Chhattisgarh

13:45 - December 12, 2018

సెంటిమెంట్లని జనాలు బాగా నమ్ముతారు. సినీ,రాజకీయరంగాల్లో ఇవి బాగా వర్కవుట్ అవుతుంటాయి. రాజకీయాల్లోకి వస్తే చాలా సెంటిమెంట్లు ఉంటాయి. అందులో నియోజక వర్గాల సెంటిమెంట్ ఒకటి.
తెలంగాణా రాష్ట్రంలో ఆందోల్ ,గజ్వేల్ నియోజక వర్గాలలో గెలిచిన పార్టీ ప్రభుత్వాన్నిఏర్పాటు చేస్తూవస్తోంది.
తెలంగాణ
ఆందోల్ నియోజక వర్గంలో 1985 నుంచి  ఇప్పటి వరకు 14 సార్లు ఎన్నికలు జరగ్గా 12 సార్లు ఏపార్టీ అభ్యర్ధి గెలుపొందాడో ఆపార్టీయే రాష్ట్రంలో ప్రభుత్వాన్ని ఏర్పాటు చేస్తూ వచ్చింది. 
ఇక మరో నియోజకవర్గం గజ్వేల్ లో 1985 నుంచి గెలుస్తూ వచ్చిన పార్టీయే రాష్ట్రంలో అధికారాన్ని అందుకుంటోంది. 
చత్తీస్ ఘడ్ 
ఇక చత్తీస్ ఘడ్ లో చూస్తే.....  అక్కడి జగదల్ పూర్ నియోజక వర్గం లోనూ ఇదే సెంటిమెంట్ ఉంది. ఇక్కడ ఏ పార్టీ అభ్యర్ధి గెలుస్తాడో ఆపార్టీయే రాష్ఠ్రంలో అధికారంలోకి వస్తోంది. 2000 సంవత్సరంలో రాష్ఠ్రం మధ్యప్రదేశ్ నుంచి విడిపోయినప్పటికీ 1977 నుంచి ఇక్కడ ఎవరు గెలుస్తారో ఆపార్టీకే రాష్ట్రంలో అధికారం లభించింది. మంగళవారం ప్రకటించిన జగ్దల్‌పూర్‌ అసెంబ్లీ ఫలితాలలో కాంగ్రెస్‌ అభ్యర్థి రేఖ్‌చంద్‌ జైన్‌ గెలుపొందారు. ఛత్తీస్‌గఢ్ అసెంబ్లీ ఎన్నికల్లో కాంగ్రెస్‌ విజయం సాధించిన విషయం తెలిసిందే.
మధ్యప్రదేశ్
ఇక ఇటీవల  ఎన్నికలు జరిగిన మధ్యప్రదేశ్ లో చూస్తే అక్కడి ఖర్గోస్ నియోజక వర్గంలో 1967 నుంచి  ఇప్పటివరకు ఏపార్టీ అభ్యర్ధి గెలుస్తారో ఆ పార్టీయే అధికారంలోకి వస్తోంది.   మంగళవారం వచ్చిన ఎన్నికల ఫలితాల్లో ఇక్కడ కాంగ్రెస్  పార్టీ అభ్యర్ధి విజయంసాధించగా, మధ్యప్రదేశ్ లో బీఎస్పీ మద్దతుతో కాంగ్రెస్ ఇక్కడ ప్రభుత్వాన్నిఏర్పాటు చేసే యోచనలో ఉంది.

12:05 - December 12, 2018

ఢిల్లీ : స్వంత పార్టీ మీద సంచలన వ్యాఖ్యలు చేసారు బీజేపీ ఎంపీ సంజయ్ కాకడే. ఐదు రాష్ట్రాలకు జరిగిన ఎన్నికలల్లో బీజేపీ ఘోరంగా దెబ్బతింది. డిసెంబర్ 11న వెలువడి ఎన్నికల ఫలితాలపై బీజేపీ ఎంపీ సంజయ్ మాట్లాడుతు..చత్తీస్‌గఢ్, రాజస్థాన్‌లలో బీజేపీ ఓటమిని తాను ముందే ఊహించానన్నారు. అయితే మరీ ఇంత ఘోరమైన ఫలితాలు వస్తాయని మాత్రం అస్సలు ఊహించలేదన్నారు. కానీ మధ్యప్రదేశ్‌లలోనూ కాంగ్రెస్ పైచేయి సాధించడం తనను ఆశ్చర్యానికి గురిచేసిందన్నారు. 
మాట మరచిన మోదీ అందుకే ఓటమి: సంజయ్ 
దేశాన్ని అభివృద్ధి బాటలో నడిపిస్తానన్న 2014 ఎన్నికల్లో  మోదీ హామీ ఇచ్చి అధికారంలోకి వచ్చాక  ఆ మాట మరచిపోయారనీ.. సొంత పార్టీ పైనే విమర్శలు చేస్తున్నారు. రామ మందిర నిర్మాణం, విగ్రహాల నిర్మాణం, నగరాల పేర్ల మార్పుపైనే పార్టీ దృష్టి సారించిందని, ఈ ఎన్నికల్లో అదే కొంప ముంచిందని సంచలన వ్యాఖ్యలు చేశారు. కాగా ఐదు రాష్ట్రాల ఎన్నికల అనంతరం కాంగ్రెస్ ఫుల్ జోష్ మీదున్నది. మూడు రాష్ట్రాల్లో కాంగ్రెస్ విజయకేతనం ఎగురవేసింది. దీనితో ఆ పార్టీ నేతలు ఖుషీఖుషీగా ఉన్నారు. ఛత్తీస్ గఢ్, రాజస్థాన్‌లలో విస్పష్ట మెజార్టీ ఇవ్వగా మధ్యప్రదేశ్‌లో మాత్రం నరాలు తెగ ఉత్కంఠ కనపడిన క్రమంలో ఎట్టకేలకు విజయం సాధించిన విషయం తెలిసిందే. దీంతో బీజేపీ మాత్రం కుదేలైపోయింది. దీనిపై ఐదింట మూడు రాష్ట్రాలలో కాంగ్రెస్ వశం కావటంతో బీజేపీ ఎంపీ సంజయ్ కేడే ఈ వ్యాఖ్యలు చేయటం ఇప్పుడు బీజేపీ నేతల్లో గుబులు పుట్టిస్తోంది. 

 

 

07:20 - December 12, 2018

ఛత్తీస్ గడ్ : అధికారం కోసం 15 ఏండ్ల పాటు నిరీక్షణ...సీఎం పీఠంపై కన్ను...అధికారం కోసం దగ్గరగా వచ్చినా ఓటమి...ఎలాగైనా విజయం సాధించాలనే తపన..ఎట్టకేలకు ఆ పార్టీకి ప్రజలు బ్రహ్మరథం పట్టారు. పాలించమని ఓటర్ తీర్పు చెప్పాడు. ఛత్తీస్ గడ్‌లో 15 సంవత్సరాల బీజేపీ పాలన వద్దని..అధికారాన్ని కాంగ్రెస్ చేతికి అందించారు అక్కడి ఓటర్లు. ఇక్కడ హంగ్ ఏర్పడుతుందని ఎగ్జిట్ పోల్స్ అంచనా వేసినా..అది నిజం కాదని తేలింది. 
90 స్థానాలు...
90 స్థానాలకు జరిగిన ఎన్నికల్లో కాంగ్రెస్ 62 స్థానాలు..బీజేపీ 16 స్థానాలు..జనతా కాంగ్రెస్ ఛత్తీస్ గడ్ (జేసీసీ) - బీఎస్పీల కూటమి 6 స్థానాలు సాధించాయి. అధకారానికి దూరంగా ఉండి తీవ్ర నిరాశ నిస్ర్పహల మధ్య ఉన్న కాంగ్రెస్ నేతలు ప్రస్తుతం సంబరాల్లో మునిగితేలుతున్నారు. 
భూపేశ్ భఘాల్ క‌ృతజ్ఞతలు...
ఘన విజయాన్ని అందించిన ప్రజలకు రాష్ట్ర పీసీసీ అధ్యక్షుడు భూపేశ్ భఘాల్ క‌ృతజ్ఞతలు తెలియచేశారు. ప్రభుత్వంపై వ్యతిరేకత ఉందని ప్రజల ఓటు తీర్పు ద్వారా తెలిసిందన్న ఆయన..రాహుల్ గాంధీ నేతృత్వంలో రాష్ట్రంలో బలపడ్డమన్నారు. సీఎం ఎవరనేది అధిష్టానం నిర్ణయిస్తుందన్నారు. 
రాజ్‌నందగావ్‌ నియోజకవర్గంలో రమణ్‌సింగ్‌ గెలుపు...
> వాజ్‌పేయి మేనకోడలు కరుణ్‌ శుక్లా ఓటమి...
బిలాస్‌పూర్‌ నుంచి పోటీ చేసిన పట్టణాభివృద్ధి, కమర్షియల్‌ టాక్స్‌ శాఖ మంత్రి అమర్‌ అగర్వాల్‌ పరాజయం.. 
బిలాస్ పూర్‌లో కాంగ్రెస్‌ అభ్యర్థి శైలేశ్‌ పాండే విజయం...
మంత్రి రాజేశ్‌ మునాత్‌ ఓటమి...

14:07 - December 11, 2018

ఛత్తీస్ గఢ్ : ఛత్తీస్ గఢ్ లో కాంగ్రెస్ హవా కొనసాగుతోంది. అసెంబ్లీ ఎన్నికల ఫలితాల్లో కాంగ్రెస్ జోరులో ఉంది. కాంగ్రెస్ 63 స్థానాల్లో లీడ్ లో కొనసాగుతోంది. బీజేపీ 21 స్థానాల్లో ఆధిక్యంలో ఉంది. జేసీపీ 5 స్థానాల్లో లీడ్ లో ఉంది. ఇతరులు 1 స్థానంలో ఆధిక్యంలో కొనసాగుతున్నారు. మొత్తం 90 స్థానాలకు కౌంటింగ్ జరుగుతోంది. 

 

06:56 - December 11, 2018

దేశవ్యాప్తంగా అంతా ఉత్కంఠగా ఎదురుచూస్తున్న 5 రాష్ట్రాల అసెంబ్లీ ఎన్నికల ఓట్ల లెక్కింపు ప్రారంభమైంది. భారీ బందోబస్తు మధ్య లెక్కింపు జరుగుతోంది.  ఉదయం 8 గంటలకు లెక్కింపు ప్రారంభం కాగా, గంటలోనే పోలింగ్ సరళి తెలిసిపోనుంది. తెలంగాణతోపాటు మొత్తం 5 రాష్ట్రాల ఓట్ల లెక్కింపునకు ఎన్నికల సంఘం కట్టుదిట్టమైన ఏర్పాట్లు చేసింది. మధ్యప్రదేశ్‌లో 230, రాజస్థాన్‌లో 200, తెలంగాణలో 119, చత్తీస్‌గఢ్‌లో 90, మిజోరంలో 40 అసెంబ్లీ స్థానాలున్నాయి. రాజస్థాన్‌లో అభ్యర్థి మరణించడంతో 199 స్థానాలకు మాత్రమే ఎన్నికలు జరిగాయి.
తెలంగాణ వ్యాప్తంగా మొత్తం 43 కౌంటింగ్ కేంద్రాలు ఏర్పాటు చేశారు. కౌంటింగ్‌లో 40వేల మంది సిబ్బంది ఉన్నారు. మొదట పోస్టల్ బ్యాలెట్‌ను లెక్కించనున్నారు. 9 గంటలకల్లా పోలింగ్ సరళి ఏంటనేది తెలిసిపోనుంది. ఇక, శేరిలింగంపల్లిలో గరిష్టంగా 42 రౌండ్లు లెక్కించనుండగా, అతి తక్కువగా భద్రాచలం, అశ్వారావుపేటలలో 12 రౌండ్లలో లెక్కింపు జరగనుంది. కౌంటింగ్ కేంద్రాల వద్ద కేంద్ర, రాష్ట్ర బలగాలతో పటిష్ట భద్రత ఏర్పాటు చేసింది. అలాగే, సీసీటీవీ కెమెరాలను కూడా ఏర్పాటు చేసింది. కౌంటింగ్ కేంద్రాల వద్ద 144 సెక్షన్‌ను విధించారు. కౌంటింగ్ కేంద్రాల్లో సెల్‌ఫోన్లను నిషేధించిన ఈసీ, విజయోత్సవాలకు కూడా అనుమతి నిరాకరించింది.
మధ్యప్రదేశ్‌, మిజోరంలలో నవంబర్ 28న, రాజస్థాన్‌, తెలంగాణలో డిసెంబర్ 7న పోలింగ్ జరిగింది. ఛత్తీస్‌గడ్‌లో నవంబర్ 12, 20 తేదీల్లో రెండు విడతలుగా పోలింగ్ జరిగింది.

* మధ్యప్రదేశ్‌లో మొత్తం స్థానాలు 230, మేజిక్ ఫిగర్ 116
* రాజస్థాన్‌లో మొత్తం స్థానాలు 199, మేజిక్ ఫిగర్ 101
* ఛత్తీస్‌గఢ్‌లో మొత్తం స్థానాలు 90, మేజిక్ ఫిగర్ 46
* మిజోరంలో మొత్తం స్థానాలు 40, మేజిక్ ఫిగర్ 21
* తెలంగాణలో మొత్తం స్థానాలు 119, మేజిక్ ఫిగర్ 60

21:03 - December 7, 2018

చత్తీస్ ఘడ్ లోని 90 శాసన సభ  నియోజకవర్గాలకు జరిగిన పోలింగ్ లో  కాంగ్రెస్ పార్టీ అధికారం చేజిక్కించుకునే అవకాశం ఉందని సర్వేలు చెపుతున్నాయి. చత్తీస్ ఘడ్ లో మ్యాజిక్ ఫిగర్ 46. బీజేపీ ఇక్కడ మరోసారి అధికారంలోకి వచ్చే అవకాశాన్ని కోల్పోయిందని సర్వేలల్లో తేలింది 
చత్తీస్ ఘడ్ ఎన్నికలపై  వివిధ టీవీ ఛానళ్ళు నిర్వహించిన ఎగ్జిట్ పోల్ సర్వేలు
న్యూస్ఎక్స్ : బీజేపీ -43, కాంగ్రెస్ -40, ఇతరులు -7
ఇండియా టుడే - బీజేపీ : 21-31, కాంగ్రెస్ : 55-65, ఇతరులు : 4-8.
టైమ్స్ నౌ - సీఎన్ఎక్స్ :బీజేపీ -46, కాంగ్రెస్ -35, జేసీసీ+బీఎస్‌పీ -7, ఇతరులు -2.
రిపబ్లిక్ టీవీ - జన్ కీ బాత్ :బీజేపీ : 40-48, కాంగ్రెస్ : 37-43, జేసీసీ-బీఎస్‌పీ : 5-6, ఇతరులు : 0-1. 
రిపబ్లిక్ టీవీ - సీ ఓటర్ :బీజేపీ -39, కాంగ్రెస్ -46, ఇతరులు -5.

09:34 - December 5, 2018

ఢిల్లీ :  ఛత్తీస్‌గఢ్‌లో కాంగ్రెస్‌ పార్టీ అధికారం చేపట్టనుందా? దీని కోసం క్యాంప్ రాజకీయాలకు తెరలేపనుందా? ఎన్నికల అనంతరం కాంగ్రెస్ కు అందిన సమాచారం ప్రకారంగా కాంగ్రెస్ పావులు కదుపుతోందా? కర్ణాటకలో అధికారం చేపట్టేందుకు జేడీఎస్ తో కలిసి  కాంగ్రెస్ పన్నిన వ్యూహమే  ఛత్తీస్ గడ్ లో కూడా అమలు చేసేందుకు కాంగ్రెస్ సిద్ధమవుతున్నట్లుగా రాజకీయా వర్గాల సమాచారం. దీని కోసం కాంగ్రెస్ పార్టీ పావులు కదుపుతోంది. ఎన్నిక అనంతరం కాంగ్రెస్ కు అందిన సమాచారం ప్రకారం క్యాంప్ రాజకీయాలకు తెరలేపనుందనే సమచారాం.
ప్రభుత్వం ఏర్పాటు చేసేందుకు కాంగ్రెస్ యత్నాల యోచన..
చాలా కాలం తరువాత రాష్ట్రంలో అధికారం చేతికందబోతోందనే విశ్లేషణలు వినిపిస్తున్న నేపథ్యంలో కాంగ్రెస్‌ నేతలు అప్రమత్తమయ్యారు. కర్ణాటకలో ఎమ్మెల్యేలను కాపాడుకునేందుకు హైదరాబాద్ కు తరలించి స్టార్ హోటల్స్ లో దాచిపెట్టి ఎట్టకేలకు జేడీఎస్ తో జత కట్టి సంకీర్ణప్రభుత్వంలో భాగస్వామిగా వున్న కాంగ్రెస్ మరోసారి అదే వ్యూహాలను అమలు చేసేందుకు యత్నిస్తోంది.  
ఎన్నికల ఫలితాలు వెలువడిన వెంటనే గెలిచిన అభ్యర్థులందరినీ  స్టార్‌ హోటల్‌ లేదా రిసార్టుకు తరలించాలని కాంగ్రెస్ అధిష్టానం భావిస్తోంది. ఛత్తీస్‌గఢ్‌లో కచ్చితంగా 50 సీట్లు వస్తాయని కాంగ్రెస్‌ అధిష్టానం అంచనా వేస్తోంది. కాంగ్రెస్‌కు అనుకూలంగా జిల్లాల నుంచి వచ్చిన సమాచారాన్ని జాతీయ అధ్యక్షుడు రాహుల్‌ గాంధీకి రాష్ట్ర నేతలు తెలియజేశారు. ఈ నేపథ్యంలో వారికి రాహుల్‌ కొన్ని సూచనలు చేసిన నేపథ్యంలో ప్రభుత్వం ఏర్పాటయ్యేవరకు జాగ్రత్తగా ఉండాలని, అతివిశ్వాసంతో ముందుగా సంబరాలు చేసుకోవద్దని రాహుల్  హెచ్చరించినట్లుగా తెలుస్తోంది. అలాగే ఫలితం అనుకూలంగా వచ్చిన వెంటనే గెలిచిన ఎమ్మెల్యేలందరిని ఏదైనా ఒక చోట సురక్షితంగా ఉంచాలని సూచించినట్లు సమాచారం. మరి కాంగ్రెస్ క్యాంప్ రాజకీయాలు విజయం సాధించి ఛత్తీస్ గఢ్ లో ప్రభుత్వాన్ని ఏర్పాటు చేస్తోందో లేదో వేచి చూడాలి.
 

09:15 - December 3, 2018

హైదరాబాద్ : తెలంగాణ - మహారాష్ట్ర - ఛత్తీస్ గడ్ రాష్ట్రాల సరిహద్దులో టెన్షన్..టెన్షన్..వాతావరణం నెలకొంది. మావోయిస్టు వారోత్సవాలు జరుగుతున్నాయని పోలీసులకు నిఘా వర్గాలు సమాచారం అందచేసినట్లు తెలుస్తోంది. ఛత్తీస్ గఢ్ రాష్ట్రంలో కొద్ది రోజుల కిందటే ఎన్నికలు ముగిసిన సంగతి తెలిసిందే. తాజాగా తెలంగాణ రాష్ట్రంలో డిసెంబర్ 7వ తేదీన పోలింగ్ జరుగనుంది. ఈ నేపథ్యంలో అభ్యర్థులు ప్రచారం నిర్వహించాలంటే పోలీసుల నుండి అనుమతి తీసుకోవాల్సిన పరిస్థితి ఏర్పడింది. చెప్పకుండా గ్రామాలకు వెళ్లొద్దని ఆయా అభ్యర్థులకు పోలీసులు సూచనలు చేస్తున్నారు.
అభ్యర్థులకు అదనపు భద్రత...?
కరీంనగర్..ఆదిలాబాద్..ఖమ్మం అభ్యర్థులకు అదనపు భధ్రత కల్పించినట్లు తెలుస్తోంది. భద్రత నేపథ్యంలో సరిహద్దు గ్రామాల్లో సీసీ కెమెరాలు ఏర్పాటు చేసినట్లు సమాచారం. ముందస్తు చర్యల్లో భాగంగా ఆయా గ్రామాల్లో పోలీసులు తనిఖీలు విస్తృతం చేసినట్లు తెలుస్తోంది. సరిహద్దు ప్రాంతాల్లో చెక్ పోస్టులు ఏర్పాటు చేసి వాహనాలను ముమ్మరంగా తనిఖీలు చేస్తున్న పోలీసులు...ఎన్నికలు పూర్తయ్యే దాక అప్రమత్తంగా ఉండాలని పోలీసు ఉన్నతాధికారులు సూచిస్తున్నారు. 
ఛత్తీస్ గడ్‌లో ఎన్ కౌంటర్...
కొద్ది రోజుల క్రితం ఎమ్యెల్యే కిడారి సోమ, మాజీ ఎమ్యెల్యే హత్య అనంతరం ఏపీ రాష్ట్రంలో మావోయిస్టుల కదలికలు ఎక్కువయ్యాయి. అంతేగాకుండా ఛత్తీస్ గడ్ రాష్ట్రంలో జరిగిన ఎన్నికలను అడ్డుకొనేందుకు మావోలు ప్రయత్నించారు. పోలింగ్‌కు ముందు రోజు మావోయిస్టులు మందుపాతర పేల్చడంతో ఒక జవాన్ మరణించాడు. మొదటి దశ పోలింగ్ సమయంలో బీజాపూర్‌లో ఎన్‌కౌంటర్ జరిగింది. 

 

13:50 - December 1, 2018

రాయ్‌పూర్ (ఛత్తీస్‌గఢ్) : భద్రతా దళాలను లక్ష్యంగా చేసుకున్న మావోయిస్టులు కొత్త కొత్త వ్యూహాలను అనుసరిస్తు..వారిని ముప్పు తిప్పలు పెడుతున్నారు. భద్రతాదళాల దృష్టి మళ్లించేందుకు..వారిపై దాడి చేసేందుకు మావోయిస్టులు వ్యూహాలను పన్నుతున్నారు. ఈ నేపథ్యంలో  సెర్చ్ ఆపరేషన్‌ సమయంలో భద్రతా దళాలను తప్పుదోవ పట్టించేందుకు అచ్చం మావోయిస్టుల్లా ఉండే దిష్టిబొమ్మలను పెట్టి..చెట్టుచాటు నుండి తుపాకీలను ఎక్కు పెట్టినట్లుగా మావోలు  బురిడి కొట్టిస్తున్నారు. అడవుల్లో సెర్చ్  ఆపరేషన్ సమయంలో భద్రతా దళాలు దిష్టిబొమ్మలను చూసి నిజమైన మావోయిస్టులుగా భ్రమపడ్డారు. సెర్చ్ ఆపరేషన్‌లో భాగంగా 15వ బెటాలియన్, సీఆర్పీఎఫ్ బలగాలు సుక్మా జిల్లాలోని చింతగుఫా ప్రాంతంలో నకిలీ నక్సలైట్ల దిష్టిబొమ్మలను, డమ్మీ తుపాకీలను స్వాధీనం చేసుకున్నారు. కాగా మావోల వ్యూహాన్ని మొదట గందరగోళంలో పడినా భద్రతాదళాలు వాటిని గుర్తించాయి. 
మావోయిస్టులు పెట్టిన మూడు నకిలీ దిష్టిబొమ్మలకు సమీపంలో ఒకదాని పక్కన ఎల్‌ఈడీ మందుపాతర ఉన్నట్టు పోలీసులు గుర్తించి నిర్వీర్యం చేశారు. నక్సల్స్ దిష్టిబొమ్మలను, బొమ్మ తుపాకీలను చెట్టుకు తగిలించినట్టుగా గుర్తించామని సీఆర్పీఎఫ్ కమాండర్ డి సింగ్ వెల్లడించారు. ఇటీవల సుక్మా జిల్లాలోని సక్లర్ గ్రామంలో సోమవారం జరిగిన ఎన్‌కౌంటర్ ఆపరేషన్‌లో ఎనిమిది మంది నక్సల్స్‌ను భద్రతా దళాలు మట్టుబెట్టాయి. 
 

11:29 - November 14, 2018

రాయ్ పూర్:  చత్తీస్ ఘడ్ లో మావోయిస్టులు మరోసారి రెచ్చిపోయారు. పోలీసులు లక్ష్యంగా బుధవారం ఉదయం బీజాపూర్ ఘటి వద్ద  ఈఐడీ పేల్చారు. పేలుడు ఘటనలో నలుగురు బీఎస్ఎఫ్ జవాన్లు, ఒక పౌరుడు గాయపడ్డారని పోలీసు అధికారులు తెలిపారు. గాయపడిన వారిని బీజాపూర్ ఆసుపత్రికి తరలించి చికిత్స అందిస్తున్నారు. పరిస్ధితి అదుపులోనే ఉందని, నక్సల్స్ కోసం గాలింపు చర్యలు కొనసాగుతున్నాయని యాంటీ నక్సల్ ఆపరేషన్స్ డీఐజీ సుందర్ రాజ్ చెప్పారు. గత సోమవారమే చత్తీస్ ఘడ్ అసెంబ్లీకి మొదటి విడత  పోలింగ్ జరిగింది. రెండవ విడత పోలింగ్ నవంబర్ 20న జరుగుతుంది. 

Pages

Don't Miss

Subscribe to RSS - Chhattisgarh