chennai

10:39 - November 21, 2018

తమిళనాడు : జనసేనాని పవన్ కళ్యాణ్ విశ్వనాయకుడు కమల్ హాసన్ తో భేటీ కానున్నారు. దేశ రాజకీయ పరిణామాలపై చర్చించేందుకే పవన్ కమల్ తో భేటీకానున్నట్లుగా సమాచారం. ఈ నేపథ్యంలో నవంబర్ 21 బుధవారం ఉదయం  చెన్నై చేరుకున్న జనసేన అధ్యక్షుడు పవన్ కల్యాణ్ నేరుగా విలక్షణ నటుడు, మక్కల్ నీది మయ్యమ్ పార్టీ అధినేత కమలహాసన్ ఇంటికి బయలుదేరాకగ. మరికాసేపట్లో ఆయన కమల్ తో ప్రత్యేకంగా భేటీ కానున్నారు. దేశ రాజకీయ పరిణామాలపై వీరిద్దరూ చర్చిస్తారని తెలుస్తోంది. 

ఇప్పటికే ఏపీ రాజకీయాల్లో క్రియాశీలకంగా ఉన్న ఆయన, తనకు అభిమానులున్న తమిళనాడు, కర్ణాటక రాష్ట్రాల్లోనూ ప్రభావం చూపే క్రమంలో పొరుగు రాష్ట్రాల్లో పర్యటించాలని నిర్ణయించుకున్నారు. కాగా, ఈ మధ్యాహ్నం పవన్ కల్యాణ్, హోటల్‌ కన్నెమెరాలో మీడియాతో ప్రత్యేకంగా మాట్లాడతారు. ఈ సమావేశంలో పవన్‌ కీలక ప్రకటన చేస్తారని ఆ పార్టీ వర్గాలు అంటున్నాయి. కాగా పవన్ కొన్ని రోజుల క్రితం యూపీ మాజీ సీఎం, బీఎస్పీ అధినేత మాయావతితో భేటీ అయ్యేందుకు యూపీ వెళ్లిన విషయం తెలిసిందే.కాగా అనివార్య కారణాలతో వీరి భేటీ సాధ్యం కాలేదు. మరి కమల్ తో పవన్ భేటీపై సర్వత్రా ఆసక్తి నెలకొంది. 

12:19 - November 14, 2018

చెన్నై:  కొంతమంది ప్రయాణికులు రైలు బయలుదేరే సమయానికి స్టేషన్ కు చేరుకుని, ఉరుకులు,పరుగులెత్తుతూ కదులుతున్న రైలు ఎక్కుతారు. ఇది ప్రధాన రైల్వే స్టేషన్లలో  సాధారణంగా చూస్తూనే ఉంటాం. రైల్వే వారు ఎన్ని హెచ్చరికలు చేస్తున్నా ఇలాంటి దృశ్యాలు సాధారణం అయిపోయాయి. పరిగెత్తుకుంటూ వారు క్షేమంగా రైలు ఎక్కితే పర్వాలేదు కానీ పొరపాటున కాలు  జారి పడితే ప్రాణాలు కోల్పోయిన ఘటనలు చాలా ఉన్నాయి. అలా  కదలుతున్నరైలు ఎక్కి కింద పడబోయిన ఓ ప్రయాణికుడిని రైల్వే ప్రోటెక్షన్ ఫోర్సు సిబ్బంది ఒకరు రక్షించి ప్రాణం కాపాడారు. వివరాల్లోకి వెళితే చెన్నైలోని  ఎగ్మూర్  రైల్వేస్టేషన్ లో  కదులుతున్న రైలు ఎక్కబోయి ఒక ప్రయాణికుడు బోగిలోకి వెళ్లలేక కిందపడేందుకు సిధ్ధంగా ఉన్నాడు.  అదే ప్లాట్ ఫారం పై ఉండి విధులు నిర్వర్తిస్తున్న ఆర్పీఎఫ్ సిబ్బంది అతని పరిస్ధితిని గమనించిన క్షేమంగా బయటకు లాగారు. దీనితో ఆప్రయాణికుడు ఎటువంటి గాయాలు కాకుండా క్షేమంగా బయటపడ్డాడు. 

11:08 - November 12, 2018

అమరావతి: తిత్లీ తుపాను నష్టం నుంచి  ఉత్తారంధ్ర తేరుకోక ముందే మరో తుపాను ఆంధ్రప్రదేశ్ ను వణికించేందుకు సిధ్దమవుతోంది . దీనికి "గజ తుపాను"గా అధికారులు నామకరణం చేశారు. ఆగ్నేయ బంగాళాఖాతంలో ఏర్పడిన తీవ్రవాయుగుండం తుపానుగా మారి ఈనెల 15న చెన్నై-నెల్లూరు మధ్య తీరం దాటే అవకాశం ఉందని  వాతావరణ విభాగం అధికారులు అంచనా  వేస్తున్నారు. గజ తుపాను ప్రస్తుతం పశ్చిమ వాయువ్య దిశగా గంటకు 11 నాట్ల వేగంతో కదులుతోందని అధికారులు చెప్పారు.
గజ తుపాను నెల్లూరు జిల్లా శ్రీహరికోటకు 900 కిలోమీటర్ల దూరంలో కేంద్రీకృతమై ఉంది 
దీని ప్రభావంతో రాగల 24 గంటల్లో  4 గంటల్లో దక్షిణ కోస్తా, ఉత్తర తమిళనాడు తీరాల్లో ఓ మోస్తరు నుంచి భారీ వర్షాలు కురుస్తాయి
తీర  ప్రాంతాల్లో  గంటకు 45-55 కి.మీ. ల వేగంతో గాలులు వీస్తాయి
గజ తుపాను కారణంగా ప్రకాశం, నెల్లూరు జిల్లాల యంత్రాంగం అప్రమత్తంగా ఉండాలి 
మత్స్యకారులు సముద్రంలోకి చేపలవేటకు వెళ్లవద్దు 
నెల్లూరు జిల్లాలో తుపాను పరిస్ధితిని ఎదుర్కోటానికి మండలానికో ప్రత్యేక అధికారిని నియమించారు. 
కృష్ణపట్నం పోర్టులో 2వ నెంబరు ప్రమాద హెచ్చరిక జారీ చేశారు 

21:41 - November 11, 2018

చెన్నై: భారత్‌తో చివరి టీ20లో వెస్టిండీస్‌ అదరగొట్టింది. చెపాక్‌ స్టేడియంలో విండీస్ బ్యాట్స్‌మెన్ వూరన్, బ్రావోలు చెలరేగారు. దీంతో భారత్‌ ముందు ఛాలెంజింగ్ టార్గెట్ నిర్దేశించగలిగారు. 20 ఓవర్లలో 3 వికెట్ల నష్టానికి విండీస్ 181 పరుగులు చేసింది. విండీస్ జట్టులో నలుగురు బ్యాట్స్‌మెన్‌ రాణించారు. గత మ్యాచ్‌లకు భిన్నంగా షై హోప్‌ (24; 22 బంతుల్లో 3×4, 1×6), షిమ్రన్‌ హెట్‌మైయిర్‌ (26; 21 బంతుల్లో 4×4, 1×6) ఓపెనర్లుగా దిగారు. విండీస్‌కు శుభారంభం అందించారు. హెట్‌మైయిర్‌, షై హోప్‌ తొలి వికెట్‌కు 51 పరుగుల భాగస్వామ్యం అందించారు. నిలకడగా ఆడుతూ అందివచ్చిన బంతుల్ని బౌండరీకి తరలిస్తూ వీరిద్దరూ ప్రమాదకరంగా మారారు. అయితే పది పరుగుల వ్యవధిలో వీరిని భారత స్పిన్నర్ చాహల్‌ ఔట్ చేశాడు. ఆ తర్వాత వచ్చిన డారెన్‌ బ్రావో (43; 37 బంతుల్లో 2×4, 2×6), నికోలస్‌‌ పూరన్‌ (53; 25 బంతుల్లో 4×4, 4×6) రెచ్చిపోయారు. 43 బంతుల్లోనే 87 పరుగుల కీలకమైన పార్టనర్‌షిప్ నెలకొల్పారు. ఖలీల్‌ వేసిన చివరి ఓవర్‌లో ఏకంగా 23 పరుగులు సాధించారు. కాగా ఇప్పటికే ఈ సిరీస్‌ను భారత జట్టు కైవసం చేసుకున్న సంగతి తెలిసిందే.

20:07 - November 11, 2018

చెన్నై : ప్రముఖ నిర్మాత ఆదిత్యరామ్‌కు మాతృ వియోగం కలిగింది. ఆదిత్యరామ్‌ తల్లి లక్ష్మి చెన్నైలో ఇవాళా ఉదయం కన్నుమూశారు. ఆమె మృతిపై పలువురు ప్రముఖులు సంతాపం తెలిపారు. ఈరోజు సాయంత్రం ఆమె అంత్యక్రియలు నిర్వహించనున్నారు. కాగా, తెలుగులో సందడేసందడి, ఖుషి ఖుషీగా, స్వాగతం, ఏక్ నిరంజన్ తదితర చిత్రాలను ఆదిత్యారామ్ నిర్మించారు. చెన్నైలోని ఆదిత్య రామ్ స్టూడియోస్‌కు, ఆదిత్య గ్రూప్ ఆఫ్ కంపెనీలకు ఆయన అధినేతగా వ్యవహరిస్తున్నారు.

 

11:16 - October 27, 2018

చెన్నై: అర్ధరాత్రి, హైవే,కంటైనర్లో వేల కోట్ల రూపాయల కొత్త 2వేలరూపాయల నోట్లు, సాంకేతిక కారణాలతో రోడ్డుపై లారి ఆగిపోయింది. వెంటవున్న భద్రతా సిబ్బందిలో ఆందోళన, ఎలర్టైన సిబ్బంది ఉన్నతాధికారులకు సమాచారం అందించారు. క్షణాల్లో అక్కడకు చేరుకున్న అదనపు బలగాలు తుపాకులతో కాపలా కాశాయి. ఈలోపు మెకానిక్ వచ్చాడు మరమ్మత్తు చేశాడు, లారీ అక్కడినుంచి కదిలింది. దీంతో భద్రతా సిబ్బంది హమ్మయ్యా అని ఊపిరి పీల్చుకున్నారు. ఇదంతా ఎప్పుడు జరిగిందా అనుకుంటున్నారా.... అసలు విషయంలోకి వెళితే......గురువారం మధ్యాహ్నం  మైసూరులోని ప్రింటింగ్ ప్రెస్ నుంచి 2 వేల రూపాయల కొత్తనోట్ల కట్టలతో 3 కంటైనర్లు చెన్నైలోని రిజర్వుబ్యాంకుకు బయలు దేరాయి.2  కంటైనర్లు  చెన్నై చేరుకున్నాయి కానీ ఒక కంటైనర్ మార్గమధ్యంలో అర్ధరాత్రి వేళ  చెన్నై సమీపంలోని అమింజికరై వద్ద పూందమల్లి రోడ్డులో ఉన్నట్టుండి ఆగిపోయింది. ఈ సంఘటటనతో దాదాపు 2 గంటలపాటు  ఆ ప్రాంతంలో ఉద్రిక్త ఏర్పడింది.  మరమ్మత్తు పూర్తియిన తర్వాత భద్రత నడుమ చివరి కంటైనర్ కూడా క్షేమంగా చెన్నై లోని రిజర్వు బ్యాంకు కు  చేరింది. 

14:10 - October 26, 2018

ఢిల్లీ : నేటి తరం మహిళలు తమలో వున్న మల్టీ టాలెంట్ ను నిరూపించుకునేందుకు..ఉత్సాహం చూపిస్తున్నారు. అందుకోసం వారు విభిన్న రంగాలలో తమ ప్రతిభను కనబరుస్తున్నారు. ఇప్పటివరకూ పురుషులు మాత్రమే వుండే క్రికెట్ రంగంలోకి వచ్చిన మహిళలు తమ ప్రతిభను చూపిస్తున్నారు. కానీ క్రికెట్ ఎంపైర్స్ గా మాత్రం పురుషులే వున్నారు. ఇప్పుడు ఈ విభాగంలో కూడా మహిళలు ఎంట్రీ ఇచ్చారు. తొలి మహిళా క్రికెట్ ఎంపైర్స్. వారే వృందా రటి, జనని.

ఒకరు ఫిట్‌నెస్‌ ట్రైనర్‌... మరొకరు సాఫ్ట్‌వేర్‌ ఇంజినీర్‌. ఇద్దరి అభిరుచులు ఒక్కటే. అదే క్రికెట్‌. ఒకరు క్రికెట్‌పై పట్టుసాధిస్తే... మరొకరికి ఆ ఆట అంటే విపరీతమైన క్రేజ్‌. ఇప్పుడు... ఆ ఇద్దరూ క్రికెట్‌ రంగంలోకి వచ్చేశారు. అదీ మొదటి భారత మహిళా ఎంపైర్లుగా. ఇందుకోసం ఎన్నో పరీక్షలు పాసై... అనుకున్న లక్ష్యాన్ని చేరుకున్నారు వృందా రటి, జనని.
అంపైరింగ్ చేయటం అనుకున్నంత సులువు కాదు. చాలా ఏకాగ్రత, సునిశితమైన దృష్టి ఉండాలి. నిర్ణయం తీసుకోవడంలోనే అంపైర్‌ సామర్థ్యం తెలుస్తుంది. ఎంతో సునిశితంగా ఆటను, ఆటగాళ్ల కదలికలను గమనించాలి. సమయస్ఫూర్తితో వ్యవహరించాలి. సందర్భాను సారంగా క్షణాలలో నిర్ణయం తీసుకోవాలి. లేదంటే క్రికెట్ లో ఆటగాళ్ల తలరాతలు మారిపోతాయి. దేశాల క్రికెట్ చరిత్రలు తిరగబడిపోతాయి. జాతీయ, అంతర్జాతీయ స్థాయిలో జరిగే ఏ మ్యాచ్‌లో అంపైర్‌గా ఎంపిక అవ్వడానికి కూడా అర్హత పరీక్షలు ఉంటాయి. వాటిని సాధిస్తేనే అవకాశం వస్తుంది. ఆ అవకాశాలను అందిపుచ్చుకుంటు సమస్యలను అధిగమించుకుంటు ఎంపైర్ స్థానాన్ని అంది పుచ్చుకున్నారు వృందా రటి, జననిలు. వీరే తొలి మహిళా ఎంపైర్స్. 

-మైలవరపు నాగమణి

08:03 - October 26, 2018

చెన్నై : చూడగానే నవ్వుతెప్పించే ఆహార్యం ఆయన సొంతం. తన శైలిలో పండించే హాస్యం, మాట్లాడేతీరు, బాబీ లాంగ్వేజ్ వంటి పలు విధాల హాస్యంతో ప్రేక్షకులను రంజింపజేసిన హాస్య దిగ్గజం రమణారెడ్డి భార్య సుదర్శనమ్మ తన 93 ఏట గురువారం చెన్నైలో కన్నుమూశారు. రమణారెడ్డి 1974లోనే మరణించిన విషయం తెలిసిందే. వీరికి ఇద్దరు కుమారులు, ముగ్గురు కుమార్తెలు ఉన్నారు. కొంతకాలంగా అనారోగ్యంతో బాధపడుతున్న సుదర్శనమ్మ నెలక్రితం ఆస్పత్రిలో చికిత్స పొందారు. ఆ తర్వాత ఇంటివద్దే ఆమెకు వైద్యం అందిస్తున్నారు. గురువారం సాయంత్రం స్థానిక టి.నగర్‌ వ్యాసర్‌ వీధిలో ఉన్న స్వగృహంలోనే ఆమె తుదిశ్వాస విడిచారు. 1952 నుంచి రమణారెడ్డి కుటుంబం ఇదే ఇంటిలో నివసిస్తోంది. రెండో కుమారుడు అమెరికా నుంచి రావాల్సి ఉండడంతో సుదర్శనమ్మ భౌతికకాయానికి శనివారం ఉదయం అంత్యక్రియలు నిర్వహించనున్నట్లు కుటుంబ సభ్యులు తెలిపారు. సుదర్శనమ్మ మృతికి చెన్నైలోని తెలుగు ప్రముఖులు, టీటీడీ స్థానిక పాలక మండలి పూర్వాధ్యక్షుడు ఆనందకుమార్‌ రెడ్డి తదితరులు నివాళులర్పించారు.

11:09 - October 25, 2018

తమిళనాడు : తమిళనాడు రాజకీయాలు ఎప్పుడు ప్రత్యేకంగా వుంటాయి. దివంగత సీఎం జయలలిత మరణం తరువాత పలు కీలక పరిణామాల మధ్య ప్రభుత్వం ఏర్పడి ఒడిదుడుకుల మధ్య కొనసాగుతోంది. అధికారం కోసం నేతలు చేస్తున్న జిమ్మిక్కులతో తమిళనాటు ప్రభుత్వం రోజుకో కొత్త మలుపు తిరుగుతోంది. ఈ నేపథ్యంలో కోర్టు సంచలనాత్మక తీర్పునిచ్చింది. Image result for sasikala and jayalalitha

స్నేహితురాలు జయలలిత మరణం తరువాత అధికారాన్ని చేజిక్కించుకునేందుకు పలు వ్యూహాలు పన్నిన శశికళ ప్రస్తుతం జైలు ఊచలు లెక్కిస్తున్నారు. అయినా జైలు నుండి రాజకీయాలు నడిపి దినకరన్ తో పలు జిమ్మిక్కులు చేశారు. అయినా న్యాయస్థానం నుండి షాక్ ఎదుర్కోక తప్పలేదు. 

Image result for sasikala and dinakaranశశికళ బంధువు..డీఎంకే బహిష్కృత టీటీవీ దినకరన్ కు మద్రాస్ హైకోర్టు షాకిచ్చింది. తమిళనాడులో అనర్హతను ఎదుర్కొంటున్న 18 మందిపై న్యాయస్థానం తీర్పును వెలువరించింది. ఆ 18మంది ఎమ్మెల్యేలు అనర్హులేనని న్యాయమూర్తి స్పష్టం చేశారు. అనర్హత వేటును సమర్థించిన న్యాయస్థానం, ఎమ్మెల్యేలంతా పదవీచ్యుతులేనని తెలిపింది. ఈ తీర్పు ముఖ్యమంత్రి పళనిస్వామికి పెద్ద ఊరటే. 
కాగా, ఈ 18 మంది ఎమ్మెల్యేలుగా ఉన్న స్థానాల్లో సాధ్యమైనంత త్వరలోనే ఎన్నికలు జరిపిస్తామని తమిళనాడు మంత్రి ఒకరు వెల్లడించారు. అనర్హత చెల్లబోదని తీర్పు వస్తుందన్న ఉద్దేశంతో ఉన్న దినకరన్, తన వర్గం ఎమ్మెల్యేలను రిసార్టుకు తరలించిన సంగతి తెలిసిందే. మరి త్వరలో తమిళనాట కూడా ఉప ఎన్నికలు జరిగే అవకాశాలున్నట్లుగా తెలుస్తోంది న్యాయంస్థానం ఇచ్చిన తీర్పును బట్టి చూస్తే. కాగా మరి  దినకర్ తన ఎమ్మెల్యేలతో దేశ అత్యున్నత న్యాయస్థానం అయిన సుప్రీంకోర్టును ఆశ్రయిస్తారా? లేక ఎన్నికలకు వెళతారా? అనే విషయం కోసం వేచి చూడాల్సి వుంది. 
 

 
09:39 - October 25, 2018

తమిళనాడు : కొందరు నటులు మాత్రమే. మరికొందరు దర్శకులు మాత్రమే. కానీ నటులను తయారుచేసినవారు మాత్రం కొందరే వుంటారు. నటనలో శిక్షణనిచ్చే ఇనిస్టిట్యూస్ చాలామంది స్థాపిస్తారు. కానీ కొన్ని సంస్థలు మాత్రమే నటులను తయారు చేస్తాయి. వాటిలో అత్యంత పేరెన్నికగన్న ఇనిస్టిట్యూట్ ‘కూత్తుపట్టరై’. ఆ ఇనిస్టిట్యూట్ ను స్థాపించి నటులు విజయ్ సేతుపతి, విమల్, విదార్థ్‌లతోపాటు మరెందరినో తీర్చిదిద్దిన ‘కూత్తుపట్టరై’ వ్యవస్థాపకుడు ముత్తుస్వామి తన 82 ఏట అనారోగ్యంతో మృతి చెందారు. తంజావూరు జిల్లా పుంజై గ్రామానికి చెందిన ముత్తుస్వామి 'కూత్తుపట్టరై' పేరిట నట శిక్షణ కేంద్రాన్ని స్థాపించి సినీ పరిశ్రమకు కొత్త ముఖాలను పరిచయం చేశారు. తొలుత వీధినాటకాల్లో శిక్షణ ఇచ్చిన ఆయన ఆ తర్వాత చెన్నైలో శిక్షణ ఇచ్చారు. తమిళ చిత్ర పరిశ్రమలోని పలువురు సినీ కళాకారులను తీర్చిదిద్దింది ఇక్కడే. అంకితభావానికి మారుపేరైన ఆయన గత కొన్ని రోజులుగా అనారోగ్యంతో బాధపడుతున్నారు. పరిస్థితి విషమించడంతో బుధవారం ఆయన చెన్నైలో కన్నుమూశారు. ఆయన మృతికి కోలీవుడ్ సంతాపం తెలిపింది.

 

Pages

Don't Miss

Subscribe to RSS - chennai