congress party

08:06 - November 23, 2018

హైదరాబాద్: తెలంగాణ ప్రత్యేక రాష్ట్రంగా  ఏర్పాటయ్యాక యూపీఏ చైర్ పర్సన్ సోనియా గాంధీ  రాష్ట్రానికి తొలిసారి రాబోతున్నారు. అసెంబ్లీ  ఎన్నికల్లో పార్టీ తరుఫున ప్రచారం చేయటానికి సోనియా శుక్రవారం మేడ్చల్లో జరిగే బహిరంగ సభలో ఏఐసీసీఅధ్యక్షుడు రాహుల్ గాంధీతో కలిసి సభలో పాల్గోంటారు. కాంగ్రెస్  పాశ్రేణులు బహిరంగ సభను విజయవంతం చేయటానికి ఘనంగా  ఏర్పాట్లు చేసారు. ఈ సభ అనంతరం రాష్ట్రంలో  పార్టీ ప్రచారాన్ని ముమ్మరం చేసే ఉద్దేశ్యంలో ఉంది.  ఉమ్మడి ఆంధ్రప్రదేశ్ లో  ఉఁడగా  తెలంగాణా ప్రత్యేకా రాష్ట్రాన్ని ఏర్పాటు చేసిన ఘనత సోనియా గాంధీకి దక్కినప్పటికీ గత ఎన్నికల్లో  పార్టీ ఆమేర  ప్రయోజనం చేకూర్చుకోలేక పోయింది.సోనియా గాంధీ వల్లే  తెలంగాణ వచ్చిందని ఈ సభ ద్వారా  ప్రజలకు చెప్పాలని రాష్ట్ర నాయకత్వం భావిస్తోంది.  రాహుల్ ,సోనియాలు  మధ్యాహ్నం ఢిల్లీ నుంచి ప్రత్యేక విమానంలో  బయలు దేరి ,సాయంత్రం 5 గంటలకు బేగంపేట విమానాశ్రయానికి చేరుకుంటారు. అక్కడి నుంచి బయలుదేరి  6 గంటలకు మేడ్చల్ లో ఏర్పాటు చేసిన బహిరంగ సభకు చేరుకుంటారు.  ఈసభలో సోనియా 45 నిమిషాలు, రాహుల్ గాంధీ 20నిమిషాలు  ప్రసంగిస్తారు.  తెలంగాణ ఏర్పాటు విషయంలో కాంగ్రెస్ పార్టీ  తీసుకున్న నిర్ణయం, అప్పటి పరిస్ధితులును  సోనియా, రాహుల్  ప్రజలకు వివరించనున్నారు. ఈ  సందర్భంగా 116 పేజీల కాంగ్రెస్ మేనిఫెస్టోను సోనియా ఆవిష్కరించనున్నారు.  మేడ్చల్ లోజరిగే బహిరంగ సభ వేదికపై  కాంగ్రెస్ పార్టీకి చెందిన ప్రముఖ నాయకులు, పోటీలో ఉన్న అభ్యర్ధులతో పాటు ప్రజాకూటమిలోని ప్రదాననాయకులు కూడా పాల్గోంటారని టీపీసీసీ నేతలు  చెప్పారు. 

18:24 - November 20, 2018

హైదరాబాద్: మరో 15 రోజుల్లో  శాసనసభకు ఎన్నికలు జరుగుతున్నవేళ  చేవెళ్ళ ఎంపీ కొండా విశ్వేశ్వర రెడ్డి టీఆర్ఎస్ పార్టీకి రాజీనామా చేశారు.  రాజీనామా లేఖను ఆయన తెలంగాణా భవన్ కు పంపించారు. ప్రస్తుతం జరుగుతున్న ఎన్నికల్లో ఆయన ఎక్కడా ప్రచారంలో పాల్గోనటం లేదు. టీఆర్ఎస్ లో జరుగుతున్న పరిణామాలపట్ల ఆయన అసంతృప్తితో ఉన్నట్లు తెలిసింది. రేపు ఆయన  విలేకరుల సమావేశం నిర్వహించి రాజీనామాకు గల కారణాలను వివరించనున్నారు.ఈనెల23న సోనియా సమక్షంలో విశ్వేశ్వరరెడ్డి కాంగ్రెస్ పార్టీలో చేరనున్నారు.

15:43 - November 20, 2018

నిర్మల్ : కాంగ్రెస్ ప్రలోభాలకు గురి చేస్తుందని ఎంఐఎం అధ్యక్షుడు అసదుద్దీన్ ఓవైసీ అన్నారు. కాంగ్రెస్ పార్టీ అభ్యర్థి తనను డబ్బులు పెట్టి కొనేందుకు ప్రయత్నించారని తెలిపారు. నిర్మల్‌లో నిర్వహించిన ఎంఐఎం బహిరంగ సభలో ఆయన పాల్గొని, మాట్లాడారు. తనను పోటీ నుంచి తప్పుకోవాలని ఆఫర్ చేశారని తెలిపారు. ఎంఐఎం పోటీ చేయకుంటే పాతిక లక్షలు పార్టీ ఫండ్‌గా ఇస్తామని కాంగ్రెస్ అభ్యర్థి మహేశ్వర్ రెడ్డి తనను ప్రలోభపెట్టారని..ఫోన్‌లో ఆఫర్ చేశారని ఆరోపించారు. తన దగ్గర ఫోన్ రికార్డింగ్ ఆధారాలు కూడా ఉన్నాయని చెప్పారు. డబ్బులతో తనను ఎవరూ ప్రలోభపెట్టలేరని స్పష్టం చేశారు.

13:03 - November 13, 2018

హైదరాబాద్ : మహాకూటమి నేతలతోపాటు సొంతపార్టీ నేతలకు కూడా కాంగ్రెస్ షాక్ ఇచ్చింది. పార్టీలోని సీనియర్ నేతలకు షాక్ ఇచ్చింది. తొలి జాబితాలో సీనియర్ నేతలకు కాంగ్రెస్ మొండి చూపింది. మాజీ పీసీసీ చీఫ్ పొన్నాల లక్ష్మయ్య, మాజీ మంత్రి మర్రి శశిథర్ రెడ్డి, మాజీ మంత్రి విజయ రామారావు, పీజేఆర్ కుమారుడు, మాజీ ఎమ్మెల్యే విష్ణువర్థన్ రెడ్డి, మాజీ చీఫ్ విప్ గండ్ర వెంకటరమాణారెడ్డి, మాజీ ఎమ్మెల్యే కొండేటి శ్రీధర్‌లకు తొలి జాబితాలో అవకాశం దక్కలేదు. నాయిని రాజేందర్ రెడ్డికి కూడా టికెట్ కేటాయించలేదు. ఫస్ట్ లిస్ట్ లో వీరికి టికెట్ కన్ఫామ్ అనుకున్నారు..కానీ దక్కలేదు. దీంతో వీరు ఢిల్లీ బాట పట్టారు. అధిష్టానంతో తాడోపేడో తేల్చుకోవడానికి బయల్దేరారు.

కాంగ్రెస్ ప్రకటించిన తొలి జాబితాలో పీసీపీ మాజీ చీఫ్ పొన్నాల లక్ష్మయ్యకు మొండిచేయి అభించింది. పోన్నాల పోటీ చేస్తాడని భావిస్తున్న జనగామ టికెట్‌ను టీజేఎస్‌కు కేటాయించే అవకాశం కనిపిస్తోంది. పొన్నాలకు టికెట్ కేటాయించకపోవడంతో కాంగ్రెస్ నేతలు, కార్యకర్తలు ఆగ్రహం వ్యక్తం చేస్తున్నారు. పొన్నాల వర్గానికి మొండిచేయి చూపడంతో విబేధాలు తారాస్థాయికి చేరాయి. హుటాహుటిన పొన్నాల ఢిల్లీకి బయల్దేరి వెళ్లారు. 

 

19:46 - November 2, 2018

 తుని: ముఖ్య‌మంత్రి చంద్రబాబు నాయుడు త‌న వ్య‌క్తిగ‌త ఉనికి కోసం కాంగ్రెస్ పార్టీతో చేతులు కలిపారని, రాష్ట్రంలో ప్రజలు కాంగ్రెస్ పార్టీని కోరుకోవటం లేదని జనసేన పార్టీ అధ్యక్షుడు పవన్ కళ్యాణ్ అన్నారు. శుక్ర‌వారం విజ‌య‌వాడ‌-తుని మ‌ధ్య చేసిన రైలు ప్ర‌యాణంలో ఆయన మాట్లాడుతూ.....ముఖ్య‌మంత్రికి అధికార దాహం మిన‌హా, ప్ర‌జాసంక్షేమం ప‌ట్ట‌దని....తెలుగుదేశం పార్టీ కేవ‌లం ఓట్ల రాజ‌కీయాలు మాత్ర‌మే చేస్తోందని ఆరోపించారు. "రాష్ట్రానికి జ‌రిగే అన్యాయం వారికి ప‌ట్ట‌దు. వారికి అధికారం చేతిలో ఉంటే చాలు. ప‌రిశ్ర‌మ‌లు వ‌స్తున్నాయి. పెట్టుబ‌డులు వ‌స్తున్నాయి అంటున్నారు, కానీ కేవలం లక్షల కోట్ల అప్పులు మాత్రం మిగులుతున్నాయని" ఆరోపించారు. ప్ర‌స్తుత రాజ‌కీయాల్లో మార్పు తీసుకురావాల్సిన అవ‌స‌రం ఎంతైనా ఉందని, బ‌ల‌మైన సంస్థాగ‌త మార్పు తీసుకురావ‌డానికి జ‌న‌సేన పార్టీ కృషి చేస్తుందని, రాజ‌కీయాల్లో జ‌వాబుదారీత‌నం తీసుకురావాల్సిన అవ‌స‌రం  ఉందని పవన్ కళ్యాణ్ అన్నారు. ఏసీ గదుల్లో కూర్చుని నిర్ణయాలుతీసుకోవటానికి  తాను వ్యతిరేకమని, ప్రజలతో ఉండి వారి కష్టాలు, వారి బాధలు తెలుసుకుంటూ ప్రజలకోసం పనిచేయటం తనకిష్టమని అందుకే సామాన్యుడిలాగా రైలు ప్రయాణం చేసి అందరికష్టాలు తెలుసుకున్నానని చెప్పారు. "టీడీపీ అంతిమ ల‌క్ష్యం అధికారం అయితే, జ‌న‌సేన పార్టీ అంతిమ ల‌క్ష్యం మార్పు కోసం" అని ఆయన తెలిపారు. గ‌డ‌చిన నెలరోజుల్లో "జ‌న‌బాట కార్య‌క్ర‌మం ద్వారా 23 ల‌క్ష‌ల ఓట్లు ఎన్‌రోల్ చెయ్య‌గ‌లిగాం, ఎక్క‌డో ఒక చోట మార్పు రావాల‌న్న ల‌క్ష్యంతోనే ప్రజల్లోకి వచ్చాను” అని పవన్ కళ్యాణ్ అన్నారు.రాష్ట్రానికి జాతీయ పార్టీలు అన్యాయం చేశాయని 2019 ఎన్నిక‌ల్లో   ప్రజలు ఆకోపాన్ని చూపించ‌బోతున్నారు అని పవన్ కళ్యాణ్ వ్యాఖ్యానించారు. 

11:36 - October 31, 2018

ఢిల్లీ: భారత మాజీప్రధాని స్వర్గీయ ఇందిరాగాంధి 34వ వర్ధంతి సందర్భంగా  కాంగ్రెస్ పార్టీ అధ్యక్షుడు రాహుల్ గాంధీ, యూపీఏ ఛైర్ పర్సన్ సోనియాగాంధీ, మాజీ ప్రధాని మన్మోహన్ సింగ్ లు ఢిల్లీలోని శక్తిస్ధల్ వద్ద ఆమెకు ఘన నివాళులర్పించారు.  ఇందిర హత్యకు గురై నేటికి 34 సంవత్సరాలైనప్పటికీ జాతీయ, అంతర్జాతీయ స్ధాయిలో ఆమె తీసుకున్న నిర్ణయాలను నేటికి ప్రజలు స్మరించుకుంటూనే ఉన్నారు.  " ఈరోజు ఆనందంతో నా తండ్రిని గుర్తుచేసుకున్నాను. ఆమెకు మనవడుగా పుట్టినందుకు చాలా గర్వపడుతున్నాను. ఆమె నా పట్ల చాలా ప్రేమతో ఉండేది. ఆమెనుంచి నేను చాలా విషయాలు నేర్చుకున్నాను. ఆమె ప్రజల కోసం జీవితాన్ని త్యాగం చేసింది" అని  కాంగ్రెస్ పార్టీ అధ్యక్షుడు రాహుల్ గాంధీ ట్వీట్ చేశారు. ప్రధాన మంత్రి నరేంద్ర మోడీ కూడా స్వర్గీయ ఇందిరాగాంధీ కి నివాళులర్పించారు. 
1959  ఫిబ్రవరి2న  కాంగ్రెస్ పార్టీ అధ్యక్షురాలిగా భాద్యతలు చేపట్టిన ఇందిరా గాంధీ 1966 జనవరి 24 న  ప్రధాన మంత్రిగా భాధ్యతలు  చేపట్టిన ఇందిరాగాంధీ మొట్ట మొదటి మహిళా ప్రధానిగా రికార్డు సృష్టించారు. నేటికి భారత దేశంలో ఆపదవిని మరో మహిళ చేపట్టలేదు. భారతదేశానికి 3వ ప్రధాన మంత్రిగా పనిచేసిన ఇందిర తన పదవీ కాలంలో పలు సంచలనాత్మక నిర్ణయాలు తీసుకున్నారు. 1984 లో పంజాబ్ లోని స్వర్ణదేవాలయంలో జరిపిన ఆపరేషన్ బ్లూస్టార్ కు ప్రతికారంగా, ఢిల్లీలోని సఫ్దర్ జంగ్ రోడ్డులోని తన నివాసంలో 1984 అక్టోబర్ 31న ఆమె తన వ్యక్తిగత భద్రతా సిబ్బంది చేతిలో హత్యకు గురయ్యారు. హత్యకు గురైన మొట్టమొదటి భారత ప్రధానమంత్రి కూడా ఇందిరా గాంధే.  చివరి రక్తపుబొట్టువరకు తాను దేశం కోసం శ్రమిస్తానని, ప్రజలపై తనకు గల ప్రేమను ఎవరూ చంపలేరని, నేను చనిపోతే నా ఒక్కో రక్తం బొట్టూ దేశాన్ని పటిష్టం చేయడానికి తోడ్పడుతుంది." అని  ఆమె తన చివరి ప్రసంగంలో అన్నారు. 

15:09 - October 27, 2018

ఢిల్లీ : ఎమ్మెల్సీ రాముల్ నాయక్ కాంగ్రెస్ పార్టీలో చేరారు. ఆత్మగౌరవం కోసమే కాంగ్రెస్ లో చేరానని స్పష్టం చేశారు. పార్టీ ఆదేశిస్తే ఎన్నికల్లో పోటీ చేస్తానని చెప్పారు. ఈమేరకు ఆయన ఢిల్లీలో మీడియాతో మాట్లాడారు. ఈ సందర్భంగా రాములు నాయక్ మాట్లాడుతూ టీఆర్ఎస్ లో ప్రజాస్వామ్యం లేదని విమర్శించారు. ఆ పార్టీలో అధిష్టానం చెప్పిందే వేదమన్నారు. టీఆర్ఎప్ ప్రైవేట్ లిమిటెడ్ గా మారిందని విమర్శించారు. తెలంగాణ ద్రోహులను కేబినెట్ లోకి తీసుకున్నారని మండిపడ్డారు. జనాభా ప్రాతిపదికన గిరిజనులకు రిజర్వేషన్లు అడిగితే పార్టీ నుంచి సస్పెండ్ చేశారని ఆవేదన వ్యక్తం చేశారు.  

 

14:46 - October 26, 2018

హైదరాబాద్ : ఎన్నికల ప్రచారంలో దూసుకపోతున్న గులాబీకి షాక్ తగిలింది. ఆ పార్టీకి చెందిన నేత పార్టీ మారనున్నారు. పార్టీ మారనున్నారనే సమాచారంతో ఆ నేతపై వేటు వేసింది. గజ్వేల్ మాజీ శాసనసభ్యుడు, రాష్ట్ర రహదారి అభివృద్ది సంస్థ ఛైర్మన్ తూంకుంట నర్సారెడ్డి పార్టీ వ్యతిరేక కార్యకలాపాలకు పాల్పడుతున్నందుకు ఆయన్ని సస్పెండ్ చేస్తున్నట్లు టీఆర్ఎస్ అధిష్టానం ప్రకటించింది. 
ముందస్తు ఎన్నికల నేపథ్యంలో టీఆర్ఎస్ పార్టీలో ఉన్న వారు టికెట్లను ఆశించారు. కానీ వారికి టికెట్లు దక్కకపోవడంతో తీవ్ర నిరుత్సహాంలో మునిగిపోయారు. తనకు పార్టీలో తగిన ప్రాధాన్యం ఇవ్వడం లేదంటూ గత కొన్ని రోజులుగా నర్సారెడ్డి తీవ్ర అసంతృప్తితో రగిలిపోతున్నట్లు తెలుస్తోంది. ఈ నేపథ్యంలో ఆయన పార్టీ మారాలని నిర్ణయం తీసుకోవడం..కాంగ్రెస్ పార్టీకి చెందిన కీలక నేతలను ఆయన సంప్రదించినట్లు తెలు్స్తోంది. ఇటీవలే టీపీసీసీ చీఫ్ ఉత్తమ్‌ను కలిసినట్లు...గురువారం రాత్రి కాంగ్రెస్ మహిళా నేత విజయశాంతితో నర్సారెడ్డి భేటీ అయినట్లు సమాచారం. శుక్రవారం పీసీసీ కార్యనిర్వాహక అధ్యక్షుడు రేవంత్ రెడ్డితో భేటీ అయినట్లు టాక్. అనంతరం నర్సారెడ్డి ఢిల్లీకి పయనమయ్యారు. దీనితో ఏఐసీసీ అధ్యక్షుడు రాహుల్ గాంధీ సమక్షంలో కాంగ్రెస్ కండువా కప్పుకోనున్నట్లు తెలుస్తోంది. మెదక్ శాసనసభ సీటు ఇస్తామని కాంగ్రెస్ హామీనిచ్చినట్లు సమాచారం. 

13:52 - October 26, 2018

ఢిల్లీ: సీబీఐలో ఇటీవల జరుగుతున్న పరిణామాలపై కాంగ్రెస్ పార్టీ ఈరోజు ఢిల్లీలో చేపట్టిన నిరసన ర్యాలీకి పార్టీ అధ్యక్షుడు రాహుల్ గాంధీ నాయకత్వం వహించారు. దయాళ్ సింగ్ కాలేజీనుంచి సీబీఐ హెడ్ క్వార్టర్స్ వరకు జరిగిన ర్యాలీలో రాహుల్ తో పాటు భారీసంఖ్యలో కాంగ్రెస్ కార్యకర్తలు పాల్గొని సీబీఐ ఆఫీసు వద్ద ధర్నా నిర్వహించారు. శలవుపై పంపిన అలోక్ వర్మను వెంటనే విధుల్లోకి తీసుకోవాలని కోరుతూ డిమాండ్ చేశారు.సంస్ధ ప్రతిష్టను దెబ్బతీశారంటూ కార్యకర్తలు నినాదాలు చేశారు. రాహుల్ గాంధీ ఆధ్వర్యంలో చేపట్టిన ఈనిరసన ర్యాలీకి తృణమూల్ కాంగ్రెస్, సీపీఐ మద్దతు తెలిపాయి. దేశ వ్యాప్తంగా పలు రాష్ట్రాల్లోని సీబీఐ కార్యాలయాల వద్ద కాంగ్రెస్ పార్టీ నాయకులు నిరసన కార్యక్రమాలు  చేపట్టారు. ఢిల్లీలోని సీబీఐ కార్యాలయానికి 300 మీటర్లదూరంలోబారికేడ్లు ఏర్పాటు చేసి నిరసన కారులను పోలీసులు అడ్డుకున్నారు. సీబీఐ కార్యాలయం వద్ద కేంద్ర భద్రతా బలగాలు ఢిల్లీ పోలీసులు భారీ స్ధాయిలో మోహరించాయి.  చంఢీఘడ్ లో నిరసన తెలుపుతున్న కాంగ్రెస్ కార్యకర్తలపై పోలీసులు  వాటర్ కానన్ లు ప్రయోగించారు. 

19:33 - October 20, 2018

హైదరాబాద్: ప్రధానమంత్రి నరేంద్రమోడీ  దేశానికి కాపలాదారులా కాకుండా అంబానీలకు కాపలా దారులా వ్యవహరిస్తున్నారని ఏఐసీసీ అధ్యక్షుడు రాహుల్ గాంధీ అన్నారు. హైదరాబాద్ చార్మినార్ వద్ద జరిగిన రాజీవ్ సద్భావనా యాత్రలో పాల్గొన్న ఆయన కేసీఆర్ పైనా విమర్శలు చేశారు. కేంద్రంలో మోడీ తీసుకున్ననిర్ణయాల వల్ల అన్నివర్గాల ప్రజలు ఇబ్బందులు ఎదుర్కొంటున్నారని రాహుల్ అన్నారు. దేశంలో అమలు చేస్తున్న జీఎస్టీ వల్ల చిరువ్యాపారులు ఉపాధి కోల్పోయారని ఆయన ఆరోపించారు. రైతుల రుణాలు మాఫీచేయని బీజేపీ ప్రభుత్వం విజయ్మాల్యాకు చెందిన 9వేల కోట్ల రూపాయల రుణాలను మాఫీచేసిందని రాహుల్ ఆరోపించారు. బ్యాంకులను మోసంచేసి విజయ్మాల్యా, నీరవ్మోడీలాంటి ఆర్ధికనేరగాళ్లు దేశం విడిచిపారిపోవటానికి మోడీ ప్రభుత్వం సహకరించిందని ఆయన చెప్పారు. రక్షణమంత్రి ప్రమేయం లేకుండా యుధ్దవిమానాల తయారీని రిలయన్స్కు అప్పగించారని, హెచ్ఏఎల్ తయారు చేయాల్సిన యుధ్దవిమానాలను అంబానీలకు అప్పగించి పెద్ద కుంభకోణానికి పాల్పడ్డారని రాహుల్ గాంధీ మోడీని విమర్శించారు. మోడీ అవినీతిని గురించి ఫ్రాన్స్ అధ్యక్షుడు చెప్పాల్సిన పరిస్దితి వచ్చిందని చెపుతూ రాహుల్ గాంధి, రాఫెల్ కుంభకోణం వ్యవహారాలను చెప్పుకొచ్చారు. ధనికులైన తన మిత్రులు లబ్ది పొందేందుకే మోడీ  పెద్దనోట్ల రద్దు నిర్ణయం తీసుకున్నారని రాహుల్ గాంధీ అన్నారు. నరేంద్రమోడీ తీసుకున్న పెద్దనోట్ల రద్దు నిర్ణయాన్నికేసీఆర్ సమర్ధించారని, పార్లమెంట్లో కూడా టీఆర్ఎస్ బీజేపీకి మద్దతిస్తోందని రాహుల్  చెప్పారు.

Pages

Don't Miss

Subscribe to RSS - congress party