌ కాలేజీ విద్యార్థుల సంక్రాంతి సంబరాలపై మరింత సమాచారాన్ని వీడియోలో చూద్దాం... 

19:10 - November 1, 2017

పశ్చిమగోదావరి : జిల్లా భీమవరంలో కిడ్నాపైన బాలుడి కథ సుఖాంతమైంది. తల్లిదండ్రుల ఫిర్యాదుతో రంగంలోకి దిగిన పోలీసులు... బెదిరింపు కాల్‌ నెంబర్‌గా నలుగురు కిడ్నాపర్లను పోలీసులు అదుపులోకి తీసుకున్నారు. కిడ్నాపర్ల నుంచి కారు, రెండు బైక్‌లను స్వాధీనం చేసుకున్నారు. చెడు వ్యసనాలకు బానిసై.. డబ్బు కోసం ఇలాంటి కిడ్నాప్‌లకు పాల్పడుతున్నట్లు పోలీసులు గుర్తించారు. 

Pages

Don't Miss

Subscribe to RSS - bhimavaram