Bodiga shoba BJP

16:28 - October 11, 2018

కరీంనగర్ : చొప్పదండి టికెట్ తనకే వస్తుందని ఆశిస్తున్న శోభ ఆశలు నెరవేరడం లేదా ? ఆమెకు టికెట్ దక్కదా ? ప్రస్తుతం కరీంనగర్ జిల్లాలోని చొప్పదండిలో రాజకీయ పరిణామాలు రోజు రోజుకు వేడెక్కుతున్నాయి. తనకు టిక్కెట్ ఇవ్వకుండా పెండింగ్‌‌లో ఉంచడంతో బొడిగే శోభ తీవ్ర ఆగ్రహంగా ఉన్నారు. గత కొన్ని రోజులుగా అపదర్మ ముఖ్యమంత్రి కేసీఆర్‌ను కలువడానికి బొడిగె శోభ ప్రయత్నించిన సంగతి తెలిసిందే. మూడు రోజుల క్రితం సిరిసిల్లలో కేటీఆర్‌ను కలువడానికి ప్రయత్నించినా అంతగా సమయం ఇవ్వలేదని ప్రచారం జరిగింది. 
ఈ నేపథ్యంలో గురువారం సిరిసిల్లలో మంత్రి కేటీఆర్‌ ఎన్నికల ప్రచారం నిర్వహించారు. కేటీఆర్ రాకకోసం శోభ గంటపాటు ఎదురు చూశారు. వేములవాడకు చేరుకున్న కేటీఆర్..చెన్నమనేని రమేష్ నివాసంలో భోజనం చేశారు. ఈ భోజనానికి వారితో పాటు శోభ కూడా హాజరయ్యారు. ఈ సందర్భంగా ముగ్గురి మధ్య చొప్పదండి టికెట్ పెండింగ్ అంశం చర్చకు వచ్చినట్లు సమాచారం. కానీ మంత్రి కేటీఆర్ ఎలాంటి స్పష్టమైన హామీనివ్వకపోడంతో భోజనం మధ్యలో నుండే శోభ వెళ్లిపోయినట్లు తెలుస్తోంది. తనకు టిక్కెట్‌ ఇచ్చే అవకాశాలు ఎంత మాత్రం లేకపోవడంతో ఆమె తుదినిర్ణయానికి తీసుకొనే అవకాశం ఉందని, బీజేపీలో చేరుతారని పుకార్లు షికారు చేస్తున్నాయి.

Don't Miss

Subscribe to RSS - Bodiga shoba BJP