delhi

07:29 - February 22, 2018

ఢిల్లీ : బొగ్గు గనుల ప్రయివేటీకరణకు అనుమతిస్తూ ఆర్థిక వ్యవహారాల క్యాబినెట్‌ కమిటీ తీసుకున్న నిర్ణయాన్ని సిపిఎం ఖండించింది. బొగ్గుగనుల తవ్వకాల్లో ప్రయివేటు కంపెనీలతో పాటు విదేశీ కంపెనీలను అనుమతించేందుకు కేంద్రం సమ్మతించింది. మోది సర్కార్‌ చేపడుతున్న ఆర్థిక సంస్కరణల్లో భాగమే ఈ నిర్ణయమని విమర్శించింది. ఈ నిర్ణయం వల్ల ప్రయివేట్‌ సంస్థల గుత్తాధిపత్యం పెరిగిపోయి ప్రభుత్వ రంగ సంస్థ కోల్‌ ఇండియాకు ముప్పు ఏర్పడే ప్రమాదం ఉందని హెచ్చరించింది. కార్మికుల భద్రతకు ముప్పు కలిగే ఈ చర్యను వామపక్షాలు తీవ్రంగా వ్యతిరేకిస్తున్నాయని, తక్షణమే దీన్ని వెనక్కి తీసుకోవాలని సిపిఎం డిమాండ్‌ చేసింది. మరోవైపు బిజెపి ప్రభుత్వ హయాంలో ఆశ్రిత పెట్టుబడిదారి విధానం పెరిగిపోతుండడంపై సిపిఎం ఆందోళన వ్యక్తం చేసింది. కుట్రపూరిత ఆలోచనతో బ్యాంకు రుణాలు ఎగ్గొట్టి దేశం విడిచి పారిపోయిన నీరవ్‌ మోది ఉదంతమే ఇందుకు నిదర్శనమని పేర్కొంది. నీరవ్‌ విదేశాలకు పారిపోవడంపై ప్రభుత్వం నోరు విప్పడం లేదని విమర్శించింది.

10:26 - February 21, 2018

చెన్నై : తమిళనాడులో మరో కొత్త రాజకీయ పార్టీ ఆవిర్భావానికి రంగం సిద్ధమైంది. ప్రముఖ నటుడు కమల్‌ హసన్‌ మధురై వేదికగా కొత్త రాజకీయ పార్టీ పేరును ప్రకటించి జెండాను ఆవిష్కరించనున్నారు. మధురైలోని ఐల్యాండ్‌ గ్రౌండ్స్‌లో బుధవారం సాయంత్రం జరిగే భారీ బహిరంగ సభలో పార్టీ విధి విధానాలను కమల్‌ ప్రకటిస్తారు. ఇప్పటికే మధురైకి చేరుకున్న కమల్‌ హసన్‌- బహిరంగసభ ఏర్పాట్లను సహచరులతో కలిసి పర్యవేక్షించారు. కమల్‌ అక్కడి నుంచి నేరుగా రామేశ్వరం వెళ్లి మాజీ రాష్ట్రపతి డాక్టర్ ఏపీజే అబ్దుల్ కలాం సమాధిని సందర్శించుకోనున్నారు. ప్రజా సమస్యలు తెలుసుకునేందుకు కమల్ రాష్ట్రవ్యాప్తంగా పర్యటించనున్నారు.

తమిళనాట రాజకీయ సందడి
ఈ కార్యక్రమానికి జాతీయ స్థాయి నేతలు రానుండడంతో తమిళనాట రాజకీయ సందడి నెలకొంది. ఢిల్లీ సిఎం కేజ్రీవాల్‌తో పాటు బీహార్ సీఎం నితీశ్ కుమార్, కేరళ సీఎం పినరయి విజయన్, కమ్యూనిస్టు నేతలు సహా పలువురు జాతీయ స్థాయి నేతలను కమల్ ఆహ్వానించారు. తమిళ సూపర్‌స్టార్‌ రజనీకాంత్‌, విజయ్‌కాంత్‌ తదితరులు హాజరు కానున్నారు. డిఎంకె చీఫ్‌ కరుణానిధిని కూడా కమల్‌ కలుసుకున్నారు. అధికారంలో ఉన్న అన్నాడిఎంకెను మాత్రం ఆయన ఆహ్వానించలేదు. అన్నాడిఎంకె విధానాలు నచ్చకనే తాను రాజకీయాల్లోకి వచ్చానని కమల్‌ స్పష్టం చేశారు. అవినీతి, మతతత్వ విధానాలను కమల్‌ తీవ్రంగా వ్యతిరేకిస్తున్నారు.తమిళనాట రాజకీయాలకు సినీరంగానికి విడదీయరాని బంధముంది. తమిళ రాజకీయాలను ప్రభావితం చేసిన ఎంజీఆర్‌, జయలలిత, కరుణానిధి సినీరంగానికి చెందినవారే. విలక్షణ నటుడిగా పేరు తెచ్చుకున్న కమల్‌హసన్‌ సినిమాలకు గుడ్‌బై చెబుతున్నట్లు ఇటీవల ప్రకటించారు. ఫుల్‌ టైం రాజకీయాల్లోనే ఉండాలని భావిస్తున్న లోకనాయకుడికి తమిళ ప్రజలు ఎలా ఆదరిస్తారన్నది వేచి చూడాలి.

08:55 - February 19, 2018

ఢిల్లీ : మరో కుంభకోణం వెలుగు చూసింది. పంజాబ్ నేషనల్ బ్యాంకు స్కాం మరువకముందే మరో మోసం బహిర్గతమైంది. రొటొమాక్ పెన్నుల కంపెనీ యజమాని విక్రమ్ కొఠారి బ్యాంకులకు కుచ్చుటోపి పెట్టాడు. సుమారు రూ. 800 కోట్లు ఎగ్గొట్టాడు. ఐదు బ్యాంకుల నుండి ఈ డబ్బును తీసుకున్న కొఠారి ఇప్పటి వరకు అసలు..వడ్డీ కొఠారీ చెల్లించలేదు. అలహాబాద్ బ్యాంకు, బ్యాంక్ ఆఫ్ బరోడా, ఇండియన్ ఓవర్సీస్ బ్యాంకు, యూనియన్ బ్యాంక్ ఆఫ్ ఇండియా, బ్యాంక్ ఆఫ్ ఇండియాల నుండి అప్పులు తీసుకున్నాడు. నిబంధనలు ఉల్లంఘించిన పలు బ్యాంకులు అతడికి అప్పులిచ్చాయి. గత కొన్ని రోజులుగా కాన్పూర్ లో ఉన్న కార్యాలయం మూతపడింది. 

18:27 - February 16, 2018
11:21 - February 16, 2018

ఢిల్లీ : దాదాపు పదేళ్లుగా సాగుతున్న కావేరీ నది జలాల వివాదంపై సుప్రీంకోర్టు త్రిసభ్య ధర్మాసనం తెరదించింది. కావేరీ నది జలాలపై ఏ రాష్ట్రానికి సంపూర్ణ హక్కు లేదని పేర్కొంది. ఆయా రాష్ట్రాలకు నీటిని కేటాయించింది. తమిళనాడుకు 177 టీంఎసీల నీటిని ఇవ్వాలని కర్నాటక రాష్ట్రాన్ని సుప్రీం ఆదేశించింది. కర్నాటక రాష్ట్రానికి 184.75 టీంఎసీలు, బెంగళూరు తాగునీటి అవసరాలకు 4.5 టీఎంసీలు, కేరళ, పుదుచ్చేరిలకు యథాతథంగా కేటాయింపులుంటాయని తెలిపింది.

సుప్రీంకోర్టు ఇచ్చిన తీర్పుతో తమిళనాడులో అసంతృప్తులు వ్యక్తమౌతున్నట్లు సమాచారం. కరవుతో ఇబ్బందులు ఎదురవుతున్నాయని నీటిని అదనంగా కేటాయించాలని కోరుతూ వస్తున్న సంగతి తెలిసిందే. కానీ మరింత తక్కువగా నీటిని కేటాయించడం పట్ల విమర్శలు వెల్లువెత్తుతున్నాయి. రైతులు..ప్రతిపక్షాలు తీవ్ర ఆగ్రహంగా ఉన్నట్లు సమాచారం. కర్నాటక రాష్ట్రానికి ఇప్పుడిస్తున్న నీటికి అదనంగా కేటాయింపులు జరిపినట్లు, రాష్ట్రంలో ఎన్నికల సమయం కావడంతో తమకు అన్యాయం చేస్తున్నారని పేర్కొంటున్నట్లు తెలుస్తోంది. ఈ నేపథ్యంలో ఎలాంటి శాంతిభద్రతలకు విఘాతం కలుగకుండా ఉండేందుకు పోలీసులు భారీ బందోబస్తు ఏర్పాటు చేశారు. 

22:09 - February 15, 2018

ఢిల్లీ : కృష్ణా రివర్‌ మేనేజ్‌మెంట్‌ బోర్డు, గోదావరి రివర్‌ మేనేజ్‌మెంట్ బోర్డు పరిధి నిర్ణయించాలని ఏపీ ప్రభుత్వం కేంద్రాన్ని కోరింది. ఢిల్లీలో జరిగిన ఏపీ, తెలంగాణ నీటిపారుదల మంత్రులు, అధికారుల సమావేశంలో కేఆర్‌ఎంబీ, జీఆర్‌ఎంబీపై చర్చించారు. ఏపీ పునర్విభజన చట్టంలో ఉన్న విధంగా ఈ రెండు నదుల పరిధిని తేల్చాలని ఏపీ కోరింది. అలాగే దశాబ్దం క్రితం ప్రారంభించిన ఎనిమిది ప్రాజెక్టులకు కేంద్రం నుంచి రావాల్సిన నిధులను విడుదల చేయాలని విజ్ఞప్తి చేసింది. 
 

22:05 - February 15, 2018

ఢిల్లీ : పట్టిసీమ ఎత్తిపోతల ద్వారా గోదావరి  నుంచి కృష్ణానదికి తరలిస్తున్న నీటిలో  తెలంగాణ వాటా తేల్చాలని రాష్ట్ర ప్రభుత్వ అధికారులు కేంద్రానికి విజ్ఞప్తి చేశారు. కృష్ణా, గోదావరి రివర్‌ మేనేజ్‌ బోర్డుల పరిధి నిర్ణయించాలన్న ఏపీ అధికారుల వాదనపై ఢిల్లీలో జరిగిన సమావేశంలో తెలంగాణ అధికారులు అభ్యంతరం వ్యక్తం చేశారు. కృష్ణా ట్రైబ్యునల్ అవార్డు తర్వాతే కేఆర్‌ఎంబీ పరిధిలోకి ప్రాజెక్టులు తీసుకురావాలని కోరారు. పట్టిసీమ ఎత్తిపోతలలో తెలంగాణ వాటా 45 టీఎంసీలు ఇవ్వాలని కోరారు.

22:00 - February 15, 2018

ఢిల్లీ : తెలంగాణ ముఖ్యమంత్రి కేసీఆర్‌ కేంద్ర ఆర్థిక మంత్రి అరుణ్‌ జైట్లీతో భేటీ అయ్యారు. రాష్ట్రానికి సంబంధించిన పలు అంశాలపై ఇద్దరు నేతలు చర్చించారు. విభజన చట్టంలోని హామీలను అమలు చేయాలని కేసీఆర్‌ కోరారు. రాష్ట్రంలోని వెనుకబడిన జిల్లాలకు సాయం చేయాలని విజ్ఞప్తి చేశారు. తెలంగాణలోని తొమ్మిది పాత జిల్లాలను వెనుకబడిన ప్రాంతాలుగా గుర్తించినందుకు జైట్లీకి కేసీఆర్‌ ధన్యవాదాలు తెలిపారు. 2014 నుంచి 2017 వరకు రాష్ట్రానికి రావాల్సిన 1350 కోట్లు విడుదల చేయడంపట్ల కృతజ్ఞతలు చెప్పారు. 2017-18 నిధులను కూడా విడుదల చేయాలని కేసీఆర్‌ కోరారు. ఎయిమ్స్‌కు నిధులు కేటాయించాలన్న కేసీఆర్‌ విన్నపంపై జైట్లీ సానుకూలంగా స్పందించారు. 2018-19 వార్షిక బడ్జెట్‌లో నిధులు కేటాయిస్తామని హామీ ఇచ్చారు. 
 

15:42 - February 14, 2018

ఢిల్లీ : ఢిల్లీలో ఆప్‌ ప్రభుత్వం అధికారంలోకి వచ్చి ఇవాళ్టికి మూడేళ్లు పూర్తయింది. ఆప్‌ సర్కార్‌ మూడేళ్లలో సాధించిన ప్రగతిని ముఖ్యమంత్రి అరవింద్‌ కేజ్రీవాల్‌ వివరించారు. ఢిల్లీలో గత 70 ఏళ్లలో జరగని అభివృద్ధి పనులను ఈ మూడేళ్లలో చేసి చూపించామన్నారు. విద్య, వైద్య రంగంలో తమ ప్రభుత్వం ఎనలేని కృషి చేసిందని కేజ్రీవాల్‌ తెలిపారు. 164 మొహల్లా క్లినిక్‌లు ఏర్పాటు చేశామని...మరి కొద్దిరోజుల్లో 950 మొహల్లా క్లినిక్‌లు అందుబాటులోకి రానున్నాయని చెప్పారు. ప్రభుత్వ ఆసుపత్రుల్లో గత 70 ఏళ్లలో 10 వేల పడకలుంటే...ఈ ఏడాది చివరికల్లా మరో 3 వేల పడకలను సమకూర్చుతున్నామని వెల్లడించారు. 20 కొత్త స్కూళ్లను నిర్మించినట్లు కేజ్రీవాల్‌ వెల్లడించారు. గత మూడేళ్లలో విద్యుత్‌ చార్జీలను పెంచలేదన్నారు. 2015లో జరిగిన ఎన్నికల్లో మొత్తం 70 అసెంబ్లీ స్థానాలకు గాను 67 స్థానాలను ఆప్‌ గెలుచుకుని రికార్డ్‌ సృష్టించింది.

18:48 - February 13, 2018

ఢిల్లీ : ఈ ఏడాది ఏప్రిల్‌ 19 నుంచి 21 వ తేదీ వరకు సీపీఎం జాతీయ మహాసభలు హైదరాబాద్‌లో జరుగనున్నాయి. ఈ సమావేశాల్లో చర్చించే రాజకీయ తీర్మానం ముసాయిదాను పార్టీ నాయకలు విడుదల చేశారు. 80 పేజీల తీర్మానంపై డివిజన్‌ నుంచి రాష్ట్ర స్థాయి వరకు చర్చిస్తారు. అంతర్జాతీయ, జాతీయ రాజకీయ, ఆర్థిక, సామాజిక పరిస్థితులు, పరిణామాలు, పార్టీ బలోపేతానికి తీసుకోవాల్సిన చర్యలు, భవిష్యత్‌ పోరాటాలు, సీపీఎం రాజకీయ పంథా... తదితర అంశాలను ముసాయిదాలో చేర్చారు. పూర్తి వివరాలకువ వీడియో చూడండి.

Pages

Don't Miss

Subscribe to RSS - delhi