delhi

13:20 - August 16, 2018

ఢిల్లీ : భారత మాజీ ప్రధానమంత్రి అటల్ బిహారి వాజ్ పేయి ఆరోగ్యం అత్యంత విషమంగా క్షీణించిందని ఎయిమ్స్ వైద్యులు వెల్లడించారు. దీనితో పలువురు రాజకీయ నేతలు ఎయిమ్స్ లో వాజ్ పేయిని పరామార్శిస్తున్నారు. వాజ్ పేయి ఆరోగ్యం కోలుకోవాలని దేశవ్యాప్తంగా ప్రార్థనలు, పూజలు చేస్తున్నారు. పలు చోట్ల హోమాలు చేస్తున్నారు. బీజేపీ పాలిత రాష్ట్రాల ముఖ్యమంత్రులు ఢిల్లీకి రావాలని పార్టీ అధిష్టానం సూచించింది. దీనితో పలువురు ముఖ్యమంత్రులు ఎయిమ్స్ బాట పట్టారు. మరింత సమాచారం కోసం వీడియో క్లిక్ చేయండి. 

12:13 - August 16, 2018

ఢిల్లీ : మాజీ ప్రధాని వాజ్‌పేయి ఆరోగ్యం విషమంగానే ఉందని ఎయిమ్స్‌ వైద్యులు ప్రకటించారు. బుధవారం రాత్రి మాదిరిగానే ఆరోగ్యపరిస్థితి విషమంగా ఉన్నట్లు వైద్యులు తాజాగా విడుదల చేసిన హెల్త్‌ బులెటిన్‌లో పేర్కొన్నారు. ప్రస్తుతం వాజ్‌పేయికి వెంటిలేటర్‌పై చికిత్స అందిస్తున్నట్లు తెలిపారు. వాజ్‌పేయిని ఉప రాష్ట్రపతి వెంకయ్యనాయుడు, హోంమంత్రి రాజ్‌నాథ్‌సింగ్‌ పరామర్శించారు. ఇక అమిత్‌షా, జేపీ నడ్డా ఆస్పత్రిలోనే ఉండి పరిస్థితిని పర్యవేక్షిస్తున్నారు. నిన్న వాజ్‌పేయిని పరామర్శించిన ప్రధాని మోదీ... ఆయన ఆరోగ్య పరిస్థితిని అడిగి తెలుసుకున్నారు. మరోవైపు వాజ్‌పేయిని పరామర్శించేందుకు పలువురు ప్రముఖులు ఎయిమ్స్‌కు వస్తున్నారు. కాసేపట్లో వాజ్‌పేయిని పరామర్శించేందుకు కాంగ్రెస్‌ జాతీయ అధ్యక్షుడు రాహుల్‌గాంధీ, పశ్చిమబెంగాల్‌ ముఖ్యమంత్రి మమతా బెనర్జీ రానున్నారు. ఇక వాజ్‌పేయి ఆరోగ్య పరిస్థితి విషమంగా ఉండడంతో బీజేపీ నేతలు పలు కార్యక్రమాలను రద్దు చేసుకున్నారు. మరోవైపు బీజేపీ పాలిత ముఖ్యమంత్రులు అత్యవసరంగా ఢిల్లీ రావాలని బీజేపీ అధిష్టానం ఆదేశించినట్లు తెలుస్తోంది. మరింత సమాచారం కోసం వీడియో క్లిక్ చేయండి. 

11:17 - August 16, 2018

ఢిల్లీ : భారత మాజీ ప్రధాని వాజ్ పేయి ఆరోగ్య పరిస్థితి విషమంగానే ఉంది. ఎయిమ్స్ ఆసుపత్రి వైద్యులు హెల్త్ బులెటిన్ ను విడుదల చేస్తారని తెలుస్తోంది. కేంద్ర మంత్రివర్గం మొత్తం ఏయిమ్స్ ఆసుపత్రికి చేరుకుని ఆరోగ్య పరిస్థితిపై ఆరా తీస్తున్నారు. వాజ్ పేయి కుటుంబసభ్యులతో మాట్లాడారు. ప్రధాని మోడీ కాసేపట్లో ఎయిమ్స్ కు రానున్నారు. అలాగే ఏఐసీసీ అధ్యక్షుడు రాహుల్ గాంధీ, పశ్చిమ బెంగాల్ సీఎం మమత బెనర్జీలు రానున్నారు. ఉదయం ఉప రాష్ట్రపతి వెంకయ్య నాయుడు వాజ్ పేయిని పరామర్శించారు.

మూత్రనాళాల ఇన్ఫెక్షన్‌, శ్వాస తీసుకోవడం కష్టం కావడంలాంటి సమస్యలతో బాధపడుతున్న వాజ్‌పేయిని జూన్‌ 11న ఎయిమ్స్‌లో చేర్చారు. నాటి నుంచి అక్కడే ఆయన చికిత్స పొందుతున్నారు. ఎయిమ్స్‌లో చికిత్స పొందుతున్న వాజ్‌పేయి ఆరోగ్య పరిస్థితి మంగళవారం నుంచి దిగజారింది. బుధవారం మరింత క్షీణించడంతో ఆయనను ఎయిమ్స్‌ వైద్యులు వెంటిలేటర్‌పై ఉంచి చికిత్స అందిస్తున్నారు. ఆయన మూత్రపిండాల్లో ఒకటే పనిచేస్తుండడం, బలహీనమైన ఊపిరితిత్తులు, మధుమేహం కారణంగా ఆయన పరిస్థితి అత్యంత విషమంగా ఉంది. మరింత సమాచారం కోసం వీడియో క్లిక్ చేయండి. 

08:10 - August 16, 2018

ఢిల్లీ : బీజేపీ అగ్రనేత, దేశ మాజీ ప్రధాని అటల్‌ బిహారీ వాజ్‌పేయి ఆరోగ్యం ఆందోళనకరంగా ఉంది. కిడ్నీ, వృద్ధాప్య సమస్యలతో ఆయన బాధపడుతున్న సంగతి తెలిసిదే. కొన్నాళ్ల క్రితం వైద్యం కోసం ఎయిమ్స్‌లో చేరిన వాజ్‌పేయ ఆరోగ్యం బుధవారం మరింత క్షీణించింది. దీంతో వైద్యులు ఆయనకు వెంటిలేటర్‌పై చికిత్స అందిస్తున్నారు. ప్రధాని మోదీసహా పలువురు కేంద్రమంత్రులు, బీజేపీ ముఖ్యనేతలు వాజ్‌పేయిని ఎయిమ్స్‌లో పరామర్శించారు. కాసేపటి క్రితం ఉప రాష్ట్రపతి వెంకయ్య నాయుడు ఎయిమ్స్ కు వెళ్లి పరామర్శించారు. గురువారం అధికారిక కార్యక్రమాలు వాయిదా వేసుకున్నారు. 93 ఏళ్ల వాజపేయి.. తొమ్మిది వారాలుగా ఢిల్లీలోని అఖిల భారత వైద్య విజ్ఞాన సంస్థ ...ఎయిమ్స్‌లో మంచానికే పరిమితమై మృత్యువుతో పోరాడుతున్నారు. 

09:22 - August 15, 2018

ఢిల్లీ : 72వ స్వాతంత్ర దినోత్సవాన్ని పురస్కరించుకుని రాష్ట్రపతి రామ్‌నాథ్‌ కోవింద్‌ దేశ ప్రజలను ఉద్దేశించి ప్రసంగించారు. భారత్‌లో అభివృద్ధి, మార్పు వేగంగా జరుగుతోందని, దీనిపై నలువైపులా ప్రశంసలు వెల్లువెత్తుతున్నాయని రాష్ట్రపతి అన్నారు. అందరికి విద్యుత్తు, ఇంటింటికి టాయ్‌లెట్లు, నీడ లేని పేదలకు ఇళ్లు లాంటి లక్ష్యాన్ని చేరువైనట్లు కోవింద్‌ వెల్లడించారు. ప్రభుత్వం కోట్ల సంఖ్యలో ఎల్‌పిజి కనెక్షన్లు ఇవ్వడం జరిగిందన్నారు. సమాజంలో మహిళలు ప్రముఖ పాత్ర పోషిస్తున్నారని పేర్కొన్నారు. ఉగ్రవాదాన్ని అణచివేయడంతో పాటు, శాంతి భద్రతలను కాపాడడంలో భద్రతా బలగాలు, పోలీసులు కీలక పాత్ర పోషిస్తున్నారని ప్రశంసించారు.

17:45 - August 10, 2018

ఢిల్లీ : విభజన హామీల అమల్లో విఫలమైన బీజేపీకి 2019 ఎన్నికల్లో శృంగభంగం తప్పదని టీడీపీ ఎంపీలు హెచ్చరించారు. అన్యాయంగా రాష్ట్రాన్ని విభజించిన కాంగ్రెస్‌కు ఏ గతిపట్టిందో.. బీజేపీకి కూడా అదేగతి పడుతుందని వారించారు. ప్రధాని మోదీ నేతృత్వంలోని బీజేపీ ప్రభుత్వం పూర్తిగా నిర్వీర్యమైందని టీడీపీ ఎంపీలు తోట నరసింహం, సుజనా చౌదరి విమర్శించారు. 

17:27 - August 10, 2018

ఢిల్లీ : మాజీ ప్రధాని రాజీవ్ హంతకులను విడుదల చేయమని కేంద్ర ప్రభుత్వం తమిళనాడు రాష్ట్ర ప్రభుత్వానికి స్పష్టం చేసింది. రాజీవ్ హంతకులను విడుదల చేయాలని తమిళనాడు రాష్ట్ర ప్రభుత్వం నిర్ణయం తీసుకున్న సంగతి తెలిసిందే. దీనిపై స్పందించాలని కేంద్రాన్ని అత్యున్నత న్యాయస్థానం ఆదేశించింది. దీనితో శుక్రవారం కేంద్ర వైఖరిని కోర్టుకు తెలియచేసింది. కేంద్రం అనుమతి లేకుండా నిందితులను విడుదల చేయవద్దని ఇదివరకే తమిళనాడు రాష్ట్ర ప్రభుత్వాన్ని కోర్టు ఆదేశించింది. దీనిపై అఫిడవిట్ దాఖలు చేయాలని ఇటీవలే సుప్రీంకోర్టుకు కేంద్రాన్ని ఆదేశించింది. దీనితో రాజీవ్ హంతకులను వదిలేది లేదని సుప్రీంకోర్టుకు తెలిపింది. 1991 మే 21న శ్రీ పెరంబుదూర్ లో జరిగిన ఆత్మాహుతి దాడిలో రాజీవ్ హత్యకు గురయ్యారు. ఈ హత్య కేసులో గత 27 ఏళ్లుగా ఏడుగురు నిందితులు జైలు శిక్ష అనుభవిస్తున్నారు. ఇందులో త్వరగా విడుదల చేయాలని నిందితురాలిగా ఉన్న నళిని కోరగా మద్రాసు హైకోర్టు తోసిపుచ్చింది. 

16:31 - August 10, 2018

ఢిల్లీ : ట్రిపుల్ తలాక్ ((ముస్లిం మహిళల వివాహ హక్కుల పరిరక్షణ) బిల్లు ఆగిపోయింది. పార్లమెంట్ వర్షాకాల సమావేశాల్లో ఈ బిల్లును ప్రవేశ పెట్టడం లేదు. శుక్రవారం రాజ్యసభలో ప్రవేశ పెట్టాలని కేంద్రం పలు ప్రయత్నాలు చేసింది. కానీ పార్టీల మధ్య ఏకాభిప్రాయం కుదరలేదు. దీనితో ఈ బిల్లును ప్రవేశ పెట్టడం లేదని రాజ్యసభ ఛైర్మన్ ఎం.వెంకయ్య నాయుడు ప్రకటించారు. బిల్లులో సవరణలకు ప్రతిపక్షాలు పట్టుబట్టినప్పటికీ కేంద్రం అందుకు అంగీకరించకుండానే లోక్‌సభలో బిల్లును పాస్ చేసిన సంగతి తెలిసిందే. ఈ బిల్లుకు కేంద్ర మంత్రివర్గం కీలక సవరణలు చేసింది.

ట్రిపుల్ తలాక్ ముసాయిదా బిల్లు 2017గా ప్రభుత్వం పేర్కొంది. ఈ బిల్లు ప్రకారం భార్యకు మాటల ద్వారా కానీ, రాత పూర్వకంగా కానీ, ఎలక్ట్రానిక్ మాధ్యమం ద్వారా కానీ ట్రిపుల్ తలాక్ చెప్పడం నేరం అవుతుందని పేర్కొంది. అందులో భాగంగా మూడేళ్ల జైలు శిక్ష, జరిమానా విధించవచ్చు. దీనిపై ముస్లిం సంఘాల నుండి వ్యతిరేకత వ్యక్తమైంది. పార్లమెంటు వర్షాకాల సమావేశాలను సోమవారం వరకు పొడిగించేందుకు కాంగ్రెస్, టీఎంసీ అంగీకరించలేదని సమాచారం.  

13:59 - August 10, 2018

ఢిల్లీ : టీఆర్ఎస్‌ ఎంపీలు ప్రధాన మంత్రి నరేంద్ర మోదీని కలిశారు. టీఆర్ఎస్‌ ఎంపీలు పార్లమెంటులో ప్రధానిని కలిసి రాష్ర్టంలో కొత్త సెక్రటేరియట్‌కు రక్షణ భూములు ఇవ్వాలని విజ్ఞప్తి చేశామని చెప్పారు. బైసన్‌ పోల్‌, జింఖానా మైదానం, రక్షణ శాఖ భూములు రాష్ర్టప్రభుత్వానికి ఇవ్వాలని కోరామని తెలిపారు. పెండింగ్ అంశాలను ప్రధాని దృష్టికి తెచ్చామని తెలిపారు.

13:19 - August 7, 2018

ఢిల్లీ : టీడీపీ ఎంపీలు, శాసన సభ, మండలిసభ్యులు, మంత్రులు ఢిల్లీకి చేరుకున్నారు. విభజన చట్టంలోని అంశాలను నెరవేర్చాలని కేంద్రమంత్రులను కలిసి విన్నవిస్తామన్నారు మంత్రి సుజయ కృష్ణ రంగారావు. విశాఖ రైల్వే ఏపీ ప్రజలకు జరిగిన అన్యాయంపై కేంద్ర మంత్రికి వివరిస్తామంటున్న మంత్రి సుజయ కృష్ణ రంగారావుతో టెన్ టివి ఫేస్‌ టు ఫేస్‌ నిర్వహించింది. వెనుకబడిన జిల్లాలకు రావాల్సిన రూ.350 కోట్లు వెంటనే విడుదల చేయాలని కోరుతామని చెప్పారు. కర్నూలు క్వారీ ఘటన దురదృష్టకరమని అన్నారు. ఇలాంటి ఘటనలు భవిష్యత్‌లో జరగకుండా చూసుకుంటామని తెలిపారు.

Pages

Don't Miss

Subscribe to RSS - delhi