deve gowda

19:21 - November 8, 2018

బెంగుళూరు: ఆంధ్రప్రదేశ్ ముఖ్యమంత్రి, తెలుగుదేశంపార్టీ జాతీయ అధ్యక్షుడు చంద్రబాబునాయుడు గురువారం బెంగుళూరులో జేడీఎస్ అధినేత, కర్ణాటక మాజీ సీఎం దేవెగౌడతో, కర్ణాటక ముఖ్యమంత్రి కుమారస్వామితోనూ సమావేశం అయ్యారు. దేశంలో బీజేపీ వ్యతిరేక కూటమి ఏర్పాటులో భాగంగా చంద్రబాబునాయుడు వీరిని కలిశారు. సుమారు 40 నిమిషాలపాటు సమావేశమైన అనంతరం ముగ్గురు నేతలు విలేకరుల సమావేశంలో మాట్లాడారు. 
రాజ్యాంగ బధ్దంగా ఏర్పాటైన సంస్ధలను మోడీ ప్రభుత్వం నిర్వీర్యం చేస్తోందని దేవెగౌడ అన్నారు. కేంద్రలోని బీజేపీని గద్దె దించాలంటే దేశంలోని లౌకికవాద పార్టీలన్నీ ఏకం కావాలని అందులో భాగంగా చంద్రబాబుతో చర్చలు జరిపామని దేవెగౌడ చెప్పారు. కూటమి బలోపేతం కోసం మిగతా పార్టీలతో కూడా చర్చలు జరపాలని చంద్రబాబుని కోరినట్లు ఆయన తెలిపారు. 
ఏపీ ముఖ్యమంత్రి చంద్రబాబునాయుడు మాట్లాడుతూ.... దేశంలోని రాజ్యంగ బధ్దంగా ఏర్పడ్డ సంస్ధలను అడ్డంపెట్టుకుని మోడీ ప్రభుత్వం దేశంలోని చాలా రాష్ట్రాల్లో ప్రతిపక్ష పార్టీలను వేధింపులకు గురిచేస్తోందని ఆరోపించారు. ప్రజాస్వామ్యాన్ని, వ్యవస్థలను, దేశాన్ని కాపాడాలన్నలక్ష్యంతో బెంగళూరు వచ్చానని చంద్రబాబు అన్నారు. పెట్రోల్,డీజిల్ ధరలు దేశంలో పెరిగిపోతున్నాయని,  ఆర్ధిక వ్యవస్ధ దెబ్బతిందని, రెగ్యులేటరీ బాడీ అయిన రిజర్వుబ్యాంకు ప్రస్తుతం మోడీ ప్రభుత్వ ఒత్తిడిలో ఉందని చంద్రబాబు చెప్పారు. ఈడీ, ఆదాయపుపన్ను శాఖలద్వారా గుజరాత్, కర్ణాటక, ఆంధ్రప్రదేశ్‌లలో వేధింపులకు పాల్పడుతూ సంస్ధలను దుర్వినియోగం చేస్తున్నారని ఆయన ఆరోపించారు. వ్యవసాయం సంక్షోభంలో పడిందని, మైనారిటీలు ఇబ్బందులు ఎదుర్కొంటున్నారని  చంద్రబాబు పేర్కొన్నారు.
టీడీపీ, జేడీఎస్‌ పాతమిత్రులేనని, లౌకికవాద శక్తులను ఏకం చేసే విషయంపై తాము చర్చించినట్లు కర్ణాటక ముఖ్యమంత్రి కుమారస్వామి చెప్పారు. కూటమి ఏర్పాటులో దేవెగౌడ, చంద్రబాబు వ్యూహాలు బాగున్నాయని కుమారస్వామి అంటూ...2019 లోక్‌సభ ఎన్నికల్లో 1996నాటి పరిస్థితులు వస్తాయని ఆశాభావం వ్యక్తం చేశారు. బీజేపీ వ్యతిరేక శక్తులు  ఏకం చేయంటంలో భాగంగా చంద్రబాబు నాయుడు ఈవారంలోనే చెన్నై వెళ్లి డీఎంకే అధ్యక్షుడు స్టాలిన్ తోనూ సమావేశం అవుతారు. 

07:27 - November 8, 2018

అమరావతి : రాహుల్‌ను కలిసి అధికార ఎన్డీయేలో గుబులు రేపిన టీడీపీ అధినేత చంద్రబాబు విపక్షాలను ఏకం చేసే ప్రక్రియను ముమ్మరం చేశారు. ఇందులో భాగంగా ఇవాళ సాయంత్రం బెంగళూరు వెళ్తున్నారు. దేవెగౌడ, కుమారస్వామిలను కలిసి భవిష్యత్‌ రాజకీయ పరిణామాలపై చర్చించనున్నారు. 

Image result for chandrababu mamata banerjeeరాష్ట్రానికి హామీలు ఇచ్చి.. మాట నిలబెట్టుకోకుండా మోసం చేసిన కేంద్రంపై చంద్రబాబు పోరాటం చేస్తున్నారు. ఎన్డీయే కూటమి నుంచి టీడీపీ బయటకు రావడం, అనంతరం బీజేపీ-టీడీపీ నేతల మాటల యుద్దం కొనసాగడం, ఆ తర్వాత టీడీపీ నేతల ఇళ్లపై ఏసీబీ దాడులు జరగడంతో ఈ వివాదం మరింత ముదిరింది. దీంతో చంద్రబాబు బీజేపీయేతర కూటమిని బలోపేతం చేసేందుకు సిద్దమయ్యారు. ఇందులో భాగంగా ఢిల్లీ వెళ్లి జాతీయ నేతలను కలిసిన చంద్రబాబు.. ఆ తర్వాత కాంగ్రెస్‌ అధ్యక్షుడు రాహుల్‌ను కలిసి సంచలనం లేపారు. ఇప్పటివరకు ఉత్తరాది రాష్ట్రాల నేతలను కలిసిన చంద్రబాబు.. ఇప్పుడు దక్షిణాది నేతలను కలిసే పనిలో పడ్డారు .ఇందులో భాగంగా ఇవాళ బెంగళూరు వెళ్తున్నారు. కర్నాటక సీఎం కుమారస్వామి, మాజీ ప్రధాని దేవెగౌడలతో సమావేశమవుతున్నారు. జేడీఎస్‌ నేతల సమావేశం అనంతరం... బెంగళూరు నుంచి నేరుగా చెన్నై వెళ్లి డీఎంకే అధినేత స్టాలిన్‌ను కూడా కలిసే అవకాశం ఉంది. ఇక కర్నాటక, తమిళనాడు పర్యటన అనంతరం చంద్రబాబు పశ్చిమబెంగాల్‌ సీఎం మమతా బెనర్జీని కూడా కలవనున్నారు. కర్నాటక ఉప ఎన్నికల్లో బీజేపీకి ఘోర పరాభావం ఎదురుకావడంతో బీజీపీయేతర శక్తులను ఏకతాటిపైకి తీసుకువచ్చే ప్రయత్నాలను చంద్రబాబు ముమ్మరం చేశారు. 

Image result for chandrababu kumaraswamyడిసెంబర్ నాటికి మోడీకి వ్యతిరేకంగా ఉన్న నాయకులను నేరుగా కలిసి వారి మద్దతు కూడగట్టే ప్రయత్నంలో ఉన్నారు చంద్రబాబు. డిసెంబర్‌లో నాలుగు రాష్ట్రాల ఎన్నికల ఫలితాలు రానున్నాయి. ఫలితాలు వచ్చిన త‌ర్వాత జ‌న‌వ‌రిలో బీజేపీయేతర కూటమి నేతలతో మరోసారి హ‌స్తిన‌లో ఒక స‌మావేశాన్ని ఏర్పాటు చేయాల‌ని చంద్రబాబు యోచిస్తున్నారు. జ‌న‌వ‌రి స‌మావేశం త‌రువాత ఆయా రాష్ట్రాల్లో నిర‌స‌న ర్యాలీలు, స‌భ‌ల్లో విపక్ష నేతలు పాల్గోనేలా ఒక ప్రణాళిక‌ను రూపొందిస్తున్నారు.
ఏదిఏమైనా తాజాగా వెలువడ్డ కర్నాటక ఉప ఎన్నికల ఫలితాలు బీజేపీ వ్యతిరేకంగా రావడంతో.. బీజేపీయేతర శక్తులను ఏకం చేసేందుకు కసరత్తు చేస్తున్న చంద్రబాబుకు మరింత బలం చేకూరింది. మరి ఈ స్పీడ్‌ ఇలాగే కొనసాగుతుందా ? లేదా ? చూడాలి. 
 

21:53 - May 15, 2018

కర్ణాటక : అసెంబ్లీ ఎన్నికల్లో హంగ్‌ ఏర్పడింది. బీజేపీ అతిపెద్ద పార్టీగా అవతరించినప్పటికీ ప్రభుత్వ ఏర్పాటుకు కావలసిన మెజారిటీ సాధించలేకపోయింది. కాంగ్రెస్‌ రెండో స్థానంలో, జేడీఎస్‌ మూడో స్థానంలో నిలిచాయి. దీంతో కర్ణాటకలో రాజకీయం రసవత్తరంగా మారింది.

ఏ ఒక్కరికి దక్కని మోజారిటీ
కర్ణాటక అసెంబ్లీకి జరిగిన ఎన్నికల ఫలితాలు వెలువడ్డాయి. మొత్తం 224 అసెంబ్లీ స్థానాలకు గాను 222 స్థానాలకు పోలింగ్‌ జరిగింది. బిజెపి 104 స్థానాలతో అతిపెద్ద పార్టీగా అవతరించింది. 78 స్థానాల్లో కాంగ్రెస్‌ గెలుపొందింది. జనతాదళ్‌ ఎస్‌ 38 స్థానాలను కైవసం చేసుకుంది. ఇద్దరు స్వతంత్ర అభ్యర్థులు గెలుపొందారు. ప్రభుత్వ ఏర్పాటుకు కావలసిన సాధారణ మెజారిటీ 112 స్థానాలు ఏ పార్టీకి దక్కక పోవడంతో హంగ్‌ అసెంబ్లీ ఏర్పడింది.

ఉత్కంట రేపిన ఓట్ల లెక్కింపు
ఉదయం 8 గంటలకు ప్రారంభమైన ఓట్ల లెక్కింపు ఉత్కంఠను రేపింది. కాంగ్రెస్‌-బిజెపిల మధ్య నువ్వా...నేనా...అన్నట్లుగా కౌంటింగ్‌ సాగింది. మొదట్లో బిజెపి 117 స్థానాల ఆధిక్యతను కనబరచడంతో కాషాయ శ్రేణులు సంబరాలు జరుపుకున్నాయి.

కౌంటింగ్‌లో గంట గంటకు పరిణామాల్లో మార్పు
ఆ తర్వాత కౌంటింగ్‌లో గంట గంటకు పరిణామాల్లో మార్పు చోటు చేసుకుంది. బిజెపి క్రమంగా ఆధిక్యతను కోల్పోయింది. కౌంటింగ్‌ పూర్తయ్యేసరికి 104 స్థానాలతో సంతృప్తి పడాల్సి వచ్చింది. ఈ ఎన్నికల్లో ముఖ్యమంత్రి సిద్ధరామయ్య, మాజీ సిఎంలు యడ్యూరప్ప, కుమారస్వామి గెలుపొందారు. రెండు చోట్ల పోటీ చేసిన సిద్ధరామయ్య ఒకచోట గెలిచారు. బదామీలో బిజెపి అభ్యర్థి శ్రీరాములుపై 3 వేల ఓట్ల పై చిలుకు ఆధిక్యంతో విజయం సాధించారు. చాముండేశ్వరిలో ఆయన ఓటమి చెందారు.

కాంగ్రెస్ ఆశలు అడియాసలు
లింగాయత్‌లపై కాంగ్రెస్‌ పెట్టుకున్న ఆశలు అడియాసలయ్యాయి. లింగాయత్‌లను ప్రత్యేక మతంగా గుర్తిస్తామని ప్రకటించడం ద్వారా వారి ఓట్లను కొల్లగొట్టవచ్చని సిఎం సిద్ధరామయ్య పన్నిన వ్యూహం బెడిసి కొట్టింది. లింగాయత్‌ల ప్రభావం ఉన్న 36 స్థానాల్లో బిజెపి విజయం సాధించింది. తమ సామాజిక వర్గానికి చెందిన యడ్యూరప్పకే ఓటేసింది.కర్ణాటకలోని తెలుగు ప్రజలున్న ప్రాంతాల్లోనూ బిజెపికే ఎక్కువ సీట్లు వచ్చాయి. సెంట్రల్‌ కర్ణాటక, కోస్టల్‌ కర్ణాటక ప్రాంతాల్లోనూ బిజెపి విజయ దుందుబి మోగించింది. ముంబై కర్ణాటక, హైదరాబాద్ కర్ణాటక, బెంగళూరు నగరంలోనూ బీజేపీ విజయం సాధించింది.

19:49 - May 15, 2018

కర్ణాటక : కన్నడ పీఠం పార్టీల మధ్య కాకపుట్టిస్తోంది. అతి పెద్ద పార్టీగా అవతరించామని బీజేపీ గప్పాలు కొట్టుకుంటున్నా ప్రభుత్వాన్ని ఏర్పాటు చేసేంత మెజారిటీ లేకుండా పోయింది. ఈ క్రమంలో అసెంబ్లీ ఎన్నికల ఫలితాలు వెలువడ్డా ఇంకా రాజకీయ వాతావరణం ఉత్కంఠగానే ఉంది. బీజేపీ అత్యధిక స్థానాలు సాధించినప్పటికీ.. మెజార్టీ రాకపోవడంతో... ప్రభుత్వ ఏర్పాటు అంశం ఆసక్తికరంగా మారింది. బీజేపీకి ఎట్టి పరిస్థితుల్లోనూ అధికారం దక్కకూడదన్న యోచనలో ఉన్న కాంగ్రెస్‌... జేడీఎస్‌కు మద్దతు ప్రకటించింది. కుమారస్వామి సీఎంగా బాధ్యతలు చేపడితే బయటనుంచి మద్దతిస్తామని ప్రకటించింది. దీంతో కుమారస్వామి తనకు అపాయింట్‌మెంట్‌ ఇవ్వాలని గవర్నర్‌కు లేఖ రాశారు. మరోవైపు బీజేపీ జేడీఎస్‌లో చీలిక తెచ్చేందుకు యత్నిస్తోంది. దేవెగౌడ మరో కుమారుడు రేవణ్ణతో పాటు.. ఆయన వర్గానికి చెందిన 12 మంది ఎమ్మెల్యేల మద్దతులో ప్రభుత్వం ఏర్పాటు చేయాలని బీజేపీ యోచిస్తోంది. రేవణ్ణకు డిప్యూటీ సీఎం పదవిని ఆఫర్‌ చేసింది. ఇక ఇప్పటికే బీజేపీ నేత యడ్యూరప్ప,.. కాంగ్రెస్‌, జేడీఎస్‌ నేతలు సిద్ధరామయ్య, కుమారస్వామిలు గవర్నర్‌ను కలిశారు. అయితే.. ప్రభుత్వ ఏర్పాటుకు గవర్నర్‌ ఎవరికి అవకాశమిస్తారనేది ఇప్పుడు ఆసక్తిగా మారింది. దీనిపై రాజ్యాంగనిపుణుల సలహాలు తీసుకునేందుకు గవర్నర్ యోచిస్తున్నట్లుగా తెలుస్తోంది. దీనిపై సరైన క్లారిటీ కోసం వేచి చూడాల్సిందే.

16:24 - May 15, 2018

ఢిల్లీ : కర్ణాటక ఎన్నికల ఫలితాల అనంతరం రాజకీయాలు నిమిష నిమిషానికి మారిపోతున్నాయి. రాష్ట్రంలో ప్రభుత్వం ఏర్పాటు చేస్తామని ఉదయం నుండి సంబరాలు జరుపుకున్న బీజేపీకి ఫలితాలు షాక్ ఇచ్చాయి. అతిపెద్ద పార్టీగా అవతరించినా ప్రభుత్వాన్ని మాత్రం బీజేపీ (104) ఏర్పాటు చేయలేకపోయింది. కాంగ్రెస్ (78) కూడా ఇదే పరిస్థితి. జేడీఎస్ (38) మద్దతు తీసుకోవాల్సినవసరం ఏర్పడింది. వెంటనే తాము జేడీఎస్ కు మద్దతిస్తామని..ప్రభుత్వాన్ని ఏర్పాటు చేయాల్సిందిగా కాంగ్రెస్ ప్రకటించింది. దేవెగౌడతో కాంగ్రెస్ అధ్యక్షుడు రాహుల్ గాంధీ, సోనియా గాంధీ ఫోన్ లో మంతనాలు జరిపారు. సాయంత్రం జేడీఎస్, కాంగ్రెస్ నేతలు గవర్నర్ ను కలువనున్నాయి. ప్రభుత్వ ఏర్పాటుకు ఆహ్వానించాల్సిందిగా కోరనున్నారు. దీనితో దేవెగౌడ నివాసం రాజకీయ చర్చలకు వేదికగా మారింది. జేడీఎస్ కార్యాకర్తల కోలాహాలం నెలకొంది. దేవెగౌడ నివాసానికి రైల్వే శాఖ మాజీ మంత్రి జాఫర్ షరీఫ్ చేరుకున్నారు.

ఒక్కసారిగా మారిపోయిన రాజకీయాలతో బీజేపీ వ్యూహరచనలో నిమగ్నమైంది. సింగిల్ లార్జెస్ట్ పార్టీగా అవతరించిన తమకు ప్రభుత్వం ఏర్పాటు చేసే అవకాశం ఇవ్వాలని గవర్నర్ ను బీజేపీ నేత యడ్యూరప్ప కోరనున్నారు. బీజేపీ కార్యాలయంలో ముఖ్య నేతలు భేటీ అయ్యారు. ప్రభుత్వం ఏర్పాటు చేసే అవకాశాలు పరిశీలిస్తున్నారు. బీజేపీలోని కీలక నేతలు వెంటనే బెంగళూరుకు పయనమయ్యారు. జేడీఎస్ నేతలు..స్వతంత్రంగా గెలిచిన నేతలతో మంతనాలు జరుపనున్నట్లు సమాచారం.

మరోవైపు ముఖ్యమంత్రి పదవికి సిద్ధరామయ్య రాజీనామా చేశారు. ఈ మేరకు కాంగ్రెస్‌ నేతలతో కలిసి గవర్నర్ వద్దకు ఆయన వెళ్లారు. కర్ణాటకలో జేడీఎస్‌-కాంగ్రెస్‌ ప్రభుత్వ ఏర్పాటుకు అవకాశమివ్వాలని కోరారు. మరి ప్రభుత్వ ఏర్పాటుకు ఎవరికి అవకాశం ఇవ్వనున్నారనేది ఉత్కంఠ నెలకొంది. 

15:55 - May 15, 2018

కర్ణాటక : ఉదయం నుండి సంబరాలు జరుపుకున్న బీజేపీకి ఎన్నికల ఫలితాలు సాయంత్రం షాక్ ఇచ్చాయి. అధికారం చేజిక్కించుకుందామని అనుకున్న బీజేపీ ఆశలు నెరవేరలేదు. మేజిక్ ఫిగర్ కు కొద్ది దూరంలో నిలిచిపోయింది. అతిపెద్ద పార్టీగా నిలిచినా ప్రభుత్వాన్ని ఏర్పాటు చేయలేకపోయింది. కాంగ్రెస్ కూడా ఇదే పరిస్థితి. రెండో స్థానంలో ఈ పార్టీ నిలిచింది. మూడో స్థానంలో నిలిచిన జేడీఎస్ కీలక పాత్ర పోషించనుంది. 

కర్ణాటక ఎన్నికల ఫలితాలు మంగళవారం విడుదలయ్యాయి. 222 స్థానాలకు జరిగిన ఎన్నికల్లో బీజేపీ 104 స్థానాలు సాధించగా కాంగ్రెస్ 78 స్థానాలు..జేడీఎస్ 38 స్థానాలు..ఇతరులు 02 స్థానాలు సాధించాయి. ఇక్కడి ఓటరు ఏ పార్టీకి స్పష్టమైన మెజార్టీ ఇవ్వలేదు. ఈ ఫలితాలతో రాజకీయాలు ఒక్కసారిగా మారిపోయాయి. వెంటనే కాంగ్రెస్ అధిష్టానం జేడీఎస్ నేత దేవెగౌడతో ఫోన్ లో మంతనాలు జరిపారు. మద్దతు తెలియచేస్తామని కాంగ్రెస్ ప్రకటించింది. జేడీఎస్, కాంగ్రెస్ సంకీర్ణ ప్రభుత్వం ఏర్పాటు అవుతుందని నేతలు వెల్లడించారు. కాంగ్రెస్ కు 20, జేడీఎస్ కు 14 మంత్రి పదవులు పంచుకొనేలా ఒప్పందం కుదిరినట్లు సమాచారం.

అయితే కర్ణాటక ప్రదేశ్ కాంగ్రెస్ కమిటీ అధ్యక్షుడు పరమేశ్వరప్ప రాజ్ భవన్ కు బయలుదేరారు. ముందస్తు అపాయింట్ మెంట్ లేదని రాజ్ భవన్ సిబ్బంది తిప్పి పంపారు. వెంటనే పద్మనాభనగర్ లోని దేవెగౌడ నివాసానికి ఆయన వెళ్లిపోయారు. సాయంత్రం గవర్నర్ ను జేడీఎస్ కాంగ్రెస్ నాయకులు కలువనున్నారు.

ఇదిలా ఉంటే బీజేపీ జాతీయ అధ్యక్షుడు అమిత్ షా ఆదేశాలతో యడ్యూరప్ప గవర్నర్ అపాయింట్ మెంట్ కోరడం ప్రాధాన్యత సంతరించుకుంది. ప్రభుత్వ ఏర్పాటు అవకాశం తమకే ఇవ్వాలని గవర్నర్ ను యడ్యూరప్ప కోరనున్నారు. తదుపరి కార్యాచరణకు బీజేపీ అగ్ర నాయకులు బెంగళూరుకు రానున్నారు. ప్రస్తుతం అందరి చూపు గవర్నర్ వైపు నెలకొంది. ప్రభుత్వ ఏర్పాటుకు ఎవరిని ఆహ్వానిస్తారనేది చూడాలి. 

15:27 - May 15, 2018

హైదరాబాద్ : కర్ణాటక రాష్ట్రంలోని ఎన్నికల ఫలితాలు తెలుగు రాష్ట్రాల ముఖ్యమంత్రులకు చెంప పెట్టు అని బీజేపీ తెలంగాణ రాష్ట్ర అధ్యక్షుడు లక్ష్మణ్ తెలిపారు. కర్ణాటక రాష్ట్రంలో అతి పెద్ద పార్టీగా బీజేపీ అవతరించడంపై బీజేపీ నేతలు మీడియాతో మాట్లాడారు. దక్షిణాది రాష్ట్రాల్లో బీజేపీ పాగా వేస్తామని, దేశ ప్రధాన మంత్రి నరేంద్ర మోడీ నాయకత్వంలో జరుగుతున్న అభివృద్ధికి ప్రజలు పట్టం కడుతున్నారని లక్ష్మణ్ తెలిపారు. ఏపీ, తెలంగాణ రాష్ట్రాలపై బీజేపీ ప్రత్యేక దృష్టి పెడుతుందని, తెలంగాణలోని నాయకత్వానికి ఫలితాలు నూతన ఉత్సాహాన్ని నింపాయని బీజేపీ సీనియర్ నేత, కేంద్ర మాజీ మంత్రి దత్తాత్రేయ తెలిపారు. కులాల మధ్య చిచ్చు పెట్టే కాంగ్రెస్ ను కర్ణాటక ప్రజలు తిప్పి కొట్టారన్నారు. మరింత సమాచారం కోసం వీడియ క్లిక్ చేయండి. 

15:11 - May 15, 2018

ఢిల్లీ : కర్ణాటక ఎన్నికల్లో ఏ పార్టీకి పూర్తి మెజార్టీ రాలేదు. మొత్తం 222 స్థానాలకు జరిగిన ఎన్నికల కౌంటింగ్ మంగళవారం ఉదయం ప్రారంభమైంది. తొలుత ఓటర్లు బీజేపీకి పట్టం కట్టారని విడుదలవుతున్న ఎన్నికల ఫలితాలను బట్టి అర్థమైంది. కానీ రౌండ్ రౌండ్ కు ఫలితాలు తారుమారయ్యాయి. మేజిక్ ఫిగర్ 112కు కొద్ది దూరంలో బీజేపీ నిలువనుంది. బీజేపీ 104 స్థానాలు..కాంగ్రెస్ 78..జేడీఎస్ 38..ఇతరులు 02 స్థానాలు సాధించే అవకాశం ఉంది. దీనితో జేడీఎస్ కు తాము మద్దతిస్తామని కాంగ్రెస్ ప్రకటించింది. జేడీఎస్ ప్రభుత్వం ఏర్పాటు చేస్తుందని..సాయంత్రం సిద్ధరామయ్య గవర్నర్ ను కలుస్తారని కాంగ్రెస్ వర్గాలు పేర్కొంటున్నాయి. దేవెగౌడ..కుమారస్వామిలతో కాంగ్రెస్ అధ్యక్షుడు రాహుల్ గాంధీ ఫోన్ లో సంభాషణలు జరిపినట్లు సమాచారం. ఎన్నికల ఫలితాలు పూర్తిగా వచ్చిన తరువాత మాట్లాడుదామని దేవెగౌడ వెల్లడించినట్లు తెలుస్తోంది. కుమార స్వామికి సీఎం పదవి ఇస్తామని కాంగ్రెస్ హామీనిచ్చినట్లు వార్తలు వెలువడుతున్నాయి. మరి 8 స్థానాల వెనుకంజలో ఉన్న బీజేపీ ఎలాంటి వ్యూహం అనుసరిస్తుంది ? ప్రభుత్వ ఏర్పాటుకు ప్రయత్నాలు చేస్తుందా ? అనేది చూడాలి. 

13:11 - May 9, 2018

బెంగళూరు : కర్నాటకలో ఎన్నికల ప్రచారం క్లైమాక్స్ కు చేరింది. గురువారంతో ఎన్నికల ప్రచారం ముగియనుంది. దీనితో ప్రధాన పార్టీలు ప్రచారాన్ని మరింత హోరెత్తిస్తున్నాయి. కాంగ్రెస్..బిజెపి..జేడీఎస్ పార్టీల నేతలు ముమ్మరంగా ప్రచారం నిర్వహిస్తూ ఓటర్లను ఆకర్షించే ప్రయత్నం చేస్తున్నాయి. ఇదిలా ఉంటుండగానే ఓటర్లను ప్రలోభ పెట్టేందుకు పలు పార్టీలు ప్రయత్నిస్తున్నాయని ఆరోపణలు వినిపిస్తున్నాయి.

మరోవైపు ఈసీ పలు ప్రాంతాల్లో తనిఖీలు..సోదాలు నిర్వహిస్తోంది. బెంగళూరులో పదివేలకు పైగా ఓటర్ల కార్డులు బయటపడడం కలకలం రేపింది. ఇవి నకిలీ ఓటర్ల కార్డులని తెలుస్తోంది. కర్నాటకలో పాగా వేసేందుకు బిజెపి వ్యూహాలు రచిస్తోంది. మరింత సమాచారం కోసం వీడియో క్లిక్ చేయండి. 

11:57 - May 9, 2018

కర్ణాటకలో మళ్లీ కాంగ్రెస్‌ అధికారంలోకి వస్తుందా ? బీజేపీకి భంగపాటు తప్పదా ? జేడీఎస్‌ మూడో స్థానంలో సరిపెట్టుకుంటుందా ? ఇప్పటికే 21 రాష్ట్రాల్లో అధికారంలో ఉన్న బీజేపీకి కర్ణాటక ఓటర్లు షాకివ్వనున్నారా ? బెంగళూరలోని పాత మైసూర్ ఎవరు గెలుస్తారనేది ఉత్కంఠ నెలకొంది. ఈ సందర్భంగా అక్కడి స్థానిక నేతలతో టెన్ టివి ముచ్చటించింది. పూర్తి సమాచారం కోసం వీడియో క్లిక్ చేయండి.

Pages

Don't Miss

Subscribe to RSS - deve gowda