congress leader

21:12 - January 12, 2018

హైదరాబాద్ : విద్యుత్‌ ప్రాజెక్టు కాంట్రాక్టుల అవినీతి ఆరోపణలపై సీబీఐ లేదా సీవీసీ విచారణ జరిపించాలని కాంగ్రెస్‌ నేత రేవంత్‌రెడ్డి డిమాండ్‌ చేశారు. ఈ అంశంపై బహిరంగ చర్చకు వెనక్కతగ్గిన టీఆర్‌ఎస్‌ నేతల వైఖరిపై కాంగ్రెస్‌ నాయకుడు రేవంత్‌ రెడ్డి మండిప్డడారు. విద్యుత్‌ ప్రాజెక్టు టెండర్ల కాంట్రాక్టుల్లో ముఖ్యంత్రి కేసీఆర్‌కు భారీగా ముడుపులు ముట్టాయని ఆరోపించారు. ఈ విషయాన్ని తాను నిరూపించకపోతే హైదరాబాద్‌ అబిడ్స్‌ చౌరాస్తాలో ముక్కు నేలకు రాస్తానని రేవంత్‌ మరోసారి సవాల్‌ విసిరారు. యాదాద్రి, భద్రాద్రి, కొత్తగూడెం విద్యుత్‌ ప్రాజెక్టు నిర్మాణ టెండర్లలో భారీ ఎత్తున అవినీతి జరిగిందని కాంగ్రెస్‌ నేత రేవంత్‌ చేసిన ఆరోపణలపై బహిరంగ చర్చకు రావాలని టీఆర్‌ఎస్‌ ఎంపీ బాల్క సుమన్‌ సవాల్‌ విసిరారు. దీనిని రేవంత్‌ స్వీకరించడంతో ఆత్మరక్షణలో పడ్డ టీఆర్‌ఎస్‌ నేతలు.. ఆ తర్వాత వెనక్కి తగ్గారు. రేవంత్‌కు విశ్వసనీయతలేదంటూ.. టీపీసీసీ అధ్యక్షుడు ఉత్తమ్‌కుమార్‌రెడ్డి, సీఎల్‌పీ నేత జానారెడ్డి, ఎమ్మెల్సీ షబ్బీర్‌ అలీ చర్చకు రావాలని మెలిక పెట్టారు. అయినా రేవంత్‌రెడ్డి వెనక్కితగ్గకుండా బహిరంగ చర్చకు సిద్ధమై, తన అనుచరులతో కలిసి అసెంబ్లీ సమీపంలోని గన్‌ పార్క్‌ వద్దకు వచ్చారు. విద్యుత్‌ ప్రాజెక్టుల టెండర్లలో అవినీతి బయటపడుతుందనే భయంతోనే బహిరంగ చర్చకు రాకుండా టీఆర్‌ఎస్‌ నేతలు తోక ముడిచారని రేవంత్‌ మండిపడ్డారు. టెండర్లు పిలువకుండా 30,400 కోట్ల పనులను బీహెచ్‌ఈఎల్‌కు ఎలా అప్పగించారాలో టీఆర్‌ఎస్‌ నేతలు సమాధానం చెప్పాలని రేవంత్‌రెడ్డి డిమాండ్‌ చేశారు. ఈ మొత్తం వ్యవహారంపై సీబీఐ లేదా సీవీసీతో విచారణ జరిపించాలని డిమాండ్‌ చేశారు. కేసీఆర్‌ పాలనలో జరిగిన అవినీతి చిట్టా తన దగ్గర ఉందన్న రేవంత్‌రెడ్డి, వీటిని ప్రజల ముందువుంచి, ముఖ్యమంత్రిని ప్రగతి భవన్‌ నుంచి చర్లపల్లి జైలుకు పంపిస్తాని హెచ్చరించారు. 

14:14 - January 12, 2018
07:05 - January 11, 2018

హైదరాబాద్ : టీఆర్ఎస్-కాంగ్రెస్ నేతల మధ్య మాటల యుద్ధం నడుస్తోంది. విద్యుత్ రంగంపై బహిరంగచర్చకు సిద్ధమని కాంగ్రెస్ నేత రేవంత్ రెడ్డి, టీఆర్ఎస్ ఎంసీ బాల్క సుమన్ సవాల్ విసురుకున్నారు. ప్రభుత్వ విద్యుత్ ఒప్పందాలన్నీ గోల్‌మాల్ ఒప్పందాలేనని తెలంగాణ కాంగ్రెస్ నేత రేవంత్ రెడ్డి ఆరోపించారు. యూపీఏ ప్రభుత్వం ముందుచూపు నిర్ణయాలతోనే దేశవ్యాప్తంగా మిగులు విద్యుత్ సాధ్యమైందని చెప్పారు. తక్కువ ధరకే ఏపీ ప్రభుత్వం విద్యుత్ ఇస్తానని ప్రకటిస్తున్నా.. తెలంగాణ ప్రభుత్వం ఎందుకు విద్యుత్‌ను కొనుగోలు చేయడం లేదని ఆయన ప్రశ్నించారు. రేవంత్‌ ఆరోపణలపై స్పందించిన ఎంపీ బాల్క సుమన్.. విద్యుత్ రంగంపై చర్చకు తాము సిద్ధం అని ప్రకటించారు. వేదిక, తేది రేవంత్‌రెడ్డే చెప్పాలన్నారు. తాము చెప్పేవి అబద్ధాలైతే ముక్కు నేలకు రాస్తానని సవాల్ విసిరిన సుమన్.. రేవంత్ చెప్పేవి అబద్ధాలైతే ముక్కు నేలకు రాయాలన్నారు. టీఆర్ఎస్ సవాల్‌కు కాంగ్రెస్ సిద్ధమని రేవంత్‌ తెలిపారు. విద్యుత్‌పై ఈనెల 12న మధ్యహ్నం 2 గంటలకు చర్చకు సిద్ధమంటూ ప్రతిసవాల్‌ విసిరారు.  

20:52 - January 10, 2018

విదేశీ ప్రత్యక్ష పెట్టుబడులకు కేంద్రం బార్లా తెరచింది. సింగిల్‌ బ్రాండ్‌ రిటేల్‌లో 100 శాతం, ఎయిర్‌ ఇండియాలో 49 శాతం విదేశి పెట్టుబడులకు కేంద్రం గ్రీన్‌ సిగ్నల్‌ ఇచ్చింది. కేంద్ర క్యాబినెట్ నిర్ణయాన్ని కాన్ఫిడరేషన్ ఆఫ్ ఆల్ ఇండియా ట్రేడర్స్ తీవ్రంగా ఖండించింది. కేంద్రం తీసుకున్న నిర్ణయం వల్ల దేశీయ పారిశ్రామిక రంగానికి తీరని నష్టం వాటిల్లనుందని నిపుణులు హెచ్చరిస్తున్నారు. ఈ అంశంపై టెన్ టివిలో జరిగిన చర్చా వేదికలో వేణుగోపాల్ (AIEA జాతీయ ఉపాధ్యక్షులు), అద్దంకి దయాకర్ (టి.కాంగ్రెస్), ప్రేమేందర్ రెడ్డి (బీజేపీ) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

20:51 - January 10, 2018

ఢిల్లీ : విదేశీ ప్రత్యక్ష పెట్టుబడులకు కేంద్రం బార్లా తెరచింది. సింగిల్‌ బ్రాండ్‌ రిటేల్‌లో 100 శాతం, ఎయిర్‌ ఇండియాలో 49 శాతం విదేశి పెట్టుబడులకు కేంద్రం గ్రీన్‌ సిగ్నల్‌ ఇచ్చింది. కేంద్ర క్యాబినెట్ నిర్ణయాన్ని కాన్ఫిడరేషన్ ఆఫ్ ఆల్ ఇండియా ట్రేడర్స్ తీవ్రంగా ఖండించింది. కేంద్రం తీసుకున్న నిర్ణయం వల్ల దేశీయ పారిశ్రామిక రంగానికి తీరని నష్టం వాటిల్లనుందని నిపుణులు హెచ్చరిస్తున్నారు.

ప్రధానమంత్రి నరేంద్రమోది అధ్యక్షతన ఢిల్లీలో జరిగిన కేంద్ర కాబినెట్‌ సమావేశం పలు కీలక నిర్ణయాలు తీసుకుంది. విదేశీ ప్రత్యక్ష పెట్టుబడుల నిబంధనలను మరింత సరళీకరించాలని నిర్ణయించింది. సింగిల్ బ్రాండ్ రిటేల్ రంగంలోకి వంద శాతం ఎఫ్‌డీఐలకు కేంద్రం ఆమోదం తెలిపింది. ప్రస్తుత నిబంధనల ప్రకారం సింగిల్ బ్రాండ్ రిటేల్ రంగంలో 49 శాతం ఎఫ్‌డీఐలకు మాత్రమే అనుమతి ఉంది. అంతకు మించి పెట్టుబడులు పెట్టాలంటే ప్రభుత్వం అనుమతి తప్పనిసరి. ఇప్పుడు ఆ పరిమితిని కేంద్రం ఎత్తేసింది.

నిర్మాణ రంగంలో ఆటోమెటిక్‌ రూట్‌ ద్వారా 100 శాతం విదేశీ ప్రత్యక్ష పెట్టుబడులకు కూడా కేంద్ర కాబినెట్‌ ఆమోదం తెలిపింది. ఎయిర్ ఇండియాలో విదేశీ సంస్థలు 49 శాతం పెట్టబడులు పెట్టేందుకు కూడా కేంద్రం గ్రీన్ సిగ్నల్ ఇచ్చింది. ఎయిర్‌ ఇండియా భారత్‌ ఆధ్వర్యంలోనే కొనసాగుతుందని అధికారవర్గాలు పేర్కొన్నాయి.మరింత విదేశీ పెట్టుబడులను ఆకర్షించడానికి ఎఫ్‌డీఐలను సరళీకరించినట్లు ... విదేశీయులకు ఇన్వెస్టర్ ఫ్రెండ్లీ వాతావరణం కల్పిస్తున్నట్లు మంత్రిమండలి పేర్కొంది. ప్రభుత్వం తీసుకున్న ఈ చర్య వల్ల ఆర్థికవృద్ధితో పాటు....మరిన్ని ఉద్యోగ అవకాశాలు పెరుగుతాయన్న భావనను క్యాబినెట్ వినిపించింది.

100 శాతం ఎఫ్‌డీఐలపై కేంద్రం తీసుకున్న నిర్ణయంపై విమర్శలు వెల్లువెత్తుతున్నాయి. కాన్ఫిడరేషన్ ఆఫ్ ఆల్ ఇండియా ట్రేడర్స్ ప్రభుత్వ నిర్ణయాన్ని తప్పుపట్టింది. ఈ నిర్ణయం వల్ల విదేశాలకు చెందిన పెద్ద కంపెనీలు భారత్‌ రిటేల్‌ మార్కెట్‌ను ఆక్రమిస్తాయని, చిన్న కంపెనీలు దెబ్బ తింటాయని ఆందోళన వ్యక్తం చేసింది.

కేంద్ర క్యాబినెట్‌ నిర్ణయాన్ని సిపిఎం తీవ్రంగా వ్యతిరేకించింది. ఈ నిర్ణయం వల్ల దేశీయ పారిశ్రామిక రంగానికి తీరని నష్టం వాటిల్లనుందని హెచ్చరించింది. ఎయిర్‌ ఇండియాను క్రమంగా విదేశీ విమాన సంస్థల చేతికి అప్పగించేందుకు ప్రభుత్వం సిద్ధమైందని ఆరోపించింది. ఎయిర్‌ ఇండియా ప్రయివేటీకరణ ఆలోచనను కనీసం 5 సంవత్సరాలు వాయిదా వేయాలన్న స్థాయి సంఘం సూచనలను పరిగణన లోకి తీసుకోవాలని సిపిఎం డిమాండ్‌ చేసింది. విపక్షంలో ఉన్నపుడు రిటైల్‌ రంగంలో సంస్కరణలను వ్యతిరేకించిన బిజెపి ఇపుడు ఎఫ్‌డిఐలపై సరళీకరణ విధానాన్ని అవలంబిస్తోందన్న విమర్శలు వస్తున్నాయి.

17:42 - January 10, 2018

హైదరాబాద్ : కేసీఆర్‌ ప్రవేశ పెట్టిన 24 గంటల విద్యుత్‌ వెలుగుల వెనకాల చీకటి కోణం దాగుందన్నారు కాంగ్రెస్‌ పార్టీ నేత రేవంత్‌రెడ్డి. కమీషన్ల కోసమే కేసీఆర్‌ విద్యుత్‌ అడ్డంపెట్టుకొని వేల కోట్లు సంపాదిస్తున్నారని ఆరోపించారు. కేసీఆర్‌ ప్రారంభించాలనుకున్న పవర్‌ ప్రాజెక్టుల గురించి శ్వేతపత్రం విడుదల చేయాలని రేవంత్‌రెడ్డి డిమాండ్‌ చేశారు. తెలంగాణాలో విద్యుత్‌ ఉత్పత్తి సంస్థల నిర్మాణం, అందుకోసం తీసుకువస్తున్న అప్పులు, దీని వెనకాల ఉన్న అవినీతి భాగోతం అనే అంశాలపై రేవంత్‌ రెడ్డి వివరించారు. 

22:04 - December 15, 2017

హైదరాబాద్ : 2019లో కేంద్రం, రాష్ట్రంలో కాంగ్రెస్ పార్టీ అధికారంలోకి రావడం ఖాయమన్నారు ప్రతిపక్ష నేత జానారెడ్డి. తెలంగాణలో ప్రజలు టీఆర్ఎస్ ప్రభుత్వంపై చాలా అసంతృప్తితో ఉన్నారని.. ఇప్పటికే ఆ విషయం ఆందోళనల ద్వారా తెలుస్తోందన్నారు. వచ్చే ఎన్నికల్లో గెలుపుబాటలో సాగి.. బంగారు తెలంగాణ సాధించేందుకు తమ వంతు కృషి చేస్తామని జానారెడ్డి తెలిపారు.

15:19 - December 10, 2017

అనంతపురం : ఏపీలో అధికారపార్టీ నేతలు దోపిడి దొంగల మాదిరిగా దోచుకుంటున్నారని ఏపీసీసీ అధ్యక్షుడు రఘువీరారెడ్డి తీవ్రస్థాయిలో మండిపడ్డారు. చివరికి ఉపాధి హామీ పథకాన్నీ వదల్లేదన్నారు. పేదలు చేసిన కూలీకి డబ్బులు చెల్లించని సర్కార్‌... టీడీపీ నేతలు జేసీబీలతో చేసే పనులకు మాత్రం చెల్లింపులు చేస్తోందని దుయ్యబట్టారు. అనంతపురం జిల్లా కల్యాణదుర్గం మండలం గోళ్ల గ్రామంలో ఇందిరమ్మ రాజ్యం - ఇంటింటా సౌభాగ్యం కార్యక్రమం ప్రారంభించారు.  వీధివీధినా తిరుగుతూ ప్రజలను అడిగి వారి సమస్యలు తెలుసుకున్నారు.

 

15:17 - December 3, 2017

వరంగల్ : కరీంగనర్ జిల్లా హుజురాబాద్‌ నియోజకవర్గంలో ఔషధ ప్రయోగాలు వికటించాయి. బెంగళూకు చెందిన అపాటెక్స్ ఫార్మా నిర్వహించిన క్లినికల్‌ ట్రయల్స్‌తో నాగంపేటకు చెందిన నాగరాజు ప్రాణాలు కోల్పోయాడు. మరో ఇద్దరు అశోక్‌, సురేశ్‌ తీవ్ర అనారోగ్యంతో బాధపడుతున్నారు. అశోక్‌ మతిస్థిమితం కోల్పోగా... సురేశ్‌ వరంగల్‌ ఎంజీఎం ఆస్పత్రిలో చికిత్స పొందతుఉన్నారు. దీనిపై మరింత సమాచారాన్ని వీడియోలో చూద్దాం...

13:50 - December 3, 2017

కరీంనగర్‌ : ఉమ్మడి కరీంనగర్‌ జిల్లా హుజురాబాద్‌ నియోజకవర్గంలో ఔషధ కంపెనీల ఆడగాలు సృతిమించిపోయాయి. పేదల అమాయకత్వాన్ని ఆసరాగా  చేసుకుని లోటస్‌, అపాటెక్స్‌ ఫార్మా కంపెనీలు  నిర్వహించిన క్లినికల్‌ ట్రయల్స్‌ వికటించాయి. ఈ ఔషధ ప్రయోగాల్లో నాగంపేటకు చెందిన నాగరాజు ప్రాణాలు కోల్పోయాడు. సురేశ్‌ ఆస్పత్రిపాలయ్యాడు. అశోక్‌ మతిస్థిమితం కోల్పోయాడు. క్లినికల్‌ ట్రయల్స్‌తో మృతి చెందిన నాగరాజు కుటుంబ వీధినపడింది. తమ కుటుంబానికి దిక్కు లేకుండా పోయిందని నాగరాజు కుటుంబం కన్నీరు మున్నీరు అవుతోంది. 
 

Pages

Don't Miss

Subscribe to RSS - congress leader