Caste Discrimination

07:01 - October 13, 2017

 

హైదరాబాద్ : సుందరయ్య విజ్ఞాన కేంద్రంలో టీ మాస్‌ ఫోరమ్‌ రాష్ట్ర జనరల్‌ బాడీ సమావేశం జరిగింది. ఈ సందర్భంగా ప్రజా సమస్యలపై... ఉద్యమ కార్యాచరణపై నేతలు చర్చించారు. టీ మాస్‌ ఫోరమ్‌ ఆవిర్భవించిన మూడు నెలల కాలంలో ప్రజల నుంచి ఊహించిన దానికంటే ఎక్కువ స్పందన వచ్చిందన్నారు. దీనిని మరింత బలోపేతం చేసే దిశగా అడుగులు వేస్తామన్నారు.

కలెక్టరేట్ల ఎదుట నిరాహార దీక్షలు
ప్రభుత్వ హామీల అమలు కోసం రాష్ట్ర వ్యాప్త ఉద్యమాలు చేపట్టాలని సీపీఎం రాష్ట్ర కార్యదర్శ తమ్మినేని వీరభద్రం అన్నారు. జనవరిలో జిల్లాల కలెక్టరేట్ల ఎదుట నిరాహార దీక్షలు, ముట్టడి చేపట్టాలని పిలుపునిచ్చారు. అలాగే అక్టోబర్‌ 17న జిల్లా.. మండల కేంద్రాల్లో ప్రజా సమస్యలపై ప్రజా ప్రతినిధులు, అధికారులకు వినతులు ఇవ్వాలన్నారు. దేశంలో దళితులపై దాడులు ఎక్కువగా జరుగుతున్నాయని ఆంధ్రప్రదేశ్ మాజీ ప్రధాన కార్యదర్శి కాకి మాధవరావు అన్నారు. కుల వివక్షతను పెంచిపోషించడంలో.. పెట్టుబడిదారుల పాత్ర చాలా ఉందన్నారు. దానికి వ్యతిరేకంగా పోరాడాల్సిన అవసరం ఎంతైనా ఉందన్నారు.

రాష్ట్రవ్యాప్తంగా ఉద్యమం
ప్రభుత్వాన్ని కదిలించేలా జనవరిలో పెద్దఎత్తున రాష్ట్రవ్యాప్త ఉద్యమం చేపట్టాలని టీ మాస్‌ ఫోరమ్‌ నిర్ణయించింది. అలాగే కంచె ఐలయ్యపై దాడిని ఖండిస్తూ.. తీర్మానం చేసింది. సమావేశంలో గద్దర్‌, కంచె ఐలయ్య, పీఎల్‌ విశ్వేశ్వరరావు, జేబీ రాజు, అన్ని సంఘాల నేతలు పాల్గొన్నారు.  

20:15 - September 23, 2017

నిజామాబాద్ : నిజామాబాద్‌ జిల్లా ఆర్మూరు, బాల్కొండ, మోర్తాడ్‌, భీంగల్‌ మండలాల్లో పెత్తందార్ల అరాచకాలకు అడ్డే లేకుండా పోతోంది. తాము చెప్పిందే వేదంగా అనుసరించాలని దళితులకు హుకుం జారీ చేస్తున్నారు. ఇలా వారి ఆదేశాలు ధిక్కరించినందుకు భీంగల్‌ మండలం 110 దళిత కుటుంబాలకు సాంఘిక బహిష్కరణ విధించడంతో దళితులు నానా ఇబ్బందులు పడ్డారు. దీనిపై సీపీఎం, స్వచ్ఛంద సంస్థలు మండిపడ్డాయి. ఈ మేరకు గ్రామంలో సీపీఎం నాయకులు గ్రామంలో పర్యటించారు.

గత ఏడాది కూలీ డబ్బులు పెంచాలని
బెజ్జొర గ్రామంలో దళితులు మొదటి నుంచి డప్పులు కొట్టి కూలీ తీసుకుంటున్నారు. ఈ క్రమంలో గత ఏడాది కూలీ డబ్బులు పెంచాలని దళితులు గ్రామాభివృద్ధి కమిటీలో విన్నవించారు. ఎన్నిసార్లు చెప్పినా పెద్దలు పట్టించుకోక పోవడంతో.. కూలీ డబ్బులు పెంచాల్సిందేనని మరో సమావేశంలో పట్టుబట్టారు. దీనిపై కోపగించుకున్న పెత్తందారులు గ్రామంలో దళితులు డప్పు కొట్టరాదని తీర్మానించారు. ఈ నేపథ్యంలో ఇటీవల గ్రామ మాజీ సర్పంచ్‌ పోసాని మృతి చెందారు. ఆమె దహన సంస్కారాల సందర్భంగా డప్పులు కొట్టారు. దీనిపై అభ్యంతరం వ్యక్తం చేసిన గ్రామాభివృద్ధి కమిటీ పెద్దలు డప్పుకొట్టినందుకు 5వేల రూపాయల జరిమానా చెల్లించాలని హుకుం జారీ చేశారు. అంతేకాదు కృష్ణాష్టమి పండుగ సందర్భంలోనూ దళితులపై పెత్తందారులు వివక్ష ప్రదర్శించారు. దళితులు ఉట్లు కొట్టవద్దంటూ అడ్డుకున్నారు. మరో సందర్భంలో వినాయకుని విగ్రహం ఏర్పాటు చేసుకున్నందుకు కూడా పెత్తందారులు పలు ఆంక్షలు పెట్టారు. రాజరాజేశ్వర ఆలయంలోకి దళితులకు ప్రవేశంలేదంటూ నిషేదం విధించారు. ఈ నేపథ్యంలో దేవీ శరన్నవరాత్రుల సందర్భంగా దుర్గామాత విగ్రహాన్ని ఏర్పాటు చేసుకుంటామని విలేజ్‌ డెవలప్‌మెంట్‌ కమిటీని దళితులు కోరారు. ఈ విన్నపాన్ని కూడా పెత్తందార్లు ఒప్పుకోలేదు. పైగా గత 15 రోజుల నుంచి గ్రామంలో ఎవరూ తమతో మాట్లాడకుండా ఆంక్షలు విధించారని దళితులు ఆవేదన వ్యక్తం చేస్తున్నారు.

అన్యాయం ఏంటని ప్రశ్నించారు
ఇంత అన్యాయం ఏంటని ప్రశ్నించారు దళితులు. దీంతో మరింత ఊగిపోయారు పెత్తందారులు. తమమాటే ధిక్కరిస్తారా అంటూ 25వేల జరిమానా చెల్లించాలని హుకుం జారీ చేశారు. అంతేకాదు ఇక నుంచి గ్రామంలో చావులకు, పెళ్లిళ్లకు డప్పులు కొడితే 50వేల రూపాయల ఫైన్‌ కట్టాలని ఆదేశాలు జారీ చేశారు. దీనికి ఒప్పుకోని దళితుకుటుంబాలన్నీ కదిలాయి. ఆర్మూరు ఆర్డీవో ఆఫీసు ముందు నిరసనకు దిగాయి. ఘటనపై ఆర్డీవోకు ఫిర్యాదు చేశారు. బాధితులు ఇచ్చిన ఫిర్యాదు మేరకు పోలీసులు గ్రామానికి వెళ్లి.. విచారణ నిర్వహించారు. గ్రామీణాభివృద్ధి కమిటీ, గ్రామ పెద్దలు, దళితులతో అధికారులు చర్చించారు. గ్రామం నుంచి దళితులను బహిష్కరించి... వారి పట్ల ఎటువంటి వివక్షతను చూపినా.. కఠిన చర్యలు తప్పవని అధికారులు హెచ్చరించారు. దీంతో అగ్రకుల పెద్దలు దారికొచ్చారు. ఇకపై సామరస్యంగా మెలగుతామని వీడీసీ సభ్యులు హామీ ఇచ్చారు. 

15:10 - September 23, 2017

నిజామాబాద్ : జిల్లాలోని బీంగల్ మండలం బెజ్జొరలో అగ్రకులవారు 110 దళిత కుటుంబాలపై సాంఘిక బహిష్కరించారు. దీని పై టెన్ టివి ప్రసారం చేసిన కథనాలకు ఎట్టకేలకు అధికారులు స్పందించారు. బెజ్జొర గ్రామాన్ని పోలీసు, రెవిన్యూ అధికారులు సందర్శించి గ్రామీణాభివృద్ది కమిటీ, గ్రామ పెద్దల, దళితులతో వారు చర్చలు జరిపారు. దళితులను బహిష్కరిస్తే కఠిన చర్యలు తప్పవని అధికారులు గ్రామ పెద్దలను హెచ్చరించారు. అధికారుల హెచ్చరికలతో అగ్రకుల పెద్దలు దారికొచ్చి సామరస్యంగా మెలగుతామని హామీ ఇచ్చారు. మరింత సమాచారం కోసంవ వీడియో చూడండి.

12:55 - September 23, 2017

నిజామాబాద్ : కుల దురంహకారం మరోసారి పడగ విప్పింది. తెలంగాణ రాష్ట్రంలో దళితులు సాంఘీక బహిష్కరణకు గురవుతున్నారు. ఇటీవలే పలు ఘటనలు చోటుచేసుకున్న సంగతి తెలిసిందే. తాజాగా నిజామాబాద్ జిల్లా భీంగల్ మండలం బెజ్జొరలో అగ్రకులాలు 110 దళిత కుటుంబాలను సాంఘీక బహిష్కరణ చేశారు. డప్పులు కొట్టవద్దంటూ, ఆలయ ప్రవేశం లేదంటూ.. కుల పెద్దలు, పెత్తందారులు హుకుం జారీ చేశారు. నవతరాత్రి ఉత్సవాలను జరుపవద్దంటూ ఆంక్షలు విధించారు. గతంలో కృష్ణాష్టమి, వినాయక చవితి పండుగుల సందర్భంగా కూడా దళితులపై అగ్రకులాలు ఆంక్షలు విధించారు. దీంతో ఆర్మూర్ ఆర్డీవో కార్యాలయం ఎదుట బాధితులు ధర్నా నిర్వహించారు. ఆర్డీవోకు వినతి పత్రం సమర్పించారు. తమను వెలివేసినవారిపై చర్యలు తీసుకోవాలని విజ్ఞప్తి చేశారు. తమకు న్యాయం చేయాలని కోరారు. పూర్తి వివరాలను వీడియోలో చూద్దాం....

 

09:49 - September 23, 2017

నిజామాబాద్ : కుల దురంహకారం మరోసారి పడగలు విప్పింది. తెలంగాణ రాష్ట్రంలో దళితులను సాంఘీకంగా బహిష్కరించేస్తున్నారు. ఇటీవలే పలు ఘటనలు చోటు చేసుకున్న సంగతి తెలిసిందే. తాజాగా నిజామాబాద్ జిల్లా భీంగల్ మండలం బెజ్జొరలో 110 దళిత కుటుంబాలను దళితులను అగ్రకులాలు సాంఘీకంగా బహిష్కరణ చేసిన ఘటన కలకలం రేపుతోంది. డప్పులు కొట్టవద్దంటూ..ఆలయ ప్రవేశం లేదంటూ కుల పెద్దలు..పెత్తందారులు హుకుం జారీ చేశారు. నవతరాత్రి ఉత్సవాలను జరుపవద్దంటూ ఆంక్షలు విధించారు. గతంలో కృష్ణాష్టమి, వినాయక చవితి పండుగుల సందర్భంగా కూడా వీరు ఆంక్షలు విధించారు. దీనితో ఆర్మూర్ ఆర్డీవో కార్యాలయం ఎదుట బాధితులు ధర్నా నిర్వహించారు. పూర్తి వివరాలకు వీడియో క్లిక్ చేయండి. 

12:32 - September 8, 2017

పశ్చిమగోదావరి : తమ కులం ఏంటో నిర్ధారించి కుల ధృవీకరణ పత్రాలు ఇవ్వాలని వేడుకుంటున్నారు నాయకపోడు కులస్తులు. పశ్చిమగోదావరి జిల్లా గిరిజన ప్రాంతాల్లో నివసిస్తున్న నాయకపోడు కులస్తులకు ప్రభుత్వం కుల సర్టిఫికెట్లు ఇవ్వకపోవడంతో ఎందరో విద్యార్థులు చదువుకు దూరం అవుతున్నారు. కొందరు జిల్లా కలెక్టర్‌ చొరవతో స్కూళ్లల్లో చేరినా కాలేజీ చదువులకు మాత్రం దూరం అవుతున్నారు. తాము ఏ కులమో చెప్పాలంటున్న నాయకపోడు కులస్తుల సమస్యలపై మరింత సమాచారాన్ని వీడియోలో చూద్దాం...

 

19:30 - September 5, 2017

నిజామాబాద్ : జిల్లాలో మరో అకృత్యం వెలుగు చూసింది. ఆర్మూర్ మండలం ఇసాపల్లిలో దళితుల గణేష్ ఉత్సవాలపై అగ్రకులాల వారు దాడి చేశారు. దళితుల వినాయక ప్రతిమ ఊరేగింపు అడ్డుకుని దళిత మహిళల పట్ల అసభ్యంగా ప్రవర్తించారు. అడ్డుకున్న ముగ్గురు దళిత యువకులను తరుముతూ దాడి చేశారు. మరింత సమాచారం కోసం వీడియో చూడండి.

13:12 - August 29, 2017

నెల్లూరు : డెబ్భై వసంతాల స్వాతంత్య్రం సందర్భంగా దేశం సంబరాలు జరిగాయి. కానీ గరగపర్రులాంటి ఘటనలు ఇంకా జరుగుతూనే ఉన్నాయి. అంబేద్కర్‌ విగ్రహం పెట్టుకుంటామంటే ఏకంగా దళిత జాతినే వెలివేశారు. పశ్చిమ గోదావరి జిల్లా ఉండి శాసనసభ నియోజకవర్గంలోని భీమవరం పట్టణానికి అతి సమీపాన ఉన్న గరగపర్రు దేశ వ్యాప్తంగా చర్చకు దారి తీసింది. తాజాగా మరో ఘటన చోటు చేసుకుంది.

ఏఎస్ పేట మండలం కుప్పురుపాడులో అగ్రవర్ణాల దురంహాకారం బయటపడింది. దళితులను అగ్రవర్ణాలు గ్రామ బహిష్కరించారు. వినాయక నిమజ్జన ఊరేగింపు సందర్భంగా ఇరువర్గాల మధ్య వివాదం తలెత్తింది. తమ నివాసాల ముందట నుండి వినాయక విగ్రహాలను తీసుకెళ్లవద్దని అగ్రవర్ణాలు హుకుం జారీ చేశారు. స్థానికులు జోక్యం చేసుకుని వివాదాన్ని సద్దుమణిపించేందుకు ప్రయత్నించారు. సమీపంలో ఉన్న కాల్వలో వినాయకుడి విగ్రహాన్ని నిమజ్జనం చేసి దళితులు వెనుదిరిగారు. మార్గమధ్యంలో అగ్రవర్ణాలు మళ్లీ అడ్డుకుని ఊరి నుండి వెళ్లిపోవాలని హుకుం జారీ చేశారు.

అగ్రవర్ణాలు కక్ష పెట్టుకుని సహాయ నిరాకణ చేయడంతో పాటు గ్రామ బహిష్కరణ చేశారు. కర్రలు పట్టుకుని బెదిరించడంతో దళితులు తీవ్ర భయాందోళనలకు గురయ్యారు. దళితులకు నీళ్లు..నిత్యావసర వస్తువులు ఇవ్వకుండా నిరాకరించారు. దీనితో దళితులు తీవ్ర ఇబ్బందులకు గురవుతున్నారు. 

21:59 - August 18, 2017
21:09 - August 18, 2017

కుట్ర ప్రకారంగా ప్రొమోషన్ అడ్డుకున్నారని వక్తలు తెలిపారు. ఇదే అంశంపై నిర్వహించిన చర్చా కార్యక్రమంలో బాధిత ఉద్యోగి డా.కిరణ్ కుమార్, దళిత సంఘం నేత రాజాసుందర్ బాబు పాల్గొని, మాట్లాడారు. తన పట్ల కొంతమంది కక్షపూరితంగా వ్యవహరిస్తున్నారని డా.కిరణ్‌కుమార్‌ అన్నారు. రోస్టర్ పాయింట్ విధానం సక్రమంగా అమలు కాలేదని చెప్పారు. 'ఏపీ వైద్య విద్యాశాఖ ప్రమోషన్లలో అక్రమాలు బయటపడ్డాయి. దళిత అధికారికి ప్రమోషన్‌ రాకుండా కొంతమంది అగ్రవర్ణ ఉద్యోగులు అడ్డుకున్నారని ఆరోపిస్తున్నారు ఎస్సీ, ఎస్టీ ఉద్యోగులు పొందాల్సిన రిజర్వేషన్లను వారికి ఇవ్వకుండా అగ్రకుల ఉద్యోగులకు కట్టబెట్టారని పలువురంటున్నారు'. మరిన్ని వివరాలను వీడియోలో చూద్దాం...

 

Pages

Don't Miss

Subscribe to RSS - Caste Discrimination