defence minister

07:19 - September 18, 2018

ఉత్తరాఖండ్ : భారత రక్షణ శాఖా మంత్రి నిర్మలా సీతారామన్‌ను హత్య చేద్దామంటూ వాట్సాప్‌లో చాట్ చేసిన ఇద్దరు వ్యక్తులను నిన్న ఉత్తరాఖండ్ పోలీసులు అరెస్ట్ చేశారు. వారిద్దరు ఆ సమయంలో బాగా తాగి ఉన్నారని తెలిపారు. మంత్రి సోమవారం ఉత్తరాఖండ్‌లోని ధార్చులా పట్టణాన్ని సందర్శించినట్లు వారు వెల్లడించారు. ఈ సందేశాలపై పోలీసులు ఆదివారమే అప్రతమత్తమయ్యారు. వారిద్దరి మీద ఐటీ చట్టం, ఐపీసీ సెక్షన్‌ను విధించినట్లు పితోరాగఢ్‌ ఎస్పీ రామచంద్ర వెల్లడించారు. ఈ వాట్సాప్‌ చాట్ గురించి తమకు ఆదివారం రాత్రి సమాచారం అందిందని.. సోమవారం కేంద్ర మంత్రి పర్యటన ఉన్ననేపథ్యంలో వారిని అరెస్ట్ చేశామని ఆయన వెల్లడించారు. ‘నేను సీతారామన్‌ ను కాల్చివేస్తాను. రేపు ఆమెకు ఆఖరి రోజు’ అని నిందితుల్లో ఒకరు ఇంకొకరికి సందేశం పంపారని పోలీసులు తెలిపారు. అలాగే వారిద్దరికి గతంలో నేర చరిత్ర ఉందా ? అన్న కోణంలో విచారణ చేపట్టారు. 

 

18:11 - August 26, 2018

నెల్లూరు : తెలుగువాడికి అత్యున్నత పదవి దక్కింది. రక్షణశాఖలో కీలకమైన రక్షణ పరిశోధన అభివృద్ధి సంస్థ చైర్మన్‌గా ఆంధ్రప్రదేశ్‌కు చెందిన డాక్టర్‌ జీ.సతీశ్‌రెడ్డి నియమితులయ్యారు. ఈ మేరకు నియామకాల కేబినెట్‌ కమిటీ ఆమోదం తెలిపింది. ఆయన ఈ పదవిలో రెండేళ్ల పాటు కొనసాగుతారు. డీఆర్‌డీవో చైర్మన్‌ పదవిని చేపట్టిన తెలుగువాళ్లలో ఈయన రెండోవాడు. రక్షణ శాఖకు చెందిన కీలక బాధ్యతలను కేంద్రం ఆంధ్రప్రదేశ్ కు చెందిన డాక్టర్ జి.సతీశ్ రెడ్డికి అప్పగించింది. ప్రస్తుతం డిఆర్ డీవోలోని క్షిపణి వ్యవస్థల విభాగం డైరెక్టర్ జనరల్ గా కొనసాగుతున్న సతీశ్ రెడ్డి.. మూడేళ్లుగా రక్షణ మంత్రి శాస్త్రీయ సలహాదరుగానూ బాధ్యతలు నిర్వహిస్తున్నారు.

సామాన్య రైతు కుటుంబానికి చెందిన సతీశ్ రెడ్డి, నెల్లూరు జిల్లా ఆత్మకూరు నియోజకవర్గంలోని మహిమలూరుకు చెందిన వారు. నెల్లూరు, అనంతపురం, హైదరాబాద్ లలో విద్యాభ్యాసం పూర్తి చేశారు. 1986లో హైదరాబాద్‌లోని డీఆర్‌డీఎల్‌లో యువ శాస్త్రవేత్తగా చేరారు. మాజీ రాష్ట్రపతి అబ్దుల్‌ కలాం మానస పుత్రిక... రీసెర్చ్‌ సెంటర్‌ ఇమరత్‌.... ఆర్‌సీఐలో పనిచేశారు. జాతీయ విధానాలు రూపొందించడంలో, క్షిపణుల సమర్థత కోసం రూపొందించిన రోడ్‌మ్యా్‌పలో సతీశ్ రెడ్డి కీలక పాత్ర పోషించారు. డాక్టర్‌ ఏపీజే అబ్దుల్‌ కలాం మిసైల్‌ కాంప్లెక్స్‌ లాబొరేటరీ్‌సకి డైరెక్టర్‌ జనరల్‌గా నేతృత్వం వహించారు. అనేక నూతన ఆవిష్కరణలకు ఆద్యుడిగా ఉన్నారు.

సతీశ్ రెడ్డి కొత్త ప్రాజెక్టులు చేపట్టడంలో కీలక పాత్ర పోషించారు. డీఆర్‌డీవోలో స్వదేశీ పరిజ్ఞాన రూపకల్పన, అభివృద్ధికి సతీశ్‌రెడ్డి విశేష కృషి చేశారు. క్షిపణులు, వ్యూహాత్మక వ్యవస్థలు, వైమానిక పరిజ్ఞానాన్ని పెంపొందించేందుకు కృషి చేశారు. భారత అంతరిక్ష సాంకేతికత పురోగతిలో కీలకపాత్ర పోషించారు. జాతీయ స్థాయి విధానాల రూపకల్పనకు సహకారం అందించారు. నేవిగేషన్‌ రంగంలో ఆయన రూపొందించిన అనేక పరికరాలను క్షిపణులు, ఇతర రక్షణ వ్యవస్థల్లో ఉపయోగిస్తున్నారు. ఆయన ఆధ్వర్యంలో తొలిసారి 1000కిలోల గైడెడ్‌ బాంబులను అభివృద్ధి చేశారు. శాస్త్ర, సాంకేతిక రంగాల్లో సతీశ్‌రెడ్డి కృషిని గుర్తించిన ఏపీ ప్రభుత్వం గత ఏడాది హంస పురస్కారాన్ని ప్రదానం చేసింది. అంచెలంచెలుగా ఎదుగుతూ వచ్చిన సతీశ్ రెడ్డిని 2014లో కేంద్ర ప్రభుత్వం విశిష్ట శాస్త్రవేత్తగా గుర్తించింది. 2015లో పదోన్నతి కల్పించి రక్షణ శాఖ మంత్రికి శాస్త్రీయ సలహాదారుగా నియమించింది. ప్రస్తుతం సతీశ్ రెడ్డి డిఆర్ డీఓ చైర్మన్ గా నియమితులయ్యారు. త్వరలోనే ఆయన బాధ్యతలను చేపట్టనున్నారు. 

16:34 - August 26, 2018

నెల్లూరు : రక్షణ ఉత్పత్తుల ఎగుమతి స్థాయికి డీఆర్డీవోను తీసుకెళుతానని డీఆర్‌డీవో చీఫ్‌ డాక్టర్ సతీశ్ రెడ్డి తెలిపారు. ఆయన డీఆర్ డీవో చీఫ్ గా నియమితులైన సంగతి తెలిసిందే. ఈ సందర్భంగా టెన్ టివి ఆయనతో ముచ్చటించింది. డీఆర్ డీవోలో నూతన పరిశోధనలకు ప్రాధాన్యతనిస్తానని, నూతన ఆవిష్కరణలను ప్రోత్సాహిస్తానని, దేశ రక్షణకు ఆధునిక సాంకేతిక పరిజ్ఞానం అవసరమన్నారు. మరింత సమాచారం కోసం వీడియో క్లిక్ చేయండి. 

21:10 - February 12, 2018

ఢిల్లీ : జమ్ముకశ్మీర్‌లోని సంజ్వాన్‌లో ఆర్మీ ఆపరేషన్‌ ముగిసిందని రక్షణ మంత్రి నిర్మలా సీతారామన్‌ తెలిపారు. ఆర్మీ ఆపరేషన్‌లో ముగ్గురు ఉగ్రవాదులు హతమయ్యారని మంత్రి వెల్లడించారు. ఉగ్రవాద దాడుల వెనక పాకిస్తాన్‌కు చెందిన జైష్‌ -ఎ-మహ్మద్‌ హస్తం ఉందని మంత్రి పేర్కొన్నారు. పాకిస్తాన్‌ ప్రోత్సాహంతోనే ఉగ్రదాడులు జరుగుతున్నాయని... ఉగ్రవాద నేత మసూద్‌ అజహర్‌ కశ్మీర్‌కు టెర్రరిస్టులను స్పాన్సర్‌ చేస్తున్నారని సీతారామన్‌ స్పష్టం చేశారు. త్వరలో ఎన్‌ఐఏ ఆధారాలను సేకరిస్తోందని మంత్రి చెప్పారు. ఉగ్రవాదుల దాడులను భద్రతా బలగాలు సమర్థవంతంగా తిప్పి కొడుతున్నాయన్నారు. ఉగ్రవాదుల దాడుల నేపథ్యంలో రక్షణమంత్రి జమ్ముకశ్మీర్‌లో పర్యటిస్తున్నారు. 

21:31 - October 31, 2017

ముంబై : ఎల్ఫిన్‌స్టన్‌ రైల్వేస్టేషన్‌ను కేంద్ర మంత్రులు పీయూష్‌ గోయెల్‌, నిర్మలా సీతారామన్‌ ఘటనా స్థలాన్ని సందర్శించారు. సెప్టెంబర్‌ 29న పాదాచారుల వంతెనపై తొక్కిసలాట జరిగి 23 మంది ప్రాణాలు కోల్పోయిన విషయం తెలిసిందే. ఈ హృదయ విదారక ఘటన జరిగిన నెల రోజులకు కేంద్ర మంత్రులు బ్రిడ్జిని సందర్శించారు. వీరివెంట మహారాష్ట్ర సిఎం దేవేంద్ర ఫడ్నవిస్‌ కూడా ఉన్నారు. ఈ వంతెన పునర్నిర్మాణం చేపడుతున్నట్లు సిఎం ప్రకటించారు. ఇందుకోసం సైన్యం సాయం తీసుకుంటున్నట్లు ఫడ్నవిస్ వెల్లడించారు. వచ్చే ఏడాది జనవరి 31 నాటికి వంతెన నిర్మాణం పూర్తవుతుందని సిఎం చెప్పారు. సివిల్‌ పనులను ఆర్మీ చేపట్టడం ఇదే తొలిసారని రక్షణ మంత్రి నిర్మలా సీతారామన్‌ తెలిపారు. ఆర్మీ పాత్ర సరిహద్దులోనే ఉంటుంది కానీ ఈ ఘటన పెను విషాదమని.. బ్రిడ్జి నిర్మాణాన్ని త్వరితగతిన పూర్తి చేసేందుకు ఈ నిర్ణయం తీసుకున్నామని కేంద్రమంత్రి చెప్పారు. బ్రిడ్జి పనుల్లో కూడా ఆర్మీని వినియోగించడంపై పంజాబ్‌ సిఎం అమరిందర్‌సింగ్‌ అభ్యంతరం వ్యక్తం చేశారు.

08:48 - September 27, 2017

ఢిల్లీ : ఆప్గనిస్తాన్‌కు భారత సైనికులను పంపే ప్రసక్తే లేదని కేంద్ర రక్షణశాఖ మంత్రి నిర్మలా సీతారామన్‌ స్పష్టం చేశారు. అభివృద్ధి, వైద్య సేవలకు తదితర రంగాల్లో ఆఫ్గనిస్తాన్‌కు భారత్‌ సహాయం చేస్తుందని తెలిపారు. మూడు రోజుల పర్యటన కోసం భారత్‌కు వచ్చిన అమెరికా రక్షణ శాఖ కార్యదర్శి జేమ్స్‌ మ్యాటీస్- రక్షణమంత్రి నిర్మలా సీతారామన్‌తో భేటి అయ్యారు. ఉగ్రవాదం తదితర అంశాలపై చర్చించారు. అనంతం సంయుక్త మీడియా సమావేశంలో ఇరువురు నేతలు మాట్లాడారు. పాకిస్తాన్‌లో ఉగ్రవాద స్వర్గధామాలు సహించరాదని ఇరుదేశాలు అంగీకారానికి వచ్చినట్లు సీతారామన్‌ తెలిపారు. ఒకవేళ జేమ్స్‌ మటిస్‌ పాకిస్థాన్‌లో పర్యటిస్తే, ఆ దేశంలో ఉగ్రవాద సురక్షిత స్థావరాలు, సరిహద్దుల ఆవలి నుంచి ఎదురవుతున్న ఉగ్రవాద సమస్యలను లేవనెత్తాలని కోరినట్లు ఆమె తెలిపారు. ఉగ్రవాదంతో భారత్‌, అమెరికాలు నష్టపోయాయని, ఉగ్రవాదాన్ని నిర్మూలించేందుకు భారత్‌తో కలిసి పనిచేస్తామని జేమ్స్‌ చెప్పారు. ఉగ్రవాదం ప్రపంచానికి ముప్పుగా పరిణమించిందని జేమ్స్‌ అన్నారు.

22:30 - September 7, 2017
13:32 - April 5, 2017

ఢిల్లీ : పాకిస్థాన్‌ మరోసారి కాల్పుల విరమణ ఒప్పందానికి తూట్లు పొడిచింది. భారత్‌ వైపు నుంచి ఎటువంటి కవ్వింపు చర్యలు లేకుండానే కాల్పులకు తెగబడింది. జమ్ములోని పూంచ్‌ సెక్టార్‌లో దేగ్వార్‌ ప్రాంతంలో కాల్పులు ప్రారంభించింది. ఈ ఘటనలో ఎటువంటి ప్రాణనష్టం జరిగినట్లు సమాచారం అందలేదు.

08:17 - April 4, 2017

మాస్కో : రష్యాలో ఉగ్రవాదులు పంజా విసిరారు. మాస్కోలోని సెయింట్‌ పీటర్స్‌ బర్గ్‌ మెట్రోస్టేషన్‌లో బాంబు పేల్చారు. ఈ ప్రమాదంలో 10 మంది చనిపోయారు. మరో 50మందికిపైగా గాయపడ్డారు.  బాంబు పేలుడుతో రెడ్‌ అలర్ట్‌ ప్రకటించారు. 
సెయింట్‌ పీటర్స్‌బర్గ్‌ రైల్వేస్టేషన్‌లో పేలుళ్లు
రష్యాలో మరోసారి ఉగ్రవాదులు తెగబడ్డారు. మాస్కోలోని సెయింట్‌ పీటర్స్‌బర్గ్‌ రైల్వేస్టేషన్‌లో బాంబులు పేల్చారు. ఒక్కసారిగా పేలుళ్లు సంభవించడంతో ఎక్కడివారు అక్కడ భయంతో పరుగులు తీశారు. బాంబు పేలుళ్లతో  మాస్కో ప్రజలు ఒక్కసారిగా ఉలిక్కిపడ్డారు.   రద్దీగా ఉన్న మెట్రోస్టేషన్లను టార్గెట్‌ చేసుకుని ఉగ్రవాదులు ఈ దాడికి పాల్పడ్డారు.  రెండు మెట్రోస్టేషన్లలో పేలుళ్లు జరిగినట్టు ప్రత్యక్ష సాక్షులు చెబుతున్నారు.
పేలుళ్లలో 10మంది మృతి
ఉగ్రవాదులు జరిపిన బాంబు పేలుళ్లతో మొత్తం 10మంది రష్యన్‌లు చనిపోయారు. మరో 50మంది వరకు గాయపడ్డారు.  బాంబు పేలుడు జరిగిన బోగీ దగ్గర మృతదేహాలు చెల్లాచెదురుగా పడిఉన్నాయి.  రక్తపు మరకలు కూడా కనిపిస్తున్నాయి.  అగ్నిమాపక సిబ్బంది మంటలను ఆర్పేశారు. గాయపడిన వారిలో చిన్నారులు ఎక్కువగా ఉన్నట్టు తెలుస్తోంది.
పేలుళ్లతో రష్యా ప్రభుత్వం అలర్ట్‌
సెయింట్‌ పీటర్స్‌బర్గ్‌ రైల్వేస్టేషన్‌లో బాంబు పేలుళ్లతో ప్రభుత్వం అలర్ట్‌ అయ్యింది. సమీపంలోని  8 స్టేషన్లనూ మూసివేశారు.  మాస్కోలో రెడ్‌ అలర్ట్‌ ప్రకటించారు. రష్యన్‌ భద్రతా బలగాలు రంగంలోకి దిగాయి.  రైలులోని అనుమానాస్పద వస్తువులను స్వాధీనం చేసుకున్నారు.  ఐఈడీ బాంబుతో బోగీని పేల్చివేసినట్టు అంచనా వేశారు. మరోవైపు పేలుళ్ల నేపథ్యంలో భద్రతా అధికారులతో పుతిన్‌ సమావేశమై పరిస్థితిని సమీక్షించారు.  ఘటనపై అన్ని కోణాల్లో విశ్లేషిస్తున్నామన్నారు. పేలుడు బాధితులకు పుతిన్‌ సంతాపం తెలిపారు. 
 

 

21:21 - March 12, 2017

గోవా : ప్రభుత్వ ఏర్పాటుపై ఉత్కంఠ వీడింది. బీజేపీయే మళ్లీ అధికారం చేపట్టనుంది. బీజేపీకే గోవా ఫార్వర్డ్‌ పార్టీ, ఎంజీపీతోపాటు ఇండిపెండెంట్లు మద్దతు ప్రకటించారు. అయితే కేంద్రమంత్రి పారికర్‌ మరోసారి గోవా సీఎం పగ్గాలు చేపట్టనున్నారు. ఈనెల 14న ఆయన సీఎంగా ప్రమాణస్వీకారం చేయనున్నారు. ఇప్పటికే ఆయన కేంద్రమంత్రి పదవికి రాజీనామా చేశారు. ఆదివారం సాయంత్రం తనకు మద్దతిస్తున్న ఎమ్మెల్యేలందరితో కలిసి గవర్నర్‌ను కలిశారు. ప్రభుత్వ ఏర్పాటుకు ఆహ్వానించాలని కోరారు. తమకు మద్దతిస్తోన్న గోవా ఫార్వర్డ్‌ పార్టీకి 3మంత్రి పదవులు కట్టబెట్టే యోచనలో బీజేపీ ఉన్నట్టు తెలుస్తోంది.

Pages

Don't Miss

Subscribe to RSS - defence minister