Drugs Case

13:35 - September 18, 2017

ఢిల్లీ : తెలంగాణతో సహా ఏపీలో సంచలనం సృష్టించిన డ్రగ్స్ కేసు సుప్రీం కోర్టుకు చేరింది. న్యాయవాది శ్రవణ్ డ్రగ్స్ కేసును సీబీఐకి అప్పగించలని సుప్రీంను ఆశ్రయించారు. డ్రగ్స్ నియంత్రణ చర్యలు వెల్లడించాలని కేంద్రానికి సుప్రీం నోటీసులు పంపింది. గతంంలో సుప్రీం కోర్టు ఆదేశాలను బేఖాతరయ్యాయని పిటిషనర్ తన పిటిషన్ లో పేర్కొన్నారు. హుక్కా సెంటర్ లు, ననైట్ క్లబ్ లను నిషేంధించాలని పిటిషనర్ సుప్రీంను కోరారు. సినీ, టివి కార్యక్రమాల్లో డ్రగ్స్ వినియోగం దృశ్యాలు ప్రదర్శించరాదని ఆయన కోర్టుకు విన్నవించారు. పూర్తి వివరాలకు వీడియో చూడండి.

16:56 - August 16, 2017

వరంగల్ : డ్రగ్స్‌ కేసులో విచారణ కొనసాగుతోందని ఎక్సైజ్‌  డైరెక్టర్‌ అకున్‌సబర్వాల్‌ స్పష్టం చేశారు. డ్రగ్స్‌ విక్రయించే వారిపై కఠిన చర్యలు తీసుకుంటున్నామన్నారు. వరంగల్‌ ఉమ్మడి జిల్లాలోని అధికారులతో ఆయన ఇవాళ సమీక్ష నిర్వహించారు. వరంగల్‌లో గుడుంబా అమ్మకాలను అరికట్టామని చెప్పారు. గుడుంబా విక్రయించే ఆరుగురిపై పీడీయాక్ట్‌ నమోదు చేశామన్నారు. 

 

11:58 - August 8, 2017

హైదరాబాద్ : డ్రగ్స్‌ కేసు దర్యాప్తుపై హైకోర్టులో రేవంత్ రెడ్డి వేసిన పిటిషన్‌ను ఇవాళ హైకోర్టు విచారించనుంది. డ్రగ్స్‌ కేసులో ప్రముఖుల పేర్లు తప్పించారని పిటిషన్‌లో ఆరోపించారు. డ్రగ్స్‌ కేసు దర్యాప్తును సీబీఐకి అప్పగించాలని విజ్ఞప్తి చేశారు. రేవంత్‌ పిటిషన్‌పై మరికాసేపట్లో విచారణ ప్రారంభం కానుంది. మరిన్ని వివరాలను వీడియోలో చూద్దాం...

 

17:43 - August 6, 2017

హైదరాబాద్‌ : నగరంలో మరో డ్రగ్స్‌ రాకెట్‌ గుట్టురట్టయ్యింది. డ్రగ్స్‌ విక్రయిస్తున్న ఇద్దరిని టాస్క్‌ఫోర్స్‌ పోలీసులు అరెస్ట్‌ చేశారు. అరెస్టైన వారిలో నైజీరియన్‌కు చెందిన జాన్‌ బాస్కో, కాకినాడకు చెందిన మహ్మద్‌ జహరుల్లా ఉన్నారు. నిందితుల నుంచి 180 గ్రాముల కొకైన్‌ స్వాధీనం చేసుకున్నారు. ముంబై కేంద్రంగా డ్రగ్స్‌ దందా కొనసాగిస్తున్నట్లు విచారణలో బయటపడింది. నిందితుల కాల్‌లిస్ట్‌ ఆధారంగా సినీ ఇండస్ట్రీ, ఐటీ లింకులతో ఉన్న సంబంధాన్ని ఆరా తీస్తున్నారు. నిందితులపై పీడీ యాక్ట్‌ నమోదు చేశామని టాస్క్‌ఫోర్స్‌ డీసీపీ లింబారెడ్డి తెలిపారు. 

 

13:09 - August 5, 2017

హైదరాబాద్:అంతర్జాతీయ డ్రగ్స్ స్మగ్లర్ మైక్‌ కమింగాను సిట్ అధికారులు తమ కస్టడీలోకి తీసుకుని ప్రశ్నిస్తున్నారు. చంచలగూడ జైల్లో ఉన్న అతడిని సిట్ అధికారులు ఇవాళ అదుపులోకి తీసుకుని మూడు రోజులపాటు ప్రశ్నించనున్నారు. కమింగా కాల్ లిస్టులో ప్రముఖుల ఫోన్ నంబర్లు ఉన్నట్లు సమాచారం. ఈ విచారణ ఆధారంగా మరి కొందరికి నోటీసులు జారీ చేయనున్నట్లు తెలుస్తోంది. అంతే కాకుండా కాల్విన్నె, జీశాన్ లతో ఉన్న సంబంధాలపై ఆరా తీస్తున్నట్లు సమాచారం. ర్లాండ్స్‌కు చెందిన కమింగా నగరంలోనే నివాసం ఉంటున్నాడు. అతడు హైదరాబాద్ యువతిని ప్రేమ పెళ్లి చేసుకుని ఇక్కడే స్థిరపడ్డాడు. ప్రముఖ సాఫ్ట్ వేర్ కంపెనీలకు సలహాదారుగా పనిచేస్తున్న కమింగా చాలా మంది సాఫ్ట్ వేర్ ఇంజినీర్లకు డ్రగ్స్ సరఫరా చేసినట్టు తెలుస్తోంది. కమింగా కాల్ లిస్టులో సుమారు1500 మంది సాఫ్ట్‌ వేర్ ఇంజినీర్ల ఫోన్‌ నంబర్లు ఉన్నాయని తెలుస్తోంది. మల్టీ నేషనల్ కంపెనీలకు డ్రగ్స్ సరఫరా చేయడంలోను కమింగా కీలక పాత్ర పోషించాడనిసిట్ అధికారులు భావిస్తున్నారు.

21:43 - July 31, 2017

గుంటూరు : శ్రీకాకుళం జిల్లా ఉద్దానం ప్రాంత ప్రజల కిడ్నీ వ్యాధుల సమస్యకు పరిష్కారం అన్వేషించేందుకు ప్రభుత్వం అడుగు వేసింది. జనసేనాని పవన్‌ కల్యాణ్‌ చొరవ, ఒత్తిడి ఫలితంగా చంద్రబాబు ప్రభుత్వం ఈ అంశంపై సీరియస్‌గా దృష్టి సారించింది. హార్వర్డ్‌ ప్రొఫెసర్లు, వైద్యుల బృందంతో కలిసి.. పవన్‌ కల్యాణ్‌ ఉదయం ముఖ్యమంత్రి చంద్రబాబును కలిశారు. ఉద్దానం ప్రాంత ప్రజల సమస్యలపై వారు చర్చించారు. ఉద్దానం ప్రజల కిడ్నీసమస్యకు శాశ్వత పరిష్కారం చూపాలని పవన్ కల్యాణ్‌ చంద్రబాబును కోరారు. సమస్య కారణంగా అనాథలు అవుతున్న చిన్నారులను దత్తత తీసుకోవాలని సూచించారు. ఉద్దానం పరిసర ప్రాంతాల్లో వైద్యపరమైన కోర్సులు పూర్తి చేసిన 9 వందల మందికి ఉద్యోగ అవకాశాలు కల్పించడంతో పాటు కిడ్నీ సమస్య పరిష్కారంలో వారిని భాగస్వాములు చేయాలని పవన్ చంద్రబాబును కోరారు.

బ్రాండ్ అంబాసిడర్‌గా పవన్
జీవన్ దాన్ కార్యక్రమానికి బ్రాండ్ అంబాసిడర్‌గా ఉండేందుకు పవన్ అంగీకారం తెలిపారు. ఉద్దానం కిడ్నీ సమస్యకు శాశ్వత పరిష్కార మార్గం కనుగొనే దిశగా రూ.15 కోట్ల నిధులతో రీసెర్చ్ సెంటర్‌ను ఏర్పాటు చేయనున్నట్లు ముఖ్యమంత్రి చంద్రబాబు, పవన్‌ కల్యాణ్‌కు హామీ ఇచ్చారు. ఈ పరిశోధనలో, భారతీయ వైద్య పరిశోధన మండలి కూడా భాగస్వామ్యం వహిస్తుందని చంద్రబాబు చెప్పారు. పరిశోధనకు అయ్యే ఖర్చులో ICMR 50 శాతం భరించేందుకు ముందుకు వచ్చిందని.. ఏడాదికి రూ.5 కోట్లు వంతున మూడేళ్లలో రూ.15 కోట్లు ఖర్చు చేస్తామని చంద్రబాబు చెప్పారు. మరోవైపు ఉద్దానం కిడ్నీ సమస్యపై ప్రభుత్వపరంగా ఇప్పటి వరకు చేపట్టిన చర్యలపై వైద్య ఆరోగ్యశాఖ ముఖ్య కార్యదర్శి పూనం మాలకొండయ్య హార్వర్డ్‌ వైద్య బృందానికి పవర్‌ పాయింట్‌ ప్రజెంటేషన్‌ ఇచ్చారు. ఈ ఏడాది ఏప్రియల్ 15 నాటికి ఈ వైద్య బృందాల ద్వారా లక్షా ఒక్క వెయ్యీ ఐదు వందల తొంభైముగ్గురికి వైద్య పరీక్షలు నిర్వహించినట్లు పూనం మాలకొండయ్య వివరించారు. సమావేశానికి ముందు పవన్, చంద్రబాబుతో ఏకాంతంగా మాట్లాడారు. కిడ్నీ వ్యాధిగ్రస్తుల సమస్యలతో పాటు రాష్ట్రంలోని తాజా రాజకీయ పరిణామాలు వీరిద్దరి మధ్య చర్చకు వచ్చినట్లు తెలుస్తోంది. సమావేశం అనంతరం పవన్‌తో పాటు హార్వర్డ్ బృందానికి సీఎం చంద్రబాబు విందు ఇచ్చారు.

 

20:31 - July 31, 2017

ప్రకృతి సహకారం లేదు.. సరే..ప్రభుత్వం ఏం చేస్తోంది..?ఈ దేశ పౌరులుగా కనీస రక్షణలను పొందాల్సిన పౌరులను గాలికొదిలేసిన ఏలికలు దశాబ్దాలుగా సాధించిందేమిటి? ఇన్ని వేల మంది చనిపోతే చీమకుట్టినట్టుగా కూడా అనిపించని సర్కారీ పెద్దలకు మెలకువ ఎప్పుడొస్తుంది? ఇంకెన్ని మరణాలు రావాలి? ఇంకెన్ని గ్రామాలు నాశనం కావాలి? ఉద్ధానం ప్రశ్నిస్తోంది..! సమాధానం కోసం డిమాండ్ చేస్తోంది..!! ఇదే ఈ రోజు వైడాంగిల్ స్టోరీ..ఆ గ్రామాల్లో ఏం జరుగుతోంది? జనాలు పిట్టల్లా ఎందుకు రాలిపోతున్నారు? కారణాలు ఎందుకు తెలియటం లేదు?ప్రకృతి క్రూరంగా చూస్తోంది. సర్కారు నిర్లక్ష్యం చూపుతోంది. వెరసి ఉద్ధానం ప్రాంతమంతా విలవిల్లాడుతోంది. రోగాల బారిన ప్రజలతో, వేలాది మరణాలతో స్మశాన దృశ్యం కనిపిస్తోంది. మరి దీనికి పరిష్కారం లేదా? ప్రభుత్వాలు పట్టించుకోవా? ఏళ్లు గడుస్తున్నాయి.. కానీ, సమస్యలో మార్పు లేదు.. మూడు దశాబ్దాలుగా ముప్పుతిప్పలు పెడుతోంది.. వేలాదిమందిని పొట్టన పెట్టుకుంది. ఎన్నో గ్రామాలు.. వేలాది జీవితాలు అతలాకుతలమవుతున్నాయి. ఎన్టీఆర్, చంద్రబాబు, వైఎస్, రోశయ్య, కిరణ్ కుమార్ రెడ్డి.. మళ్ళీ ఇప్పుడు చంద్రబాబు..వరుసగా సిఎంలు మారుతున్నారు .. కానీ, వాళ్ళిచ్చిన హామీ నెరవేరడం లేదు.. ఇక్కడి ప్రజల తలరాత మారటం లేదు. ఎన్నికలొస్తాయి.. హామీలు కుమ్మరిస్తారు..మీటింగుల్లో చెమటోడుస్తారు.. వరాల జల్లులు కురిపిస్తారు..అధికారంలోకి వచ్చాక మొహం చాటేస్తారు.. గట్టిగా అడిగితే నాలుగు మాటలు చెప్పి కాలం గడిపేస్తారు.. ఇంతకుమించి ఉద్ధానానికి ఒరిగిందేమిటి...మరింత సమాచారం కోసం వీడియో చూడండి.

 

 

18:05 - July 31, 2017

హైదరాబాద్ : టాలివుడ్‌ను వెంటాడుతున్న డ్రగ్స్ కేసులో 11 రోజు వర్ధమాన హీరో తనీష్‌ను సిట్ అధికారులు విచారించారు..దాదాపు నాలుగు గంటలపాటు జరిగిన విచారణలో ప్రధానంగా నాలుగు ప్రశ్నలపైనే గురిపెట్టారు...నటులు తరుణ్,నవదీప్‌లతో ఎలా ఉంటారు.. వారితో ఏ పబ్బుల్లో కలుసుకుంటారు...అక్కడ పార్టీలు ఎలా జరుగుతాయి...డ్రగ్స్‌ సరఫరాలో ఉన్న కెల్విన్,జిషాన్‌లతో పరిచయం ఉందా... ఉంటే ఎప్పుడు ఏర్పడింది..వారి నుంచి డ్రగ్స్ తీసుకున్నారా... వేరొకరికి సరఫరా చేశారా... ఇలా ప్రశ్నల వర్షం కురిపించిన సిట్ అధికారులు నాలుగు గంటల్లోనే కావాల్సిన సమాచారం తెలుసుకుని తనీష్‌ను పంపించారు. ప్రధాన నిందితుడైన కెల్విన్‌ కాల్‌ డేటాలో తనీష్‌ నంబర్ ఉండడంతో పాటు పలుసార్లు ఇద్దరి మధ్య సంబాషణ జరిగినట్లు అధికారులు గుర్తించారు..కెల్విన్‌తో మాట్లాడిన తర్వాత అదే రోజులో కొద్ది సమయంలో తరుణ్, నవదీప్‌లతో తనీష్‌ మాట్లాడినట్లు తేలింది..దీంతో వీరి మధ్య లింకులు తెలుసుకునేందుకు సిట్ అధికారులు తనీష్‌కు కూడా నోటీసులు జారీ చేయగా ఉదయాన్నే నాంపల్లిలోని అబ్కారీ ఆఫీస్‌కు చేరుకున్నారు..ఉదయం పదిన్నరకు మొదలయిన విచారణ మధ్యాహ్నం రెండు గంటల లోపే ముగిసింది...ఇదిలా ఉండగా సిట్ నోటీసు అందుకున్న టాలివుడ్‌లోని మరో హీరో నందు మంగళవారం విచారణకు హాజరు కానున్నారు.సిట్ విచారణలో హీరో తనీష్‌ అధికారుల ముందు తన గోడు వెళ్లబోసుకున్నట్లు తెలుస్తోంది...డ్రగ్స్ కేసులో తనకు నోటీసులు రావడం మనస్తాపం చెందానని..తన కుటుంబీకులు చాలా రకాలుగా ఇబ్బందులు ఎదుర్కొంటున్నారని తనీష్ సిట్‌ ముందు చెప్పినట్లు తెలుస్తోంది...డ్రగ్స్‌ను నిర్మూలించేందుకు తన వంతు సాయం చేస్తానని...కలిసికట్టుగా దీనిపై పోరాటం చేద్దామంటున్నారు తనీష్

15:11 - July 31, 2017

హైదరాబాద్ : డ్రగ్స్ కేసులో నోటీసులు అందుకున్న తనీష్ విచారణ కు హాజరైయ్యారు. కాసేటికి క్రితమే తనీష్ విచారణ ముగిసింది. విచాణ అనంతరం తనీష్ మీడియాతో మాట్లాడారు. ఆయన మీడియా జాగ్రత్తగా వ్యవరించాలని, తమకు కుటుంబాలు ఉంటాయని దీని వల్ల కుటుంబాలు అందోళనకు గురి అవుతారని తెలిపారు. సిట్ అడిగిన అన్ని ప్రశ్నలకు సమాధానం చెప్పానాని, డ్రగ్స్ వల్ల జీవితాలు నశనం అవుతాయని తనీష్ తెలిపారు. మరోవైపు కేసు విచాణర వేగం మందగించిందాని తెలుస్తోంది. పూర్తి సమాచారం కోసం వీడియో చూడండి.

14:38 - July 31, 2017

హైదరాబాద్ : డ్రగ్స్ కేసులో నోటీసులు అందుకున్న తనీష్ విచారణ కు హాజరైయ్యారు. కాసేటికి క్రితమే తనీష్ విచారణ ముగిసింది. విచాణ అనంతరం తనీష్ మీడియాతో మాట్లాడారు. ఆయన మీడియా జాగ్రత్తగా వ్యవరించాలని, తమకు కుటుంబాలు ఉంటాయని దీని వల్ల కుటుంబాలు అందోళనకు గురౌతారని ఆయన తెలిపారు. పూర్తి సమాచారం కోసం వీడియో చూడండి.

Pages

Don't Miss

Subscribe to RSS - Drugs Case