DMK

19:46 - January 27, 2018

చెన్నై : తమిళనాడులో ద్రవిడ పార్టీ నేతలు... జీయర్ల మధ్య విభేదాలు తారాస్థాయికి చేరాయి. హిందూ దేవుళ్లపై డిఎంకె ఎంపి కనిమొళి చేసిన వ్యాఖ్యలను జీయర్లు తీవ్రంగా ఖండించారు. హిందూ మతం, సాంప్రదాయాలపై దాడులు జరుగుతుంటే మౌనం వహించకుండా ఎదురుదాడికి దిగాలని శ్రీవిల్లీపుత్తూరిలోని ఆండాల్‌ సన్నిధికి చెందిన ఓ జీయర్‌ స్వామి పిలుపునిచ్చారు. దీనిపై కనిమొళి తీవ్ర అభ్యంతరం వ్యక్తం చేశారు. జీయర్లంటే తమకు గౌరవం ఉండేదని...సమాజానికి మంచి సందేశం ఇవ్వాల్సిన వాళ్లే ఇపుడు రాళ్లు, కత్తులు పట్టుకుని హింసకు దిగుతామని హెచ్చరించడం ఎంతవరకు సబబని ప్రశ్నించారు. 

19:44 - January 27, 2018

చెన్నై : తమిళనాడులో ఆర్టీసీ బస్సు చార్జీలు పెంచడాన్ని నిరసిస్తూ ప్రతిపక్షాలు ఆందోళన చేపట్టాయి. డిఎంకెతో పాటు వామపక్షాలు, తమిళ సంఘాలు ప్రభుత్వ నిర్ణయాన్ని వ్యతిరేకిస్తూ రాష్ట్రవ్యాప్తంగా ఆందోళనలు నిర్వహించాయి. పెంచిన చార్జీలను వెంటనే తగ్గించాలని విపక్షాలు ప్రభుత్వాన్ని డిమాండ్‌ చేశాయి. సామాన్యులకు భారంగా మారిన బస్సు చార్జీలను వెంటనే తగ్గించకపోతే ఆందోళనలు మరింత ఉధృతం చేస్తామని హెచ్చరించాయి. డిఎంకె వర్కింగ్‌ ప్రెసిడెంట్‌ స్టాలిన్, సిపిఎం కార్యదర్శి రామకృష్ణ, సిపిఐ కార్యదర్శి ముత్తరన్, ఎండిఎంకె వైగో, విసీకే నేత తిరుమావళవన్, కాంగ్రెస్‌ నేత తిరునావుక్కరసు నేతృత్వంలో నిరసన ప్రదర్శనలు నిర్వహించారు.

19:42 - January 27, 2018

చెన్నై : తమిళ సూపర్‌ స్టార్‌ రజనీకాంత్‌ స్థానికతపై విమర్శలు వెల్లువెత్తుతున్నాయి. రజనీకాంత్‌ను రాజకీయాల్లోకి రానివ్వమంటూ దర్శకుడు, తమిళన్‌ పార్టీ నేత సీమన్ హెచ్చరిస్తున్నారు. రజనీకాంత్‌కు నిజంగా దమ్ముంటే కర్ణాటకకు వెళ్లి తాను తమిళుడినని ప్రకటించాలని సవాల్‌ విసిరారు. 44 ఏళ్లపాటు తమిళనాడులో ఉన్నంత మాత్రాన రజనీ తమిళుడు కాదని సీమన్‌ స్పష్టం చేశారు. సినిమాల్లో డబ్బులు సంపాదించుకోవడానికి వచ్చిన వ్యక్తి ఇపుడు రాజకీయాలంటూ ప్రజలను దోచుకునే ప్రయత్నం చేస్తున్నారని విమర్శించారు.

16:41 - December 21, 2017
15:56 - December 21, 2017

ఢిల్లీ : 2జీ స్పెక్ట్రం కేసులో పటియాలా హౌజ్ కోర్టు తీర్పును మాజీ ప్రధాని మన్మోహన్ సింగ్ స్వాగతించారు. కోర్టు తీర్పును గౌరవిస్తున్నామని చెప్పారు. 2జీ స్పెక్ట్రం కేటాయింపులకు సంబంధించి యూపిఏ ప్రభుత్వంపై చేసిన ఆరోపణలు నిజం కావని కోర్టు ఇచ్చిన తీర్పుతో తేలిందని మన్మోహన్ సింగ్ అన్నారు. యూపిఏ ప్రభుత్వంపై దుష్ప్రచారం జరిగిందని పేర్కొన్నారు.

 

15:54 - December 21, 2017

ఢిల్లీ : సంచలన  2జీ కుంభకోణం కేసులో నిందితులుగా ఉన్న ఏ.రాజా, కనిమొళిలకు ఊరట లభించింది. వారిద్దరిని నిర్దోషులుగా నిర్ధారిస్తూ పటియాలా హౌస్ కోర్టు తీర్పు వెలువరించింది. కోర్టు తీర్పుతో డీఎంకే నేతలు సంబరాలు చేసుకుంటున్నారు. ఈ కేసులో నిందితులకు ఉన్న అందరినీ నిర్ధోషులుగా తేల్చింది కోర్టు. ఆరు సంవత్సరాల అనంతరం సీబీఐ స్పెషల్ కోర్టు తీర్పు వెల్లడించింది. వినోద్‌రాయ్ నేతృత్వంలో 2010లో సీబీఐ తొలి చాటర్జిషీట్ దాఖలు చేసింది. ఈ కేసులో ఏ.రాజాతో పాటు టెలికాం కార్యదర్శి సిద్దార్ధ్ బెహూరా, మరో 12 మందిపై సీబీఐ అభియోగాలు మోపింది. స్పెక్ట్రం ధరలు నిర్ణయించడంలో అవకతవకలు జరిగాయని ప్రభుత్వ ఖజానాకు రూ.1.76 లక్షల కోట్లు నష్టం వాటిల్లినట్లు కాగ్ నివేదిక సమర్పించింది. స్వాన్ టెలీకాంకు అర్హత లేకపోయినప్పటికీ 15 కోట్ల 37 లక్షలకే లైసెన్సులకు అనుమతులిచ్చినట్లు నివేదిక తెలిపింది. బిడ్ దక్కించుకున్న 9 కంపెనీలు ప్రభుత్వానికి రూ.10 వేల 772 కోట్లు మాత్రమే చెల్లించాయి. తప్పుడు పత్రాలతో ఆ కంపెనీలు లైసెన్సులు పొందినట్లు విచారణలో వెల్లడైనట్లు కాగ్ నివేదిక తెలిపింది. అయితే ఈ నేరాన్ని నిరూపించడంలో ప్రాసిక్యూషన్ విఫలం అయినందుకు అందరినీ నిర్దోషులుగా తేలుస్తూ కోర్టు తీర్పు వెల్లడించింది.  

 

22:01 - December 19, 2017

తమిళనాడు : చెన్నైలోని ఆర్కే నగర్‌ అసెంబ్లీ స్థానానికి ఈనెల 21న జరుగనున్న ఉప ఎన్నిక ప్రచారం ముగిసింది. జయలలిత మరణంతో ఖాళీ అయిన ఆర్కే నగర్‌కు ఉప ఎన్నిక జరుగుతోంది. అధికార అన్నా డీఎంకే, ప్రతిపక్ష డీఎంకే సహా అన్ని ప్రధాన పార్టీలు తమ అభ్యర్థులను నిలబెట్టాయి. 17 నెలల అన్నా డీఎంకే పాలనకు ఈ ఎన్నిక ప్రోగ్రెస్‌ రిపోర్టుగా భావిస్తున్నారు. జయలలిత మరణం తర్వాత జరుగుతున్న తొలి ఎన్నికలు కావడంతో అన్ని పార్టీలు ప్రతిష్ఠాత్మకంగా తీసుకున్నాయి. 
 

21:32 - November 24, 2017

చెన్నై : తమిళనాడు, ఆర్కేనగర్‌ ఉప ఎన్నికకు కేంద్ర ఎన్నికల సంఘం షెడ్యూల్‌ని విడుదల చేసింది. డిసెంబర్‌ 21న ఎన్నికలు జరగనున్నాయి. డిసెంబర్‌ 24న ఎన్నికల ఫలితాలు వస్తాయి. జయలలిత మరణంతో ఆర్కే నగర్ అసెంబ్లీ సీటు ఖాళీ అయ్యింది. 

21:02 - November 10, 2017

ఢిల్లీ : అఖిల భారత కార్మిక సంఘాల ఆధ్వర్యంలో  హస్తినలో చేపట్టిన మహా పడావ్ నిరసన కార్యక్రమం రెండోరోజు విజయవంతంగా సాగింది. 70 వేల మంది కార్మికులు ఈ నిరసనలో పాల్గొన్నారు. 12 ప్రధాన డిమాండ్లు నెరవేర్చకపోతే నిరవధిక సమ్మెకు దిగుతామని కార్మిక సంఘాలు ప్రభుత్వాన్ని హెచ్చరించాయి. మహా పడావ్ నిరసన కార్యక్రమానికి  రెండోరోజు ఏపీ, తెలంగాణ రాష్ట్రాల నుంచి అసంఘటిత రంగ కార్మికులు పెద్దఎత్తున తరలివచ్చారు. హర్యానా, మధ్యప్రదేశ్, గుజరాత్, గోవా, ఛత్తీస్‌గఢ్, కేరళ, అస్సాం, మేఘాలయ, బీహార్, పంజాబ్ రాష్ట్రాల నుంచి అసంఘటిత రంగ కార్మికులతో పాటు.. ఉపాధి హామీ కార్మికులు, చేనేత, రవాణా, మున్సిపల్ కార్మికులు భారీ సంఖ్యలో హాజరయ్యారు. ఎన్డీఏ ప్రభుత్వ వైఫల్యాల పట్ల కార్మికులు ఎండగట్టారు. కార్మికుల నినాదాలతో హస్తిన మారుమోగింది.  
కార్మికుల మనోభావాలను దెబ్బతీసిన మోడీ ప్రభుత్వం : సాయిబాబు  
మోడీ ప్రభుత్వం కోట్లాది మంది కార్మికుల మనోభావాలను దెబ్బతీసిందన్నారు సీఐటీయూ తెలంగాణ నేత సాయిబాబు. ఆయన నేతృత్వంలో.. తెలంగాణ రాష్ట్రం నుంచి ఆర్టీసీ, విద్యుత్, సింగరేణి, స్కీమ్ వర్కర్లు 5 వేల మంది మహా పడావ్ నిరసన కార్యక్రమంలో పాల్గొన్నారు. ప్రభుత్వ రంగ పరిశ్రమలను కేంద్రం ధ్వంసం చేస్తోందని సాయిబాబు ఈ సందర్భంగా మండిపడ్డారు. 
తెలంగాణలో కార్మికుల పరిస్థితి దారుణం : రాములు
తెలంగాణలో కార్మికుల పరిస్థితి దారుణంగా ఉందన్నారు సీఐటీయూ రాష్ట్ర ప్రధాన అధ్యక్షులు రాములు. కేంద్ర, రాష్ట్ర ప్రభుత్వాలు కార్మిక చట్టాలను నిర్వీర్యం చేస్తున్న నేపథ్యంలో పోరాటాలు తప్ప వేరే మార్గం కనిపించడం లేదన్నారాయన. ఏపీ ప్రభుత్వం కార్మిక వ్యతిరేక విధానాలను అవలంబిస్తోందని సీఐటీయూ ఏపీ రాష్ట్ర కార్యదర్శి అజయ్ కుమార్ విమర్శించారు. దీనికి వ్యతిరేకంగా పోరాడేందుకు త్వరలో కార్యాచరణ రూపొందిస్తామని తెలిపారు. 
ప్రభుత్వరంగ సంస్థలపై మోడీ ప్రభుత్వం దాడి : జగ్గునాయుడు
ప్రభుత్వ రంగ సంస్థలపై మోడీ ప్రభుత్వం దాడి చేస్తోందని సీఐటీయూ విశాఖ జిల్లా ప్రధాన కార్యదర్శి జగ్గునాయుడు ఆరోపించారు. ఏపీలో ఉన్న ఆటో, ముఠా, బిల్డింగ్ కార్మికులకు సమగ్ర చట్టం చేయాలని డిమాండ్ చేశారు. విశాఖ జిల్లా నుంచి వెయ్యిమందికిపైగా అసంఘటిత రంగ కార్మికులు మహా పడావ్ నిరసన కార్యక్రమానికి హాజరయ్యారు. 
కార్పొరేట్ అనుకూల విధానాల్ని విరమించాలి : సుందరయ్య
మహా పడావ్ నిరసన కార్యక్రమంలో తెలుగు రాష్ట్రాల నుంచి పెద్ద ఎత్తున ఆర్టీసీ కార్మికులు పాల్గొన్నారు. మోడీ ప్రభుత్వం ఇప్పటికైనా కార్పొరేట్ అనుకూల విధానాల్ని విరమించాలని ఆర్టీసీ స్టాఫ్ అండ్ వర్కర్స్ ఫెడరేషన్ ప్రధాన కార్యదర్శి సుందరయ్య డిమాండ్ చేశారు. 1950 ఆర్టీసీ చట్టం ప్రకారం అన్ని ఆర్టీసీలకు సహకారం అందించాలని కోరారు. 
మహా పడావ్ లో హెచ్ ఎంఎస్ ఉద్యోగులు  
తెలంగాణ నుంచి పెద్ద ఎత్తున హెచ్ ఎంఎస్ ఉద్యోగులు మహా పడావ్ నిరసన కార్యక్రమంలో పాల్గొన్నారు. రూ. 18 వేల రూపాయల కనీస వేతనం చెల్లించాలని, సామాజిక భద్రత కల్పించడం, ధరల నియంత్రణ ప్రజలపై భారం తగ్గించడం, ప్రభుత్వ రంగ సంస్థల్ని ప్రైవేటీకరణ చేయకూడదన్న డిమాండ్లతో హెచ్‌ఎంస్ ఉద్యోగులు నినదించారు. 
మహా పడావ్ కు తెలంగాణ ఫెడరేషన్ ఆఫ్ ట్రేడ్ యూనియన్‌ నేతలు హాజరు
మహా పడావ్ నిరసన కార్యక్రమానికి తెలంగాణ ఫెడరేషన్ ఆఫ్ ట్రేడ్ యూనియన్‌ నేతలు హాజరయ్యారు. మోడీ ప్రభుత్వం కార్మిక లోకాన్ని అణగదొక్కే ప్రయత్నం చేస్తోందని మండిపడ్డారు. 40 ఏళ్లుగా పనిచేస్తున్న అసంఘటిత రంగ కార్మికులకు పెన్షన్లు అమలు చేసి ఆదుకోవాలని డిమాండ్ చేశారు. 
కార్మికుల గొంతు నొక్కే ప్రయత్నం : తపన్ సేన్ 
మోడీ ప్రభుత్వం కార్మికుల గొంతు నొక్కే ప్రయత్నం చేస్తోందని సీఐటీయూ జాతీయ ప్రధాన కార్యదర్శి తపన్‌సేన్ మండిపడ్డారు. అందులో భాగంగా మహా పడావ్ కార్యక్రమానికి తరలివస్తున్న కార్మికులను అడ్డుకునే ప్రయత్నం చేస్తోందని ఆరోపించారు. ఎట్టి పరిస్థితుల్లో కార్మికులకు రూ.18 వేల రూపాయల కనీస వేతనం చెల్లించాలని తపన్‌సేన్ డిమాండ్ చేశారు. 
రేపు మూడవ రోజూ మహా పడావ్ 
హస్తినలో రెండో రోజులుగా సాగుతోన్న మహా పడావ్ ఆందోళన.. రేపు మూడవరోజూ కొనసాగనుంది. శనివారం నాటి నిరసనలో అంగన్ వాడీ, ఆశా, మధ్యాహ్న భోజన పథక స్కీమ్ వర్కర్లు, భవన నిర్మాణ కార్మికులు, బీడీ కార్మికులు హాజరుకానున్నారు. మూడు రోజులుగా హస్తిన వీధులకు అరుణవర్ణాన్ని అద్దిన కార్మిక సంఘాలు.. రేపు భవిష్యత్ కార్యాచరణను రూపొందించనున్నాయి. 

20:04 - November 9, 2017

Pages

Don't Miss

Subscribe to RSS - DMK