engineering student

10:46 - October 13, 2017

 

హైదరాబాద్ : ఎల్బీనగర్ లో బీటెక్ విద్యార్థి సాత్విక్ రెడ్డి అదృశ్యమయ్యాడు. గత మూడు రోజులుగా సాత్విక్ రెడ్డి ఆచూకీ తెలియడం లేదు. సాత్విక్ ఘట్ కేసర్ లోని శ్రీనిధి ఇంజనీరింగ్ కాలేజీలో బీటెక్ ఫైనల్ ఇయర్ చదువుతున్నాడు. ఆయన తల్లిదండ్రుల స్వస్థలం నల్లగొండ జిల్లా మిర్యాలగుడకు చెందినవారు. పిల్లల చదవు కోసం 5ఏళ్ల క్రితం వారు హైదరాబాద్ వచ్చారు. మరింత సమాచారం కోసం వీడియో చూడండి.

09:21 - October 13, 2017

 

వనపర్తి : జిల్లా జాగృతి జూనియర్ కాలేజీలో ఇంటర్ చదువుతున్న శివశాంతి అనే విద్యార్థిని ఆత్మహత్య చేసుకుంది. వివశాంతి హాస్టల్ గదిలో ఫ్యాన్ కు ఉరివేసుకుని ఆత్మహత్య చేసుకుంది. మరింత సమాచారం కోసం వీడియో చూడండి.

09:13 - October 13, 2017

వనపర్తి/ కృష్ణా : రోజు రోజుకు విద్యార్థుల బలన్మరణాలు పెరగుతున్నాయి. వీరి మరణానికి కాలేజీల వేధింపులేనా లేక ఇతర కారణాల వల్ల ఆత్మహత్య చేసుకుంటున్నారో అర్థం కావడం లేదు. ఎన్నో అశలతో తల్లిండ్రులు తమ పిల్లలను చదుకొమ్మని పంపిస్తున్నారు. కానీ వారు మధ్యలోనే తనువు చాలిస్తున్నారు. తాజాగా కృష్ణా జిల్లా నిడమానూరు చైతన్య జూనియర్ కాలేజీ విద్యార్థి ఆత్మహత్య చేసుకున్నాడు. చైతన్య జూనియర్ కాలేజీలో ఇంటర్ మొదటి సంవత్సరం చదువుతన్న భార్గవరెడ్డి అనే విద్యార్థి కాలేజీ హాస్టల్ లో ఫ్యాన్ కు ఉరివేసుకుని ఆత్మహత్య చేసుకున్నాడు. ఇటు తెలంగాణలోని వనపర్తి జిల్లా జాగృతి జూనియర్ కాలేజీలో ఇంటర్ చదువుతున్న శివశాంతి అనే విద్యార్థిని ఆత్మహత్య చేసుకుంది. వివశాంతి హాస్టల్ గదిలో ఫ్యాన్ కు ఉరివేసుకుని ఆత్మహత్య చేసుకుంది. మరింత సమాచారం కోసం వీడియో చూడండి.

20:50 - October 12, 2017

కార్పొరేట్ కాలేజీల ఒత్తిడితోనే విద్యార్థులు ఆత్మహత్యలకు పాల్పడుతున్నారని వక్తలు అన్నారు. ఇదే అంశంపై నిర్వహించిన చర్చా కార్యక్రమంలో పేరెంట్స్ అసోసియేషన్ అధ్యక్షులు నారాయణ, డిగ్రీ, పీజీ కాలేజీల అసోసియేషన్ అధ్యక్షులు రమణారెడ్డి, క్లినికల్ సైకాలజిస్టు శైలజ, ప్రముఖ సామాజిక కార్యకర్త దేవి పాల్గొని, మాట్లాడారు. కార్పొరేట్ కళాశాలపై ప్రభుత్వం నియంత్రణ ఉండాలన్నారు. సామాజిక చైతన్య రావాలని తెలిపారు. విద్యా వ్యవస్థ మారాలని పేర్కొన్నారు. మరిన్ని వివరాలను వీడియోలో చూద్దాం...

 

20:23 - October 12, 2017

హైదరాబాద్ : ఇష్టంలేని చదువుతో కొందరు...హాస్టల్‌లో చిన్న సమస్య...చదువుకున్నా ర్యాంకు రాలేదని మరికొందరు...ఇలా ఎందరో స్టూడెంట్స్‌ మనస్తాపంతో..ధైర్యంగా ముందుకు వెళ్లలేక ఒక్క క్షణంలో కఠిన నిర్ణయాలు తీసుకుంటున్నారు..తెలుగు రాష్ట్రాల్లో ఈ మధ్యకాలంలో కొనసాగుతున్న విద్యార్థుల ఆత్మహత్యలు కలవరాన్ని రేపుతున్నాయి...కొన్ని గంటల్లోనే ముగ్గురు స్టూడెంట్స్‌ బలవన్మరణం చెందడం ప్రతీ ఒక్కరి హృదయాలను కదిలించివేసింది...
చిన్న కారణాలతోనే జీవితాలు ముగింపు..
పెద్ద చదువులు చదువుతున్నా..వారిలో మాత్రం ఆత్మనూన్యతాభావం పోవడం లేదు...పరిసరాలు వారికి గుణపాఠాలు నేర్పడం లేదు...తాము ఎంచుకున్న మార్గమే సరైనదనుకుంటున్న విద్యార్థులు ఆ ఒక్క క్షణంలో తీసుకుంటున్న నిర్ణయం కన్నవారికి కడుపుకోత మిగుల్చుతుంది..తెలుగు రాష్ట్రాల్లో ఒకే రోజులో కొన్ని గంటల్లోనే ముగ్గురు విద్యార్థులు బలవన్మరణం చెందారు...
నూజివీడు ట్రిపుల్‌ఐటీలో విషాదం 
నూజివీడు ట్రిపుల్‌ ఐటీ క్యాంప్‌సలో పీయూసీ ప్రథమ సంవత్సరం చదువుతున్న తూర్పుగోదావరి జిల్లా మల్కిపురం మండలం శంకరగుప్తం గ్రామానికి చెందిన సాగిరెడ్డి సూర్యనారాయణ కుమారుడు పూర్ణ లక్ష్మీనరసింహమూర్తి బుధవారం అర్ధరాత్రి హాస్టల్‌ గదిలో ఉరి వేసుకుని ఆత్మహత్య చేసుకున్నాడు...ఆత్మహత్యకు గల కారణాలు తెలియరాలేదు..అయితే పూర్ణకు చదువుపై ఆసక్తి లేకపోవడంతోపాటు...కొందరి ఒత్తిడి వల్లే ఇలాంటి అఘాయిత్యం చేసుకుని ఉంటాడని అనుమానిస్తున్నారు...
మాదాపూర్‌ హాస్టల్‌లో విద్యార్థిని సూసైడ్..
హైదరాబాద్‌- మాదాపూర్‌ శ్రీచైతన్య కళాశాల ఎంసెట్‌ కోచింగ్‌ సెంటర్‌లో లాంగ్‌ టర్మ్‌ శిక్షణ తీసుకుంటున్న సంయుక్త అనే విద్యార్థిని ఆత్మహత్య చేసుకుంది. ఒత్తిడి కారణంగా ఆత్మహత్యకు పాల్పడుతున్నట్లు సంయుక్త సూసైడ్‌ నోట్‌ రాసింది. విద్యార్థినిని నిజామాబాద్‌ జిల్లా బోధన్‌ మండలంలోని రాంపల్లి గ్రామానికి చెందిన రాజేందర్‌ కుమార్తెగా గుర్తించారు. పోలీసులు కేసు నమోదు చేసి దర్యాప్తు చేపట్టారు.
హైదరాబాద్‌లో ఇంజినీరింగ్‌ విద్యార్థిని బలి...
హైదరాబాద్‌ దుండిగల్‌ సూరారం కాలనీలో దారుణం చోటుచేసుకుంది. తల్లి మందలించిందని బీటెక్‌ విద్యార్థిని ఆత్మహత్య చేసుకుంది. ఓ ఇంజినీరింగ్‌ కళాశాలలో బీటెక్‌ చివరి సంవత్సరం చదువుతున్న మౌనిక ఇంట్లో ఎవరూ లేని సమయంలో ఉరి వేసుకొని బలవన్మరణానికి పాల్పడింది. మౌనికను స్థానిక నారాయణ హృదయాలయ ఆస్పత్రికి తరలించినప్పటికీ అప్పటికే చనిపోయినట్లు వైద్యులు ధ్రువీకరించారు.. మౌనిక తల్లిదండ్రులు రేణుకు, చంద్రం పశ్చిమగోదావరి జిల్లా నుంచి వచ్చి సూరారం కాలనీలో నివాసం ఉంటున్నారు..మౌనిక కూడా తల్లిదండ్రులతోనే కలిసి ఉంటోంది...తాను సంతోషంగా ఉండటాన్ని చుట్టుపక్కలవారు చూడలేకపోతున్నా రని, జీవితం దుర్భరంగా మారిందని మెసేజ్‌ పెట్టి...ఆ తర్వాత ఉరేసుకుని ఆత్మహత్య చేసుకుంది. గత రాత్రి మౌనిక తన తమ్ముడికి మధ్య జరిగిన వాగ్వాదంతో మస్తాపానికి గురైనట్లు తల్లి రేణుక పోలీసుల దృష్టికి తెచ్చారు. వేర్వేరు ప్రాంతాల్లో జరిగిన ఘటనలు కన్నవారికి కడుపుకోతను మిగిల్చింది....కారణాలు చిన్నవే..కాని...విద్యార్థులు తీసుకున్న నిర్ణయం ఆయా కుటుంబాల్లో తీరని విషాదం మిగిలింది.

 

14:56 - October 12, 2017

హైదరాబాద్‌ : దుండిగల్‌ పోలీసు స్టేషన్‌ పరిధిలో ఇంజినీరింగ్‌ విద్యార్థిని మౌనిక ఆత్మహత్య కలకలం సృష్టిస్తోంది. మౌనిక నరసింహారెడ్డి ఇంజినీరింగ్‌ కాలేజీలో బీ.టెక్‌., ఫైనల్‌ ఇయర్‌ చదువుతోంది. మౌనిక తల్లిదండ్రులు రేణుక, చంద్రం పశ్చిమగోదావరి జిల్లా నుంచి వచ్చి సూరారం కాలనీలో నివాసం ఉంటున్నారు. తాను సంతోషంగా ఉండటాన్ని చుట్టుపక్కలవారు చూడలేకపోతున్నారని, జీవితం దుర్భరంగా మారిందని వాటాప్స్‌ మెసేజ్‌  పెట్టిన మౌనిక  ఆ తర్వాత ఉరేసుకుని ఆత్మహత్య చేసుకున్నారు.  ఆత్మహత్యకు పాల్పడటానికి ముందు మౌనిక తన తమ్ముడికి మధ్య వాగ్వాదం జరిగిందని తల్లి రేణుక పోలీసులకు తెలిపారు. కుటుంబ కలహాలు ఆత్మహత్యకు కారణమై ఉండొచ్చని అనుమానిస్తున్న దుండిగల్‌ పోలీసులు... కేసు నమోదు చేసి దర్యాప్తు చేస్తున్నారు.  

14:24 - July 8, 2017

రంగారెడ్డి : జిల్లా ఇబ్రహీంపట్నంలో బీటెక్ విద్యార్థి ఆత్మహత్య చేసుకున్నారు. శ్రీ హిందు ఇంజనీరింగ్ కాలేజీ భవనం పై నుంచి దూకి ఆత్మహత్యకు పాల్పడ్డాడు. చదువు విషయంలో తల్లిదండ్రులు, అధ్యాపకులు మందలించడంతో అతను ఆత్మహత్య చేసుకున్నట్టు తెలుస్తోంది. విద్యార్థి బీటెక్ సెంకడ్ ఇయర్ చదువుతున్నాడు. మరింత సమాచారం కోసం వీడియో చూడండి. 

10:54 - February 11, 2017

హైదరాబాద్‌ : మలక్‌పేటలో రాత్రి ఓ ఇంజనీరింగ్‌ విద్యార్థి హేమంత్‌రెడ్డి హల్‌చల్‌ చేశాడు. ఎయిర్‌గన్‌ను చూపించి ఓ ఐస్‌క్రీమ్‌ బండి వ్యక్తిని బెదరించాడు. సమాచారం తెలుసుకున్న పోలీసులు..విద్యార్థి హేమంత్‌ను అదుపులోకి తీసుకున్నారు. దాంతో పాటు ఎయిర్‌గన్‌, రెండు రౌండ్ల బుల్లెట్లను స్వాధీనం చేసుకున్నారు. కేసు నమోదు చేసిన పోలీసులు దర్యాప్తు ప్రారంభించారు. మరిన్ని వివరాలను వీడియోలో చూద్దాం...

 

17:02 - November 8, 2016

విజయవాడ : వివిధ రంగాల్లో అత్యుత్తమ ప్రతిభ కనబర్చే రాష్ట్రాలకు ర్యాంకులు ఇవ్వాలని నీతిఆయోగ్‌కు ఏపీ ముఖ్యమంత్రి చంద్రబాబు సూచించారు. విజయవాడలోని హోటల్ గేట్ వేలో నీతిఆయోగ్ ఉపాధ్యక్షుడు అరవింద్ పనగారియా, సీఈవో అమితాబ్ కాంత్‌ను చంద్రబాబు కలుసుకున్నారు. ఆంధ్రప్రదేశ్ సీఎం డ్యాష్ బోర్డు దేశంలో అత్యుత్తమమైనదని నీతి ఆయోగ్ సీఈవో అమితాబ్ కాంత్ కొనియాడారు. డ్యాష్ బోర్డు చూసి తామే చాలా నేర్చుకున్నామన్నారు. గ్రామ స్థాయిలో రియల్ టైంలో గ్రోత్ రేట్‌ను సేకరించి... ప్రతి త్రైమాసికానికి వివరాలు వెల్లడిస్తున్నామని చంద్రబాబు.... నీతి ఆయోగ్ ఉపాధ్యక్షుడు అరవింద్ పనగారియాకు తెలియజేశారు. ఎడ్యూకేషన్‌ డిపార్ట్‌మెంట్‌లో తమకు చాలా అవకాశాలు ఉన్నాయన్నారు చంద్రబాబు. మూడు గంటలకు పైగా జరిగిన సమీక్షా సమావేశంలో రాష్ట్ర అంశాలపై నీతిఆయోగ్ ఉపాధ్యక్షుడు అరవింద్ పణగారియాకు స్వయంగా ప్రెజెంటేషన్ ఇచ్చారు ముఖ్యమంత్రి చంద్రబాబు.  కోస్టల్ ఎకనామిక్ అండ్ ఎంప్లాయిమెంట్ జోన్ ఏపీలో ఎక్కడ ఏర్పాటు చేయాలనే అంశంపై సమావేశంలో కూలంకుశంగా చర్చించారు. ఆంధ్రప్రదేశ్ ఒంటరి కాదని, అండగా ఉంటామని చెప్పారు నీతి ఉపాధ్యక్షుడు అరవింద్‌ పణగారియా తెలిపారు. 

 

15:47 - November 8, 2016

చిత్తూరు : జిల్లాలోని పలమనేరులోని మదర్ థెరిస్సా ఇంజనీరింగ్ కళాశాల వద్ద ఉద్రిక్తత చోటుచేసుకుంది. కళాశాలకు చెందిన హరీష్ అనే విద్యార్థి నిన్న ఆత్మహత్యకు పాల్పడ్డాడు. హరీష్ ఆత్మహత్యకు ప్రిన్సిపాల్ కారణమంటూ విద్యార్థులు తరగతులను బహిష్కరించి కళశాలను ముట్టడించారు. సర్దిచెప్పబోయిన అధ్యాపకులపై వాటర్ ప్యాకెట్లతో దాడి చేశారు.  

 

Pages

Don't Miss

Subscribe to RSS - engineering student