CM KCR

10:12 - December 5, 2018

హైదరాబాద్ : ఎల్లుండి పోలింగ్..ప్రత్యేక రాష్ట్రం ఏర్పడిన అనంతరం తొలిసారిగా తెలంగాణ రాష్ట్రంలో ఎన్నికలు జరుగుతున్నాయి. దీనితో సర్వత్రా ఉత్కంఠ వాతావరణం నెలకొంది. 118 నియోజకవర్గాల్లో సుడిగాలి పర్యటన చేసిన గులాబీ బాస్ ప్రచారంలో చివరి రోజు గజ్వేల్‌లో ప్రచారం నిర్వహించనున్నారు. ఇక్కడి నుండే ఎన్నికల ప్రచారం నిర్వహించిన గులాబీ బాస్ ఇక్కడే ఎండింగ్ చేస్తుండడం విశేషం. 
సెప్టెంబర్ 6 శాసనసభ రద్దు...
సెప్టెంబర్ 6వ తేదీన శాసనసభ రద్దు చేసి ముందస్తు ఎన్నికలకు తెరలేపి...ముందే 105 మంది అభ్యర్థులను ప్రకటించేసి సంచలనం సృష్టించిన గులాబి అధిపతి..ప్రత్యర్థులకు షాక్ ఇచ్చారు. రెండు నెలల సమయం ఉండడంతో అభ్యర్థులు ప్రతొక్క ఓటర్‌ని కలిసే అవకాశం చిక్కింది. ఇక అభ్యర్థుల విజయ కోసం కేసీఆర్ కదనరంగంలోకి దూకి సుడిగాలి పర్యటనలు చేశారు. ప్రజా ఆశీర్వాద పేరిట సభలు నిర్వహిస్తూ ప్రతిపక్షాలపై విమర్శలు..ఓటర్లకు అవగాహనలు కల్పించే ప్రయత్నం చేశారు. ఒక్కే కేసీఆర్..టీఆర్ఎస్‌ని ఎదుర్కొనేందుకు మహాకూటమి ఏర్పాటైందని..జాతీయ స్థాయి నేతలు టార్గెట్ చేస్తున్నారని..మహాకూటమి గెలిస్తే తెలంగాణ రాష్ట్రం ఎలా ఉండబోతోంది పేర్కొంటూ ఆయన ప్రసంగాలు చేశారు. సంక్షేమ కార్యక్రమాలు కొనసాగాలన్నా...రాష్ట్రం అభివృద్ధి సాధించాలన్నా...తెలంగాణ గడ్డపై గులాబీ జెండా ఎగురాలని ఘంటాపథంగా చెబుతున్నారు. 
గజ్వేల్‌లో చివరి స్పీచ్...
గజ్వేల్‌లో నిర్వహించే బహిరంగసభలో కొత్త హామీలు ఇవ్వబోతున్నారా ? కీలక ప్రకటన చేయనున్నారా ? మహాకూటమిపై ఎలాంటి విమర్శులు చేస్తారు అనే ఉత్కంఠ నెలకొంది. ఇప్పటి వరకు మహాకూటమిపై విమర్శలు చేసిన కేసీఆర్..మరింత దూకుడు పెంచనున్నారని తెలుస్తోంది. ఎందుకంటే లగడపాటి సర్వే..బాబు..రాహుల్ ప్రచారం..తెలంగాణలో భారీగా డబ్బులు..మద్యం పట్టుబడుతోంది. వీటిపై కేసీఆర్ పంచ్ డైలాగ్‌లతో అదరగొడుతారని టాక్. సుమారు గంటకు పైగా మాట్లాడే అవకాశం ఉంది. రెండు రోజుల్లో జరిగే పోలింగ్‌పై కేసీఆర్ స్పీచ్ ప్రభావం చూపిస్తుందని ప్రచారం జరుగుతోంది. 119 నియోజకవర్గాల్లో వంద సభలలో పాల్గొనాలని భావించిన గులాబీ దళపతి...86 సభలలో పాల్గొన్నారు. కేసీఆర్ చివరి స్పీచ్ ఎలా ఉండబోతుందనేది కొద్ది గంటల్లో తేలిపోతుంది...

09:28 - December 5, 2018
సిద్ధిపేట : హరీష్ రావు...టీఆర్ఎస్ దళపతి కేసీఆర్..మేనల్లుడు..ఎంతో అనుభవం ఉన్న నేత...ఏ అంశమైనా అధ్యయనం చేసిన తరువాత సూటిగా..పదునుగా మాట్లాడే నేత...ఆయన సతీమణి శ్రీనిత ఆస్తక్తికర వ్యాఖ్యలు చేశారు. ఎన్నికల ప్రచారంలో భాగంగా ఆమె డిసెంబర్ 4వ తేదీ సిద్ధిపేటలో ప్రచారం నిర్వహించిన ఈమె పలు వ్యాఖ్యలు చేశారు. ఇంట్లో కన్నా ఎక్కువగా ప్రజా సేవలోనే ఉంటారని తెలిపారు. పిల్లలు ఏమి చదువుతున్నారో చెప్పమని అడిగితే హరీష్ చెప్పలేరని పేర్కొనడం విశేషం. నిత్యం ప్రజల కోసం పరితపించే వ్యక్తి...ఓట్లు వేయకుండా ఉండవద్దని సూచించారు. నియోజకవర్గ ప్రజలు తమ కుటుంబసభ్యులని..హరీష్ రావుకు తాను భార్యను కావడం తన అదృష్టమన్నారు. 
 
09:08 - December 5, 2018

హైదరాబాద్ : అన్నా..మీ ఓటు నాకే...నాకే కనుక ఓటేస్తే..ఏమి కోరుకున్నా ఇచ్చేస్తా..డబ్బు కావాలా..మందు కావాలా ? ఏమీ కావాలి..చెప్పు..ఓటర్ సాబ్...ఏమీ కావాలన్నా ఇచ్చేస్తా...సంఘం మొత్తం మా పార్టీకి...అభ్యర్థికి ఓటేస్తే...భారీగా నగదు..లేదా..భవనం నిర్మిస్తాం..అంటూ నేతలన్న ఓటరన్న చెంత వాలిపోతున్నారు. వారిచేత ప్రమాణాలు చేయించుకుంటూ సెంటిమెంట్‌కు తెరలేపుతున్నారు. ఇలా ఏదో ఒక హామీనిచ్చేస్తున్నారు. ప్రస్తుతం ఇలాంటి వాతావరణం తెలంగాణ రాష్ట్రంలో నెలకొని ఉంది. 

ఓటర్లకు స్లిప్పులతో వల..
> ఏసీలు..స్మార్ట్ ఫోన్లు..మిక్సీలు..
ఓటర్లకు ఆఫర్ల పంట..
ప్రధాన పార్టీలతో పాటు స్వతంత్ర అభ్యర్థుల కూడా...
కోట్లకు కోట్లు..పందారం...
డిసెంబర్ 7న పోలింగ్...ప్రలోభాలు...

డిసెంబర్ 7న పోలింగ్..డిసెంబర్ 11న ఫలితాలు..డిసెంబర్ 5వ తేదీ సాయంత్రం ప్రచారానికి ఎండ్ కార్డు...దీనితో నేతన్నలు ఓటర్లను ప్రలోభపరిచేందుకు యత్నిస్తున్నారు. ఎన్నికలు అనగానే ఓటర్లకు ప్రలోభాలు పెడుతారని ముందుగానే ఈసీ గుర్తించి...నిఘా ఏర్పాటు చేయడం..భారీగా నగదు..మద్యం..ఇతరత్రా స్వాధీనం చేసుకోవడం పరిపాటిగా మారిపోయింది. ఇప్పటికే తెలంగాణ రాష్ట్ర వ్యాప్తంగా రూ. 104 కోట్లపైగానే నగదు స్వాధీనం చేసుకున్నట్లు సమాచారం. అయితే నిఘాకు దొరక్కకుండా అభ్యర్థులు ఎత్తుగడలు వేస్తున్నారు. విస్తృతమైన నిఘా..పోలీసుల తనిఖీలున్నా..కోట్లకు కోట్లు డబ్బు ఆయా నియోజకవర్గాలకు తరలిపోతోంది..అభ్యర్థులు..స్కూల్ బ్యాగులు..ఆటోలు..బస్సుల్లో డబ్బులు తరలిస్తున్నట్లు సమాచారం. ఓటు తమకు వేస్తే..కళ్లు చెదిరే వస్తువుల జాబితా వారి ఎదుట ఉంచుతున్నట్లు తెలుస్తోంది. 
> జిమ్ సామాగ్రీ...కాలనీ సంఘాల అసోసియేషన్లకు భారీ ఆఫర్స్...
మహిళా ఓటర్లకు చీరలు..వెండి భరణిణెలు..కుంకుమ భరిణెలు..బొట్టు బిల్లలు...పంపిణీ...
ప్రతిష్టాత్మక నియోజకవర్గాల్లో రూ. 25 కోట్ల నుంది రూ. 50 కోట్ల వరకు ఖర్చు ? 
జనరల్ స్థానాల్లో ఒకలా..హాట్ హాట్ సీట్లలో మరోలా ఖర్చు ఉందని అంచనా...
ఆయా నియోజకవర్గాల్లో ఓటర్ కార్డు జిరాక్స్ తీసుకుని కూపన్ అందజేత..సూచించిన షోరూంలో వస్తువుల పంపిణీ...
ఏసీలు..ఫ్రిజ్‌లు..స్మార్ట్‌ఫోన్లు..పంపిణీ...
ఓటర్ల అకౌంట్‌లోకి నేరుగా డబ్బులు...

08:34 - December 5, 2018

హైదరాబాద్ : తెలంగాణ రాష్ట్రంలో ఎన్నికల్లో మొదటి ఘట్టం పూర్తి కాబోతోంది..కొద్దిగంటల్లో (డిసెంబర్ 5) సాయంత్రం ఎన్నికల ప్రచారం ముగియనుంది. ఓటరు..ఇప్పుడు..నేతలకు కీలకంగా మారిపోయాడు. వీరిని ఆకట్టుకొనేందుకు నేతలు చెమటోడుస్తున్నారు. అతడిని సంతృప్తి పరిచేందుకు ప్రయత్నం చేస్తున్నారు. నగదు..మద్యం ఎరవేసి ఓటును కొనుగోలు చేసేందుకు యత్నిస్తున్నారు. నగదు..మద్యం..చీరలు..క్రికెట్ కిట్..టీషర్ట్స్..ఇలా ఇతరత్రా వస్తువులను పంపిణీ చేస్తున్నారు. కులాల సంఘాలకు పెద్దఎత్తున్న ఆఫర్స్ ప్రకటిస్తూ ప్రసన్నం చేస్తున్నారు. వారి వారి సంఘాలకు విందులిస్తూ ఓటు తమకే వేయాలంటూ అభ్యర్థిస్తున్నారు.
ఓటర్లకు ఆఫర్లు...
వివిధ పార్టీలకు చెందిన నాయకులు పోటాపోటీగా గోడ..చేతి గడియాలు పంపిణీ చేసినట్లు టాక్. యువజన సంఘాలకు క్రికెట్ కిట్లు పంపిణీ చేస్తున్నారు. బొట్టు పెట్టి మరి తాయిలాలు ప్రకటిస్తున్నారు. ఎన్నికల పరిశీలకుల నిఘా పెరగడంతో కొందరు ప్రత్యామ్నాయ మార్గలను అన్వేషిస్తున్నారు. పైపుల్లో నోట్ల కట్టలను కూర్చి ఆటోలో తరలిస్తుండగా సోమవారం మంచిర్యాలలో పోలీసులు చాకచక్యంగా పట్టుకోవడం..ప్రలోభాల పరంపర ఏ స్థాయిలో ఉందో అర్థం చేసుకోవచ్చు. అంతేగాకుండా వేములవాడలో క్రికెట్లు కిట్లు తరలిస్తుండగా పోలీసులు స్వాధీనం చేసుకున్నారు. ఒక్కో మండలానికి దాదాపు రూ. అరకోటి నగదును తరలించినట్లు సమాచారం. ఈ నేపథ్యంలో ఈసీ ప్రత్యేక దృష్టిని కనబరిచి..ప్రలోభాలకు చెక్ పెట్టేందుకు కృషి చేస్తోంది. ఆయా నియోజకవర్గాల్లో తనిఖీలు నిర్వహించి నగదు..మద్యం..ఇతరత్రా స్వాధీనం చేసుకుంది. రాష్ట్ర వ్యాప్తంగా వంద కోట్ల రూపాయల నగదు సీజ్ చేసిన 

08:12 - December 5, 2018

హైదరాబాద్ : మీకు ఓటర్ కార్డు లేదా ? అయ్యో..ఓటు వేయలేమని బాధ పడుతున్నారా ? బాధ పడకండి అంటోది ఈసీ...ఓటర్ కార్డు లేకపోయినా ఇతర కార్డులు ఉపయోగించి ఓటు హక్కును వినియోగించుకోవచ్చని పేర్కొంటోంది. తెలంగాణ రాష్ట్రంలో డిసెంబర్ 7వ తేదీన పోలింగ్ జరుగనున్న సంగతి తెలిసిందే. డిసెంబర్ 5వ తేదీ సాయంత్రంతో ప్రచారానికి శుభం కార్డు పడనుంది. ఈ నేపథ్యంలో ఎన్నికల అధికారులు పలు ఆంక్షలు విధించింది. ఓటు హక్కును తప్పకుండా ఉపయోగించుకోవాలని ఇప్పటికే ఈసీ అవగాహన కార్యక్రమాలు నిర్వహించిన సంగతి తెలిసిందే. ఈ నేపథ్యంలో పోల్ స్లిప్ లేకున్నా..ఎపిక్ లేకున్నా..ఓటేసే అవకాశం ఉందని ఈసీ అధికారులు వెల్లడించారు.

  • పాస్‌పోర్ట్ ..డ్రైవింగ్ లైసెన్స్..కేంద్ర, రాష్ట్ర ప్రభుత్వాలు, పీఎస్‌యూ, పబ్లిక్ లిమిటెడ్ కంపెనీల ఐడెంటిటీ కార్డులు చూపించి ఓటు వేయవచ్చని తెలిపింది. 
  • కార్మిక శాఖ జారీ చేసిన ఆరోగ్య బీమా స్మార్ట్ కార్డ్
  • ఎంఎన్‌ఆర్‌ఈజీఏ జాబ్ కార్డు
  • ఆధార్ కార్డు
  • బ్యాంకు లేదా పోస్ట్‌ ఆఫీస్ పాస్‌బుక్స్ (ఫోటో ఉండాలి)
  • ఎన్‌పీఆర్ ఆధ్వర్యంలో ఆర్‌జీఐ జారీ చేసిన స్మార్ట్ కార్డు
  • ఫోటోగ్రాఫ్‌తో పెన్షన్ డాక్యుమెంట్
  • ఎన్నికల అధికారులు జారీ చేసిన అధికారిక ఫోటో ఓటర్ స్లిప్..
  • ఎంపీలు, ఎమ్మెల్యేలు, ఎమ్మెల్సీలకు జారీ చేసిన ఐడెంటిటీ కార్డులు..
06:25 - December 5, 2018

> కొద్దిగంటల్లో మూగబోనున్నమైకులు...
చివరి రోజు గజ్వేల్‌లో కేసీఆర్ ప్రచారం..
ఖమ్మంలో బాబు..నల్గొండలో రాహుల్ ప్రచారం..
> డిసెంబర్ 7వ తేదీన పోలింగ్...
హైదరాబాద్ : కొద్ది గంటల్లో మైకులు మూగబోనున్నాయి...ప్రచార రథాలు షెడ్లకు పరిమితం కానున్నాయి...తెలంగాణ రాష్ట్రంలో డిసెంబర్ 7వ తేదీన పోలింగ్ జరుగనున్న నేపథ్యంలో ప్రచారం డిసెంబర్ 5వ తేదీ సాయంత్రం ముగియనుంది. దీనితో నేతలు ఓటర్లను ఆకట్టుకొనేందు సర్వశక్తులు ఒడ్డుతున్నారు. కొన్ని నియోజకవర్గాల్లో నాలుగు గంటలకు..మరికొన్ని నియోజకవర్గాల్లో సాయంత్రం 5గంటలకు ప్రచార కార్డుకు శుభం కార్డు పడనుంది. 
చివరి రోజు కావడంతో అన్ని పార్టీల అభ్యర్థులు వారి వారి నియోజకవర్గాల్లో మకాం వేసి ప్రచారం నిర్వహించనున్నారు. తెలంగాణ రాష్ట్ర అపద్దర్మ ముఖ్యమంత్రి కేసీఆర్..గజ్వేల్‌లో ప్రచారం చేయనున్నారు. మంత్రి కేటీఆర్ సిరిసిల్ల..చొప్పదండి నియోజకవర్గాల్లో..హరీష్ రావు సిద్ధిపేటలో ప్రచారం చేయనున్నారు. మరోవైపు ఏపీ సీఎం చంద్రబాబు నాయుడు, టీడీపీ జాతీయ అధ్యక్షుడు చంద్రబాబు నాయుడు ఖమ్మం జిల్లాలోని అశ్వరావుపేట..సత్తుపల్లి..కోదాడా నియోజకవర్గాల్లో కూటమి అభ్యర్థుల తరపున రోడ్ షో..సభలలో పాల్గొననున్నారు. ఏఐసీసీ అధ్యక్షుడు రాహుల్ గాంధీ నల్గొండ జిల్లాకు రానున్నారు. ఎన్నికల ప్రచారం ముగిసిన అనంతరం రాహుల్..బాబులు సంయుక్తంగా మీడియాతో మాట్లాడనున్నారు. మావోయిస్టు ప్రభావిత ప్రాంతాలైన సిర్పూర్..చెన్నూరు...బెల్లంపల్లి..మంచిర్యాల..ఆసిఫాబాద్..మంథని..భూపాలపల్లి...తదితర ప్రాంతాల్లో నాలుగు గంటలకు ప్రచారం ముగియనుంది. 

16:40 - December 2, 2018

హైదరాబాద్ : తనను చంపినా అబద్దాలు చెప్పనని..ఎన్నికల సమయంలో అబద్దాలు చెప్పకుండా నిజమే చెబుతానని..కాంగ్రెస్‌కు అధికారంలోకి రావడమే యావ తప్ప ఎలాంటి కమిట్ మెంట్ లేదని తెలంగాణ రాష్ట్ర అపద్దర్మ ముఖ్యమంత్రి కేసీఆర్ తెలిపారు. ఎన్నికల ప్రచారంలో భాగంగా ఆయన చేవెళ్లలో నిర్వహించిన ప్రజా ఆశీర్వాద సభలో మాట్లాడారు. 
కేసీఆర్‌కు నచ్చిన పథకం...
తెలంగాణ రాష్ట్ర ప్రభుత్వం అమలు చేస్తున్న పథకాల్లో తనకు అత్యంత నచ్చిన పథకం..రైతు బీమా అని తెలియచేశారు. తెలంగాణ రాష్ట్రాన్ని ఆంధ్రాలో కలిపింది కాంగ్రెసోళ్లు...కాంగ్రెసోళ్లు..ఢిల్లీకి గులాం అయితే..టీడీపోళ్లు..అమరావతికి గులాంలు..అయితే ఇక్కడి ప్రజలు ఎవరికి గులాంలు కావాలా ? ఇది అవసరమా ? అని ప్రశ్నించారు. పిచ్చి పిచ్చి ఆరోపణలు చేస్తున్న కాంగ్రెస్ నేతలు...తాను ఒక్క పైసా తినలేదని...తింటే బయట పెట్టాలంటే పెట్టడం లేదని...ఇక్కడ చేస్తున్న ప్రాజెక్టులపై బాబు కేసులు వేసినట్లు చెప్పిన కేసీఆర్...కూటమి గెలిస్తే శనేశ్వరం వస్తుందన్నారు. 
111 జీవో ఎత్తేస్తా...
గోదావరి..కృష్ణా నీరు బ్రహ్మండంగా తెచ్చుకుంటున్నటు హిమాయత్ సాగర్..ఉస్మాన్ సాగర్...కలుషితం కావొద్దని చర్యలు తీసుకోవడం జరుగుతోందన్నారు. అధికారంలోకి వచ్చిన ఆరు నెలల్లో 111 జీవో ఎత్తివేస్తామన్న గులాబీ దళాధిపతి చేవెళ్ల ప్రజలు అభివృద్ధి చెందుతారని ఆకాక్షించారు. వికారాబాద్...చేవెళ్లకు నీళ్లు వస్తాయని..కేసీఆర్ వెల్లడించారు. 
> కాంగ్రెస్ కూటమిలో ఉంటూ కాంగ్రెస్‌ని ఓడేయాలని బాబు అంటున్నాడు...ఏమైనా అయ్యిందా ?
కులం..మతం పిచ్చి లేకుండా ఓట్లేయాలి...
కాంగ్రెస్ నాయకులు దద్దమ్మలు...వారికి పనిచేతకాదు...
తెలంగాణను ఆంధ్రలో కలిపింది కాంగ్రెస్...
బాబును భుజాన మోసుకొస్తున్నారు..బాబు మనకు అవసరమా ? 

 

16:30 - December 2, 2018

రంగారెడ్డి : తెలంగాణ రాష్ట్ర అపద్ధర్మ ముఖ్యమంత్రి కేసీఆర్ నిర్వహిస్తున్న ఎన్నికల ప్రచార సభలో బిత్తిరిసత్తిగా పేరొందిన చేవెళ్ల రవి పాల్గొని స్పెషల్ అట్రాక్షన్‌గా నిలిచారు. కాంగ్రెస్ కూటమిలో ఉంటూ కాంగ్రెస్‌ని ఓడేయాలని బాబు అంటున్నాడని..ఏమైనా అయ్యిందా అంటూ కేసీఆర్ ఎద్దేవా చేశారు. కులం..మతం పిచ్చి లేకుండా ఓట్లేయాలని పిలుపునిచ్చారు. కాంగ్రెస్ నాయకులు దద్దమ్మలు...వారికి పనిచేతకాదు..తెలంగాణను ఆంధ్రలో కలిపింది కాంగ్రెస్ నేతలే..బాబును భుజాన మోసుకొస్తున్నారు..బాబు మనకు అవసరమా ? అంటూ ప్రశ్నించారు. 

15:42 - December 2, 2018

నాగర్ కర్నూలు : తెలంగాణ రాష్ట్ర ముఖ్యమంత్రి కేసీఆర్ ఏ సభకు వెళ్లినా అక్కడ నవ్వులు పూయిస్తున్నారు. తనదైన శైలిలో వ్యాఖ్యలు చేస్తూ హాస్యాన్ని పండిస్తున్నారు. ఎవరైనా నినాదాలు చేస్తుంటే..వారిని సుతిమెత్తంగా వారిస్తూ...సభ అయిపోయిన తరువాత..నీతో పాటు నేను అరుస్తా...సభ అయిపోని...ఎవరైనా దుంకుడు ప్రదర్శిస్తే...గిప్పుడే దుంకుడు వద్దు..నేను గజం ఎత్తు దుంకుతా...సభను డిస్ట్రబ్ చేయవద్దంటూ వారిస్తూ నవ్వులు పవ్వులు పూయిస్తున్నారు. నాగర్ కర్నూలు జిల్లాలో జరిగిన ప్రజా ఆశ్వీరాద సభలో కూడా ఇలాగే జరిగింది. 
బీజేపీ ఎందుకు చేయడం లేదు ? 
డిసెంబర్ 02వ తేదీ ఆదివారం జిల్లాకు వచ్చిన కేసీఆర్ బహిరంగసభలో మాట్లాడారు...ప్రతి మనిషి యొక్క రక్తనమూనాతో పాటు హెల్త్ రిపోర్టు...కంప్యూటరైజ్డ్ చేస్తామన్నారు. 19 రాష్ట్రాల్లో అధికారంలో ఉన్న బీజేపీ..తెలంగాణ రాష్ట్రంలో అమలవుతున్న పథకాలు ఎందుకు అమలు కావడం లేదని సూటిగా ప్రశ్నించారు. సంవత్సరానికి రెండు..మూడు లక్షల డబుల్ బెడ్ రూం ఇళ్లు నిర్మాణం చేసిస్తామని..ఖాళీ జాగాల్లో ఇంటి నిర్మాణం కోసం రూ. 5 లక్షల రూపాయల డబ్బు ఇస్తామని కాంగ్రెస్ చెబుతుంటే అప్పు లేకుండా అధికారంలోకి వస్తే తమ ప్రభుత్వం డబ్బు ఉచితంగా ఇస్తుందన్నారు. టిడిపి..కాంగ్రెస్ హాయాంలో 4, 316 కోట్ల పేదల అప్పు ఉంటే తాను మాఫీ చేయడం జరిగిందన్నారు. లబ్దిదారులకు సంబంధించిన విషయంలో పైరవీలు లేకుండా లాటరీ విధానం కొనసాగిస్తామన్నారు.
నాగర్‌‌కర్నూలులో ప్రతింటికి నీళ్లు...
కల్వకుర్తి కాల్వలో నీళ్లు చూసి బిర్యానీ తిన్న సంతోషం కలుగుతోందన్నారు. 3 - 4 వేల కుటుంబాలు రైతుబందు పథకం లబ్ది పొందుతున్నారని తెలిపారు. ఆడపిల్ల బిందె పట్టుకుని వెళితే పార్టీకి సంబంధించిన ఎమ్మెల్యే రాజీనామా చేయాలని హెచ్చరించడం జరిగిందని..మిషన్ భగీరథ పనులు వేగవంతంగా జరుగుతుందని చెప్పిన కేసీఆర్ త్వరలోనే నాగర్ కర్నూలులో ప్రతి ఇంటికి నల్లా కనెక్షన్ వస్తుందన్నారు. ప్రజల రక్షణ విషయంలో చాలా కఠినంగా వ్యవహరించినట్లు కేసీఆర్ వెల్లడించారు

15:26 - November 28, 2018

జహీరాబాద్ : టీపీసీసీ చీఫ్ ఉత్తమ్‌కి తెలివిలేదు..దద్దమ్మ అంటూ తెలంగాణ రాష్ట్ర అపద్దర్మ ముఖ్యమంత్రి కేసీఆర్ దెప్పిపొడిచారు. ఎన్నికల ప్రచారంలో భాగంగా టీఆర్ఎస్ జహీరాబాద్‌‌లో భారీ బహిరంగసభ జరిగింది. ఈ సభలో పాల్గొన్న కేసీఆర్ కాంగ్రెస్‌..హస్తం నేతలపై తీవ్ర విమర్శలు గుప్పించారు. ప్రాజెక్టుల విషయంలో చర్చించాలంటే అసెంబ్లీ నుండి కాంగ్రెస్ సభ్యులు పారిపోయారని ఎద్దేవా చేశారు. తెలంగాణ రాష్ట్ర అసెంబ్లీలో సాగునీళ్ల ప్రాజెక్టులపై పవర్ పాయింట్ ప్రజెంటేషన్ ఇస్తే కాంగ్రెస్ మాత్రం పారిపోయిందన్నారు. నిండు సభలో ప్రిపేర్ అయి రాలేదని..ఉత్తమ్ అన్నారని..మరి ఎందుకు వచ్చావు ? పేర్కొనడం జరిగిందన్నారు. ఇదంతా ప్రజల కళ్లదెట జరిగిన చరిత్ర అన్నారు.
ప్రజాస్వామ్యంలో అసెంబ్లీకి మించిన వేదిక లేదు...
> అసెంబ్లీని కాంగ్రెస్ నేతలు ఉపయోగించుకోలేపోయారు...                     
సెక్రటేరియట్‌లో పైరవీలను అరికట్టాం...                                           
కాంగ్రెస్ నేతలకు అభివృద్ధి చేసే తెలివిలేదు..                                    
ఎన్నో సంక్షేమ కార్యక్రమాలు తెలంగాణలో జరుగుతున్నాయి...            
కాంగ్రెస్ నేతలవి పసలేని ఆరోపణలు...                                          

సాగునీటి విషయంలో గోసపడ్డాం..మోసపోయాం...
గీతారెడ్డి..పీతారెడ్డి..ఇతరులు ఏవో ఏవో మాట్లాడుతున్నారని..ఉద్యమ సమయంలో మంత్రి పదవుల్లో వారంతా సేద తేరారని విమర్శించారు. బంగారు తెలంగాణను మద్రాసులో నెహ్రూ కలిపారని..ఏ ప్రాజెక్టు కట్టినా..ఆంధ్రకు మేలు చేసేదిలా ఉండేదన్నారు. ఎన్నో అక్రమాలు..అవినీతి కాంగ్రెస్ హాయంలో జరిగిందన్నారు. రాష్ట్ర ప్రజలపై ప్రేమ ఉంటే 2005 - 2006లో తెలంగాణ రాష్ట్రం ఇచ్చి ఉండాల్సిందన్నారు. తెలంగాణ రాష్ట్రంలో అప్పులు లేవని..నాలుగేళ్ల కాలంలో ఎన్నో సంక్షేమ కార్యక్రమాలు చేపట్టినట్లు కేసీఆర్ వెల్లడించారు.
టీఆర్ఎస్ వచ్చాక కుంభకోణాలు..అవినీతి లేదు...
మిషన్ భగీరథ ఎప్పుడైనా ఊహించామా ? 
ఇసుకపై పదేళ్లలో ఆదాయం రూ. 9.56 కోట్లు...
4ఏళ్లలో రూ. 2,057 కోట్ల ఆదాయం...
మైనార్టీల అభివృద్ధికి నిధులు కేటాయించాం...

Pages

Don't Miss

Subscribe to RSS - CM KCR