BJP

16:27 - December 12, 2018

హైదరాబాద్ : దేశాన్ని పాలించడంలో కాంగ్రెస్, బీజేపీలు విఫలమయ్యాయని ఆపద్ధర్మ సీఎం కేసీఆర్ విమర్శించారు. బీజేపీ, కాంగ్రెస్ దొందు దొందే అని ఎద్దేవా చేశారు. బీజేపీ, కాంగ్రెస్ విధానాలకు తేడా ఏమీ లేదన్నారు. తెలంగాణ  భవన్ లో ఏర్పాటు చేసిన మీడియా సమావేశంలో ఆయన మాట్లాడారు. జాతీయ పార్టీలు.. పచ్చి రాజకీయ అవకాశవాదంతోటి, చిల్లర మల్లర ఎత్తుగడలతోటి నడుస్తున్నాయని అని ఎద్దేవా చేశారు. కాంగ్రెస్ పచ్చి రాజకీయ అవకాశవాది అని తీవ్రంగా విమర్శించారు. సీపీఎస్ విధానాన్ని తీసుకొచ్చింది కాంగ్రెస్సేనని తెలిపారు. దేశంలో సమాఖ్య స్ఫూర్తి ఎక్కడ ఉందని ప్రశ్నించారు. సమాఖ్య స్ఫూర్తి అంటూ ప్రధాని ఎక్కువ చెప్పారని పేర్కొన్నారు.
నూతన ఆర్థిక, వ్యవసాయ విధానం అవసరం..
దేశానికి నూతన ఆర్థిక, వ్యవసాయ విధానం అవసరమన్నారు. మూస వ్యవసాయ విధానం జరుగదని తెలిపారు. దేశంలో అన్ని రకాల వనరులున్నా ముందుకు వెళ్లడం లేదని అసహనం వ్యక్తం చేశారు. వ్యవసాయంలో ఉన్న క్షోభ పోవడం లేదని వాపోయారు. వ్యవసాయ ఉత్పత్తుల ఎగుమతుల్లో అనేక ఆంక్షలు దేశంలో ఉన్నాయని చెప్పారు. 

 

15:31 - December 12, 2018

రాజస్థాన్‌ : అసెంబ్లీ ఎన్నికల్లో బీజేపీకి చావు దెబ్బ తగిలింది. హిస్టరీ రిపీట్ అయ్యింది. ఎన్నో అంచనాలతో బరిలోకి దిగిన కమల దళం మట్టికరించింది. కాంగ్రెస్ తిరిగి తన పూర్వ వైభవాన్ని దక్కించుకుంది.  ఈ క్రమంలో బీజేపీ పార్టీకి ఘోర పరాభవం ఎదురైనా గానీ ఆ పార్టీ ఎమ్మెల్యే మాత్రం విజయంలో రికార్డ్ సృష్టించారు. ఐదు సార్లు ఎమ్మెల్యేగా, మూడు సార్లు ఎంపీగా పనిచేసిన ఆయన  కైలాశ్‌ మేఘవాల్‌. స్పీకర్ గా పనిచేసిన మేఘవాల్ తన పార్టీ ఓడిపోయినా..తన సమీప కాంగ్రెస్‌ అభ్యర్థి మహావీర్‌ ప్రసాద్‌పై 74,542 ఓట్ల మెజార్టీతో విజయం సాధించారు. 
బీజేపీ సీనియర్‌ శాసన సభ్యుడు, స్పీకర్‌ కైలాశ్‌ మేఘవాల్‌ భారీ ఓట్ల మెజార్టీతో గెలుపొంది రికార్డు నెలకొల్పారు. అవివాహితుడు అయిన 84ఏళ్ల  కైలాశ్‌ రాజస్థాన్  తాజా ఎన్నికల్లో షాపురా నియోజక వర్గం నుంచి పోటీ చేసిన కైలాశ్‌ తన సమీప కాంగ్రెస్‌ అభ్యర్థి మహావీర్‌ ప్రసాద్‌పై 74,542 ఓట్ల మెజార్టీతో విజయం సాధించారు. 2013లో జరిగిన అసెంబ్లీ ఎన్నికల్లోనూ ఇదే స్థానం నుంచి కైలాశ్‌ పోటీ చేసి...43,666 ఓట్ల మెజార్టీతో గెలుపొందగా, ఈసారి మరో 30 వేల ఓట్ల వరకు సాధించడం గమనార్హం. ఉదయ్‌పూర్‌లో 1934 మార్చి 22న జన్మించిన కైలాశ్‌ మేఘవాల్‌ చిన్న వయసులోనే రాజకీయాల్లోకి వచ్చారు. గతంలో కేంద్ర మంత్రిగా కూడా పనిచేశారు. కేంద్ర, రాష్ట్ర ప్రభుత్వాల్లో పలు కీలక పదవులు నిర్వహించారు కైలాశ్ మేఘవాల్. 
 

12:05 - December 12, 2018

ఢిల్లీ : స్వంత పార్టీ మీద సంచలన వ్యాఖ్యలు చేసారు బీజేపీ ఎంపీ సంజయ్ కాకడే. ఐదు రాష్ట్రాలకు జరిగిన ఎన్నికలల్లో బీజేపీ ఘోరంగా దెబ్బతింది. డిసెంబర్ 11న వెలువడి ఎన్నికల ఫలితాలపై బీజేపీ ఎంపీ సంజయ్ మాట్లాడుతు..చత్తీస్‌గఢ్, రాజస్థాన్‌లలో బీజేపీ ఓటమిని తాను ముందే ఊహించానన్నారు. అయితే మరీ ఇంత ఘోరమైన ఫలితాలు వస్తాయని మాత్రం అస్సలు ఊహించలేదన్నారు. కానీ మధ్యప్రదేశ్‌లలోనూ కాంగ్రెస్ పైచేయి సాధించడం తనను ఆశ్చర్యానికి గురిచేసిందన్నారు. 
మాట మరచిన మోదీ అందుకే ఓటమి: సంజయ్ 
దేశాన్ని అభివృద్ధి బాటలో నడిపిస్తానన్న 2014 ఎన్నికల్లో  మోదీ హామీ ఇచ్చి అధికారంలోకి వచ్చాక  ఆ మాట మరచిపోయారనీ.. సొంత పార్టీ పైనే విమర్శలు చేస్తున్నారు. రామ మందిర నిర్మాణం, విగ్రహాల నిర్మాణం, నగరాల పేర్ల మార్పుపైనే పార్టీ దృష్టి సారించిందని, ఈ ఎన్నికల్లో అదే కొంప ముంచిందని సంచలన వ్యాఖ్యలు చేశారు. కాగా ఐదు రాష్ట్రాల ఎన్నికల అనంతరం కాంగ్రెస్ ఫుల్ జోష్ మీదున్నది. మూడు రాష్ట్రాల్లో కాంగ్రెస్ విజయకేతనం ఎగురవేసింది. దీనితో ఆ పార్టీ నేతలు ఖుషీఖుషీగా ఉన్నారు. ఛత్తీస్ గఢ్, రాజస్థాన్‌లలో విస్పష్ట మెజార్టీ ఇవ్వగా మధ్యప్రదేశ్‌లో మాత్రం నరాలు తెగ ఉత్కంఠ కనపడిన క్రమంలో ఎట్టకేలకు విజయం సాధించిన విషయం తెలిసిందే. దీంతో బీజేపీ మాత్రం కుదేలైపోయింది. దీనిపై ఐదింట మూడు రాష్ట్రాలలో కాంగ్రెస్ వశం కావటంతో బీజేపీ ఎంపీ సంజయ్ కేడే ఈ వ్యాఖ్యలు చేయటం ఇప్పుడు బీజేపీ నేతల్లో గుబులు పుట్టిస్తోంది. 

 

 

12:01 - December 12, 2018

హైదరాబాద్: ఎన్నికల ఫలితాలు రాకుండానే మా మద్దతు లేకుండా తెలంగాణాలో  ప్రభుత్వం ఏర్పడదని ఓవర్ కాన్ఫిడెన్స్ తో స్టేట్ మెంట్లిచ్చిన కమల దళానికి తెలంగాణా ఓటర్లు  షాకిచ్చారు. గతంలో ఎప్పుడూ లేని విధంగా ఈ ఎన్నికల్లో బీజేపీ ఒంటరిగా118 స్ధానాల్లో పోటీ చేసి ఒక్క స్ధానంలో గెలిచి ఘోర పరాజయాన్నిమూటగట్టుకుంది. స్వామి పరిపూర్ణానందను రంగంలోకి దింపి ప్రచారం చేసినా కూడా  బీజేపీ కి ఎక్కడా కలిసొచ్చినట్లు కనపడలేదు. వచ్చే లోక్సభ ఎన్నికలను దృష్టిలో పెట్టుకుని ఇప్పటి నుంచే రాష్ట్రంలో పార్టీని బలోపేతం చేయాలనుకున్న నాయకులకు తీవ్ర నిరాశ ఎదురయ్యింది. 
ప్రధాన మంత్రి మొదలు పలువురు కేంద్రమంత్రులు, బీజేపీ రాష్ట్రాల ముఖ్యమంత్రులు ప్రచారం చేసినా  బీజేపీ కేవలం ఒక్కసీటుతో సరిపెట్టుకోవాల్సి వచ్చింది. 118 స్ధానాల్లో ఆపార్టీ  నుంచి పోటీ చేసిన హేమా హేమీలంతా ఓడిపోగా  60 స్థానాల్లో బీజేపీకి డిపాజిట్లు కూడా  దక్కలేదు. హైదరాబాద్ గోషామహల్  అసెంబ్లీ నియోజక వర్గం నుంచి పోటీ చేసిన రాజాసింగ్ ఒక్కరే గెలిచి రేపు ఏర్పడబోయే కొత్త అసెంబ్లీ లో బీజేపీ  తరుఫున ఒకే ఒక్కడుగా నిలిచారు. రాజాసింగ్ తన సమీప టీఆర్ఎస్ అభ్యర్ధి ప్రేమ్ సింగ్ రాధోడ్ పై 17 వేల 758 ఓట్ల మెజార్టీతో గెలిచి రాష్ఠ్రంలో బీజేపీ  పరువు నిలబెట్టారు.  
గతంలో గెలిచిన బీజేపీ తెలంగాణ చీఫ్ లక్ష్మణ్ (ముషీరాబాద్), కిషన్ రెడ్డి (అంబర్ పేట్), ఎన్‌వీఎస్ఎస్ ప్రభాకర్(ఉప్పల్), చింతల రామచంద్రారెడ్డి (ఖైరతాబాద్) కాడా తమ స్ధానాలు కోల్పోయారు. 2014 ఎన్నికల్లో దాదాపు 15 నియోజకవర్గాల్లో  రెండవ స్దానంలో ఉన్న బీజేపీ ఈసారి అంతకంటే దారుణమైన స్ధితిలోకి పడిపోయింది. పార్టీ నుంచి అత్యధికంగా 15 మంది మహిళలకు సీట్లిచ్చినా ఒక్కరూ గెలుపొందలేదు. 

13:50 - December 11, 2018

భూపాల్ : మధ్యప్రదేశ్ అసెంబ్లీ ఎన్నికల ఫలితాలు హోరా హోరిగా సాగుతున్నాయి. కాంగ్రెస్, బీజేపీ నువ్వానేనా రీతిలో కొనసాగుతున్నాయి. కాంగ్రెస్ 111 స్థానాల్లో, బీజేపీ 108 స్థానాల్లో, బీఎస్ పీ 5 స్థానాల్లో ఆధిక్యంలో ఉన్నాయి. ఇతరులు 12 స్థానాల్లో ఆధిక్యంలో కొనసాగుతున్నారు. సర్వత్రా ఉత్కంఠ నెలకొంది. మొత్తం 230 అసెంబ్లీ స్థానాలకు కౌంటింగ్ జరుగోంది. 

 

 

20:15 - December 10, 2018

హైదరాబాద్: తెలంగాణ అసెంబ్లీ ఎన్నికల ఓట్ల లెక్కింపునకు మరి కొద్ది గంటలే మిగిలున్నాయి. ఈ సమయంలో అటు అధికారపార్టీ, ఇటు కూటమి దేనికది ధీమాగా ఉన్నాయి. అదే సమయంలో హంగ్ వస్తుందనే ఊహాగానాలూ ఎక్కువయ్యాయి. పార్టీల కదలికలు కూడా ఈ వాదనకు బలం కలిగించేలా ఉన్నాయి. కాంగ్రెస్ పార్టీ కూటమి హంగ్‌పై ఎక్కువగా ఆశలు పెట్టుకుంది. అందుకే అటు హస్తినలో చర్చలు ఇటు గవర్నర్‌తో భేటీలతో హంగ్ హంగామా మొదలు పెట్టింది. మరోవైపు హంగ్ వస్తే టీఆర్ఎస్‌తో కలిసేందుకు బీజేపీ, ఎంఐఎం విడివిడిగా సై అంటున్నాయి.
హంగ్‌పైనే కూటమి ఆశలు:
ప్రజా తీర్పు ఎలా ఉండబోతోంది అనేది ఇప్పటికి ప్రధాన పార్టీలకు అంతుబట్టకుండానే ఉంది. అయితే అంచనాలు తారుమారై హంగ్ వస్తే అందుకోసం సిద్ధంగా ఉండాలని కాంగ్రెస్ నేతలు కసరత్తు ప్రారంభించారు. కూటమి పార్టీలన్ని కలిసినా మ్యాజిక్ ఫిగర్‌ను చేరుకోలేకపోతే అత్యధిక స్ధానాలు సాధించిన కూటమిగా తమనే ముందుగా పరిగణనలోకి తీసుకోవాలని కాంగ్రెస్ కోరుతోంది. ఈ మేరకు కూటమినేతలంతా కలిసి గవర్నర్‌ను కలిశారు. ఈ అంశంపై ఇప్పటికే టీపీసీసీ చీఫ్ ఉత్తమ్ కుమార్ రెడ్డి కాంగ్రెస్ అధ్యక్షుడు రాహుల్ గాంధీతో ఢిల్లీలో మంతనాలు జరిపి వచ్చారు. ఇక టీఆర్ఎస్ విజయంపై ధీమాగా ఉన్నప్పటికి అటు ఎంఐఎం టీఆర్ఎస్ వెంటే నిలబడతామని చెబుతోంది. హంగ్ పరిస్థితి వస్తే అండగా ఉంటామని అసదుద్దీన్ స్వయంగా కేసీఆర్‌ను కలిసి భరోసా ఇచ్చినట్టు తెలుస్తోంది.
టీఆర్ఎస్‌తో కలిసేందుకు సిద్ధమే, కానీ:
అసెంబ్లీ ఎన్నికల ఫలితాలపై ఓవైపు సర్వత్రా ఉత్కంఠ నెలకొని ఉండగా.. బీజేపీ మాత్రం హంగ్‌ వస్తుందన్న అంచనాకు వచ్చింది. ఒకవేళ అదే జరిగితే బీజేపీ ఏ నిర్ణయం తీసుకుంటుందన్న అంశంపై ఆ పార్టీ నేతలు భిన్నాభిప్రాయాలు వ్యక్తం చేస్తున్నారు. రాష్ట్రంలో హంగ్‌ అసెంబ్లీ ఏర్పడితే.. కొత్త ప్రభుత్వంలో తామే కీలకమవుతామని బీజేపీ రాష్ట్ర అధ్యక్షుడు కె.లక్ష్మణ్‌ అన్నారు. కాంగ్రెస్‌, మజ్లిస్‌ల భాగస్వామ్యం లేని పార్టీ ప్రభుత్వాన్ని ఏర్పాటు చేస్తే.. ఆ ప్రభుత్వంలో కలిసే విషయంపై ఆలోచిస్తామన్నారు. మజ్లి‌స్‌ను వీడితే టీఆర్‌ఎస్‌తో కలిసి ప్రభుత్వాన్ని ఏర్పాటు చేసేందుకు సిద్ధమని, అయితే దీనిపై జాతీయ నాయకత్వం నిర్ణయం మేరకు నడుచుకుంటామని తెలిపారు.

17:33 - December 10, 2018

ఢిల్లీ: కేంద్ర ప్రభుత్వం, రిజర్వ్ బ్యాంక్ ఆఫ్ ఇండియా మధ్య యుద్ధం ముదిరింది. ఆర్బీఐ గవర్నర్‌ ఉర్జిత్ పటేల్ సంచలన నిర్ణయం తీసుకున్నారు. గవర్నర్ పదవికి ఆయన రాజీనామా చేసి షాక్ ఇచ్చారు. వ్యక్తిగత కారణాలతో తాను పదవికి రాజీనామా చేశానని పటేల్ చెప్పారు. ఆర్బీఐ గవర్నర్‌గా పని చేయడం గర్వంగా ఉందన్నారాయన. కొన్ని రోజులుగా కేంద్ర ప్రభుత్వంతో ఢీ అంటే ఢీ అంటున్న ఉర్జిత్ పటేల్ సడెన్‌గా రాజీనామా చేశారు. కొంతకాలంగా కేంద్రం, ఆర్బీఐ మధ్య వివాదం నడుస్తోంది. పలు అంశాల్లో కేంద్రం నిర్ణయాలతో ఉర్జిత్ పటేల్ తీవ్రంగా విభేదిస్తూ వస్తున్నారు. పెద్ద నోట్ల రద్దు, విజయ్ మాల్యా అంశం, బ్యాంకుల దివాళాకు సంబంధించి ఇరు వర్గాల మధ్య వివాదం నడుస్తోంది. రిజర్వ్ బ్యాంకు వద్ద ఉన్న నగదు నిల్వల్లో కొంత భాగం(దాదాపు 2లక్షల కోట్ల రూపాయలు) తమకు ఇవ్వాలని కేంద్ర ప్రభుత్వం ఒత్తిడి తీసుకొచ్చింది. అయితే ఈ ప్రతిపాదనను పటేల్‌తో పాటు కొందరు సీనియర్ ఆర్థికవేత్తలు వ్యతిరేకిస్తున్నారు. ఫండ్స్ ఇచ్చేది లేదని ఉర్జిత్ పటేల్ తేల్చి చెప్పారు. దీనిపై అనేకమార్లు ట్విట్టర్‌లో వివాదాస్పదమైన వ్యాఖ్యలు చేశారు. ఉర్జిత్ పటేల్ వ్యాఖ్యలను ప్రతిపక్షాలు సమర్థించాయి. కేంద్ర ప్రభుత్వం తీరుని ఆక్షేపించాయి.
నోట్ల రద్దు, జీఎస్టీలో కీలక పాత్ర:
కొన్ని నెలలుగా కేంద్రం-ఆర్బీఐ మధ్య కోల్డ్‌వార్ నడుస్తోంది. కేంద్ర ప్రభుత్వంతో ఉర్జిత్ పటేల్‌కు విభేదాలు ఉన్నాయి. నోట్ల రద్దు, జీఎస్టీ అమలులో ఉర్జిత పటేల్ కీలక పాత్ర పోషించారు. 2016 సెప్టెంబర్‌లో ఆర్బీఐ గవర్నర్‌గా ఉర్జిత్ పటేల్ బాధ్యతలు స్వీకరించారు. 2019 సెప్టెంబర్‌లో ఆయన పదవీకాలం ముగియనుంది. సార్వత్రిక ఎన్నికలకు సమయం సమీపిస్తున్న వేళ.. ఉర్జిత్ పటేల్ రాజీనామా చేయడం రాజకీయవర్గాల్లో చర్చనీయాంశంగా మారింది. ఇది బీజేపీకి ఇబ్బంది కలిగించే పరిణామం అని విశ్లేషకులు అంటున్నారు.

11:48 - December 10, 2018

హైదరాబాద్: తెలంగాణ అసెంబ్లీ ఎన్నికలకు ముందే ప్రజా కూటమిగా ఏర్పడి ఎన్నికల్లో  పోటీచేసిన కాంగ్రెస్ టీడీపీ తెలంగాణా జనసమితి సీపీఐ పార్టీల నేతలు ఈ రోజు మధ్యాహ్నం 3:15 గంటలకు గవర్నర్ ఈఎస్ఎల్ నరసింహన్ ను కలవనున్నారు. మంగళవారం  ఎన్నికల ఫలితాలు వచ్చాక ప్రభుత్వం ఏర్పాటులో గవర్నర్ పాత్ర కీలకం కానుంది. ఎన్నికలకు ముందే ఒక కూటమిగా ఏర్పడినందను తమనే పెద్ద పార్టీగా పరిగణించాలని, ఫలితాల తర్వాత రాజ్యాంగ బధ్దంగా అవసరమైన అన్నిచర్యలు తీసుకోవాలని వారు గవర్నర్కు వినతిపత్రం ఇవ్వనున్నారు.  
ఎన్నికల ఫలితాలు వెల్లడయ్యాక అవసరం ఐతే టీఆర్ఎస్ కు మద్దతిస్తామని బీజేపీ నాయకులు ప్రకటన చేయటం తో, అప్పుడు ఉత్పన్నమయ్యే పరిస్ధితులను గవర్నర్ కు కూటమినేతలు వివరించనున్నారు. ఎన్నికల సందర్భంగా కాంగ్రెస్ నాయకులు, కార్యకర్తలపై జరిగిన దాడులపై కూడా వారు గవర్నర్ కు ఫిర్యాదు చేయనున్నారు. 
మంగళవారం తేలనున్న అసెంబ్లీ ఎన్నికల ఫలితాల అనంతరం  జరగబోయే పరిణామాలపై ఏఐసీసీ అధ్యక్షుడు రాహుల్ గాంధీతో  చర్చించేందుకు టీపీసీసీ అధ్యక్షుడు ఉత్తమ్ కుమార్ రెడ్డి  సోమవారం ఉదయం ఢిల్లీ వెళ్ళారు. ప్రజాకూటమిలోని పార్టీలన్నీ కలిపి మెజార్టీ స్ధానాలు గెలుచుకుంటే ఎలా వ్యవహరించాలి ? కాంగ్రెస్ పార్టీ ఒక్కటే ఎక్కువ స్ధానాలు గెలుచుకుంటే ఎలా వ్యవహరించాలి ? అనే అంశాలను ఉత్తమ్ కుమార్ రెడ్డి రాహుల్ తో చర్చించనున్నారు. రాహుల్ తో భేటీ అనంతరం హైదరాబాద్ తిరిగి వచ్చి ప్రజాకూటమి భాగస్వామ్య పార్టీల నాయకులతో ఆయన గవర్నర్ ను కలవనున్నారు

09:54 - December 10, 2018

హైదరబాద్ : ఓటరు వేలిపై సిరా చుక్క అంకం పూర్తయి మూడవ రోజు వచ్చేసింది. ఇక గెలుపులు ఎవరివి?పూర్తిస్థాయి గెలుపు సీట్లు రాకుంటే ఎవరితో జతకట్టాలి? అనే లాబీయింగ్ లు ఎప్పుడో మొదలైపోయాయి. మనిద్దరం ఒక జట్టు అంటు అప్పటి వరకూ విమర్శించుకున్న పార్టీ అసలు రంగులు బైటపడుతున్నాయి. ఎన్నికల్లో మాకు మేమే అన్నట్లుగా వున్న పార్టీలు పోలింగ్ పూర్తయి కౌంటింగ్ సమమం దగ్గర పడుతున్నకొద్దీ విమర్శలు కురిపించుకున్నవారు దోస్తులైపోతున్నారు. కొన్ని పార్టీలు తెరవెనుక రాజకీయాలు నడుపుతుంటే మరికొన్ని బహిరంగంగా ప్రకటించేసుకుంటున్నాయి. దీంతో తెలంగాణలో పోలింగ్ ముగిశాక రాజకీయ నాయకులకు అసలు టెన్షన్ మొదలైంది. ప్రచారం బాగానే చేశాం కానీ, ఇంతకు ఓటర్లు ఎవరి మాటలు నమ్మారు? ఒకవేళ ప్రత్యర్థి పార్టీ అభ్యర్థికి ఎక్కవ ఓట్లు వచ్చాయా? అనే ప్రశ్నలు పైకి వ్యక్తం చేయకుండా మేకపోతు గాంభీర్యం ప్రకటించినా అందరిలోను అదే గుబులు.
దీంతో కాంగ్రెసేతర, టీడీపీ ఏతర పార్టీలకు తమ మద్ధతు వుంటుందంటు కాషాయదళం ప్రకటించేసింది. కేసీఆర్ ది కుటుంబ పాలన, సచివాలయానికి రాడు..కేసీఆర్ ది దరిద్రమైన పాలన, మిగులు బడ్డెట్ గా వున్న రాష్ట్రాన్ని అప్పుల రాష్ట్రంగా తయారు చేసాడు అంటు పలు విమర్శనాస్త్రాలు కురిపించిన బీజేపీ గులాబీ పార్టీకి మద్ధతునిచ్చేస్తున్నాం అంటు ప్రకటించేసింది. అప్పటి వరకూ రహస్య దోస్తీగా వుండే గులాబీ, కాషాయి దళాలు ఒక్కటి కానున్నాయి. అది అలా వుంటే బీజేపీకి..ఎంఐఎంకు ఉప్పు, నిప్పుగా వుండే పార్టీలతో టీఆర్ఎస్ కలిసి ప్రభుత్వాన్ని ఏర్పాటు చేయాల్సిన పరిస్థితులు ఏర్పడనున్న తరుణంలో ఈ ఉప్పు, నిప్పుగా వుండే పార్టీలతో టీఆర్ఎస్ రానున్న కాలంలో ఎలా మేనేజ్ చేయగలుగుతుందనే ప్రశ్నలు తలెత్తుతున్నాయి. 
ఎన్నికల ప్రచారంలో భాగంగా ముస్లిం ఓటు బ్యాంక్ ను కొల్లగొట్టేందుకు టీఆర్ఎస్ ముస్లింలకు 12 శాతం రిజర్వేషన్స్ అడిగితే బీజేపీ ఒప్పుకోవటంలేదనే అస్త్రాన్ని కూడా ఎన్నికల ప్రచారంలో ఉపయోగించింది. మరోవైపు బీజేపీ కూడా ముస్లింలకు 12శాతం రిజర్వేషన్స ఇచ్చే ప్రసక్తి లేదని తేల్చి చెప్పిన విషయం గమనించాలి. మరి ఎంఐఎం, బీజేపీ, టీఆర్ఎస్ పార్టీలు కలిసి ప్రభుత్వాన్ని ఏర్పాటు  చేసే పరిస్థితులు రానున్నట్లుగా సంకేతాలు వినిపిస్తున్న తరుణంలో  విభిన్న అభిప్రాయాలు, ఎజెండాలు వుండే ఈ పార్టీలు ఎలా ఒకే ఒరలో ఇమడతాయి? అనే ప్రశ్నత తలెత్తుతోంది. ఇదే కనుక జరిగితే..రాజకీయాల్లో శాశ్వత మిత్తులు..శాత్వత శతృవులు వుండనే రాజకీయా సామెతలు మరోసారి నిమజయమైనట్లే..
మరోపక్క రానున్న పార్లమెంట్ ఎన్నికల్లో టీఆర్ఎస్ మద్దతు బీజేపీకి చాలా అవసరం. దీంతో బీజేపీ తెలంగాణలో వచ్చిన ఈ అవకాశాన్ని వదులుకునేందుకు సిద్ధంగా లేదు. నిన్నటి వరకూ టీఆర్ఎస్, బీజేపీలు తీవ్రంగా తిట్టుకుని, ఘాటుగా విమర్శించుకుని...ఓటరు చేతివేలిపై వున్న సిరా చుక్క పూర్తిగా ఆరకముందే..ఓటరుని మరోసారి మోసం చేసి..టీఆర్ఎస్, బీజేపీ పార్టీలు ‘హమ్ తుమ్ భాయీ భాయీ‘ అనుకునేందుకు సిద్ధపడిపోతున్నాయి. ఇటువంటి పరిస్థితి రాకుండా ఓటు పూర్తిస్థాయి జడ్జ్ మెంట్ ఎంత బాగుంటుందో కదా? ఎందుకంటే  అధికారం కోసం ఓటరు నమ్మకాన్ని..ఓటును కూడా అవమానపరిచేలా పార్టీలు వ్యవహరిస్తున్న ఈ రాజకీయ పార్టీల జెండా రంగులతో పాటు చంచలంగా మారే వారి బుద్ధిని ఓటరు మహాశయుడు గ్రహించిన ఛీ వీరికా మనం ఓటు వేసింది? అను మనస్తాపం చెందే పరిస్థితి రాకుండా వుంటుంది. టీఆర్ఎస్, బీజేపీ పొత్తు కుదిరితే..మహాకూటమిది అపవిత్ర కలయిక..అధికారం కోసం పొత్తు ముసుగు వేసుకున్నారు అనే విమర్శలు వీరికి కూడా వర్తించకమానవు కదా?
 

 

09:13 - December 10, 2018

ఢిల్లీ: మంగళవారం నుంచి పార్లమెంట్ శీతాకాల సమావేశాలు ప్రారంభమవుతున్న నేపధ్యంలో తెలుగుదేశం పార్లమెంటరీ పార్టీ సమావేశం పార్టీఅధ్యక్షుడు చంద్రబాబునాయుడు అధ్యక్షతన సోమవారం ఢిల్లీలో జరుగుతుంది. ఈఉదయం 11 గంటలకు ఢిల్లీ చేరుకునే చంద్రబాబునాయుడు  ఉదయం ఏపీ భవన్లో  వివిధ రాజకీయపార్టీల నేతలతో సమావేశం అవుతారు. మధ్యాహ్నం 3-30 గంటలకు 14 మిత్రపక్ష రాజకీయపార్టీల సమావేశానికి హజరవుతారు.  సాయంత్రం ఏపీ భవన్లో జరిగే టీడీపీ పార్లమెంటరీ పార్టీ సమావేశానికి హజరై పార్లమెంట్లో పార్టీ అనుసరించాల్సిన వ్యూహం పై ఎంపీలకు దిశానిర్దేశం చేస్తారు. ఆంద్రప్రదేశ్ పట్ల కేంద్రం చూపిస్తున్న పక్షపాత ధోరణి, విభజన హామీల అమలు, టీడీపీ నేతలపై కేంద్ర సంస్దలతో దాడులు, పోలవరం ప్రాజెక్టు నిధుల కేటాయింపు, కేంద్రం నుంచి రాష్ట్రానికి రావల్సిన  సంక్షేమ పధకాల నిధులు వంటి పలు అంశాలపై టీడీపీ  ఎంపీలు పార్లమెంట్ సమావేశాల్లో ప్రభుత్వాన్ని నిలదీయనున్నారు. 

Pages

Don't Miss

Subscribe to RSS - BJP