CM KCR

09:41 - May 21, 2018

ఒక పక్క మే నెల ముగింపుకొచ్చి ఖరీఫ్‌ సీజన్‌కు రోజులు దగ్గరపడ్డా.. తెలంగాణ ప్రభుత్వం ఖరీఫ్‌ ప్రణాళికను రూపొందించకపోవడంపై రైతు సంఘాలు మండిపడుతున్నాయి. విత్తనాలు, రుణాలు తదితర విషయాలపై ఒక ప్లానింగ్‌ను ఇప్పటివరకూ రూపొందించకపోవడంతో రైతులు ఇబ్బంది పడే అవకాశం ఉందని వారు మండిపడుతున్నారు. ఒక పెట్టుబడి సహాయం పనుల్లో ఉంటూ మిగతా పనులను నిర్లక్ష్యం చేయడం సరికాదని వారు ప్రభుత్వానికి సూచిస్తున్నారు. ఇదే అంశంపై మనతో మాట్లాడేందుకు తెలంగాణా రైతు సంఘం రాష్ర్ట అధ్యక్షుడు జంగారెడ్డి విశ్లేషణ, వివరాలను ఈ నాటి జనపథంలో తెలుసుకుందాం..

09:35 - May 21, 2018

నిర్మల్‌ : సారంగాపూర్, మామడ మండలాల్లో రైతుబంధు చెక్కులను మంత్రి ఇంద్రకరణ్ రెడ్డి పంపిణీ చేశారు. రైతులు ఆత్మవిశ్వాసంతో దర్జాగా బతకాలనే సదుద్దేశంతోనే సీఎం కేసీఆర్ ఈ రైతుబంధు పథకాన్ని ప్రవేశపెట్టారని ఇంద్రకరణ్‌రెడ్డి అన్నారు. రైతులకు ప్రతీ ఎకరానికీ రెండుపంటలకు కలిపి 8 వేల రూపాయలు పంపిణీ చేస్తున్నట్లు ఆయన తెలిపారు. రాబోయే రోజుల్లో బ్యాంకుల నుండి రుణాలు తీసుకోకుండా పంటలను పండించడమే ధ్యేయంగా ప్రభుత్వం పని చేస్తుందన్నారు.

08:01 - May 18, 2018

రాజన్నసిరిసిల్ల : టీఆర్‌ఎస్‌ ఎమ్మెల్యే చెన్నమనేని రమేష్‌ తన ఇంటి స్థలాన్ని కబ్జా చేయడానికి ప్రయత్నిస్తున్నాడని వేములవాడకు చెందిన బొల్లినేని వేంకటేశ్వర్‌రావు మున్సిపల్‌ కార్యలయంలో ధర్నాకు దిగారు.  తన భూమి ఎల్‌ఆర్ఎస్‌ ప్రొసిడింగ్‌ పత్రాలను ఇవ్వకుండా ఎమ్మెల్యే మున్సిపల్‌ అధికారులపై ఒత్తిడి తెస్తున్నాడని ఆరోపించారు. కష్టపడి సంపాదించిన డబ్బుతో ఇంటి స్థలాన్నికొనుగోలు చేస్తే ఎమ్మెల్యే తన ఇంటి రహదారి కోసం భూమిని స్వాధీనం చేసుకోవాలని చూస్తున్నాడని వేంకటేశ్వర్‌రావు ఆవేదన వ్యక్తం చేశారు.
మున్సిపల్‌ కార్యాలయంలో ధర్నాకు దిగిన బొల్లినేని వేంకటేశ్వర్‌రావు
రాజన్న సిరిసిల్ల జిల్లా వేములవాడకు చెందిన బొల్లినేని వేంకటేశ్వర్‌రావు అనే వ్యక్తి మున్సిపల్‌ కార్యాలయం ముందు ధర్నాకు దిగారు. మున్సిపల్‌ అధికారులు తన ఇంటి ఎల్‌ఆర్‌ఎస్ ప్రొసిడింగ్‌ పత్రాలను ఇవ్వటం లేదని ఆందోళన చేపట్టారు. కుటుంబ సభ్యులతో కలిసి ధర్నా చేపట్టారు.  టీఆర్‌ఎస్‌ ఎమ్మెల్యే చెన్నమనేని రమేష్‌  తన నివాస ఇంటి పక్కన ఉన్న భూమిని కబ్జా చేసేందుక ప్రయత్నిస్తున్నారిని ఆయన ఆరోపించారు. సర్వే నెంబర్‌ 1380,1381, 1382, 1384లలో తనకు  6 గుంటల భూమి ఉందన్నారు. ఆ భూమిని ఎమ్మెల్యే  తన ఇంటికి రోడ్డుగా మార్చుకోవడానికి   వెంకటేశ్వర్‌రావు మండిపడుతున్నారు. తన భూమికి సంబంధించిన ఎల్‌ఆర్‌ఎస్ ప్రొసిడింగ్‌ పత్రాలను ఇవ్వకుండా.. ఎమ్మెల్యే మున్సిపల్ అధికారులపై ఒత్తిడి తెస్తున్నాడని ఆయన ఆరోపించారు. 
ఇంటి స్థలాన్ని నా భార్య లావణ్య పేరున రిజిస్టేషన్‌ చేయించా : వెంకటేశ్వర్‌రావు
ఇంటి స్థలాన్ని 5 సంవత్సరాల క్రితం.. ఎంతో కష్టపడి సంపాదించిన డబ్బుతో కొనుగోలు చేసినట్టు బాధితుడు తెలిపారు. ఈ భూమిని తన  భార్య లావణ్య పేర రిజిస్టేషన్ చెయించానని వెంకటేశ్వర్‌రావు చెప్పారు. లేఅవుట్ రెగ్యూలరైజేషన్‌ ప్రొసిడింగ్‌.. అలాగే ఎల్‌ఆర్‌ఎస్ రెగ్యులరైజేషన్‌ల కోసం మున్సిపాల్టీకి లక్ష 15 వేలు చెల్లించానని తెలిపారు. మున్సిపల్‌ అధికారులు ఎల్‌ఆర్‌ఎస్ కాగితాలను తయారు చేసి.. తనకు ఇచ్చే సమయంలో ఎమ్యేల్యే రమేష్ బాబు అడ్డుపుల్ల వేశారని ఆయన ఆరోపిస్తున్నారు.  మున్సిపల్‌ అధికారులు కుంటి సాకులు చెపుతూ.. కార్యాలయం చుట్టూ తిప్పించుకుంటున్నారని వాపోయారు.  అధికారుల తీరుతో విసుగు చెందే.. కుటుంబంతో కలిసి ధర్నాకు దిగనని వెంకటేశ్వర్‌రావు స్పష్టం చేశారు. మున్సిపల్‌ చైర్మన్ నామాల ఉమ భర్త లక్ష్మిరాజం తనకు ఫోన్‌ చేసి 5 లక్షలు ఇస్తే ప్రొసిడింగ్‌ కాగితాలు ఇస్తానని... లేకపోతే కాగితాలు రాకుండా చేస్తానని బెదిరించాడని ఆయన ఆరోపించారు. 
ఎల్‌ఆర్‌ఎస్‌ కాగితాలు ఇవ్వకుంటే ఆత్మహత్య చేసుకుంటా: బాధితుడు
వేంకటేశ్వర్‌రావు ఆందోళనకు దిగడంతో పోలీసులు అరెస్ట్‌ చేయడానికి ప్రయత్నించారు. అదే సమయంలో మీడియా అక్కడికి చేరుకోవడంతో పోలీసులు అరెస్ట్‌ ప్రయత్నాన్ని  విరమించుకున్నారు. ఎల్‌ఆర్‌ఎస్‌ పత్రాలు ఇస్తేనే ఆందోళన విరమిస్తానని పోలీసులకు స్పష్టం చేశారు.  తనకు ఎల్‌ఆర్‌ఎస్‌  పత్రాలు ఇవ్వకుంటే మున్సిపల్‌ కార్యాలయం ముందే ఆత్మహత్య చేసుకుంటానని బాధితుడు హెచ్చరించారు. ఈ విషయంపై మున్సిపల్‌ కమిషనర్‌ను వివరణ కోరగా.. ఎస్‌ఆర్ఎస్‌ ప్రొసిడింగ్‌ ఇవ్వడానికి అన్ని లీగల్‌ కాగితాలు ఉన్నాయని.. కేవలం ఎమ్మెల్యే  ఇవ్వవద్దని ఒత్తిడి చేయడంతోనే ఆపామని స్పష్టం చేశారు.  అయితే ఈ మాటలను కమిషనర్ మీడియా ముందు చెప్పాడానికి ఇష్టపడలేదు. ఇప్పటికైనా తనకు న్యాయం చేయాలని బాధితుడు ప్రభుత్వాన్ని కోరుతున్నారు.

 

07:48 - May 18, 2018

హైదరాబాద్ : తెలంగాణలో పంచాయతీ ఎన్నికలు గడువు ముగిసేలోపు పూర్తవుతాయా ? ప్రభుత్వం పంచాయతీ ఎన్నికలపై ఏమనుకుంటోంది? పంచాయతీ ఎన్నికలపై గులాబీ నేతల అభిప్రాయం ఏంటి? సార్వత్రిక ఎన్నికలకు ముందు పంచాయతీ సమరానికి వెళ్లడం టీఆర్‌ఎస్‌కు లాభమా..? ఇంతకూ గులాబీబాస్‌ పంచాయతీ ఎన్నికలపై రచిస్తున్న వ్యూహమేంటి..? వాచ్‌ దిస్‌ స్టోరీ.
రెండు నెలల్లో ముగియనున్న సర్పంచ్‌ల పదవీకాలం
తెలంగాణలో మరో రెండు నెలల్లోపే గ్రామ పంచాయతీల సర్పంచ్‌ల పదవీకాలం ముగియనుంది. దీంతో షెడ్యూల్‌ ప్రకారం ఎన్నికలు జరిపేందుకు అధికారయంత్రాంగం సిద్ధం అవుతోంది. గడువు ముగిసేలోగా ఎన్నికలు జరిపితే జూలై  మొదటికానీ... లేదంటే రెండో వారంలోపు ఎన్నికలు నిర్వహించాల్సి ఉంటుంది. అయితే ఎన్నికలు నిర్వహిస్తామని కేసీఆర్‌ పదేపదే చెబుతున్నా.. అధికారపార్టీలో జరుగుతున్న చర్చతో అసలు పంచాయతీ ఎన్నికలు జరుగుతాయా లేదా అన్న అనుమానాలు కలుగుతున్నాయి.
పంచాయతీ ఎన్నికలకు వెనకడుగు వేస్తున్న టీఆర్‌ఎస్ నాయకత్వం
ప్రభుత్వం ఈ మధ్య ప్రవేశపెట్టిన రైతుబంధు పథకంలో గ్రామాల్లో వాతావరణం టీఆర్‌ఎస్‌కు అనుకూలంగా మారిందన్న భావన టీఆర్‌ఎస్‌ నేతల్లో వ్యక్తమవుతోంది. దీంతో ఇప్పుడే ఎన్నికలు జరిపితే ఫలితాలు పూర్తిగా ఏకపక్షంగా వస్తాయన్న అంచనాను పార్టీ ముఖ్యనేతలు వేస్తున్నారు. ఇటీవలే 4300 తండాలను గ్రామ పంచాయతీలుగా ప్రభుత్వం మార్చింది. గిరిజనులు ఎన్నో ఏళ్లుగా ఉన్న డిమాండ్‌ను కేసీఆర్‌ నెరవేర్చడంతో అక్కడ కూడా అనుకూల ఫలితాలే వస్తాయన్న ధీమా గులాబీ నేతల్లో కనిపిస్తోంది. ఇదే మూడ్‌లో పంచాయతీ ఎన్నికలు జరిపితే టీఆర్‌ఎస్‌కు తిరుగుండదని గులాబీబాస్‌ కూడా యోచిస్తున్నట్టు తెలుస్తోంది. పంచాయతీ ఎన్నికలకు గులాబీబాస్‌ సిద్ధంగా ఉన్నా.... ఎమ్మెల్యేలు, నియోజకవర్గ స్థాయి నేతలు వెనుకడుగు వేస్తున్నట్టు తెలుస్తోంది. రైతుబంధు పథకంతో క్షేత్రస్థాయిలో క్రియేట్‌ అయిన మూడ్‌ను సార్వత్రిక ఎన్నికల వరకు కొనసాగించాలంటే.. పంచాయతీ ఎన్నికలకు తొందరపడవద్దనే అభిప్రాయం నేతల్లో వ్యక్తమవుతోంది. పంచాయతీ ఎన్నికలకు వెళ్తే గ్రామాల్లో గ్రూపు రాజకీయాలు పెరిగి.... అవి పార్టీకి లాభం కంటే నష్టాన్నే తీరుకొస్తాయని భావిస్తున్నారు. ఇదే విషయాన్ని కొంతమంది నేతలు ముఖ్యమంత్రి దృష్టికి కూడా తీసుకెళ్లినట్టు తెలుస్తోంది.
పంచాయతీ ఎన్నికల తర్వాత ఎంపీటీసీ, జెడ్పీటీసీ ఎన్నికలు
పంచాయతీ ఎన్నికలు పూర్తయితే... ఆ వెంటనే ఎంపీటీసీ, జెడ్పీటీసీ ఎన్నికలు కూడా నిర్వహించాల్సి ఉంటుంది. దీంతో ఇప్పుడు పంచాయతీ ఎన్నికలకు వెళ్లకుంటేనే మంచిదన్న అభిప్రాయం నేతల్లో వ్యక్తమవుతోంది.  రైతుబంధు కార్యక్రమం ముగిసిన తర్వాత.. కేసీర్‌ ఎమ్మెల్యేల అభిప్రాయాన్ని తీసుకునే అవకాశం కనిపిస్తోంది. 

 

17:07 - May 17, 2018

హైదరాబాద్ : స్పోర్ట్స్ కోటా..తప్పుడు ధృవపత్రాలతో మెడికల్ సీట్లు...అధికారులు చేతివాటానికి పాల్పడడంతో అర్హులైన విద్యార్థులకు నష్టం కలుగుతుందని టెన్ టివి ప్రసారం చేసిన కథానికి తెలంగాణ రాష్ట్ర ప్రభుత్వం నుండి స్పందన వచ్చింది. ఏకంగా ఏసీబీ విచారణకు ఆదేశిస్తున్నట్లు సీఎం కేసీఆర్ వెల్లడించారు. తప్పుడు ధృవపత్రాలతో స్పోర్ట్స్ కోటాలో మెడికల్ సీట్లు సంపాదించారని, స్పోర్ట్స్ కోటాను అక్రమంగా దుర్వినియోగం చేశారని ఆరోపణలున్నాయి. మరింత సమాచారం కోసం వీడియో క్లిక్ చేయండి. 

18:47 - May 16, 2018

హైదరాబాద్ : ఉద్యోగ సంఘాల నేతలతో సీఎం కేసీఆర్ సమావేశమయ్యారు. ఉద్యోగులు ప్రతిపాదించిన 18 డిమాండ్లపై కేసీఆర్ చర్చిస్తున్నారు. కాగా గతకొద్దిరోజుల క్రితం మంత్రి వర్గ ఉప సంఘంతో భేటీ అయి పలు సమస్యలపై చర్చించి 18 డిమాండ్లను ప్రభుత్వం ముందు ఉద్యోగ సంఘాలు వుంచాయి. పలు చర్చల అనంరం మంత్రివర్గ ఉపసంఘం సీఎం కేసీఆర్ కు నివేదికను అందజేసింది. ఈ నేపథ్యంలో సీఎం కేసీఆర్ ఉద్యోగ సంఘాల నేతలకు చర్చలకు ఆహ్వానించారు. అనంతరం కేవలం 10మంది ఉద్యోగులను మాత్రమే చర్చలకు కేసీఆర్ అనుమతించారు. 

07:51 - May 16, 2018

హైదరాబాద్ : తెలంగాణ ముఖ్యమంత్రి కేసీఆర్‌ ఇవాళ ఉద్యోగ సంఘాలతో భేటీ కానున్నారు. ప్రగతిభవన్‌లో ఉద్యోగ, ఉపాధ్యాయ, ఆర్టీసీ సంఘాలతో వారి సమస్యలపై చర్చించనున్నారు. డిమాండ్ల పట్ల ప్రభుత్వ వైఖరిని స్పష్టం చేయనున్నారు. మరోవైపు తమ డిమాండ్లపై కేసీఆర్‌ ఎలా స్పందిస్తారోనని ఉద్యోగులు ఉత్కంఠగా ఎదురు చూస్తున్నారు.
ఉద్యోగుల డిమాండ్లపై చర్చించనున్న కేసీఆర్‌ 
ఉద్యోగ, ఉపాధ్యాయ, ఆర్టీసీ సంఘాలతో ముఖ్యమంత్రి కేసీఆర్‌ ఇవాళ ప్రగతి భవన్‌లో సమావేశం కానున్నారు. ఉద్యోగుల డిమాండ్లపై చర్చించనున్నారు. నేరుగా ముఖ్యమంత్రే ఉద్యోగ, ఉపాధ్యాయ, ఆర్టీసీ సంఘాల నేతలతో చర్చలు జరుపుతారు. వారి సమస్యలు తెలుసుకుని ప్రభుత్వ వైఖరిని స్పష్టం చేస్తారు. ఉద్యోగుల సమస్యలపై కేసీఆర్‌ ఇప్పటికే కేబినెట్‌ సబ్‌కమిటీ ఏర్పాటు చేశారు. ఆ కమిటీ ఇప్పటికే ఉద్యోగులు, ఉపాధ్యాయులు, ఆర్టీసీ కార్మిక సంఘాలో చర్చలు జరిపింది. చర్చల సారాంశాన్ని నివేదిక రూపంలో కేసీఆర్‌కు అందజేసింది. 
ప్రభుత్వం ముందు ఉద్యోగుల 18 ప్రధాన డిమాండ్లు
1. పాత పెన్షన్‌ విధానాన్ని అమలు చేయడం
2. కొత్త పీఆర్సీని అమలు చేయడం
3. ఉద్యోగుల బదిలీలు చేపట్టడం
4. ఏకీకృత సర్వీస్‌ రూల్స్‌ అమలు చేయడం
5. రిటైర్మెంట్‌ వయసు 58 నుంచి 60 ఏళ్లకు పెంచడం
7. ఉద్యోగులకు శాఖల వారీగా ప్రమోషన్లు చేపట్టడం
8.ఏపీలోని తెలంగాణ ఉద్యోగులను రప్పించడం
9. కొత్త జిల్లాల్లో ఆర్డర్‌ టూ సర్వ్‌ పేరుతో పని చేస్తున్న వారిని పర్మినెంట్‌ చేసి, హెచ్ ఆర్ ఏ పెంచడం
10.కాంట్రాక్ట్‌ , ఔట్‌ సోర్సింగ్‌ కార్మికుల వేతనాలు  పెంచడం
తమ డిమాండ్లపై సీఎంతో చర్చించనున్న ఉద్యోగులు
ఉద్యోగులు ప్రధానంగా ప్రభుత్వం ముందు 18 ప్రధాన డిమాండ్లు పెడుతున్నారు.  అందులో మొదటిది సీపీఎస్‌ విధానం. పాత పెన్షన్‌ స్కీమ్‌నే అమలు చేయాలని ఉద్యోగులు కోరుతున్నారు.  ఇక రెండోది కొత్త పీఆర్సీ ఏర్పాటు చేయడం. మూడోది ఉద్యోగుల బదిలీలు. ఇక నాలుగోది ఏకీకృత సర్వీస్‌ రూల్స్‌ అంశం. వీటితోపాటు ఉద్యోగుల రిటైర్మెంట్‌ వయసు 58 ఏళ్ల నుంచి 60 ఏళ్లకు పెంచడం... ప్రమోషన్లు, ఏపీలోని తెలంగాణ ఉద్యోగులను తిరిగిరప్పించడంలాంటి డిమాండ్‌ ఉన్నాయి. అంతేకాదు.. కొత్త జిల్లాలో ఆర్డర్‌ టూ సర్వ్‌ పేరుతో పనిచేస్తున్న వారిని పర్మినెంట్‌ చేసి..వారి  హెచ్‌ఆర్‌ఏ పెంచడం, కాంట్రాక్ట్‌, ఔట్‌సోర్సింగ్‌ కార్మికుల వేతనాలు పెంచడం కూడా వీరి డిమాండ్లలో ప్రధానమైంది.  ప్రభుత్వం తొలగించిన కాంట్రాక్ట్‌, ఔట్‌సోర్సింగ్‌ ఉద్యోగులను తిరిగి తీసుకోవాలనే డిమాండ్‌ను కూడా ఉద్యోగ సంఘాలు లేవనెత్తుతున్నాయి. ఉపాధ్యాయులు, ఆర్టీసీ కార్మికులు కూడా తమ డిమాండ్లపై సీఎంతో చర్చించనున్నారు.
నివేదికపై అధికారులతో చర్చించిన సీఎం కేసీఆర్‌
మంత్రివర్గ ఉపసంఘం అందజేసిన నివేదికపై  సీఎం కేసీఆర్‌.. సీఎస్‌, ఆర్థికశాఖ ముఖ్య కార్యదర్శి, జీఏడీ, న్యాయశాఖ అధికారులతో చర్చించారు. ఏఏ సమస్యలను పరిష్కరించగలం, సర్కార్‌పైన ఎంత భారం పడుతుంది, న్యాయపరమైన చిక్కులు ఏమైనా ఉన్నాయా అనే అంశాలపై అధికారులతో  చర్చించారు. వచ్చే సాధారణ ఎన్నికలను దృష్టిలో ఉంచుకోని సీఎం సమస్యలపై ఓ నిర్ణయం తీసుకొనే అవకాశం ఉన్నట్లు సచివాలయ వర్గాలు చెపుతున్నాయి.  ఉద్యోగ, ఉపాధ్యాయ, ఆర్టీసీ కార్మికులతో చర్చలు జరిపిన తర్వాత సీఎం ప్రకటన చేసే అవకాశం ఉన్నట్లు తెలుస్తోంది. ఉద్యోగ సంఘాలో చర్చల్లో ప్రభుత్వం ఏం తేల్చుతుందన్న దానిపై ఉద్యోగుల్లో ఉత్కంఠ నెలకొంది. సీఎం ప్రకటన కోసం వారంతా ఆసక్తిగా ఎదురు చూస్తున్నారు.
 
 

 

08:38 - May 15, 2018

కాంట్రాక్టు ఉద్యోగుల సమస్యలు పరిష్కరించాలని వక్తలు డిమాండ్ చేశారు. ఇవాళ్టి జనపథం చర్చా కార్యక్రమంలో కాంట్రాక్టు అధ్యాపకుల సంఘం నాయకులు సురేష్, స్టేట్ అసోసియేట్ ప్రెసిడెండ్ శోభన్ బాబు పాల్గొని, మాట్లాడారు. మరిన్ని వివరాలను వీడియోలో చూద్దాం.. 

 

07:53 - May 15, 2018

హైదరాబాద్ : తెలంగాణ ప్రభుత్వం ప్రతిష్ఠాత్మకంగా అమలు చేస్తున్న రైతుబంధు పథకం జోరుగా కొనసాగుతోంది. గ్రామ గ్రామాన లబ్ధిదారులైన రైతులకు  పెట్టుబడి సాయం కింద చెక్కులు అందజేస్తున్నారు. మంత్రులు, ఎంపీలు, ఎమ్మెల్యేలు, ఎమ్మెల్సీలు, ఇతర  ప్రజాప్రతినిధులు అన్నదాతలకు చెక్కులతోపాటు పట్టాదారు  పాసుపుస్తకాలు పంపిణీ చేస్తున్నారు.  రైతుబంధు పథకం చెక్కులతో రైతులు బీర్లు తాగుతున్నారని బీజీపీ నేతలు అనడాన్ని హరీశ్‌రావు తీవ్రంగా తప్పుపట్టారు. తెలంగాణలో రైతుబంధు పథకం చెక్కుల పంపిణీ కార్యక్రమం కొనసాగుతోంది. గ్రామ గ్రామన సభలు, సమావేశాలు ఏర్పాటుచేసి చెక్కులు, పాసుపుస్తకాలను రైతులకు పంపిణీ చేస్తున్నారు. 

సంగారెడ్డి జిల్లా మనూరులో జరిగిన రైతుబంధు చెక్కులు పంపిణీ కార్యక్రమంలో నీటిపారుదల శాఖ మంత్రి హరీశ్‌రావుతోపాటు పలువురు ప్రజాప్రతినిధులు పాల్గొన్నారు. ఖరీఫ్‌ సాగుకు పెట్టుబడి సాయం కింద ఎరానికి 4 వేల చొప్పున చెక్కులతోపాటు పట్టాదారు పాసుపుస్తకాలు పంపిణీ చేశారు. రైతుబంధు పథకం చెక్కులతో రైతులు బీర్లు తాగుతున్నారంటూ బీజీపీ రాష్ట్ర అధ్యక్షుడు లక్ష్మణ్‌ అనడాన్ని హరీష్‌రావు తీవ్రంగా తప్పుపట్టారు. ఇది అన్నదాతలను అవమానించమేనని ఆయన అన్నారు. 

వరంగల్‌ అర్బన్‌ జిల్లా భీమదేవరపల్లి మండలం మల్లారంలో  నిర్వహించిన రైతుబంధు  పథకం చెక్కుల  పంపిణీ కార్యక్రమంలో ఉపముఖ్యమంత్రి కడియం శ్రీహరి పాల్గొన్నారు. పెట్టుబడి సాయం పథకం దేశానికే ఆదర్శమన్నారు. రైతుబంధు పథకాన్ని బీజేపీ, కాంగ్రెస్‌ నాయకులు అపహాస్యం చేస్తున్నారని కడియం మండిపడ్డారు. 
మహబూబ్‌నగర్‌ జిల్లా భూత్పూర్‌లో  నిర్వహించిన రైతుబంధు చెక్కులు, పట్టాదారు పాసుపుస్తకాల పంపిణీ కార్యక్రమంలో మంత్రి కేటీఆర్‌, ఎమ్మెల్యే శ్రీనివాస్‌గౌడ్‌ తదితరలు పాల్గొన్నారు. అద్భుతమైన రైతుబంధు కార్యక్రమాన్ని విపక్షాలు అపహాస్యం చేస్తున్నాయని కేటీఆర్‌ మండిపడ్డారు. 

జగిత్యాల జిల్లా కోరుట్ల నియోజవర్గంలోని పలు గ్రామాల్లో జరిగిన రైతుబంధు చెక్కుల పంపిణీ కార్యక్రమంలో ఎమ్మెల్యే విద్యాసాగర్‌రావుతోపాటు ఎంపీ కవిత తదితరులు పాల్గొన్నారు. దేశంలో ఏ రాష్ట్రంలో ఎన్నికలు జరిగినా తెలంగాణ రైతుబంధు పథకం గురించి అన్నదాతలు డిమాండ్‌ చేసే పరిస్థితి వస్తుందని ఈ సందర్భంగా కవిత చెప్పారు. 

యాదాద్రి భువనగిరి జిల్లా యాదగిరిగుట్ట మండలం పెద్దకందుకూరులో రైతుబంధు పథకం చెక్కుల పంపిణీ కార్యక్రమం జరిగింది. భువనగిరి ఎంపీ బూరనర్సయ్యగౌడ్‌ పాల్గొని రైతులకు చెక్కులు, పట్టాదారు పాసుపుస్తకాలు పంపిణీ చేశారు.

మేడ్చల్‌ జిల్లా శామీర్‌పేట మండలం అద్రాస్‌పల్లిలో ఎమ్మెల్యే సుధీర్‌రెడ్డి ఆధ్వర్యంలో రైతుబంధు చెక్కులు, పట్టాదారు పాసుపుస్తకాల పంపిణీ కార్యక్రమం జరిగింది. సంగారెడ్డి జిల్లా పటాన్‌చెరు మండలం గణపూర్‌పాటి నందిగామ గ్రామంలో ఎమ్మెల్యే మహిపాల్‌రెడ్డి ఆధ్వర్యంలో చెక్కులు, పట్టాదారు పాసుపుస్తకాలు పంపిణీ చేశారు. నిజామాబాద్‌ జిల్లా డిచ్‌పల్లి మండలం మెంట్రాజ్‌పల్లిలో జరిగిన రైతుబంధు చెక్కులు, పట్టాదారు పాసుపుస్తకాల పంపణీ కార్యక్రమంలో ఎమ్మెల్యే బాజిరెడ్డిగోవర్ధన్‌తోపాటు ఎమ్మెల్సీ గంగాధర్‌గౌడ్‌ పలువురు ప్రజాప్రతినిధులు, అధికారులు పాల్గొన్నారు. పెద్దపల్లి జిల్లా సుల్తానాబాద్‌ మండలం పూసాల గ్రామంలో ఎంపీ బాల్కసుమన్‌, ఎమ్మెల్యే దాసరి మనోహర్‌రెడ్డి ఆధ్వర్యంలో జరిగిన కార్యక్రమంలో రైతులకు చెక్కులు పాసుపుస్తకాలు పంపిణీ చేశారు. రైతుబంధు పథకం కింది చెక్కులు అందుకొన్న రైతులు.. వీటిని మార్చుకునేందుకు బ్యాంకుల్లో ప్రత్యేక ఏర్పాట్లు చేశారు. 
-----------------------------------------------------------------

19:03 - May 14, 2018

కరీంనగర్ : బీజేపీపై మంత్రి హరీష్‌రావు ఫైర్‌ అయ్యారు. రైతులు ఏ కష్టం లేకుండా పంటలు పండించాలని కేసీఆర్‌ రైతు బంధు పథకం పేరుతో సాయం చేస్తుంటే... ఆ డబ్బుతో రైతులు బీర్లు తాగుతున్నారని ఆరోపించడం ఎంతవరకు సబబు అని ప్రశ్నించారు. రైతులకు బీజేపీ నేతలు వెంటనే క్షమాపణలు చెప్పాలని హరీష్‌రావు డిమాండ్‌ చేశారు. 

Pages

Don't Miss

Subscribe to RSS - CM KCR