farmers

13:21 - December 14, 2018

శ్రీకాకుళం : బంగాళాఖాతంలో ఏర్పడిన వాయుగుండం శ్రీకాకుళం జిల్లా తీవ్ర ప్రభావం చూపనుంది. వాయుగుండం తీవ్ర తుపానుగా మారనుంది. దీంతో జిల్లా రైతులు, ప్రజలు భయం గుప్పిట్లో ఉన్నారు. రైతులు పంటను కోసి అమ్మకానికి సిద్ధంగా ఉంచారు. భారీ వర్షం కురిస్తే నష్ట పోతామని రైతుల భయపడుతున్నారు. జిల్లాలో లక్షలాది ఎకరాల్లో పంటను కోసి కుప్పలు వేశారు. మరికొందరు నూరిళ్లు పూర్తి చేసి ధాన్యం బస్తాలను అమ్మకానికి సిద్ధంగా ఉంచారు. ఇళ్లల్లో నిలువ చేసుకునేందుకు చోటు లేక రహదారులపై ధాన్యం బస్తాలను వరసుగా పేర్చారు. అతి భారీ వర్షాలు కురిస్తే పొలం మీద ఉన్న పంటకే కాక..ఇళ్లకు చేర్చిన ధాన్యానికి కూడా నష్టం తప్పకపోవచ్చనే ఆందోళన రైతులను వెంటాడుతోంది. మిర్చి, ఇతర పంటలు కాపు దశలో ఉన్నందున.. అవి దెబ్బ తింటాయని కర్షకులు కలవరపడుతున్నారు. వచ్చే 24 గంటల్లో తుపాను ప్రభావంతో బలమైన గాలులు వీచే అవకాశం ఉంది. దీంతో జిల్లా కలెక్టర్ ధనుంజయ్ రెడ్డి 32 మండలాల అధికారులను జిల్లా కలెక్టర్ అప్రమత్తం చేశారు. 

 

15:27 - December 4, 2018

రైతే రాజు అంటారు. మన దేశం ఎక్కువగా ఆధారపడింది కూడా వ్యవసాయం మీదే. మరి నిజంగానే రైతులు రాజుల్లా బతుకుతున్నారా? వారి పంటలకు గిట్టుబాటు ధరలు దక్కుతున్నాయా? అన్నదాతలు లాభాలు గడిస్తున్నారా? అంటే.. లేదనే చెప్పాలి. దేశంలో ఏ రాష్ట్రంలో చూసినా రైతు పరిస్థితి దయనీయంగానే ఉంది. ఆరుగాలం శ్రమించి పండించిన పంటకు కనీస ధర కూడా రావడం లేదు. దీంతో అన్నదాతలు తీవ్రంగా నష్టపోతున్నారు. రైతు పండించే పంట కిలో రూపాయి కూడా పలకడం లేదంటే పరిస్థితి ఎంత దారుణంగా ఉందో అర్థం చేసుకోవచ్చు.

కిలో వంకాయ 20 పైసలు:
నమ్మలేకపోతున్నారా? కానీ ఇది నిజం. కిలో వంకాయ 20 పైసలే. దీంతో ఆ పంట పండించిన రైతుకి కడుపు మండిపోయింది. కనీసం పెట్టుబడి ఖర్చు కూడా రాని పరిస్థితి. దీంతో అతడు మొత్తం పంటను తన చేతులతోనే నాశనం చేశాడు.

కిలో ఉల్లి రూపాయి: వంకాయ పండించిన రైతుదే కాదు ఉల్లి పండించిన రైతుది కూడా అదే దుస్థితి. కోయకుండానే ఉల్లి పంట రైతుతో కన్నీరు పెట్టించింది. కిలో ఉల్లి రూపాయి మాత్రమే పలకడంతో మహారాష్ట్రకు చెందిన రైతు తీవ్ర ఆవేదనకు గురయ్యారు. నిరసనగా ప్రధాని నరేంద్ర మోడీకి ఒక రూపాయి విరాళంగా పంపాడు. ఇదీ మా దుస్థితి అని తెలిజయేశాడు. 'నేను 750 కిలోల ఉల్లిని పండించాను.. కిలో రూపాయి మాత్రమే పలికింది.. చివరకు రూపాయి 40పైసలకు ఓ వ్యాపారితో ఒప్పందం చేసుకున్నాను. 750 కిలోల ఉల్లి పంటను రూ.1064కు అమ్మాను' అని ఆ రైతు వివరించాడు.

కిలో కొత్తిమీర రూ.2.50:
మహారాష్ట్ర రైతులదే కాదు హర్యానా రైతులదీ అదే దుస్థితి. కొత్తిమీర, ముల్లంగి, పాలకూర పండించిన రైతులు లబోదిబో మంటున్నారు. కిలో కొత్తిమీర రూ. 2 నుంచి 7కు మించడం లేదు. హర్యానా ప్రభుత్వం ఆలూ, టమాటో పంటలకు మాత్రమే మద్దతు ధర ఇస్తోందని రైతు వాపోయాడు. చేసేదేమీ లేక తమ పంటలను అయినకాడికి అమ్ముతున్నామని వాపోయారు.

కిలో టొమాటో రూ.3:
పుణె రీటైల్ మార్కెట్‌లో కిలో టమాటో ధర 20రూపాయల వరకు ఉంది. హోల్‌సేల్ మార్కెట్‌లో మాత్రం 3 రూపాయలకు మించడం లేదని రైతులు వాపోతున్నారు. అధికంగా పంట పండిండం, ఎక్కువగా సరఫరా దీనికి కారణం.

ఎందుకు?
రైతు అమ్మితే పైసల్లో.. వినియోగదారులు కొంటే రూపాయల్లో. ఎందుకీ వ్యత్యాసం. ఎందుకు ఇంత తేడా? అనే ఆరాలు తీస్తే.. రైతులు పండించిన పంట వినియోగదారుడికి చేరేలోపే 40శాతం వరకు పాడైపోతోంది. దీనికి తోడు అధికంగా పంట పండించం, కోల్డ్ స్టోరేజీలు లేకపోవం కారణాలు. అమ్మకాలకు సరైన మార్గాలు లేకపోవడం కూడా కారణమే. ఫుడ్ ప్రాసెసింగ్ కేంద్రాలు సరిపడ లేవు. దేశంలో కేవలం 2శాతం కూరగాయలు, పండ్లను మాత్రమే ప్రాసెసింగ్ చేస్తున్నారు. అమెరికాలో 60శాతం వరకు ఈ ప్రక్రియ జరుగుతుంది.

ఎక్కువగా నష్టపోతున్నది:
గిట్టుబాటు ధరలు లేకపోవడం కారణంగా తీవ్రంగా నష్టపోతున్నది కూరగాయలు, పండ్ల వ్యాపారులే. రైతుల కష్టం ఏంటో తెలుసు అని ప్రధాని మోడీ పలు సందర్భాల్లో స్వయంగా చెప్పారు. అన్నదాతకు అండగా ఉంటానని హామీ ఇచ్చారు. చేతల్లో చూపలేకపోయారనే విమర్శలు ఉన్నాయి. ఇప్పటికైనా ప్రధాని మోడీ రైతుల కష్టాలను తీర్చేందుకు, వారి పంటలకు గిట్టుబాటు ధర కల్పించేందుకు చర్యలు చేపట్టాలని డిమాండ్ చేస్తున్నారు.

14:41 - December 4, 2018

అలాంపూర్ (జోగులాంబ): దేశంలో ఎక్కడా లేనటువంటి రైతు బంధు పథకానికి శ్రీకారం చుట్టింది టీఆర్ఎస్ ప్రభుత్వం మాత్రమేనని అలంపూర్ ప్రజాశీర్వాద సభలో కేసీఆర్  పేర్కొన్నారు. తెలంగాణ ప్రజలు మరోసారి కష్టాల్లో కూరుకుపోకూడదంటే ప్రజలు ఆలోచించి ఓట్లు వేయాలని..ఓటు వేసే ముందు మంచీ చెడు ఆలోచించి ప్రజలు నిర్ణయం తీసుకోవాలని అన్నారు.   రైతు బంధ్ పథకం ద్వారా ఇచ్చే రూ.వేలను రూ.10లకు పెంచుతామన్నారు.  రైతులను ఆదుకున్న ఒకే ఒక్క పార్టీ టీఆర్ఎస్ మాత్రమేనన్నారు.పోరాడి సాధించుకున్న  రాష్ట్రం మరింతగా అభివృద్ధ సాధించాలంటే టీఆర్ఎస్ కు ఓటు వేయాలని కేసీఆర్ పిలుపునిచ్చారు. 
గత పాలకుల హయాంలో తెలంగాణలో విద్యుత్ సరఫరా ఎలా ఉందో, టీఆర్ఎస్ హయాంలో ఎలా ఉందో ఆలోచించాలని, అదే విధంగా, పింఛన్లు, సంక్షేమ పథకాలు ఎలా ఉన్నాయో కూడా పోల్చి చూసుకోవాలని అన్నారు. సమైక్యపాలనలో రైతాంగం దెబ్బతిందని, తమ హయాంలో రైతులకు మేలు చేశామని చెప్పారు. నాడు తెలంగాణ ఉద్యమం ప్రారంభించిననాడు జోగులాంబ ఆలయంలో మొక్కి ఇక్కడ నుంచే బయలుదేరిన విషయాన్ని ఆయన ప్రస్తావించారు. మంచినీళ్లు, తాగునీళ్లు ఇవ్వకుండా సమైక్యపాలనలో ప్రజలను ఇబ్బంది పెట్టిన విషయాన్ని గుర్తుచేసుకున్నారు. టీఆర్ఎస్ ను మరోసారి గెలిపిస్తే..గతంలో వున్న పెన్షన్స్ ను మరింతగా పెంచి ఇస్తామని కేసీఆర్ హామీఇచ్చారు.
 

13:03 - November 30, 2018

ఢిల్లీ : దేశ రాజధాని ఢిల్లీలో రైతాంగం కదం తొక్కింది.  సమస్యల పరిష్కారం కోసం పోరు బాట పట్టారు. నిన్నరైతులు ఆందోళన చేపట్టారు. ఢిల్లీలో రెండో రోజు రైతుల ఆందోళన కొనసాగుతోంది. అఖిల భారత రైతు పోరాట సమన్వయ సమితి ఆధ్వర్యంలో కిసాన్ మార్చ్ నిర్వహించనున్నారు. పార్లమెంట్ వీధిలో రైతుల భారీ ర్యాలీ చేపట్టారు. రాంలీలా మైదానంలో రైతులు రాత్రంతా జాగారం చేశారు. ఇవాళ మధ్యాహ్నం రాంలీలా మైదానం నుంచి పార్లమెంట్ వరకు రైతులు ర్యాలీ నిర్వహించనున్నారు. పార్లమెంట్ వీధిలో జరుగనున్న రైతుల భారీ ర్యాలీకి పలువురు రాజకీయ నేతలు, విద్యార్థి సంఘాలు, వామపక్ష యూనియన్స్ మద్దతు ప్రకటించాయి. కిసాన్ మార్చ్ కు 208 రైతు సంఘాలు, విద్యార్థి సంఘాలు మద్దతు తెలిపాయి. ర్యాలీలో రైతులు, రైతు సంఘాలు, జెఎన్ యూ విద్యార్థులు పెద్ద ఎత్తున పాల్గొంటున్నారు. 
ప్రధాన డిమాండ్లు...
రైతుల సమస్యల పరిష్కారానికి ప్రత్యేకంగా 21 రోజులపాటు పార్లమెంటు సమావేశాలు ఏర్పాటు చేయాలి. పంటల కనీస మద్దతు ధర అధికారం రైతుల చేతుల్లోనే ఉంచాలి. 2018 రబీ వరకు పంట రుణాల్ని సంపూర్ణంగా మాఫీ చేయాలి. స్వామినాథన్‌ సిఫార్సులు అమలు చేయాలి. ఆత్మహత్యలు చేసుకున్న రైతు కుటుంబాలకు రూ.10 లక్షల చొప్పున పరిహారం ఇవ్వాలి. బీమా రాయితీ కల్పించాలి. 2013 భూసేకరణ చట్టాన్ని అమలు చేయాలి.

 

12:42 - November 30, 2018

ఢిల్లీ : సెంట్రల్ ఢిల్లీలో లక్షలాది మంది రైతుల నినాదాలాతో హోరెత్తుతోంది. అన్నదాతలను ఆదుకోవాలి..తమ సమస్యలు పరిష్కరించండి..రైతన్నలను పట్టించుకోవాలంటూ గళమెత్తుతున్నారు. ఢిల్లీలో మొదటి రోజు రాంలీలా మైదాన్‌లో జాగారం చేసిన అన్నదాతలు నవంబర్ 30వ తేదీన పార్లమెంట్ వీధిలో కదం తొక్కారు. ఎంతో దూరం నుండి నడుచుకుంటూ వచ్చిన రైతుల ఘోష వినాలని కోరుతున్నారు. పార్లమెంట్ ముట్టడికి యత్నించే అవకాశం ఉందని భావించిన పోలీసు యంత్రాంగం భారీగా పోలీసులను మోహరించింది. ప్రత్యేక పార్లమెంట్ సమావేశాలు నిర్వహించి రైతులు సమస్యలపై చర్చించి తమను ఆదుకోవాలని కోరుతున్నారు. ఎంతో మంది రైతులు ఆత్మహత్యలు చేసుకుంటున్న కేంద్రంలో కదలిక రావడం లేదని తీవ్ర ఆవేదన వ్యక్తం చేస్తున్నారు. 
ఇదిలా ఉంటే తెలంగాణ నుండి అనేక మంది రైతులు..ఆత్మహత్య చేసుకున్న రైతుల కుటుంబాలు హస్తినకు వెళ్లారు. కేంద్ర ప్రభుత్వం ఒక చట్టం తీసుకరావాలని..ఫలితంగా మద్దతు ధర...ఇతరత్రా సమస్యలు తీరుతాయని టెన్ టివితో రైతులు తెలిపారు. రైతు స్వరాజ్య వేదిక ఆధ్వర్యంలో వీరంతా తరలివచ్చారు. 

  • ఎదుర్కొంటున్న సమస్యలకు పరిష్కారం కోరుతూ వామపక్షాల మద్దతుతో 207 రైతు, రైతుకూలీ సంఘాలతో కూడిన అఖిల భారత రైతు సంఘర్షణ సమన్వయ సమితి (ఏఐకేఎస్‌సీసీ) నేతృత్వంలో పెద్ద సంఖ్యలో రైతులు ఢిల్లీకి వచ్చారు. 
  • రైతుల సమస్యల పరిష్కారానికి ప్రత్యేకంగా 21 రోజులపాటు పార్లమెంటు సమావేశాలు ఏర్పాటు చేయాలి.
  • పంటల కనీస మద్దతు ధర అధికారం రైతుల చేతుల్లోనే ఉంచాలి.
  • 2018 రబీ వరకు పంట రుణాల్ని సంపూర్ణంగా మాఫీ చేయాలి.
  • స్వామినాథన్‌ సిఫార్సులు అమలు చేయాలి.
  • ఆత్మహత్యలు చేసుకున్న రైతు కుటుంబాలకు రూ.10 లక్షల చొప్పున పరిహారం ఇవ్వాలి.
  • బీమా రాయితీ కల్పించాలి.
  • 2013 భూసేకరణ చట్టాన్ని అమలు చేయాలి.
09:35 - November 30, 2018

ఢిల్లీ : దేశ రాజధాని ఢిల్లీలో అన్నదాతలు కదం తొక్కారు. అనేక రాష్ట్రాల నుంచి వేలాదిగా రైతులు ఢిల్లీకి చేరుకున్నారు. పాలకులకు తమగళం బలంగా వినిపించేందుకు కదలివచ్చారు. దేశవ్యాప్తంగా రైతులు ఎదుర్కొంటున్న సమస్యలకు పరిష్కారం కోరుతూ వామపక్షాల మద్దతుతో 207 రైతు, రైతుకూలీ సంఘాలతో కూడిన అఖిల భారత రైతు సంఘర్షణ సమన్వయ సమితి (ఏఐకేఎస్‌సీసీ) నేతృత్వంలో పెద్ద సంఖ్యలో రైతులు ఢిల్లీకి చేరుకున్నారు. రుణ విముక్తి, పంటలకు గిట్టుబాటు ధర కల్పించాలనే డిమాండ్‌లతో వామపక్ష పార్టీల మద్దతుతో వీరు చేపట్టిన రెండు రోజుల ఆందోళన ప్రారంభమైంది. ముఖ్యంగా ఆంధ్రప్రదేశ్, గుజరాత్, మధ్యప్రదేశ్, మహారాష్ట్ర, తమిళనాడు తదితర రాష్ట్రాలకు చెందిన రైతులు నిన్న చేరుకున్నారు. వీరంతా నేడు పార్లమెంట్‌ వైపుగా ర్యాలీగా సాగనున్నారు. 
రాంలీలా మైదాన్‌ నుంచి పార్లమెంటు వరకు ప్రదర్శన
ఇవాళా రాంలీలా మైదాన్‌ నుంచి పార్లమెంటు వరకు ప్రదర్శన చేపట్టి, అనంతరం సభ నిర్వహించనున్నారు. పార్లమెంటు వరకు అనుమతించకపోతే నగ్నప్రదర్శన నిర్వహిస్తామని తమిళనాడుకు చెందిన ఉద్యమకారులు హెచ్చరించారు. గురువారం నాటి ప్రదర్శనలో వివిధ సంఘాల నేతలు అశోక్‌ దావలే, హన్నన్‌మొల్లా, విజూకృష్ణన్‌, మేధాపాట్కర్‌ తదితరులు పాల్గొన్నారు. కేంద్ర సమాచార మాజీ కమిషనర్‌ మాడభూషి శ్రీధరాచార్యులు, పాత్రికేయులు సాయినాథ్‌, యోగేంద్రయాదవ్‌, ప్రశాంత్‌ భూషణ్‌ తదితర ప్రముఖులు సంఘీభావం తెలిపారు.
రైతుల పుర్రెలతో ర్యాలీకి...
వామపక్ష పార్టీలు, సంఘాలతో ఏర్పాటైన ఆల్‌ ఇండియా కిసాన్‌ సంఘర్షణ కోఆర్డినేషన్‌ కమిటీ(ఏఐకేసీసీ) బ్యానర్‌ కింద వివిధ రాష్ట్రాలకు చెందిన రైతులు ఢిల్లీకి వచ్చారు. వీరిలో నేషనల్‌ సౌత్‌ ఇండియన్‌ రివర్‌ ఇంటర్‌ లింకింగ్‌ అగ్రికల్చరిస్ట్‌స్‌ అసోసియేషన్‌కు చెందిన 1,200 మంది రైతుల బృందముంది. వీరు ఆత్మహత్యలు చేసుకున్న రైతుల కపాలాలను తెచ్చారు. రామ్‌లీలా మైదాన్‌లో జరిగిన సమావేశంలో ప్రముఖ జర్నలిస్టు పాలగుమ్మి సాయినాధ్‌ మాట్లాడుతూ.. ‘దేశవ్యాప్తంగా 600 జిల్లాల్లో వ్యవసాయ రంగం సంక్షోభంలో ఉంది. ఫసల్‌ బీమా యోజన పెద్ద కంపెనీలకు వరంగా మారింది’అని అన్నారు.
రైతుల ప్రధాన డిమాండ్లు...
రైతుల సమస్యల పరిష్కారానికి ప్రత్యేకంగా 21 రోజులపాటు పార్లమెంటు సమావేశాలు ఏర్పాటు చేయాలి. పంటల కనీస మద్దతు ధర అధికారం రైతుల చేతుల్లోనే ఉంచాలి. 2018 రబీ వరకు పంట రుణాల్ని సంపూర్ణంగా మాఫీ చేయాలి. స్వామినాథన్‌ సిఫార్సులు అమలు చేయాలి. ఆత్మహత్యలు చేసుకున్న రైతు కుటుంబాలకు రూ.10 లక్షల చొప్పున పరిహారం ఇవ్వాలి. బీమా రాయితీ కల్పించాలి. 2013 భూసేకరణ చట్టాన్ని అమలు చేయాలి.

 

09:46 - November 29, 2018

ఢిల్లీ : దేశ రాజధానిలో రైతన్నలు కదం తొక్కనున్నారు. గతంలో లాంగ్ మార్చ్ చేసిన రైతులు కేంద్ర..రాష్ట్ర ప్రభుత్వాల పాలనను ఎండగట్టారు. దేశంలో వ్యవసాయ సంక్షోభం..రైతుల సమస్యలు అధికంగా ఉన్నాయని..తమ సమస్యలను పరిష్కరించాలంటూ రైతులు డిమాండ్ చేస్తున్నారు. 207 రైతు సంఘాలతో అఖిల భారత రైతు ఉద్యమ సమన్వయ కమిటీ (ఎఐకెఎస్‌సిసి) ఏర్పాటైంది. ఈ సంఘ నేతృత్వంలో నవంబర్ 29-30 తేదీల్లో లక్షలాది మంది రైతులు లాంగ్ మార్చ్ నిర్వహించనున్నారు. 
Image result for AIKS farmers' long march in Delhiకిసాన్ ముక్తి మార్చ్...
ఈ లాంగ్ మార్చ్‌కి ‘కిసాన్ ముక్తి మార్చ్’ అంటూ పేరు పెట్టారు. ప్రధానంగా ఉన్న 15 సమస్యలను పరిష్కరించాలనే డిమాండ్‌తో ఈ కార్యక్రమం నిర్వహంచనున్నారు. ఢిల్లీ పరిసర ప్రాంతాల నుండి లాంగ్ మార్చ్ మొదలు కానుంది. ఈ మార్చ్ సాయంత్రానికి రాంలీలా మైదానానికి చేరుకుంటుంది. అక్కడ కిసాన్ నైట్ పేరిట ఓ కార్యక్రమం నిర్వహించి నవంబర్ 30వ తేదీ ఉదయం పార్లమెంట్ వరకు లాంగ్ మార్చ్ నిర్వహంచనున్నారు. 
లాంగ్ మార్చ్‌కు మద్దతు...
దేశంలోని అన్ని రాష్ట్రాల నుండి రైతులు ఢిల్లీకి చేరుకున్నారు. మహారాష్ట్ర, పంజాబ్, కర్నాటక, తమిళనాడు, పశ్చిమ బెంగాల్ రాష్ట్రాల నుండి రైతులు భారీగా తరలివచ్చారు. వీరు చేపడుతున్న లాంగ్ మార్చ్‌కు పలు సంఘాలు..మేథావులు..రచయితలు..ఇతరులు మద్దతు తెలిపారు. 

17:48 - November 27, 2018

హైదరాబాద్: 35 అంశాలతో 112 పేజీలతో కాంగ్రెస్ జంబో మేనిఫెస్టో విడుదలైంది. రైతులు, నిరుద్యోగులు, ఉద్యమకారులు, వెనుకబడిన వర్గాలను ఆకర్షించేలా మేనిఫెస్టో రూపొందించారు. అన్నివర్గాల వారి కోసం పథకాలు డిజైన్ చేశారు. అధికారంలోకి రాగానే ముందుగా టీఎస్‌ను టీజీగా మారుస్తామని కాంగ్రెస్ నేత శ్రవణ్ తెలిపారు. తెలంగాణ ప్రజల ఆకాంక్షలు నెరవేర్చేలా మేనిఫెస్టో రూపొందించామన్నారు.

* అధికారంలోకి రాగానే టీఎస్‌ను టీజేగా మార్పు
* అన్ని జిల్లా కేంద్రాల్లో అమరవీరుల స్తూపాలు
* ఉద్యమకారులకు సముచితమైన గౌరవం
* అమరవీరుల కుటుంబాలకు సామాజిక బద్రత
* అమరవీరుల కుటుంబాలకు రూ.10లక్షల రూపాయలు
* తొలి 3 నెలల్లోనే ఉద్యమకారులపై కేసులు ఎత్తివేత
* ఉద్యమంలో పాల్గొన్న యువతకు కాంట్రాక్టుల్లో ప్రాధాన్యత
* ఒకే దఫాలో రైతులకు రెండు లక్షల రుణమాపీ
* 5వేల కోట్లతో ధర స్థిరీకరణ నిధి
* రైతులకు, కౌలు రైతులకు, కూలీలకు రూ.5వేల రూపాయల సాయం
* వ్యవసాయానికి ప్రత్యేక బడ్జెట్
* 17 పంటలకు మద్దతు ధర పెంపు
* ఆత్మహత్య చేసుకున్న రైతు కుటుంబాలకు సామాజిక భద్రత
* నిరుద్యోగ యువతకు నెలకు రూ.3వేల నిరుద్యోగ భృతి
* 20వేల టీచర్ ఉద్యోగాలు భర్తీ
* వార్షిక ఉద్యోగ క్యాలెండర్
* తొలి ఏడాదిలోనే లక్ష ఉద్యోగాలు భర్తీ
* విద్యా రంగానికి 20శాతం బడ్జెట్
* వచ్చే ఐదేళ్లలో 100శాతం అక్షరాస్యత సాధిస్తాం
* ప్రతి ఏడాది రెండు వాయిదాల్లో ఫీజ రీయింబర్స్‌మెంటు
* విద్యాసంస్థలపై ప్రత్యేక మానిటరింగ్
* చెస్ట్ హాస్పిటల్‌ పరిధిలో అధునాతమైన ఆసుపత్రి నిర్మాణం
* ఉస్మానియా ఆస్పత్రిని హెరిటేజ్ బిల్డింగ్‌గా రక్షణ కల్పించడం

15:54 - November 20, 2018

సిద్ధిపేట: తెలంగాణ ఆపద్ధర్మ ముఖ్యమంత్రి కేసీఆర్ రైతులకు శుభవార్త వినిపించారు. వారిపై హామీల వర్షం కురిపించారు. తాము అధికారంలోకి వస్తే రైతులకు ఇస్తున్న 24గంటలు ఉచిత విద్యుత్తును కొనసాగిస్తామని, కోటి ఎకరాలకు సాగు నీరు అందిస్తామని కేసీఆర్ హామీ ఇచ్చారు. రైతుబంధు పథకం ద్వారా వచ్చే ఏడాది నుంచి ఎకరాకు రూ. 10వేలు ఇస్తామని చెప్పారు. ఎన్నికల ప్రచారంలో భాగంగా సిద్ధిపేటలో టీఆర్ఎస్ ప్రచార సభలో కేసీఆర్ ప్రసంగించారు.
తాను కూడా రైతు బిడ్డనే కాబట్టి రైతు కష్టాలు తనకు తెలుసన్నారు కేసీఆర్. రైతాంగం సంతోషంగా ఉంటేనే రాష్ట్రం సుభిక్షంగా ఉంటుందన్నారు. రైతులు అప్పులన్నీ తీరిపోయి వారి బ్యాంకు ఖాతాల్లో 4 నుంచి 5లక్షల రూపాయల వరకు బ్యాలెన్స్ ఉండే రోజులు రావాలని కేసీఆర్ ఆకాంక్షించారు. 
రైతు పండించిన పంటకు డిమాండ్ ఉండాలని ఆకాంక్షించిన కేసీఆర్ అందుకు అనుగుణంగా చర్యలు చేపట్టామన్నారు. తెలంగాణను పంటల కాలనీలుగా విభజిస్తామని... ఏ ప్రాంతంలో ఏ పంట వేయాలనేది అధికారులు చెబుతారని... అక్కడ ఆ పంటలు మాత్రమే వేయాలని కేసీఆర్ చెప్పారు. అప్పుడే మనం పండించిన పంటలకు డిమాండ్ పెరిగి, సంపాదన ఎక్కువగా వస్తుందని వివరించారు. ఇప్పటికే ఈ అంశానికి సంబంధించి వ్యవసాయ యూనివర్శిటీ అధికారులు కార్యాచరణ రూపొందిస్తున్నారని చెప్పారు. ఉమ్మడి ఏపీలో తెలంగాణ రైతులు ఎంత నాశనం అయ్యారో తనకు తెలుసని... రైతులకు అప్పులు లేకుండా ఉన్నప్పుడే వాళ్ల జీవితాలు బాగున్నట్టని వ్యాఖ్యానించారు.

17:08 - November 18, 2018

బెంగళూరు : అన్నదాతల కోసం రాయచూర్ వ్యవసాయ యూనివర్సిటీ విద్యార్థులు ప్రత్యేక డ్రోన్ పరికరాన్ని రూపొందించారు. ఈ డ్రోన్ పరికరం పెస్టిసైడ్స్(పురుగు మందులు) చల్లేందుకు ఉపయోగపడుతుంది. కేవలం గంట వ్యవధిలోనే 2.5ఎకరాల్లో పురుగు మందులు చల్లొచ్చు. గాంధీ కృషి విజ్ఞాన కేంద్రంలో నిర్వహించిన కృషి మేళా 2018లో ఈ పరికరాన్ని ప్రదర్శనకు ఉంచారు. నగేష్, విజయ్ కుమార్, శ్రీనివాస్ అనే ఇంజినీరింగ్ విద్యార్థులు తమ రీసెర్చ్‌లో భాగంగా ఈ పరికరాన్ని రూపొందించారు. ఫార్మింగ్ మిషనరీ టెస్ట్ సెంటర్ డీన్ వీరనగౌడ ఆధ్వర్యంలో వారు ఈ పరికరాన్ని రూపొందించారు.
ఈ డ్రోన్ 5కిలోల బరువు ఉంది. 20కిలోల వరకు బరువు మోసుకెళ్లగలదు. రీచార్జబుల్ బ్యాటరీ ద్వారా పని చేస్తుంది. 20 నిమిషాల పాటు పని చేస్తుంది. ఒక ఎకరా మొత్తం పురుగు మందులు చల్లుతుంది. ఆ తర్వాత బ్యాటరీ రీప్లేస్ చేయాల్సి ఉంటుంది.
వీడియోలు షూట్ చేసేందుకు ఉపయోగించే డ్రోన్లలా వీటిని ఆపరేట్ చేయాల్సిన అవసరం ఉండదని విద్యార్థులు చెప్పారు. జియోలొకేషన్‌కు సంబంధించిన వివరాలను ఇందులో ఎంటర్ చేస్తే సరిపోతుందన్నారు. ఇక తనంతట తానే ఆటోమేటిక్‌గా పని చేసుకుపోతుందన్నారు. జీపీఎస్ ఆధారంగా ఇది పని చేస్తుందన్నారు వివరించారు. పురుగు మందులు చల్లేటప్పుడు ఎలాంటి దుష్పరిణామాలు తలెత్తకుండా జాగ్రత్తలు తీసుకున్నామన్నారు. ప్రస్తుతం 30కిలోల బరువు మోసే డ్రోన్లు తయారు చేసే పనిలో ఉన్నామన్నారు. త్వరలోనే దీన్ని మార్కెట్‌లోకి విఃడుదల చేస్తామని, దీని ధర రూ.5లక్షలు అని తెలిపారు. రైతులకు ఈ ధర మరీ ఎక్కువ అనిపించినా.. చాలా ఉపయోగాలు ఉంటాయని విద్యార్థులు వివరించారు. చాలావరకు కూలీల ఖర్చు తగ్గిపోతుందన్నారు.
పరుగు మందులు చల్లే విషయంలో రైతులు తీవ్ర ఇబ్బందులు పడుతున్నారు. వాటిని చల్లే సమయంలో అవి చేతులకు తగలడం, ఊపిరితిత్తుల్లోకి వెళ్లడం వంటివి జరుగుతున్నాయి. దీంతో వారు అనేక ఆరోగ్య సమస్యలు ఎదుర్కొంటున్నారు. ఇలాంటి సమస్యలకు చెక్ చెబుతూ విద్యార్థులు డ్రోన్ పరికరాన్ని రూపొందిండడం విశేషం. ఇది రైతులకు లాభదాయకమే కాకుండా  వారి ఆరోగ్యాన్ని పరిరక్షిస్తుందని చెబుతున్నారు.

Pages

Don't Miss

Subscribe to RSS - farmers