Director Teja

16:30 - May 17, 2018

ప్రస్తుతం సినిమా పరిశ్రమ బయోపిక్ లతో కోట్లాది రూపాయలను కొల్లగొడుతోంది. బాక్సాఫీస్ దగ్గర కాసుల వర్షం కురిపిస్తున్నాయి బయోపిక్ లు. ప్రస్తుతం 'మహానటి' కలెక్షన్ల సునామీని సృష్టిస్తోంది. ఇంకా బైటకు రాకపోయినా దివంగత నేత రాజశేఖర్ రెడ్డి బయోపిక్ ఆన్ ద వే లో వుంది. మహానటుడు ఎన్టీఆర్ బయోపిక్ కూడా రూపుదిద్దుకుంటోంది. ఇపుపడు తాజాగా మరో నటుడి బయోపిక్ తెరమీదకు రాబోతోందంటు సిని పరిశ్రమలో వార్తలు షికార్లు చేస్తున్నాయి. మిల్క్ బోయ్ గా పేరొందిని యువ నటుడు,అంచెలంచెలుగా ఎదిగి..యూత్ లోమంచి క్రేజ్ సంపాదించిన యువ నటుడు ఉదయ్ కిరణ్ బయోపిక్ రాబోతోందనే వార్తలు చక్కర్లు కొడుతున్నాయి.

ఆత్మహత్య చేసుకుని మరణించిన ఉదయ్ కిరణ్
తెలుగు తెరపై హీరోగా ఉదయ్ కిరణ్ అంచెలంచలుగా ఎదిగాడు. యూత్ లో ఆయనకి మంచి క్రేజ్ వచ్చింది. అయితే ఆ తరువాత ఆయనకి వరుస పరాజయాలు ఎదురుకావడం .. అవకాశాలు తగ్గడం జరిగాయి. కారణమేదైనా కొంతకాలం క్రితం ఆయన ఆత్మహత్య చేసుకుని చనిపోయాడు. ఇప్పుడు ఆయన బయోపిక్ ను రూపొందించే దిశగా దర్శకుడు తేజ ప్రయత్నాలు మొదలెట్టాడనే టాక్ ఫిల్మ్ నగర్లో బలంగా వినిపిస్తోంది.

తేజా దర్శకత్వంలో ఉదయ్ కిరణ్ సినిమా..
ఉదయ్ కిరణ్ ను 'చిత్రం' సినిమా ద్వారా హీరోగా పరిచయం చేసింది తేజానే. అందువలన ఈ బయోపిక్ విషయంలో నిజం వుండే అవకాశమే ఎక్కువని చెప్పుకుంటున్నారు. ఉదయ్ కిరణ్ చనిపోయిన తరువాత 'మస్కట్' లో వుండే ఆయన సోదరి శ్రీదేవి ఒక ఇంటర్వ్యూలో కొన్ని వ్యాఖ్యలు చేసింది. ఆయనకి ఆర్థికపరమైన ఇబ్బందులు లేవంటూ కొన్ని విషయాలు ప్రస్తావించింది. అవన్నీ కూడా ఈ బయోపిక్ లో ఉండవచ్చనే అభిప్రాయాలు వ్యక్తమవుతున్నాయి. కాగా ప్రముఖ నటుడు, మాజీ సీఎం అయిన ఎన్టీఆర్ బయోపిక్ కు దర్శకత్వ బాధ్యతలు ఒప్పుకుని కొన్ని కారణాలతో ఆ సినిమా నుండి తప్పుకున్న తేజ ఉదయ్ కిరణ్ బయోపిక్ తీస్తాడనే వార్తల్లో వాస్తవమెంతో వేచి చూడాల్సిందే. 

06:49 - April 26, 2018

హైదరాబాద్ : నట సార్వభౌముడు, మాజీ ముఖ్యమంత్రి నందమూరి తారక రామారావు జీవిత చరిత్ర ఆధారంగా తెరకెక్కిస్తున్న 'ఎన్టీఆర్‌' సినిమా నుంచి దర్శకుడు తేజ వైదొలిగారు. బాలకృష్ణ కథానాయకుడిగా నటిస్తున్న చిత్రం షూటింగ్‌ ... ఇటీవల రామకృష్ణ స్టూడియోలో ప్రారంభమైంది. అయితే ఈ ప్రాజెక్టు నుంచి తప్పుకుంటున్నానని తేజ ప్రకటించారు. తాను ఎన్టీఆర్‌కు వీరాభిమానినని.... ఈ సినిమాకు న్యాయం చేయలేనని అనిపిస్తోందని... అందుకే తప్పుకుంటున్నా'నని పేర్కొన్నారు.

17:02 - March 29, 2018

హైదరాబాద్ : తెలుగువారి ఆత్మగౌరవాన్ని దశదిశలా ఇనుమడింప చేసిన మహానుభావుడు.. అభిమానుల పాలిట వెండితెర వేలుపు..  యుగపురుషుడు నందమూరి తారకరామారావు జీవిత చరిత్ర ఆధారంగా.. సినిమా షూటింగ్‌ ప్రారంభమైంది. ఎన్టీఆర్‌ పేరుతోనే రూపుదిద్దుకుంటోన్న ఈ సినిమాలో.. టైటిల్‌ రోల్‌.. ఎన్టీఆర్‌ నటవారసుడు బాలకృష్ణ పోషిస్తున్నారు. తేజ దర్శకత్వంలో వస్తోన్న ఎన్టీఆర్‌ బయోపిక్‌ సినిమా.. రామకృష్ణా కల్చరల్‌ సినీ స్టుడియోలో ఈరోజు లాంఛనంగా ప్రారంభమైంది. 
సెట్స్‌పైకి ఎన్టీఆర్ బయోపిక్‌ మూవీ  
ఎన్టీఆర్‌ అభిమానుల నిరీక్షణకు నిర్దిష్ట రూపం.. అన్నగారి బయోపిక్‌ సినిమా షూటింగ్‌ ప్రారంభం.. నందమూరి అభిమానుల్లో అంతులేని ఆనందం.. అవును.. నందమూరి అభిమానులను ఆనంద డోలికల్లో ఓలలాడించే.. స్వర్గీయ నందమూరి తారకరాముడి బయోపిక్‌ మూవీ సెట్స్‌పైకి వెళ్లింది. అన్నగారి నట వారసుడు నందమూరి బాలకృష్ణ, టైటిల్‌ రోల్‌ పోషిస్తోన్న ఈ సినిమా.. తేజ దర్శకత్వంలో రూపొందుతోంది. ఎన్టీఆర్‌ బయోపిక్‌ టైటిల్‌తో వస్తోన్న సినిమా షూటింగ్‌.. గురువారం ఉదయం.. సరిగ్గా ఉదయం 9 గంటల 45 నిమిషాలకు.. అతిరథ మహారథుల సాక్షిగా.. రామకృష్ణా సినీ స్టుడియోస్‌లో ప్రారంభమైంది. 
ప్రారంభ వేడుకల్లో పాల్గొన్న వెంకయ్యనాయుడు
ఎన్టీఆర్ బయోపిక్‌ ప్రారంభ వేడుకల్లో.. ఉపరాష్ట్రపతి వెంకయ్యనాయుడు పాల్గొని, ముహూర్తం షాట్‌కు క్లాప్‌ కొట్టారు. తెలుగువారి గుండెల్లో చిరంజీవిగా నిలిచిపోయిన నందమూరి తారకరామారావుతో.. తన అనుబంధాన్ని స్మరించుకున్న వెంకయ్య, ఎన్టీఆర్‌ బయోపిక్‌ సినిమా.. ఎన్టీఆర్‌ మాదిరిగానే, చరిత్ర సృష్టించి, ఓ చరిత్రగా నిలిచిపోవాలని ఆకాంక్షించారు. ఎన్టీఆర్ సినీ కెరీర్‌లో  మైలురాయిగా నిలిచిపోయిన లవకుశ, పాతాళభైరవి, దేశోద్ధారకుడు చిత్రాలు మార్చి 29నే రిలీజ్ అయ్యాయని ఈసందర్భంగా వెంకయ్యనాయుడు గుర్తుచేసుకున్నారు 
దుర్యోధనుడి పాత్రపై ముహూర్తం షాట్‌ చిత్రీకరణ
ఎన్టీఆర్‌కు చెరగని యశస్సును అందించిన దాన వీర శూర కర్ణ చిత్రంలోని దుర్యోధనుడి పాత్రపై ముహూర్తం షాట్‌ను చిత్రీకరించారు. కురుసభలో.. నభూతో నభవిష్యత్‌ అన్న రీతిలో ఎన్టీఆర్‌ పలికిన డైలాగ్‌ వెర్షన్‌తో.. బాలయ్య చేసిన అభినయాన్ని ఆహూతులు అభినందించారు. దుర్యోధనుడి పాత్రను ధరించిన బాలయ్యలో.. ఎన్టీఆర్‌ను చూసుకుని అభిమాన గణం మురిసిపోయింది.
సినిమా, దేశ రాజకీయాల్లో ఎన్టీఆర్ కీలక పాత్ర : బాలకృష్ణ 
చలన చిత్ర రంగంలోనే కాదు దేశ రాజకీయాల్లో కూడా కీలక పాత్ర పోషించిన ఎన్టీఆర్‌... యావద్భారతావని గుర్తుంచుకునే యశస్సును సముపార్జించుకున్నారని హీరో బాలకృష్ణ అభివర్ణించారు. ఎలాంటి వ్యతిరేక పరిస్థితుల్లోనూ.. మడమ తిప్పని ధీరత్వం ఎన్టీఆర్‌దని గుర్తు చేసుకున్నారు. తన తండ్రి పాత్రను తానే పోషించడం పూర్వజన్మ సుకృతం అని అభివర్ణించుకున్నారు బాలయ్య. 
డైరెక్టర్‌ తేజ...
ఎన్టీఆర్‌ బయోపిక్‌ను, ఎన్.బి.కె ఫిల్మ్స్, వారాహి చలనచిత్రం, విబ్రీ  మీడియా సంస్థలు నిర్మిస్తున్నాయి. ఎన్టీఆర్ సినీ జీవితం నుంచి రాజకీయ  రంగప్రవేశం దాకా అనేక కీలక ఘట్టాలను ఈ చిత్రంలో చూపించేందుకు దర్శకుడు తేజ సిద్ధంగా ఉన్నాడు. ఎంతో అదృష్టం చేసుకుంటేగాని ఎన్టీఆర్‌ సినిమాకు దర్శకత్వం వహించే అదృష్టం రాదన్నారు డైరెక్టర్‌ తేజ. 
సినిమా ప్రారంభోత్సవంలో అల్లు అరవింద్‌..
సినిమా ప్రారంభోత్సవంలో పాల్గొన్న ప్రముఖ నిర్మాత అల్లు అరవింద్‌.. తాము మదరాసీలు కాదని, తెలుగు వారమని ప్రపంచానికి చాటి చెప్పిన ఘనఖ్యాతి ఒక్క ఎన్టీఆర్‌కే దక్కుతుందన్నారు. ఇటువంటి చరిత్ర సృష్టించిన మహనీయుడి జీవితాన్ని వెండితెరపైకి తీసుకురావడం పెద్ద సాహసమని, ఇలాంటి యుగపురుషుడి  చరిత్రతో రూపొందే సినిమాలో నటించడానికి బాలకృష్ణ మాత్రమే అర్హుడని, దమ్మున్న వ్యక్తి అని అన్నారు. 
సంగీత దర్శకుడిగా కీరవాణి 
ఎన్టీఆర్‌ బయోపిక్‌ చిత్రానికి సంగీత దర్శకుడిగా కీరవాణిని ఎంపిక చేశారు. ఈ భారీ సినిమాలో.. ఎన్టీఆర్‌ పోషించిన రకరకాల పాత్రలను కూడా చూపనున్నారు. ఆయా పాత్రలకు సపోర్టింగ్‌గా నటించిన హీరోయిన్ల పాత్రలకు.. వర్తమాన నటీమణులను ఎంపిక చేయనున్నారు. హిందీ సహా పలు దక్షిణాది నటీనటులు ఈ సినిమాలో పాత్రధారులు కానున్నారు. అన్నీ అనుకున్నట్లు జరిగితే.. ఎన్టీఆర్‌ సినిమాను దసరాకి విడుదల కానుంది. 

 

10:40 - March 29, 2018

హైదరాబాద్ : తెలుగు సమాజాన్ని మేలుకొలిపేందుకు, తెలుగువారి ఆత్మగౌరవాన్ని నిలబెట్టేందుకు కారణజన్ముడిగా ఎన్టీఆర్ జన్మించారని..ఆయన పాత్రను నేను పోషించే అదృష్టం వచ్చినందుకు తాను అదృష్టం చేసుకున్నానని ఈ సినిమాలో ఎన్టీఆర్ పాత్ర పోషిస్తున్న బాలకృష్ణ తెలిపారు. తాను తొలిసారి కనిపించిన చిత్రం తాతమ్మకల సినిమా కూడా ఇదేస్థానంలో జరిగిందన్నారు. ఎన్టీఆర్ కుటుంబంలో పుట్టినందుకు తన జన్మ ధన్యమైందని అది తనకు భగవంతుడు ఇచ్చిన వరమన్నారు. తనకు తండ్రి, గురువు, దైవం ఎన్టీఆరేనని చెప్పారు. ఈ భూమిపై ఎందరో పుడుతూ ఉంటారని, అందరినీ మహానుభావులుగా భావించలేమని, ఆ స్థానానికి తగ్గ వ్యక్తి ఎన్టీఆర్ అని అన్నారు. శంకరాచార్యులు, రామానుజాచార్యులు, గౌతమీపుత్ర శాతకర్ణి, అంబేద్కర్, మహాత్మాగాంధీ వంటి వారి సరసన నిలిచే అర్హతున్న వ్యక్తి ఎన్టీఆర్ అని బాలకృష్ణ వ్యాఖ్యానించారు. 'ఎన్' అంటే నటనాలయం. ఆయన ఇల్లే నటనాలయం. ఆయన నటరాజు నటసింహుడు. 'టీ' అంటే తారా మండలంలోని ధ్రువతారకుడు. 'ఆర్' అంటే రాజర్షి, రారాజు, రాజకీయ దురంధరుడు... అని చెప్పారు. తెలుగు జాతి చరిత్రను ప్రతి విద్యార్థికీ తెలియజేయాల్సిన అవసరం ఉందని అన్నారు. సినిమా రంగంలో ప్రతి ఒక్కరూ ఎన్టీఆర్ ను అభిమానించారని గుర్తు చేశారు. ఈ సినిమాను సాధ్యమైనంత త్వరగా పూర్తి చేసి విడుదల చేయనున్నట్టు తెలిపారు.  సీఎంగా ఆయన ప్రవేశపెట్టిన అనేక సంక్షేమ పథకాలను అనేక రాష్ట్రాలు ప్రవేశపెట్టారన్నారన్నారు. ఈ సినిమా ప్రారంభోత్సవానికి విచ్చేసిన అభిమానులకు,ముఖ్యంగా నందమూరి అభిమానులకు పేరుపేరునా ధన్యవాదాలు తెలిపారు. ఈ సినిమాకు దర్శకుడిగా ప్రముఖ దర్శకుడు తేజ దర్శకత్వం వహించనున్నారు. కీరవాణి సంగీత దర్శకత్వం వహించనున్నారు. 

10:33 - March 29, 2018

హైదరాబాద్ : సినియాల్లోను, రాజకీయాల్లో చరిత్ర సృష్టించిన ఎన్టీఆర్ యుగపురుషుడు అన్న ఎన్టీఆర్ గారి జీవితచరిత్రను సినిమాగా తీస్తున్నందుకు.. ఈ కార్యక్రమంలోతాను పాల్గొన్నందుకు చాలా సంతోషంగా వుందని ఉప రాష్ట్రపతి వెంకయ్యనాయుడు తెలిపారు. ఈ సినిమా కేవలం సినిమాలా కాక ఎన్టీఆర్ ఆశయాలకు అనుగుణం ఈ సినిమాను చిత్రీకరించాలని కోరుకుంటునానన్నారు. తాను వారసత్వాలకు వ్యతిరేకరమనీ కానీ ఎన్టీఆర్ ఆశయాలను వారసత్వం కావాలన్నారు.  కాగా వారసత్వం కంటే జవసత్వం వుండాలన్నారు. అటు సినిమాలలో ఇటు రాజకీయాలలో చరిత్ర సృష్టించారన్నారు. తెలుగువారిలో ఆయన పాత్రను ఎవ్వరూ మరిచిపోలేరన్నారు. రాముడు, కృష్ణుడు అంటే ఇలాగే వుంటారనేలా ఆయన నటన వుండేదని గుర్తు చేసుకున్నారు. తెలుగు భాషకోసం ఆయన చేసిన సేవలు ఎనలేనివన్నారు. అందుకోసం తెలుగు భాషకోసం అందరు మాట్లాడటమే ఆయనకు నిజమైన నిజమైన నివాళి తెలుగు భాష కోసం మాట్లాడటమేనన్నారు. అందుకే మనకట్టు,బొట్టు, జుట్టు,భాష, యాస, అన్ని తెలుగు ఉట్టిపడేలా వుండాలని తాను ఎప్పుడు చెబుతుంటానన్నారు. ఎన్టీఆర్ అంటే అభిమానించినతెలుగు వారు లేరన్నారు. ఎన్టీఆర్ చరిత్రలో ఎలా నిలిచిపోయారో ఈ సినిమాకూడా నిలిచిపోయేలా చిత్రాన్ని చిత్రీకరించానలని ఆయన కోరుకుంటున్నానన్నారు. ప్రపంచంలో భారతదేశానికి పట్టువంటిది వసుదైక కుంటుంబమే భారతజాతికి నిదర్శనమన్నారు. భారతజాతికి పట్టుకొమ్మలా వుండేవి కుటుంబ వ్యవస్థ, ఆధ్యాత్మికత అని పేర్కొన్నారు. 

బాలకృష్టకే ఆ సత్తా వుంది : అల్లు అరవింద్
ఎన్టీఆర్ సినిమాలో ఎన్టీఆర్ పాత్రను పోషించే సత్తా ఒక్క బాలకృష్ణకుమాత్రమే వుందని ప్రముఖ నిర్మాత అల్లు అరవింద్ పేర్కొన్నారు. ఈరోజు ఎన్టీఆర్ బయోపిక్ ప్రారంభోత్సవ సభలో పాల్గొన్న అరవింత్ ఎన్టీఆర్ చరిత్రనుతిరిగి తెరమీదకు తీసుకురావటం చాలా సాహసవంతమైనదన్నారు. అటువంటి దమ్మున్న నటుడు బాలకృష్ణ మాత్రమేనన్నారు. కానీ ఇది సాధ్యమవుతున్నందుకు ఈ దర్శకుడు తేజగాకు తన అభినందనలు తెలిపారు.
ఎన్టీఆర్ బయోపిక్ సాహసం: తేజ
విశ్వ విఖ్యాత నటసార్వభౌమ ఎన్టీఆర్ చరిత్రను సినిమా తీయటం ఓ సాహసమనీ..ఆ సాహసానికి దర్శకత్వం వహించటం తన అదృష్టమనీ తన శాయశక్తులా ఎన్టీఆర్ చరిత్రను ప్రతిబింభించేందుకు కృషి చేస్తానని దర్శకుడు తేజ పేర్కొన్నారు. కానీ ఇది సాహసవంతమైనదనీ..కానీ తనవంతుగా ఎన్టీఆర్ చరిత్రను నిలబెట్టేందుకు సినిమాద్వారా ప్రయత్నిస్తున్నామన్నారు. దసరాకు రిలీజ్ చేసేందుకు యత్నిస్తామని తేజ తెలిపారు. 

09:22 - March 29, 2018

హైదరాబాద్ : విశ్వవిఖ్యాత నటసార్వభౌముడు, దేశ రాజకీయాల్లో తెలుగువారి ఆత్మగౌరవాన్ని వెలుగెత్తిచాటిన మహనీయుడు నందమూరి తారకరామారావు జీవిత విశేషాలతో తెరకెక్కనున్న ‘ఎన్టీఆర్‌ బయోపిక్‌’ చిత్ర ప్రారంభోత్సవం నాచారంలోని రామకృష్ణ హార్టికల్చరల్‌ సినీ స్టూడియోలో ఉదయం 9.30 గంటలకు ఉపరాష్ట్రపతి వెంకయ్యనాయుడు చేతుల మీదుగా జరుగుతోంది. తేజ దర్శకత్వంలో నందమూరి బాలకృష్ణ ఈ చిత్రంలో ఎన్టీఆర్‌గా నటించనున్నారు. నటుడు బాలకృష్ణతోపాటు నందమూరి కుటుంబసభ్యులు, సినీ ప్రముఖులు పెద్దసంఖ్యలో రానున్న నేపథ్యంలో పోలీసులు బందోబస్తు ఏర్పాటు చేశారు. స్టూడియోలో ప్రధాన ద్వారం నుంచి చలువ పందిళ్లను ఏర్పాటు చేశారు. శ్రీకృష్ణుడి వేషధారణలోని ఎన్టీఆర్‌ భారీ కటౌట్‌ ఆకట్టుకుంటోంది. ప్రముఖ దర్శకుడు తేజీ దర్శకత్వంలో తెరకెక్కబోతున్న ఈ సినిమాపై ఆసక్తి నెలకొంది. ఈ చిత్రానికి సంగీతం కీరవాణి వహిస్తున్నారు. చిత్ర ప్రారంభానికి తారాలోకంతోపాటు ప్రముఖ రాజకీయ నాయకులు తరలివస్తున్నట్లుగా తెలుస్తోంది. రాముడు,కృష్ణుడు ఇలాగే వుంటారా అనిపించేలా ఆయన నటించిన పాత్రలు చిత్రసీమలో చిరస్థాయిగా నిలిచిపోయాయి. 

11:14 - October 12, 2017

టాలీవుడ్ లో రీమెక్ ల హీరోగా పేరు తెచ్చుకున్న నటుడు వెంకటేష్. ఇతర భాషల్లో వచ్చిన సినిమాలపై వెంకీ ఆసక్తి కనబరుస్తుంటాడు. తెలుగులో తీసినా మంచి విజయాన్నే నమోదు చేస్తుంటాయి. ఇటీవలే వచ్చిన 'గురు' కూడా ఆ కోవకి చెందిందే. ఈ చిత్రం అనంతరం 'వెంకటేష్' ఏ చిత్రాలను ఒప్పుకోలేదు. తాజాగా 'తేజ' దర్శకత్వంలో 'వెంకీ' నటించనున్నాడని టాక్ వినిపిస్తోంది.

వెంకీ – తేజ‌ కాంబినేషన్ ఓకే అయిపోయింద‌ని, ఈ సినిమా కూడా సురేష్ ప్రొడ‌క్ష‌న్స్ లోనే ఉంటుంద‌ని టాక్‌. ఇదివరకే వీరి కాంబినేషన్ లో ఓ చిత్రం రూపొందాల్సింది. కానీ తేజ ఫామ్ లో లేకపోవడంతో వెంకీ ధైర్యం చేయలేదని తెలుస్తోంది. తాజాగా తేజ దర్శకత్వంలో వచ్చిన 'నేనే రాజు నేనే మంత్రి' సినిమా మంచి టాక్ నే తెచ్చుకుంది. దీనితో మళ్లీ ఫాంలోకి వచ్చిన 'తేజ'తో సినిమా చేయాలని వెంకటేష్ నిర్ణయానికి వచ్చినట్లు తెలుస్తోంది. ఇందులో వెంకీ ప్రొఫెసర్‌గా కనిపించబోతున్నాడని, రెండు భిన్న భావాలున్న పాత్రలో కనిపించనున్నారనే ప్రచారం జరుగుతోంది. ఇందులో హీరోయిన్ ఎవరనేది తెలియడం లేదు. దీని గురించి పూర్తి వివరాలు తెలియాల్సి ఉంది. 

10:33 - October 12, 2017

ఎన్టీఆర్ బయోపిక్..ప్రస్తుతం టాలీవుడ్ లో హాట్ టాపిక్ అయి కూర్చొంది. ఎన్టీఆర్ బయోపిక్ ను తీయాలని ఆయన కుమారుడు 'బాలకృష్ణ' ప్రయత్నాలు మొదలు పెట్టిన సంగతి తెలిసిందే. ఎప్పుడూ వివాదంలో ఉండే 'రాంగోపాల్ వర్మ' కూడా 'లక్ష్మీస్ ఎన్టీఆర్' పేరిట ఓ చిత్రాన్ని రూపొందించనున్నట్లు ప్రకటించిన సంగతి తెలిసిందే. ఇందుకు సంబంధించిన ఓ పోస్టర్ ను కూడా విడుదల చేశారు. ఇదిలా ఉంటే 'ఎన్టీఆర్' బయోపిక్ నిర్మించే దర్శకుడి కోసం 'బాలయ్య' వెయిట్ చేశారని తెలుస్తోంది.

తొలుత 'క్రిష్'..లేదా 'తేజ'కు ఈ సినిమా బాధ్యతలను అప్పగించాలని 'బాలయ్య' యోచించారని టాక్. కానీ 'క్రిష్' మణికర్ణిక ప్రాజెక్టుతో బిజీగా ఉండడంతో 'ఎన్టీఆర్' బయోపిక్ పై దృష్టి పెట్టే టైం లేదని ప్రచారం జరిగింది. ఆ బాధ్యతలను తాజాగా 'తేజ' స్వీకరించినట్లు టాలీవుడ్ లో గుస గుసలు వినిపిస్తున్నాయి. ఇటీవలే ఆయన దర్శకత్వంలో వచ్చిన 'నేనే రాజు నేనే మంత్రి' సినిమా మంచి విజయాన్ని నమోదు చేసుకుంది. త్వరలోనే ఎన్టీఆర్ బయోపిక్ షూటింగ్ ప్రారంభించేందుకు అన్ని సన్నాహాలు చేస్తున్నట్లు సమాచారం. ఈ చిత్రంతో బాలకృష్ణ నిర్మాతగా మారనున్నారని మరో టాక్. ఎన్టీఆర్ బయోపిక్ కు సంబంధించిన పూర్తి వివరాలు తెలియాలంటే కొద్ది రోజులు ఆగాల్సిందే. 

20:31 - September 11, 2015

'చిత్రం' తో సెన్సేషనల్ డైరెక్టర్ గా నువ్వు నేను, జయం సినిమాల తర్వాత ట్రెండ్ సెట్టర్ డైరెక్టర్ గా అనతికాలం లోనే ఎంతో ఎత్తుకు ఎదిగిన తేజ, ఆ తర్వాత మాత్రం వరుస ఫ్లాపులతో అంతే తక్కువ టైం లో కిందకు వచ్చేశారు. మరి ఇన్ని రోజుల తర్వాత తేజా హోరా హోరీగా కస్టపడి తీసిన హోరా హోరీ చిత్రం హిట్టా ఫట్టా ఇప్పుడు చూద్దాం.
కథ:
పట్ట పగలు నడి రోడ్డుమీద అందరు చూస్తుండగా హత్య చేసిన బసవ అనే రౌడి కేసు మాఫీ నిమిత్తం ఏసిపి తో పాతిక లక్షలకు బేరం కుదుర్చుకుంటాడు. తన చెల్లెలికి కట్నం గా ఇవ్వడం కోసమే బసవతో బేరం కుదుర్చుకున్న ఏసిపి, డబ్బు ని పెళ్లి సమయంలో ఇవ్వమంటాడు. ఒప్పందం ప్రకారం డబ్బు తీసుకుని ఏసిపి ఇంటికి వెళ్ళిన బసవకి కాబోయే పెళ్ళికూతురు ఏసిపి చెల్లెలు అయిన మైథిలి ఎదురౌతుంది. దీంతో మీ చెల్లెలు నాకు నచ్చేసింది నాకిచ్చి పెళ్లి చెయ్యి లేదంటే ఎవరితోనూ పెళ్లి కాకుండా చేస్తాను అనడంతో ఏసిపి కి బసవకి గొడవ అవుతుంది.అన్నట్లుగానే మైథిలి కి పెళ్లి జరుగుతున్నప్పుడే బసవ మనుషులు పెళ్ళికొడుకుని చంపేస్తారు.ఆ తర్వాత మైథిలికి ఎవరికి సంబంధం కుదిర్చినా వారిని చంపేస్తుంటాడు బసవ. బసవను ఏమి చేయలేక పోయిన ఏసిపి మైథిలి ని తన ఫ్యామిలీతో పాటు రహస్య ప్రదేశానికి పంపిచ్చేస్తాడు. ఆ తర్వాత బసవ మైథిలి కోసం వెతకడం, మైథిలి స్కంద అనే కుర్రాడి ప్రేమలో పడడం, చివరకు స్కంద మైథిలి ని బసవ నుంచి ఎలా కాపాడాడు అనేది మిగిలిన కథ.
విశ్లేషణ:
ఈ మధ్య కాలంలో తేజ ఏ ఇంటర్వ్యూ లో చూసినా టాలీవుడ్ లో కొత్త కథలు రావడంలేదు, రెండే కథలు నడుస్తున్నాయి కావాలంటే మీరే చెక్ చేసుకోండి అని కాస్త ఘాటుగానే మాట్లాడాడు. దీంతో హోరా హోరీ చిత్రం మాములుగా ఉండదేమో, అదిరిపోద్దేమో, బ్లాక్ బస్టర్ హిట్టేమో అనుకున్న ప్రేక్షకులకు తేజ దిమ్మ తిరిగే షాక్ ఇచ్చాడు. సూపర్ డూపర్ బ్లాక్ బస్తర్ ఫ్లాప్ తో ప్రేక్షకుల బుర్రలను బద్దలు కొట్టాడు. ఫ్లాపుల్లో అయన రికార్డులను ఆయనే బ్రేక్ చేసిపడేసాడు. దీంతో తేజ కెరీర్లోనే హోరా హోరీ చిత్రం బిగ్గెస్ట్ ఫ్లాప్ గా నిలిచిపోయే పరిస్థితులు వచ్చేసాయి. కొత్త కథలతో సినిమాలు తీయలేరా అని అందర్నీ విమర్శించిన తేజ తన పాత సినిమాలన్నింటిని కలిపేసి, తనకు అచ్చొచ్చిన తనకు మాత్రమే తెలిసిన తను మాత్రమే తీయగలిగిన ఓ పాత చింతకాయ పచ్చడి కథ తో హోరా హోరీ అనే సినిమాతో ప్రేక్షకుల ముందుకు వచ్చాడు. కథ పాతదే అయినా కనీసం కథనం తో ఆకట్టుకునే ప్రయత్నం కాస్త కుడా చేయలేదు. కనీసం తన పాత సినిమాల్లో అయితే కాస్త ఎమోషన్లు, బలమైన పాత్రలు, ప్రేక్షకులను మెప్పించాయి. కానీ ఈ హోరా హోరీ చిత్రం లో మాత్రం కథ కథనాల దగ్గర్నుంచి పాత్రలు వాటి తీరు తెన్నుల వరకు ఒక గమ్యం లేకుండా బ్రేకులు ఫెయిల్ అయిన ఆయిల్ లారీలా ప్రేక్షకుల మీద సవారి చేసాయి. ఇక నటీనటుల విషయానికి వస్తే ఒక్క హీరొయిన్ దీక్ష తప్ప మిగిలిన పాత్రలన్నీ తమ ఓవర్ యాక్షన్ తో ప్రేక్షకుల నెత్తిమీద సుత్తి తీసుకుని టపీ టపీ మని ఒకటే బాదుడు. ముఖ్యంగా హాస్యం పేరుతో జబర్దస్త్ గ్యాంగ్ చేసిన అరాచకం అంతా ఇంతా కాదు. ఆల్రెడీ పెనం మీద మాడిన కోడిని తీసుకెళ్ళి తండూరిలో వేసినట్టు వీళ్ళ పంచులు, కుళ్ళు కామెడీ తో ప్రేక్షకులకు చుక్కలు చూపించారు.ఇక హీరో దిలీప్ గురించి ప్రత్యేకంగా చెప్పుకోవాలి సినిమా మొదలు పెట్టినప్పటి నుంచి క్లైమాక్స్ వరకు ఏడుస్తూనే ఉంటాడు. ఇలా అయిన దానికి కానీ దానికి హీరో ఏడవడం అనేది దర్శకుడి సరికొత్త క్రియేటివిటీ అనుకోవాలో లేక హీరోకి అది మాత్రమే తెలుసనుకొవాలొ ప్రేక్షకులకే వదిలేస్తున్నాము. తేజ హీరోలందరిలో ఇతను మాత్రమే వీక్ అండ్ పూర్ పెర్ఫార్మన్స్ కలిగిన హీరో. ఒక్క హీరోయిన్ దక్ష మాత్రమే తన పెర్ఫార్మన్స్ తో ప్రేక్షకులకు కాస్త రిలీఫ్ ఇచ్చింది. ఇక మిగిలిన టెక్నికల్ అంశాల్లోకి వెళ్తే దీపక్ భగవంత్ అందించిన సినిమాటోగ్రఫి అధ్బుతం. సరికొత్త లొకేషన్లను వర్షం పడే సన్నివేశాలను దీపక్ చాల చక్కగా చూపించాడు. అలాగే కళ్యాణి కోడూరి అందించిన సంగీతం కానీ, దామోదర్ ప్రసాద్ నిర్మాణ విలువలు కానీ పర్వలేదనిపిస్తాయి. కానీ ఇవి ఎంత బాగున్నా సరైన కథ కథనం లేనప్పుడు హోరా హోరిన పడిన కష్టమంతా వృధా ప్రయాస అవుతుంది. తన పాత సినిమానే తీసుకుని రెండున్నర గంట సేపు నత్త నడకన సాగిస్తూ.. చెప్పిందే మళ్లీ మళ్లీ చెప్తూ.. తీసిందే మళ్లీ మళ్లీ చూపిస్తూ ఉంటె ప్రేక్షకుల పరిస్థితి ఏంటో ఒక్కసారి ఊహించండి.సో ఫైనల్ గా ఈ సినిమా గురించి ఒక్క మాటలో చెప్పాలంటే ఇన్ని రోజుల తర్వాత తేజ హోరా హోరిన చాల కస్టపడి ఓ దిసాస్తర్ ఫ్లాప్ ని ప్రేక్షకులకు అందించాడు.
ప్లస్ పాయింట్స్
సినిమాటోగ్రఫి
లొకేషన్స్
మైనస్ పాయింట్స్
కథ
కథనం
దర్శకత్వం
హీరో
కామెడీ
ఎమోషన్స్
పాత్రల చిత్రీకరణ
టెన్ టివి రేటింగ్... 0.5/5

14:58 - September 11, 2015

విజయవాడ : తాత, నాన్న, మనవళ్లే కాదు.. ఇండస్ట్రీకి కొత్తవాళ్లు కావాలని సినీ దర్శకుడు తేజ సంచలన వ్యాఖ్యలు చేశారు. విజయవాడ కనకదుర్గమ్మను తేజ దర్శించుకున్నారు. ఈ సందర్భంగా ఆయన మీడియాతో మాట్లాడుతూ చిత్ర పరిశ్రమకు కొత్తవారిని పరిచయం చేసిన ఘనత తనదేనన్నారు. దాదాపు వెయ్యిమంది తాను పరిచయం చేసినవాళ్లు ఇండస్ట్రీలో పనిచేస్తున్నారని తెలిపారు. ప్రస్తుతం 'హోరాహోరీ' చిత్రం వస్తుందన్న తేజ ఇందులోనూ అంతా కొత్త నటీనటులే ఉన్నారని పేర్కొన్నారు.

 

Pages

Don't Miss

Subscribe to RSS - Director Teja