brinda karat

11:26 - June 20, 2017

విశాఖ : కేరళ సిఎం పినరయి విజయన్ విశాఖ కు చేరుకున్నారు. నేటి నుండి విశాఖ స్టీల్ ప్లాంట్ లో జరగనున్న అదివాసీ అదికార్ రాష్ట్రీయ మంచ్ 3వ జాతీయ మహాసభల్లో ఆయన పాల్గోంటారు..విశాఖ ఎయిర్ పోర్టు నుండి సిపిఎం కార్యకర్తలు భారీ ర్యాలీగా స్టీల్ ప్లాంట్ కు తరలివెళ్లారు..గిరిజనులు ఎదుర్కోంటున్న ప్రదాన సమస్యలపై ఈ మహసభల్లో చర్చిస్తారు..15 రాష్ట్రల నుండి 640 మంది ప్రముఖులు ఈ మహా సభలకు హాజరు కానున్నారు. మరిన్ని వివరాలు మా ప్రతినిధి విజయ్‌ అందిస్తారు.

21:26 - June 19, 2017

కర్నూలు : మోదీ ప్రభుత్వం గిరిజనుల హక్కులను కాలరాసేలా వ్యవహరిస్తోందని ఆదివాసీ అధికార్‌ రాష్ట్రీయ మంచ్‌ ఉపాధ్యక్షురాలు బృందా కరత్‌ అన్నారు. అడవిపై గిరిజనులకు హక్కులేకుండా చేయాలని చూస్తే సహించేది లేదన్నారు. విశాఖ జిల్లా అరకులో జరిగిన ఆదివాసీ అధికార్‌ రాష్ట్రీయ మంచ్‌ సభలో పాల్గొన్న బృందాకారత్‌.. గిరిజనుల సమస్యలు- చట్టాలపై ప్రసంగించారు. మరోవైపు రేపటి నుంచి విశాఖలో ఆదివాసీ అధికార్‌ రాష్ట్రీయ మంచ్‌ జాతీయ మహాసభలు జరగనున్నాయి. ఈ కార్యక్రమానికి ముఖ్య అతిథిగా కేరళ సీఎం పినరయి విజయన్‌ హాజరుకానున్నారు. ఆదివాసీ అధికార్‌ రాష్ట్రీయ మంచ్‌ జాతీయ మహాసభల నేపథ్యంలో అరకులో భారీ బహిరంగ సభ నిర్వహించారు. ఇందులో ఆదీవాసీ అధికార్‌ రాష్ట్రీయ మంచ్‌ జాతీయ ఉపాధ్యక్షులు బృందాకరత్‌ పాల్గొన్నారు. దేశ వ్యాప్తంగా గిరిజనులు ఎదుర్కొంటున్న సమస్యలు, చట్టాలను ఆమె ప్రస్తావించారు. దేశంలో మోదీ ప్రభుత్వం, రాష్ట్రంలో చంద్రబాబు సర్కార్‌ గిరిజనుల హక్కులను కాలరాసేలా వ్యవహరిస్తున్నారని బృందా కారత్‌ ఆరోపించారు. అడవిపై గిరిజనులకు హక్కులేకుండా చేయాలని చూస్తే సహించేది లేదని ఆమె హెచ్చరించారు. మంగళవారం నుంచి మూడు రోజుల పాటు విశాఖపట్నంలో ఆదివాసీ అధికార్‌ రాష్ట్రీయ మంచ్‌ జాతీయ మహాసభలు జరగనున్నాయి.

17 రాష్ట్రాల ప్రతినిధులు..
మహాసభలను కేరళ ముఖ్యమంత్రి పినరయి విజయన్‌ ప్రారంభించనున్నారు. దేశంలోని 17 రాష్ట్రాలకు చెందిన 500 మంది ప్రతినిధులు ఈ మహాసభల్లో పాల్గొననున్నారు. ఆదివాసీ అధికార్‌ రాష్ట్రీయ మంచ్‌ దేశంలోని 16 రాష్ట్రాల్లో గిరిజనుల సమస్యలపై పోరాటాలు నిర్వహిస్తోంది. ప్రధానంగా గిరిజనుల కోసం ప్రవేశపెట్టిన అటవీ హక్కుల చట్టం, ఆహార భద్రత చట్టం, విద్యా హక్కు చట్టాలు అమలయ్యేలా మహాసభలలో చర్చించనున్నారు. గిరిజన ప్రాంతాల్లో నేటికి తాగడానికి మంచినీళ్లు, విద్యుత్తు, రోడ్ల లాంటి మౌలిక సదుపాయాలు కూడా లేవని, వాటి సాధన కోసం పోరాటాలు నిర్వహించేలా ప్రణాళిక రూపొందిస్తున్నారు.

 

14:35 - June 19, 2017

విశాఖపట్టణం : ఆదివాసీ అధికార రాష్ట్రీయ మంచ్ మూడో జాతీయ మహాసభల సందర్భంగా విశాఖ జిల్లా అరకులో గిరిజన గర్జన మహాసభ జరగనుంది. ఇందుకు సంబంధించిన ఏర్పాట్లు పూర్తయ్యాయి. ఈ సందర్భంగా సోమవారం అరకులో భారీ ర్యాలీ నిర్వహించారు. ఏపీ గిరిజన సంఘం ఆధ్వర్యంలో జరుగుతున్న ఈ కార్యక్రమానికి ఆదివాసీ అధికార్ రాష్ట్రీయ మంచ్ ఉపాధ్యక్షురాలు బృందాకారత్ హాజరు కానున్నారు.

07:39 - May 20, 2017

హైదరాబాద్ : ఎన్నికల సంస్కరణలపై మోదీ సర్కార్‌ తలకిందుల చర్యలకు పాల్పడుతోందని సీపీఎం పొలిట్‌ బ్యూరో సభ్యురాలు బృందాకారత్‌ అన్నారు. ఎన్నికల విరాళాలపై రూపొందించిన సంస్కరణలు రాజకీయ అవినీతిని మరింత ప్రోత్సహించేలా ఉన్నాయని మండిపడ్డారు. ప్రస్తుతం కార్పొరేట్‌ శక్తుల గుప్పిట్లో ఎన్నికలు బంధీ అయిపోయాయని విమర్శించారు. కమ్యూనిస్టు పార్టీలకు రాజకీయంగా ఇది ఓ పెద్దసవాల్‌ వంటిదన్నారు. తెలంగాణ సాయుధ పోరాట యోధుడు, కమ్యూనిస్టు ఉద్యమనేత సుందరయ్య వర్ధంతి సందర్భంగా ప్రజాస్వామ్యం - ఎన్నికల సంస్కరణలు అన్న అంశంపై నిర్వహించిన సభలో ఆమె స్మారకోపన్యానం చేశారు. దేశంలో నేడు ఈవీఎంల విశ్వసనీయత ప్రశ్నార్థకంగా మారిందన్నారు. అందువల్ల ఈవీఎమ్‌ల పనితీరుపై ప్రజల్లో విశ్వసనీయ పెంచేందుకు చర్యలు చేపట్టాలని కేంద్రప్రభుత్వాన్ని డిమాండ్‌ చేశారు. ప్రతి ఓటరు ఓటు వేసిన తర్వాత వారు ఏగుర్తుకు ఓటేశారో తెలిపేలా స్లిప్లులు ఇవ్వాలని డిమాండ్‌ చేశారు. ఈ కార్యక్రమంలో సీపీఎం పొలిట్‌బ్యూరో సభ్యుడు బీవీ రాఘవులు, సీపీఎం తెలంగాణ రాష్ట్ర కార్యదర్శి తమ్మినేనితోపాటు పలువురు కార్యకర్తలు పాల్గొన్నారు.

21:26 - May 19, 2017

హైదరాబాద్: మోదీ, కేసీఆర్‌ ప్రభుత్వాలపై సీపీఎం పొలిట్ బ్యూరో సభ్యురాలు బృందాకరత్‌ ఫైర్‌ అయ్యారు. కేంద్రం రైతువ్యతిరేక విధానాలు అవవలంబిస్తోందన్నారు. రైతుల సమస్యలపై కేంద్రం నిర్లక్ష్యపూరింతంగా వ్యవహరించడం వల్లే .. దేశవ్యాప్తంగా అన్నదాతలు ఆత్మహత్యలకు పాల్పడుతున్నారని ఆవేదన వ్యక్తం చేశారు. మరోవైపు తెలంగాణలో మిర్చిరైతులు, ఉపాధిహామీ కూలీల సమస్యలపై బృందాకరత్‌ గళమెత్తారు. ఉపాధి హామీకూలీల పట్ల కేంద్ర, రాష్ట్రప్రభుత్వాలు నిర్దయగా ప్రవర్తిస్తున్నాయని ఆమె మండిపడ్డారు. జనవరి నుంచి ఏప్రిల్‌ వరకు తెలంగాణలో 36శాతం మంది ఉపాధి హామీ కూలీలకు డబ్బులివ్వలేదని బృందాకరత్‌ అన్నారు. ఓవైపు తమ రాష్ట్రంలో 98శాతం ఆధార్‌కార్డులు ఇచ్చేశామని కేసీఆర్‌ ప్రభుత్వం చెప్పుకుంటోంది. కాని.. కేవలం ఆధార్‌కార్డు లేదన్న సాకుతో నిరుపేదల కడుపులు కొడుతున్నారని ఆమె ఆవేదన వ్యక్తం చేశారు.

19:50 - May 19, 2017

హైదరాబాద్: మోదీ హయాంలో మైనార్టీల పై దాడులు జరుగుతున్నాయని సీపీఎం పొలిట్ బ్యూరో సభ్యులు బృందా కరత్ అన్నారు. బాగ్ లింగం పల్లిలో ని సుందరయ్య విజ్ఞాన్ కేంద్రంలో సుందరయ్య వర్ధంతి సభ జరిగింది.ఈ సభలో 'ప్రజా సమస్యలు ఎన్నికల సంస్కరణలు'సుందరయ్య స్మారక ఉపన్యాసం లో బృందాకారత్ మాట్లాడారు. ఈ సభలో సీపీఎం నేత రాఘవులు, ఎస్ వి కె ట్రస్ట్ చైర్మన్ ఎస్ వినయ్ కుమార్, సీపీఎం తెలంగాణ రాష్ట్ర ప్రధాన కార్యదర్శి తమ్మినేని వీరభద్రం పాల్గొన్నారు. ఈ సందర్భంగా బృందా కరత్ మాట్లాడుతూ..ఉత్తేజకరమైన వ్యక్తి ఎవరన్నా వున్నారంటే సుందరయ్యే అని పేర్కొన్నారు. సుందరయ్య అధ్యయనం చేయడం అనేది ఒక ముఖ్యమైన విషయం. అంతే కాకుండా అనేక సమస్యలపై పోరాడారు. సుందరయ్య జీవితం నుంచి ఎన్నో విషయాలు నేర్చుకున్నాని పేర్కొన్నారు. సుందరయ్య లేని తెలంగాణ ఉద్యమాన్ని వూహించుకోలేమన్నారు. సుందరయ్యకు ఘన నివాళులు అర్పించేందుకు అవకాశం కల్పించిన ఎస్ వీకే కి ధన్యావాదాలు తెలిపారు. భారతదేశంలో హింస పెరిగిపోతోంది. మైనార్టీలపై దాడులు జరుగుతున్నాయి. మోదీ ప్రధాని అయ్యాక ఆర్థిక అసమానతలు 10 శాతం పెరిగిపోయింది. జాతీయ సంపద సంపన్న వర్గాల చేతిలోకి వెళుతోంది అన్నారు. పూర్తి వివరాల కోసం ఈ వీడియోను క్లిక్ చేయండి...

15:36 - March 8, 2017

హైదరాబాద్: టీఆర్‌ఎస్ ప్రభుత్వంలో మహిళలపై తీవ్ర వివక్ష కొనసాగుతోందని తెలుగుమహిళా అధ్యక్షురాలు బండ్రు శోభారాణి విమర్శించారు. మహిళా దినోత్సవం సందర్భంగా హైదరాబాద్‌లోని అమరవీరుల స్థూపం వద్ద తెలుగుమహిళా నాయకులు నివాళులర్పించారు. అనంతరం తెలంగాణ అసెంబ్లీలోకి దూసుకెళ్లేందుకు యత్నించిన వారిని పోలీసులు అరెస్టు చేశారు.

12:45 - March 8, 2017

హైదరాబాద్‌‌ :  మహిళా హక్కుల సాధనకై ఐద్వా, యూటీఎఫ్‌, సీఐటీయూ ఆధ్వర్యంలో ఆర్టీసీ క్రాస్‌రోడ్డు నుంచి సుందరయ్య విజ్ఞాన కేంద్రం వరకు ర్యాలీ నిర్వహించారు. ఈ ర్యాలీలో సీపీఎం పొలిట్‌ బ్యూరో సభ్యులు బృందాకరత్‌, మల్లు స్వరాజ్యం పాల్గొన్నారు.

 

21:26 - February 21, 2017

హైదరాబాద్: ఏపీ, తెలంగాణాల్లోని 10 శాసనమండలి స్థానాల ఎన్నికలకు కేంద్ర ఎన్నికల సంఘం షెడ్యూల్ విడుదల చేసింది. రెండు రాష్ట్రల్లోని ఎమ్మెల్యే , స్థానికసంస్థల ఎమ్మెల్సీ లకు మార్చి 29తో పదవీకాలం ముగుస్తోంది. ఏపీలో 7, తెలంగాణాలో 3 స్ధానాలకు షెడ్యూలు విడుదల చేసిన కేంద్ర ఎన్నికల సంఘం.. ఫిబ్రవరి 28 న నోటిఫికేషన్‌ విడుదల చేయనుంది. నామినేషన్ల దాఖలుకు చివరి తేదీ మార్చి 7, మార్చి 8 న నామినేషన్ల పరిశీలన, పదిన నామినేషన్ల ఉపసంహరణ ఉంటుందని ఈసీ తెలిపింది. మార్చి 17న ఉదయం 9 నుంచి సాయంత్రం 4గంటలవరకు పోలీంగ్‌ జరగనుంది. అదే రోజు సాయంత్రం 5గంటలకు ఓట్ల లెక్కింపు ఉంటుందని.. మార్చి 20తో ఎమ్మెల్సీ ఎన్నికల ప్రక్రియ ముగుస్తుందని కేంద్ర ఎన్నికల సంఘం తెలిపింది.

 

19:30 - February 21, 2017

Pages

Don't Miss

Subscribe to RSS - brinda karat