Congress

15:03 - November 20, 2018

హైదరాబాద్: రాష్ట్రంలో నామినేషన్ల పర్వం సోమవారంతో ముగిసింది. అభ్యర్ధులు తమతమ నియోజకవర్గాల్లో ప్రచారం ముమ్మరం చేసారు. కానీ హైదరాబాద్ పాతబస్తీలో పోలీసులు తీరుపై ఎన్నికల్లో పోటీ చేస్తున్న కొందరు అభ్యర్ధులు అభ్యంతరం వ్యక్తం చేస్తున్నారు. టీఆర్ఎస్,మజ్లిస్ పార్టీ అభ్యర్ధులు ఇక్కడ రెండు నెలల నుంచి ప్రచారం నిర్వహిస్తుండగా బీజేపీ,ప్రజాకూటమి తమ అభ్యర్ధులను ఇటీవలే ప్రకటించాయి. కాగా....చాంద్రాయణగుట్ట నియోజకవర్గంలో ప్రజాకూటమి కాంగ్రెస్ పార్టీ అభ్యర్ధి ఈసామిస్రీ ని పార్టీ ఇటీవలే ప్రకటించింది. ఆయన తాను ప్రచారం నిర్వహించుకోటానికి అనుమతివ్వవలసిందిగా చాంద్రాయణగుట్ట, కాంచన్ బాగ్ పోలీసుల అనుమతి కోరారు. ఐతే అదే ప్రాంతంలో మజ్లిస్ పార్టీ ప్రచారం జరుగుతున్నందున అనుమతివ్వలేమని పోలీసులు నిరాకరించారు. పోలీసుల అనుమతి లేకుండా ప్రచారం నిర్వహించటానికి వీల్లేదంటూ మిస్రీని గత ఆరు రోజులుగా ప్రచారం చేసుకోనీకుండా పోలీసులు అడ్డుకుంటున్నారు. పోనీ నియోజక వర్గంలో ఎక్కడ ప్రచారం చేసుకోవాలో చెప్పండని అనుమతి కోరుతున్నా పోలీసులు మజ్లిస్ పార్టీ అభ్యర్ధి ప్రచారం బందోబస్తులో బిజీగా ఉన్నాం అని చెప్పి ఆయన దరఖాస్తును తిరస్కరిస్తున్నారు. గత్యంతరం లేని పరిస్ధితుల్లో ఈసామిస్రీ రాష్ట్ర ఎన్నికలకమీషన్ కు, బండ్లగూడ ఎమ్మార్వోకు ఫిర్యాదు చేశారు. ఇదే పరిస్ధితి చార్మినార్ కాంగ్రెస్ పార్టీ అభ్యర్ధి మహమ్మద్ గౌస్ కూడా ఎదుర్కొంటున్నారు.

15:00 - November 19, 2018

సిద్ధిపేట: టీఆర్ఎస్ నేతలు ఎన్నికల ప్రచారాన్ని ముమ్మరం చేశారు. అదే సమయంలో విపక్షాలపై మాటల దాడిని పెంచారు. గజ్వేల్‌లో టీఆర్ఎస్ నేత హరీష్ రావు ఎన్నికల ప్రచారం నిర్వహించారు. సిద్ధిపేట జిల్లా టీఆర్ఎస్‌కు కంచుకోట అని అన్నారు. జిల్లాలో ప్రతిపక్షాలకు డిపాజిట్లు కూడా రావని, రాష్ట్రంలో కాంగ్రెస్ సింగిల్ డిజిట్‌కే పరిమితం కానుందని జోస్యం చెప్పారాయన. చంద్రబాబుతో చేతులు కలిపిన వారి పరిస్థితి అంతే అని చెప్పారు. కూటమిలో కోదండరామ్‌కే సీటు లేకుండా చేశారని హరీష్ విమర్శించారు. కూటమిలో ఎవరికీ ఎవరిపై నమ్మకం లేదన్నారు.

15:37 - November 18, 2018

హైదరాబాద్ : తెలంగాణ రాష్ట్ర శాసనసభ ఎన్నికల్లో టీ.కాంగ్రెస్ 94 స్థానాల్లో పోటీ చేయనుంది. మహాకూటమిలో భాగంగా సీపీఐ, టీటీడీపీ, తెలంగాణ జనసమితికి పలు స్థానాలను కేటాయించింది. కూటమి పొత్తులో భాగంగా 94 స్థానాలకు పోటీ చేస్తున్న కాంగ్రెస్ శనివారం వరకూ 88 నియోజకవర్గాలకు అభ్యర్థులను ప్రకటించింది. మరో ఆరు స్థానాలకు అభ్యర్థులను ఖరారు చేయాల్సి ఉంది. సోమవారం నామినేషన్‌లు దాఖలు చేయడానికి చివరి గడువు. 
కాంగ్రెస్ ఇప్పటి వరకు విడుదల చేసిన జాబితాల్లో మహిళలకు 11 మందికి అవకాశం కల్పించారు. ఏడు స్థానాల్లో మైనార్టీ అభ్యర్థులను పోటీ చేయిస్తుండడం విశేషం. 

  • 12 ఎస్టీ నియోజకవర్గాల్లో పదింటిలో కాంగ్రెస్, ఒక చోట టీడీపీ,  మరోస్థానం నుండి సీపీఐ పోటీ చేస్తున్నాయి. 
  • 19 ఎస్సీ రిజర్వుడు స్థానాలకు గాను రెండు స్థానాల్లో మిత్రపక్షమైన టీజేఎస్, ఒక స్థానంలో సీపీఐ, మిగిలిన 16 స్థానాల్లో కాంగ్రెస్ పోటీ చేస్తున్నాయి. 
    కూటమిలో ఎవరికెన్నిసీట్లు
మొత్తం స్థానాలు  119
కాంగ్రెస్  94
టీడీపీ  14
టీజేఎస్  8
సీపీఐ  3
ప్రకటించాల్సివని  కాంగ్రెస్ 6, టీడీపీ 1, టీజేఎస్ 2
11:42 - November 17, 2018

హైదరాబాద్ : కాంగ్రెస్ అభ్యర్థుల మూడో జాబితా విడుదల అయింది. 13 మందిలో కాంగ్రెస్ జాబితా విడుదల చేశారు. మూడో జాబితాలో పిసీసీ మాజీ చీఫ్ పొన్నాల లక్ష్మయ్యకు చోటు లభించింది. ఒకటి, రెండో జాబితాలో పోన్నాలకు సీటు దక్కలేదు. దీంతో హుటాహుటిన పొన్నాల ఢిల్లీ వెళ్లి కాంగ్రెస్ అదిష్టానంతో మంతనాలు జరిపారు. జనగామ సీటు విషయమై రాహుల్‌ను కలిశారు. అయితే పొత్తుల్లో భాగంగా జనగామ సీటు కూటమిలోని మిత్రులకు కేటాయించామని...కోదండరాంతో మాట్లాడుకోవాలని సూచించారు. దీంతో రంగంలోకి  ఉత్తమ్ కుమార్, కుంతియా, పొన్నాల లక్ష్మయ్య కోదండరాంతో సమావేశం అయ్యారు. జనగామ సీటుపై తీవ్ర చర్చలు జరిపారు. అనంతరం జనగామ సీటును వదిలివేయడానికి కోదండరాం అంగీకరించారు. దీంతో పొన్నాలకు కాంగ్రెస్ లైన్ క్లియర్ చేసింది. జనగామ నుంచి పోటీ చేసేందుకు పొన్నాలకు మార్గం సగమం అయింది.
జనగామ నుంచి పొన్నాల పోటీ 
జనగామ స్థానం నుంచి పొన్నాల బరిలో దిగుతున్నారు. ఢిల్లీలో మకాం వేసి సీట్లు దక్కించుకున్న వారిలో నలుగురు నేతలున్నారు. మూడో జాబితా ప్రకటించడంలో అధిష్టానం పారదర్శకత ప్రదర్శించినట్లు కనిపిస్తోంది. కాంగ్రెస్ 94 స్థానాల్లో పోటీ చేయాలని భావించింది. తొలి జాబితాలో 65 మందిని, రెండో జాబితాలో 10 మందిని, తాజాగా మూడో జాబితాలో 13 మంది అభ్యర్థులను ప్రకటించింది. మొత్తంగా 88 మంది కాంగ్రెస్ అభ్యర్థులను ప్రకటించారు. ఇంకా పెండింగ్‌లో ఆరు స్థానాలు ఉన్నాయి. ఈ స్థానాలపై కాంగ్రెస్ ఏ విధంగా స్పందిస్తుంది.. ఎవరి పేర్లు ప్రకటిస్తారు? అని ఆసక్తి నెలకొంది. 
మూడో జాబితాలోని అభ్యర్థులు వీరే...
జనగాం..పొన్నాల లక్ష్మయ్య
దేవరకొండ.. బాలూనాయక్ 
తుంగతుర్తి.. అద్దంకి దయాకర్ 
ఇల్లందు... బానోతు హరిప్రియ నాయక్ 
కొల్లాపూర్.. బీరం హర్షవర్ధన్ రెడ్డి
బోథ్...శోయం బాబూరావు
నిజామాబాద్ అర్బన్...తెహర్‌బిన్ హందన్ 
నిజామాబాద్ రూరల్...రేకుల భూపతిరెడ్డి
బాల్కొండ...అనిల్ కుమార్
ఎల్బీనగర్...సుధీర్ రెడ్డి 
కార్వాన్..ఉస్మాన్‌బిన్ మొహ్మద్
యాకుత్‌పురా...రాజేందర్ రాజు 
బహుదుర్‌పురా...కాలెం బాబా 

 

09:46 - November 17, 2018

హైదరాబాద్ : మహాకూటమిలో సీట్ల పంచాయతీ తేలాయి. నేడు కాంగ్రెస్ మూడో జాబితా విడుదల చేయనుంది. 19 మంది అభ్యర్థులతో కూడిన జాబితాను ప్రకటించనుంది. ఇప్పటికే రెండు జాబితలో 75 మంది అభ్యర్థులను కాంగ్రెస్ ప్రకటించింది. నామినేషన్ దాఖలుకు సోమవారం ఆఖరి రోజు కావడంతో అభ్యర్థులకు ఇవాళా బీపామ్‌లు అందజేయనుంది. ఇప్పటివరకు 75 మందిని ప్రకటించిన కాంగ్రెస్.. ఇవాళా మరో 19 స్థానాలకు అభ్యర్థులను ప్రకటించనుంది. మధ్యాహ్నానానికి అభ్యర్థులను ప్రకటించనుంది.
కాంగ్రెస్ తరపు నుంచి బీసీలకు 22 సీట్లు 
హుజూర్‌నగర్‌లో టీపీసీసీ చీఫ్ ఉత్తమ్ కుమార్ రెడ్డి నామినేషన్ దాఖలు చేయనున్నారు. మొత్తం 94 స్థానాల్లో పోటీ చేయాలని కాంగ్రెస్ భావిస్తోంది. మహాకూటమి నుంచి బీసీలకు 27 సీట్లు ఇస్తే...వీటిలో కాంగ్రెస్ తరపు నుంచి బీసీలకు 22 సీట్లు ఇవ్వాలని నిర్ణయించింది. అభ్యర్థుల ప్రకటనపై తీవ్ర కసరత్తు చేసిన కాంగ్రెస్ అధిష్టానం.. టీఆర్ఎస్ కంటే రెండు సీట్లైన బీసీలకు అధికంగా ఇవ్వాలని నిర్ణయించింది.
నేడు అభ్యర్థులకు బీఫారాలు అందజేత 
7 బీసీ సీట్లలో జనగామకు పొన్నాల లక్ష్మయ్య, బాల్కొండకు ఇరవత్రి అనిల్, సికింద్రాబాద్‌కు కాసాని జ్నానేశ్వర్, వరంగల్ తూర్పుకు రవిచంద్ర, నారాయణ్ ఖేడ్‌కు సురేష్ షట్కర్, దేవరకద్రకు ప్రదీప్ గౌడ్ పేర్లు ప్రకటించనున్నట్లు సమాచారం. మరోవైపు గాంధీభవన్‌లో పార్టీ అభ్యర్థులకు ఉత్తమ్ బీఫారాలు అందజేయనున్నారు. 

 

20:38 - November 16, 2018

హైదరాబాద్: రాష్ట్రంలో అసెంబ్లీ ఎన్నికల నామినేషన్ల పర్వం మొదలైన దగ్గర్నుంచి పోలీసులు తనిఖీలు ముమ్మరం చేశారు. శుక్రవారం వికారాబాద్ జిల్లా  పుడ్లూరు మండలం చన్గోముల్ వద్ద  హైదరాబాద్ నుంచి వికారాబాదుకు  కారులో తరలిస్తున్న 3 కోట్ల రూపాయలను పోలీసులు స్వాధీనం చేసుకున్నారు. ఈ నగదు ఆదర్శ్ బ్యాంకుచెందినదిగా  అనుమానిస్తున్నారు. ఐతే నగదు రవాణా చేస్తున్న వ్యక్తులు అందుకు సంబంధించిన ఆధారాలు చూపించలేకపోవటంతో పోలీసులు నగదుతో పాటు ముగ్గురిని అదుపులోకి తీసుకుని విచారిస్తున్నారు.

మరోక చోట......నాగర్ కర్నూల్ జిల్లాలో శ్రీశైలం-హైదరాబాద్ రహదారిపై కారులో తరలిస్తున్న రూ.5.88 లక్షల నగదును  కూడా పోలీసులు స్వాధీనం చేసుకున్నారు. కారు అచ్చంపేట కాంగ్రెస్ అభ్యర్ధి వంశీకృష్ణదిగా పోలీసులు అనుమానిస్తున్నారు. కారులో వంశీకృష్ణ పేరుతో ఉన్నకరపత్రాలు పోలీసులు  కనుగొన్నారు. నగదు స్వాధీనం చేసుకుని పోలీసుల వాటిని అధికారులకు అప్పగించారు.

 

19:53 - November 16, 2018

హైదరాబాద్ : కేసీఆర్ పై కాంగ్రెస్ నేత, ప్రముఖ నటి ఖుష్బూ ఫైర్ అయ్యారు. టీఆర్ఎస్ ప్రభుత్వంపై ఆమె విరుచుకుపడ్డారు. మహబూబ్‌నగర్ జిల్లా జడ్చర్లలో జరిగిన ఎన్నికల ప్రచారంలో ఆమె పాల్గొన్న సందర్భంగా మీడియాతో మాట్లాడుతు..తెలంగాణలో కేసీఆర్ కుటుంబానికి చెందిన ఆ నలుగురే నాలుగు కోట్ల మందిని పాలిస్తున్నారని..కేసీఆర్‌ కుటుంబానిది నియంతృత్వ పాలన అని,టీఆర్ఎస్ ప్రభుత్వంలో మహిళలకు ప్రాధాన్యమే లేదని విమర్శించారు. టీఆర్ఎస్ పాలనకు..వారి ఆగడాలకు అడ్డుకట్ట వేసేది  కాంగ్రెస్‌ పార్టీయేనని అన్నారు. కాంగ్రెస్‌‌ పార్టీ అధికారంలోకి వస్తే మహిళలకు మంత్రి పదవులు దక్కుతాయని.. టీఆర్ఎస్‌లా తమది మాటల పార్టీ కాదని, చేతల పార్టీ అని అన్నారు. మిగులు బడ్జెట్‌తో ఉన్న రాష్ట్రాన్ని రెండు లక్షల కోట్ల అప్పుల్లోకి నెట్టిన ఘనత టీఆర్ఎస్ ప్రభుత్వానిదేనని ఆరోపించారు. 
బతుకమ్మ చీరల పేరుతో రూ.225 కోట్లు పక్కదారి పట్టించారని, నాసిరకం చీరలు పంచి అక్రమాలకు పాల్పడటమే కాక తామేదో ఘనకార్యం చేసినట్లుగా ఫీలవుతున్నారనీ.. ఖుష్బూ ఎద్దేవా చేశారు. టీఆర్ఎస్, కేసీఆర్ చేసిన హామీల్లో ఒక్కటి కూడా అమలు కాలేదని విమర్శించారు. రెండున్నరేళ్లుగా సచివాలయానికే వెళ్లని ముఖ్యమంత్రి ప్రజలకు ఏం సేవ చేస్తారని ఎద్దేవా చేస్తు ప్రశ్నించారు.

 

18:27 - November 16, 2018

హైదరాబాద్: అసెంబ్లీ సీట్లు ఆశించి భంగపడ్డ దాదాపు 40 మంది కాంగ్రెస్ అసమ్మతి నేతలు ఒక్కటయ్యారు. వీరంతా రెబెల్స్ ఫ్రంట్‌గా ఏర్పటి ఎన్నికల్లో పోటీచేసేందుకు సన్నాహాలు చేస్తున్నారు. కాంగ్రెస్ పార్టీ వైఫల్యం వల్లే తమకు సీట్లు రాలేదని శుక్రవారం (నవంబర్ 16) మీడియా సమావేశంలో వారు వాపోయారు. తెలంగాణ కాంగ్రెస్ అధ్యక్షులు ఉత్తమ్ కుమార్ రెడ్డి, భట్టి విక్రమార్క, కుంతియా ఒక కూటమిగా ఏర్పడి సీట్లు దక్కకుండా అంతా మాయచేశారని మాజీ మంత్రి విజయా రామారావు. రవీందర్, బోడా జనార్థన్ తదితరులు ఘాటుగా విమర్శించారు. రేపటి బీసీ నేతలు ఇచ్చిన బంద్‌కు తమ మద్ధతు ఉంటుందని.. అసమ్మతి నేతలు 40 మంది అసెంబ్లీ ఎన్నికల్లో పోటీచేసి తమ సత్తాచాటుతామని ప్రకటించారు. చివరి నిమిషంలో పార్టీలో చేరిన వారిక్ సీట్లు ఇచ్చి నిజాయితీగా పార్టీకి పనిచేసే నాయకులకు మొండిచెయ్యి చూపించారని అసమ్మతి నేతలు వాపోయారు. డబ్బే పరమావధిగా సీట్ల కేటాయింపులు చేశారని వారు విమర్శించారు. 
 

 

14:52 - November 16, 2018

ఢిల్లీ: తెలంగాణ జనసమితి అధ్యక్షుడు కోదండరాంతో రాహుల్ గాంధీ జరిపిన చర్చలు సఫలం అయ్యాయి. కోదండరాం జనగాం నుంచి పోటీ నుంచి తప్పుకునేందుకు ఒప్పుకున్నారు. దీంతో పార్టీ సీనియర్ నేత, మాజీ పీసీసీ అధ్యక్షుడు పొన్నాల లక్ష్మయ్యకు లైన్ క్లియర్  అయ్యింది. ఇక తెలంగాణా అసెంబ్లీకి పోటీ చేసే కాంగ్రెస్పార్టీ అభ్యర్ధుల 3వ జాబితాను రేపు విడుదల చేస్తామని పార్టీ రాష్ట్ర వ్యవహారాల ఇన్ చార్జి ఆర్సీ కుంతియా చెప్పారు. మిగిలిన 19 నియోజకవర్గాల అభ్యర్ధుల పేర్లు రేపు ప్రకటించనున్నారు. సీనియర్ కాంగ్రెస్ నాయకులకు సీట్ల సర్దుబాటు విషయంపై కాంగ్రెస్ పార్టీ అధ్యక్షుడు రాహుల్ గాంధీతో భేటీ అయిన తర్వాత తెలంగాణ జనసమితి అధ్యక్షుడు కోదండరాం జనగామలో పోటీ నుంచి తప్పుకున్నారు. టీజెఎస్కు ఒక ఎమ్మెల్సీ, రాజ్యసభ సీటు కాంగ్రెస్ పార్టీ హామీ ఇచ్చినట్లు తెలుస్తోంది. ఇక హైదరాబాద్ లోని  సనత్నగర్ నియోజకవర్గం నుంచి కాంగ్రెస్ సీనియర్ నేత మర్రిశశిధర్ రెడ్డి పేరు ఖరారు అయ్యింది. ఇంతకు ముందు విడుదల  చేసిన రెండు లిస్టులలో సనత్ నగర్ పేరు ప్రకటించలేదు, ఆనియోజక వర్గం నుంచి టీడీపీ పోటీ చేస్తుందనే వార్తలు వినిపించాయి. కానీ  ఆ సీటు చివరకి కాంగ్రెస్ చేజిక్కించుకుంది. సీట్ల సర్దుబాటు అంశం కొలిక్కి రావడంతో టీపీసీసీ అధ్యక్షుడు ఉత్తమ్ కుమార్ రెడ్డి, పొన్నాల లక్ష్మయ్య ఢిల్లీ నుంచి హైదరాబాద్ బయలు దేరారు. రేపటి నుంచి కాంగ్రెస్ పార్టీ తన అభ్యర్ధులకు బీఫారంలు పంపిణీ చేస్తుంది.

14:24 - November 16, 2018

ఢిల్లీతెలంగాణలో కాంగ్రెస్ అభ్యర్థుల ఎంపిక చివరి దశకు చేరుకుంది. రేపటి నుంచి కాంగ్రెస్ అభ్యర్థులకు బీఫాంలు అందజేయనున్నారు. ఈరోజు మూడో జాబితా వెలువడే అవకాశం ఉంది. ఇప్పటికే పలువురు అశావహులతో రాహుల్ గాంధీ చర్చించారు. నాలుగు నియోజవర్గాల ఆశావహులతో ఢిల్లీలో రాహుల్ భేటీ అయ్యారు. ఇల్లెందు, హుజురాబాద్, మిర్యాలగూడ, తుంగతుర్తి ఆశావహుల బలాబలాలను రాహుల్ నేరుగా తెలుసుకున్నారు. గెలిచే అభ్యర్థులకే టికెట్ ఇస్తామని రాహుల్ స్పష్టం చేశారు.

నల్లగొండ, ఖమ్మం, ఆదిలాబాద్ జిల్లాలకు సంబంధించిన నేతలు రాహుల్ గాంధీని కలిశారు. తుంగతుర్తిని ఆశిస్తున్న అద్దంకి దయాకర్, వడ్డేపల్లి రవిలతో రాహుల్ సమావేశం అయ్యారు. వీరితో వన్ టూ వన్ నిర్వహించారు. మిర్యాలగూడ సీటు ఆశిస్తున్న రఘువీర్‌తో, ఇల్లందు స్థానాన్ని కోరుతున్న హరిప్రియ, వెంకటేష్‌లతో, అదే విధంగా హుజూరాబాద్ టికెట్ కోరుతున్న కౌశికరెడ్డిలతో రాహల్ గాంధీ భేటీ అయ్యారు. ఆశావహుల గెలుపు సామర్థ్యాలను రాహుల్ అడిగి తెలుసుకున్నారు. ఇవాళా 19 మంది అభ్యర్థులతో జాబితా విడుదల చేయనున్నారు.
ఇప్పటికే రెండు జాబితాల ప్రకటన
ఇప్పటికే రెండు జాబితాలను కాంగ్రెస్ ప్రకటించింది. మొదటి జాబితాలో 65 మందిని, రెండో జాబితాలో 10 మంది అభ్యర్థులను ప్రకటించింది. మొత్తం 75 స్థానాలకు అభ్యర్థులను ప్రకటించింది. కాంగ్రెస్ 94 స్థానాల్లో పోటీ చేయాలని భావిస్తోంది. 

 

Pages

Don't Miss

Subscribe to RSS - Congress